رواية أحفاد الطوبجي الفصل الثاني والعشرون 22 بقلم أميرة أسامة
رواية أحفاد الطوبجي البارت الثاني والعشرون
رواية أحفاد الطوبجي الجزء الثاني والعشرون
رواية أحفاد الطوبجي الحلقة الثانية والعشرون
فلاش باك🌀
ساد الصمت طول الطريق في العربيه دقات قلوبهم كانت متلغبطه
وصلوا أخيراً في مكان هادي وجميل جداً
نزل منذر وفيروز كانت ماشيه بخطوات متوتره إبتسامه بسيطه على وشها ايدها متلجه بتحاول على قد ما تقدر متبصش في عين منذر خدت كام خطوه كان قرب منها منذر وبصلها بإبتسامه جذابه و مدلها ايده❣️
بصت فيروز بتوتر على ايده بلعت ريقها بصعوبه لاول مره هتمسك ايده وهي حبيبته❣️
بهدوء وكف مرتعش مدت ايدها لمست صوابعه وبمجرد ما لمسته كان حضن كفها بين كفه❣️
ابتسمت بإحراج وبعدين دخلت معاه على المكان
سحبلها الكرسي و اول ما قعدت راح قعد قدامها
الويتر تحبوا تطلبوا العشاء الوقت
بص منذر لفيروز.
منذر….ناكل الاول ولا نشرب حاجه
فيروز….احممم نشرب حاجه
منذر…طيب تشربي ايه؟
فيروز….بتوتر ابتسمت مش عارفه
ابتسم منذر بحب عارف انها متلغبطه
منذر….طيب هات عصير فراوله و واحد قهوه مظبوط
الويتر تحت امرك يا افندم دقايق و الاوردر يكون جاهز
منذر….شكراً
مشي الويتر فضلت فيروز باصه بعيد عن عيون منذر ايدها الاتنين على التربيزه بتلعب في صوابعها بتوتر
نفس الحال كان عند منذر لاول مره يحس انه متوتر ومتلغبط والكلام تايهه منه كان عامل زي المراهق اللي اول مره يخرج مع حبيبته ومش عارف يقول كلمتين على بعض الاتنين كانوا في وضع لا يحسد عليه وبالأخص منذر لانه الراجل واللي المفروض البدايه تكون عنده في كل حاجه
طلع سيجاره بهدوء وحاول يهدي بيها نفسه دام الصمت بينهم شويه لحد ما رجع الويتر مره تانيه نزل الطلبات ومشي.
منذر كان قاعد مش على بعضه كل ما يجي يبدأ كلام لسانه يتلجم كل ما يجهز كلمتين يبدأ بيهم يتوه وينسى
فضل يخبط بصوابعه على التربيزه بهدوء ويهز رجله التوتر بينهم بيعلى لأبعد حد ممكن🙈🙈
فجأه اخيراً نطق
منذر….بابتسامه باين عليها اللغبطه
طب ايه؟
بصتله فيروز بإبتسامه بسيطه
فيروز….ايه؟
منذر….هنفضل ساكتين كده كتير
فيروز…..بإحراج رجعت شعرها بهدوء طيب اقول ايه
منذر….اي حاجه احنا من امبارح واحنا ساكتين حتى لما خرجنا معاهم تقريباً مقولناش اي حاجه
فيروز…..طيب قول انت اي حاجه
ابتسم منذر بقلة حيله ومال براسه على الجنب ماهو انا كمان مش عارف اقول ايه❣️
ابتسمت فيروز…قول اي حاجه
منذر…..ماهو انا لازم اقول على الأقل عشان التوتر اللي بينا ده يروح صح
فيروز….صح🙈
منذر….بتنهيده طويله بصلها لقاها بصاله و مبتسمه ضحك غصب عنه وهز راسه شمال ويمين طول عمري بعرف اتكلم في اي موقف اول مره احس اني متلجم والكلام رايح مني
فيروز….وانا كمان
منذر…..طيب انا بقول اشربي العصير وانا اشرب القهوه يمكن نعرف نقول اي حاجه🤨😉
ضحكت فيروز وهزت راسها ومسكت العصير تشرب منه
فضل باصصلها بحب وشها احمر ومتلغبطه اشفق عليها لانه كان في نفس وضعها حاولت فيروز متبصش عليه خالص فاجئها منذر بسؤاله
منذر…..انا مش بحلم يا فيروز صح؟
بصتله فيروز وهزت راسها بلأ
منذر…..بحب عارفه يافيروز انا بقالي قد ايه بحلم بالقاعده دي؟ بس عمري ما تخيلت انها تحصل اصلاً يمكن تخيلت حجات كتير إلا القاعده دي عشان كده انا مش عارف اقول ايه ولا محضر اي كلام اقوله
فيروز…..انا مقدره كل ده يا منذر لان انا كمان اول مره اقعد معاك ونتكلم في حاجه تخصنا يمكن قعدت معاك كتير وأتكلمنا اكتر بس ولا مره الكلام كان يخصني انا وانت مع بعض
منذر…..بس يمكن انا اتكلمت معاكي كتير بيني وبين نفسي
ابتسمت فيروز….وكنت برد عليك
ضحك منذر بص بعيد وهو بياخد نفس من سيجارته وبعدين بصلها
منذر…..اه يا فيروز كنتي بتردي عليا❣️
ويمكن دي الحاجه الوحيده اللي كانت مصبراني
فيروز….هو انا ممكن أسألك سؤال
منذر…اكيد
فيروز….هو يعني من امته 🥺
منذر….بحب ونظره حزينه من سنين كتير يا فيروز من وانتي في الجامعه كنت مستنيكي تخلصي بس بالصدفه عرفت من حسام انه بيحبك وطلب مني بحكم علاقتي مع زيد اني اقف معاه وهو بيطلبك🥺 مكانش قدامي اي حاجه اعملها غير اني اسكت خصوصاً لما عرفت انك موافقة وبتحبيه
فيروز…..🥺 أنا اسفه يا منذر
منذر….اسفه على ايه؟
فيروز…..مش عارفه بس حاسه اني عايزه أعتذرلك يمكن عشان محستش بيك يمكن عشان كنت قريبه منك وانا متجوزه حسام ومعرفش ان قربي منك ممكن يتعبك يمكن عشان كنت باجي احكيلك اللي مزعلني ويمكن عشان كنت باجي اخد رأيك في اي هديه بجيبها لحسام وانا مش عارفه اي حاجه
منذر….بابتسامه متتأسفيش يا فيروز انتي عمرك ما غلطتي في حقي وعمرك ما قصدتي توجعيني ويمكن قربك مني بطريقه غير مباشره ده اللي كان مخليني اكمل و انا مبسوط
بس انا عندي سؤال يا فيروز اتمنى تجاوبيني عليه؟
فيروز….سؤال ايه؟
منذر….ليه وافقتي عليا؟
بصتله فيروز بإحراج وسكتت مش عارفه تقوله ايه
منذر….ايه سؤال صعب
فيروز….يمكن شويه🥺
منذر…..وانا مش هضايق من أي إجابه هسمعها
فيروز……بتنهيده طويله زيد من فتره طويله تقريباً وقت جوازه من صبا لقيته جاي بيتكلم معايا وقالي يعني ان انت🙄🙈
منذر….ان انا ايه؟
