رواية أحببته صدفة الفصل الثالث 3 بقلم إيمان شلبي

رواية أحببته صدفة الجزء الثالث

رواية أحببته صدفة البارت الثالث

رواية أحببته صدفة الحلقة الثالثة

،فات شهر علي اليوم ده ،شهر علي اخر مره شافته فيه لمار ،كان رده في اليوم ده غير متوقع بالمره ،لسه فاكره كل اللي حصل في اليوم ده بالتفصيل
فلاش باااك
بلال وهو بيبصلها وبلامبالاه : تاكلي ترمس؟
لمار بتوتر : ب بلال انت سمعتني ؟
بلال :تحبي نقوم نمشي
لمار بعصب*يه : بلال انا بكلمك !!
بلال ببرود : تمام يبقي نقوم نمشي
لمار بعص*بيه اكبر : ما تجنن**يش انت ليه مش بترد عليا
بلال قام وقف قدام البحر وربع أيده الاتنين واتنهد وقالها بحزن …
لا يالمار مش هقدر
لمار قامت وقفت جنبه وسألته باستغراب : ليه ؟ مش فاهمه
بلال اتنهد تنهيده تحمل الف معني ومعني وهو باصص في عينيها وبيتكلم بنبره حزينه ومكسوره : عايزه تعرفي ليه ؟
لمار وهي بتهز رأسها بدموع : اه
بلال وهو بيبصلها بحب وعشق : عشان بحبك يالمار ..
لمار وهي بترمش عينيها اكتر من مره بتوتر واستغراب : ب بتحبني !
بلال وهو بيبص تاني علي البحر وبسخريه : شوفتي خي*بتي حبيت واحده بتحب اخويا …
لمار بتوتر : ب بتحبني ازاي ،ازاي وانا عمري ماشوفتها في عينيك !
بلال وهو بيبتسم بحزن وسخريه مريره : يمكن عشان شايف حبك وتعلقك بمحمد اخويا ،يمكن عشان شايف انك مش بتطي*قي تشوفيني وكل مره تخلقي اي خناقه معايا عشان تلفتي انتباه محمد ويفضل يواسيكي ،يمكن عشان شايف أني بحبك من طرف واحد ،يمكن عشان حاجات كتيره اوي انتي مش عارفاها يالمار …
لمار كانت بتسمعه ودموعها بتنزل علي خدها زي الشلال ،مكانتش تتوقع ابدا انها تبقي في الموقف الصعب ده ،مكانتش تتوقع أن بلال اكتر بني آدم اتخ*انقت معاه ومش بتتفق معاه يطلع بيحبها !
ليه الدنيا مش عادله ،ليه نحب ناس مش قادره تحس بينا ولا بوجودنا ،مش قادره تحس باشتياقنا اننا نكون معاهم لحظه واحده ،مش قادره تحس بقلوبنا اللي بتروحلهم ،ليه الخلق بتحب ناس بتحب ناس غيرهم !!
” طبقا لقوانين الحياه ،بنحب ناس بيحبوا ناس غيرنا ”
اتنهدت لمار وبصتله وقالت بكل أسف : انا اسفه يابلال ،اسفه اني اذيت*ك ،اسفه
بلال بسخريه : متتأسفيش ،نمشي !
لمار وهي بتبتسم باهتزاز ومدت ايديها : نبقي صحاب ؟!
بلال بص لايديها وقال بسخريه : عمرنا ما هنبقي صحاب يالمار ،يالا نمشي
لمار هزت راسها وروحوا ومن اليوم ده بلال اختفي من حياتها …
باااك
كانت قاعده في اوضتها بتتنهد ودموعها نازله علي خدها ..
اتأكدت انها محب*تش محمد ولا عمرها هتحبه هو عمره ما يكون اكتر من اخ وصاحب وبس انما كحبيب استحاله ..
اشتاقت لوجود بلال ،ايوه هي كمان مستغربه نفسها زيكوا كده ،ازاي تشتاقله ،بلال اللي دايما كانت تتخ*انق معاه ،اللي دايما شايفه أنه بني آدم سم*ج وبيحب يعصبها ..
بس حياتها كانت ليها معني تاني بوجوده ،اشتاقت لخناقتهم اليوميه ،اشتاقت لضحكته اللي كانت بتستفزها ،حتي الغمازه اللي كانت مزينه خده الشمال اشتاقتلها ،لون عيونه الرمادي اللي كانت تبصلها بعصبيه وغيره مكتومه لما كان يشوفها واقفه مع محمد اخوه ..
معقوله هي كانت غبيه للدرجادي ومحستش أنه بيحبها !
………………………………………..
