رواية حياة بقت حياتي الفصل الخامس 5 بقلم ساسو محمد
رواية حياة بقت حياتي الجزء الخامس
رواية حياة بقت حياتي البارت الخامس
رواية حياة بقت حياتي الحلقة الخامسة
حياه اول ما دخلت الشقه سمعت مراد بيتكلم في الموبايل
مراد : طبعا يا روحي وحشتيني
ـــــــ : البنت
مراد. : تصدقي نفسي الخطوبه دي تبقي فرح علي طول بلا خطوبه بلا قرف
حياه سمعت كده وجريت علي شقتها
واول ما دخلت حمدت ربنا ان محدش موجود في الصاله ودخلت اوضتها علي طول وقعدت تعيط وتدعي ربنا ان يريح قلبها ويشيل حبه من قلبها وفضلت كده لحد ما نامت
تاني يوم
قامت ودخلت الحمام توضأت وأدت فرضها وجهزت وخرجت
حياه : صباح الخير
صفاء : صباح النور
حياه : انا نازله
صفاء : من غير ما تفطري وبعدين انتي جيتي امتا امبارح انا اتفاجأت انك في اوضتك ونايمه
حياه : جيت ملقتش حد دخلت الأوضه وعشان كنت مرهقه نمت
صفاء : طب يا حبيبتي يلا اقعدي افطري
حياه : لا انا نازله
صفاء : نازله لي مش انتي اجازه النهارده
حياه : اه اجازه بس هنزل اقعد في الكافيه شويه واذاكر
صفاء : هو كل يوم بقي ولا اي
حياه : معلش يا ماما عشان خاطري
صفاء : طب متتأخريش
حياه : حاضر
وسابتها ونزلت
وصلت الكافيه وقعدت ع الترابيزه بتاعتها
الجرسون : تشربي اي يا فندم
حياه : قهوه مظبوط
الجرسون : تمام
وجاي يمشي
حياه : لو سمحت
الجرسون : نعم
حياه : انا كل ما اجي تبقي التربيزه دي فاضيه لي
الجرسون : أوامر استاذ حاتم
حياه : أوامر ازاي يعني
الجرسون : يعني استاذ حاتم قال ان محدش يقعد ع التربيزه دي غير استاذه شمس
حياه باستغراب : لي
الجرسون : معرفش والله بس ممكن لما يجي تسأليه
حياه : تمام
وسابها وراح يجيب القهوه
حياه لنفسها لي عمل كده واي الاهتمام ده
بس قالت أنا اذاكر احسن من التفكير ده ومن تفكيري في مراد
وفتحت الكتب وقعدت تذاكر تقريبا 3 ساعات
وريحت شويه وقالت تطلب نسكافيه عشان تعرف تكمل مذاكره
ندهت للجرسون
حياه : لو سمحت
الجرسون : تطلبي اي يا استاذه شمس
حياه : ممكن نسكافيه يا
الجرسون : يسري
حياه : عاشت الاسامي يا يسري
يسري : تسلمي
حياه : ممكن بقي كوبايه نسكافيه كبيره شويه
يسري : عينيا حاضر
وسابها وراحت يجيب النسكافيه وهي مسكت الموبايل شويه
وفجأة ……
يتبع…
لقراءة الفصل التالي : اضغط هنا
الرواية كاملة اضغط على : (رواية حياة بقت حياتي)
