رواية أحفاد الطوبجي الفصل التاسع عشر 19 بقلم أميرة أسامة
رواية أحفاد الطوبجي الجزء التاسع عشر
رواية أحفاد الطوبجي البارت التاسع عشر
رواية أحفاد الطوبجي الحلقة التاسعة عشر
🔥 سفر🔥
خرج داوود من اوضته معاه شنطه خاصه بيه هو ليلى.
يوسف….ايه خلصتوا
داوود….ايوه بس ليلى بتلبس و بتجهز نفسها
يوسف…في شنط تاني ولا خلاص؟
داوود…لا هي شنطه واحده
يوسف….طيب هات انا هنزلها
داوود….امسك على مهلك يا بطل.
نزل يوسف بالشنطه وداوود وراه خرج يوسف على بره بالشنطه
داوود….ايه يا شباااااب الفجر فاضل عليه ساعه عايزين ننجز شويه
مراد….انا و تقى مخلصين و مستنين كمان
نزل زيد من فوق هو وصبا
زيد….من بعيد وانا كمان خلصت ورايح اشوف منذر قاللي انه داخل علينا
داوود….طيب كويس جه بدري انا قولت هيتأخر
زيد….لا خلاص وبعدين مفيش غيره هو وكاريمان هانم المهم شنطكم خرجتوها
مراد…اخر شنطه بتاعت داوود ويوسف خرجها الكل اصلا منزل شنطه من بدري
زيد…طيب تمام هروح اشوف منذر
مراد….خدني معاك
زيد….حبيبي هشوف منذر نادي على روح تيجي لكاريمان هانم.
صبا….حاضر يا زيد
خرج زيد هو ومراد كان منذر ركن العربيه و بينزل كاريمان
زيد….ما لسه بدري يا منذر يا باشا🤨
منذر….يا مفتري ده انا جاي قبل معادي بساعه كمان
مراد…سيبك منه يا منذر انت مواعيدك زي الفل هما لسه جوه بيجهزوا اصلاً
منذر….شايف الناس الحقانيه🤨🤨
قرب مراد من كاريمان باس ايدها
مراد….اهلاً كاريمان هانم
كاريمان…ازيك يا مراد
مراد….بخير الحمد لله منوره الدنيا
كاريمان….الدنيا منوره بيكم يا ولاد والله
مراد….تعالى ياواد هات بوسه
منذر….بوسه واحده بس ❣️
قرب زيد من كاريمان باس ايدها
خدته كاريمان في حضنها
كاريمان….عامل ايه يا حبيبي
زيد….زي الفل تعالي يلا ادخلي جوه روح والبنات مستنينك
كاريمان…..رباب جات ولا لسه
زيد….لا لسه بس زمانهم على وصول
خرجت روح في الوقت ده
روح….اهلاً اهلاً😍
كاريمان…..اهلاً بالقمر بتاعنا
سلموا على بعض كلهم ودخلت روح و كاريمان جوه.
زيد….تعالى بقى هات شنطتك كده حطها معايا في العربيه
منذر….ما تخليني بالعربيه بتاعتي وخلاص عشان المكان
مراد ..ياجدع هي زحمه عربيات ايه ماشيين في موكب الرئيس🤨
منذر….خلاص ياعم مراد كلامك اوامر😂😂
زيد…نزل انت الشنط بقى و روح انت دخل عربيتك جوه خالص
منذر …ماشي
بعد كام دقيقه نزل كل الشباب من فوق و خرجوا بره في الجنينه وقفوا مع زيد ومراد ومنذر ظبطوا كل حاجتهم وعرفوا مين هيركب مع مين
………….
في الداخل كل واحده من البنات كانت بتعمل حاجه قفلوا أوضهم ونزلوا تحت وقفوا مع خلود كانت من بدري واقفه بتجهز اكلات سريعه ياخدوها معاهم في الطريق
روح….خلود روحي انتي يلا يا حبيبتي خدي شاور بسرعه وألبسي واحنا هنقفل كل حاجه
خلود…..حاضر يا روح احط بس الحاجه انا مش باخد وقت انتي عارفه
ليلى….ايوه بس انتي تعبتي يا حبيبتي من الصبح مقعدتيش سيبي الباقي احنا هنظبطه
خلود…انا مش تعبانه والله انا بس خايفه تحطوا الحاجه دي مع باقي الاكل اللي هناخده هناك
ليلى….لا متقلقيش احنا عارفين هنحط كل حاجه فين متشغليش بالك انتي يلا اطلعي بقى انتي شنطتك نزلت صح
خلود…ايوه يوسف نزل كل حاجه
ليلى…طيب يلا اطلعي انتي بقى
خلود….تمام مش هتأخر❣️
روح…..فرح روحي نادي على الشباب يجوا يخرجوا الحاجه بتاعت الاكل بره في العربيه.
فرح….حاضر يا مامي.
خرجت فرح نادت عليهم دخل امير ويوسف وياسين ونادر حولوا كل حاجه خلود اشترتها في عربيه من العربيات
وبعد كده حطوا الاكل اللي هياخدوا معاهم في الطريق في عربيه يوسف
وصل اخيراً هشام ورباب ومعاهم رهف.
روح….ده ايه المواعيد المظبوطه دي
رباب….لا متكلمنيش انا على المواعيد هشام ورهف اللي اخروني انا جاهزه من بدري
سلمت عليها روح وهي بتضحك وبعدين سلمت على كاريمان
منذر كان واقف عينه على الباب مستني فيروز تظهر من ساعت ما وصل منزلتش ومش قادر يسأل عنها
لمح الناني خارجه وشايله فيروز الصغيره ابتسم وراح عليها خد منها فيروز.
منذر…اهلاً اهلاً بالبرنسيس بتاعتي😍
شالها منذر وحضنها بهدوء وراح بيها على كاريمان.
منذر…شوفتي القمر ده😍
كاريمان…اهلاً بحبيه قلب نناه ❣️
دي نايمه خالص
منذر…..الوقت تصحى في الطريق
كاريمان…امال فين فيروز
منذر…مش عارف
روح….زمانها نازله الوقت اهي جات اهي
ابتسم منذر بحب وفضل باصص عليها وهي بتقرب منهم
كاريمان…..صباح الفل لسه بسأل عليكي
فيروز….كنت بجهز فيروز فوق ❣️سلمت عليها وبعدين بصت لمنذر بإبتسامه هاديه أزيك يا منذر
منذر….بخير يا فيروز
فيروز….ايه لسه نايمه؟
منذر….اه عمال ابوس فيها وهي ولا هنا
فيروز…..الوقت تفوق دي بقالها كتير نايمه
منذر…خليها براحتها❣️
راجح…..ايه يا ولاد كلكم جاهزين خلاص
روح….اه كده كله تمام.
راجح….طيب ما نتحرك بقى لسه الطريق طويل في حد ناقص .