أما عن بلال فكان قاعد في أوضته في الشقه بتاعته في اسكندريه ،هو سافر لانه مكانش قادر يشوف لمار حبيبته جواها حنين وحب لحد غيره والإصعب أنه اخوه …
سافر عشان ميعلقش نفسه بحبال دايبه ..سافر عشان هو مش حمل يتعلق بيها اكتر من كده !
ميقدرش ينكر أنه مشتاقلها ،ميقدرش ينكر أنه نفسه يشوفها حتي ولو دقيقه يشبع عينه من طلتها ،بس كرامته منعاه يرجع ،مش قادر يشوف نظره الشفقه اللي في عينيها في الوقت ده افتكر جمله قالها عمرو حسن في قصيده ” خلينا صحاب ”
“كانت عارفه أن الموقف صعب ،والصعب ان حبيبتك تتعاطف علشان تواسيك ”
وهو كذلك لمار اتعاطفت مع بلال وقالتله نبقي صحاب ،ا*لغبيه مش قادره تفهم أنه مش قادر يشوفها غير حبيبته وبسسس ،ليه تضغط عليه ،ليه تعيد الجمله تاني وتقوله خلينا صحاب ،حتي بعد ما عرفت أنه بيحبها !!
معقوله هي قلبها قاس*ي للدرجادي ،معقوله مفيش في قلبها مشاعر عشان تقول للشخص اللي حبها خلينا صحاب ،كان طول عمره يسمع عن الو*جع بس عمره ما جربه غير اليوم ده وخاصه في الدقيقه اللي قالتله فيها خلينا صحاب ….
…………………………………………..
فاتت سنه كامله ،والقلبين مفترق*ين ..
النهارده فرح محمد وحبيبه ..
لمار كانت اسعد واحده في الدنيا ،كانت مبسوطه اوي أن النهارده فرح اكتر اتنين بتحبهم ..
اكتشفت انها فعلا مح*بتش محمد وأنها بتحب بلال الغايب من سنه …
حبيبه بتوتر : ل لمار ا انا خايفه اوي
لمار وهي بتحاوط وشها بحب : انتي مش بتحبي محمد
حبيبه بحب: اوي اوي ياحسن
لمار بضحك : لا واقعه واقعه يعني
حبيبه بضحك وإحراج : بنت
لمار : هههههه خلاص متحمريش اوي كده ،ا انا نازله لمحمد هشوفهم لو محتاجين حاجه ،بما أنه اخويا بقي
حبيبه بسخريه : يعني انتي مش نازله عشان تشوفي بلال اللي بقاله سنه مجاش ؟ توء توء نازله اشوفهم لو محتاجين حاجه
لمار بتوتر : بنت عيب
حبيبه وهي داخله الحمام وبسخريه : ياستي اتنيلي ياكش نفرح بيكوا بقي ونخلص من الهيصه ديه
لمار بتوتر وخفوت : هو باين عليا اوي كده اني بحبه !
نزلت تحت خبطت الباب وهي حاطه ايديها علي قلبها بتوتر وخوف ..
فتحلها بلال اللي رجع ليله امبارح عشان فرح اخوه ،كان شكله متغير اوي الحزن باين علي ملامحه ،ج*سمه خاسس النص ،بس بالرغم من كل ده لسه وسيم زي ماهو ..
لمار وهي بتبلع ريقها بتوتر : ا ازيك يابلال
بلال ببرود : الحمد لله يالمار اتفضلي ..
لمار هزت راسها ودخلت وحاولت تضيف نوع من المرح في البيت
ولا امحماااااا امحرررووووس ولا امحما امحرووووس الاااا
محمد خرج من الأوضه وهو بيضحك علي لمار صاحبته المجنونه …
محمد بضحك : اي ياما اي بتنادي سواق ميكروباص
لمار بمرح : وافرحي ياعروووسه
محمد وهو بي*رقص وبيكمل بمرح : انا العررريس
لمار وهي بتبص لبلال : طااال الغياب وهواك غلاااب مشتاق لضي عينيك
محمد باستغراب : لا مؤاخذه الاغنيه ديه حزينه متلقش علي فرح بتغنيها ليه ياليمو !
لمار وهي بتحط ايديها تحت دقنها وبتفكير وهي لسه بتبص علي بلال : صح استني ،ايوووه لقيتها …
لمار وهي بتغني بصوت جميل في الحقيقه هي صوتها حلو جدا : طول عمرررري بخااااف من الحب وسيره الحب ،وظل*م الحب لكل أحبابه ،وقابلتك انت لقيييتك بتغير كل حياااتي ،معرفش ازاي انا حبيتك ،معرفش ازاي ياحياتي
لمار وهي بتبص لمحمد اللي واقف وفاهم كل حاجه : انت تعرف ازاي احمو !
