رواية البر التاني الفصل الخامس والخمسون 55 بقلم لولو محمد
رواية البر التاني الجزء الخامس والخمسون
رواية البر التاني البارت الخامس والخمسون
رواية البر التاني الحلقة الخامسة والخمسون
عباده بيتقلب فى السرير و خديجه نايمه يقوم يفتح باب الحمام و يدخل يغسل وشه و يبص لنفسه فى المرايه و يطلع و يقفل الباب و يلبس العبايه و يقفل الباب على خديجه و ينزل يروح المران يفتح الباب يلاقي مختار مركب كاتم الصوت و عمال يضرب نار و يجيب معظم الاهداف
عباده / ايه الحلاوه دى
مختار يتخض و يبصله و يبتسم
عباده / مش جايلك نوم انت راخر و لا ايه
مختار / هند اتكلمت عنه كتير قولت اجربه حلو اوى
عباده / دافعين فيه الشئ الفلانى على الله يطلع بفايده
مختار / المامور خلى الكبير يمشي الصيدلى
عباده / حوارنا مش معاه
مختار / قربت مننا اوى دخلت البلد و عششت فيها و لولا ستر ربنا
عباده / ما كل حاجه بتمشي بستر ربنا
مختار / و نعم بالله
عباده / انت متوتر و ناقله لمراتك الله يرحم اما كانت بتعيط عشان بتجبرها على المران النهرده طلعت روحى و كل شويه ترجع عاوزه تحاول تانى
مختار / و حاولت لما طلعت نمت
عباده / و ماله مش عيب
مختار و عباده يبصوا لبعض و يبتسموا
عباده / كل حاجه هتبقي تمام ما تشيلش هم
مختار / هو ده بيحصل معانا ليه
عباده / يا اخى احمد ربنا احنا احسن من غيرنا احنا احسن من غيرنا بكتير بص حواليك و انت تعرف
مختار / الحمد لله .. سيبك منى انت ايه اللى نزلك السعادى
عباده / نزلنى اللى نزلك عاوز اجرب اشوف بفترى على الحريم زى ما امى بتقول و لا ممكن اجيبها
مختار يناوله المسدس و هو مبتسم
مختار / عاوز اشوف
عباده / ما تشوف يا خويا هخاف و لا ايه
مختار / ازاى … بس استنى اما اغيرلك الالواح اللى بوظتها انا
عباده / يا جامد
مختار يروح يغير الالواح و عباده يملا المسدس رصاص
………………….
فى اوضه رشيد
رشيد يقفل اللاب و يتمطع و يروح ينام فى السرير سمر تصحى
رشيد / صحيتك و لا ايه
سمر تهز راسها لا
رشيد / عامله ايه دلوقت
سمر / احسن شويه
رشيد / لسه فى وجع
سمر / ايوه بس اخف كتير من التانى
رشيد / حقك عليا جيت عليكي جامد
سمر / ما تشغلش بالك كتر خيرك على كل اللى عملته معايا لحد دلوقت
رشيد يبتسم سمر تبتسم و تبص الناحيه التانيه و ترجع تبصله
سمر / هو انت جايب عنيك دى منين
رشيد / من البقاله اللى على الناصيه
سمر / هههههههه ما اقصدش اقصد من باباك و لا مامتك
رشيد / مش عارف
سمر / انت ما تعرفهمش
رشيد / مش فاكرهم اصلا و الشهاده لله مش عاوز افتكر
سمر / ليه
رشيد / عشان اكيد هضايق اكيد هحن كدا اريح
سمر / مش يمكن محتاجينك
رشيد / لا … مش محتاجيني .. و لا انا محتاجلهم .. فين عيلتك يا سمر
سمر / موجوده بس علاقتنا ببعض باظت اوى فى الفتره الاخيره هم و اخويا يعني … كان فى بينهم علاطول خناقات
رشيد / يعني ما لكيش اى حد ينفع تروحيله لما كل ده يخلص ان شاء الله
سمر / هينفع؟ هيفتحولى الباب بعد كل اللى حصلى
سمر تتالم
رشيد / انتى كويسه ؟
سمر تهز راسها
سمر / اهلى ناس محترمين .. اخلاق و تعليم .. و انا زى ما انت شايف كدا
رشيد / مرحله و هتعدى
سمر / انت سفرك بره نساك مصر و لا ايه .. مفيش هنا فرصه تانيه للى زيي .. احنا بنضغط على المطلقه و الارمله عشان مش بنات ما بالك بقي باللى زيي
رشيد / طظ فيهم كلهم ما حدش منهم بياكلك
سمر / والله لو كان على الاكل ما كان ده حصل
سمر تعيط
سمر / والله لو كنت هموت من الجوع ما كنت هعمل كدا … والله كان غصب عنى
رشيد يحضنها
سمر / والله كان غصب عنى والله
رشيد / بفكر لما كل ده يعدى اشترى مركب كبير و افتح شركه استيراد و تصدير
سمر تبصله
رشيد / او سياحه …شركه سياحه اسفر الناس بره
سمر / بالحلال يعني
رشيد / ما بنى على باطل فهو باطل مش هنضحك على روحنا الفلوس اللى معايا كلها او على الاقل معظمها حرام
سمر / يعني هتكمل فى التهريب
رشيد ينام على ضهره و يتنهد
رشيد / لا هبطل … ممكن على خفيف
سمر تبص الناحيه التانيه
رشيد / مهو ديل الكلب بقي
سمر / انا لما كل ده يعدي
رشيد يبصلها
سمر / هشوفلى حته اقعد فيها و اشوفلى شغلانه .. اى حاجه مش مهم .. و اقفل عليا الباب لا عاوزه احتك بحد و لا اتعامل مع حد
رشيد / مش هتيجي معايا ؟
سمر تبصله
رشيد / مش كنا اتفقنا هنلف الدنيا و تطبخيلى .. هتخلى بيا بعد كل ده
سمر تبتسم بتعب
رشيد / ما دام ما لكيش حد و انا ماليش حد ما تخليكي معايا و اهو اللى تعرفه احسن من اللى ما تعرفوش
سمر / ما نفسكش ترجع ملك زى زمان الشقره على يمينك و الحمره على شمالك
رشيد / ساعات بيهفنى الشوق مش هنكر بس دى فيها محشي و ملوخيه و انا ضعيف قدام المحشي و الملوخيه
سمر تبتسم رشيد يبتسم
سمر / ههههههههههههههه
رشيد / ها قولتى ايه ؟
سمر / فى ايه ؟
رشيد / هتخليكي معايا
سمر تهز راسها اه رشيد يبتسم
رشيد / نامى بقي شويه لو مش هتنامى انا منزل فيلمين جداد حطى السماعات و اتفرجى بهدوء و سبيني انام انا
سمر / هنام
رشيد / احسن برده
رشيد يطفى النور و ينام على ضهره و سمر نايمه على جنبها و بصاله
سمر / ماما متوفيه فخالتوا هى اللى كانت بتنزل معايا
رشيد يبصلها
سمر / كانت بتدفع لو مش معايا او لو الفلوس اللى معايا خلصت و لما نروح اخويا كان بيحاسبها و خطيبي كان بيجي يسهر معانا يتفرج على اللى جبناه نسهر للصبح نضحك و نهزر اخويا ساعات كان بيسبنا لوحدنا و ساعات كان بيرخم
رشيد ينام على جنبه و يبصلها
سمر / عمره ما حاول يحط ايده عليا عمره ما زعلنى او عاملنى وحش لما كل حاجه باظت تعب اخويا و عصبيته و الديون اللى فجاه بقت علينا لكل الناس ما كانليش غير مكان واحد اروحله
سمر تعيط
سمر / شخص واحد … اقوله ساعدنى … قولتله ساعدنى
سمر تعيط اوى و تقوم تدخل الحمام رشيد ينفخ
……………………
فى البلد
ناصر بيتمشي و مانج عبد الله
ناصر / ما انت لو دخلت عليهم بمنظرك ده هنضطر نقولهم كل حاجه و ما ينفعش نقول اتخانقت تانى
عبد الله / ما حضرتك مش هتفضل بايت بره السرايا كل ده
ناصر / خليهم يرتاحوا منى شويه
عبد الله / و هى السرايا ليها طعم من غيرك برده يا كبير
ناصر / و لا ليها طعم من غيرك بس نعمل ايه حسبي الله و نعم الوكيل فى اللى كان السبب
عبد الله / ما تزعلش منى يا كبير بس هو انا حقى كدا خلاص مش هنلاقي العيال دى
ناصر / هنلاقيهم ان شاء الله اكيد هنلاقيهم المهم دلوقت هاخدك و نروح نطمن على عباس دا واجب و انت ابو الواجب مهما كان الخلاف اللى بينكم
عبد الله / ما فيش خلاف و لا حاجه انا اليومين دول اتعلمت درس مهم اوى يا كبير
ناصر / طب ما تعلمنى
عبد الله / ههههههههههههه اتعلمت ان مهما كانت الخلافات اللى بينا صغيره فى ناس مستنياها عشان تدخل بينا و تكبرها
ناصر / راجل يا عبد الله
عبد الله يبتسم و يمشي مع الكبير
………………….
