رواية هوس الفقدان الفصل الخامس 5 بقلم شروق السيد
رواية هوس الفقدان الجزء الخامس
رواية هوس الفقدان البارت الخامس
رواية هوس الفقدان الحلقة الخامسة
بدر: تتجوزيني يانور
نور بصدمة: ايييية
بدر بتأكيد: بقول تتجوزيني يانور
نور بعصبية: انت اكيد مجنون انت عارف انت بتقول اية
بدر ببرود: عارف وواثق من اللي بقولة كمان
نور بغضب: لا انت هبت منك علي الاخر فوق بقا انا متجوزة عارف يعني اية وشيل العبط دا من دماغك
انا لسة بعقلي متجننتش انا فاهمة كل حاجة حواليا انتو اللي مش عايزين تفهموا ان انا مش مجنونة
بدر ببرود: عارف ان انتي متجوزه ومش مجنونة اتجوزيني برضوا عادي
نور بصدمة: لا فعلاً انت مجنون بجد
انت بتهزر صح قول بتهزر
بدر بجدية: مبهزرش
نور بعصبية : يبقا متخ”لف وجا”هل انا بقلك متجوزة تقولي تتجوزينيي
بدر بخبث: ايوا ما انا جوزك ياحببتي ولسة معملناش الفرح بس اللي حصل بينا يعني…. انتي مش فاكرة ولا اية وسما بنتنا
نور بتشويش: هااا لا انا اتجوزت خالد مش انت
بدر بتمثيل الحزن: معقول يانوري مش فاكرة بدر حبيبك معقول
نور بتوهان: هاا انا انت جوزي ازاي انا انا عايزة اروح عند سما هو مأخدنيش معاها ليية تعالي ياسما خوديني معاكي وأوشكت علي السقوط لولا يداه التي منعت سقوطها وامسك ابها
بدر: ششش اهدي اهدي تعالي معايا
بس وهحكيلك ازاي يلا
وانحني بجذعة للاسفل وحملها وسار بها لداخل الملجأي ودخل بها الي غرفة كبيرة بالداخل كانت تحتوي علي سرير وضعها علية وحاوط وجهها بكفية
بدر بحنية: تعرفي يانور انتي اول واحدة تدخل الاوضة دي بعد امي اللة يرحمها وكمان انتي الوحيدة اللي تعرفي المكان دا مفيش حد يعرفة دلوقتي غير انا وانتي
نور ومازالت علي حالتها: انا عايزة امشي اروح لبابا وخالد
بدر بغضب امسكها من فكها: قسما بالله يانور لو سمعتك بتجيب سيرة راجل غيري علي لسانك لأ قتلللللك فااااهمة ولاااا لااااا
نور بوجع وهي تمسك يده الذي تضغط علي فكها: اااه سبني سبني انت بتوجعني سبني بقاا
بدر بجنون: انتي بقيتي بتاعتي انا وبس فاااهمة يانور ملكي ملك بدر الهلالي وبس فاااهمة يانور يعني اية ملكي ومش هسيبك مش هسمح لحد يبعدك عني مهما حصل
نور بخوف: حاضر بس سيبني بوقي وجعني سبني
بدر بخوف عكس شخصيته الجنونة: انا وجعتك انا اسف بتوجعك اسف اسف اسف والله اسف مش عارف عملت كدا ازاي
نور بخوف: طيب انا عايزة اروح الحمام وعايزة اغير هدومي ممكن
بدر بمكر: امم ممكن اووي يقمري الحمام هناك اهوو
شاورلها علي مكان بنفس الغرفة انا هجبلك هدومك وارجعلك هواء
قامت نور بتجول في تلك الغرفة فكانت كبيرة للغاية كانت كالجناح يحتوي علي ثلاث غرف اخريات والحمام غرفة للملابس وغرفة اخري مكتب لبدر واسع للغاية لممارسة عملة وكانت تحتوي علي بعض الصور لم تتعرف نور علي اي شخص من الصور سوي بدر والغرفة الاخري مغلقة بقفل لا يعلم احد محتوي هذه الغرفة غيرة ثواني واتي بدر يحمل حقيبة ملابسها
نور بفضول: هي الاوضة دي فيها اية ومين البنت اللي في اغلب الصور جوا في المكتب دي شوفت صور كتير بس البنت اللي معاك في الصورة اللي علي المكتب شكلها مألوف عليا اوووي
بدر بهدوء: بعد كدا ممنوع تقربي من اي حاجه في الجناح هنا من غير اذني الدور الاول والتاني ممنوع تنزليهم مفهوم
نور بطفولة: طيب انا عايزة انزل اشوف الاطفال والعب معاهم هما عندهم العاب كتير
بدر بنفس الهدوء: سمعتي قولت اية لما اجي انا هبقي انزلك لكن طول ما انا مش موجود في الجناح ممنوع تخطي برة الباب مفهوم
نور بتزمر: اووف حاضر
بدر بنبرة غريبه: يلا تعالي معايا عاملك مفاجئة
نور بفرحة: بجد مفاجأة اية
بدر بضحك: هو انا لو قولتلك هتبقي مفاجاءة يامجنونتي يلا ادخلي غيري وانا هستناكي هنا
نور بسرعة: بص فوريرة واخذت ثيابها وركضت للحمام لتغيرها
بدر في نفسة: مش هخليكي تكوني لغيري يانور انتي ملكي انا وبس مش هسمحلك تشيلي اسم راجل غيري
وخالد دا انا همحية من علي وش الدنيا علشان تكوني ملكي وفاق من حديثة مع نفسه علي صوت خطواتها الهادئة التي تثيرة بدون قصد منها ولكنها مثيرة للغاية
بدر بحمحمة وهو يخفض عيونة ارضا: احم احم يلا ننزل
نور بدلال فطري: يلا
ونزلوا للاسف وطانت المفاجاءة لنور حيث وجدت المكان مزين بطرقة رائعة ووالدها ووالدتها موجودين وخالد ايضا واخيها سامر ذالك البغيض التي تبغض رؤيتة وكان يوجد شخص اخر يعطيها ظهرة وثواني والتفت لها اول ما سمعت خطواتها تقترب
نور بصدمة: سماااا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية هوس الفقدان)
