رواية انكسار الياسمين الفصل الحادي والأربعون 41 بقلم أمل مهدي

رواية انكسار الياسمين الجزء الحادي والأربعون

رواية انكسار الياسمين البارت الحادي والأربعون

رواية انكسار الياسمين الحلقة الحادية والأربعون

لا ينشغل بالك كلشي ما بية
مجرد بس اخذت بخاطري شوية
بس انا الأعجبك يوم لو يومين
أرجعلك الضحكة الگتلي موهية
اليثگلن وية غيرك يمك انت اخفاف
احن لشوفتك لو چيلتك بية
إذا مو إلك گلي المن الزلة تطيح
والمن ضام حرورة الحنية
___________________
اميمه _
عفيه عليك سيد اليوم كبرت بعين عمامك كلهم
من عفيت عنهم
سيدعلي_ تنازلت لان ما اريد أأذيهم والحقد يتوارث بين اولادنا
بس عفيت لا گلبي هواي شايل عليهم خصوصا من طلگو
خواتي وهن ما الهن ذنب وطلعن من بيوتهن ودمعتهن
بعينهن
مو بنات سيد حسين اليتعاملن بهل طريقه ابويه الناس
تحلف براسه ربى ونعم ما ربى…….. الله سبحانه وتعالى
يگول بمحكم كتابه ولا تزر وازرة وزره اخرى
اميمه _ ولد عمك ميهم
السيد _ لا يمه يهم شوفي الغربه احسن منهم يوگفولي ويسندوني
اني ما اكرهم بس من يومهم يشوفوني اقل منهم والله شنو
انتي مو علويه… نسو لا يزكي الأنفس الا الله
آلاء _ والله علي مصطفى ويايه زين وما مقصر ويه بيته
سيدعلي _ لو زين مثل ما تگولين جان ما يوميه مزوج ومطلگ تره
اني ادري بكلشي بس ما اريد اسويلكم مشاكل شعوزج
اشو مال وجمال واصل وفصل
وطايعته وتحبي ومريحته شنو يريد بعد الرجال حتى
يثني لو يخون ما اله اي عذر بس گولي انتي زينه ومالي
ايده منج فماخذ راحته وياج
آمنه _ صحيح اني ما اتمنه ينسجن مهيمن بس عمري ما أسامحه
لا هو ولأ عمي… رغم مهيمن تندم… كان ممكن يساير أبو
بين ما تبرد السالفه لو يوگف بوجها وما يرضى
يعاقبنه بذنب غيرنه
صحيح كلامك عمي باقر جان يغار من أبويه ومهيمن
اكتشفته هم يغار منك
سيد علي _ حتى تصدگون همه ورى الحريق قبل يوم موجودين
وشافو البضاعه ترست الوكاله بس اگول حسبي الله
ونعم الوكيل… وعوضي على رب العالمين
ياسمين _ شفت كعدتهم طولت اخذت علاوي وصعدت الغرفتنه
اني لليوم ما شايفه غرفة زينب… شفت الباب مفتوح
صدت عيني عليها غرفه جبيره الأخشاب صاج ضخمه
وكلها نقش بيها بلازمه جبيره ونص طخم على جها
مفروشه زوالي ثنين شي راقي… ليث صعد ينام بيها
وياسه وغيث ينامون يم خالتي
غرفتي مقابيل غرفة زينب دخلت اني وعلاوي
بدلت ملابسه راجعتله شويه وفرشتله بالكاع ينام ما أكدر انيمه
بعيد عني وهيه كم يوم ونرجع البيتنه مجهزتله غرفه بصفي
نام باجر أخذه للمدرسه يمتحن
لبست دشداشه خفيفه وتمددت على السرير
انفتحت الباب ودخل علي…. يباوعلى وضحك
_ عبالي الگاج متحضره غير وعدتيني
_ ليش ما كلتلك……..!!!!
