رواية مصيبه سكنت قلبي الفصل الثالث 3 بقلم أميرة رمضان
رواية مصيبه سكنت قلبي الجزء الثالث
رواية مصيبه سكنت قلبي البارت الثالث
رواية مصيبه سكنت قلبي الحلقة الثالثة
_الووو (صلو علي النبي ❤)
=ازيك ي عروسه
_مين
=معقوله نسيتي صوتي ي كوكي
_انت 😳
=وحشتك صح
_وحش لما يلهفك انت عااايز اي وبترن عليا ليه
=تؤتؤ اتكلمي معايا بادب من ايمتي وانتي بتكلميني بطريقه دي
_من هنا ورايح هكلمك بطريقه دي وبعدين انا مش عملتلك بلوكات من كل حاجه بترن ليييه
=عملتي بلوكات من كل حاجه بس لسه معملتيش من قلبك
_قلبي ده اول حاجه عملتلك بلوك منها من بعد مخونتني ومستحييييييل افكر فيك تاني والحمد لله ربنا عوضني كتتتير وبعتلي يوسف انسان نضيف مش زيك وانا عايزاك تنساني وتروح تكمل وساخت*ك دي في حته تاني
=انساكي ازاي وانا بحبك
_متقوووووولش الكلمه دي انت قولتها لسبع تلاف وحده قبلي وانا كنت مصدقاك وحبيتك بس تعرف دلوقتي انا مش بكره حد قدك
=بتكرهيني
_اه بكرهك اوووي اللي يهون عليه زعلي ويبقي سبب في كسرت قلبي عمري مشيلو من رجلي
=بتتتت اتكلمي عدل انا ساكتلك وانتي هتستعبطي
_انا اتكلم زي منا عاااايزه ولو عندك كرامه مترنش عليا تاني ولا توريني وشك في اي مكان يلا في داهيه
(قفلت وانا متضايقه اوووي ومتعصبه )
_الله يحرقك ي زفت جاي تنكد عليا علي الصبح هو انا مش هخلص من قرفك ده بقي
(وقومت دخلت اخد دش )
________
يوسف : بقالي ساعه واقف مستني
رنا : ي حبيبي منا بجهز اعمل اي يعني
يوسف : ده كلووو بقالك ساعتين بتلبسي
رنا : دانا كده خلصت بسرعه
يوسف : طب يلاااا قدامي ي بت
امي احنا ماشين عايزه حاجه
امال : هعوز اي يعني ده بدل ماجي انا معاك
يوسف : منا قولتلك تعالي ي امي وانتي المش راضيه
امال : انا اصلا مش راضيه علي الجوازه دي من الاول مالها بنت خالتك تسيبها عشان البنت دي
يوسف : هنرجع للحوار ده تاني اولا انا مسبتهاش انا متجوزتهاش اصلا عشان اسيبها
امال : بس كنت خاطبها
يوسف : مش انا اللي خطبتها انتي وبابا اللي خدته القرار ده من نفسكم ورحتو خطبتوهالي من غير حتي متاخدو رأي
ولما قولتولي رفضت وفركشنا الموضوع وخلصت علي كده مش كل شويه تتكلمي في الموضوع ده
امال : عملت كل ده عشان ست ملك
يوسف : ايوا عملت كل ده عشانها انا بحبها من زمان وقولتلك بس عشان الموضوع مش علي مزاجك مهتمتيش
رنا : ي ماما هو انتي كنتي اتعاملتي مع ملك عشان تبقي مضايقه منها كده
امال : انا لاعايزه اتعامل معاها ولا حتي اشوفها
يوسف : طب كويس انك قولتيلي عشان اشوفلي شقه برا نتجوز فيها
امال : تتجوز بعيد عني اهو لسه مجتش وهتبعد ابني عن حضني
يوسف : استغفر الله العظيم
رنا : ي ماما هي كانت عملتلك اي دلوقتي
يوسف : يلا ي رنا انا مش حابب اسمع كلام تاني
______(بقلمي /اميره رمضان )
ريم بتخبط علي باب الحمام
_ايوووووا ي زفته
ريم : بتعملي اي ده كلو خلصي وتلفونك بيرن
_مين اللي بيرن
ريم : رقم افتح
(انا اتوترت ليكون محمود)
لاء سيبيه
ريم : طب اخلصي هكوي اللبس علي متطلعي
هدي : خدي ي حبيبتي كوبايه العصير دي
ريم : تسلمي ي خالتو تاعبه نفسك والله وكوبايه وبتاع مكنتي جبتيلي الشفشق احسن
_يخربيت الطفاسه
ريم : طلعتي ي اختي صاحيه متاخر ليه
_ بت انا العروسه اصحي براحتي امال فين ساره وميرا
ريم : انا طلعت جيت علي هنا هما زمانهم جايين
_طب الحق ارن علي ميرا تجبلي الطرحه بتاعتها قبل متاجي وتعاود تاني
(* ملحوظه : البيوت بتاعتنا قريبه جدا من بعض )
_الو ايوا ي بت هاتي معاكي الطرحه اوعي تنسي
ميرا : انا جيييييت
_جبتي الطرحه
ميرا : جبتها ي اختي خدي
ريم : يلا البسي
_استني هصلي الضهر الاول
ميرا : ماشي وانا هشوف ساره مجتش ليه
ميرا : الو انت فين ي جز*مه
ساره : باااكل
ميرا : تعالي احنا هناكل هنا عند لوكا 😂
ساره : منا هاكل هنا واجي اكل معاكم برضو
ميرا : طب اخلصي وهاتي معاك الميكب
ساره : اها قولو كده بقي انتو طمعانين في الروج بتاعي
ميرا : طبعا امال يعني طمعانين فيكي انتي اخلصي بقاااااا