فيروز….بإحراج يعني في مشاعر ليك بالنسبالي وطلب مني افكر مش هكدب عليك انا في البدايه اتصدمت مكنتش مصدقه بس بعدها بدأت أركز معاك من بعيد وكل موقف او اي تجمع يحصل اتأكد من كلامه ويمكن كلامه ليا كان مقنع وقتها انا كنت لسه حامل مش هكدب عليك بدأت افكر بعقلي في البدايه مكانش عندي اعتراض وشوفت انك شخص مناسب ليا ولفيروز شخص انا اعرفه كويس يمكن مجرد التخيل في الاول كان صعب يعني اني احول نظرتي ليك كانت صعبه
بس رجع زيد وفتح معايا الكلام تاني وطلب مني طلب قالي فكري وخدي وقتك بس وانتي بتفكري اوعي تفكري في منذر انه زوج مناسب ليكي انتي واللي في بطنك لاني مش هرضاها عليه منذر يستاهل انه يتحب❣️
ابتسم منذر بحب وأمتنان لزيد❣️
فيروز…..ويمكن كلمته دي هزتني مش بس عشان بحب علاقتكم لبعض بس كلامه خلاني اتأكد انك تعبت و اتحملت حجات كتير محدش حس بيها غيرك
بس الموضوع فضل مقفول لحد ما ولدت واتفتح تاني بعد فرح نادر ومريم
منذر…..وحصل ايه تاني
فيروز….المرادي انا اللي روحت لزيد وفتحت الموضوع🥺🙈
منذر….بابتسامه قولتيله ايه يا فيروز؟
فيروز….بإحراج قولتله ااا إني موافقه🥺
منذر….بتنهيده طيب و افقتي عشان انا شخص مناسب يا فيروز ولا ايه؟
بصتله فيروز وسكتت مش عارفه تقول ايه ولا قادره تنطقها🥺
منذر….قولي يافيروز وافقتي ليه؟
فيروز….🥺 بتنهيده طويله لا يا منذر مش عشان زوج مناسب
منذر…..بضربات قلب سريعه امال ايه؟
فيروز…..عشان 🥺 عشان حبيتك يا منذر
وبعد اعترافها ليه صريحه رفع منذر راسه لفوق وهو بياخد نفس طوييييييييييييل
منذر…..اااااااه اخيراً🥺
ابتسمت فيروز بحب وسكتت حاولت تداري دموعها 🥺
منذر….انتي عارفه يا فيروز ان حتى الكلمه دي متوقعتش اني ممكن اسمعها
انتي عارفه انتي كنتي عامله فيا ايه
عارفه حياتي كانت واقفه ازاي من غيرك عارفه قولتهالك انا كام مره من جوايا🥺 كل ما كنت المحك قلبي يقولك بحبك كل ما كنت اسمع صوتك قلبي يقولك بحبك تعبتيني يا فيروز اوي🥺
ابتسمت فيروز من بين دموعها
فيروز…..انا اسفه❣️🥺
ابتسم منذر بحب وقام وقف فضلت بصاله أتفاجئت بيه راح قعد جمبها ومسك أيدها الاتنين بين ايده
بصتله فيروز بصدمه قلبها فضل يدق دموعها نازله ايدها تلجت🥺
قرب منذر ايدها لشفايفه باسها بوسه طوييييييله كلها حب وبعدين بصلها
منذر….انا لا عايزك تتأسفي ولا عايز اشوف دموعك دي ابداً ومن اللحظه دي يا فيروز كل حاجه حصلت انا نسيتها انا هعتبر نفسي اتولدت امبارح ❣️
ايدي هتفضل ماسكه ايدك مش هسيبك ابداً ولا انتي ولا فيروز مش هسمحلك تبعدي عني لحظه هعوضك عن اي حاجه وحشه حصلت و هستناكي تعوضيني عن السنين اللي مكنتيش معايا فيها هخليكي اسعد ست في الدنيا هخليكي تجربي الحب بس بطريقتي يا فيروز🥺
ابتسمت فيروز بحب🥺
مد ايده مسح دموعها وبص في عينها بحب
منذر….بس ليا عندك اخر طلب ممكن
فيروز…..ممكن🥺
منذر…قوليها يا فيروز عشان خاطري قوليها🥺
ابتسمت فيروز من بين دموعها
فيروز…..بحبك يا منذر🥺
وكأن النفس خرج من قلبه ❣️ باس أيدها بحب وهو مغمض عينه وبعدين رفع وشه ليها
منذر…..وانا أتخلقت عشان احبك يا فيروز ❣️
باااااااااااااك
فضل منذر باصص عليها ومبتسم وهو بيستعيد كل لحظه في سهرتهم
بصتله فيروز لاقيته باصصلها ومبتسم ابتسمت بهدوء اول ما عينها جات في عينه وغمزلها بحب😉
منذر…..نامت خلاص❣️
فيروز….ايوه هي بتنام طول ماهي في اي طريق
قرب منذر ايده من خد فيروز الصغيره وفضل بحسس عليها بحب وبعدين قرب من جبهتها باسها❣️
وقبل ما يرفع ضهره باس كف فيروز
حست ان ضربات قلبها بتدق بسرعه ورجعت اتوترت تاني🙈❣️
ضحك منذر عليها وهمس بشفايفه عشان زيد وصبا ميسمعوش
منذر…..بحبك❣️😉
ضحكت فيروز وبعدين بسرعه بعدت عينها عنه❣️
………….
كمل الجميع طريقهم كان رجوعهم اهدى بكتير على الطريق كل اتنين كانوا مندمجين مع بعض
فضلت ميار سانده راسها على الشباك ومش بتحاول تبص جمبها
جلال ورهف كانوا مندمجين
هشام وجنه امير وفرح وهي ساكته مكتفيه انها حاطه السماعه في ودنها
وبتداري دموعها اللي بتنزل منها غصب عنها وهي كل ده مضايقه من مجرد أندمتجهم مع بعض لكن مكانتش تعرف بتصريح جلال لحبه لرهف💔
بعد كام ساعه وصلوا أخيراً كلهم على قصر الطوبجي التعب وإرهاق الطريق كان باين على الكل❣️
دخلوا بعربياتهم جوه القصر
راجح….حمد الله على السلامه يا ولاد
الجميع….الله يسلمكم
راجح….كانت رحله جميله يارب ديماً متجميع في الخير
رباب….بجد شكراً على الرحله الحلوه دي كانوا كام يوم ميتنسوش
روح….الرحله كانت حلوه بيكم يا رباب
رباب….حبيبتي ياروح ربنا ما يحرمنا من اللمه الحلوه دي
كاريمان….يلا يا منذر
روح….استني هنا يلا ايه محدش هيمشي احنا هنتغدى كلنا سوا
كاريمان…لا غدا ايه نروح بقى نشوف البيت ونشوف اللي ورانا انا مش قادره خالص
روح….طيب نتغدى وروحي
كاريمان….الايام جايه كتير يا روح
رباب…..فعلا انا كمان مش قادره خليها مره تانيه إن شاء الله
زيد….لمنذر خليكم شويه
منذر….خليني اروح ارتاح شويه عشان اقدر انزل بكره الشغل بس هكلمك بكره
زيد….ماشي يا صاحبي تعالى خد شنطكم يلا
منذر…يلا
جلال….هجيب العربيه واوصلك
رهف….لا توصلني ايه انا همشي مع هشام وروبي ارتاح انت
جلال….🤨انتي مش عيزاني اوصلك
رهف…بضحك لا والله يا حبيبي بس اطلع ارتاح واكيد هنتقابل
جلال…بحب ماشي يا ستي لما تروحي كلميني وسلمي على هاله❣️
رهف…..حاضر لو هتنام عرفني عشان مقلقكش
جلال….مش هنام غير لما توصلي
رهف….تمام يا حبيبي
جلال….يلا تعالى نحط الشنطه بتاعتك في عربيه أتش
رهف….يلا.
