رواية لؤلؤ الصعيد الفصل التاسع 9 بقلم آية علي الشربيني
رواية لؤلؤ الصعيد الجزء التاسع
رواية لؤلؤ الصعيد البارت التاسع
رواية لؤلؤ الصعيد الحلقة التاسعة
قفل سلطان حتي قال أسد :
اني مفهمش حاجه ياجدى كيف حرمه تجدر علي مطاريد الجبل دول جطع طرق ووعرين
رد سلطان ب ابتسامه وقال :
لؤلؤ ياولدى تجدر انت لسه متعرفش حفيدتي زين لو شفتها هتعرف اني علي حق
رد نوح وقال :
ربنا يحفظهالك ياخوي وتفرح بيها
رد دياب وضحك وقال :
بتي لو شوفتها متجوزة والله هيكون حلم لو حوصل والله ل ارجص طول الليل
ضحك الجميع حتي قال أسد :
ليه ياعمي هي متحبش الجواز اياك
رد دياب وقال :
بتي لؤلؤ تعول هم الكل ولو جي عريس لبنات عمها تجول جوزهم هما اولي يابوي نتطمن علي البنته واني لما الوقت ياذن
نظر أسد ب استغراب فهو يريد يعرف عنها كل شئ حتي قال نوح :
أسد زيها والله ياولدى مغلبني اخوة الصغير اتجوز وخلف والتاني الصغير عاوز يجوز وهو مراديش واصل وعنيد جوى
ضحك سلطان ونظر ل أسد نظرة أعجاب فهو يرة بعيونه القوة والعند فهو مثل لؤلؤ
في مكان أخر تجلس لؤلؤ وهي سرحانه حتي قطع خلوتها روبرت وقال :
ملكه الصعيد سرحانه ليه
ردت لؤلؤ وقالت :
مسمعتش حديد جدى ياروبرت حمدان هيهجم في اي وقت ميخفاش علي نفسي بس خايفه علي الناس من شره وعلي ابوي وجدى واخواتي كليتهم البنته الا عندنا مينفعش يطلعه من البيت ياروبرت ومجدراش اعيشهم في خوف بس هيكون في حراسة شديدة جوى علي الدار وفي كل مطرح
رد روبرت وقال :
متقلقيش ياملكه هعمل كل اقدر عليه علشان مشوفكيش زعلانه
ردت ب ابتسامه وقالت :
من غيرك الحياة واعره ياروبرت بس عندى فكرة زينه جوى
رد وقال :
ايه هي ياسمو الملكه
ردت وقالت :
هنعمل امعسكر ياروبرت
رد وقال :
ازاي يعني مش فاهم
ردت وقالت :
هفهمك كل حاجه مطاريد الجبل مخلصوش ياروبرت مطاريد الجبل في كل مكان وعجولك كمان ليهم ابيوت في وسط اهل البلد كمان ومتخفين بس الصبر
قامت لؤلؤ حتي قال روبرت :
علي فين ياسمو الملكه
ردت وقالت :
علي بيت عمتي ورد ياروبرت اتوحشتها جوى
ذهبت لؤلؤ الي عمتها ورد ودقت الباب حتي سمعت اصوات عالية فتح الصغير الباب وهو ابن عمتها ورد مالك فهو اخر العنقود
سمعت الاصوات اكثر فعلمت بأن هناك حرب بين عمتها ومن في المنزل
وقفت لؤلؤ تشاهد حتي سمعت نفيسة سلفت ورد تقول :
كل مره احط جذمه في حنكي واجول اسكت بس المره دى لا يابت ياقوت فكرك اني هخاف منيكي ولا ايه
ردت ورد بعصبية وقالت لها :
ياقوت دى ستك وكبيرتك ياوكله ناسك ياك نسيتي نفسك يابت عطية
ردت نفيسة وقالت :
انتي الا شايلة عالي علينا وساكتين واني ومرات خالي غلابة ونجول هتسكت لكن انتي زى الحيه
ردت بضحك ورد وقالت :
اسمعي يابت عطية بلاش الشويتن دول اني خابرة زين معدنك الرخيص ولو كنتو غلابه مكنش صوتنا كل يوم يطلع انتي ومرت عمي حطيني في ادماغك واني ساكته ومردياش اجول ل اماي وابوي
ردت جليلة زوجه عمها وقالت :
انتي عتهددينا بيهم يابت ياقوت فكرك اني خايفه اياك لع دة اني اكلك بسناني ولا فكرك انك خدتي ولدى لا دة اني اجوزة من بكرة
ردت ورد وقالت لها :
لو ولدك وافج اعمليها يامرت عمي واني عارفه بخ السم دة من بت اخوكي هتموت مني جوى
اتعصبت نفيسة وقالت :
اموت ليه منيكي يامحروجه انتي كنت ناقصه يد ولا رجل اياك لمي لسانك العفش دة يابت ياقوت واني مخافش منيكي بعد اجده ولا حتي عمتي هتسكتني وانتي يامرت عمي ل ميتا عتخافي منها ومن امها مين هما اصلا علشان نعملهم حساب
اتاهم صوت قوي هز اركان المنزل وهي تقول :
امها تبجا كبيرتك ياوكله ناسك ياك نسيتي نفسك يانفيسة وانتي تبجي مين علشان ترفعي صوتك عبي عمتي وتجفي تتحددى اجده وكل شوية تجولي بت ياقوت اياك ياقوت بتلعب امعاكي ومع امك في الشارع ياحزينه
