رواية وجع الفراق الفصل السادس 6 بقلم حنان اسماعيل
رواية وجع الفراق الجزء السادس
رواية وجع الفراق البارت السادس
رواية وجع الفراق الحلقة السادسة
بعد رحيلها جلس سارى مع احد الصحفيين بالجريدة يدعى مدحت عرف عنه
منذ قدومه للجريدة انه شخص منافق يتودد اليه عارضا خدماته سواء بنقل اخبار الصحفيين اليه اوتوفير مايحتاج اليه من فتيات ,ساعتها طلب منه سارى ان يأتى اليه بفيديو فرح صافى على طارق فوعده مدحت ان يأتى له بالفيديو خلال يومين
………………….
فى اليوم الثانى تغيبت صافى عن العمل يومين بسبب مرضها كما ابلغ عبدالحميد سارى .تضايق لغيابها وازداد ضيقه من غيابها اكثر خاصة كلما نظر الى مكتبها الخالى .
……………
جاءه مدحت بفلاشه عليها الفيديو فكافأه سارى بمبلغ مادى ,ليلتها سهر فى شقته امام اللاب توب الخاص به
ارتشف بعضا من فنجان قهوته مع سيجاره الكوبى وهو يطالعها يوم فرحها بفستانها الابيض ,كانت جميله متألقه ,سعيده ,طالعها وكأنه يرى فتاة اخرى غير التى يراها الان ,شاهدها وهى تتراقص بدلال وخفه على انغام اغانى صاخبة ,اقترب اكثر من شاشة اللاب مستغربا من تلك العروس الحالمه التى تغنى لعريسها بفرح
بدت سعيده اكثر وهى تغنى لطارق كلمات اغنية لوائل جسار
نخبى ليه فى اسرارنا وانا وانت مفيش غيرنا
ولو ننسى مشاعرنا نكلم مين يفكرنا
يا روح الروح بتنسانى و انا فاكر ومش بنساك
تغيب عن عينى من تانى ومن غير حب اعيش ازاى
ومهما تغيب بعيش وياك و اشوفك و انسى فيك احزانى
ودمعة حب فى عينيا بتستناك يا احلى ملاك
قالولى الحب له علامات فى نبض القلب والهمسات
وروح تنادى عليك و رعشة ايدى فى السلامات
نفث دخان سيجارته بتلذذ قائلا لنفسه وهو يتابعها
سارى : ماانتى كنت فرحانه اهو… اومال ايه اللى حصل ليلتها يابنت رفيق الزهيرى
……………………..
الجزء السابع .. وجع الفراق
عادت فى اليوم الثالث ,ابتسم لرؤيتها على مكتبها الا انه تدارك نفسه ولام روحه على شعوره هذا .ضغط الزر امامه ليطلب من ريم ان تبعث له بصافى
راقب ريم وهى تذهب اليها ناحيه مكتبها لتبلغها ..تكلما لثوانى قبل ان يجد صافى ترمق مكتبه بإحتقار كما لو كانت تراه من خلف الزجاج قبل ان تعود ريم بإتجاه مكتبه ..ابتعد منتظرا دخول ريم اليه والتى فور دخولها اجابته بحرج
ريم : انا بلغت الاستاذة صافى يافندم وقالت لى مش فاضية واى كلام ليها يبقى مع الاستاذ عبد الحميد رئيسها المباشر
هرش جبينه قبل ان يطفأ سيجارته بعصبية متجها للخارج
اقترب منها قائلا لها بعصبية امام الجميع
سارى :انا مش بعت لك ياانسة ولا مدام ولا ايا كانت كنيتك هنا انك تيجى لى مكتبى فى موضوع ضرورى
لم تنهض من مكتبها واكتفت ان تجيبه وهى تكتب على شاشة اللاب توب امامها
صافى بثقه : مش سكرتيرتك برضه بلغتك انى مشغوله ..مش فاضية ..وان اى كلام يبقى منك لرئيسى المباشر ا عبدالحميد
لم يتمالك نفسه من الغضب وقذف بيده اللاب توب الموجود امامها ليقع على الارض مما جعلها تنهض واقفه وهى تنظر اليه بغضب قبل ان يهددها قائلا والشرر يتطاير من عينه
سارى : انتى فاكرة نفسك مين ؟ انا ممكن …….