فى اوضه هند
هند بتروق الاوضه و مريم بتساعدها
مريم / ما هى امى مش مرسيانى على حوار و خايفه اتكلم مع خالتى ام عبد الله اقلقها انتى هاديه كدا ليه
هند / و اقلق من ايه لا ده لوحده و لا ده لوحده
مريم / ان ما كانش مختار ما بتقلقيش
هند / شوف البت يا بنتى اتنين رجاله قاعدين سوا و بيروحوا و يجوا سوا
مريم / بيروحوا اه لكن ما بيجوش ابويا بقاله يومين بايت بره السرايا و دى ما بتحصلش الا لو فى حاجه كبيره
هند / ايوه كان فى حاجات كبيره مش حاجه واحده بس الحمد لله انها بعيد عننا و بعدين هو عبد الله ما كلمكيش يعني
مريم / كلمنى ما قولتش حاجه بس قلقانه برده
هند / قلقانه و لا واحشك
مريم تضربها بالمخده هند تضحك
مريم / عليكي بواخه مش على حد كملى لوحدك
مريم تمشي
هند / قال يعني كنتى جايه تساعديني عشان خاطر عيونى
مريم تبصلها و تقفل الباب وراها و تمشي و هند بتضحك
………………………
فى اوضه ماجده
عباس نايم فى السرير و الكل حواليه
ناصر / قوم انت بس بالسلامه و ساعتها نشوف
عباس / انت مصدقهم يا كبير ان ما لهمش دخل باللى حصل
مغاورى / الراجل حلف و بعدين
عباس / اللى يتهجموا على الحريم ما لهمش كلمه يا مغاورى
عباده / احنا عاوزين راس الحيه مهما هتضرب فى رجالتها طول ما هى على رجليها هتجيب رجاله جديده
عباس / و ماله نخلص على ولاد ابو فارس و بعدين نفوقلها
شاهين / و هيتبقي مننا كام واحد على كدا يا عباس يفوقولها
عباس / و احنا شويه و لا ايه
ناصر / ما احناش شويه بس مش هنخليها تجرنا فى السكه اللى رسماهالنا
عباس / اللى تشوفوه بس حقى مش هسيبه
ناصر / و لا احنا هنسيبه ما تقلقش
ماجده تخبط على الباب شايله صينيه عليها كبايات شاى ياخدوها منها تمشي و تنزل المطبخ تلاقي كوثر قاعده بتلف محشي وسط الستات
كوثر / بيتكلموا فى ايه
ماجده / ما سمعتش اديتهم الشاى من على الباب و نزلت
كوثر / و حتى لو سمعتى مش هتقولى هو انا مش عرفاكى … يقتلوا القتيل و يمشوا فى جنازته
ام مغاورى / شوفتى عبد الله بيقولوا قلبه وقف يا حبه عيني و لحقوه فى اخر ثانيه
كوثر / حبه عينك !!! صبرنى يارب
كوثر تقوم و تسيب المكان و تمشي
ام مغاورى / ربنا يهدى
……………………
بعد يومين فى سرايا الزنايته
مريم بتغرف الاكل فى المطبخ و تحطه على صينيه شيرى تدخل تشيل الصينيه مريم تلحقها
مريم / عنك انتى انا هشيلها
شيرى / كفايا عليكى الغرف
مريم / لا ما تتعبيش نفسك مش حوار
شيرى تبتسم
شيرى / خلاص هغرف انا مكانك
مريم / هو عبد الله كلمك النهرده ؟
شيرى / اه هيتغدوا و يرجعوا
مريم / هو ينفع يعنى كل الوقت ده بايت بره البيت
شيرى / هنعمل ايه ما اديكى شايفه الدنيا و الحاجات بتيجي ورا بعضها و بعدين بصراحه انا ما صدقت قالى هيروح مصر قولت مصلحه يجيب الايجار و الايراد معاه
مريم / مهم كانوا ممكن يبعتوه على البريد يعنى مش لازم يسافر يعنى
شيرى / كدا كدا الرجاله كانوا مسافرين قالى هيغير جو
مريم / يغير جو من حبسته اوى ما هو بقاله كام يوم فى الشارع امال احنا نعمل ايه ؟
شيرى / ههههههههههههههههه على فكره عبد الله من يومه ما بيطيقش حبسه البيوت حتى لما كان فى ثانويه عامه برده كان لازم ينزل يخرج حتى اسالى عمك كان بينزلوا يروحوا الجيم سوا و انا اعمل زيك كدا دا وقته حبكت و الكلام ده بس طبعا ما حدش بيسمع
مريم تهز راسها موافقه
شيرى / لما يرجع هملصلك ودانه هقوله كنت تعال سلم علينا قبل ما تسافر
مريم / لا ما لوش لزوم
شيرى / ايه هتملصيهم انتى ؟
مريم تضحك شيرى تطبطب عليها مريم تشيل الصينيه و تمشى
……………………..
