رواية غموض الحب الفصل الرابع والعشرون 24 بقلم لولا
رواية غموض الحب البارت الرابع والعشرون
رواية غموض الحب الجزء الرابع والعشرون
رواية غموض الحب الحلقة الرابعة والعشرون
في العربيه وزينب وعمر مروحين بيتهم
سيف بص من المرايه عليهم لقى زينب نايمه في حضن عمر وهو عمال يطبطب عليها فضحك وتابع طبطب ..طبطب كمان يا غالي اهي نامت اهي
عمر بضحك لا ياجدع بتتكلم جد نامت فعلا ??
حسام لف شافهم فاكمل بضحك دي نامت صح ادي اخره الحنيه والطبطبه زينب لما بتنام ممكن تقفل معاها ومتصحاش ربنا معاك بقى
عمر بضحك عادي يغالي تنام ولا يهمها
سيف ابتسم وتابع علشان حست بامان وانها ارتاحت اخيرا بعد كل ده
عمر بحب والله ليها حق احنا طلع عين اهلنا وباس جبينها وتابع بحنان خليها نايمه
حسام بغمز وضحك : من قلبك الكلام ده
عمر بضحك اه والله العظيم عيب عليك
سيف بضحك مش في صالحك الدلع ده يا حضره الظابط الاجازه قربت تخلص
عمر بضحك انشاء الله خير بس المهم عندي راحتها
سيف بحب بعيدا عن الهزار انا عارف طبعا ان راحه زينب اهم واول حاجه عندك بس علشان خاطري تفضل كده انا بعزك اوي ياعمر وانت عارف غلاوتك عندي قد ايه بس لو زينب دموعها نزلت بسببك صدقني هبقى حد وحش اوي انا معنديش غيرها ودي بنتي مش اختي بس
عمر بغمز لحسام : اوحش من اللي معانا في الكتيبه يعني ??
سيف وحسام فضلوا يضحكوا فاكمل سيف بضحك اه حاجه زي كده
حسام بضحك ياجدع مربيلهم الرعب في الشغل ايه ده
سيف بضحك والله غصب عني الوضع بيتطلب مني الحده دي
عمر بحب عموما يا غالي انا فاهم كلامك ده وعارف ان زينب نور عينيك وبنتك مش اختك بس وانا بقولك عمري ما اجي عليها ولا اعيطها بسببي ولو حصل اي خلاف زي اي اتنين متجوزين ههدي الوضع بينا ومش هيكبر
سيف بحب وانا مش عايز غير كده وربنا يهدي سركم ويفرحكم يحبيبي وبلنسبه لانها نامت لو مصحيتش م
عمر بحب وبمقاطعه متخافش يا سيف مش للدرجه دي ..
دي زينب يعني براحتها
سيف بحب ده العشم يا غالي
وبلفعل شويه ووصلوا البيت فاكمل سيف بحب صحيها يلا
عمر بحب زينب .. انتي يابت .. يحبيبتي
زينب بنوم اممم وفتحت عينيها ببطئ وتابعت ايه ياعمر
عمر بضحك صحي النوم يلا وصلنا البيت
زينب اتوترت واكملت ايه ده بسرعه كده
عمر بحب يحبيبتي ده انتي اللي نايمه طول الطريق انما طولنا شويه يلا فوقي كده علشان ننزل
ونزل وفتح الباب ونزلها فتابعت بحب وهي بتتفرج على الزرع اللي حوالين عماره بيتها : المكان جميل اوي بجد
عمر بحب طب الحمدلله يارب الشقه كمان تعجبك كده
زينب بحب المهم عندي اني بقيت معاك بجد مش مهم حاجه تاني وضحكت وتابعت يلا شيلني بقى
عمر بضحك اشيلك ايه يحبيتي اتلمي كده واطلعي يلا متفضحيناش اشيلك بإيد واحده ازاي يعني
زينب بضحك الله مش ظابط جيش مش هتعرف تشيلني بإيد واحده اخص
عمر بضحك ظابط جيش ااه انما مش ساحر مش بنت اختي انتي علشان اشيلك بايد واحده شوفي حجمك الاول بعدين اتكلمي
زينب برفعه حاجب نعم نعم ليه مالو حجمي يا ابن عزيز ده انت ليلتك انهارده مش
سيف بمقاطعه وضحك بس بس مش وقته نكد خالص وراح عندها ووطي شالها بين ايديه وتابع بضحك صاحب عمري بقى ويصعب عليا يومه يضرب فعديها اديني شيلتك انا
زينب بضحك خلاص سماح علشان خاطرك انت بس
حسام بضحك طب هستناك هنا طلعها وانزل متتاخرش
سيف بحب حاضر وكلم امك علشان جايه تجيب الاكل وشنطه زينب من شقه الخرا اسر شوفها وصلت لفين
حسام هز راسه بتمام
سيف بحب يلا بقى ياعروستنا
عمر بضحك تسلم يا غالي دايما بلاقكيك وقت الشده
سيف بضحك وهو طالع بيها تابع علشان تعرف بس معزتك عندي
زينب حطت ايديها حوالين رقبه سيف وبصت لعمر اللي طالع وراهم على السلم وطلعتله لسانها
عمر بضحك صبرني على ما ابتلتني يارب
سيف بضحك مجبر تستحمل خلاص البضاعه المباعه لا ترد ولا تستبدل اتحمل عواقب افعالك
زينب بضحك نعم ??? هو انتوا ماصدقتوا ولا ايه
سيف وعمر ضحكوا فاكمل سيف بضحك لا يعمري مقدرش طبعا وفضل يطلع لحد ما وصلوا شقتها فنزلها واكمل بحب اي اوامر تانيه يا عروستنا
زينب بحب اه تدخل معايا
سيف بضحك لالا ادخل فين انتي عايزه عمر يقتلنا
زينب برفعه حاجب ويقتلك ليه انشاء الله ماهو بيت اختك يبقى بيتك بردو
عمر بضحك والله انتوا ظالمين عمر اليوم كله ياباشا تنور انا مفتحتش بوقي اقسم بالله
سيف بضحك يحبيبي من غير ماتقول الحاجات دي بتتحس بس البعيده مفيش خالص
زينب بتمثيل سيف بالله فكك من الجو ده واني عروسه ومش عارف ايه وادخل اقعد معايا شويه متزعلنيش منك ازاي يعني تيجي لحد بيتي ومتدخلش تزورني من اولها كده يعني ??
سيف بضحك هي مش دي اختي ??? بس بعد اللي اتقال ده اكتشفت ان انت اللي ظلمت نفسك بلجوازه دي اه والله
عمر فضل يضحك فتابعت زينب برفعه حاجب بقى كده ماشي يا سيف
عمر بضحك ربنا معايا ادعيلي بقى
سيف بضحك لا عليك وعلى الصداقات انت عايز مصر كلها تدعيلك وغمز بضحك وتابع دي شغاله تتلكك ياباشا
عمر فهم قصده ففضل يضحك فتابعت زينب بضيق ماشي ماشي اتريقوا افتحلي الباب ده عايزه ادخل خليك ياسيف انا غلطانه
عمر بضحك وهو بيفتح اممم بدانا والهرمونات اشتغلت
سيف بضحك تعالي بس هنا ومسك دراعها وخلاها تبصله وتابع بحب ايه يحبيبت سيف ده احنا بنهزر معاكي متبقيش قفوشه كده
زينب برفعه حاجب اممم ما واضح كاني مش اختك بتحفل مع صاحبك عليا
سيف بضحك لا ملكيش حق ده انا طلعت عين اهله الفتره اللي فاتت كلها
عمر بضحك حصل
سيف بحب باس جبينها وتابع احنا بنهزر طبعا هو انتي في منك يا زوزتي اصل مش معقوله هدخل اقعد معاكم يوم فرحكم بليل كده مش للدرجه دي يعني .. الايام جايه كتير وضحك وتابع بس وحياه امك بلاش نكد على الراجل عدي يومك اقسم بالله بنهزر
زينب بابتسامه خبيثه ياخرابي هي زوزا تعرف نكد بذمتك ???