قاطعته بغضب : ممكن ايه ؟ تطردنى ؟حد قالك انى عبدة لشغلى وانى ممكن اسمح لاى صاحب شغل كل ميزته انه معاه قرشين انه يتحكم فيا ويهددنى بالطرد وقت ما مزاجه يسمح له
اجابها بابتسامه مستفزة : عندك حق مااكيد عندك سكك تانى تدخل لك فلوس غير مهنة الصحافه
صافى بغضب : اخرس ..السكك دى امثالك اللى يعرفوها
جاء عبد الحميد مهرولا من مكتبه بإتجاههم قائلا وهو يجذب سارى ناحيه مكتبه
عبدالحميد : فى ايه بس ياجماعه ..استهدوا بالله ..تعالى يا سارى بيه ..ادخل مكتبك
لم يجبه سارى والذى ظل مكانه ينظر اليها بغضب فى نظرات متبادله من كليهما
نجح عبد الحميد فى ادخال سارى مكتبه اخيرا واغلق الباب ورائه قائلا له بهدوء
عبدالحميد : فى ايه ياسارى مالك بس ؟ حاطط صافى فى دماغك ليه ؟ انت مالك ومالها ؟
سارى بعصبية : دى بنت قليله الادب ..دى تغور تمشى مش عاوز اشوف وشها لحظة هنا
عبدالحميد بهدوء : وانت فاكر ان ده فارق معاها ؟
سارى بعصبية اكثر : انت كمان هتقولى كده ..فى ايه ..ايه مليونيرة وانا مش عارف وشغاله بس حلاوة روح
عبد الحميد : لاء مش وارثه بالمعنى المفهوم بس مطلوبة وهى عارفه ده وجالها بدل العرض عشرة سواء فى جرايد جوه مصر او براها …ولعلمك دى واخدة جايزة افضل تحقيق صحفى فى مصر تلات سنيين ورا بعض ..وافضل موضوع صحفى فى جايزة بوليترز ودى زى الاوسكار فى الصحافه اللى انا نفسى مااخدتهاش …مش كده وبس رواياتها كسرت الدنيا وفى رواية منهم كذا شركة انتاج طالبة تحولها مسلسل
يعنى صافى لو مشيت من هنا احنا الخسرانيين لانها هتمشى هى وابوها ده غير الاعلانات اللى بتيجى عشان خاطر عيونها ,انت فاكر ان طارق هينفذ كلامه وهيسحب اعلاناته ,ده مجنون بيها
سارى : ولو …ده ميديهاش الحق انها تقل ادبها عليا ..دى محسسانى ان انا اللى شغال عندها
عبدالحميد : سيبك ..انا هروح اراضيها دى لو كانت لسه موجودة بس عشان خاطرى مالكش دعوة بيها خالص
خرج عبد الحميد باحثا عن صافى فأبلغه زملائها برحيلها
……………..
فى المساء دق جرس الباب ..اتجهت صافى لفتح الباب ..كانت بملابس بسيطة .بنطال ضيق احمر قصير بعض الشئ وفوقه بلوزة بيضاء خفيفه تنسدل على احد كتفيها ؛ تظهر بياض جسدها بينما تركت شعرها منسدلا فى حرية
فتحت الباب وبيدها مغرفه طعام قائلة بحماس
صافى : لو كنتم اتأخرتم دقيقه مكنتوش……….
صدمت لرؤيته امامها وبجواره عبدالحميد …يقف فى تباهى ممسكا بباقه زهور فى يد بلامبالاة ..كان يرتدى قميص اسود ومن تحته تيشرت رمادى يظهر عضلات صدره وبطنه
بلعت ريقها فى صعوبة خاصة حين رأته يتفحصها من اسفلها لاعلاها كعادته ،مما جعلها تعدل التيشرت المنزلق على كتفيها لاعلى فى خجل …جاءها صوت عبدالحميد الرزين قائلا
عبدالحميد :ايه ياصافى مش هتقولى لنا اتقضلوا ؟عيب عليكى ده ابوكى ابو الكرم
تنحنحت فى ضيق قبل ان تفسح لهم كى يمرا للداخل .مر عبدالحميد ثم تبعه سارى والذى تعمد ان يمر ببطء امامها بجسده الصخم قائلا لها بنبرة واثقه
سارى : مش هتاخدى الورد منى ؟
مدت يدها فى خجل فإنزلق التيشرت مرة اخرى ليكشف كتفها .راقبها وهى تحاول رفعه قبل ان تمد يدها لتأخذ ما بيده .
رحب بيهم والدها فى ود وان كانت نظراته تجاه سارى متحفظة بسبب ما حكته عنه صافى ..احس سارى نفسه بهذا فتعمد ان يثير اعجاب والدها بسرد اجزاء من مقالاته السابقه ومناقشته له فى امور عديدة كالسياسة والرياضة وخلافه قرأهم سابقا تحسبا لهذه اللحظة .
