رواية حياة بقت حياتي الفصل التاسع 9 بقلم ساسو محمد
رواية حياة بقت حياتي الجزء التاسع
رواية حياة بقت حياتي البارت التاسع
رواية حياة بقت حياتي الحلقة التاسعة
مراد : يووووووه احنا كل مره كده لما نخرج لازم نتخاق
ياقوت : انا ماشيه
مراد : استني احاسب ونمشي سوا
وحاسب وقام
وفجأة عينه جت في عين حياه
واول ما عين حياه جت في عينه بصت في الموبايل
ومراد حاسب ومشي هو وياقوت
عند حياه
حاتم : احلي قهوه لاحلي شمس
حياه بابتسامه : جايبها بنفسك
حاتم : اه طبعا عشان تبقي حلوه
حياه : اكيد هتبقي حلوه
حاتم : انا كده هتغر
حياه : من حقك
حاتم : طب يا ستي قوليلي بقي
حياه : اقولك اي
حاتم : انتي بتيجي هنا من شهرين تقريباً
حياه : اه وبعدين
حاتم : مش هتقوليلي اسمك اي بقي
حياه : ما انت بتقولي شمس
حاتم : يعني مش عايزه تقولي
حياه : لا عادي
حاتم : لما هو عادي ما تقولي بقي انا احتارت الفتره اللي فاتت دي في اسمك
حياه : احتارت ازاي
حاتم : كل شويه بفكر ممكن اسمك يطلع اي
حياه : لي ده كله
حاتم : عشان اعرف اسمك
حياه بابتسامه : طب خلاص متحتارش اسمي حياه
حاتم : الله اسمك حلو اوي شبهك
حياه بكسوف. : شكرا
حاتم : بس انا برضو هقولك شمس
حياه : اشمعنا
حاتم : عشان ابقي مختلف عن الناس
حياه : براحتك
حاتم : طب بصي يا ستي
حياه : خير
حاتم بضحك : خير ، انا اسمي حاتم الراوي عندي 30 سنه خريج تجاره انچلش وشريك عمار اخويا في الكافيه وابويا متوفي بقاله 15 سنه وعمار بالنسبه ليا الاب والاخ والصديق وكل حاجه
حياه : ثانيه واحده ، انت لي بتقولي كده وبعدين لما انت خريج تجاره انچلش اي اللي مشغلك هنا
حاتم : ما انا قولتلك اني شريك هنا مع اخويا
حياه : اقصد اي مشتغلتش حاجه تانيه جنب الكافيه
حاتم : عشان ملقتش حاجه تانيه
حياه : امممم ، طب لي بتقولي ده كله
حاتم : عشان معجب بيكي
حياه بصدمه : اي
حاتم : زي ما سمعتي معجب بيكي من اول لحظه دخلتي فيها الكافيه
حياه : انت فجأتني
حاتم : انا مش عايز منك رد دلوقتي فكري براحتك وقوليلي وحتي لو رفضتي هفضل جنبك ك صديق او اخ
حياه : بس انت متعرفش عني حاجه
حاتم : ومش عايز اعرف عنك حاجه
الصمت كان سيد الموقف وقاطعه
حياه : انا لازم امشي
حاتم : مش همسك فيكي المره دي عشان عارفك متوتره وكل اللي بطلبه منك انك تفكري
حياه : حاضر
ومشيت حياه وروحت
دخلت البيت تدور علي صفاء ملاقتهاش
كلمتها وعرفت انها عند اختها
ودخلت اوضتها وقعدت تفكر في اللي حاتم قاله
وبعدين قامت صلت فرضها وصلت ركعتين استخاره وقامت ذاكرت شويه وبعدين نامت
تاني قامت دخلت الحمام توضأت وأدت فرضها وجهزت وخرجت
صبحت علي صفاء وفطرت ونزلت
راحت الجامعه وحضرت كل المحاضرات
روز : ما تيجي نروح الكافيه النهارده
حياه : مش قادره
روز : عشان خاطري انا بقالي كتير مخرجتش ومشوفتش ناس غير اللي في الجامعه
حياه : طب هقول لماما ولو وافقت هنروح
حياه كلمت صفاء ووافقت
روز : قالتلك اي
حياه : وافقت
روز : طب يلا
عند مراد
يحيي : بقولك اي يا مراد
مراد : قول
يحيي : هي حياه مخطوبه
مراد باستغراب : حياه مين
يحيي : حياه مهدي جارتك والاولي في الكليه
مراد : وانت بتسأل لي
يحيي : عشان لو مش مرتبطه او مخطوبه تحددلي ميعاد مع اهلي واروح اخطبها
مراد بعصبيه : نعــــــــــم
يحيي : في اي يا مراد بقولك عايز اخطبها
مراد : لا طبعا
يحيي : هو اي اللي لا
مراد بتوتر : اصل سامع ان حد قريبها هيخطبها
يحيي : خلاص مليش نصيب
ومراد خلص وروح وقعد مستني حياه في البلكونه
عند حياه
حياه : انا مش عايزه اتأخر عشان ورايا مذاكره كتير والامتحانات قربت
روز : هنشرب النسكافيه ونمشي
حاتم : والنسكافيه وصل
حياه بابتسامه : شكرا يا حاتم
وشربوا النسكافيه ومشيوا
حياه دخلت العماره
مراد : ازيك يا حياه
حياه : الحمدلله
وفجأة……
يتبع…
لقراءة الفصل التالي : اضغط هنا
الرواية كاملة اضغط على : (رواية حياة بقت حياتي)
