رواية أريدك لقلبي الفصل السابع 7 بقلم ندى أحمد
رواية أريدك لقلبي الجزء السابع
رواية أريدك لقلبي البارت السابع
رواية أريدك لقلبي الحلقة السابعة
> مالك يا حور .. مالك بيطنشني اغلب الوقت ومش بيرد علي مكالماتي مع اننا عرسان جداد . انا كنت فاكره الاول انه عشان مشغول بس طلع انه قاصد .. بيرجع البيت كل يوم متأخر عشان اكون نمت ومتكلمش معاه و بيخرج من البيت الصبح بدري قبل لما اصحي .. متخيله اد ايه هو مش طايقني يا حور ؟!
-بصراحه الي بتقوليه غريب جداا علي عرسان جداد .. طيب انتو اتجوزتو ازاي ؟
>انا بصراحه كنت بحبه من زمان يعني هو كان جيراني قبل لما يبقا مدير الشركه و انا كنت بروح لمامته اساعدها و كل يوم بدعي انه ياخد باله مني و يحبني حتي نص الحب الي بحبهوله و لما مامته قالتلي انهم هيجو يطلبو ايدي كان احلي يوم فحياتي .. افتكرته هو كمان بيحبني بس شكله اتجوزني بناء علي رغبه مامته .. انا تعبت يا حور
حور كانت محتاره تعمل ايه .. تساعدها ان مالك يحبها و لا تستغل الفرصه دي ..
-طيب خلاص بصي ايه رأيك نعملك نيو لوك ؟ يعني نغير فشعرك شويه و لبسك
> وقتها هيحبني ؟!
-عالاقل تبقي جربتي .. مش هتخسري حاجه من التجربه
>عندك حق ..
-يلا تعالي نروح للمول نجيب كام حاجه بعدها نروح البيوتي سنتر و اوعدك انه هيندهش من التغيير الي هيحصلك
> شكرا بجد يا حور انتي حسستيني اني عندي اخت
ب ابتسامه -يلا بس عشان منتأخرش
وفعلا راحو المول وحور اخترتلها لبس حلو سواء خروج او بيتي و راحو للبيوتي سنتر ظبطت شعرها هناك و حور بعدها حطتلها ميكب
-تقدري دلوقتي تبصي فالمرايه
> معقول دي انا يا حور !
حور ضحكت
-انتي جميله اصلا بس كنتي عايزه شويه اهتمام .. يلا بقا الساعه ١١ و مالك اكيد فالطريق للبيت خدي تاكسي و روحي للبيت عشان توصلي قبله .. اعملي عشا رومانسي و شموع وكدا ..
مريم حضنت حور
>اشوفك بكرا يا حور انتي بجد بنت طيبه اوي
حور ابتسمت و ودعت مريم و روحت بيتها مشي
كانت بتمشي فالشارع وهي بتعيط .. هي سلمت مالك بنفسها ل مريم .. بس هي مقدرتش تشوفها فموقف ضعيف زي دا وتستغلها . وقتها كانت هتخسر احترامها لنفسها
شادي كان مستنيها تحت البرج لانه قلق جدا عليها لانها مردتش عليه وفنفس الوقت لسا مروحتش البيت
شافها وهي بتعيط
جري عليها وهو قلقان
~مالك يا حور !
حور مكنتش متوقعه ان شادي يكون مستنيها تحت البرج ومكنتش متوقعه تقابله النهارده اساسا
مسحت دموعها
-مفيش يا شادي ..
~ انا ملاحظ الفتره دي انك متغيره و حاسس ان التغيير دا عشان الفرح بيقرب و انتي متوتره ان ميكونش الفرح زي م انتي عايزاه
-شادي انا لسا مجبتش الفستان و لا عملت اي حاجه
~ طيب ايه رأيك تاخدي اجازه من الشغل عشان حتي تقدري تتفرغي للفرح وبعدين انتي مش محتاجه الشغل يا حور
-انا بشتغل عشان ابني كياني يا شادي .. مش عشان الفلوس
~ طب حتي متروحيش الشغل بكرا و نروح نشوف الفستان .. الشقه جهزت خلاص ف كدا فاضل الفستان بس
-فكره حلوه انا مش هروح الشغل بكرا و هقضي اليوم معاك
( حور مكنتش عايزه تروح الشغل بكرا ولا تشوف مالك بعد لما بقا سعيد مع مريم )
~طيب يلا اطلعي بيتك و نامي و الصبح هرن عليكي عشان تصحي و نروح نشوف الفستان
-مااشي يا شادي تصبح علي خيير
~ وانتي من اهلي
*اليوم الي بعدو *
صحيت الصبح بدري قبل لما شادي اصلا يرن عليها
هي اصلا معرفتش تنام كويس ولما نامت حلمت بكابوس
اتصلت علي شادي عشان تصحيه وينزلو بدري احسن
~ انتي بقيتي نشيطه اوي يا حور من لما بدأتي شغل
بضحك -لو عايزني ارجع كسوله تاني قول متتكسفش
~ لا لا خليكي كدا .. يلا ربع ساعه وهعدي عليكي
-مااشي مستنياك
كانت بتلبس و باصه فالمرايه بتحط الميكب لما مريم اتصلت عليها
سابت كل الي ف ايدها و ردت علي مريم
> حور خطتك نفعت يا حور .. مش عارفه بجد اشكرك ازاي
كلام مريم وقع علي حور زي الصاعقه
-م..مبروك يا مريم .. عن اذنك عشان ورايا حاجات لازم اعملها بس مبسوطالك
>تسلمي يا حور
وقفلت المكالمه
-ايوا يا شادي .. انا تعبت فجأه ومش هقدر انزل معاك .. معلش خليها يوم تاني
~ الف سلامه عليكي يا حوري .. طيب اجبلك اي ادويه من الصيدليه ؟
-لا لا انا هنام ولما اصحي هبقا كويسه ..
