رواية أحفاد الطوبجي الفصل العشرون 20 بقلم أميرة أسامة
رواية أحفاد الطوبجي الجزء العشرون
رواية أحفاد الطوبجي البارت العشرون
رواية أحفاد الطوبجي الحلقة العشرون
ما بين لحظات الفرح ولحظات الخـ ـوف
تظل ضربات القلب مسموعه
كالعاده لحظه تهور من جلال كفيله تقلب اي قاعده من الهدوء إلى الجنان
وده اللي حصل بمجرد ما وقع برجله البيت اللي قاسم بناه من الرمل
بسرعه قام قاسم يجري وراه وهو حالف ما يسيبوا فضل يجري وراه وجلال يجري منه لحد ما دخل على البحر وهو بيجري وبعدين نط في المايه وفضل يعوم لجوه وقاسم وراه
الكل فطسان من الضحك عليهم والشاطئ بيتفرج على المجانين اللي بيجروا وراء بعض
فضل قاسم يعوم وراه و لفرق الطول اللي بينهم قدر قاسم يمسكه من كعب رجله و يشده لكن قبل ما يمسكه جات موجه عاليه قدرت تحرر رجل جلال من أيد قاسم حاول يمسكه تاني بسرعه لكن الموج كان عالي جداً وبسرعه جات موجه وراء موجه وراء موجه وكل ما يطلع قاسم منها يلاقي التانيه في وشه و بتخرجه لبره و بتبعد بينهم المسافه
وقبل ما يدخل تاني على جوه جات موجه اكبر و شقلبت قاسم حوالي نص دقيقه تحت المايه
روح وراجح والشباب كلهم كانوا واقفين بيتفرجوا عليهم وبيضحكوا
روح….قاسم بلاش هزار ويلا اخرجوا البحر عالي اوي
زهره….هما راحوا فين؟
مراد…بضحك قاسم اتشقلب تحت المايه الشورت بتاعه باين اهو😂😂
سالم….ضحك عليه وهو بيطلع راسه وبيكح جامد من بعيد قاسم شرب مايه تكفيه سنه ده هينفخ جلال😂😂😂
روح….يا قاااااسم يلا عايزين نرجع جوعنا كلنااااا🤨🤨 هنمشي ونسيبكم
ياسين…..يلا احنا نسبق انا مش قادر وهمـ ـوت من الجوع
راجح…يلا هما هيجوا ورانا
بدأوا يلفوا ضهرهم عشان يرجعوا الشاليه كان قدامهم لكن بعد ما خدوا خطوتين وقفوا تاني يبصوا عليهم لما سمعوا قاسم بينادي🙈
قاسم….جلاااااال جلاااااال فضل قاسم يتلفت بسرعه حواليه شمال ويمين وراه وقدامه باين عليه الخـ ـوف والقلق
جلااااااال فضل يعوم على جوه ويقف يبص حواليه وينادي
الكل اتحولت ملامحه من الابتسامه للخـ ـوف وبسرعه جريوا الشباب كلهم من تاني قربوا من الشاطئ وعينهم على المايه بخـ ـوف
امير…..في ايييييه جلال فين يا قاسم
روح….ابني💔🥺
راجح….جري بسرعه عليهم وهو مرعوب
قاسم…جلااااااال
نط امير وياسين في المايه وبعدهم نطوا الشباب كلهم في المايه وفضل زيد واقف هادي رغم القلق البسيط اللي جواه لكن عينه كانت على البحر والشاطئ زي الردار
روح….جلااااال
في اللحظه دي سمعت روح صوت من بعيد شويه عنها
جلال….قلب جلال😂😂😂
بص زيد وراجح وروح والبنات كلهم على الصوت واول ما زيد شافه ابتسم واتنهد براحه وراح الخـ ـوف في لحظه وبعدين قعد على الرمل
روح…..والله انت ما اتربيت😡
راجح…..انت عارف يا ابن الكلب انا لو مسكتك هعمل فيك ايه😡
جلال….من بعيد ايه🙄
راجح….انت بتسأل مشي عليه راجح بسرعه وفي لحظه كان جري بعيد عنهم وهو بيضحك
خرج الشباب وراء بعض وهما بيضحكوا رغم الثواني اللي عدت عليهم وهما مرعوبين اما امير وقاسم كانوا في شدة غضبهم من جلال.
منذر…..تصدق انت عيل والله😒
جلال….ليه بس يا منذر باشا😂😂
سالم…بص متهزرش عشان لو مسكتك هجيبك نصين 😡
جلال…..😂😂😂والله ما هببت حاجه الموج خرجني على الشاطئ
خرجوا كلهم وفضل قاسم واقف باصص عليه بغضب وحاطت ايده في وسطه ونفسه بيعلى ويهبط كان واصل لاعلى درجه من الغضب والخـ ـوف فضل واقف يحاول يهدأ
روح….اطلع يلا يا قاسم تعالى ده مترباش
رجع قاسم شعره لوراء وخد نفس طويل وبعدين بدأ يطلع وكأنه إعصار لو قرب من جلال هيقضي عليه😡
خرج ووصل عندهم بص لزهره
قاسم….حضري شنطتنا عشان هنمشي حالاً😡
زهره…اهدى يا قاسم اااا
قاسم….انتي سمعتي انا قولت ايه صح😡😡😡
مشي قاسم وهما وراه
مراد….قاسم استنى يا جدع اهدى
قاسم….محدش ليه دعوه بيا الوقت
زيد….قاسم استنى بس في ايه لكل ده
قاسم…..زيد ابعد عني الله يباركلك الوقت عشان انا عفاريت الدنيا بتتنطت قدام عيني الوقت😡
هشام بصوت واطي وضحك منك لله يا جلال الكلب
جلال كان ماشي وراهم من بعيد وبيضحك انا عملت ايه وربنا الموج اللي خرجني😂😂
روح….قاسم قاسم استنى بس يا حبيبي
وصلوا كلهم عند البيت وحاولوا يمنعوا قاسم انه يطلع على الشقه عشان ميمشيش
نادر….ياجدع اقف مجرينا وراك كلنا
قاسم…وسع يا نادر انت وسالم عشان محدش يزعل مني😡
في اللحظه دي سمعوا صوت آهااات جامده بصوا كلهم وراه لقوا امير ضـ ـرب جلال في وشه بغضب
جلال…ااااااه
مراد…اميررررررر😡
زيد…ولا يا اميرررر مسكه زيد ومنذر بسرعه
امير….امشي من قدامي ينعل ،،،،وقبل ما يتكلم كان منذر حط ايده على بوئه
جري مراد على جلال لما شاف دم نازل من مناخيره
مراد….انت كويس
جلال…بتألم كويس كويس يا مراد
مراد…بغضب انت اتجننت😡😡
امير…..بغضب واقف بره يضحك ويهزر واحنا اعصابنا سابت عشانه 😡 ينعل ابو معرفتك يا اخييييي 😡
زيد….شششش بس خلاص الناس بتتفرج علينا
داوود…..ادخل يا امير جوه
امير….مش داخل😡
داوود….ادخل ياااااض😡 ايه هنسمع الناس صوتنا اكتر من كده
قعد راجح على كرسي في الجنينه وفضل ساكت
روح…..راجح انت كويس؟
راجح….كويس ازاي وهما مفرجين الناس علينا كويس ازاي و جلال اسهل حاجه عنده المقالب ومش هامه إذا كان يخوفنا ولا يوقع قلبنا😡😡
حط جلال ايده على مناخيره بألم وبص لراجح
جلال….ياباشا والله انا
راجح…اسكتتتتتت😡 مش عايز اسمع صوتك عشان والله يا جلال انا اللي حايشني عنك الوقت انك المفروض بقيت راجل وعيب امد ايدي عليك😡
زيد….خلاص يا باشا اهدى عشان متتعبش الحمد لله محصلش حاجه
راجح….بعد ايه بعد ما وقع قلبنا مش كفايه علينا واحد راح ايه عايزين تعملوا فيا ايه تاني
كاريمان…..لا حول ولا قوة إلا بالله خلاص يا راجح باشا الحمد لله عدت على خير وبعدين انت عارف ان جلال بيحب يهزر
راجح….الهزار مش في كل حاجه عيب هو مش صغير في حجات تعدي وحجات مينفعش يقرب منها😡
جلال….والله ما كنت أقص….
