رواية الماستي الفصل الحادي والعشرون 21 بقلم أسيل عمران
رواية الماستي الجزء الحادي والعشرون
رواية الماستي البارت الحادي والعشرون
رواية الماستي الحلقة الحادية والعشرون
حسام… خلاص يازاك بقى هي مش سمعاك انت كدة بتكلم نفسك يابني افهم
زاك بأمل… كلى امل انها هترجع وحاسس انها سمعاني وهتسمع كلامي وهتقوم هي بس عنيدة انا عارفها
حسام بحزن…. بقالنا ست شهور على الحال دة وهي في غيبوبة من خبطة جامدة على الدماغ غير انها عندها انهيار عصبي شديد ونا مقدرتش احميها من كل دة انا كنت فين لما كل دة حصل انا اي لزمتي لما سبتها تواجه كل دة لوحدها
زاك… اهدى يا حسام واستعيذ من الشيطان دة قدر ربنا واكيد ربنا عندو حكمة من اللى حصل دة هتعترض على قدر ربنا يا حسام؟
حسام…. استغفر الله العظيم واتوب اليه انت عندك. حق وانشاء الله الماس هتفوق مش ناوى تمشي بقى اختك قلقانة عليك وعلى الماس روح. طمنها ونا وأية هنفضل هنا وهزعجك ياخويا وهخليك تاخد عدى وماسه معاك
زاك…. لا ازعاج ولا حاجه دة حتى ماهي وجاك بيحبوهم جدا ونا هروح اودي عدى وماسة وهاجي تاني محدش هيفضل مع مراتي غيري
حسام… هههه كل مرة بطمن فعلا ان اختي مع راجل
زاك ابتسم ومشي وهو حزين جدا على الماس وعلى الوضع اللى هي فيه زاك راح البيت واخد عدى وماسه معا وطول الطريق بيبص على ماسه وبيقول
زاك… سبحان الله نسخة طبق الاصل عن الماس مع انك بنت اخوها
ماسه… مخلاص بقى ياعمو عرفت مش لازم يعني تبحلق فيا كل شويه هو اي دة
زاك انفجر من الضحك على طريقة ماسه وعصبيتها على اتفه الامور وافتكر الماس وانها شبه ماسه كدة بلظبط وضحكتو تلاشت مرة واحدة وبان. في عيونو الحزن
ماسه…. عمو زين مالك. زعلان لية انا كنت بهزر معاك متزعلش منى انا اسفه ياعمو
زاك ببتسامة… نفس حنيتها الماس رقم اتنين…. لا يقلب عمو زين انا مش زعلان منك انا مش زعلان اصلا ولا ياعدى متيجي نجيب ايس كريم
عدى… يلا يا عمووو
ماسه بفرحة…. انا عاوزة بطعم الشكولاتة بلمكسرات
عدى…. قلنا انتي عندك حساسية من الشكولاتة ومفيش شكولاتة يعني مفيش شكولاتة فاهمة
ماسه بزعل…. فاهمه
زاك…. ماسه ياحبيبتي عدى خايف عليكي مش اكتر ولله اسمعي كلامو بقى دة اخوكي الكبير
ماسه… حاضر ياعمو زين عاوزة بطعم. الفانليا
زاك بضحك… طفسة زيها انا دلوقتي عرفت هي لية كانت علطول معاكي انتي وبتحب تاخدك. معاها في اي مكان
وبعدها مشي زاك وعدى وماسه وراحو على الفيلا بتاعت زاك واول ما وصلو هناك ماهي رحبت بيهم. ترحيب جامد اوى هي وجاك. وفضلو يلعبو معاهم بس كانت فرحتهم ناقصة لانهم عرفو ان حالت الماس بقت متأخرة اكتر منزالاول ومفيش تحسن وخاصتا ماهي لانها حابت الماس جدا واعتبرتها اختها وجاك اللى زعل عليها اوى بس بيحاول ميبينش دة
بعد اسبوع
زاك…. مش ناوية تقومي بقى جبتلك. الاكلة اللىى بتحبيها لو تعرفي احنا زعلانين قد. اي لو تعرفي انا بمر بأية في غيابك قومي بقى انا اتعودت على اهتمامك بيا طول الوقت واهتمامك بتفاصيلي حبيت ريحتك في البيت حبيت اني كل يوم اجي من الشغل اشم ريحة الاكل المصري بتاعك واشوف الخدم بيلعبو معاكي حبيت طيبت قلبك حبيت كل تفاصيلك يا الماس فعلا اسم على مسمى وهنا زاك بص لالماس وبص للخدوش اللى لسه على وشها وزعل جدا وعيط ودموعه بقت بتنزل على ايد الماس مرة واحدة الماس ايديها اتحركت زاك اول ما شاف كدة ندهه على الدكتور يجي بسرعة واتصل على حسام وقالو
