رواية عمر وحور الفصل الرابع 4 بقلم سهيلة أشرف
 |
| رواية عمر وحور الفصل الرابع 4 بقلم سهيلة أشرف |
رواية عمر وحور الفصل الرابع 4 بقلم سهيلة أشرف
عمر: وصلنا
حور: الف سلامة على مامتك
عمر: الله يسلمك
حور: تصبح على خير
عمر: حور
حور: نعم
عمر: زعلانة مني؟!
حور: وهزعل منك ليه
عمر: عشان الموقف اللي حصل في الكافيه والله ما اعرفها
حور: وانا مالي اتضايق ليه احنا في بيننا حاجه!
عمر: يعني مفيش؟
حور: ها!
عمر: احم اتفضلي ادخلي باي
حور: باي
في بيت حور:
دخلت سلمت على مامتها وباباها واخواتها وراحت اوضتها
مرڤت: الدكتور ده ربنا يكرمه جاب معاها نتيجة اخيرا خرجت من البيت ومن حبستها عقبال ما يخليها تخف تماماً يارب
أكرم: ماتقلقيش عليها انا موصيه عليها جامد وقايله دي بنتي الوحيدة
حسام: يا سلام وانا اباچورة هنا
احمد: قوله ياعم
اكرم: يا أغبياء قصدي ان هي البنت الوحيدة
احمد: آآآه قولتلي
في اوضة حور:
راقدة سرحانة وبتفكر في عمر وفجأة جتلها مسدج
حور: مين؟!
_ هو انتي لسه ماسجلتيش الرقم!
حور: عمر؟!
عمر: آه ياستي عمر
حور: مامتك عاملة ايه
عمر: تمام خرجت من المستشفى ونايمة اهي وانا قاعد جنبها
حور: الف سلامة عليها
عمر: الله يسلمك
حور: تصبح على خير
عمر: استني!
حور: خير في حاجه؟!
عمر: عايز أقابلك بكره!
حور: خير ليه؟ الجلسة فاضل عليها اسبوع!
عمر: هو مش احنا اصحاب ايه علاقة الجلسة
حور: شوف انا مش بخرج مع حد ولا بطلع مع حد النهارده بس عشان الشنطة وماحبتش خالص اني ارفض طلبك عشان بس ماتفهمش غلط
عمر: ياحور افهم غلط ايه انا اكتر حد فاهمك اكتر حتى من امك وابوكي
حور: انت اول مره تشوفني النهاردة!
عمر: ايوه عارف بس فهمتك بمجرد مابصيت في عينك وسمِعتك، انتي الوحيدة اللي حسيت انك مش مجرد مريضة عندي حسيتك حد قريب مني كإني أعرفك من زمان ومش عارف ليه..
_ ياحور؟!
_ ساكتة ليه
_ طب حتى قولي هتقابليني بكره ولالا
حور: عدّي عليا بعد الكلية
عمر: بجد!
حور: آه بجد
عمر: شكرا جدا استنيني وهعدي عليكي
حور: تمام
عمر: تصبحي على خير ياحورية
حور: حورية!
عمر: آه حورية من الجنة
حور: كمان!
عمر: آه واكتر
حور: وانت من اهل الخير
في صباح يوم جديد:
حور: صباح الخير ياجماعة
الكل: صباح النور
مرڤت: صباح الجمال ايه الابتسامة الجميلة دي ماشوفتهاش من زمان
حور: إن شاء الله تشوفيها على طول ياست الكل، فين الفطار
اكرم: بجد هتاكلي!! وهتقعدي معانا على السفره كده عادي؟!
حور بضحك: آه عادي
حسام: لا ده كده النهاردة عيد
بعد الفطار:
احمد: يلا عشان اوصلك
حور: لا أنا اللي هسوق
احمد: بجد!
حور: آه
احمد: لا احنا كده اتطورنا اوي
حور: طب باي عشان اتأخرت وآه انا خارجة بعد الكلية ياماما موافق يا بابا ؟!
اكرم: آه يا حبيبتي براحتك بس خدي بالك من نفسك كويس
حور: حاضر ماتقلقش، باي
خلصت كليتها واليوم عدى على خير وبعد الكلية وصل عمر
عمر: عاملة ايه!
حور: الحمدلله وانت
عمر: الحمدلله
حور: ها هنروح فينك
عمر: سيبيلي نفسك بس وانا عارف هنروح فين
حور: ربنا يستر يلا
عمر: اركبي
حور: طب وعربيتي اعمل فيها ايه
عمر: سيبيها هنا وانا هكلم امن الكليه ياخد باله منها ونبقى نرجع نجيبها اخر اليوم
حور: تمام بس لو حصلها حاجه هاخد عربيتك
عمر: ياستي ماتغلاش عليكي اركبي يلا
بعد شوية وقت:
حور: ايه ده!!
عمر: انتي شايفة ايه
حور: شايفة ملاهي حضرتك هو انت بتخرج بنت اختك!
عمر: شششش انزلي
حور: عمر احنا..
عمر: بقولك انزلي
حور: يووووه طيب
عمر: تعالي نركب العربيات
حور: بخاف!
عمر: يعني انتي بتسوقي عربية واقعية وخايفة من اللعبة؟
حور: احم لا طبعا انا مبخافش
عمر: طب يلا
ركبوا ولعبوا واتبسطوا ولأول مره تحس انها مبسوطة وهو أول مره يحس انه لقي نفسه….
عمر: مش قادر تعبت
حور: وانا كمان بقالنا ساعة جوا
عمر: هنلعب ايه تاني
حور: يلا نتنطط!؟
عمر: يلا
”قل لذات الشعر الأسود الطويل أن عيني شردت في جمالها وكم من قوارير رأيت ولم يسلب قلبي غيرها”
