رواية أحببت مجنونة 4 (أحببت أخي) الفصل الحادي عشر 11 بقلم نجمة براقة

رواية أحببت مجنونة 4 (أحببت أخي) الجزء الحادي عشر

رواية أحببت مجنونة 4 (أحببت أخي) البارت الحادي عشر

رواية أحببت مجنونة 4 (أحببت أخي) الحلقة الحادية عشر

#جميله
تانى يوم روحنا النادي انا ورحيم ومريم، بعد ما رحيم فضل يزن عليه ساعات وانا اتحجج باي حجه، مره تعبانه ، مره زهقانه، ولكن لا حياة لمن تنادي اصر اني لازم اروح
وصلنا النادي ولقيناهم مستنين،.. كنت بفكر اجري واسيبهم،، مش قادره ابصله ، حاسه اني عامله ذنب وهو اول ما شافنا جه نحيتنا هو ومبتسم وسلم علي اخواتي ولما دوري جه، يدوب لمسة ايده وشديت ايدي منه كانه كهربني وهو لاحظ كده وضحك عليه
علي _ عاملين ايه
رحيم _ تمام وانت
على _ بخير .. ازيك يامريم عامله ايه
مريم بإبتسامه _ كويسه، وانت
علي _ الحمدلله … ازيك يا جميله
شاورتله بمعني تمام وبصيت للارض تاني
علي _ مجبتيش الوحه معاكي ؟
رحيم _ اهي معايا، خدي يا جميله… اممم امال فين البنت
على _ كانت هنا دلوقتي.. اكيد راحت تجيب حاجه تشربها
رحيم _ اوكي، يلا بينا نقعد شويه وبعدين نشوف هنجري ولا نعمل ايه
علي _ اوك اتفضلو، اتفضلي يا مريم.. اتفضلي يا جميييله
اتك علي اسم جميله وانا عامله زي اللي علي راسي بطحه، ف رديت عليه بالكتابة
جميله _ هجري شويه يكون البنت رجعت
رحيم _ تجري فين، استني شويه وبعدين هنجري كلنا
جميله بوجه عابس_ طيب
قعدنا وبعد شويه جت ايمي، كانت بنت جميله ومرحه، بس شكلها هزيل ونحيفه وجسمها صغير بنسبه لسنها، اللي يشوفها يقول عندها 15 سنه مش 22
اتعرفنا عليها كلنا وجت عند رحيم وبصتله بقرف
ايمي _ مين جاب الواد ده هنا، مين ده؟
مريم _ ده رحيم اخويا انتي تعرفيه
رحيم _ واااد.
ايمي _ امال بنت.. معرفهوش، هي مره قابلته وكان قليل الذوق
رحيم بنرفزه_ عن اذنكم هجري شويه
على _ استنا هي متقصدش.. ايمي عيب كده
ايمي _ هو انا اتكلمت.. ولا هو رمي جتت وخلاص
رحيم _ شويه وراجع بدال ما ارتكب جريمة
ايمي _ يمي يمي يمي، خاف ياعلي
فضلت اضحك عليها وعلي شكل رحيم وهو نفسه يضربها بس عامل حساب «علي» وعيني تيجي علي «علي» الاقيه بيبصلي ومبتسم بطلت ضحك وبصيت بعيد وانا بتمنا شيء الاهي يحصل ويخليني امشي او الارض تبلعني بس حصل العكس.. رحيم اضايق ومشي وايمي طلبت من مريم تروح تلعب معاها كوره سله.. اول ما مشيو قومت انا كمان
علي _ استني
بصتله بلخبطه
علي _ رايحه فين
جميله بالكتابة _ رايحه اجيب حاجه اشربها
على _ وانا كمان عاوز اشرب حاجه،.. انا جاي معاكي
جميله _ خلاص روح انت انا هقعد شويه
علي بإبتسامة _ اقعد معاكى يكون حد جه يسليكي
جميله بقلة حيله_ ماشي
علي_ اتفضلي اقعدي
جميله _ طيب
على _ اخبارك ايه
جميله _ كويسه
على _ خفيتي خالص
جميله _ الحمدلله
