رواية لست أمي الفصل الحادي عشر 11 بقلم أمل مصطفى
رواية لست أمي الجزء الحادي عشر
رواية لست أمي البارت الحادي عشر
رواية لست أمي الحلقة الحادية عشر
رن هاتفها برقم عامر .
ألو .
تعالي عايزك .
وقفت أمام المرآه تنظر لنفسها ترتب هيئتها ثم نزلت طرقت باب غرفته دلفت للداخل
تعالي يا ياسمين أقعدي .
جلست جواره علي طرف السرير وهي تشعر بالتوتر
عايز أتكلم معاكي بصراحه مش حابب أنام وأنا جوايا حاجه من ناحيتك ؛أنا مش حابب ظهورك قدام الناس بشعرك ولا بالبس ده أنتي الوقت مراتي شايله إسم العيله ؟
ردت ياسمين بغيره ما نورا كانت بتلبس عريان ورغم كده كنت راضي بيها ولا عشان كنت بتحبها .
نظر لها نظره طويله فهو لم يتوقع مثل هذا الرد
أنتظر أن يسمع حاضر أو اللي يريحك لكن ليس هذا
الرد أوك براحتك تقدري تطلعي أوضتك أنا تعبان وعايز أنام .
وقفت تنظر له بضيق وهو يتمدد ويغلق عيونه دون كلام ظلت علي وضعها فتره ثم تركة الغرفه
*************
أيه اللي أنا هببته ده بذمتك ده رد كنتي ريحيه
وقولي له أنك كنت نازله بكره تشتري ملابس محجبات ليه العند ده
أنا مش بعاند أنا الغيره هتموتني من كلام شمس عن معاملته لنورا وحبه ليها معني كده أنه مش بيحبني
لأنه كان سايبها براحتها ومش بيحب يضايقها أوووف بقا .
أنا هنزل أعتذر ليه لأن شكله إتضايق من كلامي
فتحت الباب دون طرق وجدته يجلس وهو ينظر للسقف إلتفت لها بإستغراب من طريقة دخولها
كانت تقف أمامه وهي تفرك يدها من التوتر أنا أسفه يا عامر أنا مش قصدي أضايقك والله
بس أنت عارف لساني غبي و متهور
شعر بفرحه داخليه كبيره لأنها لم تستطع تركه حزين ولو لفتره صغيره
مد لها يده بإبتسامه
مسكت يده بسرعه و إنحنت عليها تقبلها أمام نظرة عيونه ال مصدومه من فعلتها أرتعش جسده من
روعة إحساسها مد يده يحركها بين خصلات شعرها بحنان وعندما رفعت رأسها جذبها لأحضانه
بقوه ضمت نفسها له أكثر وهي تهمس بحبها له
أبعدها يتأمل ملامحها بإبتسامه عذبه وأنا بعشقك يا مجنونة عامر ماكنتش أتخيل أن زينة البنات
تحبني في ظروفي دي
الوقت زينة البنات ما كان ناقص لي شنب و أبقا سيد الرجال !
ضحك عامر بقوة كنت بحب أشوفك وأنتي غضبانه زي الأطفال .
حرك أنامله علي وجهها وهو يتحدث بغرام أنا بحبك يا ياسمين بحبك أكتر من نفسي
إقترب منها وقب*لها بنعومه أذابتها أغمضت عيونها من روعة تلك المشاعر التي تغزوها .
تحدثة لتهرب من تلك المشاعر التي جذبتهم لطريق لا تعلم مداه طيب أسيبك ترتاح
ظل ممسك بها وهو يتحدث بهمس عايزك تنامي النهارده في حضني .
كأنها كانت في إنتظار هذا الطلب توجهة للطرف الأخر من السرير وصعدت جواره .
إبتسم علي طفولتها وصفاء قلبها لم تستطع أن تظهر عكس ما بداخلها من لهفه تواجدها في أحضانه
إعتدل في نومه لتكون مرتاحه إقتربت منه بسعاده
وهو ضمها لتكون رأسها علي صدره وقبل شعرها تصبحي علي خير يا جنتي .
