رواية قدر قلبي الفصل السابع عشر 17 بقلم ندى أحمد
رواية قدر قلبي الجزء السابع عشر
رواية قدر قلبي البارت السابع عشر
رواية قدر قلبي الحلقة السابعة عشر
دخل الاوضه و اتصدم بالمنظر الي شافه
دم كتيير عالسرير تحت بطن ندي و كمان ندي شكلها غريب .. عيونها تحتها هالات كتير و وشها باهت و بتعرق بشده
جري عليها وهو بيموت من الخوف
= ندي قومي يا ندي قومي .. دا اكيد مقلب صح ؟! لا لا دا اكيد مقلب منك عشان تخوفيني
بس كان بيهزها و مفيش اي رده فعل منها
بصوت عالي و عياط = ندي قومي يا ندي قومي
الاب سمع الصوت وفتح باب اوضتهم وشاف المنظر
> مالها حصلها ايه ؟!
= مش عارف يا بابا مش عارف
> طب ازاي لسا مطلبتش الاسعاف ؟!
= لا اسعاف ايه انا هاخدها و اوديها المستشفي
> مش شايف نفسك بترتجف ازاي ؟! خليك احنا هنطلب الاسعاف
و طلب الاسعاف و فظرف دقايق كانت عندهم
وهما بياخدوها لعربيه الاسعاف كان ماسك ايدها
= كله هيكون كويس متقلقيش انا جمبك
و طلع معاها فعربيه الاسعاف ومسابش ايدها لحظه
و وصلو المستشفي و اخدوها بسرعه للعمليات
وكان الاب و دوروك مستنيين قدام اوضه العمليات و دوروك كان قلقان جداا
= طمنا يا دكتور مالها مراتي
^ هي اتسممت للاسف ..
= اتسممت ؟! دا انا حتي الي بعتلهم الغدا ديلفري من مطعم كويس بس دي غلطتي لاني كنت متضايق منها ومكنتش موجود فالبيت و مطبختلهاش بنفسي
^ خليكم حذرين فالاكل و بالذات الاكل الي من برا البيت .. ياريت اكلها كله يكون من البيت
= طب هي كويسه صح ؟!
^ اه كويسه بس
= بس ايه يا دكتور !
^للاسف فقدنا الجنين
=ف..قد..ناه؟!
^ربنا معاكم ..
ومشي الدكتور
> متزعلش يا دوروك .. دا كان قدره
= بس انا كنت السبب يا بابا
> لا السبب ازاي .. هي مراتك الي مش واخده بالها من اكلها ومن نفسها وبعدين لو مكانش مات من التسمم كان هيموت من الضغط و التخيلات الي هي فيها
= يا بابا لو سمحت مش عايز اسمع الكلام دا ..
> عموما واحده زي مراتك مش هتنفع تبقا ام .. دا انت تخاف علي ابنك منها اصلا ف بص انت طلقها احسن حاجه و اتجوز ساره .. مالها ساره ؟ انسانه هاديه و جميله و عقلها ف راسها
بزعيق = يا بابا قولتلك مش وقته الكلام دا !! وبعدين انا لسا دلوقتي واخد خبر موت ابني و بدل متواسيني تقولي طلق مراتك واتجوز ساره ؟!
> يعني انا مثلا الي مش زعلان علي حفيدي الي مات .. اكيد زعلان عليه بس انا بقولك الكلام دا عشان منزعلش بعدين لان كل مره هتجهض اصلا وكل مره هيكون السبب مختلف
^ المريضه بتنادي ب اسم دوروك .. حد فيكم اسمه دوروك يروح يقعد معاها شويه ؟لان واضح انها عايزه تشوفه
= اه يا دكتور جاي اهو
و دخل الاوضه
سحب كرسي وقعد جمب سريرها
= حبيبتي انتي كويسه ؟
-ابننا مات يا دوروك
= مش مشكله دا قدره و بعدين انتي الاهم عندي
-لا يا دوروك ابننا مات بسببي .. طب لومني او قول اي حاجه وانا مش هزعل بس متفضلش مبتسم بالشكل دا و تضغط علي نفسك و تمثل انك مش زعلان بس عشان انا مزعلش
=لو دي غلطه حد ف دي غلطتي انا .. انا الي نكدت عليكي و سبتك وحدك فالقصر و كمان طلبتلكم الغدا ديلفري من برا بدل م اجي البيت و اعمله بنفسي ليكي
-دوروك .. فيه حاجه عايزه اقولهالك
=ايه هي
-انا من سعت م اكلت البيتزا امبارح وانا حاسه ان فيه حاجه مش مظبوطه .. اكيد البيتزا هي المسممه
دوروك قام من عالكرسي
= اه دي البيتزا الي جبهالك مروان الي يعيني طلع بيخدعنا و بيمشي علي رجله
بعياط -انت بردو مش مصدقني
و اتألمت
جري عليها
= فيه حاجه وجعاكي انادي الدكتور ؟!
