رواية حور الزين الفصل الحادي عشر 11 بقلم رقية حمدي
رواية حور الزين الجزء الحادي عشر
رواية حور الزين البارت الحادي عشر
رواية حور الزين الحلقة الحادية عشر
زين: انا قررت اتجوز
الكل اتصدم حتى حور
حور بكسره: مبروك يا حبيبى
عماد بصدمه: نعم تتجوز مين وامتى
زين: مين واحده اعرفها من زمان وحسيت انى بحبها واعترفتلها وطلعت بتحبنى، امتى بقا الفرح بليل انا مجهز كل حاجه
حور بصدمه بتحاول تخبيها: بليل!!!
ادهم: انت ازاى تفاجأنا كده
احمد: مش فاهم والله انت بتفكر ازاى
نورهان: لا انا تعبانه ومش قادره ازعق والله يا زين
سيليا: اى الهبل الى بتقوله ده
نورا: حرام عليك يبنى والله
عماد: انا مش موافق على المهزله دى يا استاذ
زين: انتوا مشكلتكوا كلكوا ان حور تزعل وهى مش زعلانه هى الى قالتلى اصلا صح يا حور
حور بتحاول تمنع دموعها انها تنزل: ايوة صح يا حبيبى ، متنكدوش عليه يا جماعه انا موافقة
ادهم: حور انتى كويسة
حور بسعاده مصتنعه: اه انا كويسة طبعا مش انهرده فرح جوزى لازم ابقى مبسوطه ، هطلع انا بقا اروقلك اوضتك بأيدى
سيليا لنورهان: البت دى مش طبيعية هى ازاى مش زعلانه
نورهان: انا مش عارفة والله شكلها مصدومه لدرجه انها مش عارفة تظبط مشاعرها
زين: لا يا حور كده كده انا هاخد الأوضة الى جمب اوضتك انا هروح بقا على الفندق علشان اظبط كل حاجه وانتوا اجهزوا وتعالولى لازم تحضروا الفرح كلكوا
حور بحزن داخلى: انا صاحية مدروخه شوية لو بقيت كويسة هاجى
زين: لا لازم تيجى يا حور ، يلا انا سلام بقا
حور بحزن: دادا سعاد جهزى لزين للأوضة الى جمب الأوضة بتاعتى علشان هو وعروسته جيين بليل
دادا سعاد بصدمه: حاضر يا بنتى
نورهان: يلا يا احمد عندنا معاد عند الدكتور
احمد: يلا
عماد: يلا يا نورا نروح لزين
كله مشى معادا ادهم وسيليا وحور
ادهم: يلا يا حور انتى وسيليا اجهزوا علشان نروح لزين
حور بحزن: لا لا يا ابيه روحوا انتوا انا مش قادره اروح فى حته
سيليا: سيبها براحتها يا ادهم ويلا احنا
ادهم: خلى بالك من نفسك يا حور ومتخرجيش من الفيلا خالص ولو فى حاجه كلمينى
حور: تمام
*فى شقة احمد ونورهان
زين: اتأخرتوا كده ليه يا جماعه المهم زى ما اتفقنا محدش يبوظ الخطه
فلاااش باااك
زين: جماعه انتوا طبعا عارفين الى عملته مع حور من يوم ما اتجوزنا وانا فعلا ندمان اوى وبدأت يعنى احس انى مشدود ليها المهم انا عايز اعمل مقلب فيها كده قبل ما اعترفلها بس المقلب جامد وانا مش ضامن رد فعلها خالص
نورا: هتعمل اى فى البت يا أخرت صبرى
عماد: ابهرنا يا زين
زين: بصوا انا هقولها انى هتجوز وانا طبعا هجيب واحده واتفق معاها على الكلام ده ونشوف رد فعلها بقا وانا ركبت كميرات فى اوضتها علشان اطمن عليها احسن تتعب اوى كده بس
ادهم: لا بلاش يا زين يحصلها حاجه ولا كده
زين: متخافش انا لو لقيت ان هيحصل حاجه هوقف كل حاجه
سيليا بضحك: انت جريء اوى كده ليه
نورهان: انا لو مكنها هقتلك وقتلها ، سامع يالى فى بالى
احمد وهو بيحضنها: هو انا اقدر
زين: خلاص اتفقنا
باااااك
زين: بصوا شوية كده هنروح البيت كأننا رجعين من الفرح ونتعامل بقا مع الى هيحصل
*فى فيلا العربى الساعه 12
نورا: لولولولولولولى مبروك يا حبيب قلبى
نورهان: والله اتبسطنا وعروستك قمر
ادهم: مبروك يا زين
عماد: مبروك يا حبايبى
نزلت حور على صوتهم