علي _ انتي زعلانه منى في حآجه
جميله _ لا وازعل لية
على _ مش عارف
جميله _ لا مش زعلانه
على _ جميله، هو احنا ممكن نكون صحاب
جميله _ لا
علي _ ليه
جميله بارتباك _ عندي صحاب كفاية
علي بإبتسامة _ زيديهم واحد
جميلة _مريم كفاية عليك مش بحب اشاركها صحابي
علي _ انا ومريم مش صحاب
جميله _ امال ايه
علي _ معرفة سطحيه، انا معرفهاش كويس
جميله _ اه.. انا اسفه مش هينفع، عن اذنك هروح اشرب حاجه، وخليك انا عاوزة اتمشا لوحدي
علي بإبتسامة _ اوك
بسيبه وامشي، وبعد شويه بتوصلني رساله منه علي حساب لوسيفر، بصتله بتلقائيه ك رد فعل طبيعي ،، ولقيته ماسك التليفون وبيبصلي وفهمت انه هيبداء الاستعباط
كملت في طريقي ورديت عليه
لوسيفر _ منه اللي مبتسالش
جميله _ معلش اصلي كنت قاعده مع حد رذل وبوشين
لوسيفر _ ههههه طيب وايه جابرك
جميله _ هو
لوسيفر _ لو ضايقك قوليلي وانا ابهدله
جميله _ هو عاوز البهدله بصراحه
لوسيفر _ هو بيرذل عليكي لية
جميلة _ مش عارفه اهو حرقة دم وتوتر وخلاص
لوسيفر _ طيب ما تساليه يمكن يقولك سبب رذالته
جميله _ لا خلينا كده احسن مش عاوزة يكون بيني وبينه كلام
لوسيفر _ خلاص اتكلمي معايا انا وسيبك منه
جميله _ اممم تفتكر عاوز مني ايه
لوسيفر بإبتسامة _ يمكن بيحبك
جميله تبص عليه من بعيد وهو يبادلها النظرات
جميله _ هو بيحب اختى من الاول
لوسيفر _ يمكن كان متلخبط بينكم، ولما قربلك عرف هو بيحب مين فيكم.. المهم انتي مشاعرك ايه من نحيته
جميله _ مفيش اي مشاعر وحتي لو كان بيحبني زي ما بتقول، ف ده مش هينفع لازم ينسا، انا مستحيل أخسر اختي عشان حد،
لوسيفر _ اظن انك انتي السبب في انه يقرب منها، كان ممكن تصرحيه من الاول انك جميله مش مريم
جميله بتنهيده _ لما افتكرني مريم وقال انه بيحبها انا حبيت اساعده مش اكتر، مقصدتش اخدعه، وهو ما صدق وغير نفسه علشانها،
لوسيفر _ بردو كان لازم تقولي انك جميله مش مريم، ع فكره هو حبك انتي ومكنش يعرف انكم اتنين
جميله بتنهيده _ معرفش بقا، المهم دلوقتي ان مريم حبته، وانا مش هسمح ان يكون في حآجه بيني وبينه، حتي التواصل علي الانترنت انا همنعه من دلوقتي
لوسيفر _ منصحكش تعملي كده، هو مش هيخاف علي مشاعر اختك زيك، صدقيني مش هيفكر في حد غيرك، ومش بعيد يروح يطلبك انتي في اي وقت
جميله _ مش لما اكون عاوزاه يقوم يعمل كده
لوسيفر _ طيب ايه رأيك انك مشغوله بيه هو مش اهبل عشان ميفهمش معني نظراتك ليه لما كنتي تعبانه وشالك علي ايده، فاكره نظراتك وقتها
جميله بانفعال _ انا منظرتش لحد وبقولك معنديش اي مشاعر ليه ماشي، اقفل بقا
لوسيفر _ ماشي بس اياكي تعملي بلوك
سبته ومردتش عليه وبعدين جبت قهوه واتمشيت في النادي
#مسك
كنت في التصوير ولقيته داخل علينا، محبتش اتكلم معاه، وانا مش راضيه عن تصرفاته وعنده حتى في عمره..
