رواية البر التاني الفصل السادس 6 بقلم لولو محمد
رواية البر التاني الجزء السادس
رواية البر التاني البارت السادس
رواية البر التاني الحلقة السادسة
فى شارع ضلمه
مختار ماشي يوصل لحد بيت قديم يبص يمين و شمال و يدخل يطلع السلم و يخبط على شقه تلت خبطات ثوانى و الباب يتفتح و شاب يسلم على مختار
الشاب / الباشا تعال ادخل
مختار يدخل يلاقي معمل كيميا و انابيب و تفاعلات
مختار / انت هتودى نفسك فى داهيه باللى بتعمله ده
الشاب / انا جبتلك اللى طلبته
مختار / حبيبي
الشاب يشاور على كوم ورق
الشاب / دى كل الابحاث اللى اتعملت
الشاب يطلع كرتونه
الشاب / و دى معظم المنتجات اللى فى السوق بس انا جربتها شغل اعلانات بعيد عنك
مختار يمسك ورقه
مختار / يعني الفرمونات دى ما لهاش وجود
الشاب / ليها جسم الانسان او الحيوان بيفرزها عشان يستقطب الجنس الاخر بتاعه بس احنا مش حيوانات يا مختار احنا برده لينا عقل
مختار / لينا بس اكيد بتاثر برده و لو بنسبه
الشاب / الابحاث اللى لقيتها بتقول انها ما لهاش التاثير الملحوظ ده و انها بتفرز مع العرق طبيعي و انا فعلا شميت معظم الروايح دى و ما حستش باى حاجه
مختار / و هى فين الجنس الاخر اللى هتستقطبك انبوبه اختبار
الشاب / ههههههههههههههه تصدق ممكن ما انا مش هستقطب نفسي فعلا المهم البرفيومز دى بتترش على
مختار / اماكن النبض الرقبه و الايدين
الشاب / بس انت ايه اللى خلاك متاكد اوى كدا انها فرمونات
مختار / عشان انا مش جماد و برده مستحيل ابص لواحده زى دى الا لو كنت شارب حاجه دورت على حاجه تكون بتاثر بالشكل ده لقيت الفرمونات
الشاب / تفتكر فعلا الفرمونات دى ليها التاثير ده و مش راضيين يعلنوا عنها دا كل الابحاث بتاكد انها اسلوب ترويج منتجات مش اكتر
مختار / ما لهاش بديل ما لهاش مضاد
الشاب / لا ما لقيتش بس زى ما قولت لينا عقل ما البنات فى الشوارع كاسيات عاريات مستحمين بالبرفانات و مع كدا
مختار / احنا رقم اتنين فى التحرش يعني مش بعيد
الشاب / دى تبقي كارثه
مختار / انا هاخد الحاجات دى اجربها
الشاب / هتستقطب مين انت كمان
مختار / مش هجربها على نفسي هاخدها زياره للبلد و اوزعها على الرجاله و اشوف
الشاب / انت اتجننت يا مختار هتشوف ايه مين فيهم هيقولك على سر بيته هى الحاجات دى فيها كلام و لا حكاوى يعني
مختار / ما انا لازم اعرف لازم اتاكد على العموم ما تشغلش انت بالك انا هتصرف مش هيبقي زى ما انت فاكر
الشاب / بقولك ايه خد بالك من نفسك الست دى شكلها مش سهل و عارفه هى بتعمل ايه كويس
مختار / و لا احنا عيال يا ابن عمى بقولك ايه قفل البتاع ده و روح الوقت اتاخر و بعدين ايه المكان ده
الشاب/ اللى لقيته اعمل ايه كل ما اروح حته الجيران تشتكى من صوت الفرقعه
مختار / مسيرك هتولع فى روحك
الشاب / الكميا دى يا مختار هى مفتاح الحياه هى اللى بتخلينا نفهم كل حاجه كل حاجه فى الدنيا ما هى الا تفاعل كميائي حتى الطبخه تحط ان اي سى ال على اى مركب يغير طعمه
مختار / ما تقول ملح يا خويا
الشاب / كل حاجه فى الدنيا ما هى الا مركبات كيميائيه بتتفاعل مع بعضها و كل ما غيرت فى المعادله هتديك نواتج جديده
مختار / يا خسارتك يا ابني المهم خد بالك من نفسك و خلاص
الشاب / ما تقلقش عليا انا برده ابن الزيني
مختار / عاش يلا سلام
مختار ياخد الكرتونه و يمشي و الشاب يقفل الباب وراه
………………………
فى الكليه تانى يوم
وسام و يوسف قاعدين فى الكافتريا
وسام / لا طبعا مش دلوقت
يوسف / امال امتى اضرب على الحديد و هو سخن
وسام / لا يا يوسف مش كل حاجه ينفع معاها الاسلوب ده ما ينفعش تتقدم لواحده و تانى يوم تتقدم التانيه كدا مفقوسه اوى انك بتكيدها
يوسف / ما احنا بنعمل كدا فعلا
وسام / يا ابني افهم الحاجه لازم تستوى على نار هاديه و الا تشيط منك
يوسف / يعني اعمل ايه انا خلاص فاتحت اهلى فى الموضوع
وسام / ما اختلفناش بس ما ينفعش دلوقت قولهم مثلا بعد الامتحانات عشان ما نعطلش بعض اى حاجه اى حاجه
يوسف / و انا لسه هستني لبعد الامتحانات
وسام / لا طبعا الفتره الجايه هتعمل معايا نفس اللى كنت بتعمله لهند و اكتر
يوسف / ازاى يعني
وسام / لازم تشوفك هاملها و مهتم بغيرها عشان تعرف قيمه اللى كان معاها
يوسف / بس هى بنت عمى عادى انى اوديها و اجيبها لكن انتى
وسام / انا مالى بس … بص معاك حق انا هكلم ماما فى الموضوع و انت تجيب اهلك و تكلمهم على قرايه فاتحه و نخلى الموضوع فى السر مش هنقول لحد فتره لحد معاد الخطوبه
يوسف / ماشي كدا معقول
وسام / المهم بقي تغرقنى ورد و هدايا بقي و انا هصور كل ده و انزله على الانيستا و هى اكيد هتشوفه و كام بوست على كام تويته كلام بالمستخبى نفضل مع بعض طول الوقت نروح و نيجى سوا فى كل حته تهتم بيا جدا اهتم بيك جدا كدا يعني نسبكها
يوسف / كل الحاجات دى سهله بس
وسام / صدقنى فى اقل من شهر هتلاقيها جايه تبوس رجليك و مش بعيد تبعت عمك يفاتحك فى موضوع الجواز
يوسف / لا عمى ما يعملهاش
وسام / اللى خلاه يخسر اخوه عشان خاطرها مش هيراضيه عشان خاطرها برده
يوسف / معاكى حق برده … انا بس خايف عليكي
وسام / يا يوسف انتوا الاتنين اعز اصحابي و انا كل اللى يهمنى انكوا تكونوا سعدا
يوسف / مش على حساب سمعتك
وسام / ما انا هيبقي مقرى فتحتي
يوسف / مش بتقولى مش هنقول لحد
وسام / بنغزى العين يعني ما فيهاش حاجه بتحصل دول بيبقوا مخطوبين و مش قايلين لحد كمان العين فلقت الحجز
يوسف يتنهد
وسام / بص بقي انا تعبت براحتك
يوسف / لا لا خلاص اتفقنا انا بس مش مستوعب
وسام / فى الاول صعب و محتاج تركيز بعد كدا الدنيا هتظبط لوحدها
يوسف/ امرى لله نجرب
وسام تبص ليوسف و السعاده مش سيعاها
…………………….