سيف بص لعمر وغمز وهمس هكدب بس عديها ها
عمر بهمس وضحك ياباشا ابوس ايدك اكدب ده انا مقرر هطبل معاك اساسا
فضحك سيف وبص لزينب وتابع بضحك لا طبعا ياعمري ده انتي ست البنات
عمر بحب اه طبعا حد يقدر ينكر
زينب بصتلهم بضيق من همسهم لبعض ولفت لقيت عمر فتح الباب فتابعت برفعه حاجب لا والله صدقت انا كده انكم مبتاكلوش بعقلي حلاوه مش كده ?? خليك مع صاحبك احسنلك يا ابن عزيز ومتجيش ورايا ودخلت
عمر اضربت الليله
سيف بضحك قسما بالله هي مخططه تضربها من بدري وانت مش واخد بالك اصلا
عمر بضحك حسيت فعلا يلا انا كده كده مكسور وحيلي اتهد هجيبها فيها بقى علشان برستيچي بردو
سيف فضل يضحك بشده واكمل لالا مش قادر انا كل ما همومي تزيد هجيلكم تنسوني ده انت فظاع بجد ربنا جمع ووفق .. هنزل انا ها خلي بالك منها او خلي بالك على نفسك مش متاكد
عمر فضل يضحك وتابع تنور يغالي ومتخافش في عيني ولو على نفسي فمش متاكد الصراحه بضعف قدامها وبنفذ اللي هي عايزاه يعني حاسس هطرد بكرامتي من الاوضه انهارده
سيف بضحك اجمد كده يا حضره الظابط واقف على حيلك ده انت واحد من كتيبتي الله
عمر فضل يضحك واكمل هحاول بس موعدكش
سيف بضحك ربنا معاك يلا باي
عمر بضحك باي
ودخل وقفل الباب ومشي شويه لقى زينب واقفه في الصالون بتتأمل المكان وبتبص لكل ركن باعجاب شديد فحضنها من ضهرها وتابع بحب ايه رايك
زينب بحب واعجاب تحفه كلمه قليله بجد ولا غلطه زوقك حقيقي روعه انا شوفت المطبخ والصالون والحماماات والاوض حقيقي تحفه وعلى ما اعتقد اللي اخر الطرقه دي اوضتنا صح ??
عمر باس خدها وتابع بحب اه صح ومبسوط ان البيت عجبك بس كلمه حق انتي اللي نورتيه وعملتيله بهجه انا مبجيش هنا اصلا دي اول مره هقعد فيه كنت مقرر اننا هندخله سوا حقيقي تعبت فكل تفصيله فيه جداا وطول اوي لحد ماجهز بحكم اجازتي بقى مكنتش بشتغل فيه غير لما بنزل
زينب لفتله واكملت بحب ودي احلى حاجه علشان كل ركن من زوقك وتعبك وحقيقي مبسوطه بكل حاجه وفرحتي مش عارفه اخبيها
عمر بحب يارب يقدرني واخليكي اسعد واحده في الدنيا العمر كله
زينب بحب حضنته وتابعت انا هفضل مبسوطه طول منا معاك ياعمر خلاص
عمر باس راسها وتابع ربنا ميحرمنيش منك ويباركلي فيكي يارب
زينب بحب يارب .. تعالى ياعمر فكلي دبابيس الطرحه دي تعبت حاسه شايله جبل
عمر بضحك يلا
فزينب مسكت ايده ودخلت اوضتهم ورغم انها شافتها فضلت تبص لكل ركن فيها تاني باعجاب شديد مش مصدقه انها خلاص في بيتها ومع حبيبها اخيراا وقعدت قدام التسريحه ومسكت الفون وتابعت بحماس يلا فك
عمر قلع جاكت البدله وتابع بستغراب انتي بتعملي ايه ??
زينب بحب بصور
عمر بستغراب انتي اتجننتي بتصوري وانا بفك طرحتك ??? هو الكلام ده بيتصور ???
زينب بحب في ايه ياعمر ما كل الناس بتعمل كده متبقاش اوفر
عمر بتنهيده زينب مبدائيا انا ماليش دعوه بكل الناس انا ليا دعوه ب بيتي ومراتي وانا مش مقتنع ان خصوصيات زي دي تتصور ده اللي هو ازاي يعني نتصور في اوضتنا بفكلك طرحتك يعني ايه الكلام الغريب ده سيبي الفون الله يرضى عنك يا بنتي وعدي ليلتك اللي مش راضيه تعدي دي بقينا في زمن غريب قسما بالله
زينب سابت الفون بضيق وتابعت خلاص اديني سبته اهو فكهم يلا
عمر بدا بلفعل في فك طرحتها لحد ماخلص كل البنص والدبابيس ورايح يشيل الطرحه خالص فتابعت زينب بسرعه لالالا خليها
عمر بستغراب في ايه يابنتي صرعتيني اومال فكيناها ليه
زينب بحب علشان اخد شاور واافاجئك المهم قامت وقفت وتابعت افتح السوسته بتاعت الدريس وبرا مشوفش وشك في الاوضه
عمر بضحك كنت حاسس والله ليه المعامله الناشفه دي طيب
زينب برفعه حاجب هو كده انا مش ناسيه على فكره
عمر بضحك وهو بيفتح السوسته تابع مش ناسيه ايه بلظبط
زينب بابتسامه كل حاجه يلا بقى برا
عمر بضحك ماشي ياستي وفتح دولابه خد هدومه ومسك جاكت بدلته وخرج وقفل
وزينب قلعت الدريس والطرحه ودخلت تاخد شاور وبعد شويه خلصت واتصدمت ان لسه هدومها مجاتش فاكملت بصدمه يالهوي انتي ازاي نسيتي يامتخلفه هتعملي ايه دلوقتي بس
وفكرت ثواني ففتحت الباب فتحه صغيره وتابعت عمرر .. ياعمرر
عمر دخل واكمل ايه يحبيبتي
زينب بحرج عمر انا نسيت ان لسه هدومي مجاتش
عمر بتصنع عدم الفهم: اه وايه المشكله ??
زينب بحرج وضيق : انت هتعصبني ليه هطلع ازاي يعني ????
عمر بضحك ماتطلعي هو في حد غريب
زينب بحرج عمر بالله عليك بطل تحرجني هطلع قدامك ازاي يعني
عمر غمض نص غمضه وتابع بضحك خلاص هغمض عيني اهو
زينب بضيق عمرر انا مبهزرش
عمر فضل يضحك بشده على شكلها وتابع اعملك ايه يعني الله
زينب بحرج هات من هدومك اي تيشرت مؤقتا
عمر بضحك لا وعلى ايه امك جابت شنطتك والاكل الاتنين برا اهم انا قولت اضايقك شويه انما هترسي على تشيرتي لا اجبلك شنطتك اللي فيها لبسك احسن يحبيبتي قال تشيرتي قال استنى العمر ده كله وفي الاخر تقولي تشيرتك
زينب بضحك والله انت قليل الادب ومتربتش واصلا قاعدلي من غير تيشرت ليه هااا انت اتعودت تقعد كده قدامي ولا ايه ?? طب الاول كنت بعالجك دلوقتي ايه ده دلع ???
