رواية احببتك يا صغيرة الفصل السادس 6 بقلم آلاء محمد
رواية احببتك يا صغيرة الجزء السادس
رواية احببتك يا صغيرة البارت السادس
رواية احببتك يا صغيرة الحلقة السادسة
سكت والغضب بان علي وشه فجاه لقيت عبدالله واقف جنبي وبيحط أيده علي كتفي وبيقولي _ايه ياروحي ف حاجه ولا ايه
-انت مين وازاي تحط يدك عليها أكده
_انا جوزها
فجاه الصمت بقي سيد الموقف
كسر الصمت ده صوت محمود بيقول-الف مبروك يابنت عمتي
=الله يبارك فيك ياولد الخال
-همشي اني بجي ونتجابلوا تاني أن شاء الله
=مع السلامه ياعمده
“عبدالله عارفه لانه العمده وكده لكن محمود ميعرفش عبدالله اوي لانه شكله اتغير عن زمان واوي كمان هما كانوا صحاب زمان يمكن قبل ما اتولد اصلا لحد ما عبدالله اختفي عن الكل ومبقاش قريب من حد
مشي محمود لقيت عبدالله بيشدني من ايدي جامد _واقفه مع محمود ليه ياهانم
=اولا سيب ايدي علشان بتوجعني ،ثانيا انت مالك ده ف الاول و الاخر ابن خالي زي ما انت ابن عمي مش اكتر
ساب ايدي وقال_لا يا هانم انا جوزك يعني تحترميني وتحترمي وجودي
=وانا مش محترماك ف ايه
_وقفتك مع راجل ف مكان زي ده ف وقت زي ده تبقي مش محترماني
=بص عموما معلش متزعلش انا تعبانه اصلا ومش حمل منهده
اتنهد بصوت عالي وقال_تعبانه مالك يا آخره صبري
=يوم مرهق شويه تصبح على خير
_وانتي بخير
عديت الموضوع لاني فعلا كنت تعبانه وعلي أخري ومش حمل زعيق ولا خناق طلعت نمت لأن بكره ورايا يوم طويل اطول من انهارده
صحيت الصبح بدري كالعاده دخلت اخدت دش وصليت وغيرت هدومي لبست بيزك نبيتي وعمت شعري كحكه مش مظبوطه كده وحطيت كحل كان شكلي قمر اوي بجد ده مش غرور لا دي ثقه بالنفس
نزلت علشان نفطر كل اللي يشوفني يقولي ايه الحلاوه دي ف ايه يا جماعه اوعا يكون بسبب الحموم بهزر معاكوا فعلا كان شكلي مختلف انهارده الغريبه ان مفيش حد ف البيت مقليش كلمه حلوه ألا هو أستغفر الله يا اخي لوح تلج والله
خلصنا فطار ووضبنا البيت من زينه وتحضير وطلعت علشان اعمل الميكب لاميره خلصتلها الميكب كانت زي القمر والله احلي عروسه شافتها عيني بجد بحبها اوي البت دي
=زي القمر يا ميرا والله
_تسلم ايدك ياروح قلبي
=احلي من شافت عيني
_تسلملي عينك وقلبك يارب
=حبيبت العمر
حطيت لباقي العيله كان مفيش وقت خلاص حطيت لنفسي بسرعه وعملت شعري ويڤي ولبست درس اسود ماسك ف الجسم وعليه حزام اسود بردوا وهڤ بوط اسود وحطيت ميكب سمبل معادا الروج نبيتي كان شكلي حلو اوي
كده كده احنا هنغير كذا لبس لأنها حنه نوبيه للبنات وف الدوار من بره الرجاله
نزلت كان هو واقف ف نص الدوار ومديني ضهره كان لابس عبايه بيضا ورابط عمه علي رأسه ناديت عليه راح بص ليه كان قمر اوي اوي ياجدعان اكاد من فرط جماله اذوووب والله أنا وهو تنحنا هو فيه وانا ف القمر اللي قدامي ده بعد شويه استوعبت كملت نزول علي السلم لحد مروحت عنده لقيته حضني يالهوي يالهوي حد يخض حد كده بس
كميه راحه ف حضنه رهيبه كميه امان تخض انا بعشق الولا عبدالله ده اوي ياجدعان
طلعني من حضنه وقال_ايه الفستان اللي يقرف اللي انتي لبساه ده
“عليا النعمه الولا عبدالله ده عنده انفصام “
=لو علي أنه ديق سيكا كده كده احنا هنلبس فساتين كتيير ومفيش رجاله هتدخل غيرك انت وأحمد وشباب العيله بس ودول كلهم اخواتي
_لا والله اخواتك ماشي يا الاء مش هنكد عليكي انهارده علشان الحنه وكده لكن لما تخلص اوعدك انك هيطلع عينك
=مش هينفع تنكد عليا لان بكره الفرح خلي النكد ده لما نرجع بقي يا بودي
_قلب بودي
=ايه
_ايه
الناس بدأت تيجي ف هو طلع بره علشان يستقبل الناس لما أنه كبير العيله بعد عمي وابويا
وانا معظم ستات البلد مكنتش تعرفني لاني كبرت واتغيرت
لقيت ست كبيره كدا بتندهلي ودي تقرب لمرات عمي ابو احمد
روحتلها=تؤمري بحاجه يا امي
بقولها يا امي لأنها ست كبيره وكده
_بجولك يا بنيتي انتي مخطوبه أو مشبوكه يعني
قعدت اضحك
=متجوزه
_لا والله شكلك ميبانش عليه انك متچوزه
بضحك=النصيب بقي يا امي
_متچوزه مين بجي
=عبدالله ولد عمي
بزهول كده_عبدالله كبير الابراهيميه
=ايوه يا امي
_بس هو كبير عليكي يا بنيتي
لقيت عبدالله من ورايا بيقول_وده يخصك ف حاجه يا حجه
عبدالله دبش ومش بيهمه حد وشايف نفسه وعارف قيمته كويس ومش بيحب حد يتدخل ف خصوصياته
-لا يابني ميخصنيش
سحبني من ايدي وراه وقال_وانتي اي حد يكلمك تحكيله قصه حياتك
=عادي يا عبدالله هو مش سر يعني عموما معلش هروح ارقص بقي باي بودي
بصلي بقرف كده اللي هو والله لوريكي
روحت فضلت ارقص واغني والكل يسقفلي وحاجه كده عره بعيد عنكم وجه وقت أننا نغير طلعت لبست طقم صعيدي كده نزلنا لقيت حد بيشدني من ايدي و
يتبع…
لقراءة الفصل التالي : اضغط هنا
الرواية كاملة اضغط على : (رواية احببتك يا صغيرة)
