رواية الوجه الفصل الثالث 3 بقلم ندى شريف
رواية الوجه الجزء الثالث
رواية الوجه البارت الثالث
رواية الوجه الحلقة الثالثة
ثم أخرج مسدسه..
ظافر بحزن : زي ما اتفقنا ها
ثم قام الرجل بإطلاق عدة طلقات ناريه من المسدس على ظافر…
فيروز و هي تبكي بصوت مرتفع : لااااااااااااااا
_ اتصرفوا معاه يا رجاله
موجهاً كلامه ل فيروز : أما انتي هتيجي معايا
فيروز و هي تبكي : سيبني…. الحقونااااااااااي
ثم فوجئت ب صفعه قويه نزلت على وجهها…
بغضب _ اخرسي
فيروز و هي تبكي : انت مين و عايز مني اييه؟؟
بغضب _ انا جوزك….نسيتيني و لا ايه يا ملك؟؟…..و لا الواد ده لحسلك دماغك
فيروز و هي تبكي و متوتره و هي بدأت تستوعب الأمر : انا…انا فقدت الذاكره…..و الراجل ده كان خاطفني
_ يعني الحيوان ده كان خاطفك؟؟
فيروز بتردد : ايوه
و هو حزين _ حقك عليا يا حبيبتي….انتي مش متخيله انا عملت ايه عشان الاقيكي….انا اصلا مش مصدق انك قدامي دلوقتي…..انا كنت فاكرك ميته….و كنت بدور على الفلاشه عشان اثبت انك موتي…
فيروز قاطعت كلامه متسائله : الفلاشه دي كان فيها ايه؟؟
_ كان فيها حسام و هو بيقتلك….حتى انا مش طايق اجيب سيرته…بس وقتها كنت هروح عشان احبسه بس سرقها مني….و قولت أن انا هاخد حقك بإيدي……و قتلته هو و مراته….بس انا مش عارف ازاي انتي عايشه….بس الحمد لله اني لاقيتك…وحشتيني اوي
نزلت هذه الكلمات عليها كالصاعقه و لم تنطق بكلمه…..فزوجها تحول من رجل اعمال الى قاتل…..و هي أصبحت ميته في نظر الجميع و منتحله شخصيه ملك التي لا تعلم من هي حتى الآن…
_ تعالي معايا اروحك البيت….الفتره اللي فاتت دي كلها كان اخوكي مبينامش
فيروز : اخويا؟؟!
_ ان شاء الله هتفتكري كل حاجه…..و هجيبلك احسن دكاتره في الدنيا….يلا تعالي معايا
ثم ذهبت معه و ركبت السياره..
★★★★★★★★★★★★★★★★
عندما وصلت المنزل….وجدته قصر كبير و به العديد من الحراس..
بإبتسامه _ ده بيتنا
ثم ركض لفتح أبواب القصر و هو في سعاده غامره..
_ ملك جت يا جماعه
ثم ظهر أخوها و العديد من النساء والأطفال..
اقترب منها أخوها و هو يلمس وجهها..
_ انا مش مصدق انك قدامي
فإبتعدت عنه..
فإقترب زوجها و قال : اخوكي يا ملك
ثم قال : أصلها فقدت الذاكره….و مش فاكره اي حد فينا….بس أنا متأكد انها لما تدخل جوه و تشوف الصور هتفتكر كل حاجه
فنظر لها أخوها بحزن…
فقالت مرات أخوها و هي تلطف الجو : وحشتينا يا ملك…انا مرات اخوكي… تعالي معايا بقى عشان تحكيلي كنتي مختفيه فين الفتره دي
قال زوجها : انا هقولكوا على كل حاجه…بس اهم حاجه هي تطلع ترتاح دلوقتي عشان الطريق كان طويل عليها
ثم قال ل فيروز : تعالي معايا اوريكي اوضتنا
ثم ذهبت معه..
عندما وصلوا الغرفه..
_ ادي اوضتنا يا ستي….و عايز اقولك أن انا مفتحتهاش من ساعة اللي حصل
فوجدها صامته لا تتحدث و تنظر على الأرض..
_ انا مش عايزك تاخدي عني انطباع اني شرير زي اللي حصل هناك…..انا اطيب من كده بكتير…بس انتي لما اختفيتي بقيت شخص تاني عمال يقتل الناس….بس انا دلوقتي لاقيتك و خلاص حياتنا هترجع زي الاول
تعجبت فيروز من حبه الشديد لها ك ملك و من شدة حنينه و خوفه عليها…
_ انا هسيبك بقى ترتاحي شويه….لو احتاجتي حاجه نادي عليا
فيروز : اقول ايه؟؟
_ آه آسف…انا محمود جوزك…و اخوكي اسمه خالد….و مرات اخوكي مروه….و الباقي بقى ولاد اخوكي و حماتك و اخويا و مرات اخويا و اخو مرات اخوكي و مرات اخو مرات اخوكي و عيالهم
محمود و هو يضحك : بصي أنا اصلا بتلغبط بينهم فمش مهم تعرفيهم
فيروز : تمام
محمود : استأذن انا بقى….هجيلك بعد خمس دقايق تكوني غيرتي لبسك عشان تاكلي… سلام
فيروز : سلام
ثم خرج من الغرفه…
فنظرت إلى المرآة فوجدتها مره اخرى..
فيروز : انتي ملك صح؟؟
بغضب _ ده مكانش اتفاقنا انك تقتحمي حياتي و تكوني انا
فيروز : بس ده مش بإيدي
بغضب _ يلا دورك….رجعيلي وشي
فيروز : ازاي؟؟
_ روحي المستشفى و قابلي الدكتور اللي عملك العمليه و…..
ثم طُرق الباب..
محمود و هو خلف الباب : خلصتي؟؟
فإختفت ملك..فإتجهت فيروز لفتح الباب..
محمود : ايه ده انتي لسه مغيرتيش….خلاص خلاص مش مهم… تعالي ناكل الاول
ثم نزلت و وجدت المائده مملوءه بجميع أصناف الطعام…
ثم جلست…
مروه و هي تقدم لها الطعام : كلي يا حبيبتي….باين عليكي هفتانه..هو مكانش بيأكلك و لا ايه
محمود : انا عايز ننسى كل اللي حصل و نبدأ صفحه جديده و منحاولش نفتكر اللي فات
مروه : عندك حق و الله
خالد : قدميلها البطاطس يا مروه…..انا عارف انها بتعشقها
فإبتسمت فيروز له ابتسامه بسيطه…و شعرت بالجو الأسري الجميل و جلست تفكر لماذا زوجها قام بقتل ملك و لماذا قام ظافر بتبديل وجهها بوجه ملك….فهي كانت تتمنى أن تكمل حياتها مشوهه و لا تأخذ هذا الوجه…
يتبع…
لقراءة الفصل التالي : اضغط هنا
الرواية كاملة اضغط على : (رواية الوجه)
