رواية فريدة وكريم الفصل الثالث 3 بقلم ديدا سيد
رواية فريدة وكريم الجزء الثالث
رواية فريدة وكريم البارت الثالث
رواية فريدة وكريم الحلقة الثالثة
فريدة : انت رحت فين دلوقتي؟
جت على الموبيل نوتفكيشن منه
كريم : بصي تحت كدا
تحت فين الواد ده باينه مجنون اما ابص اشوف فينه ده
لقيته واقف تحت العماره مع جارنا الي قدامنا
اي الي موقفه مع الراجل ده
فضلت مستنياه يخلص لحد ما خلص كلام مع صاحب البيت ولقيته بيتصل بيا
فريدة : كنت واقف تحت بتعمل اي
كريم : انا خلاص اشتريت الشقه الي قدامك
فريدة : نعم؟؟؟
كريم : زي ما سمعتي كدا
فريدة : ده راجل مادي واكيد طلب فيها فلوس كتير
كريم : كل لأجل عيو….
فريدة :ا ا احترم نفسك مش بحب التلزيق ده
كريم في سره : فين ايام لما كنتي بتقوليلي يا بيبي
فريدة : انت بتقول اي؟
كريم : مفيش يلا يا جارتي الجديده تصبحي علي خير
فريدة : مجنون رسمي
كريم : مجنون بيكي
تاني يوم :
فريدة : صباح الخير يا ست الكل
ام فريدة : صباح النور يا حبيبتي عامله اي
فريدة : تمام الحمد لله بقولك يا ماما في فرح واحده صحبتي النهاردة وانا هروحه
ام فريدة : مقولتليش يعني
فريدة : معلش يا ماما هي صحبتي مش قريبه اوي اسكتي يا ماما شفتي جارنا الجديد الي قدامنا؟
ام فريدة : انتي عارفه اني مليش علاقه بالجران يا فريدة معرفش مش مرتاحه للفرح الي انتي رايحاه ده
فريدة : ليه بس يا ماما ده فرح خديجه
ام فريدة : خديجه مين؟؟
فريدة : خديجه يا ماما الي كانت معانا في المدرسة زمان
ام فريدة : براحتك يا بنتي
انا اضايقت طبعا وحسيت اني بعمل حاجه من ورا ماما
مسكت التليفون وكلمت كريم
فريدة : كريم
كريم : نعم في حاجه ولا اي
فريدة : ماما مش مطمنه للموضوع وحاسه انها مش موافقه اني انزل
كريم : طب انا هتصرف البسي انتي بس وانا هشوف هعمل اي
فريدة : ماشي
فتحت الدولاب وطلعت الفستان
يااه مش مصدقه ان الفستان ده من كريم
بس هو شكله واقع خالص
بس انا بحبه وهعمل ده عشانه
خلصت لبس ولقيت باب الشقه بيخبط
فريدة : انا هفتح يا ماما اعدي انتي
كريم : الاه الاه اي ده انا طلعت للقمر امتي؟
فريدة : احترم نفسك ها هتعمل اي
كريم : احم احم مش هدخليني يعني يا فريدة ولا اي
فريدة : انت مجنون وطي صوتك شويه
ام فريدة : مين يا فريدة؟؟
كريم : انا عاوز طنط سهام بس
ام فريدة : ايوه يا استاذ مين حضرتك
كريم : يا طنط انا كريم زميل فريدة في المدرسة زمان واحنا رايحين فرح خديجه فا كلنا اتفقنا ان كل واحد يروح مع التاني وصاحبي الي كنت هروح معاه استأذن وقال مش هعرف اجي وفريدة كانت هتروح لوحدها فا قولت اعدي عليها بالمره في طريقي
فريدة : يا كريم انا كنت هروح لوحدي مش لازم يعني
كريم : ده بعد ادن حضرتك يا طنط يعني