الدكتور…. عذرا سيدي ولكن لا يوجد تحسن ربما كنت تتوهم بذلك لان السيدة لا يوجد في حالتها تحسن نعتذر منك
زاك… ولكني رأيتها تحرك يديها صدقني انا لا اتوهم
حسام… خلاص يا زاك خلاص بص روح خد شور وتعالى انت اكيد تعبان. وجاك. قالى انك مأكلتش حاجه من امبارح يلا عشان خاطر الماس وعشان تعرف تقعد معاها
زاك اومأ راسة بأيجاب ومشي وهو ماشي وقف على الجسر اللى وقع منو يوسف وبص للبحر دة وقال
زاك بحزن….. انا اسف يا يوسف مقدرتش انقذك لو كنت انقذتك مكنتش الماس حصلها كل دة مكنتش انا بتعذب لدرجة دي دلوقتي مكنتش الماس حصلها كل دة سامحني مع اني كنت كارهه قربك منها وكارهه نظراتك ليها ونظراتها ليك بس اعتقد انها كانت معاك سعيدة اكتر وغمض عينو وعيط ولما فتح لقى الماس قدامو
الماس ببتسامة. …. ولية بتقول كدة
زاك…. ااالماس انتي انتي هنا ازاي الماس
الماس…. هششش اهدى انا بس موجوده دلوقتي انت ليه بتقول اني كنت اسعد مع يوسف
زاك… لان دة اللى انا شايفة من اول وعدك انك من بعد يوسف مش هتدي لاي شخص فرصة تاني لحد اخر مرة كلمتك فيها واعترفتلك بحبي وانتي مردتيش
الماس…. حاولت تسأل قلبك انا لية مردتش مش يمكن انا مردتش عشان كنت بخلف بوعد قولتو وبوعد نفسي بوعد جديد متيأسش يا زاك ربنا كبير وللى خلاني من اولوالطريق ابقر معاك وفي بيتك هيخليني ابقى في قلبك اللى ارشدنا على الطريق من الاول مش يسيبنا في نصفه ووقفت الماس على السور وهي بتقول شكل البحر حلو اوى والهوا جميل والسماوصافية زي قلبك يا زاك ونطت من على السور مرة واحدة زاك فاق من تواهنه وقال
زاك…. الماااس هل هل كنت اتوهم؟ ياللى من احمق على الاسراع للذهاب لالماس
زاك روح ع البيت واخد شور ولبس وجهز وراح. على الشركة عشان بعد. الشركة هيروح. لالماس وفي نص الشغل زاك كان عندو اجتماع وصلو اتصال من. حسام رد عليه الخبر اللى قالو حسام. لزاك في التلفون خلى زاك يوقع الفون من ايدو ويطلع يجري على المستشفي اللى فيها الماس
وزاك اول ما وصل ولقى شكل الماس المرهق وبتبصلو بستغراب جري عليها وحضنها وفضل يبوس في رقبتها كتير اوى وحضنها اكتر عشان يتأكد انها فاقت واخيرا
الماس بكسوف شديد… احم يا استاذ زاك ميصحش كدة سبني
زاك استغرب وبصلها وبص لحساماللى كان على وشو علامات حزن شديد… حسام؟
حسام… اسف ياصاحبي الماس مش فاكرة اي حاجه عنك الا يوم ما شافتك
زاك…. انا مش فاهم حاجه قصدك ايه
بعد كده حسام وزاك خرجو بره الاوضة اللى فيها الماس وسابو أية معاها وزاك اتصدم ان الماس حصلها فقدان زاكرة جزئي ومش فاكره حاجه عن جوزها لا بزاك ولا بيوسف هي زاكرتها متوقفه لحد اليوم اللى حصل فيه حادثة كريستين (ودي هتعرفوها مع الاحداث)
زاك… طب هنعمل اي دلوقتي هي مش هتقدر تستوعب اني جوزها بلطريقة دي ولا هتقدر انها تستوعب موت جدو وكل الاحداث اللى حصلت دي
حسام…. ما احنا مش هنقولها
زاك… نعم؟! مش هتقولها اي
حسام…. عن كل الحوادث اللى حصلت دي ولا حتى عن جوازكم هي ممكن تدخل في غيبوبة تاني وبدال فقدان زاكرة جزئي هيبقى كلي وهتنسانا كلنا ارجوك افهمني يا زاك وهي أنشأ الله مع العلاج هتبدأ تتجاوب واحنا مش هنستسلم وهنحاول نفكرها بس بطرق سليمة مش كدة