راجح….قام وقف بغضب انا مش قولت مش عايز اسمع صوووووتك😡
مراد…..ينفع النكد اللي انتوا عملتوا ده يعني احنا جايين يومين نتبسط نقلبها غم كده🤨
قاسم….ولا غم ولا حاجه اتبسطوا انتوا انا سيبهالوا خالص وسع كده انت وهو😡
روح…بحزن وانت كده مش هتقلبها غم يا قاسم
قاسم….روح عشان خاطري سيبيني في حالي عشان الحيوااااان ده وقع قلبي 😡 وانا ماسك نفسي عشان الباشا بس والله ياروح لو مسكته ما هخلي فيه حته سليمه😡
مراد….طيب خلاص اهدى ووحد الله كده مش هخليه يقرب منك لحد ما تهدأ
قاسم…انا مش هقعد مع الحيوان ده في مكان واحد 😡 صدقني يا مراد لو مسكته هبوظ وشه خالص
مراد….بضحك ما الواطي التاني بوظ وشه😂
قاسم…..جدع بس انا هكمل عليه😡
راجح….هاااا خلصتوا ولا نقوم نمشي كلنا ويبقى النكد على الكل😡
زيد….قاسم خلاص عشان خاطر الباشا
قاسم…..ميدخلش البيت خليه واقف زي الكلب بره عشان يعرف ان الله حق😡
جلال….طيب ايه امشي انا طيب🤨
راجح….وهو بيقرب عليه هو انا مش قولت مسمعش صوتك😡😡😡
مراد….بضحك خلاص يا راجح بقى هتعمل عقلك بعقله😂😂🙈 ابعد انت كمان من قدامه
جلال….هو انا نطقت😡
قاسم….لا انطق انطق عشان اقطع لسانك ده خاااالص😡 والله ما انت داخل يا جلال ولو دخلت انا همشي
زهره….خلاص يا قاسم بقى
راجح….امشي يالا من هنا امشي😡
جلال…امشي اروح فين😳
زيد….بضحك 😂😂🙈 يمشي فين يا باشا خلاص بقى اهدوا شويه الموضوع بسيط
راجح…لا مش بسيط وانا كبرت في دماغي بقى هيفضل واقف بره بمنظره ده ومش هيدخل قاسم عنده حق لازم يتربى عشان يبطل مقالب
جلال….طيب دخلني اغير وهغور من هنا خالص😡
راجح…لا خليك بالشورت بتاعك كده😡 ويلا كلوا يدخل مش عايز حد بره
مراد…..خلاص يا راجح امسحها فيا انا
راجح….والله لو ما دخلتوا لا انا اللي همشي مش قاسم😡 يلااااا
زهره…بصوت واطي قاسم اهدى بقى وقول حاجه بهدلتوا جلال بما فيه الكفايه حرام خليه يدخله الجو بقى هواء عليه
قاسم…لا خليه يتأدب ده وقف قلبي عليه😡😡
روح…..طيب خليه يغير هدومه يا راجح وبعدين يمشي لحد ما تهدوا
راجح…رووووح انا قولت اللي عندي😡
داوود….طيب خلاص ادخلوا لحد ما يهدأ هو وقاسم
جلال….بغضب لا يهدوا ولا يتعصبوا انا هغور وأريحكم مني خالص😡😡
راجح…في ستين داهيه😡
روح….جلاااال🥺
مراد….ولا يا جلال انت ياض🤨
رباب….روح وراه يا هشام
راجح….ارجع يا هشاااام🤨 سيبوا
هشام….ايوه بس ده بينـ ـزف يا باشا
راجح….خليه هو اللي جابه لنفسه😡
مراد….ينفع كده اللي عملته ده😡
امير…..انت بتقولي انا الكلام ده يا مراد انا قلبي كان هيقف لما قاسم فضل ينادي عليه وفجأه مبقاش ليه آثر😡
وفي الاخر البيه بيعمل مقلب
مراد….ايوه بس بالهداوه ملهوش لازمه اللي حصل ده كله وفجأه كده كلكم بقيتوا عليه و بهدلتوا قدام الكل
قاسم….وانت فاكر ده بيحس ولا عنده دم😡 مسكته بأيدي و مره واحده اتسحب مني وادور عليه ملهوش آثر كأن البحر اتشق وبلعه😡 خلاني واقف همـ ـوت عليه في قلب المايه والحيوان سامعني بنادي عليه وقلبي بيقف وهو بره بيضحك
زيد….طيب اهدى يا قاسم بلاش العصبيه دي
قاسم…اهدى ايه بس الحيوان ده لو كان جراله حاجه بجد مكنتش هسامح نفسي طول العمر💔🥺
رباب…وحدوا الله يا جماعه ده شيطان والله الحمد لله هو بخير انا عارفه ان غضبكم ده حب ليه بس هو اكيد ميقصدش خلاص بقى بلاش ننكد على نفسنا وبعدين هو مشي وهو بينـ ـزف وبصراحه صعب عليا
راجح…..الهزار ليه حدود يا رباب وموقف زي ده كان ممكن يوقف قلبنا بجد وده طول عمره واخد الحياه تهريج ومقالب لازم يعرف يفرق بين المقلب اللي فيه هزار والمقلب اللي يأذي حد فينا
رباب…انا عارفه والله بس اقصد خلاص اتعصبتوا عليه وهو اكيد حس انه غلط فا نهدى بقى وبلاش ننكد على نفسنا
راجح…لله الامر من قبل ومن بعد حقكم عليا يا جماعه والله مقصدتش اتعصب بالشكل ده ابن الكلب ده وقف قلبي وهو مش قادر يحس بغلاوته عندي💔
كاريمان…..ربنا يخليهولك يارب و مايوجـ ـع قلبك على اي حد فيهم تاني بس خلاص بقى سماح المرادي عشان خاطرنا
راجح…..بهدوء عشان خاطركم انتوا بس بس كمان سيبوا بره زي الكلب كده شويه عشان يعرف ان الله حق
روح….متبقاش قاسي كده يا راجح ده بينـ ـزف والجو هواء عليه🥺
راجح….احسن سيبيه يتربى اهو قلبك ده اللي مودينا كلنا في داهيه😒🤨
مراد….بإبتسامه هو في زي قلب روح ولا حلاوه روح😉
راجح …😏اصتاد في المايه العكره خليني بقى اقوم ابوظ وشك زي ما ابنك بوظ وش جلال🤨
ضحكوا كلهم على غيره راجح اللي مبيقدرش يتحكم فيها مهما كان الموقف.