جات تتكلم نفيسة اسكتتها لؤلؤ وهي تقترب وامسكتها من دقنها وقالت :
اكتمي ياوكله ناسك انتي روحي يابت عطية اسالي امك وجوليلها مين الكبيرة ياقوت ومتنسيش واصل تجوليها مين لؤلؤ الصعيد اني بحذرك عمتي ورد خط أحمر
ردت جليله بتلعثم وقالت :
هي هي مجصدهاش حاجه يابتي
نظرت لؤلؤ لها فكتمتها وقالت :
واخده عمتي عندك ليه يامره ياسو انتي عاوزة تفردي ريشك عليها اياك فاكرة نفسك مين لما تعملي ربطيه عليها انتي وبت اخوكي اسمع ياجليلة بعدي عن عمتي واياكم اعرف انكم قلته من عمتي تاني
جات جليلة هترود ومعها نفيسة حتي اخرصتهم لؤلؤ وقالت بقوة :
الحديد انتها وسعه اجده
نظرت لها عمتها بفخر وحضنتها وقالت :
بتي حبيبتي اتوحشتك جوى جوى
حتي قالت لؤلؤ :
وانتي وحشتيني جوي ياعمتي كيف ساكته علي النسوين دول كيف ما تجولي لكبيرة وهي تعرفهم مجامهم
ردت ورد وقالت :
وانتي عملتي الزين ياروح جلب عمتك انتي خلتيهم يخرسو بهبتك وجوتك وبعدين عمتك واعره مخافيش
ضحكت لؤلؤ وقالت :
خليكي واعره ياوردتي
ردت وقالت :
يابووى اتوحشت كلمه وردتي منيكي يالؤلؤتي
ردت لؤلؤ وقالت :
عاوزاكي تاجي عندينا تجعدى يومين تغيرى جو بعيد عن الناس البو دى
ضحكت وقالت ورد :
والله فكرة بردك خلاص هجول لجوزي وهاجي
ردت ورد وقالت :
وكيفه معاكي
ردت وقالت :
زين جوى جوى امعاي هو عيحبني جوى امال العجارب دول عاملين اجده علشان هو مجلعني
ضحكت لؤلؤ وقالت :
ماشي ياجمري عاود اني علشان الكبير وابوي هيتجننه عليه
ردت وقالت :
ليه حوصل اي
ردت لؤلؤ وقصت ما حدث
انصدمت عمتها وقالت :
يامري طلعتي الجبل يالؤلؤ يعني الضرب الا كنا نسمعه دة كنتي اهناك ياحزينه
ردت وقالت لؤلؤ :
اسيب البنته ياعمتي ينهشه فيهم واهلم يموتو بحسرتهم الا حوصل ياعمتي والحمدلله الخير دايما عينتصر ومتجلجيش ياله بالأذن
طلعت لؤلؤ من منزل عمتها ونظرت ل روبرت وقالت :
لساك اهني ياحزين
رد وقال :
مقدرش اسيبك ياملكه
مشت لؤلؤ علي حصانها الذي يشبه قوتها وذهبت وكل من يراها يحيها علي ما فعلته ويهتفون :
الله يحفظك ياكبيرة
وصلت رهب للمنزل وتركت فارستها لرعد وذهبت للبيت
حتي رأت نجات ونعمه يجلسون ونادت بصوتها القوي الذي اخاف نجات ونعمه وقالت :
ياحمدية
ردت حمدية وقالت :
ايوة ياكبيرة
ردت وقالت :
اجمعي كل الا في المطبخ
ذهبت وجمعت الكل وقفت لؤلؤ وقالت :
البيت دة ملك سلطان بية ولو لجيت حد خان اللجمه الا بياكلها اهنية هعصره بيدي وميهنيش هو مين ولا اشتغل هنا جد ايه الخيانه عندى مسمحش فيها سمعته
رد الجميع وقال :
اوامرك ياكبيرة
ردت وقالت :
طلبات البيت كلياتها مسؤله من الغفر ممنوع حد منيكم يطلع والا هتطلع بدون اذن هيكون يومها اسود اني بحافظ علي سلامه الكل فاهمين
رد الكل وقال :
أومرك ياكبيرة
وذهب الكل ونظرت لنعمه وقالت :
مين دى يامرت عمي
ردت نعمه ب ارتباك :
اني نعمه جريبة نجات ياكبيرة
ردت لؤلؤ وقالت :
سمعتي الا جولته اكيد يانعمه صوح
ردت بتلعثم وقالت :
سمعت ياكبيرة
ردت نجات وقالت :
كيف تتحدى مع جربتي اجده يالؤلؤ
خبطتت لؤلؤ علي التربيزة وافزعتهم وقالت :
اسمي الكبيرة متنسيش عاد وحطي لسانك جوة خاشمك انتي خابرة زين اني مختلفه عن الكل سامعه يانجات
بلعت ريقها بخوف وقالت :
سامعه يا
ردت لؤلؤ وقالت :
يا ايه
ردت بخوف وقالت :
ياكبيرة
ردت وقالت :
جدعه اجده احفظيها بجا بالأذن
وتركتهم وذهبت وكان احدهم يتابع الموقف وهي قمر وياقوت الذي ينظرون لها بسعادة وفخر
دخلت انعمت بحمام دافئ وغيرت ملابسها ونزلت وكان جدها يدخل من باب المنزل حتي قال :
يتبع…
لقراءة الفصل التالي : اضغط هنا
الرواية كاملة اضغط على : (رواية لؤلؤ الصعيد)