……………..
منذر…..ايه فصلتي خلاص
فيروز….لا خالص بس تعبت من الطريق شويه ومن فيروز الزنانه
منذر….متقوليش على بنوتي زنانه🤨
فيروز….بكره تقول عليها بنفسك متستعجلش 😂
منذر…..بحب طب يارب بكره ده يجي بسرعه😉
ضحكت فيروز بإحراج
منذر….هتنامي ؟
فيروز…..لا لسه شويه
منذر….تمام لما اوصل هكلمك اوك
فيروز…..بسعاده اوك😍
منذر….بحبك🤨
فيروز….بصت جمبها بهدوء وبعدين بصتله بصوت هامس وانا كمان🙈
ضحك منذره ضحكه هاديه وبعدين سلموا على بعض كلهم ومشيوا
………….
طلعت شمس وسالم على اوضتهم واول ما دخلت قلعت الشوز و اترمت على السرير.
دخل سالم بسرعه على الحمام كان مش قادر وعايز ياخد شاور يريح بيه جسمه
بعد ما خرج لقاها منكمشه على نفسها ونايمه في نص السرير بالعرض
سالم…..شمس شمس حبيبي
شمس….امممم
سالم…قومي يلا يا حبيبي انا خرجت روحي خدي شاور
شمس…..لا مش عايزه الوقت😴
سالم….هتنامي كده🤨
شمس….اه
سالم…بضحك اه في عينك اسمها ايوه🤨
شمس….ابعد عني يا سالم😴
سالم…ولو مبعدتش هتعملي ايه😂
شمس….هفتح دماغك ياسالم امشي بقى😴
سالم…تفتحي دماغي😂😂يابت انا متجوز بلطجي يلا قومي
شمس….بغضب فتحت عينها مش قايمه وسيبني انااام😭
سالم…اعوذ بالله يابت خضتيني😂 وبعدين انتي مش جابه طول الطريق تقولي عايزه اخد شاور
شمس…..اه هاخد حاضر😴
سالم…انتي بتاخديني على قد عقلي🤨
شمس….امشي بقى بلاش رخامه😭
سالم….طيب خلاص بس نامي عدل مش قادر عايز انام شويه
شمس…..لا مش هقوم سيبني انام بقى بلاش زن😭😭
سالم…طيب انا عايز انام🤨
شمس….نام 😴
سالم….😂😂يابت هنام ازاي انتي نايمه في نص السرير
شمس….😴😴😴😴
سالم….ياقلبي شموستي😂😂 وقف سالم بقله حيله فضل يبص على الاوضه مش عارف ينام فين ورجع بصلها تاني
شمس تعالي نامي هنا يابت والله مش قادر اشيلك السواقه تعبتني
شمس…..😴😴😴😴
سالم…امري لله بس وربنا لما تصحي وفجأه جات في دماغه فكره🧐😎
راح على التسريحه جاب قلم كحل
وراح قعد جمبها على السرير وفضل يرسم على وشها بالكحل
سالم….😂😂😂😂اظن كده خالصين وادي اول مقلب عشان تبقي تبوظي وشي بالحبر🙈
ليلتك سوده ياسالم بس مش مهم كله يهون خلي السرير ينفعك😂😂
غطاها كويس وخد مخده وخد غطا وراح فرشهم في الارض ونام😴😴
…………….
خرج زيد من الحمام بعد ما خد شاور راح قعد على السرير فرد جسمه وفضل يلعب في الموبايل
دخلت صبا هي كمان تاخد شاور وبعد شويه خرجت لقت زيد حاضن المخده وفي سابع نومه كان باين عليه التعب
لان زيد مبيعرفش ينام كويس بعيد عن اوضته وكان طول السفريه بيطبق خروج وسهر وبحر وسواقه على الطريق كأنه ما صدق رجع لسريره
ابتسمت صبا بحب راحت عليه غطته كويس كان نايم من غير تيشرت والتكييف شغال
سحبت من حضنه المخده وطلعت جمبه دخلت في حضنه مكانش معاها خالص كلهم عارفين ان زيد يقدر يطبق كذا يوم من غير نوم بس لو نام الجدع اللي يقدر يصحيه❣️
وراحت صبا في نوم جوه حضنه❣️
……………….
في غرفه خلود ويوسف
يوسف….خلود مالك يا قلبي اطلب الدكتور طيب
خلود…..بتعب لا لا دكتور ايه انا كويسه
يوسف….كويسه ايه بس انتي من ساعت ما جينا وانتي بترجعي
خلود….مفيش والله قولتلك لما دخلتوا البنزينه وشميت ريحه البنزين حسيت ان معدتي باظت بس انا احسن الوقت
يوسف….طيب اغسلي وشك تاني يلا
خلود….خلاص والله انا بخير محتاجه ارتاح بس
يوسف….طيب تعالي يا قلبي خرجها يوسف نيمها على السرير وبعدين خرج من الاوضه ثواني
راح يوسف على اوضه روح وراجح خبط على الباب وفضل واقف ثواني
فتحتله روح.
روح….ايه يا حبيبي
يوسف….صحيتك؟
روح…لا انا منمتش راجح بس اللي نام
يوسف…طيب ينفع تيجي معايا ثواني
روح…حاضر بس في ايه خلود كويسه
يوسف…مش عارف بس من ساعت ما جينا وهي تعبانه ومش مبطله ترجيع مش عارف اطلبلها الدكتور ولا اعمل ايه
روح…بقلق خرجت بسرعه معاه وقفلت الباب مالها فيها ايه.
راح وراها يوسف فتحت روح الباب كانت نايمه على السرير حاطيه ايدها الاتنين تحت راسها ومغمضه
قربت روح منها بسرعه وحطت ايدها على راسها تجسها
فتحت خلود عينها بهدوء
خلود….روح
قعدت روح جمبها❣️
روح…مالك يا حبيبتي فيكي ايه
خلود….ليه قلقتها بس يا يوسف قولتلك اني كويسه والله
روح….كويسه ده ايه انتي وشك مخطوف خالص حاسه بأيه
خلود….والله انا بخير صدقيني كل الحكايه ان يوسف على الطريق حط بنزين ولما شميت ريحته تعبت مع تعب الطريق
روح…..طيب حاسه انك احسن ولا نطلب الدكتور
خلود….والله كويسه مفيش داعي للدكتور بقيت احسن لما رجعت
روح….طيب استني متناميش هنزل اعملك نعناع يهدي معدتك
خلود…ملوش لزوم والله يا روح متتعبيش نفسك انا هنام وابقى كويسه
روح…تعب ايه يا عبيطه متخليهاش تنام يا يوسف
يوسف….طيب خليكي وانا هنزل اعمله
روح….لا خليك جمب مراتك انا جايه حالاً❣️
يوسف….بحب ماشي يا حبيبيتي
نزلت روح بسرعه تعمل النعناع وسابتهم
خلود….قلقتها ليه بس
يوسف…..ماهو انا مش عارف اعمل ايه وقلقتيني عليكي❣️
خلود….بحب ربنا يخليك ليا يا حبيبي❣️
مرت ثواني خلصت روح وطلعت خبطت بهدوء على الباب ودخلت
يوسف كان قاعد جمبها اول ما روح دخلت قام ووسعلها المكان
روح…..يلا يا حبيبتي قومي اشربي كده وهو سخن هترتاحي ودي حبايه للترجيع حلوه اوي هتريح معدتك
خلود…تعبتك يا روح والله
روح…تعبتيني ايه بس انتي اللي تعبتي معانا الكام يوم دول ❣️
خلود….خالص والله ياروح انا كنت مبسوطه اوي❣️
روح…..ربنا يسعدك يا لولو يلا حبيبتي قومي اشربي عشان اطمن عليكي
قامت خلود تشرب وفضلت روح قاعده معاها لحد ما شربت
روح…..بألف هنا يلا نامي بقى وارتاحي
خلود….طيب متسبنيش نايمه كتير شويه وصحيني عشان الغداء
روح….غداء ايه ارحمي نفسك شويه انهارده محدش فينا هيقف في المطبخ
خلود…عشان بابا انتي عارفه مش بيحب اكل بره
روح….لا انهارده مفيش اكل في البيت🤨🤨 هو عارف ان الكل راجع تعبان مجاتش من يوم😒
يوسف….عاجبك كده اهي قلبت على الباشا عشان خاطرك😂😂
خلود…😂😂ربنا يخليكي ليا يا احلى روح❣️
روح…بابتسامه حب ويخليكوا ليا حبايبي يلا نامي وارتاحي وانت خلي بالك منها
يوسف….في عيني متقلقيش❣️
روح ….ماشي يا حبايبي يلا هسيبكم بقى لو تعبت يا يوسف تاني خبط عليا
يوسف….حاضر يا حبيبتي ❣️
قفل يوسف وراها ورجع لخلود نام جمبها وخدها في حضنه❣️
……………..