يوسف…..اه لسه خلود بس طلعت تلبس
راجح…طيب يا حبيبي خليها براحتها من بدري واقفه والله وتعبت
هشام….بقول ايه العربيه هتقضي ولا ايه؟
امير…اه يا عم هتقضي الكرسي قدام عريض ينفع اتنين يركبوا والتلاته التانين وراء وامك هتركب مع روح
هشام….طيب بس بردوا قبل ما نتحرك نشوف هنعرف ولا لأ عشان منبقاش مضايقين في القاعده الطريق طويل والبنات هتتعب
رهف….ولا تعب ولا حاجه انا ممكن اقعد في الشنطه بس اسافر😂
جلال….انتي جايه في اي حاجه😂😂
رهف…ايوه المهم اسافر واشوف البحر😂😂😂😂🙈
فرح….انا مبسوطه اوي😍😍
رهف….وانا كمان والله انا منمتش من الصبح
فرح…هي طنط هتقعد لوحدها
رهف…اه قولتلها تروح تقعد مع اختها بس هي مرضيتش قالتلي سافري وملكيش دعوه بيا شكلها مصدقت تخلص مني😂😂
هشام….حقها 🙄🙄
ضحكت رهف وضـ ـربته على كتفه😂
دقايق بسيطه ونزلت اخيراً خلود سلمت على الموجودين.
رباب….معلش يا شيف بقى انا عملت حاجه بسيطه ناخدها في الطريق معانا انا عارفه انها مش زي حاجتك طبعاً
خلود…ياخبر يا طنط متقوليش كده تسلم ايدك وبعدين تعبتي نفسك ليه انا جهزت حجات كتير والله
رباب….دي حاجه بسيطه والله
هشام….بقولك ايه يا خلود متصدقيهاش روبي شيف قد الدنيا والله وعامله زيك بتحب المطبخ جداً ولما مزاجها بيكون رايق بتعمل حجات تجنن😉
جلال….طب ايه انا عايز ادوق مليش فيه😂😂😂
رباب….ياسلام تعالى ادوقك انا عملت شويه ساليزون حادق وعملتلكم ميني كرواسون بالجبن وبالنوتيلا🙈
جلال…..هو ده الكلام دوقيني بسرعه😂
روح….مش وقته يا طفس🤨
رباب…لا والله ابداً لازم يدوق وانتوا كمان تدوقوا وتقولوا رأيكم
خلود….بصراحه انا كمان عايزه ادوق حاسه اني جعانه من الوقفه او جلال نشر العدوى بتاعته عليا😂😂
جلال….هو في ايه احلى من الطفاسه😂😂😂😂
طلعت رباب العلب حطتهم على شنطه العربيه وفتحت العلب كلوا قرب يدوق نسيوا نفسهم ونسيوا السفر ووقفوا ياكلوا على العربيه
صبا….زيد دوق دي😍
زيد…..لو شيكولاته لا
صبا….لا ساده بس حلوه اوي❣️
راجح…..تسلم ايدك والله الحاجه حلوه اوي
رباب…بسعاده بالف هنا😍
روح…..خلصتوا الحاجه اقول عليكم ايه😂😂😂😂😂 قولتلك مطلعيهاش الوقت وتسمعي كلام الجزمه ده
رباب….ياسلام ماهي كده كده كانت هتتاكل خليهم ياكلوا الطريق لسه طويل
خلود….تسلم ايدك يا طنط بجد الساليزون رهيب اوي ولازم اخد الوصفه بتاعته بالتفصيل
رباب….بجد حلو عجبك
خلود…اوي والله بتقولي انها مش زي حاجتي ده حضرتك طلعتي شيف جباره
هشام….مش قولتلك امي شكلها بتخاف من الحسد😂😂😂
خلود….حقها والله الحاجه تحفه وبعدين العلب خلاص بتفضى 😂😂
جلال….بصوا الطفسه التانيه عامله كوره في بوئها ازاي😂😂😂😂
مريم….حلوه اوي😂😂😂 بصراحه تسلم ايدك احلى حاجه ان معانا شيفات جامدين هما يعملوا واحنا ناكل على الجاهز
نادر….طيب ما تتعلمي حاجه يا بلوه حياتي فرحيني بيكي قبل ما امـ ـوت😂😂😂
مريم…تنكر اني عملتلك فطار كذا مره واحنا مسافرين🤨🙄
نادر….😂😂😂😂لا منكرش حسبي الله
زيد…..خلصتوا الاكل وارتاحتوا شيل يا ابني العلب في عربيتك😂😂😂
هشام…..اه بيتهيألي ملهاش لازمه خلاص😂😂
جلال….ياريتني ماقولت طلعي ادوق كنت خدت العلب دوقت منها في العربيه لوحدي😂😂😂
زهره…..قطعت برزقك يا طفس😂😂
رباب…والله فرحتوني اوي لما نوصل ان شاء الله هعملكم منها تاني❣️😍
خلود….بس المرادي وانا جمبك عشان اعملها في حلقه من الحلقات 😍
رباب….ياخبر كمان عيوني
جلال…انا لو مكانك يا روبي مخرجش اسراري بره هتنسب الوصفه ليها😂
خلود…لا والله ابداً 😂😂😂🙈
رباب….انا وهي واحد كفايه انها عجبتكم والله بالف هنا يا ولاد😍
داوود….طيب كلنا وقضينا على الاكل يلا بقى اطلعوا عشان نتحرك.
راجح….اه يلا بينا عشان الطريق طويل.
بدأوا يركبوا ويظبطوا نفسهم
زيد راح على الجارد وصاهم توصيات كتير بخصوص أمن القصر وبعد كده كلم الجارد اللي ملازم چورچ وصاه عليه وبعد كده كلم الجارد بتوعوا في المجموعه والمصانع وظبط كل حاجه
منذر….يلا يا عم زيد اخلص
زيد…جاي اهو خلاص يلا .
عربيه امير كانت صغيره على عددهم فا بدل مع مراد عربيته لان عربيه مراد اكبر سبعه راكب
ركب امير قدام هو وفرح و ركب وراه جلال وميار ورهف وفي الكرسي الاخير ركب هشام وجنه.
ساب مراد عربيه امير و ركب هو وتقى مع يوسف وخلود
في عربيه تانيه بتاعت راجح كانت نفس موديل عربيه مراد سبعه راكب
ركب داوود وليلى وراجح وروح و كاريمان ورباب وداده زينب
ركب نادر ومريم مع سالم وشمس
وركب قاسم وزهره ومعاهم الناني بتاعت عدي والناني بتاعت فيروز
ركب ياسين وملك لوحدهم
اما زيد ركب هو وصبا و معاهم فيروز ومنذر.
