رواية روح يوسف الفصل الأول 1 بقلم آلاء محمد
رواية روح يوسف الجزء الأول
رواية روح يوسف البارت الأول
رواية روح يوسف الحلقة الأولى
=تيته حبيبت قلب روح معروفه
-كلي بعقلي حلاوه يابت
=والله ابدا انا مبحبش قدك اصلا يا تيته
-وتيته مبتحبش قدك ياروح
_لا بجد وانا روحت فين بس
-انت حفيدي البكري وحبيب قلبي
استأذنت من عينه وقومت
**************
انا روح عندي ١٩سنه بابا متوفي من ١٠سنين ف تانيه جامعه مجتهده جدا جدا جدا دحيحه من الاخر دايما بطلع الاوله وده طبعا واخد من اهتمامي بنفسي اخر حاجه بلبس لبس اخويا مالك توأمي
امي دايما بتقول انها جايبه ولدين مش ولد وبنت لاني دايما بتعامل زي مالك بالظبط انا وهو نفس الطباع نفس كل حاجه بس انا مبحاولش اسبت أن انا بنت انا بحب نفسي جدا عيوني لونها اخضر عكس مالك اللي عيونه زرقه سبحان الله بحب ابي لمالك دايما عيونه هادئه ومختلفة
انا ومالك طول عمرنا شاطرين ف المدرسه انا اطلع الاوله وهو التاني ماما دايما عمله لينا عقده لزما تتطلعوا الأوائل لازم تجيبوا درجات احسن من عيال عمتكم لازم تبقوا اشطر ناس ف العيله مع أنه عادي ابقي زي زي اي حد مش لازم ابقي احسن حد ودي كانت أكبر مشاكلي انا ومالك معندناش أصحاب انا وهو وبس قفلين دايرتنا علي بعض هو صاحبي واخويا وكل حاجه
عندي بقي تيته نيته دي بقي ولا كلام الدنيا يوصف مدي حبي ليها هي حب عمري بحبها اكتر من ماما تصدقوا بتفهمني بتحس بيا هي كنزي الوحيد هيا ومالك مبحبش قدها تيته دي والله احنا عايشين ف بيت عيله كبير جدا بس ادوار نيته الدور اللي تحت وانا بنام معاها لكن طول اليوم ماما ومالك تحت عندنا بنعمل الاكل عند تيته وكل حاجه لكن عند النوم ماما ومالك بيطلعوا وانا بفضل
الدور اللي فوقيه بتاعنا والدور اللي بعده بتاع عمي سعد والدور الاخير بتاع عمتي صباح بس هي قاعده ف البلد ولما بتيجي بتقعد فيه
واللي بيتكلم ده يبقي يوسف ابن عمي الكبير عنده ٣٠سنه هو كبير العيله من بعد بابا وعمي الله يرحمهم
طويل وعريض حته يعني شعره طويل وناعم رابطه كحكه ملامحه حاده اوي عيونه لونها اخضر زي جدي شبه جدي ف كل حاجه وعلشان كده تيته بتحبه
كنت بحب يوسف بس لما واجهته بحبي من سنتين ده رفضه واتريق عليا وعلي شكلي وأنا من يومها كرهته قلبي اتكسر حسيت اني قليله ورخيصه ولحد دلوقتي بحاول ارمم الكسر ده
*فلاش باك*
=اوفسا بقولك
_نعم ياروحي
دايما بيدلعني الدلع ده
بتوتر=كنت عايزه اقولك احم احم انا بحبك
قعد يضحك_بتحبيني هههههههه انتي قد عيالي يا روح وكمان بصي لشكلك ولبسك انا هتجوز واحده زي زيها روحي شوفي حالك ياروح وحيات ستك وسيبيني ف حالي قال بتحبني قال ههههههههه
قلبي اتكسر وكرامتي اتبعترت
*****************الان
_يالهوووووووووي يالهووووووووووي يالهووووووووي الحقيني ياروح
جريت علي ماما اللي بتصوت =ف ايه يا ماما
_ستك بصحي فيها مش بترد
اتصمرت مكاني ستي مين لا ستي لا دي هي حياتي وعمري هي دنيتي هي سبب وجودي وتمسكي ف الحياه ستي مين لااااااااا يارب انا وهي لا يااااااارب
محستش بنفسي واغمي عليا شوفت تيته بتحضوني وبتقولي- انا بحبك بس لازم اسيبك
=لا يا تيته خديني معاكي
-مش دلوقتي ياحبيبتي سلام
=تيته تيتههههههههه صحيت لقيتني ف اوضه غير اوضتي ركزت شويه لقيتني ف مستشفى ببص لقيت زرار جنبي دوست عليه جاتلي الممرضه
-حمدلله علي سلامتك كل ده قلقتينا عليكي
=هو انا هنا بقالي كتير
-بقالك شهر
=شهر
-ما انتي دخلتي ف كومه والحمدلله انك طلعتي منها
افتكرت كل اللي حصل يومها واترسم علي وشي اللامبالاة
شويه وجن ماما ومالك ويوسف وطنط مامت يوسف بعد ما الممرضه اتصلت بيهم
-حمدلله علي سلامتك يا حبيبتي
بصوت واطي مش راضي يطلع =الله يسلمك
_قلقتينا عليكي يابنت عمي
بصيت ليه ومردتش
لقيت مالك حضني وعيط اخدته ف حضني انا كمان -وحشتني اوي اوي يا روح قلبي
=وانت كمان يا نبض روح
مفيش حد بيحبني قد مالك هو اكتر واحد فاهمني هو وتيته
خرجت من المستشفى وانا ملامحي جاده مبتكلمش نهائي مع حد مبضحكش مبعيطش مبعملش اي حاجه غير اني قاعده ف اوضتي حتي مباكلش
بعد يومين لقيت المحامي جه علشان يوزع الورث بتاع تيته لأنها كانت غنيه اوي ومعاها فلوس اكتر من فلوس جده الله يرحمه لأن توزيع الميراث كان واقف عليا
قعدنا لقيت المحامي بيقول -بما أن الاستاذه روح خرجت بالسلامه هنفتح الوصيه واللي هيتحدد فيها كل واحد ليه ايه
الوصيه بتقول -حبايب قلبي احفادي يوسف وروح ومالك انتم كنزي الوحيد انتوا حب حياتي فعلا زي ما المثل بيقول اعز الولد ولد الولد انتوا نبضي انا محبتش قديكوا بحبك يا روح جدا جدا انتي اطيب واحن وألطف حفيده انا حبيتك كانك بنتي واكتر انتي كنتي عكازي انتي اكتر حاجه هتوحشني يا روح اوعي تنسيني
قعدت اعيط وانا بقول =عمري مهنساكي عمري مهنساكي يا حبيبت روح
-يوسف حبيبي حفيدي الكبير اوى فرحتي انت طيب وحنين انت غير اللي هما شيفينوا انت احن قلب انت صاحب قلبي انت شبه جدك قاسي بس عمره ميقسي علي اللي بيحبه خلي بالك من نفسك ومن عيلتنا يا يوسف ومن روح
وانت يا مالك انت انت اطيب واحد فيهم انت حبيبي ودراعي اليمين خليك حلو وطيب كده علي طول
ندخل بقي ف المهم يا احفادي انا عندي ف البنك٩مليون ده غير العقارات عندي ٣بيوت
كل واحد فيكوا هياخد ٣مليون مع بيت
بس ده بشرط أن …….
يتبع…
لقراءة الفصل التالي : اضغط هنا
الرواية كاملة اضغط على : (رواية روح يوسف)
