رواية غيرة عاشق الفصل الثاني 2 بقلم منة مصطفى
 |
| رواية غيرة عاشق الفصل الثاني 2 بقلم منة مصطفى |
رواية غيرة عاشق الفصل الثاني 2 بقلم منة مصطفى
الشاب مسك ايديها بقوة
الشاب بصراخ / لما اكون بكلمك تقفى ولما تيجى تمشى يبقا بإذنى انا سامععععههه
هنا ولم تتحمل اسراء وصفعته بقوة من شدة غضبها فهى تكره ان احد يصرخ عليها او يمسك يدها
اسراء بعصبية ودموع / محدش سمحلك انك تمسك ايدى وتعلى صوتك عليا يا اما وحياة ربنا مهتعرف انا ممكن اعملك ايه مفهووم
شد الشاب منها الكاس اللى كانت اسراء مسكاه وكسره بأيه من شدة الغضب وصرخ في وشها / ماتتكلميش معايا كدا ولا تحلفي مفكره نفسك مين انتي عشان اصلا تقفي تتكلمي معايا
اسراء بتعجب وخوف / لا اله الا الله انت مجنون ولا عبيط ولا بتستهبل بالظبط منا كنت همشى انت اللى مسكت ايدى
ولسة هيرفع ايده علشان يضربها جاءت اليهم سيدة من اهل القصر التى كانت تنظر لهم باستغراب ومسكت ايده
السيدة باستغراب شديد / فى ايه يا زين
زين بحدة وهو يسحب دراعه / ولا حاجة محصلش حاجة يا فاتن
فاتن / ومين اللى كسر الكا….وقطع كلامها
زين بحدة / انا اللى كسرته
ومشى وسابهم
فاتن / هو ايه اللى حصل
اسراء بلامبالاة / ابدا سوء تفاهم
فاتن / بجد انا اسفة اوى على عمله زين لان عارفة انه اكيد عمل مصيبة
اومات لها اسراء ثم ذهبت للخارج فوجدت صديقتها روفيدا
اسراء بغيظ / انتى ندلة اوى يا بت بقا بتجرى وتسيبينى قدام الغول اللى جوه ده
روفيدا بخوف / انتى مش شايفة كان بيبصلنا ازاى
اسراء بضحك / بس تصدقى كان نفسى اطلع اجرى انا كمان
روفيدا لسة هتتكلم اتصدمت لانها شايفت زين ورا اسراء
زين بصوت زي فحيح الافعى : لو كنتى مفكره بأني هسيبك في حالك فانتي غلطانه لانك هتشوفي كتير وهو شهر ونص بس وهتتعرفي عليا كويس جدا ومعتقدش ده هيعجبك وانا اوعدك بده ويلا اخفي من قدامي … وبحدة واتشرفت بمعرفتك يا اسراء
لفت اسراء وبصتله بتحدى وقالت بسخرية / وانت فاكر نفسك بالكلمتين اللى قولتهم دول هخاف منك هههههه تبقى بتحلم واه انا متشرفتش بمعرفتك ???? يا زين باشا
روفيدا خدتها ومشيوا بسرعة قبل ما تحصل كارثة وركبوا السيارة
اسراء بتعجب / ده انسان مريض نفسى
روفيدا بارتباك / قالك ايه المجنون ده
اسراء بمرح / ولا حاجة ياستى كبرى الجمجمة
روفيدا بدموع / انا بجد اسفة اوى يا اسراء للنى حطيتك فى الموقف ده
اسراء / يلهوووى ابو الهول بيعيط ????????
روفيدا/ بطلى رخامة
اسراء / طب انا اعملك ايه خلاص يا دودى الموضوع خلص والله والحمد لله اننا طلعنا من القصر الملعون ده ????