فى المران
مختار قاعد على لوحه التحكم و هند بتنشن و بتجيب واحده و تضيع اتنين انتصار تدخل
انتصار / الغدى يا جماعه
هند / خمسه بس
انتصار / الحرب مش هتقوم بكره الصبح ارحمى الجهاز يلا يا جماعه الاكل اتحط
مختار يطفى الجهاز و يقوم و هند بتنفخ
هند / انا بكره الجهاز ده
مختار / ما انا ما جبتهمش كلهم برده
هند / بس بتحسن ما تنكرش
مختار / انتى ما فيش منك اساسا
هند تبتسم و يروحوا يقعدوا على الاكل
ناصر/ سامع انك مولعاها
هند / انتوا بتعجزونا بالبتاع ده على فكره
عباده / يعنى العيب ما طلعش فيا يعنى
مختار / لا جابت المرادى
عباده / يا بخت من كان اللى بيشغل الجهاز جوزها
مختار / بمجهودها يا خفيف
هند / ما تسكتلوش
فاطمه تحط صينيه عليها بطتين كبار
مختار / الصمت فى حرم الجمال جمال
انتصار تدخل شايله صينيه تانيه عليها باطتين تانين
انتصار / فى فى الفرن تانى بيتحمر
ناصر / و الرجاله اللى بره
شاكر / يا اخى ما زهقتش من السؤال ده ما كل يوم نفس السؤال و تسمع نفس الاجابه
ناصر / ما لناش غيرهم يا عمى
خليفه يدخل
خليفه / لا مؤاخذه يا كبير
ناصر / مؤاخذتك معاك اقعد كلك لقمه حماتك بتحبك
خليفه / الله يرحمها يا كبير بس سى مغاورى بره و بيستاذن يدخل
شاكر / و هو مغاورى محتاج استاذان ناديله بسرعه … طبق يا فاطمه
فاطمه / عينى حالا
فاطمه تقوم تفتح البوفيه تجيب طبق و الكل يستاخر و يفضوا مكان لكرسى مغاورى يدخل
مغاورى / انا شكلى جيت فى وقت
ناصر / جيت فى معادك بالملى اقعد كل
مغاورى / انا بس كنت جاى لعمى شاكر عشان يعنى
شاكر / لا كلام و لا سلام اقعد كل و بعدين نتكلم براحتنا و احنا بنشرب الشاى
ناصر / اقعد يا مغاورى انت محتاج عزومه و لا ايه
مغاورى يقعد و فاطمه و انتصار يغرفوله
مغاورى / يدوم العز
مغاورى ياكل معاهم و الكل مبسوط
……………………
فى اوضه رشيد
رشيد بيلعب عربيات على الموبايل
سمر / ما تجيب دور بدل الملل ده
رشيد / لما اخسر
الباب يخبط
رشيد / شوفى مين شوفى مين
سمر / هيكون مين يعنى قوم يا رشيد
رشيد يديها الموبايل و يقوم يفتح الباب متوارب يلاقى فيرا
فيرا / مستنياك تحت
رشيد يهز راسه و يقفل الباب وراه و ينزل ورا فير
افيرا / اوعى اكون جيت فى وقت مش مناسب
رشيد / يا ستى وقتى كله ما يغلاش … خير
فيرا / فى مركب طالعه بكره من المينا اتفقت مع حبايبي اننا هناخد حته ضغنونه اوى فى واحده من الكونتينارات اللى عليها
رشيد / و جايه تقوليلى دلوقت
فيرا / كل حاجه جاهزه كل اللى عليك انك تطلع دلوقت على اسكندريه مع الرجاله تظبط الشغل بتاعك ساعتين زمن و تاخد بعضك و تيجي و ان كان على فلوسك جاهزه ما تشغلش بالك
رشيد / تمام … ربعايه اطلع اجهز نفسي و اجيب سمر فى ايدي و انزلك
فيرا / سمر ايه يا رشيد هو ينفع برده … ما تشغيلش بالك بسمر سبهالى انا هاخد بالى منها كويس
رشيد / احنا ما اتفقناش على كدا
فيرا / سورى !! هو ايه اللى اتغير فى اتفاقنا دا انا هحطها فى عنيا اكله شاربه نايمه حتى الحبايه بتاعتها مش هستخسرها فيها .. و على العموم لو عندك مكان تانى ائمن عليها من هنا .. براحتك
رشيد يبص لفيرا و يطلع فوق و فيرا متبعاه و مبتسمه
…………………
فى اوضه رشيد
رشيد بيحط هدوم فى الشنطه
سمر / ازاى ؟؟ احنا ما اتفقناش على كدا … انت وعدتنى مش هتسيبني
رشيد / مسافه السكه و ارجع
سمر / طب لو حصلك حاجه
رشيد / مش هيحصل و لو حصل فى ناس هتيجي تاخدك ما تخافيش
سمر / طب اجى معاك
رشيد / مش هينفع… غصب عنى … هى عوزاكى هنا ضمان
سمر / طب و الحبوب
رشيد / لا مش هينفع … الحمد لله اننا ما كناش مشينا كتير و عرفنا اول يوم المعيار اللى نقلله يعني ما طلعناش خسرانين
سمر / بس انا خايفه
رشيد يبصلها
سمر / والله العظيم خايفه
رشيد ياخد نفس عميق و يبصلها
رشيد / اللبسي هوديكي حته تانيه تبعى
سمر تجرى تفتح الدولاب و تلبس
……………….
فى سرايا الزنايته
شاكر / هههههههههههههه دا انت مستعجل على الاخر
مغاورى يبتسم و يبص فى الارض
ناصر / بقولك يا عمى لو اذنتلى يعني
شاكر / قول يا ناصر
ناصر / الحمد لله عباس قام بالسلامه نخلى الفرح فرحين و ننزل بكره نجيب الشبكه و اهو الفرح ما يستناش
شاكر / و انا هكره يعني خلاص يا مغاورى شوف الحج شاهين لو يناسبه يبقي على بركه الله
مغاورى / يناسبه طبعا دا هو اللى باعتنى احدد المعاد
خليفه يدخل
خليفه / لا مؤاخذه يا كبير
ناصر / خير يا وش السعد يا جلاب الهنا
خليفه / عشت يا كبير بس كلمونى من على اول البلد فى واحده غريبه عاوزه تقابلك بيقولوا مش راضيه لا تكلم حد و لا تمشي مع حد و بتقول عاوزه تقابلك
ناصر يبص لمختار
ناصر / روح شوف ايه حكايتها دى يا مختار
مختار / امرك يا كبير … عن اذنكوا
امين / انا جاى معاك
مختار و امين يمشوا
شاكر / منور يا مغاورى … الحلو يا ام عباده
مغاورى / لا حلو ايه تسلم يا سيد الناس والله ما فى مكان
……………….
فى عربيه فيرا على الطريق
ادواردو سايق و فيرا جنبه و رشيد و راجل كمان قاعدين ورا
فيرا / بس بصراحه فاجئتنى
رشيد / تبقي لسه ما عرفتيهمش
فيرا / ازاى يعني
رشيد/ يمكن لو روحت معاها ما كنتش رجعت بس هم ما بياذوش حريم خصوصا لو طالبه الحمايه
فيرا / ما يمكن جاسوسه ما يمكن رايحه تسمهم و بالمناسبه دى ما طلعتش فكره وحشه ابدا
رشيد / ما هم برضه مش اغبيه خصوصا من بعد ما شوهتى انتى صوره الحريم فى عنيهم
فيرا / انا !!!
رشيد/ بقولك ايه ما تشغليلنا حاجه تسلينا افيد من الرغى ده
فيرا / مالك مزاجك مش رايق النهرده … كنت فكراك هتفرح بالشغل … و لا انت قاعده البيت عجبتك
رشيد / شكلها هتبقي سفريه طويله جدا
فيرا / بصراحه انا فى حاجه مش فهماها انت بعد ما لفيت الدنيا و شوفت و عرفت كل البنات دى اشمعن سمر شوفت فيها ايه
رشيد / صدااااااااع
فيرا / هههههههههههههه بتكلم جد دى حتى مش النوعيه اللى بيحبها الراجل الشرقي
رشيد / اللى هى ؟
فيرا / انت فاهم قصدى … فيرجنز
رشيد / ماشي
فيرا / هو ايه اللى ماشي
رشيد / اى حاجه
فيرا تبص ورا تلاقي رشيد مبتسم تبص قدامها و تشغل اغانى
………………….