زاك بحزن شديد… طب انا عاوز اشوفها عاوز اعتزرلها
حسام…. ادخلها يا زاك دي ايا يكن مراتك ودة حقك سواءا كانت فكراك او لا
زاك خبط على الباب ودخل لقاها متسطحة على السرير وباصة للسما بشرود
زاك… الماستي
الماس بصتلو بغضب وحزن وخذلان في نفس الوقت وقالت…. ماذا تريد مني الان الم تهونني بما فيه الكفاية
زاك قعد على الارض وجنب السرير ورفع راسو وبصلها بحزن شديد وقال في نفسه…. هي حتى مش فاكرة اني بتكلم. عربي
زاك…اسف الماستي فقد كنت مشوش في الايام الماضية كثيرا وكنت مضغوط ولم اقصد ابدا ما قولت اعلم انكي انسانه جميلة من الداخل والخارج اعلم انكي ملتزمة ومؤدبة ولن تفعلى مثل هذا الشيئ ابدا سامحيني الماستي
الماس…. زاك.. اتعتزر مني الان ياللهى ان هذة اللحظة عليها ان تتوثق في التاريخ لا لحظة اذا انت لا تعني ما قولت لى صحيح
فلاااااش باااك
كريس…. ياخاسرة ان حاولتي الاقتراب من حبيبي زاك مجددا سأقتلك اتفهمين
الماس مدتلهاش اهتمام وساباتها ومشيت وهي ماشية كريس زقتها وكانو في الشارع راحت الماس كانت هتقع بس في راجل لحقها في ارخر لحظة وكانت شبه مرمية في حضنو كريس استغلت الفرصة دي وصورتهم وورت الصورة لزاك زاك اول ما شاف الصورة اتجنن من غيرتو على الماس وقال لالماس كلام كتير في حقها
زاك… انكي رخيصة وكنتي تلعبين على دور العفيفة الملتزمة وانتي ارخص منهن لا اريد ان ارى. وجهك مجددا اغربي عن وجهي
وحتى مداش الماس فرصة للتوضيح وساعتها الماس قررت انها تسافر في حته بعيد عنو وانها تبعد عن اي خيط بيوصلها لى
باااااااك
زاك…. هلا سامحتني
الماس…. نعم اسامحك زاك والان ماذا حدث لي ولما اشعر ان رأسي ثقيلة للغاية
حسام…. الماااستي مفيش حاجه انتي بس وقعتي من على السلالم ودماغك اتخبطت جامد وفقدتي الوعي ودخلتي في غيبوبة بسبب نزيف في الدماغ
الماس…. واد اي استمرت الغيبوبة دي
حسام…. سنه
الماس…. اييييى وامتحناااتي ينهاااار ابيض والكلية
حسام وزاك في اللحظة دي معرفوش هيقولولها اي وخاصتا انها متخرجة وكمان بتشتغل
حسام…. اخدتي اجازة من السنه دي وهتعديها السنه الجاية متقلقيش الماستي
الماس بحزن…. يلا قدر الله ومشاء فعل لعله خير
وبعدها مر اسبوعين على تواجد الماس في بيت حسام لان حسام اصر انه ياخد الماس بيتو وميقعدهاش في المستشفى علشان خايف ان اي حد من طاقم التمريض اللى يعرفو الماس في المستشفى دي يوقعو في الكلام ويقولولها اي حاجه والماس في الفترة دي كانت متفجأة جدا من التغيرات اللى حصلت وان حسام اخوها اتجوز أية بنت عمها اما حسام بعت ماسه وعدى عند ماهي وجاك وزاك يعتنو بيهم لحد ما الماس ترجعلها زاكرتها
الماس…. حسام انا عاوزة اخرج
حسام…. لا يا حبيبي علشان انتي تعبانة
الماس…. لا وربنا لاخرج وفكك من جو محن الاخوات دة عشان مابيكلش معايا
حسام…. مصورة مجارى وطفحت في وشي هااا ياست الماس عاوزة تخرجي فين
الماس…. عاوزة اشوف جدو اندريدو
حسام برتباك…. هاااه ب ب بس جدو تعبان
الماس…. اييية تعبان مالو انا لازم ارحلو
ومرة واحدة الماس جريت وركبت العربية وراحت على بيت اندريدو القديم الماس اول ما دخلت فضلت تندهه عليه لحد ما لاقت برواز وفي صورته وعليها شريطة سودة ومتعلقة على الحيطة
