رواية سيدة قلبي الفصل الثالث 3 بقلم سولييه نصار
رواية سيدة قلبي الجزء الثالث
رواية سيدة قلبي البارت الثالث
رواية سيدة قلبي الحلقة الثالثة
-وانت هتجيبله حفيد من فين ؟!
سألت بغب*اء بصتلها وقولت:
-ما شاء الله علي ذكاء اهلك يا بسمة شكله ورق العنب كبس علي خلايا التفكير عندك …مفروض احنا الاتنين نجيبله حفيد
-نجيبله ازاي
-عوض عليا عوض الصابرين يارب
قولتها وانا بهز راسي بيأس …
بعدين قومت ومسكتها وقعدت اهزها…:
-فوقي يا حبيبتي فوقي هي العيال بتيجي ازاي مش معقول تكوني بق*رة للدرجادي
استوعبت اللي بقوله ووشها حمر واتكسفت
ضحكت بتريقة وقولت:
-ايوة كده فوقي معايا شوية عشان نفكر في حل للمصيبة دي
حاوطت نفسها بحماية وقالت:
-حل ايه …أو تفتكر انك هخليك تلمس شعرة مني يا احمد بيه أنا ولية شريفة عفيفة مبعملش الح*رام
-يا ست أنا جوزك اتهدي بقا وبعدين متقلقيش مش هنوصل للمرحلة دي ابدا …اقعدي بقا عشان نلاقي حل …
قعدت أنا وقعدت هي جمبي …كنت بجد متضايق …ابويا لعبها صح …من فين اجيب له حفيد أنا من فين …لو فعلت جوازي من بسمة أنا كده بد*مر حياتها وحياتي وهيبقي بيننا طفل ملوش ذن*ب …كانت بسمة بتبصله بحزن علي حاله وقررت تساعده
-اهدي بس هنلاقي حل بإذن الله
هزيت راسي وقولت:
-ابويا صعب يا بسمة هو قاصد يعمل كده عشان اتجوز …فاكر اني كده هتعدل
-طيب ما تتجوز
بصتلها فقالت:
-شوفلك بنت مناسبة ليك وحبها واتجوزها
ضحكت وقولت:
-ها وبعدين اكتشف انها مختلفة كتير عني ونبقي نسخة تانية من بابا وماما وبعدين نجيب طفل ونرميه لوحده وننشغل عنه عشان نوفرله مستقبل بدل ما نوفرله حب واحتواء ؟!!!انتي عايزاني اجيب طفل ويتعامل زيي يبقي شايف أهله مجرد بنك مركزي ومفيش بيننا مشاعر …لا مقدرش اعمل كده في طفل برئ …هو مش عايز يديني ثروته هو حر خلاص ….استني فترة وبعدين هطلقك وهديكي فلوس متقلقيش ده حقك بس طبعا مش مليون أنا مش معايا المبلغ ده …
-ايه رايك نخ*طف طفل ؟!
قاطعتني بسرعة وهي بتقول الكلمة اللي كانت هتجيبلي صدمة عصبية
-بتقولي ايه يا حجة ؟!!
-نخ*طف طفل يا احمد …أنا أعمل نفسي حامل وعلي الولادة نخ*طف طفل ونقول أنه أبننا
-انتي مسجلة خط*ر صح
-لا ليه …
-يبقي اكيد مجنونة …لاني دلوقتي لاما هبلغ عنك البو*ليس أو هوديكي مصحة …
-الله مش بساعدك ..
-تقومي تلبسينا ته*مة خ*طف …..انتي المنطقية ما وردتش في حياتك …يا حبيبتي فكري شوية مش كده انتي حرفيا بترمي حلول كارثية قادرة توصلنا لحبل المشن*قة …انتي اللي هيتجوزك أمه هتكون داعية عليه ليل نهار
-يعني مش نافع الحل ده …
نفخت بضيق وقولت:
-لا مش نافع …ولو سمحتي متفكريش تاني ابوس ايديكي خليني انا أفكر ….
سكتت شوية وبعدين صرخت لحد ما فزعتني وقالت:
-لقيت الحل خلاص
-ايه هو
-نخطف طفل من أمه
-يالهووووووي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدة قلبي)