-روح يا دوروك روح انا مش عايزه اشوفك .. روح احتفل بقتل ابنك علي ايد اخوك
= حبيبتي مكنش قصدي بس انتي بتستفزيني لما تفتحي موضوع التخيلات دا
بزعيق وعصبيه – قلتلك دي مش تخيلات ؟!
الممرضه وقتها دخلت
^^ يا استاذ معلش مينفعش التوتر دا للمريضه .. انت مش مستوعب ان الجنين نزل و عملنالها غسيل معده كمان ؟!
= طب خلاص مش هوترك ولا هقول حاجه يا ندي بس سيبيني افضل جمبك
-قولتلك روح يا دوروك روح
دوروك خرج من الاوضه و هو ندمان علي انه اتعصب عليها بالشكل دا وكمان اتناقش معاها فالموضوع دا وكان ممكن يعديه لغايه لما تخف شويه و يبقو يتناقشو
دوروك بدأ يشك ف مروان وانه فعلا ممكن يكون بيخدعهم لانها اكيد مش هتفتح موضوع التخيلات وهي فالحاله دي
= روح انت يا بابا البيت عشان منسبش مروان فالبيت لوحده وانا هفضل هنا معاها لغايه لما يكتبولها علي خروج
> تمام يبني
و دوروك فضل مستنيها فالمستشفي ساعتين بعدها استأذن من الدكتور انه يشوفها و دخل اوضتها
=عامله ايه دلوقتي
-مروحتش ليه البيت ..
= اروح ازاي و روحي هنا
-لو جيت عشان تقولي اني بتخيل ف
لسا هتكمل كلامها بس هو وقفها
= ششش مش هتكلم عن حاجه زي كدا اصلا
-اومال جيت ليه
= طب متفكي شويه .. ليه مضايقه نفسك
-دوروك روح وسبني لوحدي
اتنهد وقعد عالكرسي
= بصي انا زعلان عالجنين زيي زيك احسن تفتكري ان الموضوع مش فارق معايا بس هتفرق ف ايه لو قعدنا نعيط و نندب حظنا مع بعض ؟! هل هيرجع الجنين لو عملنا كدا ؟! افهمي بقا انتي الاهم عندي .. انا الي هنهار و مش هقدر اعيش تاني لو حصلك حاجه
-الي بيحب حد بيصدقه
= طيب بصي خلاص انا موافق نعيش ف بيت منفصل عن القصر لو دا هيريحك
-عارف انا وافقت نرجع للقصر لما خيرتني وقت لما عرفت خبر حملي عشان مكنتش عايزه ابعدك عن عيلتك الي كان نفسك فيها طول عمرك بس خلاص طالما وصل الموضوع لقتل طفلي ف انا مش هعيش معاهم يوم تاني
= هبعتلك صور البيوت بكرا و اختاري واحد و لما تخرجي من المستشفي هنروح نشوفه مع بعض ولو عجبك ناخده
-تمام
و نام عالكرسي و هي نامت علي سرير المرضي
و الصبح نزل يشوف البيت الي هيشتروه
اول لما ندي صحيت كان فيه بوكيه ورد عباد الشمس .. نوع الورد المفضل ليها و معاها رساله اعتذار طويله عريضه
ابتسمت لما شافت محاولاته انه يخليها مبسوطه و انه بيحبها بالشكل دا
و عدي اليوم عادي جداا لغايه لما جه بالليل
= حبيبتي وصلك علي موبايلك صور البيوت ؟ اخترتي واحد فيهم ؟ الدكاتره قالولي هتقدري تروحي البيت بكرا
-لا انا خلاص هرجع القصر يا دوروك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدر قلبي)
