رواية عشق اللؤلؤ الفصل الثاني عشر 12 بقلم آلاء عوض
رواية عشق اللؤلؤ الجزء الثاني عشر
رواية عشق اللؤلؤ البارت الثاني عشر
رواية عشق اللؤلؤ الحلقة الثانية عشر
طلعت الاء وفتحت الباب براحه جداااا وحاولت انها تدخل اوضتها وماشيه وهي بتتحسب كده زي الحراميه
كنتي فيييين كل ده
انتفضت الاء وانتبهت لمصدر الصوت
الاء / وطى صوتك يا ست الكل هتفضحينا
خديجه بحده / ردي عليا كنتي فييين
الاء / كنت عند السوبر ماركت
خديجه / وفين الحاجات اللي جبتيها
الاء بتحوير/ اسكتييي مش نسيت اخد الفلوس بعد ما نزلت وأخدت المشوار مشي ورجلي وجعتني اه والله يا ديجه
خديجه بعدم اقتناع / ماشي يا الاء بس المره الجايه هخلي ابوكي هو اللي يتصرف
دخلت خديجه الاوضه
الاء / ربنا يكفينا شر تصرفات بابا قولو امين
دخل الاء الاوضه لقت سلمي قاعده على السرير وضامه رجليها وبتعيط وحبت انها تفرفش الجو شويه
الاء بمرح / يااااااه اخيرا هلاقي حد ينام في السرير اللي جنبي من كتر ما بزهق عشان بنام لوحدي بنام يوم على السرير ده ويوم على السرير ده 😂
سلمي مفيش منها اي رده فعلا هي بتعيط في صمت وبس
الاء بهدوء / بصي يا سلمي انا مش هتغط عليكي الصدمه كانت صعبه اوي عليكي خدي وقت يا حبيبتي ولما تحسي انك عايزه تتكلمي انا موجوده والوقتي انا هنام بقا لو حسيتي انك محتاجه تتكلمي صحيني في أي وقت عادي
اكتفت سلمي بابتسامه صغيره على حب الاء ليها رغم كل اللي حصل
نامت الاء بهدوء ونفسها سلمي تفك وتنسى الطور التاني ده هو كمان ربنا ياخدك مكان ما انت قاعد يا راجح يا ابن ام راجح
فكرت في اللي حصل النهارده مع كريم فكرت في أسر فكرت في كل حاجه
ناااامت الاء بسلام وأمان نامت قبل ما تسمع تصبح على خير بتاعت امها اللي هي ” نامي نوم الظالم عباده” 😂
عند كريم
كان قاعد مداايق جدا عشان مقدرش يسيطر على نفسه وأظهر غضبه ليها بس بردو ما زال فيه لغز في الموضوع
يا ترا يا لوءا هتتكشفي ولا لاء!!؟
قاطع تفكيره دخول ساميه عليه
ساميه / مالك يا بني سرحان في أي
انتبه كريم لأمه
كريم / ولا حاجه يا ست الكل بفكر في الشغل بس
ساميه / ارحم نفسك يابني انت بقا عندك ٢٨ سنه ولسه لحد الوقتي متجوزتش انا نفسي اشوف عيالك يا حبيبي نفسي اشوفك بتحب ومبسوط
كريم بهدوء / طيب ما انا الوقتي مبسوط
ساميه / انا عرفاك يا ابن بطني انت بتكابر انا عارفه انك هتفوق بس هيكون بعد فوات الأوان
قامت ساميه وسابت كريم محتار بيفكر في كلامها وعندها حق هو لحد الوقتي بيكابر هو مش معترف بالحب اساسا ولسه ملقاش اللي تعرف توقع قلبه وتهدم كبريائه
كريم بصدمه/ هو في اي يا جدعان كل شويه حد يجي ينصحني ويطلع ويسبني وانا محتار كده دي مش أخلاق ولاد البلد علفكره
تاني يوم
يوم جديد على أبطالنا فيه الحزين والمهموم وفيه المحتار وتايهه وفيه المبسوط
عند الاء
الاء / خلاص يا سلمى فكي كده واحمدي ربنا ان مفيش بينكو عيال
سلمي بدموع /كان نفسي في طفل منه من كتر ما بحبه يا الاء من كتر ما بحبه
الاء / انسيه يا سلمى انسيه وكملي حياتك واحنا هنلاقيه وهنجيلك حقك منه ورثك كله هيجيلك وشقتك وكل حاجتك هترجعلك انت المفروض تفرحي لأن انت الكسبانه مش هو. هو خسر احسن واجمل بنت في الدنيا خسر اكتر قلب طيب في الدنيا دي خسر كتير اوي يا حبيبتي
سلمي مسحت دموعها بايديها
سلمي / انا مش عايزه منه أي حاجه سيبه يتحرق بالفلوس الفلوس مش كل حاجه يا الاء
الاء / بس الانسان من غير فلوس مينفعش والورث ده حقك انت مش هو وبابا هيساعدك وكمان أسر وعدني انه هيساعدك احنا كلنا جنبك وفي ضهرك
سلمي / ربنا يخليكو ليا انا مش عارفه من غيركو كنت علمت اي أو كنت اتخطبت المشكله دي ازاي
الاء بمرح / سبيلي نفسك وانا هخليكي تتخطى كل المشاكل اللي في الدنيا
سلمي بعدم فهم / ازاي يعني
شغلت الاء السماعه على اغنيه( البيت وناسه) وفضلت تغني مع الاغنيه بأعلي صوتها
البيت وناسه والخمسه سته اللي احنا منهم، دول اللي لو نحتجلهم يدونا عينهم ♥️✨🎶
البيت وناسه والخمسه سته اللي احنااا منهم، دول اللي لو نحتجلهم يدونا عييينهم ♥️✨🎶
احنا اللي غمسنا في طبق واحد زمااان، ستر وغطا على بعض حاسين بالاماااان ♥️✨🎶
احنا اللي غمسنا في طبق والأحد زمان، ستر وغطا على بعض حاسين بالاماااان ♥️✨🎶
اه يابني العتاب واللوم ده من بااااب المحبه ♥️✨🎶
خديجه وحسام طلعو على صوت الاغنيه وكانو مبسوطين وفضلت يصقفو والاء كانت مبدعه مع الاغنيه
وكانو في جو أسرى جميل خالي من المشاكل والحزن والوجع
نصيحه..
الناس معادن
الخناق ووقت الشده هما الحاجات الوحيده اللي بتعرفك معدن اللي قصادك بتعرفك اذا كان معدنه كويس أو إذا كان خسيس وقليل الأصل ف حاول انك تعرف معدن اللي قصادك قبل ما تقع في الفخ ♥️
يتبع…
لقراءة الفصل التالي : اضغط هنا
الرواية كاملة اضغط على : (رواية عشق اللؤلؤ)