عمر بضحك لا ياختي مش دلع بس مبعرفش البس التيشرت انا قلعت البدله ولبست البنطلون بلعافيه قسما بالله
زينب بضحك لا يحبيبي اخرج انا البسك تيشرتك ولا يهمك
عمر بضحك لا انا مش ندل زيك فمش مكسوف من مراتي
زينب ضحكت وخرج هو جبلها الشنطه وشافها رايحه تتكلم فاكمل بضحك حاضر هخرج برا
زينب بضحك ايوه كده شاطر
وبلفعل خرج عمر وقفل الباب فخرجت زينب من الحمام وفتحت شنطتها وتابعت بخبث ماشي مش مرضتش بتشيرتك انا هوريك
ولبست بيجامه ميكي ماوس بنطلون وتيشرت نص كم وبونيه على شعرها و تابعت عمر .. عمر تعالى خلاص
عمر داخل بحماس ومبتسم اول ماشافها ابتسامته اختفت وتابع ايه ده ???
زينب بحب ايه يحياتي
عمر بصدمه ده بالله ياريتني سبتك تلبسي التيشرت بتاعي
زينب بضحك اللي بيفتري على النعمه بقي
عمر بضحك زينب انتي بتستعبطي صح ايه ده بجد هو في عروسه بتلبس كده يوم فرحها ولا انتي عايزه تطفشيني قولي الصراحه
زينب بضحك ايه ده اخص عليك يا عمر مش عجباك بيجامتي طب ده اول مره تشوفني ببجامه مش تقولي رايك وراحت لفت ايديها حوالين رقبته وتابعت لالا زعلتني
عمر بضحك لا يا شيخه مفروض اتاثر وتثبتيني كده يعني و لا ازاي ماليش حق مفروض اقولك رايي والحقيقه انا ببدي اعجابي بشده بلبجامه بتاعتك على الاقل مبلوعه عن اللي حطاهولي بيداري شعرك ده وتقولي وهي بتعيط ومضايقه ان امها جابتلها لبس عرايس قال هو ده لبس العرايس ده لبس الهم
زينب فضلت تضحك بشده واكملت لالا خد بالك انك مش بتقدر النعمه هو احنا كنا طايلين
عمر بحب شدها ليه واكمل الصراحه لا بس ده مبرر للنكد اللي انتي عملاه في يوم زي ده بذمتك ??
زينب بحب اه ياقلبي مبرر عد معاايا وعدت على صوابعها واحد الهانم سلمى اللي واخد عليها كانها اختك ولا حاجه .. اتنين اسماء اللي بتاخدك بلحضن قدامي .. تلاته هزارك انت والباشا سيف يبقى حقي ولا مش حقي
عمر بضحك عارفه انا عايز اشتمك بس اخلاقي مش سمحالي الصراحه بس النيه موجوده على فكره
زينب بضحك عمر انا مبهرزش
عمر بحب لا بتهزري لانك لو بتتكلمي جد فانتي عارفه اني مش شايف غيرك وكل ده كلام فاضي
زينب بغيره وده مش قله ثقه في حبك ليا او ثقتي بنفسي اني كفايه في نظرك او لا …لا بلعكس انا بس مبحبش اي بنت تكلمك او تقرب منك او تهزر معاك حتى لو زي اختك وقربت منه وتابعت علشان انت لزينب وبس
عمر حط ايديه على ضهرها وقربها ليه وتابع بحب طب كويس انك عارفه اني ليكي انتي وبس الكلمه دي لخصت الكلام كله اللي ممكن يتقاال وحقك عليا على غيرتك دي انا فاهمها لان انا كمان كده المهم مش قولتيلي في القاعه قدام سيف روح ونكمل كلامنا بعدين وغمزتي وحركات فين كلامنا بقى عايز اسمع
زينب بضحك نصلي بس الاول بعدين عيني هقولك
عمر بضحك بتهربي ومش هطول منك حاجه بس ماشي روحي البسي الاسدال لحد ما اجيب السجاد والمصحف
زينب حاضر بس استنى بس ساعدني اشيل ضوافري دي الاول
عمر قعد جمبها على السرير وتابع بستغراب طب وركبتيها ليه من الاول ده هتوجعك كده
زينب وهي بتشد في واحد تابعت لا مش بتوجع اوي وبعدين انا عروسه ياعمر مينفعش مركبهاش مالك
عمر والله يا قلب عمر .. عمر هيتشل علشان قسما بالله ماخدت بالي اساسا منهم انتوا كبنات بتكبروا المواضيع وضوافر ومش عارف ايه ولون روج معين والالوان كلها بتبقى شبه بعضها اساسا بس انتوا بتفرقوا بينهم متعرفيش ازاي وحاجات غريبه كده واصلا احنا الحمدلله مبناخدش بالنا من اي حاجه اهدار مجهود ده لعلمك
زينب فضلت تضحك واكملت والله ده انتوا صنف خساره فيكم التعب
عمر بضحك الحق عليا عايزك بطبيعتك يعني ابقى غلط ?
وبدا يخلعهم معاها
زينب بحب لا يعمري مغلطلش
عمر بضيق زينب بجد ممكن بلاش منهم تاني انتي مفروض بتصلي فمش هنفضل نخلع ونركب
زينب بوجع ااه حاضر ياعمر مش هركبه تاني والله ده علشان الفرح بس
عمر بحذر اهدي هخلعهولك انا واحده واحده ماسك اوي ده
زينب بوجع يلا ياعمر هو اخر واحد بس براحه والنبي
عمر وهو بيشيله تابع ده غُلب وحِزن قسما بالله الواحد ضيع اليوم نصه في طرحتك ونصه في ايدك وفي الاخر قال تفاجئني بميكي ماوس قال … ده مغلطش سيف لما قالي محتاج مصر كلها تدعيلي اه والله
زينب فضلت تضحك وتابعت ماشي ماشي زود غلطاتك
عمر شال الضافر وتابع بضحك يا شيخه اتنيلي مانكد بنكد بقى اطلع اللي جوايا بدل ما اطق واموت
زينب ضحكت وقامت واكملت انا مش هرد عليك احسن والله
وراحت لبست الاسدال وعمر جاب السجاده والمصحف وتابع زينب معلش لبسيني التيشرت
زينب بحب هات يحبيبي ومسكت التيشرت ولبسته بحذر علشان ايديه وتابعت بحب اهو يلا بقى
عمر بحب تسلميلي يارب وباس جبينها وتابع بحب يلا نتوضى ونبدا
زينب بحب ماشي يلا
و بلفعل اتوضوا وعمر صلى امام وزينب وراه وشكروا ربنا من قلبهم ان سمعهم واستجاب لدعائهم ودموعهم نزلت من فرحتهم وعمر قرا من القرآن بصوت حلو جدا وزينب كانت متأثره بصوته وعاجبها اوي ففضلت تستمع باعجاب شديد وداعت ان ربنا يحفظ عمر ويحميه ويبارك حياتهم الجديده ويديمه ليها ويزيد حبهم
لبعض ويرزقها منه باطفال صالحين….وبعد ماخلصوا صلاه عمر لف حط ايديه على راس زينب وهمس بدعوات ليهم وهي بصاله ومبتسمه بعدين قام وقف وتابع بحب حرماًُ
زينب بحب جمعاً يحبيبي
ووطت شالت السجاد وتابعت بحب اخرج هات الاكل وتعالى يا عمر بالله عليك علشان جعانه اوي
عمر بحب حاضر عيوني
وبلفعل خرج وهي دخلت الحمام غيرت هدومها ولبست قميص احمر قصير حمالات لايق على بشرتها البيضه وفردت شعرها على ضهرها وجزء منه قدام وحطت ميكاب رقيق وروج احمر وبصت لنفسها باعجاب في المرايه كانت جميله اوي فاتابعت بحرج اطلع ازاي كده بجدد اووف اعمل ايه بقى في الشجاعه والحماس اللي خدني ده
عمر من برا : يا زوزا يلا الاكل هيبرد
زينب بصوت عالي نسبيا حاضر يا عمر جايه وبصت لنفسها في المرايه وتابعت بتشجيع: يلا عادي متخافيش ده عمر يعني امانك معاه اصلا هتتحرجي شويه بعدين خلاص تمام يلا 1 ..2..3 وفتحت الباب وخرجت
عمر وهو بيرص الاكل تابع بتعملي ايه كل ده يا … وسكت بذهول لما شافها وبصلها بحب واعجاب شديد
زينب بحرج من نظرته: ايه في ايه انا مش مرتحالك هاا
عمر ساب الاكل وتابع بحب وهو بيقرب منها ايه الحلاوه دي طب كان لازمته ايه حرقه الدم طلما انتي قمر كده بس تصدقي يابت يازينب ليكي حق انا خايف احسدك من حلاوتك
زينب بتوتر وهي بترجع بضهرها تابعت اه انت هتقولي ما باين من عينيك عمر بالله ارجع كده متوترنيش وخبطت في الحيط
فعمر حط ايديه السليمه على الحيط جمبها وقرب منها وتابع بحب مالك يازينب في ايه انتي خايفه مني انا انتي اتجننتي وبعدين مالها عيني انا نظرتي ليكي كلها حب مش حاجه تاني
زينب بتوتر منا فاهمه والله ومش خايفه منك طبعا بس محرجه اوي .. حاسه اني مش عارفه اقعد كده
عمر بحب محرجه مني انا طب والله عيب بعد كل الحب ده تتحرجي مني احنا خلاص بقينا واحد ومسك ايديها باسها وتابع بحب بس عموما راحتك اهم حاجه عندي روحي البسي حاجه تكوني نفسيا مرتاحه فيها
زينب بتوتر ليه هو انا كده وحشه ولا ايه
عمر بحب لا طبعا انتي قمر وطول عمرك قمر وقولتلك كده وباين من عيني انا بس عايز راحتك ومشى ايديه على شعرها وتابع باعجاب عارفه اول مره اشوفك فارده شعرك كده وحقيقي جميله اوي فكل حالاتك
زينب بتوتر ربنا يخليك ليا يحبيبي بس عمر بالله انا بموت فيك وبحبك اوي بس مش عارفه متوتره ليه بص قلبي مش مبطل دق سريع فابعد شويه ممكن ???
