رواية وقعني ظبوطه الفصل التاسع 9 بقلم منار مجدي
رواية وقعني ظبوطه الجزء التاسع
رواية وقعني ظبوطه البارت التاسع
رواية وقعني ظبوطه الحلقة التاسعة
ساره: قاعده معاكى انهارده
شريف:هو انتى ناوياها من اول ما جينا مش كده
أسيل كانت هترد بس قاطعها رنت تليفونها برقم متسجل ب(هارون❤️) ابتسمت لأن رقمه مكنش متسجل وده معناه هو إلى مسجله
أسيل:عن أذنكم هرد على المكالمه ديه وراجعه
دخلت اوضتها:ألو
هارون:طلعتى
أسيل:لا بكلمك من المنور يعنى هروح فين بليل كده
هارون: بطلى سخافه
أسيل:انا سخيفه يا هارون
هارون:انا بحبك
أسيل بصدمه:انت قولت ايه
هارون:قولتلك انا بحبك
أسيل قعدت بهيام
هارون:أسيل انتى معايا
أسيل:معاك معاك
هارون:طيب وانتى
أسيل:انا
هارون:ايوه ايه ردك
أسيل:انت عارف ومن بدرى على فكره
هارون:بس عايز اتأكد واطمن
أسيل:لا اطمن انا مش بحب حد غيرك
هارون: يعنى
أسيل:يعنى انا كمان بحبك
(متقولى يابنتى من الاول ده ايه ده كله 😂)
أسيل: هارون سكت ليه انت كويس
هارون:ايوه ايوه كويس
أسيل:خلى بالك من نفسك ماشى
هارون: متقلقيش عليا
أسيل:مش بعرف مقلقش بس خلى بالك انت
هارون ابتسم:حاضر وانتى كمان
أسيل:ماشى
هارون:يالا روحى نامى انتى صاحيه بدرى
أسيل:طيب تصبح على خير
هارون:وانتى من أهلى
قفلت أسيل ونامت على السرير وهى حاضنه التليفون بفرحه
أسيل:هييييح بيحبنى ههههه
ساره دخلت:اتجننتى خلاص بتكلمى نفسك
أسيل:تفتكرى ايه
ساره:لا مبروك اتجننتى خلاص
أسيل:هتنامى جمبى انهارده
ساره:اه شريف مشى خلاص
أسيل:احسن عيل لازقه
ساره:أما نشوفك لما تتجوزى هتعملى ايه
أسيل:هقوله انا رايحه انام جمب ماما
ساره ضحكت:هيطلقك من اول يوم
أسيل: وله يقدر اساسا
ساره ضحكت وفضلو يهزرو لحد ما نامو
تانى يوم صحيت من بدرى مع مامتها وساره عشان يجعزو نفسهم
ساره:كده تمام بقيتى قمر
أسيل:انا طول عمرى قمر اصلا
ساره شديتها من خدها:بقيتى لمضه امتى
أسيل بوجع وهى حاطه ايديها على خدها: من بدرى
دخلت فريده:العريس وصل هو وأهله جهزى نفسك يا أسيل عشان تخرجى تقابليه
ساره:هى جاهزه يا ماما
فريده:طيب تعالى معايا نجهز الصنيه إلى هتخرج بيها
خرجو وسابو أسيل بتبص على نفسها فى المرايا ومكسوفه اخيرا إلى حبته جاى يتقدم لها قاطع تفكيرها رنه تليفونها برقم هارون
أسيل:بتتصل كمان اصبر مانا شويه وخارجه لا لا مش هرد هخليها مفاجأة انت عملت فيا ايه بس جننتني يا شيخ
ساره دخلت:أسيل يالا
أسيل كنسلت وخرجت
دخلت بالصنيه وهى وشها فى الارض ومبتسمه ووشها محمر من الكسوف
فريده:نسيب العرسان لوحدهم
وفعلا سابوهم أسيل حسيت بيه بيقرب جمبها
المستشار سامح:مكنتش اعرف انك بتتكسفى كده
أسيل رفعت وشها بدموع:ده انت
سامح:ايوه كنتى مستنيه حد تانى وله ايه
أسيل فركت فى ايديها معرفتش اعمل ايه غير أنها تسكت وتحاول تمسك دموعها ومتخلهاش تنزل فى حين سامح كان بيكلمها هى مكنتش مركزه معاه اساسا
دخلت فريده والكل لحد ما قرو الفاتحه ومشيو وأسيل لسه بصدمتها اول ما خرجو من باب الشقه قامت أسيل وحبست نفسها فى اوضتها وقعدت تعيط بصوت مكتوم
ساره خبطت:افتحى يا عروسه متتكسفيش
فريده:سيبيها تلقيها تعبانه عشان صاحيه بدرى
فى حين أسيل قاعده فى الارض وحاطه ايديها على بقها وبتعيط
تليفونها فضل يرن برقم هارون بس هى مردتش لا وقفلت تليفونها خالص كمان .