مراد….😂😂😂شوفتوا نسي في لحظه اللي جلال عمله عشان خاطر عيون روح😂😂😂
راجح….طيب يلا يا اخويا منك ليه جوه واياك خد يخرج للواطي ده وبعدين انتوا مش ناويين تأكلونا ولا ايه انا جعان ايه يا خلود مش هتأكلينا
خلود…بإبتسامه هأكلكم طبعاً انا عملالك انهارده انا وروح حفله شوي كان نفسي تكمل زي ما انا وروح خططنا ليها.
راجح…ياسلام وايه اللي مش هيخليها تكمل الجزمه ده 🤨 يلا جهزوا وخلوه يتجنن من ريحه الشوي الطفس ده ويجي زي الجزمه لوحده🤨
قاسم…خليه يجي عشان اموتهولك😡
راجح…ماخلاص يا ولا 🤨 عملتلك اللي انت عايزه عايز ايه تاني الله
قاسم….😏طبعاً عملت كده غصب عنك ماهو حبيب القلب المتدلع🤨
روح…..انت جرالك ايه هو ناقص تسخين🤨🤨
قاسم…..يعني بذمتك يا روح انتي راضيه عن عمايل جلال زعلانه عليه اوي ومش زعلانه على قلبي اللي وقف ده والله العظيم انا للحظه حسيت ان نفسي بيختفي.
روح…ياحبيبي بعد الشر عليكم يارب ما يوجـ ـع قلبي على حد فيكم ابداً انا عارفه والله انك خوفت عليه بس خلاص بقى احنا من البدايه جايين هنا عشان نكون مع بعض ونتبسط صح وبعدين انت صممت يمشي ويبعد عنك واهو بعد خلاص بقى
قاسم….خلاص يا روح ماشي بس بردوا مش هيدخل غير لما يقف وهو هيتجنن وياكل 🤨🤨
روح…بضحك بردوا سبحان الله نفس الدماغ الناشفه كلكم
راجح…..تقصدي ايه🤨
روح….اقصد انهم طالعينلك 😒 حتى الطيب اللي فيهم اهو في عصبيته بيتحول
راجح…بضحك ايه مش عاجبك😉
ابتسمت روح بحب وبصتله بطرف عينها
روح…لا مش عاجبني😂 سابته روح ودخلت يلا يا خلود غيري عشان نحضر الاكل
راجح….يلا الكل على فوق اياك حد يكسر كلامي و يروحله
طلعوا كلهم دخل زيد معاهم على شقتهم مع امير ومنذر وهشام لحد ما الباقي ياخد شاور.
فضل امير قاعد مضايق وساكت واول ما راجح دخل ياخد شاور مسك أزازه مايه وتيشرت وقام
خرج على بره في نفس اللحظه اللي خرج فيها زيد من المطبخ ومعاه أزازه
زيد…..على فين🤨
امير….بص على الازازه اللي في ايده انت اللي على فين ايه مش خارج بردوا😏
زيد…بضحك سبحان الله يعني ضاربه و عورته وبردوا مش هاين عليك
امير…..طب ما هو مش هاين عليك انت كمان بس انا اللي هيجنني برود الاعصاب اللي كان فيك انا قولت انت اول واحد هتقـ ـتل جلال لقيتك هادي و بتضحك
زيد….خالص والله انا اترعبت بس حاجه جوايا قالتلي انه مقلب اكيد من مقالبه وبقيت ادور عليه على الشاطئ وفعلاً لقيته بره وبصراحه لما شوفت وشوشكم قولت كفايه عليه اللي هيجراله منكم بس متوقعتش انك تضربه😂😂😂
امير…..بحزن وقف قلبي يا زيد والله العظيم فضلت ماسك نفسي بس لما لاقيته واقف يضحك وولا على باله اتجننت عارف لو كان قاللي انه مقلب زي ما على طول يلاغيني كنت استريحت بس اول مره المقلب يكون فيا💔
زيد…عشان تجرب شويه من اللي بتعملوا فينا اهو المقلب قلب جد يا سيدي و اتنكد علينا كلنا😏
امير…..كويس انها جات على شويه النكد دول جلال لو كان جراله حاجه كان زماني مـ ـوت والله يا زيد💔
زيد…..بعد الشر عليكم انتوا الاتنين الحمد لله اهو زي القرد ويلا قبل ما الباشا يخرج يروقنا هتروحله انت ولا اروحله انا🤨
امبر…بابتسامه لا خليني اروحله انا عشان ايدي كانت تقيله عليه وبعدين انا هكسر كلام الباشا واكيد مش هيعديهالي وهيطردني معاه بلاش تطرد انت انهارده بالذات عشان متبوظش المفجأه بتاعت منذر 😂😂
زيد….بضحك لا يلا روحلوا ومتقلقش
مفيش حد هيتطرد انا هظبط الباشا وقاسم 😉
امير….ماشي شويه وجاي
زيد….تمام♥️
طلع زيد وخرج امير بسرعه يشوف جلال فضل يبص عليه حوالين الشاطئ لمحه من بعيد قاعد على الرمل ضامم رجله وساند ايد على ركبته والايد التانيه على مناخيره
فضل يقرب منه لحد ما راح وقف جمبه
حس جلال بخيال جمبه رفع وشه لقى امير باصصله ورافع حاجبه🤨
فتح الازازه من غير اي كلمه وقربها من ايده
امير…..اغسل مناخيرك دي😡
جلال…..😏😏لا حنين اوي مد ايده فضل امير يحطله مايه وهو يغسل مناخيره من الدم
امير…..بغضب بسيط غصب عنك على الاقل انا عندي قلب مش زيك معنديش أحساس😡
جلال…..بقولك ايه انت جاي تسمعني كلمتين وفرهم و إتكل على الله
امير….لا كلمتين ولا تلاته خد التيشرت من على كتفه ولبسهوله في راسه
بصله جلال وكمل لبس التيشرت🤨
امير…. اتاخر كده وخدني جمبك مش قادر اقف على رجلي ياللي منك لله😡
جلال….اقعد يا اخويا انا ماسكك😡
قعد امير جمبه من غير ولا كلمه فضل جلال باصص على البحر وساكت
امير…..بصله 🤨😏 مكنش قصدي اعورك بس انت استفزتني 😒
بصله جلال😒 على اساس لما عورتني سيبتني يعني لولا زيد ومنذر كنت كملت ضـ ـرب
امير…..اه كنت هكمل عليك عشان اتعصبت اكتر لما شوفتك بتنـ ـزف من الضربه واضايقت منك اكتر عشان خلتني مديت أيدي عليك💔 بس والله انت وقفت قلبي يا جلال اول مره اشرب مقلب منك متزعلش يا صاحبي
جلال….ياعم خلاص انت هتقلبها نكد😒 مش زعلان بس على فكره والله انا ما كنت بعمل مقلب المرادي لو الباشا اداني فرصه اتكلم كنتوا فهمتوا الموج فضل يخرجني وشرقت من المايه وبعدتني عنكم طلعت على الشاطئ وقربت منكم لاقيتكم بتنادوا عليا كأني عيل تايهه وقفت اضحك على قاسم كنت فاكره بينادي عليا عشان متعصب مني معرفش انه فاكرني غرقت
امير….والله حتى لو كنت قولت كل ده ما كنت هتقدر تهديهم اصلا الكل اترعب وقاسم كان هيتجنن عليك وعلى فكره بقى لولا البوكس اللي ادتهولك ده مكانش قاسم سكت شويه وهدي كان زمانه مكسر عضمك انا حسيت ان قلبه وقف والله
جلال…كلام في سرك انا خوفت منه😂😂😂😂 حسيت انه اتحول وقولت بس ده ياسين عضه في رقبته وخلاه اتعدى منه بقى اوسخ من ابو لهب 😂
امير….😂😂😂ابو لهب ايه والله ده ياسين برقبته ياسين يا عيني خد الخضه وسكت 😂🙈 قولت بس هيغم عليه زي يوم ما زهره ولدت
جلال….الحمد لله انه مسك نفسه و إلا كان زمانه فاق ونزل فيا ضـ ـرب عشان برستيچه اللي ضاع😂😂😂😂
امير….خضتني عليك يا واطي 😒
جلال…..ايدك تقيله ينعل ابو شكلك😡
امير….احسن عشان تلاغيني بعد كده وتبطل مقالب😂😂
جلال….بردوا يا جدع انت احول بقولك والله ما كنت بعمل مقلب المراد😂😂
امير….بقولك ايه الاكل بيجهز وهيعملوا حفله شوي ومستنينك تيجي تشمشم زي الكلب على الريحه😂😂😂
جلال….شوي من غيري يا اندال انا همـ ـوت من الجوع منك لله يا قاسم عصبيتك سخنتهم عليا😂😂
أمير…متقلقش يا طفس زيد هيضمنك كان جاي عشان يشوفك بس رجعته خوفت الباشا لما يعرف يطرده معاك😂 وهو محضر لمنذر مفجأه قولت حرام خليه يكملها وكده كده انا متعود اتطرد معاك يا واطي 😂😂
جلال….احسن عشان ايدك اللي عامله زي المرزبه دي 😒 بقولك ايه وشي في علامه🙄
امير….ابداً خريطه صغيره في مناخيرك😂😂😂😂
جلال….منك لله 🤨
امير….بقولك ايه خليني اروح قبل ما ابوك يخرج ويكتشف اني مش موجود انا سايبه بياخد شاور وانا الملح بوظ جسمي عايز اخد دش وانت يلا تعالى ورايا.