رفعت عيونها لتقابل عيونه عايزه أسمع حكايه قبل النوم .
عامر برفعة حاجب نعم عايزه أيه ؟
تحكي ليا حكاية قبل النوم .
أبعدها عامر عنه بمرح أطلعي يا ياسمين أوضتك الله يهديكي كنتي بتنامي السنين دي من غير حكايات والنهارده جالك مزاجك .
ياسمين بنفي لا كنت كل يوم بسمع حكايه
أنا مسجله حكايات كتير علي الفون وهو فوق أحكي إنت بقا .
طيب كان يا مكان كان في أمير ماقدرش حب أهله ليه و أتمرد عليهم .
رفعت عيونها مره أخري لتري الحزن بعيونه
جلست أمامه عامر حبيبي الناس بتحكي قصص قبل النوم مرحه و مبهجه عشان تساعد الأطفال علي النوم مش حزينه و مرعبه تضيع النوم .
إحتضنه وجهه بين يدها وتحدثة بحنان لسه حبك
جواهم وأرواحهم معاك دايما صدقني الموت فراق للجسد لكن أرواحهم معانا و حوالينا يضحكوا لما بنضحك و يحزنوا لما نحزن عشان كده عايزاك تقاوم تعبك و ضعفك وترجع شغلك وتعيش حياتك
عشان يطمنوا عليك و يحسوا أن تعبهم مارحش علي الفاضي .
ضمها بقوه مافيش حاجه تقدر تعبر عن إحساسي بيكي في اللحظه دي أجمل لحظه في حياتي يوم دخولك باب بيتي أنتي الجنه اللي كنت بتمني أعيشها أنتي الدنيا اللي ما كنتش بصدق وجودها ربنا يخليكي ليا يا قلبي ❤️
***************
في صباح يوم جديد ومكان جديد
صباح الخير يا حبيبتي .
صباح الخير يا حبيبي أنت رايح الشركه ؟
أه في حاجه .
توجه له روايدا وهي تتحدث بدلال أنا عايزه أسافر يومين شرم مع صحباتي .
لا لما أخلص شغل نسافر مع بعض .
طيب ما أسافر أنا ولما تخلص تحصلني .
حسين ::بغضب روايدا مش عايز كلام كتير الموضوع منتهي ؟
تركها وغادر وقفت تبرطم بالكلام .
***************”
قامت بفتح عيونها وهي تتمني أن ما تشعر به يكون حقيقه .
وجدته يتأملها بفرحه كبيره صباح الجمال علي جنتي .
إعتدلة وهي تمرر أناملها بين خصلات شعرها
صباح النور .
تحدث بحنان ماكنتش أتخيل إن مجرد كلمه أو لمسه من شخص ترد الروح في شخص تاني كأنها الحياه تخلي نفسه تتفتح للدنيا و يتمني يعيشها بكل مشاعرها
فرحه أو حزن المهم نتشارك فيها .
وأنا بشكر الظروف اللي جمعتني بيك يا عامر و بتمني أكمل الباقي من عمري معاك وجوه قلبك بحبك أكتر من أي حاجه في الكون .
***********
رن جرس الباب فتحت أم حسن وجدت أمامها شاب يحمل باقة زهور في يد والأخري بها صندوق .
ده لمدام ياسمين ياريت حد يمضي إستلامه
تناولته أم حسن ومضت له .
كادت تتحرك به عندما نزلت ياسمين وهي تسأل
مين جاب الحاجات دي يا داده ؟
مش عارفه واحد جابهم بيقول لحضرتك .
إقتربت ياسمين تتناولهم بسعاده وهي تنظر
للبطاقه (أجمل ورد لأجمل وأرق ورده في حياتي )
إلتفتت تنظر لباب غرفته وهي تشعر بفرحه
وضعة باقة الزهور وهي تفتح البوكس شهقت وهي تضع يدها علي فمها بعدم تصديق فهو مزين بطريق رائعه وبه أشياء كثيرة وأكثر شيء أسعدها أنواع الشيكولاته المختلفه في جميع أنحاء البوكس وفي ظهر الصندوق مكتوب بخط رائع جنتي .