الماس… لا مش حقيقي جدو مامتش وفجأة الماس حاست بدوخة كبيرة وكانت هتقع لاقت زاك واقف وراها وساندها وعلى وشو علامات القلق
زاك…. اهدي وتعالى اشربي حاجه تفوقك
الماس… زاك.اين جدي
زاك بصلها بحزن وقال…. انه في مكان افضل الان الماستي
الماس حست بتشاوش صورة في دماغها من الماضي وداخت تاني والمرة دي مسكت في زاك جامد وزاك قلق عليها اوى وبقى عمال يخبط. على وشها
زاك…. الماس الماس اهدي اهدي الماس تماسكي
الماس…. زاك حاسه بدوخة رهيبة
زاك… استني هجبلك حاجه مسكرة تاكليها
وبعدها بأيام الماس تقبلت موضوع موت جدها بقلب حزين بس كانت في اسئلة كتير في دماغها وحاست ان حسام وزاك وأية مخبيين عليها حاجه وحاجه كبيرة اوى ورجعت تاني في يوم لوحدها لبيت اندريدو القديم لاقت ان في التقويم اللى على الحيطة انها في عام 2022اتصدمت ازاي مرت سبع سنين وباصة على صورة اندريدو اللى على الحيطة لاقت بردو تاريخ الوفاة بنفس السنه الميلادية وبعدها بدأت تجمع شوية حاجات غريبة زي كلام زاك بلعربي وزي ان في مرة لاقت طفل عندو زي سبع سنين بيكلم أية وحسام وبيقولهم بابا وماما ولما سألتهم قالولها انه بيعتبرهم كدة بس هي مصدقتش غير انها شافت زاك قبل كدة بيصلي وبيقيم الصلاة كمان بحسام وأية طب امتى وازاي زاك دخل الاسلام ولما راحت تسأل عن عمها اللى في السجن قالولها انه في حالة اكتئاب من ساعت موت ابنه وكل دي اسئلة في عقل الماس غير حبها الكبير لزاك وبدون مبرر مع انها بتغض بصرها عنة وكمان مبتتكلمش معاه كتير زي الاول ومع ذلك الماس بتحبو اوى وحاسه ان في حاجه ناقصة من غيرو حاسة ان في رابط بيجمعها هي وهو حاولت تنفض الفكرة دي من. دماغها كتير بس كل محاولتها بأت بلفشل الماس حست بضطراب في دماغها وحاسة بضغط كبير اوى وكأن دماغها هتفجر وبقى بيظهر في دماغها تشويش من الاحداث الماضية ووقعت مغمى عليها من كتر الضغط
وبعد اسبوع
الماس فاقت من غيبوبتها التانية وبس المرة دي في حاجات كتير في دماغها في زكريات افتكرت كل حاجه والمرة دي نفسيتها هي اللى مكنتش قادرة تستحمل
حسام…. الماس حصلك حاجه انتي كويسة
الماس بصت لحسام بصه توهان قالت… هو معرفش يلمسني صح انا عرفت احافظ على شرفي صح؟!
حسام وزاك ندهو لدكتور والدكتور قالة انها لما وقعت على الارض وقعت على دماغها والوقعة وكتر التفكير خالوها تفتكر كل حاجه بس للاسف الانسه دخلت في حالة هلع ونفسيتها مش متظبطة نهائيا ونصحهم ياخدوها لمصحة نفسية قبل ما يسوء الامر اكتر وفعلا نفذو كلام الدكتور رغم اعتراض زاك. الشديد بس حسام اصر وقال لزاك مينساش انو هيطلقها خلاص ف ملهوش حقوق عليها ووداها المصحة النفسية عشان تتعالج زاك بقى بيروحلها كل يوم ومع ذلك الماس مكنتش بتتجاوب لا معاه ولا مع العلاج
زاك…. الماس
الماس بصتلو وهي ساكتة…
زاك…. مش هتفوقي بقى خلاص يا الماس اللى راح راح وانتي لازم تتخاطية يا الماستي يلا الماس حالتك دي معناها انك بتعترضي على قدر ربنا ول يعوذ بالله قومي يا ماستي عي
الماس عيطت وقالت…. خدني من هنا هما بيكهربوني ونا مش مجنونة انا بس نفسيتي تعبانة بيكهربوني في دماغي يا زاك خدني من هنا ارجوك