على الطريق اول البلد
سمر قاعده فى جنب و فى اتنين غفر واقفين قدامها عربيه مختار تدخل و ينزل منها و امين وراه
مختار / خير … اؤمرى
سمر / انت الكبير ؟
مختار / اخوه .. اؤمرى
سمر / انا اسفه بس انا عاوزه الكبير
مختار / الكبير بعتنى اشوف مشكلتك و اساعدك
سمر تبص حواليها
غفير / دا سى مختار ما تخافيش منه
سمر تدى لمختار ورقه بتردد مختار ياخد ورقه و يبص فيها
////////////
ما لهاش مكان تانى تروحه … رشيد
//////////
مختار يبصلها و يهز راسه و يشاورلها على العربيه
مختار / اتفضلي
سمر تروح تركب ورا امين يروح لمختار
امين / مين دى
مختار / امانه كام يوم كلمهم يجهزوا المضيفه و يفضوها
امين / و عبد الله ؟
مختار / جت من عند ربنا يخليه فى شقته و يقول انه رجع على شقته بسبب الضيفه
امين / تمام
مختار يروح يركب العربيه و يسوق و الناس تتوزع
……………………..
فى سرايا الزنايته
الرجاله ملمومين فى المكتب
امين / و انت جبتها على هنا يا مختار
مختار / اوديها فين يعنى
امين / ما تروح فى اى داهيه احنا مالنا احنا نجيب الطين و نحطه فوق راسنا ليه و هو سى زفت ده مش بقى ست زفته علينا ما يخليها تاخد بالها من حريمه
ناصر / امين
امين / ايه يا كبير هنجيب واحده من حريم الحربايه دى و نحطها وسط حريمنا
ناصر / مش هتبقى وسط حريمنا و لا حتى رجالتنا هيتقفل عليها المضيفه لحد ما يجى يستلمها
امين / و هو كمان هيجي يستلمها و هنسلمهاله عادى كدا ما نوصلهاله لحد عنده كمان و فوقيها بوسه
ناصر / انا مقدر زعلك يا امين بس لما واحده تيجي
امين / لما تبقى واحده يا كبير لما تبقى واحده انما دى
ناصر / ما حدش يعرف ظروف الناس يا امين ما انت عارف الحبوب دى بتعمل ايه فى الناس و بتخليهم مجبرين يعملوا ايه
امين يبص لمختار و يبص لسليمان
امين / و انت ايه رايك يا با
سليمان / عمرنا ما قفلنا بابانا قدام حد ما بالك لو حرمه و ما لهاش مطرح تانى
امين / نشوفلها مطرح بعيد عننا بره البلد و ان كان على الاكل و الشرب نملاهولها من كافه شئ بس مش فى بيتنا وسط حريمنا و عيالنا
شاكر / تحت عنينا اضمن
امين / هو انا الوحيد اللى شايف انها بلوه سوده يعنى
ناصر / زى ما انت قولت هتتحط فى مطرح و يتحطلها اكل و شرب بس المطرح ده تحت عنينا
امين / على الله
ناصر / كله على الله
امين يقف فى جنب مضايق مختار يطبطب على كتفه امين يبصله و يبص فى الارض
………………………………
على الطريق
رشيد / هو الباشا سرح فى الطريق و لا ايه
فيرا / ليه ؟
رشيد/ مش قولتى هنروح اسكندريه
فيرا / اسكندريه من مطروح ما تفرقش كتير
رشيد / هو فى مينا فى مطروح
فيرا / لا ما انا لقيت البرى اوفر
رشيد / و دا من ايه ان شاء الله
فيرا/ تفرق معاك فى ايه
رشيد / لا تفرق
فيرا / تفرق لو كنت هتعدى الحاجه من جوه البلد انما انت كل اللي هتعمله انك هتظبط الحاجه جوه العربيه
رشيد / بعد كل ده لسه مش واثقه فيا
فيرا / لما ابقي اثق فى ادواردو ابقي اثق فيك
رشيد / يكرم اصلك
رشيد يتعدل فى القاعده و يبص من الشباك
………………….
فى اوضه مختار
مختار بيتوضي فى الحمام و هند وقفاله على الباب
هند / ما انا عاوزه افهم مين دى يعنى
مختار يطلع من الحمام ياخد منها الفوطه و يتنشف بيها
هند / مهى لو ضيفه عاديه مش كان واجب تدخل و تسلم علينا و نضايفها زى ما بيحصل مع كل الضيوف
مختار / انتى اذكى من انك تتكلمى فى نفس الموضوع و تسمعى نفس الاجابات يعني
هند / مهى الاجابات دى ما تخشش دماغ عيل صغير
مختار / ما تتوضي و تيجي تصلى معايا
هند / انت هتصلى ايه اصلا انت مصلى العشا فى المسجد و لا انت كنت فى حته تانيه
مختار / يارب … يا بنتى انتى ما سمعتيش عن قيام الليل
هند / و اشمعن النهرده
مختار / مخنوق عشان مخنوق
هند / و ايه بقي اللى خانقك ان شاء الله
مختار يبوس راسها
هند / ما تغيرش الموضوع
مختار يبتسم
مختار / انا اللى اعرفه قولته واحد معرفه بعتها و معاها ورقه أن ما لهاش مكان تروحه اعمل انا ايه؟
هند / مش مقتنعه برده … قافلين عليها ليه و نبهتوا لا تحتك بالحريم و لا الغفر و دخلتولها اكل و شرب و قفلتوا عليها كانها موبوءه و خايفين تعدى الناس
مختار / طب ممكن اصلى و بعدين نتكلم
هند / صلى … اما نشوف اخرتها معاك
مختار / انا مش فاهمك لو كنت مثلا قاعد معاها و لا قاعد بره البيت كنت فهمت … انما انا قاعد معاكى و مقفول علينا الباب و هى بعيد و مقفول عليها الباب انتى بقي شاغله بالك ليه
هند / عشان انا عارفه ان البت دى وراها مصيبه سوده
مختار يبتسم
هند / ربكه الرجاله لما جت و قفلتكوا على نفسكوا المكتب و منظر امين و هو خارج و الودوده بين الكبير و ام فاتن و كميه الاكل اللى راحتلها و الكلام اللى اتقالنا كل ده و مش عاوزنى اقلق
مختار / اه ما تقلقيش عشان انا هنا جنبك تقلقي من ايه
هند تبصله مختار يقف على السجاده
مختار / الله اكبر
هند تروح تقعد على السرير
………………..