ام فريدة : طب اتفضل يبني اعد شويه
كريم : لا يطنط احنا متأخرين اصلا
ام فريدة : طب روحي يا فريدة خلاص
سهام مسكت فريدة : حسابي معاكي بعدين لما ترجعي يلا روحي
فريدة : يلا سلام يا ماما
كريم : سلام يا طنط متخفيش مش هنتأخر
فريدة : دانا هيطلع عيني لما اروح منك لله يا كريم
كريم : طنط سهام طلعت لطيفه اوي يا ديدا
فريدة : انت لسا فاكر اسمها ؟
كريم :انا عمري ما نسيت اي حاجه تخصك يا فريدة
فريدة : طب يلا عشان هنتأخر
اهو يا ستي وصلنا
فريدة : طب يلا
كريم : استني عشان نراجع مع بعض هنعمل اي
فريدة : انت هتعلمني انا يا كريم مش اول مره اعملها يعني
كريم : طب يقمر يلا
فريدة : الله ده الدفعه كلها هنا بقي عاش من شافكو يا شباب
ادا فريدة وكريم انتو اتخطبتوا ولا اي؟
كريم : اه يجماعه
طبعا اكيد مكنتش قصه الحب العظيمه دي هتنتهي علي مفيش
كريم : طب يلا احنا هنروح نبارك لديجا ونرجع تاني
كريم : بقولك يا فريدة انتي زعلتي؟
فريدة : لا يا كريم يلا بس
كريم : مبروك يا خديجه
خديجه : الله يبارك فيك يا كريم
خديجه : ادا فريدة ازيك انتو اتخطبتوا ولا اي؟
فريدة : اه يحببتي مبروك يا روحي
خديجه : الله يبارك فيكي يا قلبي
فريدة وهي ماسكه يد كريم : طب استأذنك بقي يا روحي هنروح انا وكريم نسلم علي باقي الشباب
خديجه : ماشي يا حببتي براحتك خالص
كريم : ده انتي غيرانه بقي
فريدة : خالص بمثل الدور حلو بس اي رأيك
كريم : جامده طول عمرك
فريدة : تعالي نرقص
كريم : انتي الي مجنونه
فريدة : انت لسا هتتكلم يلا
وشدته ورقصه
كريم :ده من امتي بقي مش انتي مش طايقاني؟
فريدة : ابتسم عاوز الناس تقول اي وطي صوتك ده شويه
كريم : طب انا تعبت مش يلا نعد بقي
فريدة : طيب
فريدة : ادا مش دي تقي الي كانت بتحبك زمان
كريم : اه دي جايه علينا سَلْمي عادي وكدا
تقي : ادا كيمو ازيك
وخدته بالحضن
فريدة شدتها من حضنه وحضنتها
فريدة : ازيك يا حبيبتي عامله اي
تقي : ادا ديدا اي الصدفه الحلوه دي
فريدة : صدفه اه وحشتيني يا توتو والله
تقي : كيمو مالك مختفي ليه كدا
فريدة بعصبيه : معلش يا حبيبتي اصله مشغول خالص في الشغل بقولك يا كيمو ابقي فكرني نلغي السفر بتاع بكره عشان مش هقدر
كريم واقف مصدوم ومش بينطق
كريم : اه اه طبعا
تقي : طب باي بقي يا كريم هبقي اكلمك
كريم : اه ماشي يا حبيبتي باي
فريدة : حبيبتي؟
كريم : اي اضايقتي؟
فريدة : لا انا عاوزه امشي
كريم : طب يلا نروح
فريدة :انا همشي لوحدي سلام
كريم : طب استني يا فريدة استني
مره واحده ظهرت ام فريدة
فريدة : ماما انتي اي الي جابك وعرفتي ازاي ان انا هنا؟؟؟
كريم : ازيك يا حماتي
فريدة : حماتك؟؟؟
القاعه كلها سكتت ومفيش غير صوتهم هما الثلاثه