فى السرايا تانى يوم
مختار / هتعمل ايه يعني
ناصر / انت مش ليك اقولك مين فيهم بيجيب نتيجه خلاص ما لكش دعوه بالباقي بقي
مختار / تمام
ناصر / الموضوع ده لو صح
مختار / هو مش صح فى الحاجات دى او مش بالقوه بتاعه اللى معاها و الا كانت اتباع بالوف
ناصر / طب ما نشوف حد بتاع حاجات مسترده يجيبلنا حاجات اصليه من الغاليه نجربها
مختار / انا عملت كدا فعلا و طلبت حاجات كتير من النت بس على ما تيجي بقي
ناصر / ما تشغلش بالك انت ان شاء الله كلو هيبقي تمام
مختار / نقيت الرجاله
ناصر / نقيتهم و اتكلمت معاهم و فهمتهم هيعملوا ايه كويس
مختار / و عباده
ناصر / حكيتله كل حاجه و هو اللى نقي معايا الرجاله كمان
مختار / تمام لو مش هتعوز منى حاجه هطلع ارتاح شويه
ناصر / اطلع بس ما اضمنش حكايه ترتاح دى اصلك مش عارف مريم و امها من ساعه ما رجعنا البلد و هما ما لهمش غير سيره واحده
مختار / سيره ايه دى
ناصر / اطلع و انت تعرف
مختار / انت مش هتبطل تعمل فيا الحركه دى يا كبير
ناصر / هههههههههههههههههههه لا مش هبطل ليك شوق فى حاجه
مختار / رضاك عننا .. بالاذن
مختار يطلع من المكتب يقابل عباده
عباده / حمد الله على السلامه
مختار / الله يسلمك
عباده / الكبير قالى على الخطه بتاعتك شهاده لله ما تطلعش غير من معلم
مختار / الحمد لله ان فى حاجه عملتها عجبتك
عباده / يا راجل ما تقولش كدا دا احنا اخوات و المناكفه بين الاخوات دى حاجه عاديه انت بس اكمن الفرق بينك و بيت اخواتك كبير ما انتش واخد بالك
مختار / طبعا يا عباده و اكتر من الاخوات كمان
عباده / هو بس فى نقطه صغيره فى الموضوع ده
مختار / خير
عباده / هنا !! و دا كلام تعال جوه نتكلم مع الكبير
مختار / اتفضل
مختار و عباده يدخلوا المكتب تانى ناصر يستغرب لما يشوفهم و يبصلهم
…………………..
فى كافيه
يمنى و هند قاعدين
يمنى / يا بنتي رد فعلهم طبيعي جدا معاكى مش احنا متفقين ان اى بنت تتمنى تتحط فى الموقف ده بس المشكله انه جه من الشخص الغلط
هند / يا يمنى انتى عارفه ايه المشكله اللى بجد
يمنى / ايه
هند / ان الناس بتبص من بره بتبص على الفروستينج على وش الكاب كيك تعرفي الموضوع بيني و بين يوسف بدا ازاى
يمنى / انتوا متربيين سوا و كدا
هند / اه يوسف معايا فى المدرسه و الفصل و الدروس فى الاول كان الموضوع لذيذ ايوه بنزاكر سوا بنلعب سوا بيبعد عنى العيال الرزله بس مع الوقت بقي كل ده حق مكتسب يعني المشكله انى بخاف منه اوى ازاى اتجوز واحد مش بحس معاه بالامان اذا كان بيمد ايده عليا و انا فى بيت اهلى و ما حدش بيغلطه هيغلطوه لما يمدها عليا و انا فى بيته
يمنى / هو عصبي جدا فعلا بس ما تنكريش انه حنين و كريم
هند / هو انا قولت لا انا عاوزه حد يتكلم معايا ياخد رائي مش يعزمى فى مطعم و يطلبلى الاكل اللى بيحبه هو و لو ما اكلتش يحدف الاكل فى وشي و يزعقلى قدام الناس و يحرجنى و ببقي انا الغلطانه انى مش مقدره المجهود اللى بيبذله انه يسعدنى
يمنى / بس شابوه على اصراره معاكى بصراحه
هند / استني هو انا حكيتلك على يوم ما نسيت المفتاح و اتقفل على ياسمينا لوحدها فى الشقه
يمنى / يا خبر امتى ده و ايه اللى حصل
هند / كنت بعمل بشاميل و ….
…………………..
فى السرايا
عباده و مختار و ناصر قاعدين بيضحكوا
عباده / دا انت طلعت داهيه مرتب لكل حاجه
مختار / لا كدا هبتدى اقلق منك المدح الكتير مش واخد عليه
عباده / كتر انت من افكارك دى و خد براحتك
ناصر / احنا عاوزينها ليله كبيره ليله و لا الف ليله و ليله
عباده / عندى دى يا كبير ما تقلقش
ناصر / مش قلقان الا هو عمى فين ما شوفتوش من الصبح
عباده / فى حوار فى الارض كدا و الرجاله ملمومين هناك
ناصر / حوار ايه و انا ليه ما اعرفش
عباده / الجدع عبد المولى ابن سيد الحلاق اتخانق تانى مع منصور الشرشابي و فتحله دماغه و العيلتين مسكوا فى بعض
ناصر / لا اله الا الله
عباده / ما تقلقش نفسك يا كبير الموضوع بسيط و هيتلم هى يعنى اول مره
ناصر / لا مش اول مره و دى المشكله مش كل يوم و التاني البلد تتلم على نفس السيره انا هقوم اروح اشوف ايه الحكايه دى
عباده / يا كبير الحاجات الصغيره دى
ناصر / الحاجات الصغيره دى هى اللى مقويانا يا عباده البلد دى تفرق عن اى بلد تانيه اننا واحد ما ينفعش ناكل فى بعض حتى لو تفاهات
عباده / كلامك كله صح يا كبيرنا
ناصر / اطلع ارتاح يا مختار و انت تعال معايا يا عباده
عباده / امرك يا كبير
عباده و ناصر يمشوا و مختار يطلع فوق
………………………
فى شقه عم هند الرابع
الراجل قاعد مع ست و بنتين و شاب بيتعشوا
الست / انا بس مش فاهمه انت ليه سالت ايدك منهم
الراجل / هى اول مره كل يوم و التاني نفس القصه العيله ما فيهاش الا يوسف و هند و خناقاتهم
بنت ١ / بصراحه هند مزوداها اوى دا بيقولوا جابلها ورد و بلالين و يفط و اتقدملها قدام الدفعه كلها و برده احرجته قدامهم
الشاب / بصراحه هو الغلطان الجواز مش بالعافيه يعني باين اوى انها رفضاه من زمان
بنت ٢ / تلاقيها حاطه عينها على حد
الراجل / بس يا بت اخرسي ما تتكلميش عن بنت عمك كدا
بنت ٢ / انا ما اقصدش حاجه وحشه انا اقصد معجبه يعني بتحصل
الست / اكتمى بقي
بنت ٢ تحشر لقمه فى زورها و تعمل بتاكل
الست / طب كدا اخوك محمد اخد فلوسه اللى فى الوصل طب و بعدين
الراجل / بصي هو حمدى بيقول ان محمود هيكمل عادى و نصيب محمد شغال عادى اما نشوف
الست / والله ان عمل كدا يبقي نعمل زيه و اهو القرشين اللى يطلعولنا نجهز بيهم العيال بدل شغل الجمعيات و القرف اللى احنا فيه ده
الراجل / الكلام ده كان قبل ما هند ترفض يوسف
الشاب / و هو يا تتجوز غصب عنها يا ياكلوا حقهم
الراجل / جاك كسر حوقك اتكتم و نقطنى بسكاتك احنا ما لناش دعوه
الشاب / بس دى بنت اخوك برده
الراجل / و هو ابن اخويا برده و انتوا ولادى و لو هشغل بالى بحد يبقوا انتوا و بلاويكوا السوده مش فالح بس غير تحف فى البيض بالراحه البيضه بقت باتنين جنيه
الست / طب ما تكلم محمد يحنن قلب هند و اهو محمود يحسبهالك جميله
الراجل / لا ما لناش دعوه و مليون مره اقولك ما لناش دعوه احنا قافلين بابنا علينا لا بنتحشر فى مشاكل حد و لا بنحشر حد فى مشاكلنا اخرنا الف مبروك و الف سلامه
الست تبصله و تقسم الرغيف و تاكل
الراجل / انت يا زفت الطين انت خلصت البيض
………………….
