رواية اللقاء الثاني الفصل الأول 1 بقلم منة محمد
رواية اللقاء الثاني الجزء الأول
رواية اللقاء الثاني البارت الأول
رواية اللقاء الثاني الحلقة الأولى
رجعت من عند متابعه الدكتوره وشها من غير اي تعابير وقعدت
ابوها بصلها: طمنيني الدكتوره قالت لك ايه
بسمله: قالت لي اني بمر بسن اليأس
ابوها: وانتي بقي كده مبسوطه
بسمله: طبعا كنت مبسوطه وانا بسمع منها ده ع الاقل هترحم من قرف تعب كل شهر
ابوها: هو انتي واحده طبيعيه
بسمله مبتسمه في منتهي البرود : واقولك الاكتر عندي كيس ع الرحم ومحتاجه اعمل عمليه واشيله
ابوها: وطبعا ناويه فورا تعمليها
بسمله: لاء مش دلوقت عشان مسافره اليونان عندي صفقه جديده ولازم اتعامل معاها بنفسي
ابوها بنفعال : انتي عايزه تجننيني صح
بسمله: لاء انا عايزك تشيلني خالص من دماغك
ابوها بقهر : انا فاهم انتي بتعاقبيني لاني رفضت تتجوزي اسامه وسبتي عمرك يجري سنه وري سنه بس ده اثر عليكي تبقي ام
بسمله : وانا مش عايزه
ابوها: يابنتي سعاده اي ست في الدنيا تبقي ام
بسمله: بابا انا مبسوطه بوضعي كده
ابوها بنفعال: ايه الكلام الخايب الي بتقوليه
بسمله: بابا حضرتك شايفني مش مبسوطه ده من وجهه نظرك بس انا سعيده بطريقي الخاصه
ابوها: ده الي فالحه فيه تردي بس عليا وتقولي كلام كله فارغ
……………………….قصص منه محمد كاتب…………………….
في الطائره المتجهه لليونان
خالد للمضيفه: ياتري ايه الوجبه الي هتقدموها
المضيفه: فيه لحمه وسمك
خالد بمغازله : هاخد ع ذوقك انتي ومعاه عصير فريش
المضيفه: حاضر
سكرتير بسمله: يا هانم مستر خالد هنا
بسمله بضيق: سمعته بجد بدايه جميله من اول النهار
السكرتير: هو اصلا مش شايفنا
بسمله بسخريه: هو كل الي يقدر يشوفه ويفكر فيه الارباح وقف الطياره بليز
السكرتير بضحكه خفيفه: ليه هو فيه ارهابي عليها
بسمله: او فيه قنبله مثلا
السكرتير بمرح : انا هشوف سجللات الفندق كمان ليكون حططلنا فيه ذخيرة
في نفس الوقت اسامه شد الستاره ودخل
المضيفه قربت بسرعه عليه: انا اسفه يا استاذ بس هنا الدرجه الاولي لرجال الاعمال
اسامه سألها بهدوء: فين التوالت
المضيفه: هو وري حضرتك
اسامه راح لمراته وقالها: الدرجه الاولي عندهم حمامات خاصه بيهم تعرفي ده
زينب ضحكت: بجد ادعي ان رحلتنا تتوفق ونلاقي منصور
اسامه بتنهيده: ياريت دول مليون جنيه اخدهم من الخزنه
زينب: احنا بس نلاقيه ويارب ما يتخبي مننا وينزل تحت الارض
اسامه: ع فكره الراجل ده مكنش نيته يختلس الفلوس من الشركه انا متأكد ان عنده سبب مقنع الاول القيه واسمع منه هيقولي ايه
زينب: حتي شقتنا اخدوها مننا
اسامه: انتي هترجعي ع بيت ابوكي يومين محدش يعرف مكانها اتفاقنا
زينب: حتي بيت ابويا منقدرش نبيعه ده واخد عليه قرض وده كل الي حيلته لو خسره انا هكرهك