جلال….طيب روح وشويه واحصلك يكونوا هديوا شويه 😂😂
امير….ماشي 😂😂😂متغيرش مكانك يمكن ارجعلك تاني و اتطرد
جلال…متقلقش مكانك في الحفظ والصون😂😂
رجع تاني امير بسرعه كان راجح خرج من الحمام وراح يصلي و مخدش باله ان امير خرج
دخل امير بسرعه قابل روح في وشه
روح….بابتسامه كنت عند جلال صح
امير….وطي صوتك هتفضحيني عمي خد باله🤨
روح….😂لا متقلقش هو كويس
امير…زي القرد شويه وجاي ورايا
روح…..طيب الحمد لله
امير….بحب باس راسها حقك عليا يا ست الكل مكانش قصدي امد ايدي عليه بس والله خوفني ووقع قلبي♥️
روح…بحب عارفه يا امير واكيد مش زعلانه منك وبعدين انت لو معملتش كده متبقاش بتحبه انا لا يمكن ازعل منك انت ابني وهو ابني وبعدين انت اخوه الكبير وهو يستاهل🤨
امير….بضحك بس بقى احنا ظلمناه ده الموج اللي خرجه بعيد ومكانش فاهم حاجه عشان كده كان بيضحك مكانش يقصد يعمل مقلب
روح…حتى لو المفروض بعد اللي حصل ده ربنا بهديه ويهديك من المقالب دي عشان متفكروش تلعبوا بأعصابنا في حاجه متعلقه بروحكم🥺
امير….طيب بذمتك تقدروا تعيشوا من غير مقالبنا😉
روح…..بضحك اه نقدر يا جزمه انت وهو ويلا ادخل خد شاور عشان كتافك احمرت من الملح😍
امير….ماشي ويلا بقى همـ ـوت من الجوع الريحه فظيعه😍
روح…..على بال ما تاخد شاور وتغير نكون قربنا نخلص ♥️ لو مش قادر هعملك اي ساندوتش
امير….لا ساندوتش ايه حد يشم ريحه الشوي دي وياكل ساندوتش جبنه يلا خلصي بسرعه😍
روح…عيوني♥️
في غرفه رهف وميار
خدت رهف شاور وخرجت نشفت شعرها وفضلت قاعده ماسكه الفرشه بتاعتها وسرحانه وباين عليها انها مضايقه
خلصت ميار شاور وخرجت بصت على رهف
ميار…..رهف ممكن انشف شعري
رهف…اه طبعاً تعالي قامت رهف من على الكرسي وراحت قعدت على حرف السرير
ميار…..مالك يا رهف؟
رهف….مضايقه عشان جلال حسيت انه أضايق
خدت ميار نفس وهي حاسه انها مضايقه من اهتمام رهف لجلال
ميار….انا كمان مضايقه بس كمان خوفت عليه اوي ولحد ما ظهر واطمنت عليه الدقايق دي رعبتني 🥺
بصتلها رهف ثواني
رهف….ميار هو انا ممكن أسألك سؤال؟
ميار…..بصتلها اكيد طبعاً
رهف….هو انتي في حاجه من ناحيتك لجلال.
سؤالها وتر ميار وخلاها ارتبكت بصت بسرعه على المرايه وفضلت تسرح شعرها بسرعه
ميار….اااا لا خالص هو يعني لازم عشان اقلق عليه يكون في حاجه بينا
رهف….لا انا مقولتش ان في حاجه بينكم انا بسأل في حاجه من ناحيتك ولا لأ واكيد طبعاً مش شرط انك تقلقي يكون في حاجه بس يمكن انا حسيت كده
ميار…..جلال قريب مني و غالي عندي بس انتي ليه سألتي السؤال ده
رهف….مش عارفه بس يمكن حسيت شويه ان في شعور من ناحيتك ليه عشان كده حبيت أسأل
ميار….بإبتسامه توتر طيب سؤالك ده وراه مغزى يعني ؟
رهف….بصراحه🙄
ميار….اكيد
رهف…..يمكن زي ما قولتلك هو مجرد شعور بس حبيت اتأكد منه يمكن انا عارفه ان جلال بيعزك و بيتعامل معاكي زي اخته بس حبيت اتأكد من شعورك انتي لاني بصراحه بحب جلال♥️
حست ميار في اللحظه دي ان قلبها هيقف فضلت ساكته ومش بتنطق
رهف…بإبتسامه يمكن انتي اول حد اعترف ليه حتى جلال نفسه ميعرفش أينعم انا واثقه ان جلال بيبادلني نفس الشعور بس كمان خوفت تكوني بتحبيه خوفت اني أوجعك فا حبيت اطمن مش اكتر
ميار…..بإبتسامه كلها كسره حاولت تحبس دموعها على قد ما تقدر لا اطمني يا رهف جلال زي اخويا يمكن بس احنا قريبين من بعض لان سننا قريب ولان شخصيتنا قريبه لكن مفيش اي حاجه تربطني بيه جلال اخويا مش اكتر🙂🥺💔
رهف…براحه الحمد لله ريحتيني يا ميار بصراحه يمكن انا وجلال طول عمرنا اللي رابط بينا صداقه وبس لكن لما سافرنا الفتره اللي كنت باجي فيها اجازات كل مره كنت بحس اني متعلقه بيه بس المرادي الاجازه كانت بجد مختلفه حسيت اني اتعلقت بيه اكتر واني حبيته وجوده معايا كل ما احتاجه أكد احساسي اكتر يمكن محدش فينا اعترف للتاني بس انا حاسه ان جلال بيبادلني نفس الشعور وبصراحه حبيت اتأكد منك الاول لاني مش قادره استنى اكتر من كده وكملت بضحك انا لو فضلت مستنيه جلال يتكلم هكون طاقتي خلصت انتي عارفه شخصيه جلال بيحب الهزار والضحك ومش سهل ياخد موقف جد ابداً عشان كده قررت اني اعترفله😍
ميار….بإبتسامه مصطنعه اطمني يا رهف ولو انا اللي معطلاكي عن الاعتراف ده فا متقلقيش قوليله على الاقل تعرفي شعوره من ناحيتك 💔
رهف…بسعاده اكيد هعمل كده ولو قدرت اعمل كده انهارده مش هستنى انا بس محتاجه فرصه♥️😍
ميار….ربنا يسعدك يا رهف انتي وجلال تستاهلوا كل خير 🙂🥺
رهف…طيب قوليلي انتي مفيش حد في حياتك
ميار…..بإبتسامه انا🙂 لا كان فيه من فتره ومحصلش نصيب💔
رهف….ربنا يسعدك يا ميار وتلاقي نصيبك ♥️😍
ميار…..بتنهيده وجـ ـع يارب🙂💔
رهف…طيب انا خلصت وهروح اشوف فرح وجنه يلا متتأخريش
ميار….حاضر جايه وراكم🙂♥️
بمجرد ما خرجت رهف ميار أنهارت من العياط فضلت حاطه ايدها على بوئها عشان صوتها ميطلعش وفضلت تضغط على قلبها كانت موجوعه جداً يمكن ميار محبتش جلال بالطريقه الكبيره لكن كانت حاسه بوجـ ـع مش قادره تفسره 💔🥺
……………………
