رواية أجبرني على الإنجاب الفصل الأول 1 بقلم منة سمير
رواية أجبرني على الإنجاب الجزء الأول
رواية أجبرني على الإنجاب البارت الأول
رواية أجبرني على الإنجاب الحلقة الأولى
كاميليا بصدمه : ااا اتجوزك وسنه عشان تخلف
ليل :اه
كاميليا :وبعدين انا هيحصل فيا اي لما اكون مطلقه ومعايا ابني او ابنتي وهروح فين
ليل : المؤخر هيضمنلك حياه كويسه بعد الطلاق وابنك هتشوفيه مقدرش احرمك منه انتي في الاخر امه
باااك
مبقتش عارفه اعمل ايه حاسه ان مخي اتشل من كتر التفكير الحاجه الوحيده ال انا عارفاها اني مستحيل أوافق ع ال هو بيقوله اومال قلبي زعلان ومكسور كدا ليه
مش معقوله اكون حبيته دا كان مجرد إعجاب كنت عارفه انه مستحيل حاجه من ال بالي تحصل وتكون حقيقه يا خساره يا ليل يا خساره بجد…..
قعدت اعيط كتير لحد ما دخلت عليا جدتي مسحت دموعي بسرعه قبل ما تاخد بالها
قعدت جنبي وسألتني مالي وكنت بعيط ليه
كاميليا :مكنش بعيط يا تيته داا بس عيني تعباني شويه
الجده :قوليلي يا حبييتي متخبيش عليا
كاميليا بعياط : انا هسيب الشغل يا تيته
الجده بخضه :ليه يا حبيييتي في حاجه حصلت
كاميليا :اااه… قصدي لا بس مش مرتاحه فيه
الجده :طب اهدي يا كاميليا وخدي ونفسك حد قالك حاجه هناك
كاميليا :لا يا تيته انا انا بس ال مش مرتاحه هناك وعاوزه اسيب الشغل
الجده :ماشي يا كاميليا ال يريحك يا بنتي
كاميليا باست راسها :متقلقيش يا تيته هلاقي شغل تاني قريب انشاء الله
الجده ببسمه :انشاء الله المهم تكوني مرتاحه يا كاميليا
****
روحت الشركه تاني يوم وانا بحاول اتجنب ليل او اني اشوفه حتى
كنت تايهه وبفكر في شغلي وتعب تيته محتاجه علاج وادويه ومصاريف والبيت هعمل ايه لازم اتأكد قبل ما اسيب هنا في شغل ولا لا بس مش قادره اشوف ليل تاني مش هقدر انا لازم اسيب الشغل وال يحصل يحصل….
انسه كاميليا ليل بيه عاوزك في مكتبه
كاميليا بخضه : اييي خضتيني يا مي
مي بضحك :سلامتك من الخضه يا قلب مي
كاميليا :قالك عاوزني في ايه
مي :لا مقليش
كاميليا :ماشي انا راحه
***
خبطت لما رد عليا اني ادخل دخلت وانا في قمه توتري ومرتبكه اوي
بس توتري قل لما لاقيته واقف وعطيني ضهره ولأول مره اشوفه بيشرب فيها سجاير
فضلت دقيقه واقفه استناه يتكلم لحد ما اتحنحنت انا واتكلمت بصوت مبحوح :حضرتك عاوزني في حاجه
لاقيته ضحك بسخريه ورمى السجاره وجه وقف قدامي :حلوه حضرتك دي
انا مكنتش فاهمه اي ال بيضحك في ال قولته اصلا فسكت
هو فهم
ليل :مافيش واحده بتقول لجوزها حضرتك مسمعتهاش دي قبل كدا صراحه
اول ما قال كدا الكلام كله وقف في زوري معرفتش انطق واقول كلمه ووشي كله احمر
حاولت اتكلم الكلام كان طالع معايا اصلا بالعافيه :ل ليل بيه اظن انه مافيش داعي للكلام دا واا انا انا اصلا هسيب الشغل
لاقيته وقف وبصلي كدا شويه لمده ثوان وانصدمت لما قالي :كدا أو كدا كنتي هتسيبي الشغل انا مقبلش مراتي تشتغل