_ شنو….. يحجي وينزع بفانيلته ويتمشه للسرير
_ اني ما اعرف ارگص
_ كف الغطه وتمدد ولف ادي ورايه يحضني
ههههه يعني ضحكتي عليه
_ لا والله طلعت متنازل ومخلص وجاي تريد مني
_ گرص بايده شفاشفي … انتي جايتني شدخلج بيهم اتنازل والا ما
اتنازل انعل لشتهم ولشت باقر شمدخلج
حاضني ويحجي بداعة علاوي مو آلاء دازتج عليه
_ ههههه وشكو بيها كلفتني احجي وياك
_اشلون شكو بيها اني اذا ما اقتنع بالشغله ما اسويها محد يأثر عليه
_حتى اني
_ حتى انتي….. بس مو بكل الامور
_ يعني شلون مافهمت……
_ يعني بأمور شغلي خليج بعيده بس بغيرها يفداج علي واهله
قبل ما يجي عمي باقر انطيت خبر للمحامي يومين
واتنازل عن الدعوه ولو ما يستاهلون بس قهروني اطفالهم
_ شكد گلبك طيب لو غيرك واحد يخسرهم الحترگ كله… عمري شگد اني محظوظه بيك
_ واني محظوظ أكثر… كل ما اباوعلج ما اصدگ لگيتج وصرتي
الي ما اصدك انتي نفسها
ياسمين الگلبي حبها وتعلق بيها وربيتها من هيه زغيره
_ احبج اليوم وباجر والعمر كله
_ واني هم احبك واموت بيك وعليك
_اخذني بحضنه وعيشني احلى شعور
ثاني يوم كعدت من الصبح جهزت علاوي واخذنه السيد للمدرسه
امتحنو كل ادروسه بنفس اليوم صارو عرف ويه السيد يوميه بالمدرسه… ورجعني يم رافع وهو راح الشغله وگالي يجيني بليل
دخلت عليهم ويه الظهر لگيتهم يتغدون
مشتاقتلهم كلهم اولهم رافع حضنته
رافع _ اشلونج ابويه شخبارج
ياسمين _ اني بخير الحمد لله… اشلون المحل وشغله
_ كلش زين قبل يومين دزلنه السيد وجبه مالت قماش
عاشت ايده يختارلنه على ايده
_ شخبار ام حسين…..
_ تجينه بين فتره والثانيه تسأل عنج
_ مشتاقه الكعدتها…. هسه اخابرها
رضي _ بابا شوف عين علاوي ويأشر على اثر الخياط
رافع _ هاي شنو…..!!!! ولتفت عليه عاقد حاجبه
ياسمين _ تنهدت بقهر وحجيتله عن غيث وعداوته ويه علاوي
احس الطفل مترصده وين ما يروح مقيده بالبيت
الباقين كلهن زينين وبالذات خالتي وعلي يكعدو وياهم
من ياكلون
رافع _ هذا يغار على ابو يشوف امه ماكو خطيه تقربي منه انتي
حاولي تكسبي
ياسمين _ حاولت والله مامتقبلنه ابد
راجحه _ لعد عينج على وليدج هو هم خطيه انظلم يريد امه
إيمان _ هسه تطلع امه تعلمه وشويه اشويه السيد يرجعها
ويكعدها وياج
ياسمين _ عبالك كلامها فززني ضجت ما ادري الغيره صحت عندي
رافع _ الله يسامح… العبد ما يسامح
اذا السيد يرجعه خطيه ترجع لاولادها اكيد يفتقدوها
وهما ما الهم ذنب بغلطها
ياسمين _…….!!!! ما بعد رديت عليهم نفسيتي تغيرت من اجيت شكل وهسه شكل
شگول عليج إيمان مواضيعه كلها لازم تأذيني بيها…
المغرب اجه علي رجعت ويا للبيت
سيدعلي _ شكو صاير شي مضوجج
ياسمين _ لا ليش تسال….
سيدعلي _مبين عليج ما مرتاحه….
ياسمين _ لا ماكو شي
رجعنه للبيت وكل شي عادي كعدنه كلنه على سفره وحده… على من ياكل لازم ياسه وغيث ويا حتى لو شبعانين أكثر وقته بالبيت ينطي لأولاده خصوصا من طلگ زينب لليوم
وهسه انضافو بنات آمنه وأولاد آلاء يتقصد يدللهم بالتساوي
كملنه العشه شلنه المواعين للمطبخ احنه نطبخ بس التنظيف على الخادمه بس مرات انساعدها لان البيت جبير وعليه رجل
صفطت المواعين بغسالة الصحون شغلتها وصعدت الغرفتي علاوي فرشتله نام
واني تمددت وكلام إيمان يدگ براسي… اباوع الساعه اتأخر جوه
هاي شبيه افكاري كلها تغيرت…
انفتحت الباب ودخل السيد
السيد _ بعدج كاعده
ياسمين _ ما أكدر انام اذا مو انته يمي…
السيد _ نزع فانيلته وسحب الغطى وتمدد سحبني على ايده
وطفى التيملب اليمه
اي ياسمينتي احجيلي شنو العكر مزاجج اليوم
ياسمين_ هاي بعدك تذكر
السيد _ دارني على وباسني من خشمي كلشي يخصج ما انسا
احجيلي
ياسمين _شي تافه لا يظل بالك
السيد _ لو تافه ما زعجج وغير فرحتج
ياسمين _ باوعت بعيونه….. هم يجي يوم يقل حبك اليه
او تجي وحده تشاركني بيك او…..