قدام شقه مختار بعد كام يوم
عبد الله يفتح الباب يلاقي مختار بيحول حاجات جوه الشقه
عبد الله / حمد الله على سلامتك
مختار/ الله يسلمك
عبد الله / اساعدك
مختار / كتر خيرك انا خلاص خلصت
عبد الله / طب انا نازل الدرس هتعوز حاجه
مختار / كتر خيرك
عبد الله / سلام
مختار / سلام
مختار يدخل اخر شنطه و يدخل يحط الحاجه فى التلاجه تليفونه يرن فى الصاله يروح يجيبه
مختار / الو
فيرا / وحشتك
مختار / الكبير وافق ابعتى معاد التسليم عشان ارتبلك المكان و اجهز الرجاله
فيرا / كنت متاكده انى مش ههون عليك تكسفني
مختار / ابوس ايدك بلاش الاسلوب ده معايا عشان بيقلبلى معدتى
فيرا / سلامه معدتك يا مختار
مختار / هستاذنك عشان انا جعان و عاوز اتغدى يعني جاى من طريق طويل زى ما انتى عارفه و ما فيش داعى تكلميني فى التليفون تانى كفايا رساله بالتاريخ
فيرا / تمام
مختار / سلام
مختار يقفل السكه و يحدف الموبايل على الرخامه
مختار / يا برود اهلك .. انا كنت واقف هنا بعمل ايه
……………………
فى شقه وسام
محمود و اسراء و يوسف و وسام و مامتها قاعدين
محمود / يا ست الكل احنا شاريين و اللى هتؤمرى بيه احنا موافقين
الست / انا مش عاوزه حاجه غير انه ياخد باله منها
يوسف / لا فى عنيا ان شاء الله
اسراء / مش عاوزه يكون عندك فكر يوسف راجل و بكره تتاكدى انى بديكي جوهره
الست / من غير حاجه الجواب بيبان من عنوانه
يوسف / نقرا الفاتحه بقي و لا ايه
اسراء / هههههههههههههههههه الواد مش قادر يصبر الشهاده لله حقك بسم الله ما شاء الله عروسه قمر
وسام / ميرسي يا طنط
اسراء / طنط ايه انا تقوليلي ماما علاطول
وسام / ههههههههههه اكيد يا ماما
اسراء / يا اختى عليها قمر ان شاء الله الزياره الجايه اعرفك باخواته و باقي العيله دول هيحبوكى موت
الست / ربنا يديم المحبه
محمود / ها يا ست الكل نقرا الفاتحه
الست / نقرا الفاتحه
الكل يقرا الفاتحه
محمود / و لا الضاااالين
يوسف / امين
محمود / ان شاء الله تحددوا المعاد اللى يناسبكوا ننزل نشترى فيه الشبكه
الست / اى وقت اللى يناسبكوا انتوا
اسراء / طب ما احنا فيها ننزل دلوقت نجيب الشبكه اللى تشاور عليها العروسه طبعا ما دى هتبقي الغاليه مرات الغالي
وسام / يا ماما الشبكه دى هديه العريس لعروسته انا ما ليش طلبات حتى لو دبله بس انا راضيه
اسراء / قلبي قلبي مبروك عليك يا يوسف
الكل يبصوا لبعض و يبتسموا
…………………
قى شقه هند
هند قاعده بتزاكر فى البلكونه شيري تدخل بكبايتين شاي تدى لهند واحده
هند / تسلم إيدك جايه فى وقتها
شيري / اخبار المزاكره ايه
هند / نحن لا نزرع الشوك
شيري / ههههههههههههههه شوك ايه انتى اللى زيك يزرع ورد
هند / خير دخله الشاى دى مش جديده
شيري / لسه قافله مع اسراء مرات عمك
هند تحط كبايه الشاى و تبص الناحيه التانيه
شيري / يوسف خطب
هند / الف مبروك
شيري / مش عاوزه تعرفي مين
هند / هتفرق فى ايه المهم انها مش انا المهم انى اخدت حريتي خلاص و خلصت غير كدا شكرا
شيري / خطب وسام صحبتك
هند / يتهنوا ببعض
شيري / انتى بجد مش زعلانه و لا بتقولى كدا و خلاص هند تورى مامتها الجرح
هند / عاوزه رد اقوى من كدا
شيري / تمام
هند / انتى كمان المفروض تفرحى لو كان بيحبني و هيصونى زى ما كانوا بيقولوا ما كانش خطب بالسرعه دى فالحمد لله ان ربنا نجدنى منه نجدنا كلنا الحقيقه
هند تبص فى الكتاب
شيري / ربنا يصلحلك الحال
شيري تدخل
هند / امين
هند تبص قدامها تلاقي مختار داخل البلكونه و فى ايده كبايه شاى
هند / احم احم
مختار يبص لهند يلاقيها مبتسمه
هند / اخبار طازه يوسف خطب
مختار / مبروك
هند / مالك فيك حاجه
مختار / لا مفيش
هند / لا فى باين جدا على فكره مالك .. اوعى تكون بتحقد عليا عشان انا مشكلتى اتحلت و انت لا
مختار / هههههههههههههههههه لا انا مشكلتى محلوله ما تشغليش انتى بالك
هند / اخبار مريم ايه
مختار / سالت عنك هى كمان و خالتى انتصار كمان سالت عنك
هند / لو سالوا على الصوانى
مختار / لا لا لا ما سالوش
هند / لا احنا كنا مستنينك ترجع عشان نبعتهملك فيهم حاجه يعني استعيبنا نبعتهم فاضيين و كدا
مختار / يدوم العز بس ما لوش لزوم التعب عن اذنك
مختار يجي يدخل و يرجع و يجى يدخل تانى
هند / انت عاوز تقول حاجه
مختار / الصراحه اه بس مش من حقى اتكلم
هند / قول
مختار / يوسف مش راجل و بنت الناس اللي راح يظلمها معاه من غير ذنب دى مش عارف اقول ايه
هند / انت عارف هى مين الاول
مختار / لا
هند / وسام صحبتي الانتيم نفس البنت اللى ساعدته يعملى السربرايز فى الكليه
مختار / لا كدا الف مبروك و عقبال البكارى
هند / هههههههههههههههههههه
شيري تدخل مختار يتحرج و يبص فى الارض
شيري / ازيك يا مختار
مختار / الحمد لله يا خالتى ام عبد الله ازى حضرتك
شيري / الحمد لله … تعالى يا هند ساعديني جوه
هند / حاضر يا ماما
شيري / عن اذنك يا مختار
مختار يهز راسه و هو محرج شيري و هند يدخلوا
مختار / ايه اللى انت بتنيله ده يا مختار استغفر الله العظيم لا اله الا الله
مختار يدخل و هو مخنوق
…………………..