في الوقت ده كل اللي كان بيخلص ينزل على تحت الشباب كلهم والبنات نزلوا وقف الشباب بره يظبطوا القاعده في الجنينه عشان يتغدوا سوا و منذر واقف يهوي على الشوي هو ونادر ومريم واقفه تساعدهم
والبنات كانوا بيساعدوا روح وخلود جوه
خرجوا حطوا السلطات وظبطوا التربيزات وكل اللي يطلع من الشوي يحطوا في اطباق والبنات ياخدوا منهم
مراد….اللللللله على الريحه الفظيعه اللي قلبت المكان😍
منذر…ايه رأيك انفع😉
مراد…..تنفع يا بطل الاكله دي والبحر قدامك حاجه كده خيال😍
روح….قول لخلود بقى تسلم ايدك هي اللي متبله الفراخ
مراد…تسلم ايد القمر 😍
خلود…..بألف هنا يارب 😍
تقى….الكفته حلوه اوي يالولو😍😍
خلود…يالهوي على القمر انتي اللي احلى😘😘
مراد…بتاكلي من غيري 🤨
خلود…بضحك دوقيه يا طفسه😂😂
تقى….بس كده قربت الاكل من بوئه
كلها مراد بسرعه وهو مغمض عينه ومستمتع بالطعم
مراد….😍😍😍يالهوي على الحلاوه يلا بقى يا جدعان همـ ـوت من الجوع
روح…يلا اقعدوا خلاص كله خرج 😍
صبا….زيد يلا يا حبيبي عشان ناكل
زيد…جاي اهو يا قلبي
قربت صبا منه
صبا…زيد بقولك ايه
زيد…قولي يا عمري♥️
صبا….انا مش هعرف اكل من غير جلال صعبان عليا🥺 ما تقول لخالو وقاسم بقى وحد يروح ينادي عليه
زيد….امير قاللي انه جاي الوقت متقلقيش وبعدين ايه مش هعرف اكل من غير جلال دي🤨🤨🔪
صبا….بضحك انت بتغير من جلال ولا ايه😂😂😂🙈
زيد…..انا اغير من اي حد على بنوتي😒
صبا….بحب غير من اي حد بس جلال لا انت عارف انه غالي عندي ♥️
زيد….بإبتسامه جميله عارف يا قلب زيد ومتقلقيش الوقت الريحه تجيبه ده طفس هتتوهي عنه😂😂
قعدوا كلهم على التربيزه الأكل ريحته كانت فظيعه والكل كان واقع من الجوع
روح….حطت من كل الاكل في طبق وحطته قدام راجح حبيبي كده كفايه ولا عايز حاجه تاني
راجح…لا كده حلو اوي وبعدين فين طبقك
روح…هاكل الوقت اهو 🥺
راجح….طبعاً هتتجنني على جلال ومش عارفه تاكلي 🤨
روح…على اساس على بعضك اوي ما انا شيفاك عينك على بره كل شويه تبص عليه تشوفه جاي ولا لا
راجح…بإبتسامه مغلبني بس بحبه اعمل ايه طيب بس عموماً الوقت يرجع ولو مرجعش هخلي حد يروح يجيبه يلا كلي
روح…بحب ماشي
زهره….حبيبي عايز حاجه تاني
قاسم….لا تسلم ايدك كفايه ده كتير
زهره…طيب كل عشان الاكل ميبردش
قاسم….بص على بره
زهره…بإبتسامه الوقت يجي♥️
قاسم….هو مين؟
زهره….اللي بهدلته وحلفت ما يدخل البيت😂
سالم….بضحك خليه هما كده يبهدلوا في الواد ويرجعوا يندموا😂
قاسم….رامي ودنك معانا ليه يا سي زفت ما تطفح وانت ساكت😡
سالم…..طيب ماتاكل انت كمان يا اخويا
قاسم…..اطلع من دماغي هزعلك🤨
سالم…..😂😂😂ماشي هسكت خلاص
بدأوا ياكلوا كلهم وكل مجموعه يتكلموا وحبه يضحكوا وحبه يناولوا بعض الاكل وحبه يخطفوا من بعض
ياسين…..في اييييييه هو الطبق بتاعنا في سكر انت ياعم زفت شوف مراتك اللي هتقضى على الاخضر واليابس🤨
نادر…..جعفر😂😂 لا بقولك ايه انا مراتي تاكل من الطبق اللي يعجبها
مريم….باصصلي في الاكل انا قلبي عليكم عيني فيها😒😒
ملك….😂😂😂سيبها تاكل بالهنا والشفا
مريم…..شايف الناس الطيبه😒😒
ياسين….بضحك اعوذ بالله ايه الكوره اللي عملاها دي😂😂😂
مريم….😁😁😂😂 انا جعانه اوي ومش هرد عليك واضيع وقت
ياسين….داخله سباق حسبي الله
راجح…ماتسيبها يا واد هتبوصلها في الاكل🤨🤨
مريم….حبيبي والله🤪🤪
في الوقت ده جه جلال الباب كان مقفول لكن السور حديد يظهر اي حد واقف بره
سند جلال على الباب وهو باصصلهم بصه مرات الاب😂😂🙈
جلال….كلوا كلوا 😒 مطرح ما يسري
ضحكوا كلهم عليه وبخت مريم المايه من بوئها من كتر الضحك
ياسين….يخربييييييت شيطانك🙈 حمتيني
نادر….الله يقرفك يا جعفر😂😂
جلال….كمان ليكم عين تضحكوا
ابتسم راجح غصب عنه وهز راسه شمال ويمين بقلة حيله
زيد…..ايه الريحه جابتك
جلال….الريحه جابتني واهلي اللي من دمي محدش فيهم هان عليه يجي يجبني لا وبياكلوا ماشاء الله ولا كأنهم عاملين حاجه
سالم…..صراحه يا جلجل الاكل يجنن واحنا جعانين مش فاضينلك😂
مراد…..يلا افتح وتعالى كل يا ابو لسان طويل😂😂😂
راجح…..طيب يبقى يدخل🤨🤨
روح ..بصوت واطي والله هزعل منك خليه يدخل ياكل🤨
راجح….استني اربيه الاول
جلال…..مين قالك اني جاي عشان ادخل انا جاي عشان اشوف بعيني اهلي اللي من دمي وهما مش حاسين بيا عشان اتعلم وقلبي يقسى عليكم🥴
رباب….بضحك والله انت مصيبه يا جلال😂😂 خلاص بقى امسحوها فيا انا وافرجوا عنه بدل ماهو عامل زي المساجين كده
جلال…..حتى انتي يا روبي 😒 شايف امك يا اتش بتسخر من احزاني🥴
هشام….اتنيل يا ابو احزان😂
جلال…حقك ما انت قاعد تطفح😒
كلوا كلوا يارب الاكل يكون بايظ
وابقوا شوفوا مين هيجري بيكم
روح….عايزنا نتسمم يا جلال
جلال…..لا انتي لا يا روح انتي حبيبتي
راجح…..رفع حاجبه وبصله امال مين ياض اللي عايزه يتسمم🤨🤔
جلال….بقولك ايه انت مش طردتني ملكش دعوه بيا بقى 😒
راجح…..ايه ملكش دعوه بيا دي يا ابن الكلب وبعدين ادام اتطردت واقف هنا ليه🤨
جلال…والله انا واقف في ملك الحكومه اغلط بقى في الحكومه عشان يشوفوا شغلهم معاك😒
داوود….بيعجبني فيه ان لسانه اطول منه😂😂😂
جلال….خير يا داوود خير يا عمي ياللي بتاكل ولا سائل في ابن اخوك قدرت تبلعها 😒
راجح….يلا ياض من هنا خلينا نعرف ناكل جتك داهيه في شكلك اللي يسد النفس😡