زاك اول ما شاف دموعها وخوفها اتعصب جدا وحلف انو يدمر المستشفى دي واخد الماس وبعدها بساعة اتصل بكل اعوانة في الصحافة وعرفهم عن طريقة علاج المستشفى دي للمرضى ومخلاش حد من المسئولين بتوع الدولة يتدخلو في الموضوع وفي خلال يوم كانت المستشفى دي افلست وقفلت تماما الماس كانت شايفة كل دة لانها اختارت انها تعيش مع زاك مش مع حسام وزاك بقى كل يوم يجبلها هدية شكل ويخرجها خروجة في مكان شكل وفعلا الماس تجاوبت معاه وبدأت نفسيتها تتحسن شوية وفي يوم زاك حضر لالماس مفجأة واخدها على يخت كبير وليهم هما بس وزاك بقى بيرقص مع الماس سلو بس لا على اغنيه ولا موسيقى بل على اوتار جيتار حبو هو وهي بقت بصالو بحب كبير
الماس…. شكرا على كل حاجه مش عارفه من غيرك كنت هعمل اي
زاك…. دة نبذة بس عن مدى حبي ليكي الماس ابتسمت بهدوء ورقة غير مقصودين وودت وشها للارض بكسوف زاك لما شافها كدة مقدرش يقاوم نفسه وقبلها والماس ومقاومتش لا بلعكس تجاوبت معاه واخيرا سابها عشان يعرف يتنفس والماس مش قادرة حتى ترفع عيونها لي من كتر كسوفها وجريت على اوضة في اليخت وقفلت الباب عليها وحطت ايديها على قلبها اللى عمال ينبض بسرعة شديدة
الماس…. هو هيعمل فيا اي تاني حب وعشقتو مش حبيتو اهتمام وادهولى صبر وووفاء واخلاص ادهوملى مقدملى كل حاجه يارب بس انا مش عاوزاة يتأذى خايفة اخسره زي يوسف خايفة يتأذى بسببي اكتر من كدة لا مش هسمح لدة يحصل ابدا انا هطلق منو هو ملهوش زنب في كل دة عارفة اني انا اللى هدمر اكتر ما انا متدمرة بس مش هقدر اشوفه قدامي بيعتذب بسببي الماس خرجت من الاوضة ولاقت زاك قدام الباب وبيبصلها بصة هي مفهمتهاش ولسه هتتكلم راح بدون اي مقدمات خطف شفايفها في قبله تاني والماس حطت ايديها على صدرو ودة مزدهوش الا جنون بيها راح شالها وبقت في نفس مستواه والماس لسه بتقاوم اما زاك عقلو في عالم. تاني قلبو هو الللى بيتكلم وعاوز ياخد ما هو ملكا له وبعد ما زاك لزقها في الحيطة واخيرا سابها تتنفس الماس ممسكت وشو ولسه هتتكلم راح زاك هو اللى اتكلم
زاك….. هشششششش مش عاوزك تتكلمي انا اللى هتكلم انا بحبك اوى يا الماس بحبك بجنون حبيتك من اول مقابلة بينا متتخيليش انا كنت هتجننن ازاي لما عرفت انك اتجوزتي يوسف الله يرحمه بس حقيقي انا مجنون بيكي من زمان من اول ما عيونك قابلت عيوني ونا بحبك وكل مدى كل ما حبيتك اكتر انتي وتصرفاتك المجنونة وحبيت قلبك الطيب دة اوى حبيت قوتك واصرارك حبيتك اوى صدقيني
الماس وهي متماسكة بلعافية….. زاك انا عاوزة اطلق طلقني
زاك بصلها بصدمة وقال…. انتي بتقولى اي طب وكل اللى قولتهولك. دة كان اي وحبي ليكي واللى حصل بينا وتجاوبك. معايا جاوبيني ومسك. الماس من دراعها جامد وفضل يضغط. على دراعها
الماس ببرود…. كانت مجرد. لحظة ضعف مني ومنك اما حبك. دة مجرد. وهم صدقني وبعدين مين قالك. اني بحبك انا مش بحبك انا لسه قلبي مع يوسف آلله يرحمه هيفضل عايش في قلبي طول العمر وعاوزة ورقة طلاقي توصلي عشان اخلص من العلاقة اللى ملهاش لازمة دي
زاك زعل اوى وفلتت دمعه من عيونة خالت الماس كانت هتعيط. معاه بس مسكت نفسها وزاك. مقدرش يستحمل يشوفها اكتر من. كدة من غيظو راح. مظعلقها وقالهاوانها معندهاش قلب ومبتحسش وهو بيكرها وخبطها في الحيطة ووقف اليخت على الشط وركبو العربية والماس لاحظت ان الطريق دة بيودي على بيت حسام مش فيلة زاك وزعلت اوى انها هتفارقة بس حاولت تقنع نفسها ان دة الانسب لية