فى شقه هند
شيري / يا حبيبتي انا عارفه انه محترم و الاكتر ان عارفه ان انتى محترمه و متربيه بس انتوا فى البلكونه اللى رايح و اللى جاى شايفكوا و المنظر مش حلو
هند / ماشي يا ماما هاخد بالى بعد كدا
شيري / جد و لا بتريحينى
هند / جد يا ماما حاضر مش هكلمه تانى
شيري / تمام خشي هاتى حاجتك من البلكونه و زاكرى جوه
هند / حاضر
هند تروح ناحيه البلكونه
شيري / هند
هند / ايوه يا ماما
شيري / هو انتى فى حاجه عاوزه تقوليهالى
هند / زى ايه مثلا
شيري / اى حاجه مش احنا صحاب
هند / اساسي بس انا برده مش فاهمه
شيري / خلاص خلاص روحى هاتى حاجتك و خشي زاكرى يلا
……………….
فى الجيم
عبد الله بيتمرن جنب مختار
عبد الله / و العقيقه عندكوا بقي زى عندنا بقي و كدا
مختار / انتوا بتعملوا ايه عندكوا
عبد الله / بندبح خاروف و نجيب طباخ او نوديه مطعم يعبيه وجبات مع رز و سلطات
مختار / زى عندنا بس احنا على كبير شويه طبعا كل واحد بيعمل على قده
عبد الله / ربنا يزيدكوا انتوا ناس طيبين و اولاد حلال تعرف انا مشتاق اوى ازور بلدكوا خصوصا لما قعدتوا تحكوا عنها بجد غيرتوا فكره الواحد عن الصعيد
مختار / كل مكان فيه الكويس و فيه الوحش بيفرق حسب الناس بقولك ايه ما تيجوا العقيقه هتنبسطوا اوى
عبد الله / مش عارف انا ممكن استاذن بابا بس ما افتكرش هيوافق
مختار / و اللى يخليهولك يوافق
عبد الله / بجد يا مختار ينفع بص لا خلاص بناقص يعني مش عاوز ابقي تقيل و كدا
مختار / تقيل ايه يا جدع ما تزعلنيش طب استني كدا استني
مختار ينزل من على التريدميل و يروح ناحيه شنطته و عبد الله ينزل وراه مختار يطلع الموبايل
مختار / ايوه يا كبيرنا بقولك ايه ايه رايك نعزم عيله الحج ابو عبد الله على العقيقه
ناصر / و ماله ابعتلى رقمه اكلمه
مختار / هبعتهالك فى رساله
ناصر / تمام ابعت
مختار / سلام
مختار يقفل و يدى لعبد الله الموبايل
مختار / اكتب الرقم
عبد الله / مش هيوافق
مختار / الكبير ما بيتقالوش لا اكتب بس رقم الحج و خلى الكبار يكلموا بعضيهم لو موافقش انا هكلمهولك بس انت كدا كدا جاى معايا
عبد الله ياخد الموبايل و يكتب الموبايل
مختار / هاخدك افرجك على مزرعه الخيل و على سلطان الحصان بتاعى
عبد الله / انا بعرف اركب خيل على فكره
مختار ياخد موبايله تانى
عبد الله / كنت بركب فى الاعياد و انا صغير
مختار / خلاص اتفقنا نركب خيل سوا
عبد الله / انا مبسوط اوى يارب بس بابا يوافق
مختار / يا ابني ما تلقلقش قولتلك الكبير ما يتقالوش لا
عبد الله / هههههههههههههههههههههه
………………………
فى الكليه تاني يوم
وسام قاعده جنب يوسف فى وسط شلته و ملموم عليهم صحابهم هند تدخل تروح تقعد وسام توشوش يوسف و تقوم تروحلها هند بتسلم على يمنى و تحضنها تبوسها و تقعد جنبها
هند / ههههههههههههههههههه اه فعلا
وسام تدخل
وسام / صباح الخير
هند / صباح النور
وسام / ايه مش هتقوليلى مبروك
يمنى تبصلها باستغراب
هند / لا ازاى
هند تقوم تحضن وسام و تبوسها
هند / الف مليون مبروك يا ويسو بجد بجد مش هتتخيلى انا اول ما سمعت الخبر امبارح فرحت قد ايه
يمنى / خبر ايه
هند / مش تورى يمنى دبلتك يا ويسو اصل وسام و يوسف اتخطبوا امبارح و اشتروا الشبكه الا انتى مش لبساها ليه
يمنى / الكلام ده بجد يا وسام
وسام / اه بجد انا و يوسف اتقرت فتحتنا امبارح و ان شاء الله هنعمل خطوبه اسطوريه و هنعزم الدفعه كلها
هند / اللحق بقي اجهز فستاني
وسام / ما تتعبيش نفسك يوسف وعدنى انه هيعمل فساتين للبرايدز مايدز و انتى اكيد اول واحده و لا ايه
هند / يا بنتي احنا خلاص بقينا اهل مش محتاجه كلام
وسام / كويس انى اطمنت اصلى كنت خايفه تزعلى
هند / ههههههههههههههه يا بنتي خلى الكلام ده يطلع من واحده غيرك تمام
وسام / مش فاهمه قصدك
هند/ لا فاهمه كويس و لو تحبي افهمك افهمك اولا انتى اكتر واحده عارفه ان يوسف بالنسبالي ابن عم و بس و الاكتر من ده انك ساعدتيه انه يتقدملى و شوفتي بنفسك انى برفضه فاكيد مستحيل اضايق لما يخطبك تانى يوم و لا ايه
يمنى / انتى بجد صدقتي انه بيحبك مش بيغيظ بيكي هند
وسام / لما تشوفوا الشبكه اللى جبهالى امبارح هنبقي نشوف مين اللى هيتغاظ عن اذنكوا
وسام تمشي و هند و يمنى يضحكوا
هند / دى طلعت غلبانه اوى
يمنى / دا احنا ربنا نجدنا يا شيخه ههههههههههههههه
…………………
فى شقه هند
شيري / و احنا هنقطع المشوار ده كله على ايه ما الف مبروك فى التليفون و خلاص
محمد / الراجل حلفني فى التليفون و صمم جامد و هنروح و نرجع مع مختار فى عربيته
شيري / ايوه بس دول هنقطهم بايه و لا هنوجب معاهم ازاى دا انا لسه ما رجعتش الصوانى اللى كانوا جايبينها معاهم
محمد / يا ستى اعمليله اى حاجه و ابعتيهمله
شيري / طب و مزاكره عبد الله و دروسه هنيجي في الاخر و نخيب يا محمد
محمد / عبد الله شاطر و بيخلص اللى وراه اول باول و بصراحه عبد الله موافق و نفسه يروح اوى و بصراحه كلمنى امبارح و قالى ان الحج ناصر هيكلمنى
شيري / قمت انت موافق
محمد / والله ابدا