وصل منذر الڤيلا هو وكاريمان دخل الشنط .
منذر….اطلعي بقى ارتاحي شويه يا حبيبتي انا كمان هطلع انام شويه عشان فاصل
كاريمان….بسعاده طيب تعالى في حضني شويه❣️
ابتسم منذر وخدها في حضنه
كاريمان…..مبروك يا احلى عريس في الدنيا قلبي فرحان بيكم اوي
منذر…ربنا يخليكي لينا يا حبيبتي وتفضلي مبسوطه طول العمر
كاريمان….وجودكم جمبي كفايه عليا والله❣️ بقولك ايه مش عايزاك تستنى كتير بقى من بكره تشوفوا البيت الجديد خلينا يا ابني نرجع تاني نتلم مع بعض
منذر….حاضر يا حبيبتي متقلقيش من بكره ياسين هيشوفلنا كذا بيت وإن شاء الله هنختار واحد يعجبنا
كاريمان….إن شاء الله و اسمعني اي فلوس تحتاجها الخير كتير والحمد لله قولي انت بس عايز ايه وخد من حسابي اللي يكفيك
منذر…ديماً يارب يا امي بس متقلقيش انا معايا وكله تمام
كاريمان….عارفه انه معاك بس متنساش انك ديماً عايز سيوله للشغل وكمان اكيد البيت ده مش هيتباع على طول خد اللي انت عايزه ولما يتباع البيت ده ابقى رجعلي الفلوس اعتبره دين يا سيدي انا مش عيزاك تقصر مع فيروز جبلها كل اللي نفسها فيه
منذر….صدقيني لو احتاجت اي حاجه او لو الفلوس قصرت معايا اكيد هقولك يا ست الكل وانا ليا غيرك❣️
كاريمان….ربنا ما يحرمني منكم ولا من لمتكم ابداً يلا اطلع نام
منذر….ماشي انتي مش هتنامي
كاريمان …انا نمت شويه في العربيه وبعدين النوم طاير من عيني من فرحتي هطلع اظبط الشنط وبعدين هعملك عشاء حلو❣️
منذر…متتعبيش نفسك نبقى نجيب اي حاجه
كاريمان….لا متشغلش بالك المطبخ وحشني وبعدين انا نفسي مفتوحه ملكش دعوه انت
منذر….بضحك ماشي ياستي زي ما تحبي يلا انا هطلع شنطتك فوق
كاريمان….ماشي يا حبيبي.
طلع منذر ودخل على اوضته قلع القميص وفرد جسمه على السرير واتصل بفيروز
بعد كام رنه ردت بصوت واطي
فيروز….الووو
منذر….انتي نمتي ؟
فيروز….لا بس كنت بنيم فيروز وصلتوا
منذر….اه وصلنا لسه داخلين من عشر دقايق وقولت الحقك قبل ما تنامي
فيروز….انا مش جايلي نوم
منذر….ليه؟
فيروز….بابتسامه يعني ممكن تقول مبسوطه شويه🙈
منذر….شويه بس😉
فيروز…..بضحكه جميله لا شويه كتير❣️
منذر….وانا كمان يا حبيبي مبسوط اوي
فيروز….يارب ديماً تكون مبسوط
منذر….طول ما انتي جمبي انتي وفيروز هكون مبسوط
فيروز…بإحراج حبت تغير الكلام طيب احممم يلا روح نام بقى شويه
منذر….بضحك ماشي ياستي بتوزعيني صح بس اعملي حسابك انا هتحمل لحد ما تبقى معايا🤨
فيروز….😂🙈🙈ماشي يا منذر
منذر….بحب تمام يا حبيبي يلا لما اصحى هبقى اكلمك
فيروز….تمام
منذر….بحبك يا فيروز
فيروز….بإبتسامه وانا كمان
منذر…انتي كمان ايه🤨
فيروز…..بحبك🙈
منذر …😉❣️ طيب بلاش وشك يحمر كده هقفل خلاص🤨
ضحكت فيروز….يلا باي😂🙈
منذر….باي يا حبيبي❣️
………….
الساعه واحده صباحاً قلقت شمس حبت تدخل الحمام لمحت سالم نايم على الارض اتخضت وراحت عليه بسرعه
شمس…سالم سالم حبيبي قوم ايه اللي منيمك كده
فتح سالم عينه واول ما شافها اتخض
سالم….عااااا😳 اعوذ بالله
شمس…في ايه انت شوفت عفيرت خضتني
افتكر سالم وجاتله هستيريه ضحح
شمس….ده ايه الجنان ده اللي على الصبح انت نايم ولا ايه يلا قوم اطلع على السرير
فضل فطسان من الضحك وهي مش فاهمه حاجه سابته ودخلت الحمام ثواني وسمع صوتها بتصـ ـرخ وخرجت جري عليه وهو ميت من الضحك
شمس….انت بتستظرف صح ايه اللي عملته في وشي ده😡
سالم…😂😂😂نايمه في نص السرير ومش راضيه تنامي عدل قولت انتقم منك وارجع حقي فاكره يوم الحبر😂😂😂🙈
شمس …بابتسامه طب والله انت رخم🙈🙈🙈حرام عليك قلبي وقع
سالم….حقك عليا والله انا نسيت واتخضيت زيك الوقت😂😂
شمس…احسن منك لله هطلع اللون ده ازاي😭😭🙈
سالم…..😂😂😂اجبلك بنزين😂
شمس…امشي من وشي😡
قام سالم وهو بيلم الفرش وبيضحك وبعدين راح على السرير كمل نوم❣️
……………..
عدى اليوم على الجميع ما بين نوم وشويه يصحوا ياكلوا وبعدين يناموا وفيهم اللي فضل مطبق لحد الصبح
كان يوم متعب على الجميع واغلبه راح في النوم
في صباح يوم جديد صحي الكل على الفطار اتجمعوا كلهم على السفره عشان يفطروا مع بعض وبعدين يطلعوا على شغلهم.