زاك…. وصلنا انزلى ومش عاوز اشوف وشك تاني وشنطة هدومك وورقة طلاقك هيوصلولك بكرة وحتى قبل ما هي تتكلم سابها ومشي وهي انهارت من العياط وحسام كان واقف فية البلاكونة وشاف كل اللى حصل ولما سألها قالتلو انها هتطلق بس ومحكتلوش على اي حاجه
وفي اليوم التاني
زاك جهز ورق الطلاق وفعلا طلق الماس وبعتلها ورقة طلاقها وشنطة هدومها والماس كانت حابسة نفسها في اوضتها وخرجت لما سمعت ماهي وهي بتقول بصوت حزين
ماهي… كنت اظن انكي ستكونين عوضا له عما حدث له في طفولتة ولكني كنت مخطئة زاك تعذب كثيرا منذ صغره فأمي لم تكن تهتم الا بلمال وايضا جدتي لهذا جعلوه يعمل من سن التاسعة اعمال شاقة واعمال غير شرعية حتى اصبح باردا ولم يعد ذلك الشاب اللطيف الحنون الاخ الكبير الرائع بل صاحب اكبر شركة استيراد وتصدير لم يعد يهتم لاحد فلقد تأذى كثيرا امي كانت تضربه ان لم يعمل ذات يوم حتى وان كان مريضا وجدتي كانت تأخذ كل نقودة لم يكن له الا جدي وعندما ارتبط بفتاة ما احبهابصدق خدعته وكانت تواعده كل هذة الفترة من اجل المال كان دائما يصدم صدمة تلو الاخرى ولكن لم ارى له تحسن الا في وجودك لم ارى الابتسامة الحقيقية الا في وجودك. احبكي بصدق ولكن انتي خدعتيه والان هو مدمر تماما وسيسافر في بلد اخرى ارجوكي اوقفيه انه مستعد ان يحارب معكي ومن اجلك العالم كله ارجوكي اوقفية ومع ذلك الماس مستجابتش ل ولا نداء لي ماهي ولا كلام ليها ومفتحتش الباب في الوقت دة أية كانت موجودة وشافتهم هما الاتنين بيتعذبو في فراق بعض ازاي وقررت انها ترجعهم لبعض وخاصتا ان الماس كانت حكتلها هي لية عملت كدة وبأقصى سرعة لحقت ماهي قبل ما تمشي وقالتلها
أية… سأتي معكي انا اعرف كيف سأرجعهم لصوابهم
ماهي…. ارجو ذلك بعدها أية وماهي راحو لزاك وأية حكت لزاك لية الماس عملت كدة ولما زاك عرف جري عشان يرجع حبيبته تاني ويعرفها ان كل الحاجات دي اوهام من دماغها
وفي الوقت دة حسام كان قاعد مع الماس
حسام… الماس انا فاهم من غير ما تقولى انتي لية عملتي كدة بس ياحبيبتي زاك مش يوسف ظروف زاك مش متطابقة مع الظروف اللى كانت مع يوسف يعني دلوقتي عمرو دة اتعدم ومات واخوه اخد مؤبد ومامت زاك 25سنه سجن اما كريس 30سنه سجن يبقى مين هيأذيكو طب سيبك من دة كله انتي مش واثقة ان ربنا بيجيب الاحسن؟
الماس واخيرا صوتها طلع من ورا باب اوضتها…. طبعا
حسام… يبقى خلاص سيبي كل حاجه في ايد ربنا وللى ربنا كاتبه هيحصل بأرادتك او من غير ارادتك يا الماس حسام قعد شوية قدام الباب وملاقاش استجابة منها قام عشان يمشي لقى الباب بيتفتح ووراة الماس وعلي وشها سامة جميلة وبتظبط لبسها وخمارها وبتقول
الماس… يلا بينا نلحق العبيط دة قبل ما يمشي هو مفكر انو هيخلص مني بلسهولة دي ولا اي لا وربنا انا قاعدة في قلبو ومستربعة حسام ضحك ومسك الماس من ايديها ونزلو جري من على السلالم عشان يلحقو زاك والماس لسة على باب الفيلا بتاعتها لاقت زاك بيوقف العربية بتاعتة وبيجري عليها وهنا حسام وأية وماهي وجاك عرفو انهم لازم ينسحبو ويسبوهم مع بعضهم شوية زاك فضل باصص لالماس بعتاب والماس بتبصلو بحب واسف
الماسوزاك اتكلمو في وقت واحد
زاك… قولى انتي الاول