فى اوضه ناصر
ناصر ممدد و انتصار فى حضنه تبص عليه تلاقيه باصص فى السقف
انتصار / اللى واخده عقلك
ناصر يبصلها و يبتسم
انتصار / داهيه لتكون احلى منى
ناصر / هى مين دى يا وليه
انتصار / انا عرفالك بقى شوف بقالك كام يوم بره و لما ترجع سرحان و مش معايا خالص
ناصر / ههههههههههههههههه احنا فى ايه و لا فى ايه
انتصار / ايوه … كدا نعرف نتكلم
ناصر / استر يا رب
انتصار / البت اللى فى المضيفه دى مين ؟ و هتفضل هنا قد ايه ؟
ناصر / ما اعرفش لحد ما اللى بعتوها يستلموها
انتصار / و هتفضل حابسها طول الوقت ده ؟ استنى هم مين اللى بعتوها ؟
ناصر / انتى شاغله بالك ليه
انتصار / الله مش هتقعد معانا فى نفس البيت
ناصر / مش هنقضى الليل نحكى فى المحكى يا انتصار مش هتبقى انتى و امين عليا
انتصار / ما النهرده كل الحريم كانوا عليا و ربنا يعينه مختار على هند
ناصر / هههههههههههههههههه البت دى مشكله
انتصار / ولا مشكله و لا حاجه جوزها راجع معاه بت حلوه فى العربيه حطوها فى المضيفه و منعوها تشوفها و لا تسلم عليها
ناصر / و هو مختار له فى الكلام ده برده
انتصار / و انا قولت ليه ؟
ناصر / ما قولتيش يا انتصار نامى و ما تفكريش وراكى بكره هم ما يتلم الناس هيشتروا الشبكه و يجوا يسهروا معانا و هيحتاجوا لقمه حلوه من ايديكى
انتصار / ما تشغلش بالك مرتبه كل حاجه انا و البنات
ناصر / الحمد لله سبيني انا انام بقى
انتصار / يعنى مش هتفهمنى
ناصر / كله باوانه يا ست الستات
انتصار / سكت
ناصر / لا اسكت الله لكى حسا بس والله ما قادر دلوقت
انتصار / ماشى يا خويا نام و ارتاح
ناصر / تسلمى يا ست الكل اطفى النور بقى
انتصار / تصبح على خير
انتصار تطفى النور و تنام ناصر ياخدها فى حضنه و يناموا
……………………..
تانى يوم فى شقه
رشيد نايم فيرا تفتح الباب و تدخل تقيد النور
رشيد / اطفى النور
رشيد يحط المخده فوق وشه
فيرا / هى سمر معاها حبوب كفايا
رشيد/ معاها
فيرا / طب مش ناوى تطمن عليها
رشيد يشيل المخده و يبص فى السقف و ينفخ و يقوم يقعد
رشيد / و من امتى الحنيه دى يعنى قلبك عليها اوى
فيرا / اخص عليك كدا تجرح احساسى
رشيد / انا زعلان منك
فيرا / ما انا زودتلك الكومشن بتاعتك
رشيد / مش كل حاجه فلوس كان ممكن اكسب اضعافهم من غيرك
فيرا / امال اخترتنى ليه
رشيد / كنتى عجبانى
فيرا / ههههههههههههههه ما تقولش
رشيد / ليه ما انتى عارفه انى صاحب مزاجك
فيرا / بس مزاجك محلى
رشيد / دى حاجه و دى حاجه انتى اللى قافشه فى سى نوفيخه بتاعك ده
فيرا / نوفيخه !!! هههه يعنى ايه
رشيد / بالونه
فيرا / طب قوم ننزل نتمشى سوا
رشيد / فين ؟
فيرا / اى حته انا اول مره اجى البلد دى و زهقت من قاعده البيت تعالى
رشيد / و ماله اسبقيني و انا هطش وشى بشويه ميه و اغير و احصلك
فيرا / تمام ما تتاخرش
فيرا تطلع بره و رشيد يقوم
……………………
تانى يوم الصبح
العيله متجمعه على الفطار
هند / الله يعنى مش هيجي معانا و احنا بنجيب الشبكه
انتصار / هو فرح يا هند اصلا انا بقول نخلى الموضوع خفافى زى يوم مريم كدا و لما يجوا على هنا نعملهم هيصه و زمبليطه بقى
سماح / ازاى يعنى يا عمتى
شاكر / كدا احسن و ائمن يا سماح
سماح / يعنى كل رجاله الزنايته و الجوارحه مش هيعرفوا يامنونا يعنى يابا
ناصر / انتى عوزه هيصه فى الصاغه يعنى يا سماح
سماح / حقى يا كبير انا مش هتخطب كل يوم
ناصر يبص لشاكر
ناصر / تمام اللى تشوفيه
ناصر يبص لامين
امين / ما يكونش عندك فكر يا كبير
ناصر / تسلم يا امين
انتصار / بس احنا كدا
فاطمه / احنا نوضب كل حاجه على السوا قبل ما نمشى مش اول مره يعني
انتصار / خلاص اللى تشوفوه نفطر و نقوم نشوف اللى ورانا علاطول
مختار / انا هستاذن انا عشان ورايا كام مشوار بسرعه قبل ما نطلع على الصاغه
هند / خير
مختار / شغل متاخر ما تشغليش بالك
هند / طب ممكن فى طريقك تعدينى شقه ماما
مختار / خير
هند / هبص على عبد الله وحشني هشوف لو ناقصه حاجه محتاج غسيل توضيب اى حاجه
ناصر / اه بس زمان عبد الله راح الشونه دلوقت .. ان شاء الله اعدى عليه و ابلغه اننا هنطلع على الصاغه سوا
انتصار / و بعدين يا هند انا محتاجاكى معايا النهرده
هند / خلاص تمام مفيش مشكله خليني
فاطمه / لو ما لكيش تساعدى
هند / لا ليا طبعا سماح دى اختى انا بس عبد الله وحشني بس مش اكتر
شيري / انتى بتقولى فيها بس نقول ايه براوى
مختار / تمام هستاذن انا عشان اللحق ارجع
هند تناوله ساندوتش مختار يقوم و يطلع بره
هند / انا هجيب عيش زياده من المطبخ ثوانى و هاجى
هند تقوم تطلع بره تلاقي مختار خارج من السرايا تروح تبص عليه تلاقيه بيتكلم مع جعفر و يشاورله على المضيفه و يركب العربيه و يمشي تبص على المضيفه و تدخل المطبخ تجيب عيش من على الرخامه و تدخل تحطه فى العياشه
هند / هو حد بعت فطار للبنت فى المضيفه
انتصار / بعتلها مع الغفر ما تشغليش بالك انتى
هند / تمام
هند تقعد تاكل و انتصار تبص لناصر و يكملوا اكل
……………………
فى اوضه بتطل على البحر
فيرا لابسه قميص نوم و بتشرب سيجاره و بتبص على البحر رشيد يطلع من الحمام لافف نفسه ببشكير و بينشف شعره بالتانى
رشيد / اول مره اعرف انك بتدخنى
فيرا / ما بدخنش
رشيد يشد منها السجاره و يشرب منها
فيرا / اول مره اعرف انك بتدخن
رشيد قاعد على السرير بيلبس البنطلون و السجاره فى بقه
رشيد / ما بدخنش
فيرا / ههههههههههههه برده
رشيد / برده
فيرا تروح تقعد على السرير و تاخد السجاره من رشيد
فيرا / كنت بفكر فى حاجه كدا
رشيد / يادى النكد خير بتفكرى فى ايه
فيرا / تدفع فيا تلاته مليون دولار يا رشيد
رشيد يشد منها السجاره
رشيد / و لا تلت تلاف حتى
رشيد يقوم يجيب القميص
فيرا / هاو رود ( قليل الزوق )
رشيد / انتى عاوزانى اضحك عليكي ؟ اغشك
فيرا / لا بس مش فى وشى كدا جاملنى على الاقل
رشيد يطفى السيجاره
فيرا / اشمعن سمر
رشيد / انتى حاجه و هى حاجه
فيرا / عندها ايه مش عندى
رشيد / انا ما بدورش عندها على حاجه اللى بينا ما فيهوش مصلحه انما انتى لا
فيرا / يبقى الاولى تدفع فيا انا
رشيد يروح يقعد جنبها يلبس الشراب
رشيد / و مين اهبل يدفع فى حاجه بياخدها ببلاش
رشيد يبوسها من خدها و هو بيضحك
فيرا / صراحتك جارحه بس بتعجبنى
رشيد / و صراحه بصراحه بقى و خصوصا لما عرفت انها بتعجبك يعنى
فيرا / قول
رشيد / انا ما اعرفش انا ليه دفعت فى سمر الفلوس دى
فيرا / انا عارفه
رشيد / ههههههههههه لا يا شيخه
فيرا / انا ما كنتش اعرف انها عندك .. ما كانش المفروض تبقى موجوده بس انت لسه فيك
رشيد / اممم اللى هى ؟
فيرا / الراجل الشرقى الراجل اللى ما يرضاش ينام مع واحده مصريه مسلمه او سورى يتجوزها لو هى مش فيرجن لكن ممكن عادى يتجوز اجنبيه نامت مع كتير غيره
رشيد / لا مش دا الحوار
رشيد يلبس الجزمه
فيرا / بجد !! امال
رشيد / انا لفيت الدنيا و اعرف اميز النضيف من اللامؤاخذه
فيرا / مش يمكن سمر ممثله شاطره
رشيد / يبقى لكل جواد كبوه عملت اللى عليا … بقولك ايه انا هنزل اجيبلنا حاجه حلوه ناخدها معانا فى الراجعه ما انا مش هدخل على البت بايدى فاضيه
فيرا / ههههههههههههههههه انت كمان بتفكر فيها و انت معايا … اخص عليك كدا بدات اغير منها يا رشيد
رشيد / لا ما هو انا يتغار عليا عادى
فيرا / ههههههههههههههههه ممكن تجبلى معاك
رشيد / عينى انا اصلى برده حقانى و ما احبش افرق بين حريمي ابدا
فيرا / حريمك !!!