الكل كان بيفطر في هدوء على غير العاده مفيش غير صوت الاطباق لسه التعب ظاهر عليهم
مراد….احمممم امير
بصله امير وهو النوم ظاهر على عينه لسه ايوه يا مراد
مراد…في خبر مش ظريف عرفته ولازم اقولك عليه
الكل بصله بترقب
امير….خبر ايه؟
راجح…خير يا مراد في ايه؟
مراد….صاحبي اللي موصيه يتابع اخبار فاطيما كلمني اول امبارح بليل وقاللي خبر مش حلو عن اهل فاطيما
بصله امير بصدمه وساب اللي في ايده
امير….قالك ايه؟
مراد….والدها ووالدتها للاسف اتوفوا واتدفنوا هناك كمان مكانوش لاقين نور اخوها بس بعد ما لفوا عليه في المستشفيات قدروا يلاقوا للاسف حصلتله إصابه في رجله قويه عمل عمليه وبيقول ان حالته وحشه جداً ومش بيتكلم مصدوم من اللي حصل
فرح وجنه حطوا ايدهم على بوئهم والصدمه كانت باينه عليهم
جلال….انت بتقول ايه يا مراد😳
وقف امير بصدمه….وانت ازاي يا مراد متقوليش من وقتها مستني من اول امبارح عشان تقولي الوقت
مراد….مرضتش انكد عليكم يا امير قولت لما نرجع اعرفك وبعدين انت لو عرفت كنت هتعمل ايه يعني
امير….على الاقل كنت كلمتها يا مراد انت مشوفتش حالتها كانت عامله ازاي قبل ما تسافر واكيد الوقت هي متدمره
فرح….طيب هو قالك هي عامله ايه الوقت🥺🥺
مراد….قالي انها تعبانه طبعاً كانت منهاره بتحاول ترجعهم يتدفنوا هنا بس معرفتش وبعدين هي ملخومه بأخوها مش هتقدر ترجع بيهم وتسيبه لوحده
زيد….لا حول ولا قوه إلا بالله طيب مفيش حاجه نقدر نعملها عشانهم
مراد….مش عارف والله يا زيد بس صاحبي ده ومعاه ناس مش سايبنها وتقريباً هما اللي ساعدوها في إجراءات الدفن و وقفوا معاها
روح…يا حبيبتي يا بنتي ربنا يصبر قلبها و يقويها صعب اوي اللي هي بتمر بيه ده
جلال….احنا لازم نكلمها
مسك امير موبايله وخرج بره على الجنينه وراح وراه جلال
ليلى….طيب هما هيفضلوا هناك؟
مراد…ميتهيأليش يا ليلى مش هتعرف فاطيما تكمل الشغل لوحدها خصوصا واخوها في الحاله دي وبعدين عرفت كمان ان شركتهم هناك اتضرت كتير اكيد هينزلوا بس لما اخوها حالته تسمح
راجح…..لا حول ولا قوة إلا بالله خليك معاهم يا مراد وشوف لو في اي حاجه تلزمهم او نقدر نساعد فيها
مراد…من غير ما تقول يا راجح اكيد مش هسيبهم
في الخارج
اتصل امير عليها شويه وردت واول ما سمعت صوته هو وجلال إنهارت
امير…..اهدي يا فاطيما البقاء لله
فاطيما…..مامي وبابي ماتوا يا أمير ماتوا وانا مش معاهم💔🥺
امير….بحزن ربنا يرحمهم يارب واسف حقك عليا والله ما عرفت غير الوقت
جلال….ربنا يرحمهم يا فاطيما بس انتي اهدي عشان نور
امير…طمنيني على نور يا فاطيما
فاطيما…نور تعبان اوي يا امير رجله حصل فيها كسر وعمل عمليه اول يوم وصل فيه المستشفى على بال لما وصلتله كل ده كان لوحده مصدوم ومش بيتكلم خالص ولا قال اي حاجه
هما قالوا انه بيتحسن والوقت هو قاعد على كرسي متحرك الدكاتره بيقولوا انه هياخد وقت ومحتاج جلسات علاج طبيعي عشان يقدر يمشي زي الاول
امير….هيرجع احسن من الاول يا فاطيما بس عرفيني انتوا هتفضلوا هناك
فاطيما…..لا انا سألت الدكتور عن حاله نور محتاج يفضل ولا نمشي قال انه هيفضل بس كام يوم كمان وبعد كده يقدر يخرج وسالته عن السفر قال عادي لو حابين تسافروا سافروا بس لازم يتابع والحمد لله كان في هنا دكتور مصري وقاللي انه يقدر يسافر العمليه نجحت لو حابين نرجع بعد فتره نعمل العلاج الطبيعي هنا نرجع لو مش حابين هو قاللي على دكتور صاحبه في مصر هنتابع معاه وهو يبلغه اول بأول عن حالته
امير….طيب كويس جداً يبقى ترجعوا يا فاطيما على الاقل تبقوا وسطنا انتي مش هتقدري تتصرفي لوحدك لكن احنا هنا هنبقى معاكي
فاطيما….بدموع طيب ومامي وبابي اسيبهم هنا لوحدهم ازاي💔🥺
جلال…فاطيما مامتك وبباكي الوقت انتي مطمنه عليهم على الاقل عارفه مكانهم بس الوقت نور محتاجك جنبه ومحتاجنا احنا كمان انتي مبقاش ليكي غيره يا حبيبتي فكري فيه انا عارف ان الموضوع صعب عليكي واكيد عليه بس صدقيني البلد عندك مش مستقره وطول ما نور موجود هناك وشايف كل الخراب اللي حصل ده قدامه نفسيته مش هتتحسن استني الكام يوم دول وبعدين ارجعي وكلنا هنكون جنبك
امير…وبعدين يا فاطيما البيت اتدمر لو خرجتي هتهتمي بنور ولا هتفضلي تدوري على مكان تعيشوا فيه صدقيني كده افضل عشان حتى تقدري تتابعي الشغل هنا
فاطيما…..كل حاجه راحت خلاص يا امير المقر بتاع الشركه اتدمر اغلبه والاقتصاد بايظ خالص ناس كتير خسرت كل حاجه هنا
امير….بس ليه في شغلكم هنا يا فاطيما ولازم تهتمي بيه فاطيما لازم تقوي شويه نور محتاجك محدش هيقدر يوقف الدنيا على رجلها غيرك الوقت واحنا مش هنسيبك انزلي انتي بس عشان نقدر ننقذ اي حاجه
فاطيما…..حاضر يا امير يعدي بس التلات ايام اللي الدكتور قال عليهم وهجيبه وانزل🥺💔
امير….ماشي يا فاطيما هنستناكي وهفضل متابع معاكي اول باول وإن شاء الله فتره وهتعدي
فاطيما….يارب يا امير ادعولي والنبي كتير عشان انا تعبانه اوي وحاسه اني لوحدي🥺
جلال….انتي مش لوحدك يا فاطيما كلنا جنبك اتحملي انتي الكام يوم دول ولما ترجعي متحمليش هم اي حاجه
فاطيما….حاضر يا جلال🥺💔
امير….خلي بالك من نفسك ومن نور واي حاجه تحتاجيها بلغيني
فاطيما…..اشكرلي مراد يا امير كتير لحد ما اشوفه صاحبه ومعاه ناس صحابه بجد مسابونيش خالص لحد ما دفنت مامي وبابي وقدرت اوصل لنور
امير…..هبلغه يا فاطيما بس احنا مفيش بينا شكر يا عبيطه خليكي انتي بس في اللي انتي فيه واي وقت كلميني ماشي
فاطيما….حاضر يا امير يلا باي
امير….باي يا فاطيما.