وقف ورايا واستناني اخلص وبعد ما خلصت جه كلمني
سيف _ صباح الخير
مسك بجدية _ صباح النور، … يلا يا شباب كده فركش،،
عبقرينو، لم الدنيا وتعاله عاوزاك. وبتمشي وتسيبه
سيف _ مسك
بمشي ومبردش عليه وبروح على اوضتي علي طول وبعد شويه الباب بيخبط افتكرت ان دي مياده، وقومت افتح، بس طلع سيف مش مياده
مسك _ افندم
سيف _ ممكن افهم في ايه
مسك_ مش فاهمه بتتكلم عن ايه، ولو سمحت امشي ورايا شغل
سيف بانفعال _ مسك فهميني في ايه
مسك بزهق _ قولتلك مفيش، ويلا اتفضل بقا رايحه اغير
سيف يدخل جوه ويقعد علي الكرسي ويحط رجل علي رجل _ مش ماشى غير لما افهم في ايه
مسك _ ايه اللي بتعملو ده، افرض مياده جت دلوقتي
سيف _ محدش يهمني، ها انا مستني، أرغى
مسك بانفعال _ بصراحه انا مش مستعده اتعامل مع زعيم عصابه زيك، كل حياتك حرام في حرام، و روحك علي كف عفريت، انا ايه يجبرني اتعامل مع واحد زيك
سيف يقوم ويوقف قدامها ويحط ايديه في جيوبه _ مش انتي اللي تقولي تتعاملي معايا ولا لا، انا مش محتاج رايك في حآجه اصلا
مسك_ هي دي كمان فيها عافيه،
سيف _ اه دي كمان فيها عافيه.. طول مانتي هنا هنتقابل كل يوم وهنتكلم، احمدي ربنا اني هخليكي تمشي اصلا
مسك _ هي حصلت
سيف _ انا متعود لما اعوذ حآجه بوصلها، ورغم كده انا لغيت دلوقتي متعاملتش معاكى بطريقتي
مسك _ أطلع برا يا سيف
سيف _ مش طالع غير لما تتعدلي معايا
مسك بزهق _ قولتلك اني مش مستعده اتعامل مع زعيم عصابه، لو بطلت الشغل ده وقتها نبقا نتكلم
سيف _ اكتر حآجه بكرها ان حد يقولي اعمل ومتعملش، انا مش هبطل يا مسك وانتي مش هتبطلي تكوني معايا
مسك بانفعال _ ، بقولك مش عاوزة اعرفك خلي عندك دم ياخي
سيف يمسكها من. شعرها وييصلها بتركيز _ مسك انا مانع نفسي من حاجات كتيره المفروض اني اعملها معاكي، متطرنيش اعملها دلوقتي
مسك بالم_ هتعمل ايه يعنى
سيف يقرب منها ليلتصق جبينه بجبينها _ تكوني ليه وكل حتة فيكي تبقا ملكي، مسك انا حبيتك، ودي اول مره تحصل
مسك بدموع _ سيبني طيب
سيف _ متخافيش مش هعملك حآجه بس انا بعرفك ممكن اعمل ايه، وانا حاسس بأيه نحيتك
مسك _ سييني بقا وبتذقه بعيد عنها، وتسيب الأوضة وتطلع جري برا الفندق
افتكرت كلام بابا ونصايحه ليه قبل ما امشي، وحسيت اني خنت ثقته، فيه، وخصوصا اني قربت منه لدرجة مشاعري تحركت نحيته، وعلى حسب كلامه هو كمان حبني.. ودي بنسبالي كارثه لاني مش جايه هنا اعيش مشاعر الحب مع زعيم عصابه، انا جايه اشتغل وادور علي اخويا وبس
طلعت من الفندق وبقيت اجري اجري لبعيد وانا بمسح وشي وحاسه ريحته لاصقه فيه .. وقفت عند احدي المطاعم ودخلت الحمام هناك غسلت وشي ومسحت شعري عشان ريحته تفارقني لكن كانت حولية ، ومش راضيه تفارقني وفجاه سمعت صوت مألوف بنسبالي، استدرت وبصيت عليه لقيته باولو كلمته بلغته
مسك _ انت
باولو _ نعم.. اعرفك بنفسي
مسك_ عرفاك، عاوز مني ايه
باولو_ كويس.. ندخل في الموضوع.. انتي حبيبة منافسي مش كده
مسك _ انا مش حبيبه حد
باولو_ صديقته اذآ، اي ان كان،
مسك_ عاوز ايه يعني
باولو_ صديقك اللي عاوز
