رواية سيف وكارما الفصل الرابع 4 بقلم سلسبيل أحمد
رواية سيف وكارما الجزء الرابع
رواية سيف وكارما البارت الرابع
رواية سيف وكارما الحلقة الرابعة
= طالب ايدها.
– نعم يختي!
= اية يا واد !
– هوا يعرفها منين دا ولا شافها فين دا انا هطين عيشتها
مشيت وانا متعصب وخبطت جامد على بابا شقتهم نوعا ما وفتحت طنط هبه
– اية يا سيف انت داخل على حراميه؟
= بنتك دي لا وحضرتك كمان مش هي بس
– عملنا اية
لقتها خارجه بكل براءه البت ولابسه ومتشيكه كنت هضعف بس رجعت تاني متعصب – في عريس متقدم لسيادتك
– = اية يا ماما الكلام ده!
– في اية انت وهي بدل مغ تفرحلها
جزيت على سناني = افرح اية!!!؟؟
– اهدي يا سيف
= دا سيف طهق خلاص انا مستنيكي تحت ، لعلمك يا طنط الموضوع ده مش بالسهال لا
– اية الواد الى اتجنن انا لازم ولاد حصله اية
= ماما هو انتي بجد موافقه عالعريس ومدياه معاد!
– اها مالك انتي كمان؟
= لا ولا حاجه عن اذنك
نزلت تحت لاقيته بيولع سجاير روحت بسرعه شديتها منه
– انت اتجننت !
= ابعدي عن وشي بقي وهاتي السجاير
– والله العظيم؟؟ انت من امته بشتريها او بتشربها!
= دي بتاعت وائل مش بتاعتي
– وبتشرب منها لي
= عشان متنرفز هاتي!!!
– لا
= كارما !
– سيف انا مش هوافق وانت عارف اية لازمة الكلام ده
= عشان بحبك!!
بصتله بصدمه وانا الابتسامه هتروح لحد ودني – اية!
اتنهدت وبصيت لعيونها الى بيلمعوا = هو انتي بتحبني صح؟
– مش بس بحبك انت عارف انت بالنسبالي اي
= اية؟
– صاحبي واقرب حد ليا واخويا كمان
= مبلاش اخوكي
رفعت كتافي – انت كل حاجه بالنسبالي! و بحبك
مسكت ايديها وبوستها بلطف = وانا مش هسيبك تضيعي مني
– مين قال اني موافقه
= مكنش ينفع نديهم فرصه من الاول لحد ما هيجي عريس وبعدين ازاي وانتي لسه في تالته وزقرده عندها 18 سنه وبس
– يسلام يخويا وانت عشان اكبر بسنه هتذلني ولا اية
= سنه واحده ؟
– وشهرين!
= ايوا خليكي حقانيه
– طيب هوا هيجي وهقول مش موافقه وخلصت
= لا ويجي ليه اصلا وتقعدي معاه
– يغوتي بتغير!
= مبلاش انتي يبتاعت روما؟
– متفكرنيش!
= المهم هنروح فين
– هخطفك
= يلهوي!
– بس هنعمل حاجه قبل ما اخطفك
شد ايدي وطلع على فوق
– ادخلي عبال م اعمل حاجه
= هستناك هنا
– تؤ ادخلي بس وقولي ل هبه اني جي
دخلت انادي ماما فعلا ولاقيته داخل وساحب طنط ولاء في ايده
= الاه! انت هتخرجهم معانا
– دلوقتي احنا الاربعه اهو انا بحب كارما وعايز اخطبها
الاتنين اتصدمو هوا يسكت لا دا كمل
– وبعد ما نخلص دراسه هنجوز طبعا ماما بتموت فيكي يا كارما وطنط هبه بتموت فيا فا بالتالي محدش هيقدر يمنع حبنا الجميل ده ولا يهد أحلامنا
طنط ولاء بصتله = انت اتجننت يا سيف صح؟
– اية الكلام ده والعريس الي جي
– عريس ده اية انا حاجزها من وهي بشخه
= متحترم نفسك ياض مكنوش سنه
– وشهرين.
= بذمتك انت وهي ينفع تبقوا مع بعض بجنانكم ده
– ما احنا لما نتجوز هنعقل
= يا ماما بقي وافقي !
ماما بصت لطنط ولاء – انتي اية رأيك فالهبل الى بيحصل ده
= والله مانا عارفه خليهم يدونا مهله نفكر
– عليا الطلاق ابدا انتوا الاتنين هتوافقوا دلوقتي والعريس ده لو عتب هنا هعلقه
كلنا ضحكنا واخيرا ماما هتتكلم – مش قادره اقول مبروك
= يختي قولي خلاص انا قولتلك اصلا من زمان هيقعوا في بعض مسمعتيش كلامي
– طلعتي انبه مني
= طيب هنسبكم في حقيبه الذكريات دي وننزل
سحبني وراه زي البقر اها والله
– يابني استني بقي بتشدني كدا ليه وانا هجري
= معاد الخطف هيخلص
– هوا بمعاد!!
= ايوا اركبي بسرعه
– ركبت العربيه وروحنا مطعم حلو اوي وكبير كان قدام البحر كمان دخلت وانا متفاجئه من المنظر التحفه وحرفي الى متعلق بحجم كبير والورد الى بحبه الى مالي الدنيا
= واخيرا اليوم الى بتمناه جه
– انت عملت كل ده عشاني!!
طلع خاتم ونزل على ركبته = تقبلي بالعبد الغلبان سيف يكون زوجك وتكوني قره عينه؟
ضحكت وانا بهز راسي بفرحه وبشده عشان يقوم – انا بحبك اوي!!
= وانا بموت فيكي، على العهد نفضل سوا
– طبعا زي ما احنا سوا طول عمرنا
= طب يلا بينا؟
– على فين
= عاوز اخطفك
– تدرني انك خاطفني من اول ما اتولدت
= احلفي
– اقسم بالله
= فى رمضان؟
– شكلها كدا مفهاش عقل بعد الجواز
= ومالو متيجي افرجك على الاميرة روبانزل
– ونجيب مصاصات
= واية كمان
– وتخطفني بعيد
بمغزة = طب غمضي عينيك بقي عشان هوديكي ارض الاحلام
– عند بيتر بان
= و تنه و رنه
– هنعمل اية هناك!
= هنحكيلهم قصه حبنا الى بدات مع اول حركه لينا انا وانتي وكبرت معانا و خدتنا لحد هنا هقولهم قد اية بحبك زي بنتي مع الفرق بينا سنه واحده
– وشهرين.
= برضو بحبك.
تمت..
لقراءة الرواية كاملة اضغط على : (رواية سيف وكارما)