جلال…بتنهيده حزن وجعت قلبي بجد صعبانه عليا اوي
امير….وانا كمان حاسس اني عاجز ومتكتف مش عارف اعملها حاجه
جلال…ان شاء الله تنزل ومحدش فينا هيسيبها
امير….ان شاء الله
دخلوا جوه حكولهم اللي حصل الكل كان حزين عليها وعلى اخوها حتى فرح كانت حزينه بجد ونسيت اي غيره من ناحيتها 🥺
واتفقت مع جلال وامير والبنات انهم يفضلوا معاها و ميسيبوهاش.
الكل راح على شغله.
واليوم مكانش في أحداث كتير
ياسين و منذر طول اليوم كانوا بيتابعوا مع بعض موضوع الڤيلا الجديده كل شويه يبعتلوا حاجه هو وفيروز
جلال عرف رهف اللي حصل مع فاطيما حزنت عليها من قلبها ومقدرتش تكمل مفجأتها ليه وهي وصول والدها و رامي اخوها الصبح بدري كانوا عاملين مفجأه ليها هي و مامتها
كلم جلال رامي وسلم عليه وبعدين خد امير منه الموبايل سلم عليه واتفقوا انهم هيتاقبلوا بليل لو امير قدر ❣️
………..
اما عند البنات على جروبهم الخاص في الواتس.
شمس….بنات بنات في حد هنا
صبا….انا اهو في ايه
خلود….ايه ياشموسه
شمس….انا عايزه اقولكم بس احلفوا انها هتكون سر بينا😍
بمجرد ما كتبت كده دخل البنات كلهم
ملك….سر ايه🧐
تقى…سرك في بير😂
مريم…..خدوني معاكم😂😂😂😂
صبا….اعوذ بالله شوفتي دخلوا لما لقوا فيها سر😂😂
شمس….😂😂😂يموتوا في المصايب بس انا مش هقول ادام البت مريم عارفه انها هتبيعني🙄
مريم….تصدقي عيب عليكي🤨 خساره فيكم الكيك اللي قاعده بخترعه انا وداده زينب وروح
صبا…متصدقوهاش انا قاعده جنبها وهي مطلعه عينهم وبهدلت المطبخ😂
ملك…..هي بتعرف تعمل فنجان قهوه😂
مريم….بلاش انتي يا ام عتريس🤨
ملك….عتريس في عينك😂😂
تقى…ماتسكتوا بقى خلينا نشوف السر🤨 مراد هينفخني لو لقاني مخلصتش الشغل
شمس…سيبيهم سبيهم كملوا رغي😡
خلود…..لا خلاص يلا قولي
شمس….انا حاسه ان انا حامل🙄🙈
صبا…..بجد😳😍😍
ملك…ايه ده الله😍😍😍🙈
مريم…احيه ايه المفجأه دي😍🙈
تقى….يعني ايه حاسه طيب انتي مش متأكده🙈🙈😍
خلود….😂😂😂😂 اسكتوا خلوها تتكلم يابت اتكلمي بدل ما اجيلك
شمس….بصوا البريود المفروض تيجي من اسبوع وبصراحه محبتش اقول غير لما اتأكد هي اصلا الشهر اللي فات جات قبل معادها وكانت ملغبطه والشهر ده حاسه اني مش مظبوطه
صبا….تبقي حامل 😍😍😍
فيروز…..الله مين اللي حامل يا عيال😂
شمس…فيروز اوعي تبعيني انا لسه مش متأكده وعايزه افاجئ سالم😍
فيروز…لا والله مش هقول بس احنا لازم نتأكد طيب
ملك….نتأكد ايه بتقولك بقالها اسبوع لا هي خلاص حامل مليش دعوه 😂😂
مريم…تحسوا ان ملك رايحه رحله😂
ملك ..ايوه طبعاً ليلى خلاص كلها يومين وتولد وهتسيبني انا وصبا لوحدنا لازم حد يدخل بدالها😂
تقى….بت يا شمس انتي مجبتيش تيست حمل🧐
شمس….لا لسه وبصراحه خايفه😭
خلود…خايفه ليه يا هبله جيبي تيست نتأكد وبعدين تروحي للدكتور
شمس….سالم احتمال يعدي عليا ومش هعرف اجيب
خلود…انا هجيبلك وانا جايه متقلقيش
صبا….بقولك ايه انا بكره رايحه للدكتور تيجي معايا😍
شمس….طيب خليني الاول اعمل التيست واتأكد لو طلع في حمل هاجي معاكم.
خلود….بقولكم ايه انا بكره اجازه لو اكيد هتروحوا خدوني معاكم عشان انا عايزه اكشف انا كمان
فيروز…..مالك يا لولو روح كانت بتقول انك تعبانه
صبا…ايوه صح قالت انك كنتي تعبانه بليل
خلود….مش عارفه والله يابنات معدتي تعبانه جداً من ساعت ما دخلنا البنزينه واحنا راجعين من السفر ومش قادره وبعدين انا حاسه اني مش مظبوطه خليني اكشف انا كمان عرفي زيد بقى يا صبا ان احنا هنيجي معاكي عشان ميجيش
صبا….تمام متقلقيش
مريم….احيييييه إلا لو الاتنين طلعوا حامل😂😂😂
ملك…..الله هنبقى اربعه😂😂😂
تقى…..و روح وبابا يطردوكم من البيت كلكم😂😂😂
فيروز…طيب يارب يطلعوا حامل و تحصليهم انتي و مريومه😍😍
صبا….نبقى عاملين زي فيلم عالم عيال عيال😂😂😂
تقى….طيب مريومه ماشي لكن انا صعب شويه❣️
شمس…ليه يا اختي صعب عندك خمسين سنه🤨
مريم…..اوعي يكون مراد مقصر مع بنتنا😉😉😂😂😂
ملك….والله انتي قليله الادب😂😂😂
فيروز…..لا بقولكم ايه انا عمي جامد اوي😂😂😂😍
صبا….حتى انتي بوظتي يا قليله الادب😂😂😂😂
فيروز…الله بدافع عن عمي😂
خلود…..ليه بتقولي كده ياقلبي انتي مش عايزه اطفال ولا ايه يا جزمه
تقى….خالص والله انا نفسي بس صعب شويه يعني عشان امير كبير وممكن مراد وهو يضايقوا
صبا….نعممم انتي عبيطه يضايقوا من ايه ده حقك وبعدين هو مراد طلب منك طلب زي ده
فيروز….مستحيل طبعاً
تقى…لا والله مراد عمره ماقالي كده بس انا اللي خايفه ان ده يحصل وهو يزعل او امير يضايق🥺
فيروز….يبقى لسه معرفتهمش كويس يا تقى طب ده لو حصل خدي بالك ابنك او بنتك اللي هيجوا هيبقوا بونبونايه العيله😍😍😍
صبا…طبعاً ده ابن مراد مش اي حد شيلي الهبل ده من دماغك يا عبيطه❣️
ملك….ان شاء الله تحمل هي كمان سيبكم منها دي عبيطه🤨
تقى…يارب يا بنات ❣️ المهم الوقت نطمن على شمس ولولو😍😍
صبا….خلاص بكره نروح للدكتور سوا كأنكم جايين معايا عادي
خلود…وانا هجبلك التيست يا شموسه
مريم…خليهم اتنين يا لولو عشان نفرح😂😂
خلود….بس يا عبيطه انا قولت تعبانه مش حاسه اني حامل🤨
فيروز….هتخسري ايه هاتي انتي كمان خلينا نتفق عليهم ونفاجئهم والله حاسه انك هتبقي حامل😍
خلود….بضحك خلاص هجيب يا مجانين😂😂😍
خلصوا كلامهم وقفلوا.