رشيد / انتى تطولى انتى كمان
رشيد يسيب الاوضه و يمشى و فيرا بتضحك
………………………
فى الصاغه
الستات متجمعه و عمالين ينقوا حاجات تقيله و كبيره و سماح فى النص مبسوطه
سماح / ما كفايا كدا انا تعبت من الوقفه
مغاورى / الجرح شد عليكي و لا ايه
سماح / يعنى مش اوى بس انا من صباحيه ربنا و انا على رجلى يعنى
مغاورى يشدلها كرسى
سماح / هقعد و هم واقفين ما يصحش
مغاورى / ليكي عزرك اقعدى
سماح تبص للستات انتصار تهز راسها اه سماح تقعد و مغاورى يعدلها الكرسى و سماح تبص للكل بابتسامه
سماح / تسلم
مغاورى / ها فى ايه تانى عاجبك
سماح / كتر خيرك
كوثر / شوفى الغوايش دى كدا تلعلط فى ايدك و تنورها
فاطمه / ان كان على الغوايش ما عندهاش اكتر منها بس اللى تلبس
ام مغاورى / بنات اليومين دول بيحبوا الدهب الابيض بيقولوا عليها موضه
سماح / هى مريم فين
انتصار / طلعت من شويه اصل عبد الله وصل بره
سماح / باعتنى الواطيه يعنى … ماشى ماشى
فاطمه / ياختى خليكى فى روحك و نقى خلينا نلحق نهيصلنا شويه و لا ايه يا ام مغاورى
ام مغاورى / بكيف كيفها
فاطمه / صحيح و مين يشهد للعروسه
الكل يضحك
…………………
بره المحل
هند / يعنى كنتوا بتكدبوا علينا .. اخص عليك يا مختار
عبد الله / الحق عليهم يعنى انهم ما كانوش عاوزين يقلقوكوا
مريم / والله كان قلبى حاسس مش انا قولتلك
هند / نقول ايه يلا الحمد لله انها جت على قد كدا
مختار / ايوه الحمد لله ممكن بقى نقعد نشرب حاجه ساقعه لحد ما يخلصوا شكل يومهم طويل
عبد الله / اه انتوا اقعدوا ارتاحوا و انا هاخطف مريم ربعايه و هرجعلكوا
مختار / و بتقولها و انا واقف كدا عادى
عبد الله / ابوها عارف ما لكش فيه
مختار / لا ما دام الكبير اذن ما نقدرش نتكلم
هند / بس تقدر تعمل زيه و لا هو كان امله عنك يعنى
مختار / علاطول جايبلى الكلام كدا
هند / ههههههههههههههههه تعال تعال دا انت حسابك معايا تقيل
مختار / دا انا حبيبك
هند / ما تحاولش
عبد الله / طب نسبكوا تتحاسبوا و تعالى يا مريم عايزك فى كلمتين
مريم تبص لمختار
مختار / بتبصيلى ليه هو فى بعد كلام الكبير كلام روحى
مريم تبتسم و تروح مع عبد الله
هند / بتكدب عليا يا مختار
مختار / كان على عينى بس عشانك والله
هند تتنهد
مختار / و بعدين ما هو واقف قدامك زى القرد اهو
هند / ايوه بس الخناقات بتاعته كترت
مختار / الوضع صعب على الرجاله كلها الكل روحه فى مناخيره ما حدش طايق التانى و خصوصا بعد اللى حصل لعباس الكل فكر فى عبد الله اول واحد
هند / كان ممكن يموتوه
مختار / اللى عمل كدا مش الجوارحه اللى عمل كدا صحابه و احنا علمناهم الادب و بعدين اخوكى مش لقمه طريه يعنى ما تقلقيش عليه
هند / اللحق عبد الله واخد مريم و داخلين المحل اللى هناك
مختار / لا ما انا طلعت اذكى منه و عملت حسابى و اشتريتلك هديتك قبل الزحمه
مختار يطلع من جيبه علبه فيها خاتم اللماظ
مختار / انا عارف زوقك
هند / دا حلو اوى تلاقيه غالى جدا
مختار / الغالى يرخصلك
هند تبص حواليها و تبص لمختار
هند / ربنا ما يحرمنى منك ابدا
مختار يمسك ايد هند و يلبسها الخاتم و هى مبتسمه
…………………….
