رواية أحببت زوجي الفصل السادس 6 بقلم رحمة سامي
رواية أحببت زوجي الجزء السادس
رواية أحببت زوجي البارت السادس
رواية أحببت زوجي الحلقة السادسة
زينه لما فتحت الرسالة اتصدمت لما شافت مروان بعتلها وبيقول: اي يا قطة اوعي تكوني نسيتي نفسك اسمعيني كويس كدا فؤاد داخل مناقصة مهمه اوي عايزاك تصوريلي الورق بتاعها واوعي تفكري ترفضي عشان ساعتها حياة الباشا هتكون في خطر وكله بسببك انتي وبس انا عارف انك عاقلة هستناكي بليل تبعتي الصور سلام يا حلوة
زينه كانت مصدومه ومش عارفه تعمل اي وسرحانه ودموعها بتنزل دخل فؤاد عليها: اي يا بنتي فينك دا كله مش قولتي جاية ورايا اي دا يا زينه انتي بتعيطي ليه اي اللي حصل يا حبيبتي قوليلي
زينه بحزن: مفيش حاجه يا فؤاد انا تمام بس في حاجه دخلت في عيني مش اكتر
فؤاد بضحك: شكلك مهمله وهتتعبيني معاكي يلا طيب عشان منتاخرش
زينه: ما بلاش نخرج يا فؤاد انا تعبانه ومليش نفس وعشان ام ابنك مينفعش نسيبها لوحدها
فؤاد: زينه قولتلك هنخرج يعني هنخرج وسوزي مش هتتاكل يعني يلا بقي بلاش رخامه
زينه: حاضر يا فؤاد هدخل البس اهو
فؤاد: احم انا نقلت هدومك عندي الاوضة مش هينفع تنامي بعيد عني عشان بس سوزي مترخمش عليكي
زينه بعد اقتناع: قولتلي طيب ماشي خليك هنا لحد ما البس
دخلت زينه لبست وجهزت وطلعت وهي قمر فؤاد اول ما شافها نسي نفسه خالص وفضل مبحلق فيها زينه اتكسفت اوي وقالت: هتفضل واقف كدا كتير مش يلا بقي
فؤاد باحراج: اه يلا طبعا معلش كنت سرحان شوية
اخدها فؤاد وخرجوا سوي كل دا وسوزي متابعة كل حاجه ومستنياهم يخرجوا وراحت خارجه وداخله اوضتهم وعملت اللي كان في دماغها برضو ورجعت اوضتها وهي بتبتسم بخبث علي خطتها الشريرة
__________________________
في البلد رجع عباس من بره وهو مبسوط اوي وقبل ما يوصل اوضة صفياء وقفته كريمه وهي ملامحها متبشرش بخير خالص…..
عباس: خير يا كريمه واقفه كدا عايزة حاجه
كريمه: رايح فين يا ابو البنات انت نسيت اوضتك ولا اي يلا تعال معايا
عباس: انتي اتجننتي ولا اي يا ولية انا لسه عريس جديد وهبات عند عروستي روحي اوضتك او روحي نامي جانب بناتك يا اختي
كريمه بغضب: بقولك اي يا عباس انا تعبت من الحال دا لو مجتش علي اوضتنا هتشوف تصرف مش هعجبك
عباس بغضب ضر*بها بالقلم: حسك عينيك صوتك يعلي تاني انتي فاهمه ولا لا غوري علي اوضتك واوعي تخليني اشوف خلقتك العفشه دي تاني
كريمه بدموع: كدا يا عباس ماشي تصبح علي خير يا ابو البنات
مشيت كريمه وعباس دخل عند صفياء اللي اول ما شافته وقفت: انت ليه بتعمل في مراتك كدا حرام عليك يا عباس كريمه بتحبك وبتتمني رضاك
عباس: احنا صعب نوجه القلب يا صفياء وانا من زمان عشقتك انتي
صفياء: انا مبقتش فاهمه حاجه انت ليه سبتني لاخوك
عباس: مكنتش اقدر اتكلم حبي لاخويا وفرحته بيكي خلتني اكتم جوايا لكن دلوقتي خلاص بقيتي ليا يا صفياء
صفياء: طب وكريمه يا عباس دي ام عيالك برضو
عباس: كريمه هتفضل مراتي برضو مش هقصر في حقها بس من حقي افرحلي بعروستي شوية
صفياء: انت غيرت كلامك يا عباس ولا اي انت قولت مش هتقرب مني غير لما اوافق بيك
عباس ضحك: متقلقيش يا حبيبتي انا بس كل اللي طلبه تنامي في حضني وبس يا صفياء انا محتاجك
صفياء اتكسفت: وه وه انتي بتقول اي عيب كدا يا عباس
عباس: مفيش عيب انتي مراتي…. وراح شدها واخدها في حض*نه ونام علي طول وصفياء قلبها كان بيدق جامد وراحت في النوم وهي مطمنه وحاسه انها مبسوطة
____________________
فؤاد اخد زينه علي مطعم كبير ودخل كان حاجز المكان كله وهي اتصدمت وقالت: اي دا المكان فاضي كدا ليه يا فؤاد
فؤاد: عشان حبيت نقضي شوية وقت لوحدنا فحجزت المكان كله يا زينه
زينه بكسوف: شكرا يا فؤاد
فؤاد: مالك يا زينه حاسس انك عايزة تحكي حاجه في اي مكتوم جواءكي اتكلمي
زينه بتوتر: مفيش حاجه يا فؤاد انت ليه بتقول كدا
فؤاد: انتي مضايقه من وجودي سوزي صح انا عارف بس صدقيني مش بي ايدي
زينه: وانا هضايق ليه دي حياتك وانت حر فيها احنا كام شهر وهنطلق وكل واحد هيروح لحاله والله اعلم هنتقابل تاني ولا لا فعادي اتصرف بحرية
فؤاد: بس انا كنت فاكر ان ممكن ندي جوازنا فرصة
زينه باستغراب: واي غير رايك يا فؤاد مش كنت معترض علي المطلقة علي اساس ان ملهاش حق تعيش حياتها من تاني وان مش ذنبها ودا نصيب
فؤاد بحزن: انا مكنش قصدي كدا يا زينه بس انتي متعرفيش حاجه عني لو عرفتي السبب هتعذريني
زينه: وانا قولتلك تحكيلي وانت رفضت يا فؤاد اعمل اي
فؤاد: انا غصب عني انتي متعرفيش انا اتخذلت ازاي وخايف ارجع اثق في حد من تاني
زينه: وعشان كدا سكت ومرضتش اضغط عليك بس صوابعك مش زي بعضها يا فؤاد
فؤاد: اديني وقتي يا زينه وهحكيلك كل حاجه بس بتمني مهما حصل اوعي تخذليني او تخبي عني حاجه ارجوكي عشان ساعتها هتشوفي انسان تاني خالص
زينه بتوتر: حا… حاضر يا فؤاد ممكن ناكل بقي
فؤاد بابتسامه: حاضر يلا اتفضلي
زينه بقيت تاكل وبتفكر هتعمل اي مع مروان وثقة فؤاد اللي مش عايزة تخسرها ونفسها تكسبها لانها بداءت تحس بمشاعر ناحيته بس في نفس الوقت خايفه لو منفذتش كلام مروان ياذي فؤاد……. ياتري زينه هتعمل اي يا جماعه… 😉❤
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت زوجي)