في المساء رجع الكل البنات كانوا كل شويه يتكلموا مع بعض وباين عليهم ان في حاجه غريبه بينهم
طلعوا مع بعض فوق في اوضه فيروز
ودخلت شمس الاول تعمل الاختبار وبعد شويه خرجت وهي مصدومه
صبا….ايه😳😳
شمس….حامل😍🙈🙈🙈
البنان فرحوا وفضلوا يباركولها
فيروز….بس وطوا صوتكم هنتفضح😂
مريم…يلا يا لولو ادخلي
خلود…بلاش انا والنبي انا خايفه🙄
ملك…خايفه من ايه يا بت يلا ادخلي
خلود….بصراحه مكنتش حاطه موضوع الحمل ده في دماغي بس كلامكم خلاني اتعشمت وخايفه مطلعش حامل
فيروز…..حتى لو ايه يعني لو محصلش المرادي يحصل المره الجايه يلا بقى😍
دخلت خلود وغابت شويه وبعدين فتحت الباب وهي ميته من العياط
تقى….في ايه ليه العياط ده كله🥺
ملك….عادي يا لولو مش مشكله زي ما فيروز قالتلك لو مفيش حمل الشهر ده ان شاء الله يحصل الشهر الجاي🥺
صبا….اهدي يا هبله 🥺هعيط والله
خلود….بنات🥺 انا طلعت حامل🙈
اتصدموا كلهم ضربوها على كتفها وبعدين فضلوا يتنططوا ويحضنوا بعض
مريم…منك لله كنت هعيط بتعيطي ليه يا هبله
خلود…عشان مش مصدقه ومكنتش حاطه الحمل في بالي اصلا🥺
تقى…الله دول هيتفاجئوا حتت مفجأه🙈🙈🙈🙈😍
صبا….بقولكم ايه انا بقول ادام اتأكدنا تعالوا نفرحهم على العشاء وبكره نروح بردوا مع بعض ايه رأيكم😍
فيروز…..اه ياريت تعالوا كلنا نخضهم الاول وبعدين نفاجئهم😍
خلود….انا موافقه😍
شمس….وانا كمان😍😍🙈
مريم….طيب بقولكم ايه خلوني انا اللي اوقع قلبهم 😂😂😂
صبا….تمام يلا بينا.
نزلوا البنات ساعدوا روح وداده زينب في تجهيز العشاء
في الوقت ده نزل كل الشباب كان امير وجلال موجودين عشان اجلوا خروجهم مع رامي لبكره.
قعدوا كلهم على السفره قامت مريم وقفت
مريم…..بملامح جامده حاولت تمثل عليهم معلش ممكن بس تخليكوا معايا شويه
نادر…في ايه ياجعفر🤨
مريم….معلش عندي خبرين لازم تعرفوهم تحبوا تعرفوهم لما تاكلوا ولا الوقت.
روح….بقلق خير يارب في ايه يا حبيبتي
راجح…مالك يا بنتي في ايه؟
نادر….متنطقي يامريم وقعتي قلبنا
بصت مريم للبنات
مريم…تقولوا انتوا ولا انا اتكلم🥺🙄
زهره…في ايه يابنات ما حد فيكم يتكلم خوفتونا.
بصوا لبعض كلهم و حاولوا يخبوا ضحكهم.
مريم…..شمس وخلود حصل معاهم حاجه وعايزنكم تعرفوها
بصولهم كلهم بقلق شمس وخلود بصوا لبعض والاتنين عينهم دمعت ونزلت دموعهم غصب عنهم لكن وهم مبتسمين
الكل….باصصلهم ومش فاهمين دي دموع فرح ولا حزن
مريم…..احب اقولكم ان شمس وخلود حامل😂😂😂😂😍🙈
بسرعه اتبدلت ملامح الكل من الخـ ـوف للسعاده
روح…..ماشاء الله ماشاء الله بجد ولا بتهزروا😍😍😍
سالم….طيب احلفي كده 😳
يوسف…طب قولي والله😳
فضل الكل يضحكوا عليهم باركولهم والشباب باركوا لاخواتهم بفرحه سعاده راجح وروح مكانتش تتوصف وقضوا وقتهم وهما طايرين من الفرحه😍
نادر…..بتعملي فينا مقلب يا جعفر🤨
مريم….الله مره من نفسي😂😂
روح….عقبالك يارب يا مريومه 😍
مريم…..حبيبتي يا روح😍
ابتسمت تقى بهدوء رغم فرحتها الكبيره ليهم لكن كانت بتتمنى تحمل هي كمان رغم انها عارفه انه صعب 🥺
………………..
في صباح يوم جديد صحي الجميع على صوت صريخ وألم خرجوا كلهم من اوضهم عرفوا ان ليلى بتولد
بسرعه بقوا يجروا و راء بعض وخرجوا بيها من القصر داوود كان مرعوب بس بيحاول يمسك نفسه
وصلوا على المستشفى و اول ما وصلوا مفاتش ساعه وكانت ليلى ولدت وقامت بالف خير هي وبنتها😍
راجح….بحب مبروك يا داوود عشت وشوفت ولادك يا حبيبي🥺
داوود …الله يبارك فيك ويطول في عمرك يا حبيبي ايه رأيك في القمر دي
راجح….كلها ليلى ماشاء الله
روح…..زي القمر ربنا يحميها يارب🥺
مراد…هتسموها ايه يا ابو العيال😉😂
داوود….والله ما عارف يا مراد ليلى اختارت اسامي كتير تفوق بس وتقول استقرت على ايه
راجح….الطفل بينزل باسمه متستعجلوش المهم انهم بخير
الكل كان مبسوط وطاير من الفرحه البنت كانت شبه الملايكه واخده كتير من ليلى❣️
اول ما ليلى فاقت واطمنوا عليها بدأ الشباب يروحوا الشركه وفضل البنات معاها
استقرت ليلى على ( حور )❣️
ليلى….بتعب حلوه يا زهره
زهره….زي القمر نسخه منك يا ليلى والله❣️😍
روح….حبيبه قلبي حمد الله على سلامتك انتي وهي ولادتك كانت ماشاء الله سريعه زي زهره
ليلى….بس طلعت متعبه اوي ياروح كنت همـ ـوت والله🙈
روح…بعد الشر اهي عدت ويومين وتنسى الوجـ ـع وتشتاقي تاني للحمل
ليلى…بابتسامه لا كده حلو اوي❣️
عدت كام ساعه اطمنوا على ليلى وبنتها وبعدين روحهم داوود على القصر
………………….
