رواية تزوجت صعيدي الفصل الثامن 8 بقلم أميرة جمال
رواية تزوجت صعيدي الجزء الثامن
رواية تزوجت صعيدي البارت الثامن
رواية تزوجت صعيدي الحلقة الثامنة
نور صرخت بفزع اول مالشوربة لمست جسمها والكل جرى عليها بلهفة وهى دموعها نازلة
سارة بتمثل البراءة انا ماكنش قصدى الشوربة فلتت من ايدى
الجد بصوت عالى شيلها ياسليم بسرعه على اوضتها وانا يادم روح هات الدكتورة اتحرك
آدم جرى بسرعه على بره واخد عربيته واتحرك فى اتجاه المستشفى
سليم كان هيقرب من نور طلبت منه يبعد وانها هتقدر تتطلع اوضتها قامت تتحرك ماقدرتش وصرخت تانى ودموعها زادت
الجد حدة اخلص ياسليم البنت تعبانه
سليم حرك رأسه دليل على الموافقة وشال نور وطلع على اوضتها والكل وراه
بعد وقت قليل وصلت الدكتورة
الدكتورة:لو سمحتوا اتفضلوا بره
الجد:يلا كلكم وفاطنة وملك معاها وفعلا اتحركوا كلهم على باب الأوضة
سليم رايح جاى قدام باب الأوضة وهو بيفرك فى ايده بعصبيه
الجد:ماتقعد يا ولدى خيلتنى
هى هتبقا كويسه ياجدى
بإذن الله ياسليم اهدى انت بس
سليم بعصبية بسيطة اهدى ازاى ياجدى دى امانة عندى بابا موصينى عليها فيحصلها كده فى أول يوم يعنى انا مش قد انى احافظ على بنت
الجد محاولا تهدئة سليم دى حاجه غصب عننا ياولدى وان شاء الله بسيطه وقطع كلامهم خروج الدكتورة
سليم بلهفة خير يادكتورة نور عامله ايه
الدكتورة باطمئنان الحمد لله بخير ماتقلقوش بسيطة ربنا ستر انى جيت بسرعه اديتها مرهم وياريت ماتتحركش الا قليل جدا لحد ماتتحسن
سليم باستفهام هى هتاخد وقت قد ايه لحد ماتتحسن
الدكتورة أسبوع بالكتير جدا خلال كام يوم هتبقى كويسة اطمنوا
الجد:شكرا يادكتورة تعبناكى معانا
الدكتورة:مافيش تعب ولاحاجة ده شغلى عن اذنكم
الجد موجه كلامه لآدم وصل الدكتورة ياادم
ادم:حاضر ياجدى ونزل مع الدكتورة
الجد وسليم استأذنوا ودخلوا يطمنوا على نور
ازيك حالك يابتى
الحمد لله ياجدى بخير
سليم:الف سلامه عليكى يانور
الله يسلمك ياسليم
فاطمة:يلا خلوها ترتاح وانا هخليهم يطلعوا الوكل هنا ليكى انتى وملك
نور بامتنان شكرا ياجدتى معلش تعبتكم وخضتكم عليا
الجد:ماتقوليش كده يابنتى دى غلطتنا احنا
نور بتفهم:مش غلط حد سارة ماكنش قصدها
الجد:ربنا يكملك بعقلك يابنتى واخدهم وخرجوا من الأوضة
ملك بعصبية نور ده ماحصلش صدفة سارة كان قصدها
نور بتعب الله اعلم ياملك مش هنظلم حد
لا انا بقا متأكدة شوفتى لهفتها واخدت الشوربة علشان توزعها هى وكمان من وقت ماوصلنا وهى بتبصلك نظرات غريبة
وهى هتستفيد ايه من كده وكمان انا ماعملتلهاش حاجه ياملك
صدقينى انا مش عارفة دلوقتى لكن اكيد فى سر ورا ده وانا مش هرتاح غير لما ااعرفه
مش عايزين مشاكل ياملك احنا جايين هنا علشان شغل وبس نخلصه ونرجع وهى لو عملت حاجه تانية انا هصمم نروح فندق يكون قريب من المشروع
تمام ياقلبى ارتاحى انتى وبلاش عصبية دلوقتى والباب خبط قطع كلام ملك
ملك بمرح ده أكيد الأكل وصل انا هموت من الجوع وحاسه نفسي هفتانة
نور بضحك اه هفتانة فعلا حتى زدتى5كيلو كده
ملك بضحك وهى بتخبط على بطنها ده مش كرش تؤتؤ ده عز وراحت تفتح الباب واخدت صنية الأكل وقعدت جنب نور وبدأوا الإتنين يأكلوا
*********أميرة اميرة جمال ************
البت كيف العقربه ياما
اهدى يابتى يعنى هتروح مننا فين هنخلص منها ماتقلقيش وسليم هيبقا ليكى وكمان معروفة عوايدنا ان البنت بياخدها ابن عمها مش واحده غريبة تاخده
خايفة يقول انى مش متعلمة وواصلة ليه انا حيالله دبلوم
ماانتى اللى فقرية
وانا مالى مش انتى اللى ماخلتنيش أكمل
اه يابت بطنى علشان مشيك البطال وكنتى هتجيبلنا العار ومش بعيد ابوكى يقتلك
خلاص بقا المهم سليم يكون ليا
البت حلوة
قمر ياما نور وهى نور فعلا
امممم لا كده نخلص منها بسرعه حتى لو هنخلص عليها
بس فيه حاجه كده غريبة
ايه هى
جدى اول ماشافها قال فيها شبه من عمى حسن الله يرحمه وجدتى بتقول انها بالظبط نور مرات عمى وهى على اسمها
قدرية بفزع انتى بتقولى ايه مستحيل انا متأكده انهم كلهم ماتوا يعنى ايه تعب السنين راح على الفاضى
تقصدى ايه ياما
هملينى لوحدى دلوقتى روحى
خرجت سارة وسابت امها قدرية
قدرية لنفسها معقول الميت يصحى تانى انا لازم أتأكد بنفسي
دى تبقى مصيبة ووقعت على دماغى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تزوجت صعيدي)