شيري / الناس دى لا جونا و لا هننبسط وسطيهم و لا ينبسطوا وسطينا
محمد / الناس دول ولاد حلال بيعرفوا ربنا و اصحاب واجب و اخلاقهم و سيرتهم الحلوه يحكوا و يتحاكوا عليها و بصراحه انا فرحان ان مختار و عبد الله بيقربوا من بعض اهو يقضى وقته فى الجيم احسن من البلايستايشن و القهاوى و الوقفه على النواصي مع صحابه
شيري / طب و فرق السن اللى بينهم
محمد / هههههههههههههههههه هو احنا هنجوزهم لبعض فى ايه فرق سن ايه اللى بتتكلمى عنه
شيري / انت فاهم قصدى
محمد / انتى مش لما الست جتلك قعدتى تغنى شعر فى اخلاقهم و لسانهم و قد ايه بيدخلوا القلب من اول لحظه و بعدين يوم نغير جو مش حاجه
شيري / اللى تشوفه
(((((((البر التانى )))))))
#لولو_محمد
الحلقه ١٤
شيري / قمت انت موافق
محمد / والله ابدا
شيري / الناس دى لا جونا و لا هننبسط وسطيهم و لا ينبسطوا وسطينا
محمد / الناس دول ولاد حلال بيعرفوا ربنا و اصحاب واجب و اخلاقهم و سيرتهم الحلوه يحكوا و يتحاكوا عليها و بصراحه انا فرحان ان مختار و عبد الله بيقربوا من بعض اهو يقضى وقته فى الجيم احسن من البلايستايشن و القهاوى و الوقفه على النواصي مع صحابه
شيري / طب و فرق السن اللى بينهم
محمد / هههههههههههههههههه هو احنا هنجوزهم لبعض فى ايه فرق سن ايه اللى بتتكلمى عنه
شيري / انت فاهم قصدى
محمد / انتى مش لما الست جتلك قعدتى تغنى شعر فى اخلاقهم و لسانهم و قد ايه بيدخلوا القلب من اول لحظه و بعدين يوم نغير جو مش حاجه
شيري / اللى تشوفه
………………………………
محمد / الراجل قعد يحكيلنا عن بلدهم و جمال الخضره و النيل خلينا نروح ننضف عنينا و صدرنا من القرف بتاع الدخان و الزحمه اللى هنا
شيري / خلاص قولت ماشي حاضر نروح امرى لله اما اقوم بقي اعمل اى حاجه فى الصوانى دى ابعتها مع عبد الله لمختار اهو نبقى بنشيل حاجه من علينا
محمد / قومى ربنا معاكى
شيري تقوم و محمد يشغل التليفزيون تليفونه يرن
محمد / الو
حمدى / ازيك يا محمد و ازى الولاد
محمد / بيبوسوا ايديك انت عامل ايه
حمدى / تمام الحمد لله تعيش بقولك احنا كنا هنروح بكره نبارك ليوسف على قرايه الفاتحه و كنت بقول تيجي يعني تصلحوا الدنيا ما بينكوا
محمد / اجى ان شاء الله
حمدى / اسمع يا محمد الجواز قسمه و نصيب بس فى الاول و الاخر انتوا اخوات
محمد / و انا ما اتكلماش يا حمدى يا خويا و قولت تمام هاجى
حمدى / ربنا يريحك قلبك يا خويا تمام هقفل انا بقي و ابقي اكلمك بكره و احنا نازلين
محمد / باذن الله تمام
محمد يقفل و يبص يلاقي شيري واقفه على باب المطبخ
محمد / كبايه شاي من ايديكى الحلوه
شيري تهز راسها و تدخل المطبخ
………………..
فى شقه مختار
مختار فاتح البلكونه و واقف جوه بيشرب الشاى يتنهد و يدخل يمسك التليفون و يتصل بحد
مختار / السلام عليكم
ناصر / و عليكم السلام ايه اللى مصحيك لدلوقت
مختار / عاوز اتكلم معاك فى حاجه بس قولى الاول انت عملت ايه فى الكرتونه اللى اديتهالك
ناصر / الله هو انا لحقت ما تصبر على رزقك
مختار / خلاص خلاص تمام
ناصر / بقولك ايه يا مختار ادخل فى الموضوع علاطول و بلاش لف و دوران خير
مختار / مفيش يمكن اكمنى لوحدى يعني بس حسيت انى زهقان و مخنوق و مش عارف اعمل ايه
ناصر / فى حاجه حصلت ؟
مختار / لا بس زى ما بقولك الوحده و كدا
ناصر / اول مره تشتكى من الوحده يعني بقولك ايه ما تنزل تروح تسهر مع الرجاله
مختار / مش عاوز حد يشوفني معاهم ما ينفعش
ناصر / ايوه صح طب و عبد الرحمن ما تكلمه تخرجوا شويه مع بعض و لا حتى عبد الله ابن الحج محمد جارك انت مش كذا مره اكلمك تقولى انكوا مع بعض فى الجيم اقولك ما تيجي اخطبلك
مختار / ههههههههههههههههههه طب والله ضحكتنى حلوه
ناصر / صحيح اذا كان عباده امه جابتله نص بنات البلد مش لاقي اللى تملا عينه انت هتلاقي دا انت عينك مفتحه عنه
مختار / عمركش حبيت الغلط يا اخويا
ناصر / اعوذ بالله تقصد انهى غلط
مختار / حاجه انت عارف انها غلط ما ينفعش تعملها بس مش قادر توقفها مش قادر تبطل بتبقي مبسوط و انت بتعملها بتبقى بتعملها و انت عارف انها غلط و بتقعد تقول لنفسك دا غلط بس بتحاول تلاقي مبررات يعني انك تعمله
ناصر / ليه انت كمان الكورسترول عندك عالى و ما بتبلعش الاكل الا و هو غرقان فى السمنه
مختار / ههههههههههههههههههه ربنا ما يحرمنى منك ابدا
ناصر / اخبار الكليه ايه صحيح
مختار / كويسه الحمد لله
ناصر / ركز انت فى مصر ليه عشان ترجع خلى غربتك بفايده و ما تشمتش الناس فيك ما تخليهمش يقولوا مختار ابن الزيني ضيع روحه و عمل زى اللى رقصوا عالسلم لا زرع مع اللى زرعوا و لا اتعلم مع اللى اتعلموا
مختار / انت ليه بتقولى كدا انا بزاكر كويس و انت بتشوف درجاتى بنفسك
ناصر / مش لازم يبقي فى سبب اهو بنصحك
مختار / ما تقلقش عليا
ناصر / عمرى ما قلقت عليك
مختار / حقك عليا انى صحيتك روح ارتاح
ناصر / و انت روح صليلك ركعتين و ادعيله يخرج من قلبك الغلط او يدلك على طريق الصح
مختار / حاضر
ناصر / سلام
مختار / سلام
مختار يقفل الخط و يتنهد و يدخل الحمام يتوضى و يصلى
……………………..