راح زيد يأمن عليهم كلهم و أطمن ان كلهم تمام
راح على عربيته عشان يركب
فيروز…انا كده مش مرتاحه عايزه فيروز معايا
صبا….حرام سبيها هي نايمه خالص لو صحيت في الطريق ناخدها
فيروز….مش عارفه🥺
منذر…خلاص هاتيها تبقى معانا
زيد…ايه في ايه ؟ عيزاها قبل ما نتحرك
فيروز….مش عارفه اجيبها ولا ايه؟
زيد….لو نايمه سيبيها ولو صحيت ناخدها كده كده لسه الطريق طويل اكيد هتصحى
منذر…خلاص سيبيها يا فيروز وشويه ونبقى ناخدها
فيروز….طيب تمام
زيد….يلا بينا خلاص🤨
فيروز….خلاص اطلع يلا يا زيد.
ركب زيد وبدأوا يتحركوا كلهم وراء بعض
في البدايه خرجوا بهدوء شغلوا قرآن يبدأوا بيه يومهم وقالوا دعاء السفر
وبدأت رحلتهم في هدوء و وجود راجح معاهم كان محجمهم من السواقه المتهوره الفجر آذن عليهم وبعد حوالي نص ساعه واول ما دخلوا على طريق السفر بدأ الجنان🤪
امير وجلال اتهوروا😂 فضلوا يلاعبوهم على الطريق ويرشوا عليهم فوم وراجح يطلع راسه ويزعقلهم🤨
وهما ولا هنا صوت الاغاني على اخرها والكل هايص في العربيه فتح امير سقف العربيه لجلال طلع منه وبقى يرخم على راجح
راجح….شايفه الن الكلب بيعاندني ازاي😡
روح….😂😂😂سيبوا مبسوط ياراجح
راجح….سيبوا مبسوط يا راجح😒 بقولك الواد بيعاندني و بعدين انا مصدقت ربنا هادي اخواتوا هيسخنهم
روح….لا هما ماشين هاديين اهو متقلقش😂😂😂🙈
داوود….بضحك اتفرجي الهاديين سالم ونادر اتهوروا😂😂😂
خرج نادر من الشباك وفضل يرش هو كمان على جلال ومريم خرجت من الشباك التاني رشت عليهم وخرجت شمس كمان وقلبوا الطريق لساحه من الجنان
راجح…اه يا ولاد الكلب😡 هو ده اللي قولت عليه
نادر….سالم قرب من ياسين😂
سالم…..ابو لهب مبيهزرش خد بالك
نادر….خايف منه ولا ايه يا دكر😂😂
سالم…..اخاف من مين ياض انا خايف عليك انت لسه عريس😂
قرب سالم منه وفضل يرش عليه هو وملك
فضل ياسين يضحك ويرقصوا العربيات على الطريق.
راجح….ولادك فاكرين انهم في زفه ياروح😡
روح….انا مالي هو كل حاجه روح اتصرف معاهم😂😂😂
خرج راجح راسه وبص لسالم ونادر
راجح….ادخل يالا انت والبنات😡
مريم…..ادخل يا نادر اتقفشنا😂😂
في عربيه زيد.
منذر….اخواتك مش هيسكتوا غير لو الباشا روقهم😂😂
زيد…..احسن يستاهلوا
صبا….الوقت الاسبراي اللي معاهم يخلص ويتعبوا ويناموا
فيروز…..جلال وامير يناموا 🙈 ادعي بس نوصل قبل ما يرفعوا الضغط على بابي😂😂
رن موبايل زيد لمح الاسم طلع راجح
زيد….منك لله يا جلال الكلب اهو الباشا هيسيبوا وقفش فيا انا🙈🙈
فتح زيد الخط ورد عليه
زيد….ايوه يا باشا
راجح….انت قولتلي انت المسؤول عن الرحله دي ولاد الكلب دول لو مدخلوش وساقوا زي الناس هحاسبك انت
زيد…بضحك الله طب وانا مالي انت مش قادر عليهم هتقدر عليا انا😂😂
راجح…..متعصبنيش يا ابن الكلب انت كمان خليهم يدخلوا بدل ما انكد عليكم
زيد…طيب ياباشا حاضر 😂😂
قفل زيد الخط وهو بيضحك
منذر…..متعصب منهم صح
زيد….اه لو قفش جلال ونادر هيروقهم😂😂😂😂
داس زيد بنزين لحد ما قرب من عربيه امير
زيد….ادخل يالا😡😡😡
جلال…في ايه يا اعداء الفرحه😂😂😂
زيد….ادخل بدل ما اركن و اروقك لما نوصل اعمل اللي انت عايزه ابوك هينفخك
جلال….. بضحك امير عايزين نكسب زيد يلا روق عليه😂
امير……بس كده😂😂😂
شغل امير اغنيه شفيقه جاي بيشكي اول ما زيد سمعها فضل يضحك ويهز راسه
زيد….بتسكتوني يعني😂😂😂
منذر…..عارفين نقطه ضعفك😂
زيد…..جلاااال ادخل يلا مبهرجش
شد شويه وقرب من سالم
زيد….نادر ادخل انت ومريم وشمس ابوك على اخره
نادر….لو يعرف يقفشنا يجي😂😂
زيد….ماهو مش هيسمي عليك هناك وهينكد علينا ادخل يلا🤨
بعد وقت بسيط ربنا هداهم وكملوا طريقهم في هدوء كان النهار بدأ يظهر بسيط.
في عربيه قاسم
كان سايق وهو ساكت وفي دنيا تانيه
زهره…ايه يا حبيبي ساكت ليه اوعى تنام
قاسم….لا انا صاحي يا زهره
زهره….وانا كمان صاحيه معاك عشان متنامش
قاسم….لا لو حابه تنامي نامي انا نمت شويه و فايق متقلقيش
زهره….انا كمان مش عندي نوم خليني صاحبه معاك.
قاسم….تمام زي ما تحبي
………..
في عربيه يوسف ومراد
مراد كان راكب وراء هو وتقى وواخدها في حضنه
مراد…حبيبي نمتي
تقى….لا انا صاحيه لو عايز انت تنام نام شويه
مراد…انتي عارفه مش هعرف انام في الطريق وبعدين انا نمت شويه♥️
تقى…خلاص خلينا صاحيين انا كمان مش هعرف انام
مراد…عرفتي مامتك اننا مسافرين
تقى….لا🥺
مراد…..طيب ليه؟
تقى…عادي يعني هي كده كده مش هتحس بغيابي
مراد….ازاي بس حبيبي مهما كان دي امك واكيد بيفرق معاها اي حاجه تخصك مش زي ما انتي متخيله كده
تقى…والله انت اللي مش مصدق عموما سيبنا من السيره دي عشان خاطري خليني مبسوطه يا مراد🥺
مراد….بحب حاضر يا قلب مراد شدها تاني لحضنه باس راسها وفضل يلعب في شعرها ♥️
………….
في عربيه زيد بص على صبا
زيد….صبا مرتاحه ؟
صبا…اه يا حبيبي متقلقش
زيد….امال مالك حاسس انك مش قاعده كويس ضهرك واجعك صح؟
صبا….يعني شويه بس متقلقش انا بخير.