اول ما شافتهم حور نزلت دموع منها من غير ما تاخد بالها
زين: عامله اى دلوقتى ادهم كان بيقول انك كنتى تعبانه
حور بأبتسامه مصتنعه بتتجاهل كلام زين: مبروك عليكى جوزى يا حبيبتى ، اسمك اى بقا
العروسة ببرود: الله يبارك فيكى ، انا شروق
حور: نورتينا يا شروق، خلى بالك من زين وخليكى معاه كويسة لأنه مدام اختارك ده معناه انك هتبقى اسعد حد فى الدنيا
زين بهمس لحور: انتى كويسة
حور بهمس لزين: ملكش دعوه وخليك فى عروستك
عماد: مش وقته كلام يلا يا زين خد عروستك على اوضتكوا علشان شكلها مرهقه
شروق بدلع: زوزو شيلنى مش قادره اطلع
زين: عيون زوزو
شالها زين ورايحين نحية السلم
كل ده وحور بتبص عليهم وبتهرب دموع من عنيها وفجأه اغمى عليها
لحقها ادهم قبل ما تقع على الأرض
ادهم بخضه: حور..حور فوقى ويا ماما
نزل زين جرى على السلم وراح ناحيه حور
زين وهو بيخبط على وشها براحه
زين بقلق: حور…حور فوقى والله كنا بنهزر…ادهم جهز العربية بسرعه
سيليا: انا جاية معاكوا
ركب ادهم وسيليا قدام وزين وحور فى كنبه العربية
*فى المستشفى
زين بعصبية: دكتور هنا بسرعه
زين وسيليا وادهم كلهم واقفين قدام أوضة سيليا مستنين الدكتور
عماد: حور عامله اى يا جماعه
ادهم: الدكتور عندها جوه لسة
شروق: خير خير ان شاء الله
ادهم بعصبية: اختى لو حصلها حاجه هتزعل منى اوى يا زين
زين كان حاسس ان روحه بتطلع وحور تعبانه علشان حبها ايوة فعلا هو حبها
زين بدموع: انا مش هسامح نفسى ابدا لو حصلها حاجه
نورهان لزين: هتقوم بالسلامه ان شاء الله
الدكتور خرج
زين بقلق: حور… مراتى عامله اى؟؟؟
الدكتور: للأسف انهيار عصبى نتيجه لضغط نفسى بس الحمد لله هى دلوقتى كويسة وهتفوق بعد دقايق ان شاء الله
كلهم فى نفس واحد: الحمد لله
زين: ممكن ادخلها مش هدايقها خالص
الدكتور: اتفضل
دخل زين لحور لقاها بتفوق
حور بدموع: زين انا…انا حلمت حلم وحش اوى
زين بحنية: حلمتى بأيه؟
حور بدموع: انك اتجوزت عليا وجبتها تعيش معانا ولما جيتوا تطلعوا قالتلك شيلنى وانت شلتها
زين بتلقائية: بس ده مش حلم ده حصل فعلا
حور بصدمه: يعنى انت اتجوزت عليا بجد!!!
زين بسرعه: لا والله ده كان مقلب انا بحبك انتى ومش عايز غيرك
بصتله حور بصدمه ومتكلمتش
زين بحب: ايوة حبيتك والله واول ما حسيت انى بحبك قولت اعمل فيكى مقلب بس مكنتش متخيل انك هيحصلك كده انا اسف والله
حور بصدمه: بتحبنى انا
زين بإبتسامه: ايوة
حور قامت حضنت زين وفضلت تعيط فى حضنه
حور: الحمد لله الحمد لله
زين: خفى يلا بسرعه بقا علشان اعملك احلى فرح فى مصر كلها وتتجوز بجد بقا
حور بسرعه: يلا يلا نمشى انا بقيت كويسة
زين بضحك: طب استنى بس اشوف الدكتور
حور بدلع: تؤتؤ متقومش خلى اى حد ينادى عليها
باس زين اديها برقة وقال: الف سلامه عليكى يا عمرى
حور بحب: الله يسلمك يا حبيبى
قاطع كلامهم الباب وهو بيتفتح
ادهم بدموع: اى يا حبيبتى انتى كويسة ؟؟
حور بفرحه: اه الحمد لله انت بتعيط ليه بس…انا كويسة والله وفرحانه اوى اوى
سيليا: طب متفرحينا معاكى
حور: هبقى اقولك
نورهان بطفولية: وانا وانا كمان عايزه اعرف
حور: تعالوا اقول ليكوا
نورهان بفرحه: بجد الف مبروك يا قلبى
سيليا بضحك: لولولولولولولولى مبرووووك يا حورى
زين بزعل هزار: لا دى حورى انا بس
اتكسفت حور وخدودها احمرت