غيرت صافى ملابسها بسرعه لبنطال ضيق ايضا لونه ازرق وتيشرت لونه روز قبل ان تعود اليهم بأكواب من العصير
دق جرس الباب ففتحته صافى لتجد امها وكريم .احتضنها كريم بقوة قبل ان يهرول ناحية جده ..راقبه سارى بفضول بينما اكتفى كريم بالنظر اليهم بتحفظ وانطواء قبل ان تطلب منه صافى ان يسلم على الجميع ففعل قبل ان يعود لحضن جده من جديد
فتح الحديث عبد الحميد قائلا لصافى ووالدها بجدية
عبدالحميد : صافى ..ا سارى جاى يعتذر لك على سوء التفاهم الل حصل بينكم النهاردة .واظن من دخل بيتى يبقى عداه العيب صح ولا ايه يااستاذنا ؟
موجها حديثه لوالدها والذى تكلم قائلا برزانة
رفيق : بص ياعبدالحميد احنا اصحاب اه بس اهانة بنتى من اى مخلوق خط احمر بالنسبة لى ولها ..وصافى الف جرنال يتمناها وبناقص الشغل اللى هيجيب لها المشاكل
تكلم سارى بثقه : اظن انى جيت لحد عندكم عشان اعتذر ودى حاجة كبيرة اوووى عندى ..انى اروح لحد عنده واعتذر له خصوصا لما يبقى هو كمان غلطان
اندفعت صافى قائله بعصبية : انا مغلطتش ..انت اللى انسان قليل …..
قاطعها سارى فى غضب قائلا بلهجة امرة : اسمعى ..اى تجاوز منك والله ما هعديه لك فاهمة ..مش معنى انى جيت لحد بيتك ان ده يخليكى تتجاوزى حدودك معايا
تكلم رفيق قائلا بغضب لصافى
رفيق : صافى …عيب كده …انتى مش صغيرة ولا دى طريقه حوار ..اياكى تنسى ان الناس دول ضيوفنا وفى بيتنا
نظرت اليه بإذعان قائله بادب : انا اسفه يابابا
رمقها سارى لنظرات نارية هى وكريم والذى احتضن رقبتها بقوة قائلا لها بصوت خافت
كريم : مامى انا جعان اووووى
انتبه رفيق له فقال لصافى
رفيق : صافى ..حضرى العشا ..عشان الجماعه يتعشوا معانا
نهض سارى واقفا قائلا بحزم
سارى : معلشى اعذرنى انا عندى ميعاد مهم
وقف رفيق بصعوبة قائلا لعبدالحميد وسارى
رفيق : قول لصاحبك ان ميصحش كده ياعبده ..احنا بيت كرم ..ناكل عيش وملح مع بعض واى خلاف بعد كده يتحل ان شاء الله
لكز عبدالحميد يد سارى كى يجلس فإستجاب على مضض
جهزت صافى المائدة وحدها بعدما دخلت امها لتغير لكريم ملابسه
جلس الجميع الى المائدة .جاء كرسى سارى فى الجهة المقابله لكرسى صافى والتى تجاهلت نظراته الثاقبه اليها طوال الوقت والى كريم الجالس بجوارها
استمتع الجميع بوجبه الطعام التى اعدتها صافى .بعدما نهض الجميع .اخذت صافى تلم الاطباق من المائدة .فى الوقت ذاته تلكأ سارى وهو يغسل يده فى الحمام الصغير المقابل للمطبخ حتى راها تعود حامله بعض الاطباق بيدها ..
خرج امامها بعدما حاصرها بذراعه على الحائط الذى ورائها مما جعلها تنظر اليه بغضب قائله وهى تلتفت حولها بهمس
صافى : شيل ايدك وخلينى اعدى والا …..
سارى وهو يقترب اكثر من وجهها قائلا بمكر
سارى : والا ايه ؟ هتصرخى ؟ ولا هتنادى باباكى
ادارات الاطباق فى يدها على ملابسه فإبتعد فى ضيق بينما ابتسمت هى فى خبث …مد يده فى طبق من الاطباق ثم مرر يده على وجهها كلها فتلطخ بباقى اثار الطعام
اغتاظت منه خاصة حين احست بانفاسه الساخنه تضرب وجهها ..تأملها عن قرب للمرة الاولى ..كانت جميله جمالا يحسب لها . بتقاسيم وجهها المتناسقه ..ادار وجهها اليه باطراف اصابعه قائلا لها
سارى بثقه : بكره اول واحدة عاوز اشوفها لما اجى الجرنال انتى
قالها وانصرف للخارج .برر لهم ملابسه المتسخه بإرتطامه بصافى اثناء دخولها بالاطباق المتسخه ,عرض عليه ابيها ان يعيره قميص من عنده كى لاينزل بملابسه المتسخة الا انه اعتذر بلطف .
احتسيا الشاى والقهوة ودردشا سويا وفى النهاية اتفقا ان تعود صافى للعمل على وعد بألا يتعرض لها سارى بأى شكل مهين
راقبته صافى وهو يستقطب اباها ناحيته بكلامه المعسول ..لا تعلم لماذا يثير فيها هذا الرجل كل هذا الكم من الحنق والضيق ربما لان نظراته الثاقبه وتلميحاته المهينة اليها دوما هما السبب
……………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وجع الفراق)