~ تمام يا حوري وانا هتصل عليكي بعد ساعتين اطمن عليكي
-تمام باي
قفلت معاه المكالمه و نامت عالسرير باللبس والميكب .. حتي مقدرتش انها تمسح الميكب او تلبس لبس البيت
كانت بتتألم رغم ان مش من حقها حتي ان الموضوع دا يضايقها .. هي بقت فصراع مع نفسها ومش عارفه تعمل ايه بالظبط
بعدها بساعه من العياط و الانهيار قررت تنزل الشركه .. عدلت الميكب و نزلت راحت الشركه
اول حاجه عملتها لما راحت الشركه انها دخلت مكتب مالك
=ايه يا حور مش تخبطي حتي !! بعدين فين اسماء ؟!(اسماء هي السكرتيره )
كانت لسا هتتكلم بس مريم وقتها دخلت المكتب
> ايه دا يا حور انتي هنا ؟ كويس عشان اديكي الهديه دي جبتها عشانك
وبعدها مريم قربت من مالك و باسته علي خده و حضنته
>انهارده هترجع من شغلك بدري يا حبيبي زي م اتفقنا ؟
=اه انا بلتزم ب اتفاقاتي زي م انتي عارفه
بفرح> طب خد الاكل دا حضرتلك اكتر اكل بتحبه
=شكرا يا حبيبتي
>تعالي يا حور نتكلم برا لو شغلك خلص مع مالك
بتوتر-اه اه خلص
خرجت مع مريم برا المكتب و قعدو فكافيه قريب من الشركه
>انا خايفه اكون معطلاكي عن شغلك
-لا لا
> ايه رأيك ف لبسي النهارده بس بصراحه يعني
-لا حلو عجبني عااش اتعلمتي بسرعه
> عارفه مالك امبارح قعد متنح فيا ربع ساعه لما جه البيت وشاف التغيير الي فيا .. و بدأ يهتم بيا و انهارده المفروض هيخلص شغله بدري و نروح السينما
بحزن متداري -حلو فرحتلك
>انتي بقا اخبارك ايه مع خطيبك ؟ شايفه الدبله ف ايدك من اول يوم اتقابلنا فيه بس مرضيتش اسألك كنت مستنياكي انتي تحكيلي
-اه مخطوبه بقالي ٣ سنين .. هو شخص بيحبني و بيتمنالي الرضا و مش شايفه فيه اي عيب
> بس مش بتحبيه صح
-ايه دا عرفتي ازاي ؟!
>باين من كلامك .. بتتكلمي عنه من طرفه يعني مقولتيش انا بحبه و لا مستنيه فرحنا ولا اي حاجه
-اه هو فعلا كدا .. اختياري ليه اختيار مبني عالمنطق والعقل
>كدا حياتك هتبقي تعيسه يا حور .. لازم تختاري الشخص الي بتحبيه و يكون بيحبك .. الحب لازم يكون متبادل يا حور
-بس هو كويس و صبر ٣ سنين خطوبه و اكيد هحبه بعد الجواز
>افرضي محبتهوش بعد الجواز ؟
-عايزاني اعمل ايه طيب
> سيبيه لان كدا ظلم ليكي وليه و يلا نرجع للشركه عشان اتأخرتي علي شغلك بسببي
*بالليل*
حور كانت مروحه بيتها وكلام مريم بيتردد ف ودانها .. هي فعلا لو محبتهوش بعد الجواز هتبقا تعاسه ليها
اما مالك ف اوفي ب اتفاقه و روح البيت بدري وكانت مريم مستنياه
=ايه الجمال دا بس يا حور
> حور !!
يتبع…
لقراءة الفصل التالي : اضغط هنا
الرواية كاملة اضغط على : (رواية أريدك لقلبي)