زين بمغازله: ببقى عايز اكل خدودك الفراوله دى والله
عماد بضحك: اى حامل يا حور
زين: حامل اى يا بابا بس هو انا عملت حاجه
اتكسفت حور وغطت وشها بأديها
نورهان: كسفتوها يا جماعه
قام ادهم ووقف جمب سيليا وهمسلها: بحبك
سيليا بصدمه: اى
ادهم بصوت عالى: لو سمحتوا كلوا يركز معايا علشان انا قررت قرار هيغير حياتى
زين: ابهرنا
ادهم: احم احم قررت اتجوز
حور بتريقة: ومين الى امها داعية عليها قصدى الى امها دعيالها دى
لف ادهم لسيليا: تتجوزينى
سيليا لسة مصدومه ومش بترد هى مبتسمه بس
ادهم: لا انتى شكلك هتفضلى كده كتير، عمى انا بطلب ايد سيليا موافق
عماد: انا موافق مش هلاقي احسن منك لسيليا بس لسة رأيها ورأى اخوها الكبير
ادهم: اى رايك يازين
زين بعند: مش موافق علشان خاطر الكلمتين بتوع برا دول
ادهم بزعل: بجد
زين: اى يا ادهم انت زعلت ولا اى انا موافق طبعا هلاقى فين احسن منك لأختى يعنى
ادهم: خضتنى ياعم ، لسة انتى بقا ردى عليا موافقة
سيليا بفرحه: موافقة
ادهم: على خيرة الله كتب الكتاب الخميس الجى
نورا: الخميس!! انهرده الأتنين يا ادهم
ادهم: ايوة ما انا عارف يا طنط بس الصراحه معنتش قادر يعنى
اتكسفت سيليا
زين: اتلم يلا وأساسا هو كتب كتاب بس مش دخله
ادهم: نعم!!
زين: زى ما سمعت والخميس الى بعده فرحى انا وحور وانت وسيليا، علشان حور تبقى صحتها اتحسنت شوية
ادهم: انا موافق بس علشان حور
بعتت حور بوسه لأدهم فى الهوا
نورهان بزعل طفولى: احمد انا عايزه اتكسف زيهم كده
احمد: بس كده وراح باسها بوسه سريعه من شفايفها
اتكسفت نورهان: يخرابى عليك مش اوى كده
زين: متتلموا بقا انتوا الأتنين
ادهم: منا ساكت اهو بتهزق ليه بس
احمد: مرااااتى
زين لحور: هقوم اضربهم هما الأتنين
لقا زين حور بصاله ومبتسمه وبتقول: الحمد لله
زين: مش هنمشى بقا من هنا
ادهم: هروح اشوف الدكتور
بعد ما الدكتور جت
الدكتور: ما شاء الله انتى بقيتى كويسة خالص ممكن تخرجى عادى هبعتلك حد يفك الكانيولا
عماد: حمد الله على السلامة يا بنتى
حور: الله يسلم حضرتك يا عمو
الباب بيخبط
زين: ادخل
الممرضة: انا جايه افك الكانيولا
زين بتهديد: لو وجعتيها هتشوفى الى هيحصلك
حور: اى يا زين مينفعش كده
زين: ما هى هتوجعك
حور: ما هى لازم توجعني يا حبيبى مش بمزجها
ادهم: اطلع انت يزين وانا هفضل معاها
طلع زين من الأوضة
ادهم: ادلها ايدك وبصيلى انا
حور بوجع : حاضر
ادهم: جوزك ده عصبى اوى يابنتى مستحملاه ازاى
حور بوجع: اااه ايدى خلصى بقا
مشيوا كلهم من المستشفى وراحوا على الفيلا
شروق: همشى انا بقا
زين: تمام
زين: يلا يا حبيبتى نطلع علشان ترتاحى شوية
حور بدلع: زوزو شيلنى مش قادره اطلع
زين بحنية: قلب زوزو وعيون زوزو ، يلا استعنا على الشقا بالله
نورا بدموع الفرحه: ربنا يحميهم
عماد: يلا يا ولاد كل واحد يطلع ينام ولا يشوف هيعمل اى
ادهم: يلا تصبحوا على خير
ادهم اتمشى مع سيليا لحد اوضتها
ادهم: سيليا تيجى نقعد برا شوية
سيليا: ايوة طبعا
*فى اوضة زين
زين بيقرب من حور وحور كل ما ترجع ورا يقرب منها اكتر لحد ما لزقت فى الحيطه
حور بخوف: حح…حاسب يا زين
زين مش بيرد ومركز على شفايفها
حط زين ايده على سوطها ولزقها فيه
حور بدموع: ز…زين متخوفنيش منك ونبى
يتبع…
لقراءة الفصل التالي : اضغط هنا
الرواية كاملة اضغط على : (رواية حور الزين)