مسك _ والمطلوب مني
باولو _ تقنعيه يسيب الصفقه وهديكي اي مقابل عاوزاه
مسك_ انا مليش دعوه بيه متدخلونيش في شغلكم
باولو _ انت مجبره توافقي والا هتشوفيه ميت
مسك بارتباك _ ميهمنيش اعمل اللى عاوزة
باولو_ طيب بصى هنا وبيوريلها فيديو كاميرة مراقبة داخل سياره سيف وهو بيسوق ويظهر قنبله مثبته خلف الكرسي
مسك بصدمه_ لا لا، حد يوقفها
باولو_ للأسف هي خلاص اشتغلت وفي انتظار لحظة الانفجار، اذا تقدري الحقيه انتي، وخليكي عارفه ان دي مش اخر مره، لغيت ما تقنعيه يسيب الصفقه
مسك بقلق وخوف_ هو فين دلوقتي
باولو_ اظن ان خرجتي من هنا هتلاقيه جاي من نفس الطريق اللي جيتي منه
سيبته وطلعت جري زي المجنونة، وانا مرعوبه وعقلي بيقولي مش هتلحقي.. روحت من نفس الطريق اللي جيت منه،
وبعد شويه شوفت عربيته جايه، وقفت في نص الطريق وشاورتله بأيدي لغيت ما وقف
#سيف
_ كنت سايق العربيه وفجاه لقيتها واقفه في نص الطريق وبتشاورلي بأديها ويظهر علي شكلها القلق الشديد، وقفت علي جمب وهي جت جري وفتحت الباب، وشدتني من ايدي
سيف _ في ايه
مسك ببكاء _ خلينا نمشي بسرعه
سيف _ افهم في ايه الاول
مسك ببكاء _في قنبله في العربيه
سيف _ استني
بصيت للخلف ولقيت قنبله فعلاً بس مكنتش شغاله
سيف_ دي مش شغاله، انتي عرفتي ازاي
مسك تبكي بانهيار_ اكيد شغاله انا شفتها بعيني والله، الله يخليك خلينا نبعد بسرعه
سيف يقرب منها ويحط ايديه على وشها _ مسك اهدي _ القنبلة مش شغاله
مسك ببكاء_ اه بس انا شوفتها والله
سيف_ مصدقك، ممكن تهدي
مسك تستمر في البكاء وهو يحضنها باحتواء ويمشي ايده علي شعرها بحنان _ خلاص كله تمام، اهدي
مسك ببكاء_ قولتلك شغلانتك دي اخرتها وحشه، علشان خاطري سيبك منها ياسيف
سيف _ خليكي تهدي الاول وبعدين نتكلم. اشششش
فضلت شويه في حضني وهي بتبكي بانهيار، لدرجة محستش بالي بيحصل، وبعد شويه زقتني بعيد عنها
مسك برجفه_ انت ازاي تعمل كده
سيف_ مش شايفه حالتك
مسك بانفعال_ ياخي ان شاءلله اولع ملكش دعوة،، اقولك حآجه، انا كان لازم اسيبك تموت، انا ماشيه
سيف بيوقف قدامها _ مش هتمشي غير لما افهم في ايه، عرفتي ازاي ان في قنبله
مسك_ ملكش دعوه، ابعد كده خليني امشي
سيف_ مش هتمشي غير لما تقوليلي تعالي هنا، بيشدها ويركبها العربيه، ويقفل عليها ويروح يركب من الجهه التانيه ويقفل العربيه وهي تحاول تفتح ومتعرفش
مسك بانفعال_ افتحلي احسنلك
سيف بحده_ مش هتطلعي غير لما تقولي عرفتي منين
مسك بترجي_ سيف بالله عليك تسيب الشغل ده والله هتموت بجد
سيف_ طيب ممكن تهدي وتفهميني ايه اللي حصل
مسك بدموع_ واحد قابلني و قالي
سيف _ مين هو ده
مسك _ معرفهوش
سيف _ وقالك انتي ليه
مسك_ معرفش
سيف _ غريبه
مسك _ اديني قولتلك افتحلي خليني امشي
سيف بإبتسامة _ خوفتي عليه
مسك _ لا، ويلا خليني امشي
سيف _ تعالي معايا
مسك_ مش عايزة اروح معاك اي مكان، افتحلي وبس
سيف يشغل العربيه ويمشي من غير ما يرد عليها
مسك بانفعال _ انت بتعمل ايه، وقف احسنلك
سيف _ مسك
مسك _ متقولش زفته و وقف العربيه
سيف _ انتي عاوزاني اسيب الشغل ده صح