محمد وهو بيهز رأسه : والله ما اعرف
لمار بمزاح : طب ما تسأل كده ياجدع الناس اللي واقفين مش يمكن يكونوا عارفين !
محمد بتساؤل: انت تعرف يابلال ..
بلال ببرود : انا نازل اجيب فطار من تحت سلام ..
لمار بصتله بزعل ودموع ..
محمد بحزن : بتحبيه !
لمار وهي بتلف بتوتر : هه ه هو مين
محمد بمرح : يابنتي باين اوي عليكي انك بتحبيه ده الناس كلها عرفت ..
لمار بحزن : بس هو مش بيحبني
محمد بغمزه : بي*موت فيكي
لمار بلهفه وفرحه: بجد ،بجد عرفت منين هو اللي قالك !
محمد بغموض : لا
لمار باستغراب : اومال مين ؟!
محمد : هتعرفي بليل في الفرح ..
لمار بفضول : لا ارجوووك دلوقتي
محمد : توء اسف مش هقدر ويالا اتكلي وخليكي مع حبيبه واهتمي بيها وفطريها عايزها بصحتها …
لمار بقرف : ياخي اتنيل هي بتعتق ديه اكلت من الصبح لحد دلوقتي عشرين رغيف ..
محمد بهيام : بالهنا والشفا علي قلبها
لمار بسخريه : نينينيى يخربيت التلز*يق انا ماشيه قبل ما مرارتي تتفقع ..
…………………………………………..
جه الليل والكل كان بيجهز عشان الفرح ،حبيبه لبست فستان ابيض جميل جدا كان شكلها زي الاميرات ،اما عن لمار كانت لابسه فستان احمر وشكله جميل عليها وحاطه ميك اب رقيق زي رقتها ..
محمد وبلال كل واحد فيهم لبس بدله كان محمد لابس واحده سوده وبلال رمادي زي لون عينيه ..
الكل جهز ونزلوا لتحت عشان يروحوا علي القاعه …
لمار شافته قلبها دق بطريقه رهيبه لاول مره تحس انها نفسها تقوله كده ..
لمار بخفوت : شكلك حلو اوي
بلال ببرود : شكرا
لمار بعيظ: ياجدع انت لاغيني اقولك شكلك حلو تقولي وانتي كمان قمر
بلال وهو بيبصلها من فوق لتحت ببرود اكبر : مش بطال
لمار بعصبيه وهي بتجز علي أسنانها : بلالللل
بلال وهو بيفتلحها باب العربيه وبيقول بسخريه : اتفضلي ياليمو
لمار وهي بتهز رأسها بتهديد : ماااشي
كانوا مشغلين اغنيه في العربيه وبير*قصوا كلهم حتي بلال اللي كان شكله مش طايق نفسه كان بير*قص ..
لمار قررت تنكد عليه وقفلت الاغنيه وشغلت اغنيه تانيه وكانت حزينه …
لمار بصوت عالي وهي بتغني وبتعبر عن مشاعرها : حبيته بيني وبين نفسسييي ومقولتلووش علي اللي في نفسي ..
حبيبه ومحمد في نفس واحد : اومااااال
لمار وهي بتبص علي بلال وبهيام : معرفش ايه بيحصلي لما بشووووف عينيه !
بلال قفل الاغنيه وشغل اغنيه تانيه لتامر عاشور : تيجي نترررراهن انك راجعه وان ساعتها مش هتلاقي حجج تقوليها واني هدير وشي يوميها عشان ازود علي اوجاعك مليون وووواجعه
محمد بخفوت لحبيبه : ك*ذاب ك*ذب الإبل
حبيبه بضحك : حصل
لمار وهي بتقفل الاغنيه وبتقوله بعصبيه : بقولك ايه
بلال ببرود : بتكلميني انا ؟
لمار : اه بكلمك انت
بلال : خير ؟
لمار : بص بقي ياريس المأذون اللي هيكتب كتاب محمد وحبيبه هيكتب كتابنا احنا الاتنين اميييين !!!
محمد بمرح : الف الف مبروك زعرطي ياحبيبه
حبيبه وهي بتزغرط : لولولولولولولي ..
بلال وهو بيبصلها وبمكر: ان شاء الله ياحبيبتي روحي كلي جاتوه
لمار اتنهدت بعصبيه وبصتله بغ*يظ وبلال كمل سواقه لحد القاعه ..
بدء الفرح والكل بدء يرقص ولمار كانت بترقص بفرحه مع اختها ..
أما عن بلال كان واقف هيتجن حاسس ب*غيره من عيون الناس الشباب اللي بتبصلها …
راح وقف جنبها وقالها بخفوت : خفي شويه
لمار وهي بتبصله ببرود : بتكلمني ايه
بلال وهو بيجز علي أسنانه : لمار متعصب*نيش وخفي رقص شويه بدل ما اكس*رلك رجلك ..