اسامه: وده مش هيحصل ابدا انا هقابل منصور وهرجع الفلوس اطمني بس الاهم تصدقيني
زينب: انا مصدقاك وبحبك
……………………………قصص منه محمد كاتب…………………
الكل نزل من الطائره وبسمله راحت ع الفندق وكذالك خالد اما اسامه وزينب فضلوا واقفين
زينب: مش منصور قالك هيجي ياخدنا من المطار مجاش ليه
اسامه: ايوه وعارف حتي ميعاد وصولنا
زينب بقلق : حاول تصل بيه
اسامه: تلفونه مقفول
زينب: تفتكر طلع بيضحك علينا
اسامه: لاء اكيد اتأخر من الزحمه اليونان بسمع انها زحمه بس اطمني معايا العنوان نستني عشر دقايق لو مجاش نبدء نتحرك ونروحله
بالفعل فات ربع ساعه ومحدش ظهر واسامه اخد زينب ووصل للعنوان وفضل يخبط ع الباب محدش بيرد
اسامه خبط بقوه وبيقول: منصور افتح انا اسامه
جار طلع وبصله: انت اخفض صوتك
اسامه: انا اسف بس انا جاي من القاهره تعرف الراجل المصري الي عايش هنا
الرجل: هل تقصد منصور
اسامه: ايوه منصور
الرجل: اذهب الي قسم الشرطه
اسامه: قسم الشرطه !
الرجل:نعم
اسامه: لماذا
الرجل : لانه تم القبض عليه
زينب لطمت ع وشها : ايه اتقبض
اسامه صرخ بجنون : اتقبض عليه واحنا ضيعنا يا زينب
…………….قصص منه محمد كاتب………………….
بعد ما وصلو لمركز الشرطه هناك عرفوا ان منصور مات في حادثه سير وسايب شنطه لـ اسامه فيها هدومه فقط الي اخدها هو وزينب وراحوا قعدوا ع شط البحر
زينب بعياط: هنعمل ايه دلوقت حتي شقتنا حجزوه عليها ومش معنا فلوس بعد ما بعنا عربيتنا وعفشنا عشان نوفر حق التذاكر
اسامه: مهما حصل انا اهم حاجه عندي دلوقت محدش ياخد بيت ابوكي
زينب: ازاي ده . وده اختلاس اموال عامه وانت هتتسجن في اللحظه الي هتحط رجلك في القاهره وانا هعمل ايه وانت في السجن
اسامه: اهدي
زينب ببكاء: انا بجد خايفه اوي مجرد ما بتخيل انك بتتسجن
اسامه فتح الشنطه وفضل يفتش فيها زي المجنون لحد ما لمح فلوس في فرده شراب ابتسم وقالها: منصور ضميره صحي وسابلنا دول
زينب بقهره: وانت ضميرك مديون بأكتر من مليون جنيه انت وثقت فيه وعمرك ما شكيت فيه وكنت بتعامله ع انه زي ابوك وهو خان حبك له وطعنك في دهرك
اسامه: انا متاكك انه عمل كده غصب عنه الراجل ده مش وحش
زينب : رغم كل الي احنا فيه لسه بتشكر فيه بس عارف للسبب ده انا بحترمك وبحبك
اسامه : احنا لسه مش عارفين ايه الي هيحصل هنا لحد ما نرجع القاهره رآي دول نحافظ عليهم ونصرف للضروره
زينب هزت دماغها برفض: لاء احنا هنعيش بيهم يومين ونصرفهم
اسامه بصلها: ايوه بس احنا ممعناش غيرهم لحد ما نرجع
زينب: واحنا مش هنبات ع الشط احنا نحجز غرفه في اي فندق ونشتري لبس ايوه هنعيش يوم من عمرنا ماهي كده كده خربانه يبقي نعيش ونشتري هدوم غاليه بدل الهدوم المستعمله
اسامه : انتي عايزه كده فعلا
زينب: ايوه
اسامه: تمام موافق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اللقاء الثاني)