السيد _ خله أصبعه على شفايفي….. اش لا تكملين اعرف شنو
تقصدين تسع سنوات ما غبتي يوم عن تفكيري ولا
گدرت انساج لحظه بكل وقت اشتاقلج واتخيلج گدامي
والله ماقصر جابج العندي…
انتي حبج يمشي ويه دمى.. حتى زرعتلج شجرة ياسمين
بالحديقه جنت اشمشم بالورود واتخيلها انتي واكعد
اسولفها عن تعبي واسالها عنج…. لا تشغلين بالج اني بس
الموت يبعدني عنج
ياسمين _ حضنته بقوه اسم الله عليك الله يحفظك ويخليك اليه
ولاولادك….
سيدعلي _
من بعد اسبوع اجه عمي باقر وعمي الجبير ابو منتظر وياهم ولد آمنه ثنينهم واحد بكد ليث والثاني أصغر منه تشوفهم امهم ويقضون العطله يمي
يتشكر ويطلب مني يجيب مهيمن ومصطفى يصالحنه على بعض ويتشكرون مني لان تنازلت عنهم
واحنه مهما يكون ولد عم ونسابه والاضفر ما يتبره منه اللحم
ومن هاي السوالف يردون يصفون الگلوب
واني رفضت بشده اي علاقه ما تربطني بيهم
_ خليني بس وياكم الخاطر ابويه
سيد باقر _ يردون يرجعون نسوانهم اشلون تبقى وعوائلهم مشتته
سيد علي _ والله عمي ما الهم نسوان يمي محد جبرهم يطلگون
و خواتي يخسا اليهينهن واني موجود
نسرين _ تدرون استبرق رجعت الرجلها
آمنه _ منو گلج
نسرين _ زينب اتصلت تشوف جهاله وحجت
آلاء _ يوم اليه وارجع المصطفى
آمنه _ انتي ليش ما عندج كرامه تردين ترجعيله وزوج عليج
آلاء _ مصطفى راح يطلگه لان ما يحبه تورط وياها وحلف يمين
بعد تاب ولتهي بشغله وليش اروح بعيد هذا مو اخونه هم
ازوج على مرته
آمنه _ وانتي اجيبين علي على مصطفى أبو النسوان
وعلي ما تزوج الا لان عايفته زينب وساكنه يم اهلها وامي
محتاره تربي بجهالها
اميمه _ تحجين ويا وهو مطلگج شگد ما تستحين وما عندج شرف
انتي دواج السيد اصبريلي
آلاء _ مصطفى رجعني قبل العده واني اريد ارجعله انتو شعليكم
اميمه _ حتى لو اخوج ما يقبل……..!!!!
آلاء _ يعني شنو تردون اظل كاعده وساكته لو تزوجوني وتجيبون
ابو الجهالي اول وتالي ارجع وراح يجي عمي يحجي ويا
على… أكثر من استبرق والسوته ورجعها رجلها
اميمه _ زينب وستبرق غلطن وتعاقبن بس انتن جارو عليجن
افتهمي صيري مثل اختج لا تصيرين بدون كرامه من
ترجعين كون بزود همه يتوسلون ويترجون
ياسمين _ كاعده بنصهن اسمعهن آلاء ذابحه نفسه لو يوافق السيد
الا أصبح يم مصطفى عجيب هلكد تحبه وما ادري هو
يستاهل هذا الحب منها
علاوي يلعب طوبه ويه الاولاد الحديقه سمعته يصيح
يمه ابني……..!!!
ركضت حافيه للحديقه ماكو احد أفتريت من المطبخ اشوفه يگمز وايده
مطبوگه عليها الباب ومحد يفتحها وين راحو ما ادري… فتحت الباب اصبعين مشلوع الاضافر مالتهن والدم يسيل بغزاره وعلاوي لازم ايده ويگمز من الألم حتاريت ما اعرف شسوي… ركضت نسرين
بالگطن والتعقيم
وهو مفرفح روحه طلعت من الوجع
_ حبيبي غير ادير بالك اشلون انسدت الباب على ايدك
_ گالها وگوه نطقها… هذا غيث سدها عليه
انجنيت هم غيث
_ ليش اتاذي علاوي غيث شمسويلك … حجيت بعصبيه
اشوفه يتوجع هو يبجي واني ابجي محد بالبيت رجال يودي طبيب
نسرين _ انتي ليش على أقل شي تبجين
ياسمين _ لان عمره محد ضربه ما اتحمل احد ياذي
ليث من عرف لزمه وراشديات گوه فكينا من ايده….