منذر….زيد لو صبا مش مرتاحه اركن وخليها تيجي هنا جمب فيروز على الكنبه
صبا…لا لا انا بخير والله متقلقوش
زيد….لو عايزه تبدلي نبدل عادي
صبا….والله انا تمام لو تعبانه هقول اكيد♥️
زيد….بحب ماشي ياروحي❣️
بص منذر لفيروز وكلمها بصوت هادي
منذر….فيروز
بصتله فيروز …نعم
منذر….ايه مالك مشغوله على فيروز صح
فيروز….بإبتسامه بصراحه اه بس هي نايمه ولو خدتها هتصحى وهتبهدلني
منذر…لو عايزه تجيبيها نجيبها وملكيش دعوه هخليها معايا
فيروز…..الكلام حلو لكن لو جربت زنها هتندم🙈
منذر….بإبتسامه تحبي نجرب🤨
فيروز….لا وعلى ايه😂😂😂
منذر….وبعدين بنتي تعمل اللي هي عيزاه❣️
ابتسمت فيروز بحب
فيروز…..ماشي يا سيدي وانا مش هدخل بينك انت وبنتك ولو صحيت انت اللي هتشيلها طول الطريق
منذر….بس كده عيوني لاحلى فيروز❣️
فيروز….اطلع انا منها يعني🤨
منذر….اممم اه بس انا مقصدش بأحلى فيروز بنتي انا اقصد فيروز الكبيره
ابتسمت فيروز بإحراج وبسرعه بعدت عينها عنه وبصت للشباك وهي مبتسمه وقلبها بيدق جامد
ابتسم منذر وفضل باصص عليها شويه وبعدين بص قدامه
……….
عند جلال كان قاعد في النص وميار من جنب ورهف من جنب
ميار كانت قاعده ساكته
ورهف وجلال بيتكلموا لكن بهمس مكانتش سامعه كلامهم لكن كانت حاسه انها غيرانه جداً
رهف….خلاص كلها كام يوم و يوصلوا يعني ممكن يوصلوا لما نرجع بيومين
جلال….انا مبسوط والله انكم هتستقروا هنا والواد رامي واحشني اوي
رهف….تعرف انه وحشني انا كمان اوي رغم اننا ديماً نناقر في بعض على اتفهه الاسباب بس بجد وحشني اوي امبارح كنت قاعده بكلمه حسيت بجد انه واحشني ونفسي احضنه عرفت وقتها ان خناقنا ده كله مش بجد اوقات كتير كنت بحس اني مش طيقاه بالذات لما بيسخن عليا بابي بس بجد انا مليش غيره مهما بيعمل مبقدرش ازعل منه
جلال….طبعاً يا رهف في النهايه هو اخوكي وبجد بحس ان احلى علاقه في الدنيا بعد علاقه الاب والام هي الاخوات مقدرش اتخيل يومي يعدي من غير ما اشوف كل اخواتي لما زيد بيروح الڤيلا كل اسبوع يقعد يومين هو وصبا ببقى عامل زي العيل الصغير وببقى نفسي اروح ارخم عليه بس مببقاش قاصد والله هو بيبقى واحشني وانا بتحجج بمقلب بهزار حتى ايمن اخويا بيوحشني اوي رغم ان انا وهو مكناش قريبين خالص من بعض يعني طول عمري بحس انه واخد جمب من الكل ومع نفسه اوقات كتير وهو عايش لما كنا نسهر وهو يطلع ينام بدري او يسيبنا في وسط القاعده كنت بحس يعني اني مش فارق معايا وجوده اوي ادام باقي اخواتي موجودين بس اكتشفت اني بحبه اوي اوي لما فجأه مبقاش وسطينا وعرفت انه فارق معايا وبجد ساب فراغ كبير اوي
رهف…انت بتقول ايه يا جلال طبعاً حتى لو انتوا مش قريبين من بعض ده مش معناه انك مش بتحبه مش شرط خالص صدقني
جلال….ماهو انا عرفت ده متأخر الله يرحمه
رهف….يارب وبعدين ايه انت هتقلبها نكد ولا ايه🤨
جلال….بإبتسامه جميله عيب عليكي تعرفي عني كده😂😂 وبعدين تعرفي بقى ان وانتي مسافره كنت مفتقدك بجد
رهف….لا يا راجل 🤨
جلال….اه والله بتكلم جد ويمكن كانت احلى مفجأه تحصلي من فتره طويله يوم ما شوفتك في فرح نادر ومريم
رهف….اه خدت بالي بأماره ما فضلت ساكت و مصدوم😂
جلال….😂😂😂انا فضلت متنح شويه بس والله كنت بحاول استوعب اني مش بحلم
رهف….يعني بجد اتبسطت ولا كنت متوقع مفجأه تانيه
جلال….يمكن اكون كنت متوقع اي مفجأه تانيه غير اني اشوفك قدامي بس بجد كانت احلى من اي مفجأه فكرت فيها
رهف….على كده لو بعد ما رجعنا جيت قولتلك اني مسافره تاني هتزعل🙄
جلال….لا مش هزعل عشان مش هوافق اصلا انك تمشي تاني♥️
ابتسمت رهف وفضلت بصاله شويه وهو فضل مبتسم وكملوا كلام من تاني
……….
