رواية الشهر الأسود الفصل الثالث 3 بقلم ندى شريف
رواية الشهر الأسود الجزء الثالث
رواية الشهر الأسود البارت الثالث
رواية الشهر الأسود الحلقة الثالثة
جميله : محمااااااااااااااااااد
محمد في نهاية الشارع : جميله!!
كانت جميله تتقدم اول خطواتها و لكن…
رأت فتاه تحمل أخاها و تجري به….ثم رأت طائر يلاحقهما..
جميله : محمااااد
ثم قام الرجل بسحبها من ذراعها بقوه و أدخلها داخل المنزل و في نفس الوقت انقض طائر على المكان التي كانت تقف فيه…
_ انتي مجنونه….انتي عارفه انك كنتي هتموتي
جميله و هي تقاوم إمساكه لها : سيبني يا متخلف……سيبني
_ و بعد ما اسيبك؟؟
جميله : اخويا محتاجني…..سيبني اروحله
_ لا مش هسيبك
فقامت جميله بضرب رأسها برأسه..و لكنها اصابت منخاره و بدأ بالنزيف
_ يا بنت المجانين
ثم أسرعت لكي تفتح الباب و لكن جاء الرجل الأخر و أمسكها..
_ روح اربطها في الكرسي لأحسن تهرب و لا حاجه
جميله و هي تبكي : سيبوني ابوس ايديكوا…..الحقونااااااااااي
_ صوتي زي مانتي عايزه…..المكان عازل للصوت اصلا
جميله : انتوا عايزين مني ايه؟؟
_ عايزين نحميكي
جميله : انت متخلف؟؟!..انت عايز تحميني غصب
_ طب ليه الشتيمه طه…….ايوه غصب عنك عشان حمايتك مسئوليتي
جميله : طب انت طب…تعالى فكني
* افُكها يا كابتشن؟؟
_ انت بالذات متتكلمش خالص….. بقول نستخدم المسدس وقت الضروره….و انت من قبل ما تشوف الطائر اصلا طلعته….غبي
شادي :طب اعمللي برستيچ قدام الاستاذه طه
جميله : بقولك ايه انت باين عليك كده ابن ناس و محترم….ابوس ايدك فكني
شادي : كتر خيرك يا استاذه….بس انا ماليش في الارتباط
جميله : ايه دخل ده في ده!!….يا ربي ع التخلف
شادي : هو في ايه يا جدعان…محدش عمللي برستيچ و لا ايه…..و الله اسمي شادي الله……انا خارج و سايبلكوا المكان
سامح : و يا ريت مترجعش تاني
شادي : احسن برضو
سامح و هو يمد يده : قبل ما تمشي هات المسدس
شادي و هو غير راضي : أمسك
سامح : غور يلا
ثم خرج..
جميله : هتفضل رابطني كده كتير؟؟
سامح : اول ما اشوفك هاديه هفكك ع طول
جميله و هي تبكي : أهدى ازاي بس…..اخويا شوفته قدام عينيا و مكنتش عارفه اروحله عشان واحد…
سامح : هوب هوب….حاسس انك هتغلطي سيكا
جميله : هو انت جايب كل البرود ده منين؟؟
سامح : هم معلقتين تكبير دماغ على الريق اول ما تصحي و هتبقى في قمة البرود
أظهرت جميله ريأكشن ( ابو تقل دمك ) و لكنها لم تنطق بكلمه..
سامح : احم…عموما متقلقيش اخوكي في ايد أمينه لا و مش بس كده و عارف مكانه كمان
جميله : احلف…..و انت عرفت ازاي؟؟
سامح : البنت اللي انتي شوفتيها دي من التيم بتاعنا
جميله : تيم؟؟…ليه انتوا مين اصلا؟؟
سامح : هعرفك بس تديلي اماره انك هديتي الاول
جميله : خلاص بقيت هاديه اهو
سامح : طب اضحكي كده
جميله بغضب: اللهم طولك يا روح
سامح : خلاص بقى خليكي كده مربوطه ذليله مش عارفه تجيبيلك كوباية مايه عايزه اللي يفكك…..ها هتضحكي و لا؟؟
فأظهرت إبتسامه صفراء..
سامح : بصي لما بتضحكي بتبقي احلى ازاي
جميله بغضب : ممكن تفكني بقى
سامح : من عينيا
ثم أزاح الحبل عنها…..و فاجأته بما لا يتوقعه…
اخرجت من طرف كُمَّها سكينه و اتجهت نحوه تهدده…فإصطدم بالحائط…
سامح : خلي بالك ل السلاح يطول و لا حاجه
فقربت السكينه من رقبته…
جميله : انت عارف لو مكونتش عارف مكان اخويا…كان زمانك ميت دلوقتي
ثم أزاحت السكينه عنه..
سامح : أموت و اعرف جبتيها منين دي
ثم عادت جميله مقربه السكينه مره اخرى الي رقبته..
جميله : و مش عايزه استظراف
سامح : تؤمريني ياااا……تخيلي أن احنا لسه منعرفش أسامي بعض….محسوبك سامح..و انتي؟؟
جميله : حاجه متخصكش
سامح : عموما سمعت اخوكي بيناديكي…..مش محتاجه فقاقه يعني….بس انا حبيت اهزر
جميله أظهرت السكينه و قالت : فاكرها و لا أفكرك؟؟
سامح : و الله اللي انتي شايفاه كده كده لو قتلتيني فإنسي انك تلاقي اخوكي
جميله : طب يلا بقى عشان الوقت بيضيع
و اتجهت نحو الباب..
سامح : رايحه فين بالارنب اللي انتي لابساه ده…..و غير كده انتي حافيه….استني اجيبلك لبس عشان البرد ده
جميله : متشكره مش عايزه
سامح : اخوكي مش هيطير يعني….تعالي ورايا
جميله ثبتت مكانها…
سامح : يلا
ف تقدمت جميله بتردد..
ثم فتح سامح باب غرفه….و اندهشت جميله لما رأته..
حيث رأت العديد من الملابس و الصور المعلقين…..و دارت العديد من الاسئله في عقلها…و لكن سامح لم يتركها في حيرتها لمده طويله..
سامح : ده يا ستي المقر بتاعي
جميله : قصدك على البيت؟
سامح : المقر لو سمحت
نظرت جميله له نظرة لا مبالاه ثم قالت : ايه كل الصور اللي متعلقه دي؟؟
سامح : دول التيم….منهم اللي ماتوا و منهم اللي اتجوزوا و اللي خلفوا و اللي عجزوا
جميله : يعني انت القائد بتاعهم؟؟
سامح : ايوه
جميله : غريبه يعني ناس زي دي تخلي واحد اهطل يبقى القائد ليه يعني
سامح : حلو اوي لحد كده….شوفي بقى مين اللي هيوديكي عند اخوكي يا حلوه
جميله : انا قصدي واحد ذكي و شجاع يستاهل يبقى قائد أكيد
سامح : ماشي هعديهالك المره دي بس
ثم أحضر لها ملابس..
سامح : مقاس رجلك كام؟؟
جميله : 38
سامح : امسكي
جميله : بس مش كده انا هعمل صوت و أنا ماشيه؟؟
سامح : البسي و انتي ساكته الله يخليكي
ثم خرج من الغرفه و اغلق الباب و بدأت بتغيير ملابسها…
★★ ★★ ★★ ★★ ★★
نرمين استيقظت من نومها متألمه…
نرمين بصوت منخفض : آه…حازم…..يا حازم
حازم : ايه يا حبيبتي
نرمين بصوت منخفض و ألم : انا بولد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الشهر الأسود)