لمار بفرحه : انت بتغير عليا ؟
بلال بغيظ : مش خطيبتي وشويه وهنكتب الكتاب ..
لمار بتوتر : ا انت موافق
بلال وهو بيبصلها بغيظ: انتي غ*بيه !
لمار بغيظ : والله ماحد غب*ي غيرك ،مش عارفه انا بحب فيك ايه
بلال بصدمه : انتي قولتي ايه
لمار بتوتر : م مقولتش حاجه
بلال وهو بيبص في عينيها وبهمس: لمار
لمار بتوتر وهي بتبص في كل الاتجاهات غير عينيه : ن نعم
بلال : بتحبيني ؟
لمار هزت راسها بحب : بحبك يابلال ،اكتشفت اني بحبك اوي ..
بلال بصوت عالي وبفرحه : المأذون ياااااااا
بعد مرور سنه
انتي بتبصي علي ايه تحبي الفهولك في ساندوتش ؟
ديه كانت جمله لمار لبنت قاعده في نفس الكافيه اللي هما قاعدين فيه ..
البنت بقر*ف: وانا هبصله ليه يعني
لمار وهي بت*شهق بطريقه شعبيه : نعم ياختي تبصيله علي ايه انا جوزي قمر ياعنيا ده حتي شبه عمر اللي في مسلسل حب للايجار …
بلال بإحراج وهو بيبص علي الناس اللي بدئت تتفرج عليهم : لمار خلاص اهدي
لمار بع*صبيه : ولو ولوووو لازم اربيها
بلال بح*ده : لمار خلاص
لمار وهي بتقعد بخوف : لو مكنتش حلفت بس
بلال بغيظ : عجبك كده الناس كلها بتتفرج علينا ..
لمار بغيظ: ماهي اللي بتبصلك
بلال وهو بيضحك علي تعبيرات وشها وبيقول بتريقه : ماهي اللي بتبصلك
لمار : انت بتتريق عليا لتكون عجبتك يابلال
بلال : وهو في حد بيعجبني غيرك ياجميل
لمار بضحكه هادئه : بتثبتني وانا بضعف قصاد عينيك القمر ديه ..
بلال وهو بيمسك ايديها بحب : لمار
لمار بحب : عيونها
بلال : انا بحبك اوي
لمار وهي بتبص في عينيه اللي بقت تعشقها : وانا كمان بحبك اوي
بلال : لمار
لمار بهيام : امممم
بلال بضحك : هرمو*نات الحمل طافحه عليكي ياحبيبتي مش كده
لمار وهي بتكشر وبتبصله بعيظ : بلال طلقني ،طلقني يابلال بدل ما اقوم ار*قع بالصوت وافرج عليك الكافيه كله
بلال : تاكلي مولتن ؟
لمار : احم احنا ممكن ناجل قرار الطلاق لحد ما تطلبلي المولتن
بلال : هنروح اسبوع شرم
لمار : احم ناجل الطلاق لاسبوع كمان
بلال : وبعدها هنطلع اسبوعين لندن عشان عندي شغل هناك
لمار : انا بقول كار الطلاق ده مش كارنا احنا اتنين بنحب بعض ولازم نستحمل بعض ..
بلال وهو بيضحك عليها : مجن*ونه والله
لمار : قلب المج*نونه
بلال برفعه حاجب : وه*بله
لمار : روح قلب اله*بله
بلال باستغراب : وده من ايه بقي ؟
لمار : ليه وانت عايزني ارد عشان تضيع عليا السفريه بتاعه لندن !!
بلال بقرف : بتاعه مصلحتك
لمار : بقولك ايه ياحبيبي
بلال بابتسامه صفراء : عيوني ياحبيبتي
لمار : انت بتحبني
بلال وهو بيهز رأسه بيأس: انتي لسه بتسألي يالمار ؟
لمار : كل دقيقه وكل ثانيه عايزه أتأكد انك بتحبني
بلال : طب ياستي أنا مش بحبك
لمار بصدمه : ايه
بلال : انا بعشقك
لمار وهي بتبص في عينيه : انا كمان بحبك اوي
راجل حزين و اتساب أكتر ما ساب بكتير
فقد الأمل بالألم، ولقاكي بانله ضمير
ف ان كنتي هترديه، عداكي عيب واتنين
و ان كنتي هتطاوعيه، تاخدي الثواب ثوابين
و ان كنتي هتضميه وتكوني أم وأب
هيكون عشانك سكن وحاجات كتير تتحب 🖤
تمت
” تصدق بالله ياريتني كنت أنا يا اخي 😂😂😂🥲”