مسك تهدي _ ايوه
سيف _ موافق
مسك باستغراب _ ايه
سيف _ انا موافق، بس بشرط
مسك_ ايه
سيف _ لما تحبيني و توافقي تجوزيني
مسك _ نعم، لا لا طبعا انا مليش دعوه بيك، انت حر
سيف_ خلاص انا مش هبطل
مسك _ انت حر، ممكن ترجعني بقا
سيف _ لا انتي هتيجي معايا، النهارده اجازه وهنقضي اليوم كلو مع بعض
مسك_ انا مش عايزة أقعد معاك ياخي، نزلني بقا
سيف _ قولتلك مش بمزاجك، هتيجي معايا ومسمعش صوتك تانى
مسك _ طيب ممكن ننزل ونكمل مشي او ناخد تاكسي علشان في كاميرا في العربيه
سيف _ بجد، عملوها ازاي دي
مسك _ معرفش ماهو انت زعيم عصابه علي قدك بيقدرو يحطو اي حآجه في عربيتك عادي
سيف _ انا لو عرفتهم هروح احضنهم ههههه .. يلا انزلي
نزلنا من العربيه وهي كل شويه بتفكر تغافلني وتهرب بس علي مين
سيف _ متحاوليش مش هتقدري
مسك بزهق _ هنروح فين تانى
سيف _ هتعرفي لما نوصل
#عبقرينو
خلصنا التصوير والفريق كله نزل ياكول في الكافيه، بما فيهم ميادة وزين اللي قعدو علي نفس التربيزه، وبيتكلمو مع بعض ويهزرو، .. وهي ولا مره بصتلي ولا حته بالغلط، عاوزة تفهمني ان اللي حصل كان عادي او مفرقش معاها، بس التجاهل الزيادة اكبر دليل ان الشخص متهم، وانا منكرش ان تجاهلها استفزني لكن قدرت اظهر الهدوء وعدم الاهتمام لغيت ما جت جوليا الخنيقه
جوليا _ هاي بيبي اي ميسيو
عبقرينو _ ها جوليا، اتفضلي
جوليا _ زعلانه منك
عبقرينو _ ليه
جوليا _ سبتني لوحدي ومن وقتها مجتش تاني، ايه معجبتكش
عبقرينو _ عجباني بس انا مش متعود علي العلاقات دي. انا اسف، خلينا صحاب
جوليا _ اوكي مش هجبرك علي حآجه، قولي بقا.. مالها
عبقرينو _ مين
جوليا _ ميادة .. انتو مع بعض علشان كده اضايقت صح
عبقرينو _ لا احنا زملاء بس
جوليا _ وضربتك ليه لما هي زميله بس.. انا متاكده انها بتحبك
عبقرينو _ بيتهيالك،
جوليا _ انا بنت واقدر افهم سبب تصرفها ده
عبقرينو بزهق _ تاكلي
جوليا _ اممم اوك، اقولك حآجه، مش هي بس اللي بتحبك وانت كمان بتحبها
عبقرينو _ اطلبي اكل علي حسابي انا ماشي
مشيت وسبتها بعد ما زهقت من كلامها ومقدرتش ما ابصش لمياده بصه اخيره، ولقيتها علي نفس الوضع مركزه مع زين وبتهزر معاه
#ميادة
انا استغربت نفسي على كمية الثبات اللي بقيت فيه الفترة دي، يمكن عشان مجروحه منه.. اكيد هو ده السبب .. نزلنا الكافيه، وطول القعدة. حاسه بيه بيبص علينا ويراقب تصرفاتنا لغيت ما مشي،
بعدها انا زهقت من التمثيل ف استأذنت من زين ومشيت في طريقي للغرفه،
و قابلته هو و واقف جمب الباب بتاع اوضته، وماسك المقبض لغيت ما وصلت عنده
عبقرينو _ ميادة
مشيت خطوتين وتجاهلت ندائه وهو نده عليه تاني
عبقرينو _ وقفي
ميادة _ نعم
عبقرينو _ فين مسك
مياده _ معرفش
عبقرينو _ مش قاعدين مع بعض في نفس الاوضه ازاي متعرفيش
مياده _ كده، عن اذنك
عبقرينو _ مياده
ميادة بزهق _ في ايه تانى
عبقرينو _ انا اسف
سمعته وحسيت اني هبكي ف مشيت وسبته من غير رد ودخلت اوضتي
و وقتها استسلمت لضعفي وبكيت كتير، لغيت ما الباب خبط، غسلت وشي بسرعه ورجعت افتح
عبقرينو _ لو مسمعتيش، ف انا قولتلك اسف من شويه