عمر بضحك ممكن حاضر بس والله ماتقلقي مني اعتبريني زي سيف الفتره دي
زينب بضحك زي سيف ازاي يعني
عمر بضحك بتكلم جد انتي مش شيفاني مكسور ازاي وتعبان فا والله ماهيحصل اكتر من اللي بتعمليه مع سيف
زينب بضحك اه صحح .. تمام اذا كان كده فا حلو اوي وحضنته
عمر ضمها ليه وتابع بضحك بص بنت الجزمه كانت خايفه مني واول ماقولتلها اعتبريني سيف حضنتني
زينب بضحك بكافئك علشان طمنت قلبي الهي يطمن قلبك
عمر بضحك اخص عليكي للدرجه دي هم تقيل على قلبك يا زينب
زينب رفعت وشها ليه وهي حضناه وتابعت بحب والله مش كده انا معزش عيني عليك بس متوتره اوي ومش مستعده فاهم ??
عمر بحب وبعيدا عن الكسر انتي تستعدي براحتك هنروح من بعض فين يعني انا المهم عندي انك بقيتي معايا وضمها اكتر وتنهد بارتياح وتابع بالله حاسس حضنك عامل زي كوبايه المايه الساقعه بعد مشي 10 ساعات في الصحرا
زينب ضحكت وتابعت بحب ربنا ميحرمنيش من ابدا ينورعيني ويفضل حضني مفتوحلك العمر كله وبصتله تاني وتابعت انت قربت تفك الجبس ومعاد عودتك كمان قرب فمتخافش انا مش هنكد اوي
عمر بضحك والله انتي تعملي اللي انتي عايزاه ولا يهمك
زينب بحب والله انا عرفت اختار صح
عمر بخبث شاور على خده وتابع صحيح يلا ادينا بقينا لوحدنا ولا هتتخيلي ان سيف واقف المره دي كمان
زينب بضحك لا مفيش حد بس انا مكسوفه
عمر بضحك زينب متخلنيش اشتمك
زينب بضحك طب بجد معلش تعالى على نفسك واستحمل شويه
عمر حط ايديه على وسطها وشدها ليه وتابع بحب بذمتك كل ده ومش مستحمل
زينب دقات قلبها عليت من قربها منه وتابعت بتوتر عمرر
عمر بحب قلب عمر
زينب بحب طب بص شويه وهعملك اللي انت عايزه بس دلوقتي لا بلييز
عمر بضحك بليز انتي كفياكي عذاب مش كل ده علشان تبوسي خدي في ايه
زينب بحرج بس اخرس بتقول ايه بس
عمر فضل يضحك على كسوفها وتابع بحب خدي بالك انتي بتتلككي مفروض خلاص اهو خلصنا صلاه وجينا البيت علشان في السيشن حسك حلو اوي وبتقولي تاخد راحتك ايه انت فاكر نفسك في البيت
زينب بضحك اه يعني انت عايز ايه ياعمر دلوقتي
عمر ابتسم بحب وشاور على خده
فزينب ضحكت وتابعت يعني مصمم
عمر هز راسه ب اه فا وقفت على اطراف صوابعها وباست خده
عمر بضحك اخيرا يا شيخه نشفتي ريقي
زينب وهي رايحه تقعد قدام الصنيه على السرير تابعت بضحك متاخدش على كده بقى
عمر بضحك ده متاخديش انتي على كده انا هغيرك بس الصبر وراح قعد جمبها من الناحيه التانيه وتابع زينب ساعديني اقلع التيشرت ده حران
زينب قامت قلعته التيشرت وقعدت جمبه وتابعت بحب يلا علشان ناكل بقى وفتحت الاطباق وتابعت بضيق يالهوي عليكي يا امي انا مبحبش الحمام بردو عملته
عمر هو طبيعي بيعملوا حمام الناس كلها كده بس خلاص متاكليهوش كلي حاجه تاني متزعليش نفسك
زينب انت بتاكله طيب افصصلك ??
عمر يعني مش اوي
زينب بحب خلاص هاكلك انت منه وبدات بلفعل تفصص الاكل وتاكله
فاكل منها عمر وتابع بجب تسلميلي يحبيبتي بس كلي انتي سيبك مني
زينب بحب خلص انت بس اكلك وملكش دعوه بيا هاكل ومدت ايديها بلاكل
عمر اكل منها واكمل طب كلي معايا يازينب متستنيش للاخر
زينب كالت واكملت بحب حاضر والله اهو
وفضلوا ياكلوا فتابع عمر بحب على كده ده مين اللي عمل الاكل ده من عندكم ??
زينب بابتسامه ماما حلو ولا ??