روفيدا / بجد
اسراء / يا ختتتتى اه بجد
واول ما رجعت البيت قابلت وهى طالعة احمد ابن عمها اللى كان على اخره
احمد بعصبية / كنتى فين يا هانم لحد دلوقتى
اسراء ببرود / وانت مالك
احمد بضيق / اسراء انتى عارفة انى بكره الطريقة دى انجزى وقولى ايه اللى اخرك لأحسن والله هرزعك قلم اوقعلك صف سنانك كله
اسراء بمرح / اهون عليك يا فووزى
احمد / ايه اللى اخرك
اسراء بضيق / اووف كنت فى عيد ميلاد واحدة صاحبتى استريحت
واتجهت الى شقتها بتذمر
شهد / اخيرا رجعتى
اسراء بخضة / ايه يا نبع الحنان انتى هتجبيلى سمنة قلبية قريب والله باللى بتعمليه فيا ده وبعدين انتى لسة صاحية لحد دلوقتى ها
شهد / مستنية بومة ترجع علشان مبتعرفش تنام لوحدها
اسراء بمرح / انا بومة يا شهودة طب والله لهنتحر من فوق الكنبة وابلغ عنك انك انتى اللى موتينى بس
شهد / امشى يا اخرة صبرى قدامى اه منا لو كنت خلفت جوز ارانب كانوا نفعونى مش ذيك
اسراء / يا اختتتى ونبى وقفى الاسطوانة دى علشان انا ميتة وانام بصى ابقى شغليها بكرة
شهد / امشى قدامى
و نامت اسراء مع مامتها على الفور من شدة تعبها بس صحيت على كابوس مرعب جدا …..بعدت شعرها عن وشها واستغفرت ربها وبصت لقت الساعة 12 الضهر فخرجت من اوضتها لقت مامتها قاعدة فى الصالة
اسراء بتعب / صباح الخير يا شهودة
شهد / صباح النور مالك عرقانة كده ليه انتى تعبانة
اسراء / لا يا عسل كويسة بس نقول ايه بقا الله يجزيها اللى طفت التكيف وانا نايمة
شهد مسكت ابو وردة وهوب فى منتصف الجبهة
اسراء بتألم / بقا كده يا نبع الحنان تعملى فيا كده لا اخص
شهد بتهديد / ولو ممشتيش من قدامى دلوقتى هتلاقى التانية فى وشك
اسراء جريت بسرعة على الاوضة وبعد شوية خرجت
شهد / راحة فين يا اخرة صبرى
اسراء / راحة انا والبت ايمى ودودى نجيب فساتين للخطوبة
شهد بحزن على حالتها / انتى هتروحى الخطوبة
اسراء وقد فهمت قصدها / اه طبعا يا اوختشى ده خطوبة البيست
شهد / مش هتقدرى ي…
اسراء بحزم / خلاص يا ماما هو دلوقتى هيخطب عن اذنك
واتجهت للخارج
وفجأة رن تلفونها
روفيدا بانفعال وصوت عالى / انتى فين يا زفتة بقالى ساعة مستنياكى
بعدت التليفون من عليها بسبب صوت روفيدا العالى وبعدين رجعته تانى
اسراء بمرح / اهدى بس كده يا فواز ده انا اخوك مش كده يا جدع ودانى اطرشت
روفيدا بزعيق / لا وكمان ليها عين تهزر انتى فين يا حيوانة
اسراء وهى تكبت ضحكتها كى لا تنفجر روفيدا منها / خلاص يا روفى انا هركب تاكسى وجاية
روفيدا بغضب مكتوم / انا هقفل علشان متغباش عليكى
وبعد ساعة كانت وصلت اسراء المول
اسراء بمرح / بخخخخخخ
روفيدا بعصبية / انتى زبالة وحيوانة ومعفنة ورخمة و….
اسراء / احم احم الله يخربيتك الكل بيبص علينا
روفيدا بهدوء مصتطنع/ ايه اللى اخرك
اسراء ببراءة مصتطنعة / الطريق كان زحمة
روفيدا / طب يلا نروح نختار الفساتين
اسراء / والله ما انا قايمة من مكانى غير لما اطفح انا نزلت من غير ما اكل
روفيدا بعند / طب عقابا ليكى مش هناكل
اسراء / طب قومى جبيلنا عصير طه
روفيدا / عايزة تشربى ايه يا زفتة
اسراء بمرح / اى حاجة المهم اشرب وخلاص
روفيدا / ماشى يا بلوة
وبمجرد ما ذهبت روفيدا لتحضر العصير وجدت اسراء زين قاعد مع اصحابه
اسراء / يا نهار اسوح هو يوم فحلقى اصلا من اوله يارب ما ياخد باله
بصت اسراء لزين الي مرفعش عيونه عنها من اول ما دخل المول ،، اما اسراء نزلت راسها بغيظ فنزل شعرها على وجهها علشان كانت بتلعب بالموبايل وبمجرد ما رفعت رأسها عشان تشوف روفيدا جات ولا لأ شافت زين جاي ناحيتها ولقته وقف قدامها
بصتله بسخرية
اسراء بقوة ذائفة / افندم يا استاذ فى حاجة
زين بحدة / عرفيتى ايه هو سر وجودك هنا انهارده