تركة كل شيء بيدها دلفت لغرفته بسرعه وجدته يخرج من الحمام يبدوا أنه كان يأخذ شاور
إقتربت منه بلهفه أنت اللي جنتي مش أنا أنت عوض ربنا ليا عن الحب والحنان اللي أفتقدته بعد غياب بابا ربنا ما يحرمنيش منك أبدا .
أجلسها علي قدمه وهو يحدثها بحنان أنا موجود عشان البسمه الجميله دي تفضل منوره وشك وحياتي كلها ؛
أيه رأيك لما نروح نقعد علي النيل شويه و تعزميني علي بطاطا أو دره .
تعلقت بعنقه موافقه بس أنت اللي تعزمني لأن أنا علي الحديده من زمااااان .
****************
والله حاولت معاه ورفض بطريقه مزعجه .
شوشو ::الحفله هنا تجنن و أسعد سأل عليكي
تتعوض مره تانيه وسلمي عليه .
وبكره أجرب أتكلم تاني معاه
أوك يا ريري في إنتظارك بااااي
روايدا بضيق بااااي
هو أنا أتجوزت عشان الخنقه دي أنا عايزه أخرج أسافر يبقا معايا فلوس في البنك أسحب منها وقت الحاجه لكن أيه ده كل خروجه معاه وهو اللي بيصرف
**************
طرق الباب ودلف أخبارك يا بوب سمعت إنك متعصب النهارده علي الموظفين .
شوفت ياسمين .
زين بسؤال شوفتها فين يا يحيي .
تحدث بحزن علي النيل قعده جنبة بتتكلم و تضحك معاه كأنه راجل كامل ومميز أنا عمري ماشوفتها فرحانه كده .
رد زين بتنهيده لأنه فعلا في عيونها راجل كامل ومش نقصه شيء لأنها بتحبه واللي بيحب ما بيشوفش عيوب حبيبه ربنا بيحليها في عيون الأحبه واللي بيحب بيحتوي بالحنان والإهتمام مش بالقسوة والغرور
نظر له يحيي وهو يفهم مغزي كلامه ورد بحزن
أنت عارف أنا حاسيت بأيه لما جالي إتصال من واحد أنه شافها في المول ومشي وراها لما وصلت الفيلا عشان المكافأه اللي كنت ناشرها
أنا كان قلبي بيرقص بين ضلوعي لأن لأقيتها
وكنت بحلم أبداء معاها من جديد أحتويها و أعوضها قسوة أمها بس لما رجع الراجل بتاعي اللي راح يتأكد من الإتصال بجد ولا مجرد هزار رجع قال إنها عايشه معاه لوحدهم في الفيلا بركان الغضب و الغيره ثار جوايا و أخدت عهد لأزم أربيها
علي تهورها ده ولولا أنت وقفت قصادي و خليتني
أشوف أن جوازي منها هيبقا كارثه ليا وليها
عمري ما كنت سيبتها ليه أبدا بس بعد ما شوفتها النهارده عرفت إنها عمرها ما هتكون ليا أبدا
*************
كانت تنحني تلملم بعض الحصي تحت نظرات.
عيونه ال مزهوله وهو يسألها بتعملي أيه يا مجنونه 🤔
نظرة له بإبتسامه واكملت ما كانت تفعل دون كلام وريكس يمشي جوارها .
رجعت تجلس جواره وهي تعرفه طريقة المسابقه
نظر لها بزهول يعني أنتي عايزه عامر ابن الراجل والست الكمل يقعد علي النيل يرمي حصي في المايه رفع عيونه للسماء أنا مش عارف كنتم بتدعولي ولا بتدعوا عليا .