بعد نص ساعه
جهزنا وخلصنا
عز : اياك بقي يكون جايب معاه مزز كده ولا حاجه عشان المره اللي فاتت كانت ناشفه ي خساره الاستشوار
_انا احسن انا فرحانه فيه
(الباب خبط )
_عز ياض ي زفت افتح الباب
عز : حسابي معاكي بعدين وفتح الباب سلمو علي بعض
وانا طلعت سلمت عليه وعلي اخته اخته كانت جميله وبتهزر وانا حبيتها
بعد شويه اصحابي طلعو قعدو معانا
ريم : انتي في سنه اي ي رنا
رنا : تالته كليه
ريم : انا اكبر منك احترميني بقي
ميرا : ياشيخه احترمي نفسك الاول واسكتي شويه
ساره : رنا متاجي تقعدي معانا جوا ونسيبهم شويه مع بعض
رنا : اشطاااا
(دخلو وقعدنا لوحدنا)
_انت هتلبس طقم لونه اي في الخطوبه
يوسف : مش عارف لسه مقررتش
_هختار ليك انا اي رايك اجيب فستان بنفسجي وانت تلبس الشميز اللي تحت البليزر بنفسجي هيبقي تحفه صح
يوسف بابتسامه : صح وعلفكرا انا حجزتلك في البيوتي سنتر عشان المكياج وكده
_بيوتي سنتر مره وحده مالها ام سماح
يوسف : مين
_ ام سماح للميكب السفاح
يوسف : ههههههههههه لاء خلينا في البيوتي سنتر احسن
_ ماشي ي سطي الانت عايزو
يوسف : كنت عايز اقولك حاجه
_اي
يوسف : انا كنت خاطب قبل كده علي مااعتقد انك عارفه لاني قولت لابوكي
_اه بابا قالي بس سبتها ليه
يوسف : احنا اصلا متخطبناش عشان اسيبها
_ازاي انا مش فاهمه
يوسف : بصي هي كانت بنت خالتي ابويا وامي راحو خطبوهالي من غير معرف ولما عرفت فركشتها
_هو لسه في حد بيعمل كده
يوسف: هما عملو كده عشان شايفيني بحترمها وكده فكروني بحبها
_طب فركشت ليه
يوسف : عشان مش بحبها انا لازم البنت اللي اتجوزها اكون بحبها
_طب منتا خطبتني اهو
يوسف : ماهو عشان انا بحبك من زمان اصلا
(اتوترت واتكسفت اوووي ووشي جاب مية لون )
يوسف : بس بس اي وشك احمر كده لييه
_رديت بكسوف :لاء ابدا مفيش
يوسف : ماشي ي ستي علعموم انا حكتلك الموضوع ده عشان مكونش مخبي عليك حاجه واكون صريح معاكي وياريت انتي كمان تكوني صريحه معايا في اي حاجه عشان ميحصلشي مشاكل في المستقبل فهماني
رديت بتوتر : اها فاهمه
دخلت ريم
ريم : يلاااا بقي عشان نشتري براحتنا ومنتاخرش
نزلنا كان جايب العربيه بتاعته واخته جايبه عربيه ابوها عشان اصحابي وكده
ركبنا ورحنا المحلات دورنا كتير علي الفساتين واخيييرا بعد 3ساعات لف لقيت الفستان العجبني وعجب يوسف اوووي
هدي : اخيراا طب الحمد لله يلا بقي نروح
رنا : اي ي طنط لسه باقي حاجات كتيره
هدي : لاء انا هقعد هنا وانتو لفو براحتكم
يوسف : طب تعالي اقعدي في الكافيه اشربي حاجه واحنا هنخلص وناجي
_هنشتري اي تاني
رنا : تعالي نشتري جذمه او كوتش اللي انتي عايزاه
_ انا بحب الكوتشات اووي
يوسف : طب تعالي نجيبو
دخلنا المحل
ريم : والنبي ي كابتن عايزين كوتش للانسه دي بس بكعب انت شايف عامله اي
خبط ريم وقولتلها بغيظ : انا مش قصيره يوسف هو اللي طويل
يوسف بضحك : لاء مش قصيره ي قلبي اختاري الكوتش الانتي عايزاه
_طب تعالي اختار معايا
اختارنا كوتش جميل اووي
يوسف : ماشي هناخد ده يابني
_اي اللي هناخد ده ي بني استني
هو بكام لو سمحت
=ب580
_لييييييييييه بيمشي لوحدو
ريم : بت عيب انتي عروسه خليكي كيوت سبيلي انا الطلعه دي
ريم : هو اااااااااي اللي ب580هو اخرو 120
يوسف بصدمه : نعم 😳
ميرا : خدي عريسك ي ملك واطلعو شمو هواء واحنا هنخلص معاه ونجيلكم
ساره : ايوا بظبط كده لانهم لما بيشوفوك ي يوسف وانت باين عليك انك ابن ناس كده بيطمعو فيك
(ضحكنا واخدت يوسف ووقفنا برا المحل )
يوسف : متخليش اصحابك يعملو حاجه عادي هدفع اي المشكله
_والنبي ي يوسف بطل الطيبه دي وسيبهم يفاصلو احنا لو اشترينا حاجه من غير منفاصل فيها يجرالنا حاجه 😂
وانا بتكلم معاه جات رساله من الرقم بتاع الصبح فتحتها
*ماشي اقفلي في وشي ومترديش عليا حلو انا هعرف اخليكي تندمي علي اللي عملتيه ده
_😳
يتبع…
لقراءة الفصل التالي : اضغط هنا
الرواية كاملة اضغط على : (رواية مصيبه سكنت قلبي)