فى الكليه
هند داخله المحاضره متاخر يمنى تشاورلها تجرى تقعد جنبها وسام توشوش يوسف
يمنى / اتاخرتى كدا ليه
هند / الله يحرق التكسيات على المواصلات
يمنى / اديكي رقم التاكس اللى بيجيبنى يجيبك بالمره
هند / ياريت والله
يمنى / تمام
الدكتور / كل واحد يطلع ورقه و يكتب عليها اسمه و يحللى السؤال اللى على السبوره ده
يمنى / كملت هو اليوم الحلو بيبان من اوله
هند / استني انا عارفه الاجابه
يمنى تبصلها و هند نازله كتابه فى الورقه
الدكتور / اول خمسه هيسلموا الورق ليهم اعمال السنه كامله و الباقي هياخدوا الغياب و خلاص
يمنى تبص على هند و تغش منها و تكتب اى حاجه و هند تقوم تسلم ورقتها
يمنى / استني يا جزمه ما خلصتش
هند و مختار يسلموا ورقتهم فى نفس الوقت
الدكتور / ايه يا جماعه ما فيش حد تانى عارف الحل
يمنى تسلم ورقتها
الدكتور / حد تانى ؟ تمام كلو يسلم الورق عشان نبدا فى المحاضره
يمنى و هند يرجعوا مكانهم
يمنى / انتى بقيتي بتزاكرى من ورايا
هند / بعد المحاضره هحكيلك كل حاجه
……………………
فى محل محمود
محمود / يا محمد احنا فى الاول و الاخر اخوات و الجواز قسمه و نصيب
محمد / و انا مش عاوز اكتر من كدا
حمدى / بس مش كان خير البر عاجله و اتعرفنا على اهل العروسه ما دام جبتوا الشبكه
محمود / الموضوع كله ربط كلام يعني لكن ام العروسه كانت خايفه يعني يضيعوا وقت بعض و النزول و اللف و كدا فاجلنا الفرح للاجازه ان شاء الله و قرينا الفاتحه حتى الشبكه دى ام يوسف هى اللى قالت يلا بينا فنزلنا كلنا كدا يعني ما كناش ناوينها يعني عقبال هند يا محمد
محمد / ان شاء الله
حمدى / ربنا اكيد شايلها نصيبها يعني
محمود / هى بنت حلال و تستاهل كل خير و فى الاول و الاخر بنتي
محمد / اكيد يا محمود يا اخويا
محمود / اسمع يا محمد انت نصيبك فى المحل شغال زى ما هو اول كل شهر هيوصلك لحد عندك انت عارفني ما اقبلش على نفسي قرش حرام
محمد / ربنا يزيدك انا كدا كدا خلاص بجهز فى محل البقاله عندنا و ربنا يرزق الجميع
محمود / و ماله ده جنب ده و انت كمان يا حمدى انت و اخوك لو عاوزين نصيبكوا و تجيبوا الوصولات تمشوا حالكوا انا ما عنديش مانع بس تصبروا عليا شويه عشان شبكه يوسف خلصت السيوله اللى معايا
حمدى / فى بيتها يا خويا
محمود / ربنا يكرمك و يباركلك
……………….
فى الكليه بعد المحاضره
مختار ماشي هو و ماجد و هشام
ماجد / واطى من يومه
مختار / دا انا معلم عليها بالفسفورى فى الكتاب و انتوا معلمين زيي
هشام / لا ما اختش بالى طلعهالى كدا
مختار يشد كتاب هشام و يقلب فى الصفح يطلعهاله
مختار / خد حطها فى عنيك
هند تدخل
هند / مختار
مختار يروحلها
هند / كنت عاوزه اشكرك
مختار / على ايه
هند / على اجابه الكويز بتاع النهرده ما انا ما كنتش هاخد بالى منها لولا انى بصيت فى كتابك
مختار / ما حصلش حاجه يعني الحمد لله
هند / على فكره بابا و ماما وافقوا امبارح و هنحضر العقيقه
مختار / اه مهو عبد الله قالى تنوروا
هند / كنت بفكر اجيب هديه لمريم ما تعرفش هى بتحب ايه
مختار / ما لوش لزوم تتعبى نفسك يعني هى مش ناقصها حاجه
هند / اللهم بارك ما اكيد بس يعني تهادوا تحابوا و كدا يعني
مختار / على العموم مريم بتحب الطرح خصوصا البرونز بس خدى بالك لحسن البياعه تضحك عليكى و تديهالك جنزبيلى الحاجات دى بتفرق مع مريم اوى
هند / ههههههههههههههههه لا هبقي اخد بالى حاضر عن اذنك
مختار / سلام
هند تروح ليمنى و هى بتدحك و مختار لسه واقف مكانه ماجد و هشام يروحوله
ماجد / هو الكلام على ايه
مختار / يا اخويا نقطنى بسكاتك و امشي و انت ساكت
مختار يمشي هو و صحابه
…………………..
فى السرايا
عباده واقف فى زريبه وسط عجول كتير
عباده / لا اللى هناك ده ضعفان كدا و مش عاجبني تاخد بالك منه انما الباقين تمام
راجل / دا بس اكمنه لسه مغير مطرحه فقطع الاكل انما اديله يومين تلاته هيولف على الباقيين و ياكل و يسمن
عباده / لازم تهتم بيهم انا عاوز بهايم شايله لحم عشان تاكل الناس
الراجل / ربنا يزيدكوا من وسع
شاب يدخل
الشاب / يا سي عباده يا سي عباده
عباده / فى ايه يا وله ساورتنى
الشاب / الرجاله بتتخانق عند الشونه
عباده / الله يحرقهم بجاز مش هنخلص احنا من الهم ده
الشاب / مش انت قولتلى لما تحصل حاجه اجى اقولك علاطول
عباده / غور ياض من وشي مش ناقص غبائك على الصبح انا عملت ايه بس فى دنيتي يا رب عشان اتبلى بيك غور قدامى
عباده و الشاب يمشوا
………………..
ناحيه هند
هند بتورى يمنى حاجه فى الكتاب
يمنى / الواد ده طلع سوسه انا قريت الحته دى يجي خمسين مره و برده ما عرفتش اربطهم ببعض
يوسف يدخل
يوسف / عايزك يا هند ثوانى لو سمحتى
هند / ما ينفعش تتكلم قدام يمنى يعني
يوسف يبصلها
يمنى / انا هقوم اعدل الطرحه فى الحمام عن اذنكوا
يمنى تقوم
يوسف / قالولى انك كنتى واقفه تضحكى مع الزفت مختار
هند / عملت ايه فى الكويز
يوسف / ما تغيريش الموضوع
هند / مختار كان مصورلى الورق بتاعه كان فيه حل الكويز
يوسف / و حل الكويز ده بقي كان فيه نكت
هند / سورى هبقي اخد بالى بعد كدا ما اضحكش حاضر
يوسف / انتى فاكره انا بكلمك عشان ايه
هند / عشان ابن عمى يا يوسف حاضر قولت هاخد بالى مش هضحك تانى حاجه تانيه
يوسف / لا شكرا
هند / فى حاجه تانى ؟
يوسف / حاجه ايه ؟
هند / انت لسه واقف ليه ؟ما تمشي
يوسف / هغور
يوسف يمشي و يمنى ترجع
هند / مش هخلص انا مش كدا خطب ما خطبش مش هخلص صح
يمنى / قلبي عندك
………………..