جلال….يسد النفس انا شكلي يسد النفس والنبي اللي عنده كلمه يحتفظ بيها لنفسه ده انا احلى واحد في عيلتكم😒😒
روح حطت ايدها على وشها مكانتش قادره تمسك نفسها من الضحك هي والبنات حتي ميار رغم حزنها مكانتش عارفه تبطل ضحك
زيد….مين ده يالا اللي حلو 🤨
جلال….كلامي مش ليك يا كبير انت اللي في القلب🥴
ياسين….والله خواف 😂😂😂
جلال….خليك في حالك يا ابو لهب ويلا كملوا اكل 😒 متتكسفوش شوفتكم وانتوا بتاكلوا من غيري واللي كان كان
بص على قاسم 😒😒 اضحك اضحك
قاسم…بابتسامه حاول يخفيها لكن معرفش أخفي من وشي عشان مقومش انا ساكت عشان ابوك
جلال….لا يا خويا اتكلم وبعدين هتقول ايه تاني يا ابو قلب قاسي مش خليت ابوك يطردني وقاعد ماشاء الله حاطت طبق يأكل قبيله😒😒 كل كل
قاسم….🙈🙈🙈😂 اكل ما كلش ليه على الاقل اعوض الخضه اللي اتخضتها
جلال….تعوض الخضه يا اخي عيب على طولك وعرضك وعضلاتك قال خضه قال😒
قاسم…طيب تعالى لف يلا عشان تطفح😒😒😒
جلال….لا ياعم شكراً خلي ضميركم يوجعكم وانتوا بتاكلوا من غيري😒
راجح….انت يا واد جبت منين التيشرت ده انت جيت هنا من ورايا
بص امير لجلال 😳 عشان ميتكلمش 🙈
جلال….جيت من وراك ليه وانا حرامي 😒امير حبيبي اللي جابلي التيشرت مهونتش عليه
امير….بضحك حط ايده على وشه الله يخربيتك🙈🙈 يا فضيحه
راجح….انت ياواد كسرت كلامي🤨
امير….بضحك محصلش😂😂
راجح…..اه يا واطي انت كمان🤨
منذر….بضحك خلاص معلش يا باشا حقك عليا انا ولو ليا عندك خاطر سامحه
راجح….بضحكه جميله عشان خاطر منذر بس يلا تعالى كل 😒
جلال….مش عايز منكم حاجه😒
قاسم بضحك قام من مكانه وراح عليه
اول ما شافه جلال ضحك وبعد بعيد
جلال….قرب مني عشان الم عليك الامن واحبسك واشرد مراتك وعيالك😂😂
قاسم…بضحك تحبسني يا واطي ده انا احبس عشره زيك خد يالا🤨
جلال….لا ياعم مش جاي إذا كان امير الكلب بوظ مناخيري هتعمل فيا انت ايه😒😒😒
قاسم…بضحك ياض خد متبقاش خواف مش هاجي جنبك😂😂
جلال….مبخافش على فكره🤨
مراد…..متقدرششش😂😂😂
قاسم…تعالى هقولك بس والله
جلال….قبل ما اجي وربنا ما كنت بعمل مقلب بس انت وابوك مدتونيش فرصه اقول الموج اللي خرجني ولما قربت منكم لقيتكم بتنادوا عليا😒🤨
قاسم….بردوا واطي تعالى ياض اخلص
زيد….قرب يا ابو نص لسان يلا خلينا ناكل
جلال…انا في حمايتك يا زيد انا لسه قايل انك احلى مني😒
زيد…..😂😂😂محصلش بس ماشي تعالى
قرب جلال من قاسم وهو مترقب بوكس من ايده
ضحك قاسم وشده جوه
قاسم…..وقعت قلبي عليك يا واطي😘
جلال….بحب حبيبي وربنا بس بقولك ايه مش وقت مشاعر الله يرضى عنك انا واقع من الجوع وسع كده😡
جري راح قعد مكان قاسم وفضل ياكل وكلهم فطسانين من الضحك عليه
قاسم…..قوم من مكاني ياض😂
جلال…وربنا ما هقوم🥴 كل وانت واقف بقى
كملوا اكلهم وسط هزارهم وضحكهم
بعد وقت بسيط دخل جلال ياخد شاور وشويه وخرج
جلال…انا جاهز ايه ناويين تقضوا اليوم هنا ولا هتناموا يلا خرجوني وصالحوني انا عازمكم كلكم على حساب قاسم🙄🙄🙄
قاسم….😂😂😂بس كده احلى عزومه يا سيدي ولا تزعل نفسك
زيد…..بصلهم 🤨 عزومه ايه وخروج ايه صباح الفل هو الصنف ايه
قاسم…بضحك اوباااا نسيت 😂🙈
جلال….وانا كمان اسف يا كبير😂😂😂
منذر…..ايه مش هتخرجوا ولا ايه لسه بدري
زيد….هنخرج طبعاً ونسهر واللي عايز يروح اي مكان براحته بس مش الوقت في موضوع كده عايزكم كلكم فيه بما اننا متجمعين
منذر…..طيب تمام خير موضوع ايه
بصله زيد بصه كانت غريبه على منذر حتى لهجته خلت منذر استغرب
زيد….هقول يا منذر متستعجلش خلينا بس نطلع الاول على الروف😒
منذر….🤨🙄 ماشي زي ما تحب
زيد….يلا يا جماعه نطلع على فوق كلنا و معلش هتعبكم شويه
طلعوا كلهم وأستاذن منهم زيد خمس دقايق دخل الشقه اللي هو قاعد فيها وراح على اوضته ومعاه صبا
زيد….العلبه فين يا صبا
صبا….في درفتك بس بقولك ايه براحه شويه على منذر حرام عليك حسيته مستغربك اوي وانت بترد عليه😂
زيد….سيبيه خليني الاعبه شويه😂 وبعدين عشان يبقى يخبي عليا اوي انه بيحب اختي فاكرني مش هعرف🤨
صبا…..الله يعني هو حلو ليك ما انت كمان خبيت😂😂😂
زيد….بضحك بردوا مش هعتقه انهارده منذر بتاعي 😂😂😂
صبا…والله انت مفتري 😂😂😂
زيد….اوي 😂😂يلا بينا😉
صبا….يلا بينا😍
طلع زيد وهو ماسك ايد صبا
الروف كان شكله يجنن بجد والكل معجب بيه جداً معمول كله من الرخام
في تكعيبه من الخشب نازل منها ورد ابيض بشكل حلو ومبهج ومن نفس الورد محاط بالسور بالكامل مع وجود لمبات صغيره المكان كان شكله عامل زي قاعات الافراح لكن بشكل هادي وشيك ويخطف القلب في وسط الروف كان في تربيزه كبيره عليها مفرش ستان ابيض و ثلاث فازات نازل منهم نفس الورد الابيض وكراسي على عددهم وموسيقى هاديه متناسقه مع المكان والبحر وصوته اللي جاي من بعيد كلهم كانوا مبهورين بجمال الروف والتنظيم وطبعاً كانوا فاهمين سبب التجمع حتى رباب وهشام ورهف عرفوا كل حاجه الوحيد اللي مكانش عارف ولا فاهم هو منذر كان مستغرب الشكل والتنظيم كأن في فرح لكن معلقش وتخيل ان دي تجديدات للشاليه حصلت من فتره وهو مشافش التغييرات دي لانه بقاله كتير مجاش ولما كان بيجي مكانش بيطلع الروف.