فريدة : حد يفهمني في اي؟
كريم : طب تعالي اعدي واحنا نفهمك
فريدة : احنا ؟؟
كريم : اه
كريم : الموضوع بدأ من اول مره جيت كلمتك وقولتلك عاوزه اقابلك انا بعد ما سبتك سافرت ورجعت من ست شهور بظبط
وكنت عاوز اخليكي تحبيني تاني وكنت فاكر انك كرهتيني ولازم اعمل المستحيل عشان اوصلك بس طلعتي سهله خالص
فريدة : احترم نفسك
كريم : طيب خلاص وبعدين بقي كنت متفق مع خديجه كل ده والي ورتهولك فيك شات وكل الي حصل كان مترتب بالحرف الواحد
من الشات للبيت الي اشتريته
فريدة : هو كمان البيت مشترتهوش بجد؟
كريم : انا اجرته اسبوع بس عشان كدا كدا صاحب البيت كان مسافر
وطبعا كان لازم استأذن طنط سهام لانها اكيد مش هتسكت علي الي احنا بنعمله ده
فريدة : انتي يا ماما
كريم : وحتى تقي تقي تبقي اختي يا فريدة
تقي : مكنتش اتوقع انك تعملي كدا بجد
فريدة : يعني كلكو متفقين عليا بقي؟
كريم : بظبط كدا يروحي
فريدة : طلعت روحك يا كريم مش هتلم نفسك شويه؟
كريم : لا خلاص انتي كدا تخصيني
….. فريدة : ده عند
كريم : ااا عييب انا خلاص قولت لطنط سهام والفرح الاسبوع الجاي
فريدة : ومين قالك اني موافقه أصلا
كريم: قلبك قالي
فريدة : مش بحبك ومش موافقه
كريم : والفستان الب دفعت فيه دم قلبي ده؟
فريدة : اه هو ده الفستان الي كنت هتخطب بيه؟
كريم : اومال؟
فريدة : لا يحبيبي انا لازم فستان جديد
كريم : انتي جايالي بخساره
فريدة : اذا كان عاجبك
ضحكنا كلنا بصوت عالي
كريم : انا بحبك يا فريدة
فريدة : وانا مش بحبك يا ظريف
كريم : كدابه
فريدة : اه اوي
كريم : خلاص كلها اسبوع وهتبقي مراتي وبراحتي بقي
ام فريدة : اي يا كريم انا واقفه عيب مش كدا
كريم : اسف يا طنط بس بنتك مجنناني
فريدة : اديني وقت افكر
كريم : نعم يختي هو اي الي فرصه تفكري انا لو بيا اجوزك الليله دي
فريدة : ايييي مستعجل علي اي وبعدين انا عاوزه اخلص دراستي واشتغل واحقق كريري
كريم : نعم يختي دانا اتحايلك عليك تدخلي صيدله بالعافيه؟
فريدة : يا كيموو بقي
كريم : العب كيمو مره واحده انا قلبي الصغير لا يحتمل
ام فريدة : ما خلاص يا حلوين الكلام ده في بيتكو ان شاء الله
كريم : شكرا يا شباب علي المساعده اللطيفه دي كلكو معزومين علي فرحي
بعد مرور اسبوع….
فريدة : الله اكبر عليا قمر بالفستان مش كدا؟
كريم : بيه او من غيره انتي قمر
فريدة : ها مش قولنا عيب
كريم : عيب اي يا بت انتي مراتي
فريدة : اه عيب
كريم : دا احنا هنام علي سرير واحد وبتقوليلي عيب علي قمر؟؟
فريدة : طب قولي بحبك
كريم : بحبك
فريدة : لا مش بضمير يا كريم انت مش بحبني طلقنيييييي
كريم : الله المستعان بقي
تمت..
لقراءة الرواية كاملة اضغط على : (رواية فريدة وكريم)