الماس… قول انت الاول وبعد كدة انا الرجال اولا
زاك…. لية عملتي كدة لية مقولتليش من الاول انك بس خايفة عليا لية
الماس…. مكنتش عاوزة ااذيك مكنتش عاوزة اكون مصدر تعاسة بلنسبالك يا زاك
زاك ببتسامة ساحرة…. ياغبيه انتي حتى ازعاجك بلنسبالي شيئ يسعدني انتي مشاكلك هي مشاكلى انتي جزء مني ونا مستحيل اتخلى عن حاجه ملكي
الماس… بحبك
زاك… اي اي لا قوليها تاني بالله عليكي مسمعتهاش كويس ارجوكي قوليها تاني
الماس بخجل شديد… بحبك ياض خلاص بقى مصنجتش انت يعني زاك ضحك وشال الماس ولف بيها وكانت ضحكتهم مالية المكان
اما دلوقتى احنا بنحضر فرحهم العلني والماس اختارت تعمل فرحها في مصر وتخرج من بيت باباها اللى في مصر وفعلا عملو الفرح في مصر وكان فرح اسلامي جميل ومرتب جدا وزاك فرحتو بالماس لا توصف والماس فرحتها بزاك متتوصفش وكلهم كانو فرحانين الا طبعا عم الماس الاوسط هو ومراتة وبناتة التانين اما مرات عم الماس حسني دي اتغيرت اوى بعد اللى حصل لابنها وجوزها وبتعامل الماس على انها بنتها وكان يوم من احلى الايام اللى حصلت لالماس في مصر خاصتا بعد ما المؤذون قال الكلمة الاخيرة في كتب الكتاب وزاك جري على الماس وشالها قدام الكل وكانت بنات عم الماس عينهم هطق على زاك وهيموتو على زاك ومستخسرينه في الماس على عكس الشباب اللى كانو هيموتو على الماس مع انها مكنتش حاطة غير كحل وروچ بس وفستناها واسع وفضفاض وخمارها الجميل كانت اميرة بمعني الكلمة وبعد ما خلص الفرح زاك والماس راحو على فرنسا واول ما زاك وصل هناك شال الماس وطلع بيها على الاوضة علطول وتسكت شهرذاد عن الكلام غير مباح
وبعد سنين كتييير اوى
جوري…. ماما ماسه ورعد بيتخانقو تاني
بسنت…. اكيد بيقولها تلبس النقاب لانو غيران عليها صح
جورى…. ايوة ياماما والمرة دي حالفة لاتفركش الفرح
الماس…. مااااااسه يا جزمة
وتطلع بنت في العشرينات من عمرها وتكون نسخة طبق الاصل عن الماس
ماسه…. نعم يا عمتو
الماس…. اسمعي كلام جوزك بدال ما اطلعلك هو عشان حسام مسافر هو وأية وبيجهزو لفرحك هتسوقي فيها يابت لا دة انتي متعرفنيش دة انا اللى مربياكي انتي والسته زيك
رعد… تسلمي ياحسن خالة في الدنيا اللهى اشوفك عروسة
ويجي صوت من وراهم قوي رغم كبر سنه
زاك…. والمصحف يارعد لامسكك انفخك بس الصبر
وطلع يجري ورا رعد وتيجي بنت جميلة هي وشاب تاني في العشرينات من عمرهم ويقولو
نورسين….. مامي يا مامي يا احلى الماميهااات
ياسين… امي يا غالية يا احلى الامهات
الماس…. مش معايا فلوس قولو لابوكو
نورسين…. منا ججيالك عشان تقنعيه لان هو بيقول ان المال السايب يعلم الانحراف بس بالله انا ما وش انحراف انا وش سجون انا والواد اللى مقلدني في شكلى دة
ياسين…. علفكرة انا مولود قبلك بدقيقة يعني انتي اللى مقلداني يا حاقودة يا غلوية
نورسين…. طب وربنا لاقول لزين زييييييييييين
زين… اي يا زفتة مكنتيش، يا امي جبتي اخت ليا هادية شوية زي ايسل
الماس…. اتلم ياض ولا عشان انت الكبير هتستكبر عليا لا وربنا اغزك
زين…. انا عاوز حمض dna يثبتلى انك امي ومرات الراجل الغلبان ابويا دة
رعد….. زييييين يااااااسييييييين الحقووووناااااااااااي
زاك…. خد يااااض
زين كان على وشك البكاء وقال…. حسبي الله 🙂وسابهم ومشي وياسين ونورسين لسه كخلصوش نقاش مين توأم التاني