في الخلف عند هشام وجنه
طول الطريق جنه كانت ساكته وباصه في الشباك
فجأه لقت هشام بيقرب من ودنها
هشام…..حضرتك يا فندم لو تحبي تغيري الراكب اللي جنبك احنا في الخدمه 🤨🤨
بصتله جنه وضحكت
جنه….ليه بس ماهو قاعد هادي ومش مضايقني😂
هشام….بإبتسامه لا بس طبعا لازم نسأل جنابك خصوصا انك قاعده ساكته من اول ما طلعنا فا قولت احسن تكوني مضايقه ان حظك قعدك جمبي🤨
جنه….خالص والله بس مش عارفه اقول ايه🙈
هشام….اي حاجه إن شاءالله حتى تقولي عامل ايه يا ستي انا راضي🙈
جنه…بضحك طيب عامل ايه يا هشام
هشام….زي الفل 😉😂😂
جنه….طيب اقول ايه تاني😂😂😂
هشام….لا بقولك ايه انا هفضل أغششك كده كتير قولي اي حاجه مش شايفه كلهم نازلين رغي ازاي وبعدين انا ربنا خالقني مبعرفش اسكت🙄
جنه…رغاي يعني😂😂
هشام…..بيقولوا بس والله مش رغي على قد ما هو بحس اني طول ما انا ساكت كأني في غربه😂😂
جنه…..على فكره انا كمان بيقولوا عني رغايه😂😂
هشام….هاتيلي اللي قال عليكي كده وانا اروقه واعرفه غلطته😂
جنه….😂😂😂كلهم والله بس على فكره دي حقيقه انا كمان برغي كتير بس اوقات لما مش بلاقي كلام بسكت
هشام….اه تقصدي انك بتتكلمي مع ناس وناس يبقى العيب طلع فيا🤨
جنه….لا خالص والله بس يمكن عشان لسه مش واخده عليك اوي فا مش لاقيه كلام اقوله
هشام…..ياسلام طيب اتحلت خدي عليا يا ستي وانا طيب والله مش بعض😉
جنه….طيب اخد عليك ازاي وانا لسه مش عرفاك كويس😂😂🙈
هشام….بس كده نتعرف يا ستي مد ايده بجديه هشام عادي المصري😉
جنه…بضحك مدت أيدها ليه جنه قاسم الطوبجي😂😂😂🙈
هشام….بضحك عارفه لو حد سمعنا هيتقال علينا مجانين بسببك😂😂
جنه….ايوه حصل 😂😂😂🙈
فضلوا يهزروا ويضحكوا مع بعض
فات على سفرهم حوالي 3 ساعات
كانوا حسوا بالجوع كلهم ركنوا العربيات على الطريق وراء بعض
ونزلوا كلهم يريحوا رجلهم من القاعده
فتح يوسف شنطه العربيه وطلعوا منها الاكل هو وخلود كل واحد خد حاجه من الاكل وراح ياكلها على جنب
طلعت شمس على العربيه وقف سالم قدامها ياكل وفضلوا كلهم يضحكوا على راجح وهو بيحاول يمسك جلال ونادر
نادر….😂😂😂فرهدتني على فكره وده مش حلو سيبني اكل بقى
راجح….اعقل ومتمشيش وراء دماغ الواطي ده هيوديك في داهيه😡 انت مش صغير عيب
نادر….ايه يا باشا خليك فريش احنا في رحله😂😂😂
راجح…يعني عشان ابقى فريش اسيبكم
تهرجوا على طريق سفر سريع🤨
نادر….خلاص ما انا سكت وبقيت محترم😂😂😂
جلال….باشا باشا باشا
راجح….ايييييه😡
جلال…ما تيجي ناخد انا وانت صوره على الطريق😉
راجح…بس كده تعالى🤨
جلال….انت فاكر بعد تعالى دي هاجي😂😂😂😂
راجح…مش عايز تتصور وانا موافق
جلال….وانت بتجز على سنانك كده لا ياعم الله الغني عن دي صوره انا مش مستغني عن عمري😂😂😂
راجح…..جبان🤨
وقفوا كلهم كلوا مع بعض وهزروا واتصوروا وبعدين رجعوا كملوا طريقهم من تاني.
في عربيه زيد.
فيروز خدت بنتها معاها لما رجعوا كملوا
طريقهم في الاول كانت بتعيط كتير
خدها منذر منها وفضل واخدها في حضنه لحد ما سكتت بس فضلت صاحيه وهو بيلاعبها
فيروز…..بتعب بصت لفيروز الصغيره
نامي بقى يا فيروز
منذر…عايزه منها ايه ماهي ساكته اهي
فيروز….طيب خليها تنفعك بقى انا هنام واسيبكم
منذر…..نامي وملكيش دعوه هي في حضني
فيروز….بإبتسامه جميله ماشي
سندت فيروز راسها وفضلت باصه على فيروز بحب وماسكه ايدها بين كفها
غمضت عينها وفضلت على وضعها ده تفتح وتغمض وتلاعب في صوابع فيروز بحنيه لحد ما غمضت عينها وراحت في النوم.
كفها ساب كف فيروز بهدوء وسند على صدر منذر
أبتسم منذر بحب وغمض عينه وهو بياخد نفس طويل ضم فيروز اكتر لحضنه وبهدوء حط ايده على كف فيروز وضغط عليه في صدره وبعدين سند راسه لوراء وغمض عينه هو كمان❣️
بص زيد على منذر في المرايه لمحه نايم وفي حضنه فيروز الصغيره
وفيروز نايمه وباصه ناحيتهم ابتسم أبتسامه جميله كلها رضا وسعاده
وبعدين بص على صبا لقاها نايمه وراسها بتتزحلق
مد ايده بسرعه عدل راسها
فتحت صبا عينها بسرعه وبصتله
صبا….انا نمت اسفه والله يا حبيبي
زيد…اسفه على ايه يا قلبي انا بعدل راسك بس عشان متتعبيش وتنامي براحتك
صبا….لا لا انام ايه خلاص انا صاحيه اهو عشان منيمكش معايا
زيد…لا انا صاحي وزي الفل واصلا نايم كويس يلا عشان خاطري نامي شويه انتي وبعدين انا مشغل اغاني اهو والدنيا تمام نامي ولو حسيت اني عايز انام هصحيكي ماشي
صبا…..خلاص والله انا تمام
زيد….هزعل منك يلا ياقلبي مسك كف ايدها باسه بحب وخلاها تنام
كملوا طريق سفرهم الطويل واثناء السفر بقوا يبدلوا مع بعض الشباب
شويه هشام يسوق بدل امير وشويه نادر بدل سالم وشويه مراد بدل يوسف
اما زيد وداوود وقاسم وياسين ساقوا الطريق كله متواصل مع وقوفهم كل شويه في اي ريست يقابلهم
خدوا في الطريق حوالي اربع ساعات وده بسبب وجود راجح معاهم واللي كان متأكد انه لو مش معاهم كانوا خدوها في نص الطريق بسبب سواقتهم المتهوره.