أخذته وصعدت الغرفتين عبالي يهده الوجع اشو زاد اتصلت
على علي
السيد _ الو
ياسمين_ متكدر تجي هسه
السيد _ امبينه تبجين اكو شي
ياسمين _ علي بعد ما اتحمل علاوي يتاذه سويي حل… كلتها
بعصبيه
السيد _ هدي حبيبتي شويه واحجيلي شكو
ياسمين _ صورتله اصابيعه ووديتها اله
شوف غيث طبك الباب على ايده
السيد _ تنهد بتعب… حضري ارجع واخذه للطبيب
ياسمين _ حسيته ضاج…. اسفه اتصل عليك وانته بشغلك بس والله گلبي يوجعني من يتاذه….
السيد _ يصير خير ارجع ونحجي انشالله
رجع من شغله رغم تعبان أخذه للعياده مال جراح واحد من اصابيعه مفتوح بنجه وخيطه والثاني بس تضميد وانطاني حبوب مسكنه و حبوب ضد الالتهاب ورجعنه ساكتين ما حجه اي كلمه حسيته ضايج ومحتار بينهم
ياسمين _ ليش ما اروح للبستان… نسكن ابيتنه هناك
السيد _ التفتلي… واعوف بيت بس نسوان بي فهميني المن اصير
لازم انقسم نصين انتي مترهم اعوفج وحدج وهمه اطفال
ونسوان ما ينعافون وحدهم
كلتلج عينج على ابنج غيث صايره عنده ردت فعل من طلاگ
امه…. اموته شسويله علمنه فهمنه ماكو فايده
جان يحجي بعصبيه انهضمت هاي اول مره يصيح بوجهي
ياسمين _ انقهرت مدري عليه مدري على ذوله المساكين الضحية
سكتنه بعد بس حسيته على كد ما هو ضايج على كد ما تعبان
وما طايق روحه
وصلنه البيت نزلنه اخذت علاوي وصعدت للغرفه لان بده يغفي
من المسكن الاخذه
وهو ظل جوه سمعته يصيح رزله مدري ضربه الغيث انقهرت عليه
هو هم طفل تصرفه نتيجة ضروفه
حسيت المشاكل هاي مراح تخلص باوعت العلاوي مستحيل بعد
اتركه وحده لو اعرف اسجنه بهاي الغرفه….. لشوكت هو هم يريد يلعب ويه الجهال… فكرت اعلم علاوي يرد عليه ويضربه لا خطيه ولا اني هذا طبعي… لا احجي ويا واهديله اشياء بلكت يتغير
عندي قصه من افتح الصفحه تشكل القصه أبأشكالها الحقيقيه ومن اسده تنطوي يعني كارتون ملون ما موجوده قليل ليكيتها صدفه بالمكتبه واشتريت العلاوي ثنين… هاهيه احاول والله كريم
خليت راسي يم راسه وغفيت
نمت وكعدت وعلي بعده ما صاعد ولا اني التعشيت ولا علاوي
انفتحت الباب علي باوعلى ودخل ينزع بهدومه
السيد _ اشلون صار
ياسمين _ نايم بجه هوايه وتوجع
السيد _ باوعله وتنهد وراح للسرير تمدد… امبين بعده عصبي
ياسمين _ اجيت اني هم تمددت…. بس لا حاجيته الغيث
السيد _ انعل ابو غيث يابو باقر وبنته منين جايب
هلخباثه ذوله مو اخوانه مسالمين عين الله عليهم
ليش بس هو اعوج
ياسمين_ عرفت ضاربه ماتحملت نزلت بعدهم كاعدين تقربت
من غيث كاعد يم بيبيته ودموعه بعينه
تعال غيث
غيث _رفع كتفه رافض
اميمه _ گوم شوف ياسمين شتريد منك
ياسمين _ تعال اريدك انطيك
غيث _ اجاني متململ يمسح بعيونه
أخذته وصعدت للغرفه دخلته باوع على ابو ورجع على علاوي
طلعت وحده من القصص وكعدته يمي على السرير هاي الك افتحه
غيث _ فتحها ابتسم متعجب
ياسمين _ هاي من علاوي اريدك اصادقه لا تضربه
السيد _……..!!! ساكت يباوع ويدخن عاقد حاجبه مزعوج
غيث _ أخذها اليه
السيد _ أخذها وباجر تعتذر من علاوي وتبوسه واذا ضربته مره
ثانيه انعل والديك
أخذها ونزل يركض….