عمر بحب لا جميل تسلم ايديها بصراحه وانتي كمان اكلك زي القمر
زينب بستغراب انت كالت اكلي امتى
عمر بضحك مالك يا غيبوبه ساعه لما امي توفت مش جيتي وعملتيلي اكل
زينب بضحك ااه ااه صح برافو يحبيبي ذاكرتك قويه
عمر ابتسم وتابع عيب عليكي مبنساش
وتنهد بحزن وقام دخل الحمام
فزينب لاحظت تغير وشه وفهمت ليه وتنهدت بحزن
ووقف عمر قدام المرايا وبص لنفسه عينيه حمرا ومتجمعه فيها الدموع فشغل الحنفيه وابتدى يغسل وشه ودموعه اختلطت بلمياه وافتكر
فلاااش بااااك
عمر راجع من اجازته وبيخبط على الباب بحماس وفرح
سوسن وهي بتلف الطرحه اكملت ايوه ايوه جايه حاضر
وفتحت الباب وتابعت بفرح شديد ودموع عمررر ياااقلب امك وحضنته جاامد وفضلت تعيط وتابعت بعياط وفرح ينورعيني ياعمر واحشتني واحشتني اوي يا ابني كل دي غيبه
عمر بحب وهو بيحضنها اكتر تابع وانتي اكتر ياست الكل والله وباس جبينها وايديها وتابع اخبارك ايه يا غاليه طمنيني عليكي
سوسن بدموع فرح بقيت كويسه لما شوفتك يا ابني الدنيا كلها ضحكتلي بِطالِتك عليا
عمر دموعه نزلت وتابع باشتياق واحشتيني اوي اوي بجد يا امي وحضنها اكتر
سوسن قعدت وخدته في حضنه وسندت راسه على صدرها وتابعت بحزن كل ده ينورعيني هونت عليك يا عمر تسبني لوحدي كده هو انا ليا غيرك
عمر باس جبينها وتابع بحب حقك على راسي يا غاليه غصب عني مانتي عارفه
سوسن بحزن عارفه يا ابني ربنا يحميك انت واللي زيك يارب واعيش وافتخر بيك بس بتوحشني غصب عني بردو بخاف تغيب عليا تيجي متلاقنيش ده انا ست كبيره و
عمر بمقاطعه ووجع بس ياما انتي ايه اللي بتقوليه ده هو انا ليا غيرك بعد الشر عنك ربنا ياخد من عمري ويديكي ياست الكل
سوسن بحب بعيد الشر عنك يا غالي انت لسه في عز شبابك ربنا يسعدك ويفرحك يا ابني وضحكت وتابعت اومال مين يتجوز زينب لو انت عمرك قصر يعني يا واد
عمر ضحك وتابع ياست الكل انتي عمري كله فداكي عيب عليكي هي زوزا اه الحب بس انتي امي بردو واغلى حاجه في دنيتي
سوسن بحب باست خده وتابعت وهي بتاخده في حضنها ربنا يجمعك بيها يا ابني بدعيلك بيها كل يوم ويارب يجي اليوم ده اللي اشوفك عريس فيه يا عمر يااه ده يوم المنى لما تتجوز واشيل عيالك والله ماهعوز حاجه تاني من الدنيا
عمر بحب باس ايديها وتابع في حيااتك ينورعيني يارب يسمع منك وتنهد وتابع لحسن انا مستصعب الموضوع اوي الصراحه
سوسن بحب ليه يعني ده انت ظابط قد الدنيا والف مين تتمناك خليك واثق في نفسك كده يا واد ده انت ابن عزيز الهواري
عمر بتنهيده مش مساله نسب بس دي اخت سيف وانتي عارفه سيف بنسبالي اخويا وصاحب عمري والقائد بتاعي فا الموقف حساس اوي
سوسن بحب وسيف عمره مايعز زينب عليك اسألني انا هو مش هيحسبها زيك ده بلعكس هيطمن على اخته معاك
عمر بتنهيده حتى لو طب وزينب نفسها افرض في حد في حياتها هعمل ايه ساعتها وتنهد بعمق وتابع بخاف من الفكره دي اوي بجد
سوسن بحب في حد مفيش حد هتبقى قسمتك انت في الاخر اسمع من امك المهم اللي يتجوزها كلنا لينا تجارب كتير حتى لو مش انت اول حب ليها هتحبك وهتبقى ليك اسمع مني ربنا عمره ماخذلني في اي دعوه طلبتها منه
عمر بضحك يارب يسمع منك يا سوسو هقول لا يعني
سوسن بضحك قلب سوسو والله ينورعيني ربنا يفرحك يارب ويعجل بفرحك عايزه اشيل عيالك بقى
عمر بحب يارب يا غاليه بس الا انتي عايزه زينب علشان بحبها ولا عجباكي
سوسن بحب الصراحه تتقال الاتنين اصل البت ادب واخلاق وجمال وميعبهاش حاجه ووشها بدر منور يعني يازين ما اختارت يحبيبي وغمزت وتابعت بضحك وحلوه حلوه يعني مش زي بنات اليومين دول اعواد قصب
عمر فضل يضحك وحضنها وتابع يخرابي عليكي يا امي بتقولي ايه بس انتي فصصتي البت
سوسن بضحك الله ما لازم اطمن مش عروسه ابني
عمر ضحك وباس ايديها وتابع بحب يارب ياغاليه يستجيبلك وميحرمنيش منك انتي ودعواتك ابدا يارب
باااااااك
عمر بوجع والدموع متحجره في عينيه بص للمرايا وتابع في سره: اديني اتجوزت وبقيت عريس وخدت زينب فعلا بس انتي مش معايا يا امي ورجعت فعلا كنتي في المستشفي ولقيتك مشيتي آه يارب ربنا يصبرني على فراقك ويرحمك يا غاليه ودموعه نزلت وبص للحوض وغمض عينيه
زينب جات من وراه وحضنته من ضهره وتابعت بحزن الله يرحمها يحبيبي حقك عليا
عمر غسل وشه ولفلها وهو حاضنها وتابع بحب يارب يحبيبتي انا كويس متخافيش
زينب شدت الفوطه نشفت وشه وحطتها مكانها وتابعت بحزن عليا انا ياعمر على اساس مش عارفاك وفاهمه تفكيرك يعني
عمر تنهد بحزن وتابع تعالي بس مش هنقف نتكلم في الحمام وخرج وراح قعد على السرير كانت زينب لمت الاكل فرجع ضهره لورا ونام وزينب جات خدته في حضنها وسندت راسه على صدرها وشدت المفرش اتغطوا وتابعت بحزن مالك يحبيبي خرج اللي جواك بس متسكتش كده
عمر تنهد بعمق وتابع واحشتني اوي الفتره اللي فاتت من ساعه ما مشيت وانا مسحول من مشكله لمشكله بس عمري ما نسيتها ولما اتجوزنا وافتكرت كلامها انها نفسها تشوفني عريس وتشيل عيالي اتقهرت اوي كانت علطول خايفه ان ارجع من شغلي الاقيها مشيت وحصل
زينب عيطت بصمت وغمضت عينيها بوجع واكملت بصوت مهزوز الله .. الله يرحمها ويصبرك يحبيبي وحضتته اكتر وتابعت اجمد كده يعمر انا متعوده عليك جامد و قد اختباراتك كلنا لها يحبيبي
عمر بوجع مكنش فاضلي غيرها يا زينب بقيت يتيم ووحيد اب وام مش اعتراض يارب بس كان نفسي تكون معايا دلوقتي بس على الاقل
زينب باست جبينه وتابعت بدموع الله يرحمها ويسكنها الفردوس الاعلى يحبيبي و انا ليا الشرف اني اكون امك واختك وحبيبتك وصاحبتك ومراتك وبنتك وكل حاجه ليك ووالله لو عوزت عيني متغلاش عليك بس بشرط انك تجمد علشان انا بستمد قوتي منك ياعمر
عمر اتعدل وهو قريب منها وسند جبينه على جبينها وتابع بحب عمر مش عايش غير علشانك حقيقي
زينب ابتسمت بحب وتابعت والدموع في عينيها يارب يديمك ليا ينورعيني ويحفظك ويحميك يارب
عمر مسح دموعها وباس خدها وتابع بحب ويديمك ليا ياست البنات وحقك عليا عيطك في يوم زي ده
زينب بحب بس ياعمر متقولش كده انا وجعك بيوجعني وفرحك بيفرحني احنا واحد مش عدل نفرح سوا وتزعل لوحدك
عمر ابتسم بحب وتابع ربنا يباركلي فيكي يارب وشدها ليه وباسها بحب
زينب بضحك وحرج : ايه اللي عملته ده ها اتلم وضربته في صدره
عمر فضل يضحك واكمل يانهار اسود اتلم ايه يحبيبتي انتي دماغك تعبانه ولا ايه هو انا كده عملت حاجه .. يارب صبرني على ما ابتلتني يارب
زينب بضحك هيصبرك متقلقش قررها كده واجيبلك سيف يعلقك
عمر فضل يضحك وتابع ده بالله لو سيف عرف ليعلقك انتي خلاص الكلام ده كان زمان انه لو اتعديت حدودي يعلقني انما دلوقتي المفروض اتعداها
زينب ضحكت و لفت ايديها حوالين رقبته واكلمت بحب لا ياعمري ده مبقاش في بينا حدود اصلا خلاص الحدود دي في شغلك بس
عمر فضل يضحك وتابع الله طب مانتي زي الفل اهو مالك بقى
زينب بضحك لا ماهو انا كلام بس متلاقنيش في الافعال
عمر وهو بيقرب منها تابع بحب مانتي متعرفيش الكلام ده بيعمل ايه
زينب حطت ايديها على صدره تبعده وتابعت بضحك عمر اتلم والله اسيبك واطلع انام برا
عمر بحب طب بذمتك ههون عليكي ???