ياسمين برفعة حاجب لا أنت بتاعي أنا ثم رفعت عيونها بمرح بعد إحترامي ليكم طبعا أسفه ياماما أنتي وبابا بس عامر بقا ملكي لوحدي .
إبتسم لها بحب دائما كلامها مثل البلسم الذي يداوي جروحه مد لها يده ليتناول الحصي وبدا يتسابقوا في أبعد حصي .
أنا كسبت أنا كسبت ٦_٤
تحدث عامر بزهول مين ده اللي كسب عليه العوض ها تروح كليه تجاره أزاي وأنتي مش بتعرفي تحسبي .
ليه يعني أنا متفوقه جدا في الرياضه علي فكره .
عامر بسخريه واضح واضح بدليل أنا جايب ٦وأنتي ٤ وأنتي اللي كسبتي 😏😏
مش أنت جوزي وحبيبي ؟
هااا وبعدين .
تتنازل عن ال ٦ليا و تأخد أنت ال ٤ لأن مش معايا فلوس أعزمك علي حمص ؟
كان يريد أكلها من شدة لهفته وجنونه بتصرفاتها التي تجعله يهيم بها عشقا لا يصدق أن معه طفله بريئه كل أحلامها اللعب وأكل الحلوي .
لو طلبتي عمري مش كتير عليكي يا جنتي شوفي عايزه أيه وأنا أحاسب .
وقفت بسعاده يعني ينفع أنادي بتاع البلونات ده؟
ضحكة عامر وهو يشاور له إقترب منه البائع بسرعه أخذ منه عامر كل البالون و أعطاه أكثر من حقه .
تناولته بفرحه كبيره وصورها بهم .
كل دول ليا هروح بيهم أزاي .
لمعة فكره في رأسها .
إبتعدة عنه وهي تنادي كل الأطفال الذين تركوا أهلهم وذهبوا إليها وظلت تفرق عليهم البالون بشرط الذهاب إلي عامر وشكره وفعلا فعلوا ما طلبته تحت نظرات أهاليهم ال مشجعه رجعت له وهي تقبله من وجنته شكرا يا عموره .
وجدة جميع الأطفال يفعلوا مثلها تحت سعادته وهو يتمني من الله أن يديمها جنه له في الدنيا ونعيم في الأخره .
***************
كانت تجلس بضيق وملل ومن حولها يضحك ويرقص .
أسعد بسؤال مالك يا ريري متضايقه ليه .
كنت فاكره أنه هايسبني أخرج و أتفسح بمزاجي لاقيته قافل عليا كل حاجه حتي مش عملي حساب في البنك لو إحتاجت حاجه أسحب منه ولو عرف إني خرجت من غير إذنه ينكد عليا .
شوفي يا روحي عايزه أيه وأنا أجيبه لحد عندك
أنا مش عايزه حد يجيب أنا عايزه يكون معايا فلوس كتير بإسمي أسحب منها بمزاجي
**************
رجع في المساء من سفره لم يجدها بالمنزل رن علي هاتفها لم يجد رد .
أنتي اللي أختارتي يا روايدا .
قام سعد بتوصيلها أمام المنزل
دخلت بضيق وعندما فتحت النور وجدته أمامها يشتعل من الغضب .
حمدلله علي سلامتك يا هانم يا محترمه ؟
ردت بتوتر الله يسلمك .
كنتي فين لحد الوقت ؟
أنا كنت سهرانه مع صحباتي
وقف حسين وهو ينظر لها بضيق وأنا قولت
مافيش خروج ولا سهر من غيري ورغم كده برده
خرجتي وده مالوش غير معني واحد إن مش
مالي عينك ولا ليا عندك إحترام
تحدثة بتوتر أبدا بس أنا عمري محبوسه بين أربع حيطان و ماصدقت أخرج للدنيا وأنت دايما
مشغول ورافض أخرج
طيب شوفي ومن الأخر كده أنا أحب الست اللي تكون معايا تسمع كلامي وتحترم غيابي وأنتي مش الست دي عشان كده أنتي طالق .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لست أمي)
