رواية جريمة الماضي الفصل الأول 1 بقلم سولييه نصار
رواية جريمة الماضي الجزء الأول
رواية جريمة الماضي البارت الأول
رواية جريمة الماضي الحلقة الأولى
سكريبت♥️بقلم سولييه نصار♥️
-يعني ايه فرحك النهاردة فهمني …ازاي عايز تتجوز عليا …تتجوز عليا أنا يا ند*ل!!!!
صرخت في مروان وانا بهزه جامد …دموعي بتنزل وحاسة بالقه*رة …زقني لحد ما وقع*ني علي الأرض وقال:
-زي الناس هتجوز …ايه حقي …هتحرميني من حقي كماان؟!
-كنت مصدومة مش ده مروان اللي حبيته …ده انسان تاني …ده اللي كان بتمنالي الرضا …
مسحت دموعي … أنا مش ضعيفة عشان انها كده …..قومت وقربت منه وقولت :
-مستحيل اخليك تتهني معاها يا مروان …أنا هد*مرك والله لا*دمرك ….اطلع برة بيتي ومن النهاردة مش هتشوف اولادك …
ضحك …ضحكته كانت بش*عة اوووي …حسيته بيتريق عليا …رفعت أيدي عشان اضر*به قلم لكن مسك أيدي وضر*بني ..كنت هقع تاني بس مسكت نفسي …لقيته بيبصلي بكره وقال:
-لا يا حبيبتي مروان القديم مات…دلوقتي لو فكرتي تمدي ايدك عليا هقت*لك …اسمعي بقا الصدمة التانية …أنا مضيتك من غير ما تاخدي بالك علي تنازل عن الشقة اللي أنا سبق وكتبتهالك بكل غب*اء لاني كنت فاكر اني بحبك …
اتصدمت وانا ببصله …
-يعني ايه …يعني ايه
قولت بصدمة فضحك وقال:
-يعني يا روحي خلاص بح ملكيش حاجة هنا …ده بقا بيتي …وعيالي هيفضلوا معايا مراتي الجديدة هتربيهم وانتي هتطردي برة طردة الكل*اب ..لاني هجيب مراتي الجديدة هنا …
دموعي نزلت تاني …مقدرتش اسيطر عليها …لا لا مستحيل ازاي يعمل فيا كده …أنا عملتله ايه لده كله أنا حبيته …صحيح احيانا كنت بتصرف معاه و*حش بس ده اسلوبي …كلهم عارفين أن اسلوبي صعب …عارفة اني عملت حاجات وح*شة كتير وهو عارفها ….بس معقول ده يكون عقا*بي أنا …
-انت ازاي تعمل فيا كده …ازاي تقت*لني بالطريقة دي …أنا محبتش غيرك يا مروان …حرام عليك ليه كده …
حسيته اتهز شوية بس بصلي بعدها ببرود وقال:
-انتي اللي عملتي كده في حياتنا …أنا حبيتك …بس بسبب اسلوبك معايا خلتيني اكر*هك وأكره الح*ب والحياة كمان …حبيت اجر*حك زي ما بتجر*حيني وانا دلوقتي بطير من السعادة وانا شايفك مجر*وحة …حابة تبقي هنا مفيش مشكلة تقعدي وتخدمي عيالك بس اتحملي بقا اني هعيش مع العروسة الجديدة هنا وانتي مش هتفتحي بوقك فاهمة !!!
……
بالليل كنت قاعدة علي السرير ببكي وجوزي واقف قدام المرايا بيضبط نفسه عشان يروح فرحه …فكرت اترجاه ميروحش …اعتذر منه واقوله واصلح من نفسي بس الكلمات مكانتش بتخرج من بوقي …عشان كده استمريت في العياط هو انا ليا غيره ؟!!!
خلص وبصلي وقال بإبتسامة:
-ايه رايك اجنن صح ..؟
بصيت الناحية التانية وانا ببكي …قرب مني وخلاني ابصله وقال:
-شدي حيلك اومال عشان لسه فيه مفاجأة تالتة احسن من ده كله يا حبيبتي ..
وبعدين سابني ومشي …مفهمتش حاجة من كلامه وفضلت اعيط …
….
مرت الساعات ونومت العيال وقعدت في الصالة ودموعي بتنزل لوحدها …اكيد هيجي دلوقتي معاها …
انتفضت لما الباب اتفتح
-اتفضلي يا عروسة
قالها مروان بسعادة …
دخلت مراته ووقفت وانا مصدومة لما شوفت أن العروسة تبقي اكبر كا*بوس في حياتي ….معقول أنا هتعا*قب علي اللي عملته مرة واحدة !!!
-سارة!!!!
يتبع…
لقراءة الفصل التالي : اضغط هنا
لقراءة الرواية كالمة اضغط على (رواية جريمة الماضي)