زينب بحب لا ياعمري يبقى نتلم وانا هفضل انت قولتلي اعتبريني سيف الفتره دي سيف مش بيعمل كده
عمر بضحك لا ماهو مش سيف اوي يعني انتي لزقتي في الكلمه
زينب بضحك طبعا علشان عمر بيه مش بيرجع في كلامه ولا ايه????
عمر بضحك لا ممكن في حالات معينه يضعف ويرجع زي انك اول مره تبقي قمر كده قدامي ما هو انا مش كاتب كتاب علشان يبقى زي سيف بلظبط يعني الهي يسد نفسك يابعيده
زينب برفعه حاجب لالا ثانيه بس اول مره ابقي ايه ??
عمر بضحك اممم لقيت حجه اهي تنكد بيها اتخمدي يا زينب اتخمدددي خلاص ولا تعتبريني سيف ولا تعتبريني عمر اقولك الخلاصه اعتبريني مش موجود
زينب فضلت تضحك وتابعت لا بجد مبهزرش هو انا بجد اول مره تشوفني حلوه انهارده ???
عمر يعني بذمه ابوكي ده سؤال ??? اومال اتجوزتك تخليص حق يعني ولا ايه انا اقصد الهيئه دي علشان اول مره تظهري بيها قدامي وشعرك وقريبه مني وباخدك في حضني انتي دماغك تعبانه ليه كده يابنتي
زينب ضحكت وتابعت بحب اممم خلاص ظلمتك ياغالي
عمر بضحك طول عمرك على فكره
زينب ضحكت وتابعت اه انت هتقولي ورفعت قميصها تعدله فالفتت الحنه نظر عمر فتابع بتفاجئ ايه ده استني انتي كاتبه ايه????
زينب بحرج لالا ولا حاجه متركزش
عمر بضحك بالله عليكي وريني علشان لمحت اول حرفين
زينب بحرج بس ياعمر اتلم اوريك ايه بس
عمر بضحك يازينب مالك انتي اتجننتي يحبيبتي والله بقيتي مراتي
زينب بحرج وهي بتجيب شعرها قدام تابعت اه اه منا عارفه بس مش متعوده بص متاخدش عليا
عمر فضل يضحك على كسوفها وتابع طب بالله عيب عليكي المرار اللي بتوريهوني ده اشحال مش حب عمرك يعني
زينب بحرج عمر ما تتربى بقى وتسكت
عمر شدها ليه وتابع بضحك حاولت ومش عارف تدري ليش
زينب بضحك ليش
عمر بحب علشان حبيبت عمري بقيت مراتي وحلالي خلاص فبذمتك اتربى ازاي
زينب ضحكت وتابعت طب معلش حاول لحد منا اوصل لليڤل بتاعك ده
عمر بضحك يبقى هستنى كتير .. اخلصي يلا يازينب وغلاوتي عندك وريني الحنه بينيها هي بس ياستي شوفتي انا محترم ازاي
زينب بضحك يا ابني اتلم بجد ونام يلا كفاياك كده
عمر بحب طب ده انا قولتلك وغلاوتي عندك
زينب بحرج ياربي منك بجد يا عمر وبينت الاسم بحرج وتابعت اهو خلاص
عمر باعجاب : ده ايه الحلاوه والجمال ده وضحك وتابع يا قلب ونورعين عمر انتي وخدها في حضنه وتابع بفرح واعجاب بجد جميله اوي تسلميلي يا غاليه
زينب ابتسمت بحرج وسندت راسها على صدره وتابعت بضحك يخش يطمر بس
عمر بضحك هيطمر متقلقيش بس مين عملهالك انتي ??
زينب بحب لا دي شهد كانت واثقه هنكون لبعض فكتبتلي اسمك علشان تفرحني
عمر بحب تسلم ايديها عقبال مايفرح قلبها يارب
زينب بحب يعني عجبتك العروسه وتحضيرات العروسه ولا نص نص
عمر بحب انا مشوفتش عروسه اجمل وارق من كده اصلا ورفع وشها ليه وباسها بحب وتابع بهمس وهو ساند جبينه على جبينها انا عيني قفلت خلاص الصراحه انتي هتنامي ولا عايزة نقعد شويه
زينب بحب لا هنام انا كمان خلاص وحضنته جامد وسندت راسها على صدره فباس جبينها وضمها ليه وتنهد بارتياح وتابع ده والله لقد هرمنا من اجل هذه اللحظه الواحد مش مصدق ان اخيرا عيني هتغفل بسهوله وبرتياح ومش هيجيلي صداع من التفكير
زينب بحب وهي مغمضه تابعت اتفق بشده الواحد حاسس بامان محسهوش عمره كله
عمر ابتسم بحب وتابع تصبحي على خير وباس خدها
زينب بحب خير طبعا علشان انت معايا وفي حياتي يا غالي
وناموا بسعاده وارتياح لاول مره بعد سنين كتيره
——————————————–
الساعه 3 الفجر عند سيف ويونس قاعدين فوق السطح مع بعض
سيف وهو بيحط الصنيه تابع بحب ادي القهوه اهي يا دكتور علشان تعرف غلاوتك عندي بس وقعد
يونس بحب تسلم يا غالي تعبتك
سيف بحب واحد يا صاحبي .. المهم
يونس وهو بيشرب القهوه تابع قول سامعك
سيف بتنهيده انا بفكر في حاجه مش عارف انفذها ولالا فقولت اخد رايك
يونس بستغراب حاجه ايه دي ??
سيف تنهد بعمق وتابع عايز في فتره اجازتي اسافر اشتغل برا مصر من الاخر مش عايز اجي اسيوط تاني
يونس بصدمه انت اتجننت صح
سيف بتنهيده لا تقدر تقول عقلت انا مش هقعد تاني اصل انا متبقاش ليا حاجه ابكي عليها
يونس تنهد بحزن وتابع سيف ده قضاء ربنا و
سيف بمقاطعه ونعم بالله والحمدلله على كل حال وفي كل حال انا مبعترضش وعمري ما اعملها بس في حاجات بتبقى غصب عننا اجباري علينا مش عارفين نتقبلها فانا عايز اعيش اراده ربنا مش اكتر وهنا كل حاجه بتوجعني فعايز ابعد
يونس بصله بحزن فتابع سيف لا متبصليش كده انا مش عايز اصعب عليك بس انا في النهايه انسان وبحس ده طبيعي يعني ومش عايز افضل في مكان بيأذيني
يونس بتنهيده لو هنا مضايق انت ممكن
سيف بمقاطعه لا يايونس اسيوط كلها بتأذيني انا هعرف كويس اعيش لنفسي وزينب اللي كنت حاسس اني شايل همها بقيت في ايد امينه ومبسوطه فا افضل هنا ليه وتنهد بوجع وتابع يونس انا كل ركن هنا بيفكرني بحاجه مختلفه عنها .. البلد كلها عموما بتفكرني بيها .. اول مره شوفتها ولما كنت براقب تحركاتها في صمت علشان افضل مطمن عليها والمكان اللي رسمتلها صوره فيه وحاجات كتير اوي انا عيشتها كل ما هشوف ذكري منهم هتعب وانت فاهمني
يونس بتنهيده فاهمك ?? ده انا حاسك بتشرح وضعي وابتسم بحزن وتابع الفرق بيا ان انا لسه عندي اللي اخاف عليهم لو مشيت علشان لسه مطمنتش على اخواتي فانا مضطر افضل هنا علشانهم زي حاجات كتير بعملها علشان انا مضطر مش علشان انا عايزها بس ياريتك قدرت تبين ليها حبك والله كانت عشقتك
سيف بوجع خوفت
يونس من شغلك ???