تانى يوم صحيت بدرى قامت وحضرت الفطار وملامحها باين عليها الزعل وحضرته ودخلت تلبس ونزلت
عند هارون كان رايح جاى فى القسم:مش عارف ليه تليفونها مقفول ومش فاهم ليه اختفت امبارح كده لحد ما دخلت عنده بهدوء وقعدت على الكرسى
قعد على الكرسى الى قدامها مستنى شرح كان هى كانت بتبعد عيونها عنه ومسكت الشنطه بتوتر
أسيل:انا جبتلك الفطار
هارون مسك أيديها:كنتى فين من امبارح
أسيل:فى البيت
هارون:مالك يا أسيل طيب فى حاجه حصلت في البيت خليتك تقفلى تليفونك.
أسيل:أفطر يا هارون
هارون:مش عايز أتنيل اخلصى
أسيل مقدرتش تمسك نفسها اكتر وبقيت بتعيط
هارون اتنهد:طيب متعيطيش قوليلى إيه حصل انا قلقان عليكى من امبارح
أسيل مسحت دموعها بظهر ايديها: متقلقش انا انا همشى عندى شغل
شديت ايديها وقامت جت تخرج وقف هارون قدامها على الباب:انتى مش بتبصلى ليه أسيل ارفعى عينيكى
أسيل:ارجوك يا هارون خلينى امشى.
هارون:قوليلى مالك.
أسيل بدموع:عايز تعرف مالى
هارون:ايوه قولى
أسيل:انا اتقرى فاتحتى خلاص عرفت هديت سيبنى امشى بقا
هارون بصدمه:ايه ازاى توافقى
أسيل:كنت فاكراك انت إلى جاى تتطلبنى وعاملها مفاجأة بس الظاهر أن احنا الاتنين اتفاجأنا
هارون:انتى لسه في ايديكى ترفضى
أسيل:انت عارف مين إلى اتقدملى
هارون:اى كان تقوليله انك مش موافقه
أسيل: على العموم انا هعمل كل إلى اقدر عليه وانت أفطر احتمال يكون ده اخر فطار اجيبه
جت تمشى مسكها وزقها للحيطه:لا مش هسمح بكده
أسيل:ابعد يا هارون
هارون:انتى سامعه بقولك ايه مش هسمح بده
أسيل:بقولك ابعد يا هارون
هارون:انتى مش مسموحلك تبعدى عنى انتى فاهمه
أسيل بصيت ليه:ابعد عنى
هارون:مش هبعد وانتى مش مسموح تبعدى
أسيل بدموع:امال عايز ايه
هارون:عايزك تثقى فيا عايزك ليا عايزك فى حياتى
أسيل:🥺:وانا مش عايزه غيرك يا هارون
هارون حط أيده على خدها:يبقا ترفضيه
أسيل:هرفضه هكلمه انهارده واقابله واقوله
هارون:هنقابله
أسيل حطيت أيديها على إيديه على خدها:انت طلبت اثق فيك ممكن انت تثق فيا
هارون:اوعدينى مش هتكون لحد غيرى
أسيل ابتسمت بكسوف:اوعدك انا ليك
هارون قرب منها براحه و
الشويش:الحق يا حضره الظابط ينهار
أسيل زقيته جامد والشويش شافه واقع على الأرض
أسيل بإحمرار:عيب اوى عيب اوى يا حضره الظابط
مشيت وسابته وهو بيضحك
هارون:ايه حصل
عند أسيل كانت محمره واخدت الطريق مشى ومن التوتر كانت بتجرى فى الشارع وقفت قدام المحكمه وهى بتنهج:ينهار على الاحراج ياربى.