فى المحل التانى
عبد الله و مريم قدامهم بالته دلايات حروف عبد الله ينقى واحده على شكل قلب صغير جواها حرف ايه
عبد الله / ايه لعبد الله … اوزنلى دى
الراجل يحطها على الميزان و يحسب على الاله الحاسبه
الراجل / تلتميه و سبعين
عبد الله / طب شوفلها سلسله بقى
عبد الله يبص لمريم يلاقيها مبتسمه الراجل يجيب بالته سلاسل مريم تنقى ارفع واحده
مريم / دى رقيقه اوى
عبد الله يبصلها و يبتسم و يبص للراجل
عبد الله / اوزنها لو سمحت
الراجل / الف و نص
عبد الله / طب نشوف حرف كمان بقى فى من القلب ده جواه ام بقى
الراجل / فى .. ثانيه واحده
مريم / كدا كفايا
عبد الله / الام و الايه ما ينفعش يفترقوا
مريم تبتسم و تبص على بعض
عبد الله / ما تقلقيش لسه قابضين و كدا يعنى
مريم / يدوم العز
الراجل يطلع قلب تانى جواه حرف الام و يديه لعبد الله يركب الحرفين فى السلسله و يحاسب الراجل و مريم بتلبس السلسله قدام المرايه عبد الله ياخد منه العلبه و الكيس فى ايده
عبد الله / يلا و لا ايه
مريم / حلوه اوى مش كدا
عبد الله / انتى احلى
مريم تبص فى الارض و هى مكسوفه عبد الله يفتحلها الباب مريم تطلع عبد الله يطلع وراها و يروحوا ناحيه هند و مختار
هند / ايه الجمال ده حلوه اوى
مريم / اوى مش كدا بصى حرفين ام و ايه مريم و عبد الله
هند / ماشى يا عم الله يسهلوا
مريم تضحك اوى و تنكسف الناس يطلعوا من محل الدهب و هم بيزغرطوا سماح تشاور لمريم تروحلها جرى
سماح / ما شوفتيش جابولى ايه
مريم / ما احنا هنروح سوا نتفرج براحتنا
سماح / هنسهر للصبح
مريم / شوفتى عبد الله جابلى ايه حرفين ايه و ام بيقولى عبد الله و ام ما ينفعش يفترقوا
كوثر / ضحك عليكي بسلكه
مريم تبص لكوثر
كوثر / داريها داريها مش مقامك و لا مقام ابوكى ما توريها يا سماح مغاورى جايبلك ايه
انتصار / يسلم و تسلم مجايبه ان كان مغاورى و لا عبد الله الاتنين رجاله و يتاقلوا بالدهب و احنا الدهب عندنا يفتح صاغتين قد دى و يمكن اكتر احنا بنشترى لبناتنا رجاله يسعدوهم و يصنوهم و لا ايه يا ام عباس
كوثر / ياختى اش جاب لجاب دا انا ما شوفتش السلسله على صدر بنتك الا اما هى اللى ورتها لسماح
انتصار / يا لهوى يا ام عباس … انتى كبر السن ضعف نظرك و لا ايه لا ما تسكتيش على روحك و روحى اكشفى و لو عوزانى اجى معاكى اجى ياختى انا مورايش حاجه و ان ورايا افضيلك نفسى امال ايه انتى تؤمرى
كوثر / كبر سن !!
ام مغاورى / جرا ايه يا جماعه مش يلا عشان نلحق نهيص شويه و لا ايه ما تيلا يا عريس يلا يا عروسه
الكل يمشوا و كوثر مضايفه تروح تتودود مع شاهين بغضب و هو يهدى فيها و سماح و مريم متابعينهم
سماح / امك ادتها من المنقى يا خيار
مريم / خيار ايه دى خدت طبق السلطه بحاله
سماح و مريم يضحكوا
مغاورى / يلا و لا ايه يا عروسه
سماح / يلا
سماح تمشى و مريم تروح وسط الناس تقف جنب عبد الله
……………………
على الطريق
ادواردو سايق و فيرا جنبه و رشيد و الراجل التانى ركبين ورا
فيرا / مش تكلم مختار يخلى سمر تجهز نعدى ناخدها و احنا مروحين
رشيد / و انتى تقدرى تعتبى البلد برجلك يعنى و لا هى فتحه صدر و خلاص
فيرا / و ايه اللى يمنعنى هى مش البلد دى فيها قانون و لا ايه
رشيد / القانون الوحيد اللى فى البلد دى قانون الزنايته
فيرا / الجوارحه يزعلوا
رشيد / واحد ما بيختلفوش
فيرا / لا بيختلفوا و احب افكرك ان المامور كلامه مشى فوق كلام الكبير و مشالى الراجل بتاعى
رشيد / على كيف الكبير لكن لو الكبير كان عند المامور ما كانش هيقدر يعمل حاجه و لو كان عند اكتر كان قتله و سابه متعلق و ابقى خلى المامور ينفعك
فيرا / صدقنى ما كانش هيفرق معايا كانوا وفروا عليا تمن الطلقه
رشيد / انتى قتلتيه
فيرا / كرت محروق احتفظ بيه ليه
رشيد / على رايك حتى كان فاشل
فيرا / مش كدا برضه المهم مش هتكلم مختار
رشيد / اكلمه اقوله ايه انتى كمان
فيرا / قوله يخلى سمر تجهز
رشيد / هقوله بس لما نوصل
فيرا / و تستنى ليه
رشيد / عشان ما يستقبلوناش يا اذكى اخواتك …احنا كلنا على بعضنا كام نفر يعنى لو طلعوا علينا و اصطادونا هتنفعيني ساعتها
فيرا / كنت فاكره انك ما بتخافش من الموت
رشيد / بس مش مستعجل عليه
فيرا / عرفت ان فى رئيس مباحث جديد هيتنقل البلد الاسبوع ده
رشيد / يانس و ينور اعمله ايه يعنى
فيرا / مش تسال مين
رشيد / اعرفه يعنى و لا ايه ؟
فيرا / فارس الشهاوى … الاسم ده مش غريب على ودانك مش كدا
الابتسامه تروح من وش رشيد و تكبر على وش فيرا رشيد يبص من الشباك
………………………..
فى سرايا الزنايته
علب الشبكه مفتوحه على الترابيزه والكل قاعد حواليها بينقلوا العلب بينهم وسط اصوات ضحك و كلام و مريم تدخل وراها هند و شيرى شايلين صوانى انتصار تقوم تساعد و تاخد من شيرى
انتصار / عنك يا اختى
شيرى / و انا فى ديك الساعه اللى اوزع فيها شربات سماح
فاطمه / غاليه يا ام الغالين
انتصار تاخد منها و توزع على الرجاله و مريم توزع على البنات
سماح / انا العروسه ما اخدتش
مريم تبتسم و تروح تناولها سماح تاخد و تناول مغاورى جنبها
مغاورى / تسلمى
عين مغاورى على السلسله فى رقبه مريم سماح تاخد كاسه تانيه و مريم تكمل توزيع و تسيب اخر كاسه و تروح تديها لعبد الله فى جنب و تقف جنبه و يقفوا يضحكوا
سماح / من فتره عملها حرف ام كبير و لزقلقها جواه ورد و قبلها جابلها دبدوب صغير خالص من ابو اتنين و نص ده و لا سبعه جنيه عارفهم دول
مغاورى / ربنا يهنيهم
سماح / و يهنينا انا بحكيلك يعنى عشان تعرف انه ما بيفوتش فرصه يهاديها حتى لو بحاجه تافهه
مغاورى / ابن اصول باين عليه
سماح / حتى الفستان اللى كانت لبساه فى فرح خديجه جابهولها هديه مفاجاه
مغاورى / هو جدع طيب و شكلها مبسوطه معاه
سماح / بس الرجاله هنا ما عادوش بيطيقوه
مغاورى يبصلها باستغراب سماح تضحك
سماح / بيقولوا خلى شكلهم وحش قدام حريمهم و بيفتح عليهم فواتيح
مغاورى يضحك
سماح / الحق يتقال انا لسه مش مصدقه اللى بيحصل
مغاورى / اشمعن يعنى ؟
سماح / مش عارفه انا … و انت
مغاورى / مالنا ؟
سماح / ربنا يقدرنى و اسعدك
مغاورى / و يقدرنى
سماح تبتسم صوت ناصر يعلا من بين الحضور
شاهين / احنا نكتب الكتاب علاطول
شاكر / و الدراسه
شاهين / تكمل فى بيت جوزها و لا انت ايه رايك يا عريس
مغاورى / هاه ؟ انتوا كنتوا بتتكلموا عنى و لا ايه ؟
شاهين / حقك ما انت مركز مع عروستك و ناسينا خالص
ام مغاورى / ياخويا قال على راى المثل العروسه للعريس و الجرى للمتاعيس
ناصر / الكلام عليك يا امين انت اللى عليك الدور
امين / ايدى على كتفكوا انا جاهز من بكره بس هى فين
ام مغاورى / الله دا بنات البلد ما فيش احلى من كدا شاور انت بس
ست / و ان ما كفوش اهى مصر مليانه
مختار / قلدونا بقى
انتصار / و هم يعرفوا دا انت خدت وش القفص
هند تبتسم
ناصر / ما تاخدوناش فى دوكه ها يا عريس قولت ايه
مغاورى / فى ايه يا سيد الناس
ناصر / العروسه تكمل تعليم فى بيتها و لا فى بيتك
مغاورى / ما كان ما تحب
مغاورى و سماح يبصوا لبعض
مغاورى / بس لو فى بيتي هبقى مبسوط اكتر يعنى
سماح تبص فى الارض و تبتسم
ناصر / قولت ايه يا عمى
شاكر / ايه رايك يا ست العرايس نكتب الكتاب علاطول و لا نستنى شويه
سماح تبص حواليها
سماح / اللى تشوفه يابا
انتصار تزرغط و تسكت
انتصار / هو انا هزرغط لوحدى و لا ايه ما تيلا
الكل يزرغط
ناصر / طب و اللى يخلى الفرح فرحين
عبد الله / احبك والله
ناصر يبص لعبد الله مريم واقفه جنبه
ناصر / ياض يا مجرم
عبد الله / انت الكبير بقى يلا
ناصر / هههههههههههههههههههه ايه رايك يا مريم تكتبى كتابك مع اختك و لا عاوزه ليله لوحدك
مريم / ايه !!