هنا انا مكنتش فاهمه ايه ال بيحصل وصوتي على من غير ما أخذ بالي :مين دي ال مراااتك انا مردتش عليك اصلا ولا قولت رأيي انت قررت بالنيابه عني مثلا ولا ماشي انت بدماغك لوحدك ولا ايه
هنا لاقيته قرب مني ووشه باين عليه ملامح الغضب لدرجه اني خوفت منه وبعدت تلقائي عنه : صوتك لو على تاني انا مش عارف رده فعلي ممكن تكون عامله ازاي حتى لو مراتي مش هسمح ليكى بدا ومافيش حد واقف هنا غيرك انتي ال هتكوني مراتي وام ولادي كمان يا كاميليا بمزاجك او غصب عنك
كاميليا بغضب : انت اكيد مجنون مش طبيعي انا مستقيله من الشغل دا
ليل : لو كنتي عاوزه ترفضي كنتي رفضتيني من اول ما عرضت عليكي الجواز ولو مكنتيش موافقه مكنتيش جايه الشركه انهارده فأنا سهلت عليكي كل دا مالوش لزوم بقا الشغل والحبيتن بتوعك دول
كاميليا بعصبيه :انا مش عارفه ارد عليك اقولك ايه انا لو كنت متردده مره اني اسيب الشغل دا دلوقتي متأكده مليون مره ان قراري صح ع الاقل مش هشوف وش واحد مريض زيك وانا جيت انهارده عشان أقدم استقالتي مش عشان تخاريف من ال ف دماغك
كانت هتمشي بس رجعت تاني
وعشان انت باين عندك مشكله في الفهم فأنا رافضه عرض الجواز ال عرضته عليا انا رفضاك ومش هتجوزك مش هتجوز واحد مريض زيك
كاميليا كانت لسه هتخرج من المكتب بس صرخت لمااااا
كاميليا بصراخ والم :اااااه ش شعري
ليل جذبها من شعرها بقوه وكمم فمها عشان متصرخش وحاصرها ع الحيطه
كاميليا كانت بتبصله والدموع والألم في عينها وهو بنظرات الغضب
ليل بغضب :الحيطه عازله للصوت قسما بالله لو صرختي لاندمك ع عمرك كله يا كاميليا سامعه
كاميليا كانت هتتخنق لانه ضاغط ع نفسها جامد ووشها احمر اوي بعد عنها وهي قعدت كح وتتنفس بصوت عالي
ليل رفع وشها ليه :اسمعيني ولاخر مره هقولهالك انتي عجبتني ودخلتي مزاجكي عشان كدا مش هسيبك من يوم ما عرضت عليكي الحواز وانتي بقيتي ملكي خلاص وهتوافقي بمزاجك او غصب عنك ع جوازنا عشان مش ليل الهوارى ال حتت بت زيك ترفضه يا حلوه
كاميليا طول ما هي بتسمع كلامه وهو قريب منها بالشكل قرفت منه وكانت عاوزه تستفرغ
ليل اضايق منها ولوي دراعها وراه فصرخت بوجع فضفط عليه اكتر غمضت عيونها بألم
ليل بسخريه :
عايزه تستقيلي انتي غبيه اوي مش عارفه اني طالما حطيت حاجه في دماغي هوصلها هوصلها لو ايه خصوصا لو حاجه سهله زيك اليومين ال فاتوا كنت سايبك بمزاجي وانتي ال هترجعيلي غصب عنك
كاميليا بخوف :انت قصدك ايه
ليل بعدها عنه :يعني انتي مضيتي ع شرط جزائي مليون ج لو سييتي شغل قبل سنه بالظبط ودون اذني
وقانونا طبعا انتي عارفه يا تدفعي ياااا
كاميليا بصدمه وخوف :اااا اانت هتسجني
ليل قرب منها جامد لدرجه ان كاميليا لزقت في الحيطه وكانت بتعيط من خوفها منه
اول ما قرب منها هي زقته وطلعت تجري بس هو زقها ووقعت
ع الارض
ليل همس بالقرب من اذنها بسخريه :معلش بقا اصل انا مريض
نفسي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أجبرني على الإنجاب)