وأخيراً وصلوا قرب الساعه عشره صباحاً الكمبواند اللي كانوا فيه كان عباره عن شاليهات 3 ادوار وكل دور في شقتين وكان ليهم في الكمباوند ده بيت بيمتلكه راجح بالكامل يعني الشقق كلها كانت خاصه بيه هو
نزلوا كلهم من عربياتهم بعد ما ركنوها كان باين عليهم التعب والإرهاق
دخلوا كل الشنط في جنينه البيت بعد ما ركنوا العربيات
فتحوا الباب ودخلوا كان البيت متنضف بالكامل زي ما زيد أمر مسؤولين النضافه
راجح….ها هتقسموها ازاي بقى احنا عددنا كبير
مراد….ايوه وست شقق علينا حلوين
هتظبط يعني متقلقش
راجح…عارف انها هتظبط ان شاء الله
هشام….انا ممكن انا وماما نقعد في اي فندق قريب منكم عادي بسيطه يعني
زيد….فندق ايه يالا🤨 انا هظبطها متقلقوش بصوا مبدأياً كده اول دور في شقتين وكل شقه فيهم ثلاث غرف هنقسمها ازاي بقى هنخلي الكبار بتوعنا في الشقق تحت عشان السلم مبتعبهمش
راجح….انا لسه شباب يا ولا🤨
زيد…بضحك طبعاً يا باشا بس انت عارف خروجنا هيبقى كتير وانا عايز اريحكم اول شقه كاريمان هانم في اوضه ورباب هانم بردو في غرفه وداده زينب معاهم في الغرفه التالته حلو
روح….تمام حلو اوي
زيد…انتوا بقى الشقه اللي قصادها روح والباشا في غرفه ومنذر وهشام في غرفه وجلال وامير في غرفه
امير….اهو ده عيبه يعني دوناً عن الشباب اللي زي الورد دي كلها قرعتي تقع مع جلال🤨
جلال….ياض ده انت ليك الشرف 😒
زيد…بضحك معلش يا امير نستحمل كلها كام يوم 😂
جلال…طيب معلش في السؤال هو احنا نتحسب من كبار السن ولا ايه مش فاهم😂😂😂
زيد…لا بس هو حظكم جه كده وبعدين لو طلعتوا او نزلتوا الموضوع بالنسبالكم بسيط
المهم الدور التاني شقه فيهم هتبقى للبنات
فيروز والناني بتاعت فيروز الصغيره مع بعض في اوضه واوضه لفرح وجنه واوضه لرهف وميار كده تمام يا بنات
البنات…تمام❣️
بصت ميار لرهف بهدوء واول ما شافتها بصالها وبتضحك ابتسمت بهدوء🙄
زيد…الشقه اللي في وشهم
قاسم وزهره في غرفه داوود وليلى في غرفه والغرفه التالته للناني بتاعت عُدي
داوود….زي الفل كده بينا على فوق بقى لحد ما زيد يخلص تقسيمه قبل ما يرجع في كلامه وننام في الروف فوق😂
زيد…لا استنى هنطلع سوا عشان نطلع الشنط دي كلها🤨🤨🤨
سالم….اوبا كده احنا مع بعض في الدور الاخير 😂😂😂
زيد…بالظبط انا وصبا في اوضه
مريم ونادر في اوضه وسالم وشمس مع بعض
والشقه التانيه مراد وتقى ويوسف وخلود وياسين وملك تمام
ياسين…..كده زي الفل
زيد…حد معترض يا شباب
الجميع….لا تمام
زيد…..يلا نسمي الله ونطلع الشنط بس الاول حاجه الاكل دي هتكون فين مع خلود فوق ولا تحت عند روح
روح…مش هتفرق بس لازم يكون في كل تلاجه لكل شقه فيهم اكل عشان لو حد جاع
خلود….طيب انا عندي رأي ممكن اقوله
روح…طبعاً
خلود….انا كده كده مسؤوله عن اكلكم طول الرحله بس انا رأيي الحاجه نحطها تحت عند روح وانا لما اصحى عادي هنزل لروح ونجهز مع بعض عشان اكيد لما هنتجمع وناكل هنبقى في الجنينه عشان المكان يكفينا كلنا واكيد مش هنفضل كل اكله نحول الاكل من فوق لتحت ولا ايه
يوسف….انا كمان رأيي كده
روح…خلاص نحط الحاجه تحت ولو مكفاش نحطها في الشقه اللي قصادنا عند جيرانا😂😂😂
كاريمان…..بس هنأجرلكم التلاجه معلش كل حاجه بحساب😂😂
روح…..خلود بقى اللي تدفعلك عشان هي صاحبه الاقتراح😂😂
خلود….عيوني 😂😂
جلال….الحمد لله انك اختارتني يا زيد في الشقه مع روح والباشا😂😂
ياسين….طبعاً يا طفس قاعد مع الاكل كله 😂😂
زيد….طيب كده اتفقنا يلا بقى ندخل الاكل عند روح والباقي نحطه في الشقه التانيه وانا هخلص معاكم وهاخد حد من الشباب نجيب لكل شقه حجات بسيطه تبقى موجوده في التلاجه
خلود….بضحك يعني انا اروح واجيب الحاجه عشان محدش يخرج وبردوا هتروح تشتري😂🙈🙈🙈
زيد….😂😂لا متقلقيش حاجه بسيطه كده عشان لو حد صحي في اي وقت اكيد مش هينزل عند روح ولا هينفع ينام جعان
قاسم….انا هاجي معاك بس مش هنجيب اكل كده كده احنا هناكل مع بعض طول اليوم يعني نزود مايه عصير سناكس كده يعني
زيد….ماشي هنشوف بس يلا بقى عشان الحاجه نخلص منها الاول
قاسم….يلا بينا
سالم…يلا ياشباب كل اللي ليه شنط يطلعها
فيروز…..طيب انا مش هقدر اطلع شنطتي عشان شايله فيروز و حرام تقيله على ( تينا) تقصد البيبي سيتر
سالم…انتي والبنات سيبوا كل حاجه احنا هنطلع يلا خدوا مفاتيحكم واطلعوا
زيد…منذر تعالى انت والشباب دخلوا شنط كاريمان هانم ورباب هانم وداده زينب الاول عشان يدخلوا يرتاحوا
امير….انا جاي اهو
دخلوا الشباب الشنط ودخل زيد شنطه روح وراجح وبعدين حولوا كل الاكل مع بعض وبدأوا يطلعوا الشنط
طلع منذر شنطه فيروز والناني بتاعت فيروز الصغيره دقايق بسيطه وكل حاجه طلعت
وقفت خلود وزهره و روح يفضوا كل حاجه في التلاجه وبعد ما اتملت راحوا الشقه التانيه ساعدتهم داده زينب
خدت كل بنت شنطتها وبدأوا يرصوا حاجتهم الابواب كلها كانت لسه مفتوحه
فضل زيد يعدي عليهم هو ومنذر ويطمنوا انه كله تمام
وبعدين خرج هو وزيد وقاسم اشتروا شويه حجات تتحط في كل تلاجه
وبعدين رجعوا في الوقت اللي غابوا فيه البنات ظبطوا الشنط
رجعوا الشباب وزعوا الحاجه على كل شقه وبعدين دخلوا خدوا شاور وناموا كلهم نوم عميق فضلوا نايمين لحد المغرب من كتر التعب
روح اول واحده فيهم هي وراجح صحيوا خرج راجح قعد في الجنينه بعد ما روح عملتله قهوه وطلعت تخبط عليهم كلهم وتصحيهم