فى البلد عند الشونه
اتنين رجاله بيتخانقوا و رجاله كتير بتحوش منهم
راجل 1/ طب عليا الطلاق لانا اللى محمل الاول هو في ايه ما تقول حاجه يا مكرم الله
مكرم / ما انا قولت و انتوا ما بتسمعوش اعملكوا ايه
راجل 2/ يعنى ايه هو عربيته وصلت الاول انا هنا من الصبح حاجز دور
مكرم / هو انا يعنى هحملك الخضار على دماغك يا حسنين انت كمان
عباده يدخل
عباده / جرا ايه هو احنا اللى هنعيده نزيده و لا ايه كل يوم مشكله و لا ايه
راجل 2/ احضرنا يا عباده بيه شوف النظام اللى بيمشى بالكوسه ده
راجل 1/ احترم نفسك يا جدع انت
راجل 2/ انا محترم غصب عنك و عن اللى خلفوك
عباده / هى حصلت لكدا طب لا انت و لا هو و لا هتحملوا النهرده و لا ليكوا شغل من عندنا من اصله
راجل 1/ يا عباده بيه انا بحمل العربيه فى امان الله جه الجدع حسنين دا هو و زعق و عمل هيصه و بوليكه و قال انا حاجز دور
راجل 2/ ينفع يا عباده بيه ما نلتزمش بالدور
مكرم / ما انت اللى مشيت
راجل 2/ روحت اشرب كبايه شاى فى القهوه على ما يجي دورى
عباده / و ان شاء الله هنستناك لما ترجع و نعطل باقى الناس على العموم انتوا الاتنين ما لكوش بضاعه من عندى لما تعرفوا تتكلموا مع بعض و تحترموا اللى بيحكم بينكم نبقى نشتغل معكو … نزل يابنى البضاعه اللى على العربيه دى و لو ليهم فلوس يا مكرم رجعهالهم
راجل 1/ خلاص يا عباده بيه حقك عليا اخر مره دا انا راجلكوا من زمان
عباده / و ما دام شغال معانا من زمان يبقى عارف النظام انا مش كل يوم و التانى هسيب اللى ورايا و اللى قدامى و اجى افض بينكوا دا مش اسلوب … و انت يا ابنى انا مش هعيد كلامى مرتين قولت نزل الزفت يبقى تنزل الزفت الله دى عيشه تقصر العمر
عباده يسيب المكان و يمشى
راجل 2/ ينفع الكلام ده يا مكرم بيه
مكرم / لا مؤاخذه يا رجاله مفيش كلمه تمشى بعد كلمه سى عباده الا بقى لو روحتوا لسى شاكر و لا سى ناصر ساعتها يبقى فى كلام تانى
راجل 1/ اروح اشتكى سى عباده لسى ناصر ليه و انا قد سى عباده انا اسهلى استسمحه و ابوس راسه هو لحد ما يرجع يدينى شغل لكن اروح اشتكيه للكبير ليه هو انا اتهبلت سلام عليكوا
راجل 1 يمشى ورا عباده
………………………………..
فى السرايا
انتصار واقفه مع بنات
انتصار / انا عاوزه المضيفه و لا فنادق الخمس نجوم لو لقيت فيها حاجه كدا و لا كدا انتوا عارفين
بنت / ما تقلقيش يا ست الكل هتبقى اخر حلاوه
انتصار / اما انشوف ياختى حكم انا عرفاكى كلام انما فعل ما تلاقيش
البنت تدحك
انتصار / ما تيلا يا اختى انتى و هى لسه ورانا حاجات كتير نعملها النهرده
البنات يمشوا و فاطمه تدخل
فاطمه / الله هو احنا جايلنا ضيوف و لا ايه
انتصار / اه ان شاء الله
فاطمه / دول شكلهم ضيوف مهمين اوى انك توضبيلهم المضيفه مخصوص
انتصار / و احنا من امتى جالنا ضيف و ما شيلناهوش على كفوف الراحه و قمنا بالواجب تالت و متلت معاه
فاطمه / انا قولت كدا برده لا ما لكيش حق انا اقصد يعنى لسه فاضل كام يوم على الدبيح ايه اللى يخليكى تهتمى بيها اول حاجه الا اذا كان الضيوف دول ناس مهمين اوى
انتصار / من حيث مهمين فهما مهمين اوى و من حيث بدات بدرى فدا عشان احنا ورانا شغل كتير فياريت لو مش ناويه تساعدى فى حاجه يبقى على الاقل ما تعطليناش
فاطمه / اخص عليكي الف اخص طب و الله اخدت على خاطرى منك و انا عمرى اتاخرت عنكوا
انتصار / ابدا … عن اذنك عشان مش فاضيه
انتصار تمشى و فاطمه بتبص عليها
فاطمه / قال يا خبر بفلوس بكره يبقى ببلاش
…………………………
قدام شقه مختار
ابن عمه بتاع المعمل بيضرب الجرس مفيش حد هند تفتح الباب
هند / مفيش حد جوه
الشاب / انا اسف على الازعاج
هند / تحب تسيبله رساله
الشاب / تسلمى انا هكلمه فى التليفون
مختار يدخل و هو طالع السلم جرى
مختار / مفيش داعى انا جيت اهو
الشاب / اتاخرت كدا ليه انا بقالى ساعه واقف
مختار / حقك عليا يا سيدى ندخل الاول و بعدين نتعاتب … مساء الخير
هند / مساء النور عن اذنكوا
هند تدخل و تقفل الباب
الشاب / مين دى
مختار يفتح الباب و يزقه جوه
الشاب / لا بجد مين دى هاه مين
مختار/ البعيد غبى دخلت صيدله بدعا الوالدين انت جارتى ساكنه فى الشقه اللى جنبى تبقى جارتى
الشاب / لا يا سى مختار اصحى و صحصح معايا انا فى سنه رابعه كليه صيدله يعنى عايش اكل شارب نايم قايم فى الكيميا و مساء الخير الناعمه دى ما بتطلعش من رجاله الزيني لله فى لله
مختار / يخيبك يا شيخ بقى كل ده من مساء الخير
الشاب / ياض دا انا اخوك و افرحلك
مختار / بقولك ايه انت شكلك فايق و رايق و سيبتنى اللى فى ايدي و جبتنى على ملا وشى لحد هنا عشان تتسلى عليا
الشاب / فاضى !!! لا دى هاصت بقى انا ماشى
مختار / خد الباب فى ايدك
الشاب / ماشى بس ما ترجعش تسالنى بقى سالتلك فى موضوع الفرمونات و لا لا انا ماشى
مختار يجرى وراه و يمنعه
مختار / هزرنا كتير ندخل فى الجد
الشاب / عشان بحبك بس
الشاب يقعد و يحط رجل على رجل
الشاب / كبايتين شاى من ايديك الحلوه لزوم الصحصحه
مختار / من عنيا اما نشوف اخرتها
مختار يدخل المطبخ و هو بيضرب كف على كف و الشاب بيضحك
…………………………….