منه:مالك يا مجنونه بتكلمى نفسك شكل العريس جايب نتيجه المره دى
أسيل:وانتى عرفتى منين مظنش انى كلمت حد
منه:ما حضره المستشار كلمنى وطلب منى رقم والدتك عشان يتقدملك
أسيل:كله منك يا منه البوبى
منه:ليه بس كل ده
أسيل: دلوقتى هتساعدبنى زى ما دبتسينى
منه:اساعدك فى ايه
أسيل:لازم ارفض بس مش عارفه ازاى
منه:ايه ترفضيه ده مستشار كبير قد الدنيا
أسيل:اتجوزيه انتى ياختى انا مش عايزه
منه:أسيل خلينا جد شويه هو انتى هتفضلى ترفضى كده كتير بعدين محدش هيبص فى خلقتك
أسيل:يا ستى انا حره مش عايزه حد يبص فى خلقتى
منه:مع نفسك يا أسيل انا ش نساعدك تبوظى حياتك
أسيل مسكت أيديها:انا كده حياتى بتبوظ ارجوكى ساعدينى
منه:كده حياتك بتبوظ انتى عايزه تجننينى
أسيل بمقاطعة:انا بحب حد تانى
منه:لا انتى مج….لحظه قولتى ايه بتحبى مين ومقولتليش يا بوبى
أسيل:هارون
منه:مين
أسيل:الظبوطه بتاعى
منه:لو سمعك هيغير مهنته والله
أسيل:مش موضوعنا دلوقتى تساعديني لأما هارون هيعمل منى بوفتيك وهي’قتلك
منه مسكت رقبتها:الله طب وانا مالي يا لمبى
أسيل:انتى السبب اصلا وانا هقوله قبل ما يعمل منى بوفتيك
منه:لا خلاص خلاص انا عايزه اعيش
أسيل:يبقا تساعدينى
منه:هنعمل ايه
أسيل:بصى انا هكلمه وانتى بس حركة رأسك وتاكدى كلامى
منه:انتى هتقولى ايه
أسيل:ايه هقول ايه مش واثقه فيا ده انا صديقتك المقربه يعنى
منه:اه انتى حبيبتى طيب
أسيل باستها من خده:انتى بطلتى
سامح:أسيل
أسيل:مثلى انك زعلانه بسرعه
منه:ليه
أسيل:اخلصى
منه:اهو🙁
أسيل طبطبت على كتفها وبعدت شويه عشان متسمعهاش
سامح:هو فى حاجه مالها منه
أسيل:يهمك تعرف مانت السبب
سامح:انا ليه انا عملت ايه
أسيل:بسببك يا استاذ انا كنت هخسر صاحبتى
سامح:ليه كل ده
أسيل:عشان حاولت تنتحر
سامح بص ليها وأسيل شاورت لها فحركت راسها بأه وبصيت فى الارض
سامح:ليه حاولت تنتحر
أسيل:بسببك عشان بتحبك
سامح:ايه ده بجد
أسيل:ديه كانت هتقاطعنى بسببك لسه بتقولى كل واحده تشوف طريقها عجبك ده كله
سامح:كل ده عشانى
أسيل:امال عشانى
بص لمنه وهى هزيت راسها تانى
سامح:مكنتش اعرف ان فى حد بيحبنى اوى كده
أسيل:صاحبتى لما بتحب بتحب من قلبها انا بحذرك لو صاحبتى حصلها حاجه بسببك انا…..
قاطعها سامح:أسيل مش هقدر نكمل سوا انا اسف
أسيل ابتسمت وبعدين مثلت الصدمه: ايه
سامح:انا بجد آسف بس انا بحب منه
أسيل:ايه خلاك تطلب ايدى من الاول دلوقتى انا اقول ايه لماما
سامح: متقلقيش انا هكلمها انا اسف مره تانيه
أسيل بتمثيل الضيق:خلاص انا مش بفرض نفسى على حد بس خلى بالك لو عملت نفس الشي مع صاحبتى انا هرفع عليك قضيه واجيبلها حقها بنات الناس مش لعبه يا استاذ مش عشان حضرتك مستشار تفتكر ان بنات الناس لعبه فى ايديك
سامح: متقلقيش عن أذنك
أسيل غمزت لمنه وهى ماشيه وسامح راح عندها
أسيل: دلوقتى لازم اهرب قبل ما منه تفضحنى فضيحه المطاهر يوم طلوعه على المعاش
لفت أسيل خبطت فى هارون
هارون ابتسم:كنت واثق فيكى
أسيل😒:هو واضح الصراحه
هارون:تعالى
مسك أيديها وركبو العربيه ومشيو
أسيل:انت مودينى فين انا مقولتش لماما
هارون مسك أيديها وباسها:انا قولتلها متقلقيش
أسيل:طمنتنى لحظه قولتلها
هارون:انا كلمتها لما مشيتى وقولتلها كل حاجه
أسيل:يبقا ماما إلى هتفضحنى فضيحه المطاهر مش منه
هارون : متقلقيش طول مانتى معايا
أسيل:الحقيقه انى مش بحس بأمان غير وانا معاك.