الكل صحي ونزلوا على تحت في الجنينه دخلت خلود تحضر الغداء هي وروح وداده زينب معاهم بتساعدهم
وزي اي اسره مصريه اصيله في اي يوم متعب بيختاروا اسهل اكله المكرونه والبانيه 🙈 عملوا بانيه مشوي ومقلي عشان اللي بيحب حاجه ياكلها وسلطات
كلوا كلهم مع بعض وقضوا وقت حلو جداً كله ضحك وهزار ولان اليوم كان مرهق اكتفوا بسهرهم مع بعض اول يوم في الجنينه وشويه وطلعوا يناموا عشان يبدأوا رحلتهم بنشاط
في صباح يوم جديد بعد ما فطروا
قرر زيد انه يعملهم برنامج ميتنسيش ويقضوا يوم يجنن
راحوا على البحر قضوا وقتهم لعب وهزار في البحر شويه يركبوا
الچيتس كي وشويه يركبوا البراشوت وشويه البنانا بوت
وعلى البحر كان في فرقه واغاني ورقص الجو كان يجنن
الشباب سابوهم شويه و راحوا وراهم على الرمل يلعبوا كوره
فضلوا يلعبوا حوالي ساعه ولما حسوا ان البنات زهقوا راحولهم
صبا….زيد انا عايزه اركب البراشوت زي البنات وجلال وامير🙄
زيد….براشوت ايه انتي ناسيه انك حامل ياقلبي
صبا…هيحصل ايه يعني
زيد…لا مش هينفع غلط وبعدين افرضي الحزام فك ووقعتي
صبا….هقع في المايه وبعدين ما انا ببقى لابسه اللايڤ چاكت
زيد…بضحك انتي عبيطه يا صبا هي المشكله في اللايڤ چاكت وبالنسبه للوقعه اللي هتقعيها دي مش هتأثر عليكي
صبا….طيب انا عايزه اركب حاجه
زيد…طيب تعالي ورايا على الچيتس كي وانا هسوق بيكي براحه لكن اي حاجه تانيه ممنوع اتفقنا🤨🤨
صبا….حاضر😍😍 يلا بقى
زيد….يلا يا قلبي
روح….زيد براحه على صبا
زيد…متقلقيش يا روح ❣️ مش ناويه تيجي اخدك لفه انتي كمان😉
روح…انا😂😂لا انا بخاف خد صبا وملكش دعوه بيا
زيد…تخافي وانا معاكي والله عيب في حق زيد الطوبجي هركب صبا واجيلك
بعد اذن الباشا طبعاً😂😂
راجح….اي حاجه تبسط روح انا موافق عليها بس انا مش مستغني عنها يا حبيبي
زيد….متقلقش هرجعهالك زي ما خدتها😂😂😂
خد زيد صبا وركبها وراه كانت مبسوطه جداً
سالم….لشمس يابت فيها ايه البنات ركبوها وقالوا حلوه تعالي يلا
شمس….😂😂لا شكراً انت عايزني اتعلق فوق كده في السماء شكراً ياعم انا مش مستغنيه عن روحي🙈
سالم…..يعني انا هحدفك من فوق قومي متبقيش جبانه يلا
بصت شمس للبنات بتخوف يا بنات🙄
ميار…..لا والله حلوه اوي انا ركبتها مع ياسين عشان ملك مينفعش تركبها بس حلوه اوي
فرح…بصي هي في الاول هتحسي انك خايفه بس والله متخوفش خالص هتتبسطي اوي 😍
شمس….انتي كده طمنتيني😂😂😂
سالم….قومي يابت بلاش خـ ـوف يلا والله لا هتركبيها🤨
شمس….انت مصمم ليه والله شكلك عايز تحدفني من فوق😂😂😂
روح…لو خايفه سيبها متبقاش رخم هي بصراحه تخـ ـوف
جلال….تخـ ـوف ايه بس دي تحفه وبعدين مريم ونادر هناك اهم راكبينها ومبسوطين😂
شمس…..ايوه وسامعه صوات مريم من هنا😂😂😂😂
جلال….لا ده صوات حماس مش خـ ـوف متقلقيش انتي واتكلي على الله هي موته ولا اكتر😂😂😂😂
شمس…..😂😂😂😂ربنا يريحك اقنعتني يلا بينا
عند مريم ونادر
مريم….وربنا لو وقعت لا هقتللللللك😂
نادر….وانا مالي هو انا اللي ركبتهالك ما انتي اللي شبطتي فيها ياللي منك للللللله براحه يااااعم انت بتخمس باللانش😭😭😭
مريم….😂😂😂😂يا جباااان
نادر….جبان جبان بس اعيش يا جعفر الكلب😂😂😂😂😂
عند شمس وسالم
شمس…..يلا يا شباب استودعكم الله😂
امير…..انتي رايحه تفجري نفسك😂
فيروز…..طيب خدوني معاكم هتجنن واركبها🥺
سالم….هركبها لشمس واجيلك
منذر….طيب خدونا معاكم انا كمان هركبها
شمس….حلو اركب انت وفيروز الاول لو عدت على خير اركب مع سالم😂
فيروز….انتي بتجربي فينا😂🙈🙈
سالم….ايه يابت النداله دي انتي بتضحي بأختي🤨🤨
منذر…والله مافي اندل منك يعني هي اختك بس اللي هتركب😒
سالم…انت عادي بتعرف تعوم😂
منذر…طيب يلا يا واطي قدامي
عند زيد وصبا
كانت حضناه من وسطه ونايمه على ضهره ومبسوطه
زيد…بابتسامه جميله ايه مش كفايه بقى
صبا….خلينا شويه 🙈
زيد….طيب قوليلي مبسوطه
صبا…اوي بس كان نفسي اركب البراشوت🤨
زيد…ليكي عليا اول ما تولدي وتقومي بالسلامه هنيجي واركبك كل حاجه تشاوري عليها اتفقنا
صبا….ماشي بس وعد🙄
زيد…وعد يا قلب زيد❣️
صبا….طيب ممكن أعرف اي سر السعاده دي كلها
زيد…ايه مضايقه اني مبسوط🤨
صبا….لا طبعاً يارب افضل شيفاك مبسوط العمر كله بس فضول
زيد… اولاً عشان انتي معايا ودي اول سفريه نسافرها مع بعض من يوم ما اتجوزنا طبعاً انا مش ناسي شهر العسل اللي مقدرتش اسفرهولك بس هنسافر مع بعض باذن الله اول ما الدكتور يسمح ليكي بالسفر ويكون المشروع اللي هنمسكه بدأ
صبا…..المهم اكون معاك انا مش عايزه سفر والله يا زيد كفايه اني افتح عيني اشوفك وانام وانا في حضنك مش مهم اي حاجه تاني
باس زي ايدها بحب❣️
صبا…طيب وثانياً😍
زيد….اننا متجمعين كلنا ودي حاجه مش بتحصل غير كل فين وفين اه بنتجمع في القصر ديماً بس السفر ديماً ظروفنا مش بتبقى ظابطه
وثالثاً بقى دي قصه تانيه خالص انا مبسوط اني هفاجئ منذر وأشوف فرحته بعيني♥️❣️♥️
صبا….عارف يا زيد انا بحب علاقتك بمنذر اوي
زيد….منذر ده حته مني بفرح لما بشوفه مبسوط و بتجنن وانا شايفه مضايق ومش عارف اعمله حاجه وبجد مستني اللحظه اللي هشوف فيها فرح منذر فوق ما تتخيلي وفرحتي بيه متقلش عن فرحتي بيكي يوم ما بقيتي في حضني❣️
صبا….بحب ربنا يخليكم لبعض يا حبيبي طيب قولي هو انت هتفاجئه امته
زيد…بكره ان شاء الله هظبط كل حاجه زي ما اتفقت انا والشباب وبعدين هنبدأ سهرتنا.