عبد الله / ايه ايه انتى لسه هتتفاجئ يلا
مريم تبص تلاقى الكل حواليها تجرى على المطبخ
عبد الله / السكوت علامه الرضا زغروطتك يا ام فاتن
انتصار تزرغط و الكل بيضحك و مغاورى بيبص على عبد الله و مختار و عباده بيحضنوه و هو فى منتهى السعاده سماح عينها بينهم تمد ايدها على الترابيزه و تشد طبق حلويات شرقى و تعزم على مغاورى يبتسملها و ياخد حته تحط الطبق مكانه
………………………….
فى فيلا فيرا
العربيات تركن و الكل ينزل رشيد بيلعب فى الموبايل فيرا تروح تبص بيعمل ايه يبصلها
رشيد / بقوله انى جاهز استلم الامانه
رساله توصل موبايل رشيد فيرا تبص لرشيد رشيد يفتحها فيرا تقراها
/////////////////////
مختار / هقابلك بكره الساعه عشره لوحدنا فى اول مكان اتقابلنا فيه
//////////////////////
فيرا / هو فين اول مكان اتقابلتوا فيه ده
رشيد / كازينو على النيل هبقى اخدك افرجك عليه مره
رشيد يسيبها و يدخل تدخل وراه
فيرا / طب ما احنا فيها اجى معاك بكره اتفرج
رشيد يقف و يبصلها
رشيد / تعالى بس لازم تعرفى ان حتى لو قال انه هيجي لوحده مش هيجي لوحده
فيرا / دا صعيدى كلمته واحده
رشيد / صعيدى اه بس مش اهبل على العموم تعالى و اتفرجى بنفسك
فيرا / هاجى يا رشيد
رشيد / تنورى انا طالع انام زى ما انتى شايفه عندى معاد الصبح
فيرا / لا ما تقلقش انا هصحيك قبلها
رشيد / مش عارف من غيرك كنت هعيش ازاى تصبحى على خير
رشيد يسيبها و يطلع فوق
………………………
فى اوضه هند
هند ترمى نفسها على السرير و هى مبسوطه مختار يروح ينام جنبها
هند / تعرف انا اخر مره خرجت امتى
مختار ياخدها فى حضنه و هى مبتسمه
هند / عبد الله كان مبسوط اوى و مريم كانت عسل اوى عرفت اللى حصل فى الصاغه بين ام فاتن و ام عباس
مختار / لا خير
مختار يتعدلها
هند / البتاعه دى بتالس على السلسله بتاعه مريم قامت ام فاتن ادتهملها صح ايه الست دى هنلاقيها منها و لا من ابنها
مختار يبتسم و يمدد تانى
مختار / كبرى دماغك ام فاتن ما حدش يقدر عليها
هند / ربنا يباركلها و يقويها بصراحه ست عسليه
مختار يبتسم
هند / المهم هى الاخت هتفضل فى المضيفه كدا كتير
مختار / اخت مين ؟ اااه لا هتمشي بكره
هند / بالسرعه دى !!!
مختار / انتى مش لسه كنتى مضايفه من قعادها
هند / لا يا حبيبي
هند تقوم تقعد مختار يتفاجى
هند / لا يا بابا انا مش مضايقه من وجودها انا مضايقه انك ما بتثقش فيا
مختار يقعد
مختار / انا !!!
هند / اه علاطول بتكدب عليا علاطول مش بتقول الحقيقه
مختار / انا
هند / انا عارفه … انا عارفه انك مش عاوز تقلقني و لا تزعلنى و انك بتعمل ده عشانى بس انا مراتك يا مختار
مختار يهز راسه و يقوم يدور فى جيوبه
هند / فى حاجه و لا ايه
مختار يطلع ورقه رشيد و يديها لهند
مختار / دى اللى كانت معاها الورقه دى بتقول انها امانه خدت الامانه و عنتها لحد ما صاحبها رجع و هياخدها اكتر من كدا ما ليش فيه
هند / ما يمكن عامله بلوه ما يمكن
مختار / انا بثق فيه
هند تبصله و تسكت
مختار / هتمشي الصبح خلاص ياريت نقفل السيره دى بقي
هند / قفلتها
مختار / حبيبه قلب مختار من جوه تعالى يا بت انتى فى حضنى كدا
مختار ياخد هند فى حضنه
هند / اضحك عليا اضحك
مختار / لما سالتيني هتجوزك ليه قولت ايه
هند تبتسم
مختار / انا ما خدعتكيش انا صريح من البدايه
هند / انت … احلى حاجه حصلتلى فى حياتي
مختار / و انتى اللى حليتي حياتي يا ست البنات
……………………..
فى اوضه سماح
سماح بتتكلم فى التليفون
سماح / الحمد لله خفت تكون اضايقت
مغاورى / و ايه اللى هيضايقني فى الموضوع ربنا يكتر افراحنا و يبعد عننا ولاد الحرام
سماح / امين
مغاورى / قوليلى بقي بالمناسبه … تحبى الاوضه بتاعتنا تبقي جاهزه و لا تفصيل
سماح / اوضه ايه
مغاورى / اوضتنا اوضه نومنا ان شاء الله تحبى ننزل المعارض و لا انتى فى حاجه فى دماغك من النت زى بنات اليومين دول
سماح / تصدق انا لسه ما اعرفش زوقك لحد دلوقت
مغاورى / انا عادى اى سرير هنام عليه اخر الليل و خلاص .. الحاجات دى ما بفهمش فيها بصراحه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
2 تعليقات