سيف بوجع من كل حاجه .. مش هكدب عليك انا يوم ما قررت اقدم حربيه وقالونا هناك ان لينا فرحه تخرج وفرحه جواز وفرحه استشهاد انا دماغي وقفت عند اخر فرحه دي اللي هو طبعا محدش يطول وبتمناها وعمري ما اخاف من الموت بس اللي اتجوزتها دي هتعيش ازاي ???? هتترمل في انهي سن ??? هتبقى حامل ساعه اليوم ده ولا معانا عيال ?? وسن عيالي قد ايه لما يفقدوا ابوهم ??? هتعيش ازاي من غيري وانا في شغلي??? ولو تعبت مين يراعيها في بيتها ?? ولو اغمى عليها ولا داخت مين هيحس بيها وهي لوحدها ??? ولو جالها الطلق هتلحق تكلم حد اصلا ??? ولو عيطت ونفسيتها تعبت هتلاقيني معاها ولا هيكون تليفوني مقفول ??? ولما اجيلها كل فين وفين هتحكيلي كل المعاناه اللي عاشتها من غيري ولا هتخاف تشيلني الهم علشان انا جاي ارتاح فاتلبس قناع ??? وعيالنا مين يوديهم المدارس والحضانه ويروح ويجي لو حصل مشكله هي بس ولا حد هيتطوع ويساعدها??? وابتسم بسخريه وتابع ده حتى عيالي لو سبتهم لحمه حمراا ممكن ينسوني ولما يشوفني يجروا مني في حضن امهم او حسام ماهو عمهم هيشوفهم اكتر مني ده ابن ظابط في كتيبتي ميعرفوش لانه اتولد كنا في مهمه طويله ولما ابتدى يبقى 3 شهور رجعنا كان الواد مستغربه وبيعيط في حضنه وعايز خالو علشان كان بيشوفه كتير ومكملناش اسبوعين رجعنا الشغل تاني والواد نسيه تاني كان مقهور وهو شايف حته منه بيضحك مع الكل وساكت معاهم وميعرفوش هو وفوق كل ده انا رايح مش ضامن ارجع فكل مره … فاحنا كظباط حربيه لما بنخطي عتبه الكليه بنوافق نخسر حاجات كتير اوي ممكن نعيشها مع اهلنا وحبايبنا فانا اللي اختارت كده يا يونس وبحب شغلي جدا بس مش مجبر اعيش بنت الناس كل ده وبصله بوجع وتابع انا من كتر حبي ليها وخوفي عليها مدخلتهاش حياتي اللي انا نفسي عارفها صعبه وهي مش سهل تتحملها او ابقى مطمن عليها وانا مش معاها فاهمني ????
يونس بتنهيده ياااه يا سيف وساكت حاطط كل ده جواك وساكت طب شاركني ياخي منا بصدعك اجازتك كلها ومش بخرج همي غير ليك ووالله فاهمك علشان كده كنت بتتجنب الحب طول الوقت
سيف بتنهيده بلظبط واديني قولتلك فانا اه موجوع من كل اللي حصل بس خلينا واقعيين حتى لو الزمن رجع بيا مكنتش هقرب منها ولا ابين حبي ليها انا عشت بحبها بيني وبين نفسي وبما ان دي مشاعري فاهي الحاجه الوحيده اللي غصب عني فعلا ومش عارف ابطل احبها بس عارف كويس ازاي ابعد عنها وده لازم لان هي كده كده مكانتش تنفع تعيش حيااتي من كتر حبي ليها والله ما ارضاها عليها
يونس بتنهيده لو كنت وريتها نفسك كانت حبتك واللي بتحب مش هيفرق معاها كل كلامك ده هتوافق تعيش زي زينب اختك ماهي نفس الوضع
سيف بتنهيده لا يا يونس لالا انا صح صدقني انا عارفها اكتر من نفسها مش هتقدر وهتعوزني جمبها كتير فصعبه عليها الحياه دي زينب على قد كده جامده علشان عاشت وسط الوضع ده بسببي قبل كده فمتعوده عليه شويه انما الوضع في حكايتي انا غير خالص وانا كمان كل اللي انا قولتهولك ده اترسخ في ذهني من ساعه ما دخلت الكليه وكنت مقرر همشي حياتي ازاي متعرفش ليه ضعفت لما شوفتها ونسيت اني مينفعش احب
يونس بتنهيده لا انت نسيت انك بني ادم وحقه يحب وشغلك اثر عليك اوي يا سيف ده انت لسه قايل بلسانك ده مش بمزاجنا
سيف بوجع وده اللي كاسرني وغمض عينيه وفكر وتابع لالا والله مش هقدر للي جاي انا لازم امشي
يونس تنهد بوجع وتابع فاهمك فاهمك اوي كمان ياريتنا بايدينا مكنش حد غلب وانا مش همعنك تسيب اسيوط بس امك ايه ???
سيف بتنهيده هجيلها كل فين وفين اسلم وامشي صدقني مش هعرف افضل
يونس طب وهتعمل كده امتى ??
سيف بتنهيده مش عارف هفكر واقولك
يونس مش هقدر اضغطك لاني فاهمك وكده كده انا هجيلك اي ان كان مكانك
سيف بتنهيده عارف رغم اني ظابط جيش بس انت اجمد مني وقادر تقعد تشوف بعينك حاجه واجعاك
يونس ضحك بسخريه وتابع شكلنا عسل واحنا بنشوف مين متحمل وجعه اكتر لا يا قائد انا مش اجمد منك انا بس مجبر افضل ومجبر استحمل انت جوزت زينب انما انا عندي بنتين عايش علشانهم ولو اطمنت على ياسمين فشهد مشوارها طويل اوي ومتقدرش تعيش من غيري
سيف بحب شهد روحها فيك
يونس ابتسم وتابع شهد دي نورعيني هي اللي مصبراني على الدنيا بحس انها بنتي فعلا مش اختي بتفهمني وبتحس بيا بطريقه انا نفسي بستغربها فاستحمل التعب لاجلها هي واختها عادي والله
سيف بضحك دي حالفه ماتجوزك ولما تتجوز هتتوحم عليك
يونس بضحك اه منا عارف مش بقولك بنتي ونورعيني دي بتغير عليا علشان عيني عسلي وشعري بني فاتح قال تقولي لا انت جمالك ده خساره في اي بنت اسمع مني
سيف فضل يضحك واكمل عسل والله العظيم ربنا يفرحنا بشهادتها يارب
يونس بحب يارب يغالي يسمع منك
سيف طب ايه انا اتكلمت بس انهارده مش ناوي تتكلم
يونس رجع ضهره لورا وتابع اتكلم اقول ايه بس ده انا وجعي بدا من زمان اوي اوي فاتعودت خلاص وحياتي ثابته مبتتحركش فكلام امبارح هو كلام انهارده هو كلام بكره
سيف بتنهيده متهيالك والاحداث الجديده اللي حصلت دي ايه ??