زيد…أسف على التأخير
مراد….ولا يهمك يا وحش مستنينك😉
زيد….طيب يا شباب في البدايه كده قبل اي حاجه عايز الكل قاعد في مكانه
قعد امير وجلال وهشام وكل بنت من البنات راحت قعدت في مكان فاضي
على رأس التربيزه كان راجح و في المقابل ليه مراد
وقف زيد جمب صبا خلف الكرسي بتاعه
زيد….قبل ما ابدأ كلامي احب استأذن من الباشا ومراد وداوود وقاسم اني ابدأ كلامي بالنيابه عنهم♥️
مراد…عيش يا زيد
راجح…..بإبتسامه فخر هز راسه لزيد♥️
زيد….في البدايه يمكن انتوا مستغربين انا جامعكم هنا ليه اولاً انا عندي موضوعين مهمين واحد حلو وده هسيبه للباشا بعد ما اخلص كلامي والتاني يعني مش اوي او بمعنى اصح هو يخصني انا عشان كده حبيت ابدأ
الكل كان باصص على زيد الابتسامه مرسومه بفرحه على ملامح الكل كل بنت ماسكه في ايد جوزها بفرحه 😍
زيد….الموضوع اللي يخصني هو يخص بردوا منذر
بصله منذر ورفع حاجبه🤨
زيد….كلكم عارفين منذر بالنسبالي ايه هو مش صاحب ولا اخ منذر بالنسبالي اكتر بكتير
ابتسم منذر بحب ولسه باين عليه الاستغراب
زيد….انا ومنذر طول عمرنا ضهرنا في ضهر بعض عمرنا ما اتفرقنا اتقاسمنا في كل حاجه اتقاسمنا في اكل وشرب وفلوس وفرح وحزن في الشده وفي الصعب والسهل حتى المكان اللي كنا بنرتاح فيه وقت ما الدنيا تدينا ضهرنا
ومش بس كده يوم ما چورچ صاحب العوامه قرر انه يتنازل عن العوامه بعد مرضه اتنازل ليا انا ومنذر وكتب المكان بأسمنا وكأن القدر حالف ما يفرقنا اتقاسمنا في كل حاجه ممكن تتخيلوها حتى النفس اللي كان بيخرج مننا كان مقسوم بينا♥️🥺
واللي كان غريب بالنسبالي اننا نتقاسم مع بعض نفس وجـ ـع القلب💔
بصله منذر وهو عينه مدمعه🥺
زيد….العلاقه اللي بيني وبين منذر صعب اي حد يقدر يوصلها طول عمرنا بنفهم بعض بنظره يمكن كلامنا قليل لكن نظراتنا طول عمرها بتحكي اللي لسانا عاجز ينطقه🥺
في عز وجعي كنت اكلمه اقوله عايزك
يجيلي ويستنى اني اتكلم ولما يلاقيني ساكت يحترم سكوتي بس من غير ما انطق كان بيفهم اللي انا عايزه وانا كمان عمري ما فكرت اقوله احكيلي اللي مخبيه عني يا صاحبي لاني كنت ببقى عارف انه مش محتاج مني غير اني ابقى جمبه حتى لو مش هيتكلم
بإختصار اللي بيني انا ومنذر كبير اوي عمري ما زعلت ولا هو زعل مني♥️
بص زيد لمنذر وسكت ثواني وساد الصمت بين الجميع
دموع فيروز كانت نازله بصمت مش هي بس هي والبنات وده خلى منذر يقلق اكتر🥺
منذر….في ايه يا زيد؟
زيد….زعلتني ليه يا صاحبي؟
بصله منذر بصدمه وفضل يبص للكل 😳 انا زعلتك يا زيد طب زعلتك في ايه انا عمري ما اقدر ازعلك
زيد…بإبتسامه رفع حاجبه متأكد🤨
منذر….اه متأكد بس مستغربك بتقول كلام حلو بس بردوا حاسس ان في حاجه مريبه بتحصل
زيد….طيب خبيت عني ليه؟🤨
منذر….خبيت عنك ايه انا طول عمري كتاب مفتوح ليك وزي ما انت قولت لو في يوم مقدرتش اتكلم انا واثق انك كنت بتبقى فاهمني🥺
زيد….بإبتسامه جميله صح فاهمك اكتر من نفسي لدرجه اني لما كنت اوقات بحس اني ضايع ومش فاهم نفسي كنت ببصلك وبسرعه بلاقي نفسي اللي تايهه مني.
منذر….امال ايه اتكلم يا زيد وقعت قلبي.