ميادة _ انا مش زعلانه اصلا علشان تعتذر
عبقرينو _ اهييي جد مش زعلانه
ميادة _ جد.. انا نسيت السبب اصلا ، عن اذنك رايحه ارتاح شويه
عبقرينو _ اووكي اتفضلي
ميادة بتقفل في وشه الباب
مكنش ينفع اقبل بسهوله كده بعد اللي عملو وإلا هيغلط تاني عادي ماهو انا سهل اتراضا بقا ويقدر يعيدها
#مسك
خدني للملاهي، كانت حاجه زي دايره متثبته بعمود طويل وبتلف، وانا بطبيعتي عندي رهاب من الاماكن المرتفعه، لا وكمان بتدور، حاولت كتير مطلعش بس هو اصر وخلاني اطلع بالعافيه. وبالفعل طلعنا
سيف _ استمتعي وبلاش نشفان دماغ
مسك بتوتر _ انا بخاف من الاماكن العاليه، خلينا ننزل
سيف _ تؤ.. واجهي خوفك عشان متخافيش منه تاني
مسك تاخد نفسها بالعافيه _ هووف خلينا ننزل الله يخليك، هقع بجد
مسك ايدي وضمها محاولة لازالة التوتر وانا ضربته برجلي في رجله بغيظ
مسك _ متستغلش الموقف لا احدفك من هنا
سيف _ انتي عبيطه، انا بطمنك بس
مسك بزعيق_ مطمنيش، انا لو مقابلتكش مكنتش قلقت من الأساس
سيف _ استحمليني ياستي كلها كام يوم وهتمشي وترتاحي مني
مسك _ احسن يارب عجل بقا
سيف _ هتكوني مبسوطه لما تمشي بجد
مسك_ جداااا. كل مشاكلي هتخلص بمجرّد ما امشي من وشك
سيف بإبتسامة _ قدامنا 8 ايام مين عارف مش يمكن تحبيني فيهم
مسك _ حبك برص، سيف انا. كرهتك بجد،
سيف _ اه ما انا عارف، بمناسبه، القنبله، اطلع بسرعة، وانهرتي لمجرد انك عرفتي اني هموت، كداابه اوي
مسك بقرف_ اي حد غيرك كنت هعمل علشانه كده بلاش فكاكة اهلك دي
سيف _ اقولك حآجه انا حاسس انك هتحبيني واوي كمان، وساعتها هبصلك من تحت لفوق واقلك تعالي بكره
مسك _ هاهاهاها خفيف اوي حضرتك
سيف _ ههههه شكراً
مسك _ امممم في جديد في الموضوع اللي قولتلك عليه
سيف _ في حد بنفس الاسم في ولايه تانيه، انا بعت ليه وهعرف كل التفاصيل عنه واقولك
مسك بفرحه _ بجد، يعني ممكن يكون هو
سيف بإبتسامة باهته _ ممكن،
مسك _ يااارب، تعرف، لو بابا شافه هيتبسط اوي ومش بعيد يجري من غير العكاز.. انت متعرفش عايش ازاي من غيره، كل ليلة ادخل عليه الاقيه بيقلب في صوره ودموعه تنزل غصب عنه
سيف محدث نفسه بحزن _ أكيد بابا زعل عليه كده قبل ما يموت، كان نفسي يكون موجود دلوقتي هو ورودينا و اخويا الصغير ونعيش مع بعض
مسك _ مالك
سيف _ مفيش
مسك _ هو انت فين مامتك وباباك مشوفتهمش قبل كده
سيف بتنهيده _ ماما توفت وبابا موجود
مسك _ اه.. الله يرحمها
سيف _ متشكر .. اقولك حآجه
مسك_ قول
سيف بإبتسامة _ فيكى شبه كبير من بابا وزين كمان
مسك _ ابوك كمان.. كتير قالي شبه زين بس اول مره حد يقولي شبه ابوك
سيف _ ايه رأيك تيجي معايا اعرفك عليه،
مسك_ هتعرفني عليه بصفتي ايه، لا طبعاً
سيف_ انا حكيتله كل حآجه عنك، ونفسه يشوفك
مسك _ حكيتله ايه
سيف _ كل حآجه
مسك بلخبطه _ اه
سيف _ طيب هتروحي معايا ولا لأ
مسك _ ماشى موافقه
عدا الوقت وانا نسيت خوفي من المرتفعات، او نسيت انى فوق اصلا، .. نسيت نفسي وانا معاه…
بعد ما وافقت اقابل ابوه، كل حآجه بعد كده اتغيرت حياتي اتحولت 180 درجة…..