رواية اتحداك الفصل الثالث 3 بقلم سولييه نصار
رواية اتحداك الجزء الثالث
رواية اتحداك البارت الثالث
رواية اتحداك الحلقة الثالثة
-انت بتقول ايه ؟!!
قالتها بصدمة …هزيت راسي وقولت :
-ده قراري …السلسلة غالية وده حقي !!!
الجمود اللي كان مسيطر علي وشها اختفي وهي بتبصلي بصدمة ونظرات غريبة كأني واحد غريب متعرفهوش….كنت مبتسم ليها وانا بقول :
-عموما أنا هديكي مهلة لحد بكرة بالليل عشان توافقي وكمان هعرفك علي العروسة زي ما قولت انتي هتبقي مسؤولة عن كل حاجة ….
رجع الجمود لوشها وقالت:
-ولا وافقت مش هتطالبني بالسلسلة
-اكيد ….
-تمام مفيش داعي استني لبكرة أنا موافقة …
كان مفروض ده يفرحني بس احب*طني لاني حسيت انها مش مق*هورة وكأن جوازي من غيرها لا يعنيها بشئ..بس هي كانت بتمثل أنا عارف كده مستحيل متكونش مهتمة…هي لسه بتحبني وانا هق*هرها اكتر لما تعرف مين العروسة ….
……
في بيت سميرة وكارم…
-هو ده العريس !!!
صرخ كارم بصدمة …بصتله سميرة وقالت:
-خير يا كارم عندك اعتراض ؟!!
-ده مينفعش حتي هو خاطب اختها …
قامت سهيلة وزعقت :
-متقولش اختي دي مش اختي ولا يشرفني تكون اختي….
بصتلي سميرة وقالت:
-عصام عرف أن لبيدة مش من مستواه وسابها واتقدم لبنتي …
بصت تاني لكارم اللي اتوتر :
-ايه يا كارم حنيت ليهم ولا ايه ؟!!
بلع كارم ريقه …كان زعلان علي لبيدة …هي بنته برضه …بس هو خا*ضع لسميرة بطريقة غريبة هو ذات نفسه مش فاهمها…
……
رجعت البيت وانا مبسوط …كل حاجة تمام واتفقنا الفرح في اقل من اسبوعين …طلعت اوضتي وقعدت علي السرير وانا بتنهد بسعادة …نفسي اشوف نظرة الانك*سار في عينها اللي شوفتها لما فس*خت الخطوبة .. بس حاسس اني هشوفها لما اعرفها علي العروسة …غمضت عيني وانا مبسوط. .
. ..
-انتي اتج*ننتي يا لبيدة ايه في عقلك انطقي …
صرخت كريمة في بنتها فردت لبيدة بتعب وقالت:
-عصام عايز يك*سرني يا ماما. ..معرفش ايه السبب بس اعرف أنه عايز يشوفني مق*هورة مش مقتنعة اني عشان رفضته يعمل كده …بس هو فاكر اني ه*نهار أو اهرب . .للاسف هو اللي هي*خسر لأن أن هوريله أنه ولا حاجة في حياتي هصمم فرحه ودي هتبقي فرصة ليا عشان عصام ابن واحد من أكبر رجال الأعمال في مصر وناس كتير هتحضر فرحه مين عارف ممكن شغلي كمصصمة حفلات ينجح ورب ضا*رة نافعة …قربت كريمة من بنتها وقالت:
-يا بنتي متتجاهليش ال*مك …أنا عارفة انك كنتي بتحبيه …
عيون لبيدة دمعت وقالت:
-متقلقيش يا ماما أنا مش بتجاهل ال*مي أنا بت*عذب ونفسي اص*رخ بس لا مش هبينله انهي*اري … لازم عصام يعرف أنه مش محور الكون والحمدلله أنه فس*خ الخطوبة بدل ما اتجوز واحد بمخ عيل معندوش نضج …
…….
في بيت كارم …
كانت سميرة بتصب عصير فجأة طلعت من جيبها قزازة صغيرة شكلها غريب وحطتها في العصير وقلبته …راحت لجوزها وهي مبتسمة وقالت:
-خد يا حبيبي عصيرك ..
– مش قادر …
-عشان خاطري يا كارم هتكسف سميرة حبيبتك …
هز كارم رأسه واخد العصير وشربه …ابتسمت سميرة بشر وهي بتفكر أن كارم مهما حاول يت*مرد بيبقي خاتم في صباعها في الاخر .. .
……..
تاني يوم …
جاتلي لبيدة مكتبي عشان نتفق علي كل حاجة …
-كنت حابة اعرف حضرتك ناوي تعمل الفرح فين ؟!
بصتلها بإبتسامة وقولت:
-مش عايزة تعرفي مين العروسة الاول …
بصتلي بحيرة فدخلت علينا سهيلة وهي بتبصلها بإنتصار ووقفت جمبي وهي بترفع ايديها وتقول:
-مش تباركيلي يا اختي هتجوز اللي كان خطيبك!
يتبع…
لقراءة الفصل التالي : اضغط هنا
الرواية كاملة اضغط على : (رواية اتحداك)