زيد…..هتكلم يا منذر بس خليني اوقف كلامي لحد هنا واخلي الباشا يقول الاول اللي عنده وبعدين نرجع تاني لموضوعي معاك عشان الناس دي تحكم بينا🤨 بس قبل ما الباشا يتكلم
عايز الكل يبارك لفيروز😉
ابتسمت فيروز ونزلت وشها تحت وفضلت دموعها تنزل صبا كانت ماسكه ايدها بفرحه😍
وكاريمان مبسوطه رغم دموعها اللي نازله الكل بارك لفيروز
وفضل منذر تايهه قلبه مخطوف ومش فاهم
منذر….معلش بس لحظه يباركوا لفيروز على ايه انا مش فاهم حاجه؟
زيد….معلش يا صاحبي بقينا تعادل الوقت وزي ما خبيت عني انا كمان خبيت عنك او بمعنى اصح حبيت اعملها مفجأه واقول اللي يخص فيروز لما كلنا نتجمع بصله وسكت ثواني وراح وقف في ضهر فيروز حط ايده على كتفها♥️
مسكت فيروز ايده بحب 🥺♥️
زيد….بارك لفيروز يا منذر فيروز متقدملها عريس ووافقت عليه😉♥️
صدمه وقفت قلبه وحس منذر ان الدنيا بتلف بيه و سحابه سوده ظهرت قدام عينه منطقش كل اللي كان بيعمله يبص على فيروز وعلى زيد وعلى وشوشهم اللي مليانه فرحه حتى أمه كانت مشركاهم الفرحه 🥺
الشباب كلهم كانوا بيحاولوا يخفوا ضحكتهم رفعت فيروز عينها براحه تبص عليه لمحت في عينه وجـ ـع كبير نظراته متثبته عليها 🥺
زيد…كمل يا باشا موضوع فيروز عشان ارجع لموضوعي
ابتسم راجح بحب كان صعبان عليه شكل منذر محبش يتعبه اكتر من كده
راجح…..طيب صلوا على محمد
الجميع…..صلى الله عليه وسلم
راجح…..طبعاً يا كاريمان هانم انتي ومنذر محدش فيكم ممكن يعترض على جواز فيروز خصوصاً ان هي موافقه واحنا موافقين
كاريمان….طبعاً♥️
راجح…..وعارف كمان ان فيروز زي بنتك و هتفرحلها من قلبك😉
كاريمان…..اكيد وفرحتها من فرحتي🥺
راجح….زمان قالوا ايه بقى؟
كاريمان….ايه
راجح…..قالوا اخطب لبنتك ولا تخطبش لابنك
منذر كان بيبصلهم بصدمه زيد والشباب كلهم بيضحكوا ومبسوطين طيب لو هما فرحانين ازاي زيد وامه يفرحوا💔
راجح…..عشان كده انا خطبت لبنتي وبنتي وافقت وام العريس موافقه واظن ان عريسها كمان موافق ولا ايه يا منذر😉
منذر مكانش معاه ضربات قلبه عاليه جداً عينه على فيروز وفشل فشل زريع انه يخبي حبه لفيروز لاول مره اللي كان واضح للكل وفشل انه يخبي حزنه
راجح….منذر منذر
الكل ضحك بصله زيد بحزن وفرحه وابتسامه وعيون مدمعه غصب عنه مقدرش يمسك نفسه اكتر من كده وراح وقف جمبه حط ايده على كتفه
زيد….ايه يا صاحبي رد على الباشا😉
بص منذر على راجح حاول يطلع صوته بالعافيه
منذر…..نعم
راجح…..بسأل عريس بنتي موافق؟
منذر….بإستغراب بصله وهو مش فاهم حاجه الصدمه فقدته التركيز يعني ايه؟🥺
راجح…..قولت ان بنتي موافقه على عريسها وان ام العريس كمان موافقه وعارف ان العريس موافق بس مستني اسمعها منه وبسألك قولت ايه يا عريس
بصله منذر بصدمه😳 بص على فيروز اللي مبتسمه ودموعها نازله ووشها احمر من الخجل بص على امه وعلى زيد كان بيتلفت على ملامحهم بسرعه
كاريمان…..بدموع موافق يا عريس🥺
بص منذر على زيد لمح زيد دمعه هتخون عين منذر بسرعه قرر انه يخبيها وشد منذر من دراعه في حضنه🥺🥺🥺
حضنه منذر بكل قوته ووقف الشباب كلهم حواليه وهما متأثرين بالمشهد اللي حصل قدامهم
زيد…رفع وش منذر بحب مبروك عليك حب عمرك يا صاحب عمري🥺♥️
منذر….حرام عليك🥺♥️
ابتسم زيد ورجعوا بسرعه حضنوا بعض
بكل قوتهم الشباب باركوله والبنات باركوا لفيروز وحاولوا يهدوها المشهد كان مؤثر بجد ويحبس الانفاس
حضنت كاريمان منذر بحب وباركتله وقربت منه روح خدته في حضنها
وبعد المباركات الجو رجع هدي تاني ورجع لمنذر روحه اللي كانت بتتسحب منه
راجح…..انا بردوا لسه مسمعتش بودني رغم اني بيتهيألي مش محتاج بعد اللي شوفته ده اني اسمع♥️ قولت ايه يا عريس بنتي
منذر…..بص لفيروز بوجـ ـع وحب يكفي العالم ويفيض يمكن القاعده دي اتمنتها كتير اوي وعمري ما تخيلتها تحصل بالشكل ده يمكن اتمنيت كتير اوي اني انا اللي اطلب الطلب ده بس مكانش من حقي فا مينفعش بعد كل ده تسألني عن رأيي🥺
ابتسم راجح وقام خد منذر في حضنه طبطب على ضهره وهمس في ودنه
راجح….طول عمري بعتبرك ابن ليا والنهارده بقيت ابني اللي هياخد حته من قلبي وانا كلي رضا وسعاده♥️ مبروك يا حبيبي
وقف زيد جمبه واول ما منذر رفع وشه كانت ايد زيد بسرعه بتمسح دموعه 🥺
زيد…..حاجه بقى اخيره الكل كان عارف من قبل ما نيجي هنا اللي انا ناوي عليه جهزت كل حاجه من غير ما انت تعرف كنت مستني اشوف فرحتك دي يا منذر وعشان الفرحه دي تكمل زي ما انت عايز مقدرتش انسى اهم حاجه♥️
طلع من جيبه خاتم ألماظ وفتحه
زيد…..عارف انك لو تعرف كنت هتجيب احسن حاجه في الدنيا بس انا كنت عايز افاجئك وبما اني انا وانت واحد فا الخاتم ده هديه جوازكم عشان افضل انا شريك في الفرحه دي طول العمر
ابتسم منذر بحب وحضن زيد 🥺♥️
زيد….🥺يلا بقى ياعم اخلص خد الخاتم وروح لبسه لفيروز و لا ارجع في كلامي🥺♥️
ضحك منذر من بين دموعه خد منه العلبه وهو متلغبط لاول مره ميبقاش عارف يواجهه عيون فيروز♥️🥺
حط زيد ايده على كتفه وراح بيه قدام فيروز
بصلها منذر وابتسم بهدوء ومبقاش عارف يعمل ايه او يقول ايه
زيد….انت هتفضل ساكت كده يلا قولها موافقه 😉
منذر….بحب ووجـ ـع🥺 تقبلي يا فيروز تكملي معايا اللي جاي و تعوضيني اللي راح🥺♥️
بصتله فيروز وهي دموعها نازله
فيروز….بصوت مهزوز من الدموع أقبل يا منذر 🥺♥️
وكأنها ليله تحقيق المعجزات واول معجزه بالنسباله روحه اللي ردت في قلبه بعد إعلان موافقتها صريحه قدام الكل ♥️
الكل فضل يسقف ويصيح والشباب تصفر الدموع بتنزل والابتسامه مرسومه على ملامح الكل♥️
لبسها منذر الخاتم و باس أيدها وقرب من جبهتها طبع عليها قبله طويله بتحمل معاها وجـ ـع السنين🥺♥️
وبعد ما بعد عنها حاول يتمالك اعصابه و بص لزيد بحب وقدام الكل اتكلم
منذر…..عمري ما قولتلك عن اللي في قلبي ولا انت قولت اللي في قلبك بس انا كنت عارف اللي في قلبك و انت كنت عارف اللي في قلبي يمكن وقعت قلبي الوقت يا صاحبي وشربت المقلب بس هيفضل المقلب ده احلى مقلب في عمري طول عمري بقولها يا زيد قدام الكل يا بخت اللي انت في حياته
بس انهارده جه الوقت اللي اقولك فيه يا بختي بوجودك في حياتي يا عشره عمري🥺♥️
ابتسم زيد بوجـ ـع وبسرعه حضنوا بعض
الكلام أختفى و فضلت.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
