رواية أحببتك الفصل الأول 1 بقلم غيمة أمل
رواية أحببتك البارت الأول
رواية أحببتك الجزء الأول
رواية أحببتك الحلقة الأولى
قبل ما أبدا حابة اوضح حاجة انا مش هكتب الشخصيات والكلام المعتاد ده اللي بيبقى فى اول كل رواية لان نحن نختلف عن الآخرون 😂❤ الشخصيات هتتعرف لوحدها مع احداث الرواية
في صباح يوم جديد تحديدا في محافظة الجيزة ،، في حي من الاحياء الشعبية
‘اميرة بتفصل صوت المنبه وبتجري بسرعة ناحية الحمام اتوضت وبدات تصلي صلاة الضهر
الباب اترزع ودخلت والدة اميرة بسمة شافت اميرة بتصلي
اتكلمت بنفاذ صبر- يا اخرت صبري استعجلي عشان تنزلي تدوري على شغل
اميرة خلصت صلاة وبصتلها- استعجل في صلاتي عشان شغل متنسيش ان الارزاق دي بأيد ربنا
بسمة- خلاص يا ست الشيخة عقبال ما يرزقك بابن حلال ياخدك ويخلصنا الناس كلت وشنا
اميرة- انا مليش دعوة بالناس انا مش هاخد حد كده
حتى لو هقعـد لبعد الـ 30سنه ، أهـم حاجه اختار واحد يعرف ديـنه ومحترم يكون أب وسند ليا قبل ما يڪون أب لأولادي .. وبعدين الجواز ده رزق
بسمة- هو ده اللي واخدينه منك لسانك اللي عايز قطعة
طلعت بسمة ورزعت الباب واميرة دمعة نزلت على وشها غصب عنها
اميرة- يارب ارزقني بواحد متدين ملتزم بصلآته مبيضيعش فرض قآرئآ للقرآن بيحبني يدعيلي في سجوده وخلوآته لا تشقيني صحبته
قامت وراحت للدولاب طلعت خمار لونه كاشمير غامق وفستان بلون اسود لبستهم وحطت زبدة كاكاو خفيفة وطلعت من اوضتها
اميرة بابتسامة- انا رايحة ادور على شغل ادعولي
احمد (والد اميرة)- ربنا معاكي
بسمة- روحي ربنا يرزقك بابن الحلال
اميرة بنفاذ صبر- سلام عليكم
°°
في القاهرة تحديدا مدينة نصر يستيقظ زين على صوت الاذان
-الــله اكبر الله اكبر
زين- اسمهااان اسمهاااان انتي يا زفتة
اسمهان (الخادمة) بتجري على السلم بتاع الفيلا ونفسها اتقطع
اسمهان- نعم يا زين بيه
زين بنفاذ صبر- افضل انادي ساعتين عشان تردي
اسمهان- حضرتك مكملتش دقيقتين
زين- متعلقيش .. الاذان ده لصلاة اي؟
اسمهان- دي صلاة الضهر يا زين بيه
زين اتنفض من على السرير- الضهرررر يعني ده مش الفجر
اسمهان- لا الفجر اي حضرتك يعني لو بتصلي كنت عرفت
زين بعصبية- انتي هتقوليلي اعمل اي ومعملش اي؟.
اسمهان بخوف- لا والله يا زين بيه مقصدش
زين بصوت عالي- روحي اكوي البدلة السودة بتاعتي بسرعةةة يلا دقيقتين تكون جاهزة على ما اخد شاور
اسمهان- حاضر يا زين بيه
زين بعصبية- انتي لسه واقفة قدامي يلاااا
اسمهان فتحت الدولاب بتاع زين اللي كان عبارة عن اوضه للملابس خدت البدلة السودة وجريت بسرعة
تكويها
وهي بتمتم – يارب اكفيني شره يارب
هي ونازلة خبطت في هدى والدة امير
هدى- حاسبي يا اسمهان حيلك حيلك بتجري كده ليه
اسمهان بتوتر- استاذ زين صحي و انتي عارفة بقى اللي فيها
هدى بضحك- عارفة عارفة ربنا يعينك روحي اكويها عقبال ما انا اعطلهولك شويتين
اسمهان بفرحة – ربنا يخليكي يا ست هانم والله لو البلد كلها زيك كان حالها اتعدل
هدى بابتسامة- ربنا يخليكي يا أسمهان…اجري بقى بسرعة يلا
هدى طلعت خبطت على اوضه زين ليأتي صوت زين من الداخل
زين بعصبية- انتي لسه هنا !؟ يا اسمهان البل…
هدى فتحت الباب وقاطعته- ده انا يا زين
زين- امي تعالي يا ست الكل صباح الخير
هدى بابتسامة- صباح النور على اجمل زين وزين الرجال فعلا
زين بابتسامة- انتي عارفة انا بحب اسمي بسبب كلامك عنه
هدى بضحك- يا بكااش طيب يلا انزل افطر معانا وبعدين روح الشغل
زين- بس يا امي الشركة … اقصد اتاخرت عليها
هدى- يا ابني متخليش الشغل يلهيك عننا انا ووالدك محتاجينلك
زين- حاضر يا امي اللي تشوفيه يا ست الكل
هدى- ربنا يسعدك ويريحك قلبك يا زين يا بني ويرزقك ببنت الحلال
زين بنفاذ صبر- تاني يا امي
هدى- وتالت ورابع هو انتي ناوي تتجوز امتى كل صحابك اللي في سنك اتجوزوا وعندهم عيال الا انت كل ما نجيبلك سيرة الجواز تتعفرت
زين بضحك- ملبوس بعفريت اسمه متتجوزش دلوقتي
هدى بضحك- ربنا يهديك يا زين
طرقات على باب الغرفة تعلن وصول اسمهان
اسمهان انا كويت البدلة يا زين بيه
زين- كل ده بتكويها هاتي
وشدها بعصبيه
اسمهان موجها كلامها لهدى – هو ماله ده يا ست هانم لو بيكرهني عرفوني يعني
هدى بضحك- يكرهك ليه يا اسمهان ده من حبه فيكي وانتي عارفة اللي فيها
اسمهان ضحكت ونزلت هي وهدى لمائدة الطعام بعد ربع ساعة
محمد( والد زين) – تعالي يا هدى كنا في انتظارك
زين- اه والله كنت مستنيكي
هدى بابتسامة صفرا- ما هو واضح الاكل بتاعك خلص
زين بضحك- متفهمنيش صح
زين قام من على الكرسي
زين-طيب استأذن انا بقى عشان عندي meting بعد بعد ساعة الا ربع
هدى- ربنا يوفقك يا ابني
زين- يارب يا امي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببتك)