في الشركه في مكتب قاسم
مسك قاسم موبايله اتصل على زهره
زهره….ايوه يا قاسم
قاسم….روحتوا
زهره….ايوه جينا من ربع ساعه تقريباً
قاسم….ليلى كويسه
زهره…اه بخير الحمد لله
قاسم….طيب بصي يا زهره انا نص ساعه وهكون عندك تلبسي ولو اي حد سألك تقولي رايحه مشوار مع قاسم
حست زهره ان قلبها وقع وجسمها تلج من الخـ ـوف ومبقتش عارفه ترد
قاسم….سمعاني؟
زهره….ايوه سمعاك بس هنروح فين
قاسم….لما اجيلك هتعرفي
زهره…..طيب قولي حتى في ايه🥺
قاسم…..قولتلك لما اجي يازهره يلا اجهزي انا خارج حالا من الشركه
بلعت ريقها بصعوبه …حاضر يا قاسم
قفلت وفضلت حاطه أيدها على قلبها حست ان رجلها بتترعش جامد ومش قادره تقف عليها قعدت على حرف السرير وحاولت تتمالك اعصابها🥺💔
عند قاسم خرج من مكتبه كان وشه ميبشرش بأي خير ومش على بعضه
راح على مكتب زيد كان هو ومراد وسالم ونادر وياسين مع بعض عاملين زي إجتماع صغير بينهم بخصوص الشغل الجديد.
زيد….لا بص كده يا نادر بيتهيألي دي هتبقى مظبوطه اكتر
نادر….اه فعلاً بيتهيألي كده احسن بكتير ولا اي يا ياسين
ياسين…..انا قولت من الاول ان كده افضل سالم اللي كان معترض
سالم….انا كنت معترض لانه كان مجرد كلام على ورق لكن الشغل على الماكيت فارق كتير بجد شابو انا عن نفسي موافق
دخل قاسم في اللحظه دي عليهم بصوا كلهم عليه.
مراد…تعالى يا قاسم
قاسم….زيد هات مفتاح الڤيلا بتاعتك💔
زيد….في ايه يا قاسم
قاسم….اخلص يا زيد وبلاش تناقشني يا تجيبه يا امشي
زيد فهم اللي هيحصل هو ومراد وسالم بصله بقلة حيله
زيد….طيب ياسيدي امسك المفتاح اهو بس اقف لحظه نتكلم
مراد….قاسم بيتهيألي لسه مجاش الوقت المناسب
قاسم….لا يا مراد ده أتأخر كتير وهو ده الوقت المناسب ليلى ولدت والكل ملخوم فيها ومحدش هيحس بحاجه
نادر…في ايه يا جماعه ما تفهونا وقت ايه اللي مناسب 🤨
زيد….طيب استنى انا هاجي معاك
قاسم….محدش يجي انا طلبت منك المفتاح عشان مش عايز اتكلم في البيت واي مكان تاني تبعنا في جيران وناس ساكنه الڤيلا عندك انسب حاجه
سالم….طيب اعمل اللي يريحك بس ورحمه امك يا قاسم بهدوء
ياسين….ماتفهونا ياجدعان في ايه😡
مراد…استنى يا ياسين
زيد….قاسم طيب خدني معاك وهفضل بره مش هتدخل صدقني
قاسم….وانا قولت مش عايز حد ممكن
مراد….سيبه يا زيد روح يا قاسم بس مش هفكرك يا قاسم بهدوء وحط قدامك جنه وعدي.
قاسم…..هز راسه بهدوء وبعدين خرج بسرعه من المكتب.
نادر….هو في ايه هو قاسم زعلان مع زهره
مراد…..يعني حاجه زي كده
ياسين…انتوا بتهرجوا يا جدعان وسايبينه يخرج وهو في الحاله دي😡
انا رايح وراه
سالم….ياسييييين مكانك🤨
ياسين…مكاني ايه ده واخد مفتاح الڤيلا بتاعت زيد يعني في حاجه كبيره هو من امته لما بيتخانق معاها بيخرج من القصر كده في حاجه كبيره ومينفعش نسيبه😡
سالم….انت سمعتني صح اخوك مش صغير هو عارف بيعمل ايه وبعدين هو هيتكلم مع زهره
نادر….في ايه ياسالم ما بردوا ياسين عنده حق كلامكم يدل على ان في مصيبه من امته قاسم بيزعل زهره ومن امته بان عليهم زعل حتى لو اتخانقوا🤨
مراد….طيب اقعدوا وانا هفهمكم
قعدوا قدامه و حكالهم مراد كل حاجه
بعد ما قالهم الصدمه كانت مسيطره عليهم نادر وياسين كانوا حاطين ايدهم على راسهم ومش مصدقين اللي اتقال
نادر….مستحيل🥺
ياسين….اكيد في حاجه غلط مستحيل زهره تعمل كده💔
زيد….كان ساكت طول الوقت وباين عليه الحزن خايف حاجه تحصل بينهم خايف الموضوع ينتهي نهايه مش حلوه
قام وقف مره واحده
زيد…..انا رايح
مراد…على فين؟
سالم….خليك يا زيد عشان قاسم ميضايقش
زيد….مش هدخل بس على الاقل اكون قريب منهم انا قلقان يحصل حاجه
مراد….طيب انا هاجي معاك استنى
زيد…لا خليكم عشان منبقاش كلنا خرجنا وعشان الباشا ميحسش بحاجه انا اصلا مش هدخل بس خليني قريب منهم
مراد…طيب طمنا اول بأول
سالم….لو في حاجه كلمني
زيد….تمام بص لياسين ونادر اللي سمعتوا هنا مفيش مخلوق غيرنا يعرفه مفهوم ولا حتى ملك ومريم مش عايز صوره زهره تتهز قدام اي مخلوق👌
نادر….اكيد يا زيد من غير ما تقول.
ياسين….اطمن يا زيد.
زيد….لو الباشا سأل عليا قولوا اني خرجت مشوار للشغل ولو سأل على قاسم قولوا انه خلص وروح عشان لو داوود محتاج حاجه
مراد….روح انت واحنا هنتصرف
زيد….سلام.
………………..
وصل قاسم كانت زهره جهزت واول ما اتصل عليها خرجت بسرعه كان باين على وشها انها مرعوبه ملامحها بهتانه وشها ابيض.
ركبت جمبه وبسرعه اتحرك قاسم
حاولت تقول اي حاجه كان بيرد على قد الكلام فضلت ساكته وهو كمان فضل ساكت لحد ما وصلوا الڤيلا بتاعت زيد
نزل فتح البوابه ورجع دخل العربيه
زهره…باستغراب هو احنا بنعمل ايه في ڤيلا زيد؟
قاسم…الوقت تعرفي يا زهره يلا انزلي.
نزلت زهره بهدوء كانت حاسه ان خلاص مفيش مفر العشرين سنه مروا عليها في لحظه واللي خافت طول السنين منه جه الوقت اللي تحاسب عليه💔🥺
فتح قاسم الباب ووسعلها عشان تدخل اول ما دخلت هو كمان دخل وراها وقفل الباب
كانت ماشيه بهدوء 🥺
حدف قاسم موبايله و مفاتيحه على اول كرسي قابله بإهمال .
لاول مره تحس زهره انها خايفه من وجودها مع قاسم في مكان واحد
خوفها سيطر عليها لدرجه انها مقدرتش حتى تقوله مالك او في ايه
كانت شيفاه رايح جاي قدامها بيعض على شفايفه بغضب قابض على كفه وبيخبط بيه على كفه التاني 🤨
فضلت متابعاه بعينها وهو رايح جاي
عينها بتروح وتيجي معاه زي عقرب الساعه🥺
خدت نفس طوي وبصت في الارض حاولت تسيطر على خوفها شويه
وفجأه رجعت لوراء بصدمه اول ما شافت قاسم قرب منها فجأه وحط ايده الاتنين على ايد الكرسي🥺
كان موطي عليها و باصصلها ومحاوطها بأيده بين الكرسي😡
قاسم…..سؤال واحد بس هتجنن واعرف إجابته😡
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