صبا…إن شاء الله يلا شغل بقى الچيتس كي احسن يفتكروا انه عطل بينا 😂😂
زيد….ماشي يا قلبي يلا نخرج بقى عشان اخد روح😍
صبا….يلا وانا هصوركم❣️😍
خرج زيد نزل صبا وبعدين خد روح بالعافيه كانت خايفه
روح….بلاش يا زيد عشان خاطري
زيد…والله لا هاخدك يلا تعالي
مسكها من أيدها بالعافيه ودخل معاهم امير مسكها لحد ما ركبت وراه حضنته بكل قوتها وهي مرعوبه
زيد…بضحك روح مالك قفشاني كده ليه 😂😂😂
روح….زيد والله لو مشيت بسرعه لا هشوف شغلي معاك اعتبرني حامل زي صبا وامشي براحه😒
زيد….حاضر والله😂😂 شغل الچيتس كي في البدايه كانت خايفه وبعدين هديت خالص وبقت مبسوطه جداً حست انها طايره
وقفت صبا تصورهم وتشاورلهم ووقف جمبها راجح كانت مربع ايده وباين عليه القلق
زيد…بضحك الباشا قام وقف
روح….بيتفرج عليا طبعاً😂
زيد….بيتفرج ايه الباشا هيمـ ـوت من الرعب عليكي عامل نفسه بيتفرج بس انا عارف انه خايف عليكي واكيد مش طايقني😂😂😂
روح….بقولك ايه ابقى خده وراك هيتبسط اوي
زيد…لما أطلعك هاخده ❣️
عند فيروز ومنذر ركبوا جمب بعض وشمس واقفه تضحك على فيروز
شمس….مالك وشك جاب الوان ليه مش كنتي عايزه تركبي
فيروز….بضحك خد مراتك من وشي يا سالم مش وقتها😂😂
سالم….طب والله هتعجبك دي جبانه دي ملكيش دعوه بيها
شمس….جبانه جبانه بس اعيش😂
فيروز….سالم لما تطلع معاها ابقى احدفها من فوق😂😂
ربط الشاب الحزام لمنذر كويس وربط سالم لفيروز الحزام بتاعها وبعدين اتحركوا بهدوء لفوق
فيروز……لا لا لا برااااااحه عاااااا😭
نزلونيييي مش عايزه اركب خلاص
منذر…..بضحك بطلي تتحركي هنقعععع😂😂😂😂
فيروز…..خليهم ينزلوني والنبي يا منذر مش قادره ابص تحت🙈🙈
منذر….طيب اهدي والله عاديه فتحي عينك ومتخافيش انا جنبك😂
فيروز….جمبي ايه انا هقع والله😭😭
منذر….ما انتي لو وقعتي هتوقعيني معاكي من الحركه بتاعتك اثبتي بقى😂😂😂😂 يلا فتحي عينك
فيروز…..لا🙈🙈
ضحك منذر عليها ومد ايده مسك ايدها بعدها عن عينها
منذر…يلا فتحي ومتبقيش خوافه
فيروز…لا انا خوافه وبخاف من اي حاجه عاليه وبعدين انا معرفش انها هتبقى بعيده كده😭
منذر…سؤال بقى انتي بتخافيي من الضلمه ولا العفاريت ولا من الحاجه العاليه
فيروز…..بخاف من كل دول
منذر ..بحب طيب هاتي ايدك
بصتله فيروز بجنب عينها وهي خايفه تبصله وتتحرك
منذر…هاتي ايدك يلا وانا مش هسيبك
مدت فيروز ايدها بهدوء مسكت كف ايده الممدود ليها
شبك منذر صوابعه في صوابعها وضغط على كفها جامد
قلبها فضل يدق خـ ـوف ولغبطه مشاعر وشويه وحست انها هديت
منذر…ايه خلاص الخـ ـوف راح
فيروز…..اه بس هي مش هتقع بينا صح
منذر…لا مش هتقع😂😂
فيروز…..طبعاً بتضحك على الهبله اللي شبطت في اللعبه وبعدين خافت منها🙈🙈🙈
منذر….بصراحه اه😂😂😂
فيروز….بضحك يعني انا هبله🤨😂
…………
على الشاطئ
قاسم كان قاعد على الرمل هو وميار ورهف بيعملوا اشكال في الرمل بنوا بيت كبير من الرمل
زهره وروح وكاريمان ورباب كانوا قاعدين يضحكوا عليهم
روح….بتعمل ايه يا قاسم😂😂
قاسم…بضحك بنبني بيت اي رأيك
روح…..جميل اوي شبه القصر بتاعنا
كاريمان….والله لسه كنت هقول كده
قاسم….بغمزه😉 مهندس بقى
رباب…استنوا اصوركم معاه
بصولها وابتسموا وهما مقربين من البيت
رهف…بما اني شاركت في البيت ده يبقى انا كمان بقيت مهندسه وهشتغل في التيم معاك😂😂
قاسم….بس كده انتي وميار طلعتوا مهندسين شاطرين
ميار….بس يبقى نشتغل معاك و نرفد جلال😂😂😂
جه جلال عليهم في الوقت ده
جلال…ترفدي مين يا اختي 🤨 يابت ده انا الشركه متمشيش من غيري😂
قاسم…اتنيل واتلهي 😒
جلال….عيب احترمني بدل ما اهدلك البيت اللي تعبت فيه ده
قاسم….طيب اعملها عشان والله اقوم اغرقك وافرج عليك الشاطئ😡
جلال…بضحك احيه ده اتعدى من ابو لهب 😂😂 تحسوا كده اني ههد بيته بجد
قاسم…بضحكه حاول يخفيها بقولك ايه متهرجش احنا تعبنا فيه امشي بقى من هنا ومتبقاش رخم😒
جلال…طيب خايف ليه🙄
داوود…ياض امشي متبقاش رخم
قرب زيد منهم.
زيد….تسلم ايدك يا هندسه😉
قاسم….زيد مشي الواد الرخم ده بدل ما اضـ ـربه
زيد…هببت ايه يا مصيبه
جلال…لسه مهببتش😂😂😂
ميار…عايز يهد البيت اللي عملنا
زيد…بضحك متبقاش رخم وسيبهم
جلال….طيب رخامه برخامه بقى قرب جلال بسرعه وشاط برجله البيت وجري
صرخت ميار ورهف.
رهف….ليه كده يا رخممممم😭
ميار…..حرام عليك🙈
قاسم…طب والله ما انا سايبك قام جري وراه فضل يجري منه وبعدين دخل على البحر ونط وفضل يعوم على جوه.
وقاسم وراه وكلهم بيضحكوا عليهم والشاطئ كله اتفرج عليهم
وفجأه😳😳🙄🙄🙄
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