اما الماس فمبطلتش ضحك
رماح…. ماماااع
الماس…. يخربيت امكم مش هدي فلوس ريحو دماغكم
رماح…. عيب عليكي يما هو انا بتاع الكلام دة انا بس كنت عاوز اقولك اني عاوز اطلب ايد نهال من خالىي حسام لما يرجع
الماس بفرحة…. بجااااااااااد لووولووووووولييييي الفرح الاسبوع الجاي
رماح فضل يضحك على مامته تحت نظرات جورى لزين اللى هتموت عليه مع انه اصغر منها وحاولت كتير تمنع نفسها بس معرفتش
وزين اللى حاسس بنظراتها بس هو مبيبدلهاش نفس الشعور انما بيحب التقاء بنت ماريا صاحبة الماس
وجأت فتاة نسخة طبق الاصل في الشكل عن امها وبل اجمل وتأخذ الهدوء طبع اباها
ايسل..انا جيت انا جيت انا جيت سلام عليكم
زين….. ايسووولتي
ايسل…. زينييي اخويا الكبير اي يراجل مجتش اخدتني انا والتقاء ونهال ورحمة انهاردة لية من الجامعة
زين…. اسف ياحبيبتي كنت مشغول شوية
ايسل…… لا عادي ياحبيبي بس بعد. كدة متدخلش اختك في حياتك العاطفية انت والتقاء عشان منفخكش يسطا
وسابتو ومشيت هي الوحيدة اللى تعرف سر التقاء هي والماس بس هو ولا بيكلمها ولا اي حاجه هو مستني لما تخلص الثانوية العامة وبعد كدة يخطبها
وجات بتتمخطر الصغيرة الجميلة هاجر بنت الماس الصغيرة خالص اللى عندها 7سنين
هاجر.ببكاء… زين ياسين رماح
زين وياسين ورماح…. اي يا هاجر مالك في اي
هاجر…. في ولد معايا في االمدرسة ضربني واخد الساندويتش بتاعتي
زين ….. اية وربنا منا سايبة هو فين دة
رماح…. وريهولى بس ونا هنفخو
ياسين…. هو مين ابن المحترمة دة ونا اقتلهولك
هاجر…. لا الموضوع مش كدة هو لما ضربني مسكتو بطحتو وعضيتو وخربشتو وخليت عينو تخر دم والمدير زعقلي وقالي هاتي ولي امرك ونت عارف بابا هيزعق اني اتخنقت وهيوقلى حرام عليكي وماما هتروح تجيب المدير دة من شعرو عشان زعقلي واخواتي البنات هيقفولو قدام باب المدرسة اللى هتستلمو تلقيح ولللى هتضربو وللي هتشمت فيه فواحد منكم يجي معايا يا شباب
زين….. انتي متأكدة انك طفلة
هاجر…..اة وزي القمر كمان ماما بتقولى اني واخدة عيون بابا الزرقا وبياض ماما وشفايف ماما يعني انا مميزة وقمر
رماح…. احسنتي يابنتي وللله اقنعتينا سقف ياض يا ياسين ونت يالا ياكبير ياهطل سقف انت كمان يلاااااع
زين…. انتو جيبني هنا تهزقوني علفكرة
البنات من وراهم….. بت ياهاجر احنا سمعنا الحوار من الاول وربنا لانوريه هو والمدير ماامااا احنا راايحين مهمة دفاع عن الشرف وجاييين يغالية ادعيلنا
هاجر…. خلاث يا جماعة حثل خير
زاك… الماااستي ردي انتي بقى يا الماستي
الشباب والبنات….. الماااستك اي دي الماستنا احنا
الماس…. هههههههه مفيش حد لي حق يناديلي الماستي قد باباكم لانو فعلا مخليني الماسة في عينو عشان كدة انا الماستة
زاك ببتسامة…. بحبك يا الماستي
وهنا يكون ختام روايتنا الجميلة يارب تكون الرواية اعجبتكم ومتعتكم وبجد هتوحشوني ولو عاوزين انيةاعمل جزء تاني منها قولو لو لا انا عندي رواية جديده في بالى وهنزل اقتباس عنها لو حبيتوها هكملها لو مالقتش عليها تفاعل هحذفها وكل سنه وانتم طيبين وبخير وينعاد عليكم بلخير والبركة يارب وعيد سعيد عليكم اخواني واخواتي في الله ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤🌚
لقراءة الرواية كاملة اضغط على : (رواية الماستي)