السيد _ باوع بعيوني… روحي تعشي
ياسمين _ ما اريد قفلت الباب وتمددت على السرير
السيد _طفه الجگاره ولتفتلي اسف لا ازعلين مني صيحت عليج
ياسمين_ اني هم تلگيتك وانته تعبان مبتلى بابني يوميه مشكله
السيد _ ما اريد اسمع منج هذا الكلام ابد علاوي ابني ومسؤليتي
حاله حال أولادي فهمتي….
شويه لمست تغير عند غيث ورغم هذا علاوي تحت عيني احاول ما يكون بعيد عني…. وبديت بكل طلعه اشتريلهم اشيا ءحلوه هدايا
وبالاخص غيث احسه قمبله موقوته احاول ارضى
بيوم نزلت لگيت آلاء فرحانه تحجي بالموبايل سدته وهلهلت
آمنه. _ اشبيج تخبلتي
آلاء. _ مصطفى طلكها المرته….
اميمه _ والطفل مو جابت…
آلاء _ جايبه يم زينب
آمنه _ اي گرت عينج انتي راح اتربي هذا هم مسكين صار ضحية
نزوات مصطفى
آلاء _ اي اربي حاله حال جهالي
اميمه _ تفر بديها…. بس احلفج بتراب ابوج لو صارعندج تعاملي
مثل جهالج وتربي عدل
آلاء _ بس احجي ويه علىي من يجون يرجعني كافي راح
يصيرل سنه
مرت شهرين ورجع اجانه سيد باقر وعمهم الجبير حاولو مره ثانيه
ويه السيد وهلمره قفلو لازم يرجعوهن
السيد _ اني ما اجبرهن اذا يردن ازواجهن يرجعن واذا ما وافقن
بكيفهن
سيد باقر _ صيحلهن اريد انسلم على العلويات على والدتك
السيد _ يمه عمامي يردون يسلمون عليج
وانتي آلاء وآمنه اطلعو يردون يحجون وياجن اني سويت
العليه ترفض وتبقن اشيلجن على راسي انتن وجهالجن
العمر كله تردن
ترجعن هذوله عمامي اطلعن واحجن وياهم
طلعنه سلمنه وكعدنه بس امي سلمت ودخلت جوه ما تكعد وياهم
سيد باقر _ عمي اني جاي ارجعجن على ذمة ولدي الصار ساعة
عصبيه والله غفور رحيم
آمنه _ عمي اني لحد الان مقهوره من مهيمنك والصراحه منك هم
ظلمتنه واحنه ما النه ذنب وطلعنه من بيتنه عبالك
مسويات مكسوره
ابو منتظر _ يجون يوكعون على سيد علي ويعتذرون منجن
سيدعلي _ رفعت أيدي اني ما اريد صلح افصل قضيتي عن قضية
خواتي ولو ما عدهم أطفال فلا يرجعن
سيد باقر _ وانتي عمي آلاء المره الأخذها مصطفى طلگها جانت
غلطه واحنه ولد اليوم
آلاء _ ارجع وألم بيتي من رخصة اخويه علي
السيد _ ابتسمت اني ادري بيها ميته على الرجعه… براحتج هاي
حياتج
سيد باقر _ وانتي آمنه..