وصلو عند البحر
أسيل:ايه ده رايحين لسما
هارون:تكنيكيا اه
أسيل بضحك:وفعليا
هارون:مش هنشوفها
أسيل🙅:انت عايز ايه
هارون ضحك: متخافيش
أسيل:مش خايفه اصلا معايا رقم ظابط لو عملتلى حاجه مش صامته هيعمل فيك ايه
هارون بضحك:لا انا جسمى قشعر من الخوف الصراحه
أسيل:لازم تخاف
هارون:طيب يالا وصلنا
أسيل نزلت وبصيت ليه:مش هتيجى
هارون:جاى وراكى بس امشى ورا العلامات
أسيل:هتتاخر
هارون:لا
أسيل:طيب
مشيت شويه لقيت بلونه هيليم مكتوب عليها اسمها راحت عندها لقيت شوكولاته بالبندق متعلقه فيها وملزوق على ضهرها ملاحظه صغيره مكتوب فيها(عرفت انى بحبك لما نزلت وسط الطريق ادور على الشكولاته ليكى)
ابتسمت وبصيت قدام لقيت واحده كمان فيها شيكولاته راحت عندها كان مكتوب ضهرها ( أو يمكن حبيتك من ول ما شوفتك ولاحظت لون عينيكى الغريب صحيح لونها ايه)
ابتسمت
أسيل:زيتى
بصيت قدام لقيت واحده كمان قريبه من البحر ومكتوب عليها (مش عارف حبيتك امتى وازاى وفين بس الى متأكد منه أن حياتى من غيرك مش حياه)
بصيت الشط كان محفور فيه (بحبك يا أسيل) جوه قلب كبير وعلى الحروف ورد احمر وعلى القلب شموع كتير
أسيل عينيها دمعت من الفرحه قعدت فى الارض ولمست القلب ودموعها بتنزل عمرها ما توقعت حد يعمل عشانها كده
هارون:بتعيطى ليه معجبكيش
أسيل:العكس انا فرحت بيهم اوى
هارون:امال بتعيطى ليه اكيد عشان حاجه بسيطه
أسيل بصيت ليه بدموع :يمكن بالنسبالك بسيطه لكن بالنسبالى مش بسيطه ابدا.
هارون مد ايديه ليها:طيب متعيطيش
أسيل مسكت أيديه وقامت وهى بتمسح دموعها بضهر ايديها
قعد قدامها على ركبته
أسيل:بتعمل ايه
هارون:اصبرى لسه مخلصتش
أسيل ابتسمت وقعدت قدامه على ركبتها
هارون:قعدتى ليه
أسيل:عشان اسمعك كويس
هارون ابتسم:أسيل
أسيل:نعم
هارون:اسكتى انا بس الى بتكلم هنا كفايه التوتر فيه
أسيل ابتسمت وهى بتحط شعرها ورا ودنها:خلاص خلاص مش هتكلم
هارون:أسيل انا بحبك تقبلى تتجوزيني وتقضى بقيت حياتك معايا
بص ليها وهى ساكته
هارون:أسيل ردى
أسيل: يعنى اتكلم
هارون:أسيل متجننيش عليكى
أسيل:الله مش انت إلى قولت اسكت
هارون قام:انا غلطان اساسا انى عملت كل ده انتى اصلا الواحد مش المفروض يسألك انتى توافقى غصب عنك اساسا
أسيل ضحكت
هارون قومها:أسيل
أسيل:…..
يتبع…
لقراءة الفصل التالي : اضغط هنا
الرواية كاملة اضغط على : (رواية وقعني ظبوطه)
