رواية ضحية مقلب الفصل الأول 1 بقلم زينب مجدي
رواية ضحية مقلب الجزء الأول
رواية ضحية مقلب البارت الأول
رواية ضحية مقلب الحلقة الأولى
أنا أخويا دمر*لي حياتي من غير ما يقصد
ظلمني جدا جدا .خلاني منبوذه من الدنيا كلها
… طيب وده سبب يخليكي تنت*حري وتقابلي ربنا وإنتي كافره . في حاجة في الدنيا تخليكي تعيشي مخلده في النار
….. إنتي متعرفيش حاجه إللي أيده في المايه مش زي إللي ايده في النار
…. طيب احكيلي يمكن أقدر اخفق عنك
بدأت تحكي لها وهي منهارة في البكاء
….بصي يا ستي … أنا كنت عايشه حياتي زي أي ست في الدنيا .ليا زوج بيحبني وليا ام واب بيخافو عليا من الهوا
ده إللي أنا كنت معتقداه …بس طلع عكس كده خالص
أنا عندي ولد 5سنين وكنت حامل في الشهر التامن
إبني كان بيلعب قدام البيت وأنا خارجه علشان أشوفه واطمن عليه
لقيت توك توك جاي بسرعه واحد خط*ف إبني قدام عيني وأنا واقفه فضلت اصو*ت
وجريت ورا التوك توك بأقصى سرعتي وأنا بصوت
الجيران خرجو على صويتي وجريو ورا التوك توك لحد ما وقفوه وجابولي إبني
ومسكو إللي في التوك توك وكانو هيمو*توهم من الضرب وسلموهم لقسم الشرطه
وأنا أول لما إبني جه في حضني اغمي عليا
علشان نز*فت كتير اوي وأنا بجري
مفوقتش غير في المستشفى ولقيت أمي وابويا وجوزي واخواتي وأخوات جوزي وحمايا وحماتي حواليا
وأمي كانت عنيها وارمه من كتر العياط وأول ما فوقت خدتني في حضنها وقعدت تعيط
وابويا قعد يحلف ميت يمين إن إللي عمل كده مش هيسيبه في حاله
وقعدو يدعو عليه كتير جدا
وعرفت منهم إن البنت ماتت في بطني وفتحولي بطني وولدوني
إنتي متخيله الألم إللي أنا فيه . وكل إللي واقفين متعاطفين معايا جداً وبيبكو عليا
وحصلت المفاجئة
وبعد ما راحو القسم طلع إللي عمل كده مين
طلع أخويا .قال إيه كان واقف هو وأصحابه بالتوك توك ومستنين إني أخرج علشان يعمل فيا مقلب
إنتي متخيله بنتي ماتت علشان مقلب
فتحت بطني علشان مقلب
إبني كان هيموت من الخضه علشان مقلب
ودلوقتي يا ستي بعد لما أبويا وأمي عرفو إن أخويا هو إللي عمل كده
طلعت أنا إللي غلطانه
علشان الناس ضربوه جامد وبوظوله وشه خالص وكسرو اديه
أبويا إللي كان واقف خلاص هيعيط علشان أنا صعبانه عليه
بيقولي أنا مش مسامحك علي إللي حصل في إبني بسببك
دا إبني إللي بترجاه من الدنيا
جه بعد ما جبت سبع بنات
تيجي إنتي تضيعي مستقبله وتدمريله حياته
إبني بقي ليه سابقه بسببك إنتي
اكملت بإنهيار
كأن أنا إللي عملت فيه كده كأن أنا إللي قولتله أعمل مقلب
بقوله أنا فقدت بنتي بسببه وكان ممكن أموت فيها بسبب هزاره وجاي تلومني أنا
قالي إنتي لو موتي عندي غيرك سته لكن هو معنديش غيره
تروحي بكره تطلعيه من القسم إن شالله تعترفي على نفسك إنك السبب في إللي حصل
واعملي حسابك إنك لو معملتيش كده لا إنتي بنتي ولا أعرفك . وبعد ما تعملي كده برضه بيتي متدخلهوش تاني
علشان مستقبل إبني إللي ادمر بسببك
بقوله أنا فاتحه بطني امبارح
قالي شئ ميخصنيش المهم إبني يطلع
وأمي إللي كانت هتموت عليا
بتقولي حسبي الله ونعم الوكيل فيك
قلبي وربي غضبانين عليكي بسبب إللي عملتيه في إبني
وخليتي الناس يضربوه بالطريقة دي وكمان يودوه القسم
ومن ساعة ما روحت بيت جوزي وهو بيعاملني أسوأ معامله
علشان اخويا كان السبب في موت بنته إللي طول عمره بيحلم يكون عنده بنت
وكمان حالف عليا مش هقعد في البيت لو روحت وخرجته من القسم
إنتي متخيله الألم إللي أنا فيه
……. ايه ده إيه الد*م إللي على هدومك ده
نظرت إلي ملابسها بدموع وقالت
….. أنا والده بقالي يومين وتقريباً الغرز فكت…
يتبع…
لقراءة الفصل التالي : اضغط هنا
الرواية كاملة اضغط على : (رواية ضحية مقلب)