آمنه _ اذا ما يرضى عنه اخوي ما ارجعله
ابو منتظر _ واخوج ما يرضى
_ واني ما ارضه
لملمت جنطها آلاء وجهاله وراحت وياهم وولد مهيمن هم لان راح تبدي المدارس
اميمه _ لو رايحه ويه اختج مو احسن اجه عمج عتذر كافي
آمنه _ لا يمه مو كافي اريد ارد اعتباري وعتبار علي وبيت سيد
حسين كلهم دگتهم جبيره واذا همه حركو الوكاله بعد انگس
سيدعلي _ عفيه عليج بنت ابوج صدك
مرت الايام هدوء طيبه تجينه مرات ويه ابو أسد وعلى أساس اترقي المنصب أكبر وبعد وين يطلعون الحمايه وياهم
ونسرين ماخذتها تصنيف
سيدعلي _ حضريلي جنطه بيها ملابسي وحاجياتي الضروريه راح
اسافر للبصره يومين ثلاثه
ياسمين _ ليش شكو البصره……………….. ااا
السيد _ للميناء اجيب قماش
ياسمين _ مو جان يجيك واصل
السيد _ سيوله ماعندي اجيب على گدفلوسي…
ياسمين_ اريد أوصيك على شغله
السيد _ گولي طلباتج أوامر… تردين اجيبلج شي
ياسمين _ مو اليه الرافع انطو رقم مال سياره مال معاقين واني
جمعتله مبلغ يگولون من الميناء اخذوها رخيصه واحنه
ما عدنه احد يعرف بالميناء والسيارات
السيد _ جان يلبس بقميصه أقترب مني تامرين أمر انتي ورافع
واخذ وجهي بين ادي يبوسني راح اشتاقلج
_ واني هم اشلون انام وانته مو بصفي
_ ياشر بايده واني شگول…..
_ فتحت الكنتور وطلعت كيس بي فلوس
_ شنو هذني…
_ فلوس رافع
_ عوفيهن السياره اني اجيبها آله
_ والله رافع ميرضى اخذ الفلوس
_ كلت ما اخذهن ضميه ورجعيهن آله السياره هديه مني
_ بمناسبتيش…..
_ بمناسبة يصير اخو الحب مالتي
_ ما ادري انته ويا
_ لا شغلين هذا راسج الحلو بس بيه
_ كملت الجنطه مالته ودسديتها وفلوس رافع خليته بجيب الستره
الثانيه
_ حضني بلهفه وباس راسي ونزل والجنطه بيده تلگا ليث أخذها
منه وخلاها بالسياره
سلم علينه كلنه وصعد بالسياره صاح على خالتي
ادعيلي علويه
اميمه_ الله يردك النه سالم وغانم…
راح واحس وحشه صار البيت بليا
ثاني يوم صبحنه على خبر وفاة سيد باقر
ورغم كل السوى بيهم كلهم انقهرو خصوصا خالتي وكلهم بيهم طبع حلو يفرشون السجاده يقرون للميت قرآن هديه معلمين حتى الزغار
قرن الجدهن
وآمنه كل شويه آلاء متصله وفاتحه كامره وتراويها الفاتحه والناس
اتصل السيد وطلع عنده علم كال اني برجعتي باجر اروح اعزيهم
كال الفاتحه كلش ضخمه خمس ايام الناس من كل مكان تجي وتعزيهم
سيدعلي _كملت ثلاث ايام بالميناء شحنت الحاويه مال القماش
وسيارة رافع البغداد وبرجعتي مريت بطريق النجف
رحت للفاتحه
المغرب وصلت تلگوني عمامي وولدهم أقاربنه كلهم
كانو موجودين وكلها تشير هذا علي ابن سيد حسين الف
رحمه على روحه حسيت بفخر واني اسمع صيت ابويه
بديت اعزي بالموجودين ومن وصلت مهيمن…. هو بادر
وحضني وكال
اني اعتذر منك وحقك وحق اختك على راسي من فوگ
سيدعلي _ ما جنت ناوي احط أيدي بيده… بس اعتذر والحاله
الشفته بيها شفعتله
البقيه بحياتك
مهيمن _ البقيه بحياتنه كلنه… تعديته وعامر سحبني يمه وولد عمي
ما رضو اطلع الا اخلص ليلتي يمهم بليل الناس خفت بقو
بس الگرايب… اجت آلاء سلمت عليه وبعدين مصطفى
ما نمنه ظلينه الليل كله سوالف وناس تسأل عن ناس ويه
الفجر صليت وودعتهم وطلعت وصلت البيت كلهم نايمين
عطله محد يگعد من الصبح
ياسمين _ شميت عطره كل ضني احلم بس من تحركت صار
وجهي بوجها اخذني بحضنه
سيدعلي _ آخخخ شگد اشتاقيتلج
ياسمين _ حضنته ولفيت اديه على رگبته آني أكثر راح اموت
من شوقي الك
سيدعلي _ اسم الله عليج يريد اهده ماكو
هههههه اسبح وارجعلج….
ياسمين _………!!!!
سيد علي _ اويلي علمشتاقه….. رحت سبحت ورجعت
ياسمين تعبان ومنايم ما اريد احد يگعدني ابد
ياسمين _ مو تدلل غطيته واريد اطفي الضوه وسمعت
آمنه تصيح
يمه… يمه الحگيلي ياسمين
*****************************