فى شقه وسام
وسام و يوسف قاعدين و قدامهم جاتوه و ساقع و الكتب
وسام / و انت بقى لما كلمتها استفدت ايه
يوسف / فى الاول و الاخر دى بنت عمى
وسام / بكره تلاقيها بتكلمه تانى و تالت و عاشر و كل ما هتكلمها اكتر هتسوق فيها اكتر
يوسف / قسما بالله
وسام / يا يوسف افهم مختار دا مجرد سكه كبرى يعنى
يوسف / ازاى يعنى
وسام / اول مره جت كدا اللى كان قدامها و مضطره و الموضوع كبر و انت راضيتها و مره فى مره لقته بيجيب نتيجه
يوسف / قصدك انها بتغيطنى
وسام / يا ابنى هند و مختار جيران بقالهم كام سنه اشمعن دلوقت يعنى اللى هيبقى فى بينهم حاجه يعنى
يوسف / ايوه بس انا ما كنتش واقف
وسام / و هى مجنونه تعمل كدا قدامك دا انت ممكن تتجنن عليها و عليه
يوسف / يووووه بقى انا توهت بينكوا
وسام / مش هنيجي فى الاخر و نخيب انت لازم تمشى على الخطه كويس اوى تطنشها على الاخر تزبلها ما تديهاش اهتمام دى مريضه اهتمام
يوسف / يعنى اشوفها
وسام / اه تشوفها و تطنش خالص كانها مش فارقه معاك و فى نفس الوقت تهتم بيا انا حتى لو مش قدامها صدقنى الكليه دى ما فيهاش غير رويترز و هيجروا ينقلولها الكلام
يوسف / و ان ما نقلوش
وسام / هينقلوا زى ما بينقلولك هينقلوا عنك و بعدين انت لو عملت كدا قدامها بس هتفهم انك بتغيظها لكن لما يبقى من قدامها و من وراها هتتاكد انك بتضيع اوعى تستهون بذكائها انا عرفها كويس
يوسف / و االموضوع ده المفروض هيكمل لحد امتى يعنى
وسام / لا بقولك ايه المواضيع دى بتيجي على الهادى و اللى بيكسب فيها اللى نفسه طويل اجمد كدا امال
يوسف / يا ربى يا ولى الصابرين
وسام / بقولك ايه انسى انسى و تعال نزاكرلنا كلمتين
يوسف / مليش مزاج ابص فى كتاب
وسام / تيجي نخرج فى فيلم حلو اوى فى السينما تعال نروح نشوفه
يوسف / سينما ايه يا وسام
وسام / الله و فيها ايه اهو تيجي معايا احسن ما اروح لوحدى انت عارف ان ماما كبيره و مش بتقدر تمشى و انا ما عدليش خد اخرج معاه و الحمد لله اننا مقرى فتحتنا فا ما حدش هيتكلم على الاقل لحد ما اصالح يمنى و هند انت عارف ان من ساعه ما اتخاصمنا و انا ما عدليش صحاب … على العموم خلاص خلاص مش لازم
يوسف / انهى فيلم اللى عاوزه تخشيه
وسام تبص ليوسف و تبتسم اوى
…………………………….
فى شقه مختار
مختار / يعنى الفرمونات دى كدبه
الشاب / لا موجوده يا ابنى
مختار / موجوده بس مش مؤثره
الشاب / يا حبيبى افهم هى ليها تاثير بدليل ان انت نفسك اخدت بالك بس تاثيرها ده على عيل ورور كدا بيريل على اى واحده و السلام انما الراجل اللى مخه شغال ما بياثرش فيه اوى
مختار / طب ما لوش مضادات يعنى
الشاب / يا مختار يا ابن عمى لا يفل الحديد الا الحديد
مختار / بمعنى
الشاب / تعرف ايه اكتر استخدام للفرمونات دى يا ابن عمى
مختار / مبيد للحشرات
الشاب / تعجبنى هو كدا تمام بيرشوا الفرمونات دى تقوم تشوش على الحشرات تقوم الحشرات لا مؤاخذه يعنى ما تتكاثرش فتموت
مختار / يعنى تقصد نستخدم فرمونات تانيه تعمل نتيجه عكسيه صح
الشاب / يعنى تقريبا كدا
مختار / دا ايه الهم ده
الشاب / بص يا ابن عمى من الاخر كدا الحاجات دى ما فيش منها خطر عليك و لا اللى زيك الخطر زى ما قولت على العيال الورور
مختار / تمام فهمت بس تعرف ايه احسن حاجه تقابل بيها الموضوع ده
الشاب / المعرفه
مختار / يعجبنى ذكائك يا عبد الرحمن اقسم بالله عبقرى
عبد الرحمن / طول ما انت عارف انك تحت تاثير حاجه هتاخد بالك و عقلك هيرفضها انما انت لو فاكر ان ده طبيعي هتستسلمه
مختار / صح جدا
جرس الباب يضرب
عبد الرحمن / ايه ده ؟ انت مستنى حد و لا ايه
مختار / لا بس ايه يعنى مالك اهدى كدا هقوم اشوف مين
عبد الرحمن / تمام شوف
مختار يقوم يبص من العين السحريه و يفتح الباب
عبد الله / عملنا رز بلبن جبتلك تدوقه
مختار / تعال ادخل
عبد الله يدخل شايل صينيه عليها اربع بولات
عبد الله / انا اسف ما كنتش اعرف ان عندك ضيوف
عبد الرحمن / انا كنت ماشي اصلا
مختار / اقعد يا ابني اولا دا مش ضيوف دا اخويا و ابن عمى عبد الرحمن الزيني دكتور صيدلى مش بتقولها كدا برضه يا ابنى
عبد الرحمن / باعتبار ما سيكون ان شاء الله
عبد الله / اهلا و سهلا
مختار / و دا عبد الله جارى و انيس وحدتى مشروع دكتور ان شاء الله
عبد الرحمن / انت هتفضل واقف كدا ما تقعد
عبد الله يقعد
مختار / عبد الرحمن ده بقي عبقرى بيعشق حاجه اسمها كميا و الاختراع و يحب يحط حاجات على حاجات و تفرقع فى وشه و كدا يعني
عبد الله / هههههههههههههههههههههه
عبد الرحمن / الس يا خويا الس ما هو ده اللى انت فالح فيه بكره لما اخد جايزه نوبل و لا اكتشف علاج جديد هتعرف تالس كويس
مختار / يا عم هو انا اتكلمت دا انا بقول عليك عبقري
عبد الرحمن / بقولك ايه انا هروح عشان انت عارف امى مش هتنام الا لما اروح
مختار / تمام لما توصل كلمنى
عبد الرحمن / هلاقيها منك و لا من امى سلام
عبد الرحمن يمشى و مختار يقفل الباب وراه
عبد الله / هيسوق دلوقت كان بات للصبح و بعدين سافر
مختار / لا مهو مش هيسافر دا عايش فى مصر هنا
عبد الله / انت ليك اهل فى مصر !!
مختار / ما ليش الا عبد الرحمن و غالبا بنتقابل بره
عبد الله / انا اسف بس هو فضول يعني ليه مش بيبعتولك اكل و كدا بدل ما
مختار / قولتلك ما ليش الا عبد الرحمن و هو فى الكميا شاطر لكن فى الطبيخ اضرب انتينال على طول
عبد الله / ههههههههههههههههههههه و مامته ما فيش مره
مختار / بينا شويه مشاكل كدا بس حليناها الحمد لله
عبد الله / طيب … طب ما دام حليتوها
مختار / هههههههههههههههههههه هقوم اجيب معالق ندوق الرز بلبن ده و لا هو للفرجه و لا هتاخده معاك و انت مروح و لا ايه
مختار يدخل المطبخ
عبد الله / ههههههههههههههه لا للاكل بس اصله من عينه اضرب انتينال اصله عمايل هند
مختار يرجع يقعد جنبه
مختار / بكره تتعلم كتر خيرها ما تقلش منها تانى قدام حد خصوصا لو غريب زيي
عبد الله / بس انت مش غريب يا مختار
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
