رواية عوض الله الفصل الثالث 3 بقلم ميرو محمد
رواية عوض الله الجزء الثالث
رواية عوض الله البارت الثالث
رواية عوض الله الحلقة الثالثة
مالك ياكوثر شكلك كنتي بتعيطي
_لاء ياماما ابدا التراب دخل في عيني ودمعت .
=ربنا يابنتي يجبر بخاطرك ويرزقك بالذريه الصالحه .
دخلت احضر الاكل وانا مش قادره اقف علي رجلي
وبسنت بعدها بساعتين نزلت وجلست علي السفره علي طول
ولا قالتلي هاتي احط طبق معاكي ولا حاجه.
ولقيت حماتي كلامها اتغير معاها تماما وبقت تعاملها حلو جدا وعماله تقولها تعالي ارتاحي .
حطيت الاكل ودخلت اجيب بقيت الاكل من المطبخ
لقيت حمايا خرج من اوضته واول حاجه عاملها راح بايس
دماغ بسنت وقال لها اخيرا هتجيبي ليا ولي العهد اللي نفسي
فيه عارفه يابسنت لو جبتي ولد هاكتب لكم كل حاجه في
البيت والمحلات بتاعتي وهتبقي انتم اللي ماسكين كل
حاجه انا مش هكون ضامن عمري انتو هيبقي ليكم كل حاجه
ان شاء الله ياعمي هاجيب الولد وكمان هنسميه علي اسمك
بجد يابنتي ربنا يباركلك يارب ويجبر بخاطرك….
الكلام نزل عليه زي الصاعقه يعني هو قصده ايه انت هبقا في البيت خدامه وهي اللي هتبقي لها كل حاجه ليه كده انا ذنبي اني مبخلفش انا مش عايزه اقعد في البيت لحظه
حطيتلهم الاكل وقلت ليهم انا هاروح البيت عندي عشان ورايا شوية حاجات وهبقي اكل بعدين
ماشي ياكوثر ماتنسيش هتيجي معايا عند الدكتور انهارده عشان اتطمن علي البيبي .
_ان شاء الله بعد المغرب كده هتلاقيني لابسه ومستنياكي .
دخلت شقتي واترميت علي السرير وفضلت اعيط كتير لقيت حسام داخل علي ومخضوض ..
_مالك ياكوثر في ايه ايه الحصل
=ابدا ياحسام مافيش حاجه .
_والله لو ماقلتي في ايه هانزل تحت واتخانق معاهم كلهم .
حكيت له علي كل حاجه حصلت وكلام باباه وانهم عامليني خدامه في البيت
اتعصب جامد وكان عايز ينزل يمسك فيهم لكن انا هديته
وقلت له انا اللي يرضيني انك تاخد شقه بعيد عنهم احنا خلاص مابقاش لينا حاجه هنا وهما اللي هيبقا ليهم كل حاجه
_حاضر ياحبيبتي اللي يرضيكي هاعمله
_انا دلوقتي نازله مع بسنت عند الدكتور عشان تطمن علي البيبي .
_لا متنزليش معاها تروح تاخد مامتها ولا جوزها .
=مينفعش ياحسام كده هيقولو عليا اني غيرانه منها وانا ربنا يعلم اني مش غيرانه انا بس نفسي ابقا ام .
لبست واستنتها لقيتها عدت عليا خدتها وروحنا للدكتور ودورها جيه قعدت عالسونار …
اول مقعدت لقيت الدكتور بيقول ماشاء الله يامدام حملك ثابت وكويس وفي كيسين قدامي
فرحتلها جدا وقولتلها ماشاء الله يابسنت ربنا يقومك بالف سلامه
لقيت الدكتور بيقولي عقبال اولادك يامدام ..
بصتله بكسره وقولتله انا مبخلفش يادكتور …
راح قالي تحبي اكشف عليكي يمكن اقدر اساعدك .
قولتلو ملوش لزوم مفيش فايده .
لكنه صمم يكشف عليا وصمم يساعدني اول ما قعدت عالسونار كانت المفجاءه ……
يتبع…
لقراءة الفصل التالي : اضغط هنا
الرواية كاملة اضغط على : (رواية عوض الله)