يونس ضحك بسخريه وتابع اهو انا مش حارق دمي قد ان الكل مفكر اللي واجعني اني سبت ميرنا علشان خانتني طب منا عرفت انها كويسه مرجعتلهاش وسبتها تتجوز ليه ????
سيف ياعم يونس هو امتى حد فهمنا علشان يفهمنا دلوقتي بس كده احسن خليهم فاهمين كده وميعرفوش الحقيقه
يونس بص للسما وتابع بوجع اصل مش منطقي ان اعيش دور الضحيه بعد ما اعرف انها كويسه ومعملتش حاجه وشريفه واسيبها تتجوز يبقى كل وجعي ده كدب لاني اقدر اوي مخليهاش تتجوز ونرجع لبعض علشان كنت ظالمها بس محدش فاهم اي حاجه من الحقيقه وفعلا ده الاحسن
سيف بتنهيده بالله ما عارف اقول ايه بس ربنا ابتلانا ابتلاء مش سهل خالص اتهدينا
يونس بوجع ده العادي عارف رغم ان مستحيل حاجه تتغير قلبي الغبي مش راضي يصدق كده وده لاني مش قادر ابطل احبها مش لان دي الحقيقه
سيف ضرب كفه في كف يونس وتابع بضحك نفس الغباء وحياتك .. لا وايه انا بلذات مستحيل جيالي في مقتل والله ما مستوعب اصلا ازاي الحكايه وصلت لكده
يونس بضحك ده بجد مفيهاش امل نولع في قلوبنا دي ولا نعمل ايه ???
سيف بضحك امل ماتت وشبعت موت وقلوبنا لسه متخيل ??
يونس بضحك ده والله يا جدع هم يضحك وهم يبكي فينه تالتنا اتاريه كان بيقعد مستمع بس خايف ينطق منك
سيف فضل يضحك وتابع والله ياابني كنت واثق انه بيحبها وعامل عبيط
يونس بضحك اه منا كده المشهد ركب في دماغي بيقعد معانا يسمع بس ووشه مقلوب من ايه متعرفش اتاريها زينب اصلا يلا زمانه هايص دلوقتي وضحك بغمز
سيف فضل يضحك وتابع احترم نفسك يحيوان دي اختي بردو
يونس بضحك ومراته ياباشا خلاص ده هو ما صدق خلص منك اصلا
سيف بضحك ده حقيقي بس متقلقش ولا بيهيص ولا بينيل ده زينب اصلا باين عليها متوتره وخايفه كده فعماله تخترع اسباب تنكد بيها هو فهم بقى نيتها فقالي خليها انا كده كده مكسور وتعبان فهلبسها فيها علشان برستيجي
يونس فضل يضحك بشده وتابع مش قادر يخربيت فقرك يا عمر الواد هيعرنا
سيف بضحك ولا ظابط من كتيبتي ولا اعرفه
يونس بضحك جوز اختك ودي انيل
سيف بضحك ايه ده تصدق عندك حق
يونس بضحك متظلمهوش سيبله فرصته لما يقوم يقف على حيله هو بصراحه مكنش وقته جواز عمر فعلا ادمر الفتره اللي فاتت
سيف بضحك وهو بيشاور على ساعته تابع يباشا احنا ظباط جيش مش مرفهين زي حضراتكم احنا بنقدس الوقت وفي وقت عمال يضيع فكل ما اتجوز اسرع كل ما كان احسنله
يونس فضل يضحك وتابع طب بالله لما تكلمه للعوده مش بعيد يعيطلك في الفون
سيف بضحك وماله اروح اجيبه من قفاه ويعيط براحته طول الطريق سيناء مش قريبه بردو
يونس فضل يضحك وتابع عمر هيندم انه دخل حربيه قسما بالله ده طلع مش سهل وبيعشقها فمش بسهوله يفارقها
سيف بضحك اجيلك دوغري انا عارف انه هيواجه فعلا صعوبه في الحته دي وهيرجع معايا قالب وشه خصوصا انه ماصدق بقى ربنا جمعه بيها بس يبقى يعترض وانا اوريه الرائد سيف الرفاعي على حق
يونس بضحك الجانب القاسي اللي علطول بيكلمنا عنه مش كده
سيف بضحك ايوه هو ده ..اصل بعيدا عن الهزار يا يونس الواحد مننا بردو انسان وبيحس وليه مشاعر فاي حد مكان عمر فعلا خلاص بقى انا عايز ارتاح وافرح وافضل في الوضع ده طول العمر طب وشغلك اللي انت مجبر تروحه وعايز شخصيه جاده ومتحمله للمسئوليه ده نعمل فيه ايه ???? اصل انت هتروح سينا وندخل مهمه لا تقولي مراتي بتولد ولا نفسيتها تعبانه ولا خناقه في البيت لا مش بنزل حد فا طبيعه شغله هتجبره يروح هناك ينسى زينب شويه ويفوق لنفسه وللي مطلوب منه فهيتشغلي بقى في شغل الدلع ده مش هينفعني هناك وهيفضل سرحان طب هو احنا بنهزر ???
يونس لالا والله معاك حق الله يكون في عونكم ويحميكم ويحفظكم جميعا يا غالي
سيف بحب تسلم يا حبيبي
وسمعوا اذان الفجر فتابع سيف بحب هنزل اصلي في الجامع تيجي معايا ??
يونس بحب يلا
———————————————
تاني يوم الصبح في عربيه قاسم قدام جامعه اسيوط
قاسم اتصل بنور يروحها علشان خلصت محاضراتها بدري ومستنيها تخرج
نور خرجت وفتحت الباب ركبت جمب قاسم واكملت بابتسامه يلا يحبيبي جيت اهو معلش اخرتك شويه حقك عليا
قاسم بصلها وتابع اممم اتاخرتي ليه بقى ???
نور بستغراب عادي يا قاسم كنت واقفه مع صاحباتي باخد منهم مراجع علشان الميدترم
قاسم وهو بيهز راسه بايجاب تابع اااه قولتيلي صاحباتك
نور بتوتر مالك يا قاسم في ايه
قاسم غمض عينيه بغضب وتابع بهدوء عكس اللي جواه صحاباتك ولا رجاله ??????
نور بتوتر ايه انت تقصد ا
قاسم بمقاطعه وعصبيه انا مش عايز غير الرد صحابااتك ولا رجاله ????
نور خافت من صوته ودموعها نزلت وتابعت والله العظيم ده ليدر الدفعه فكنت باخد منه المراجع واللي معاه صحابه انا ماليش دعوه
قاسم بعصبيه ليدر الدفعه اااه وهو في بنت محترمه تقف تكلم شاب واقف مع صحابه وتضحك .. ردي علياااا
نور بدموع قاسم لو سمحت انا محترمه متغلطش في تربيتي علشان ..
قاسم بمقاطعه وعصبيه تربيتك بقيت تخصني خلاص يا حبيبتي انا مجبتش سيره اهلك انتي كلك على بعضك تربيتك وشرفك تخصيني دبلتك بقيت في الشمال خلاص يعني اي حد هيشوفك في المنظر ده اقل كلمه هيقولها جوزها مش راجل اساسا
نور بدموع وحياتك يحبيبي مقصدش كل ده انت عارفني انا عمري ما كلمت شاب غريب ولا عملت حاجه غلط ونيتي خير والله
قاسم بحده انا معرفش غير ان واحد صاحبي دكتور هنا شافك واتصل بيا قالي مراتك واقفه تتكلم وبتضحك مع كذا شاب انا عارف نور محترمه ومش في نيتها بس الناس هنا مبترحمش وملهاش غير السيره ودي متجوزه …وخلتيني في نص هدومي منه وانا لو راجل محترم صح كنت نزلت جبتك من شعرك وهزقتك قدامهم بس انا علشان عارف انتي مين ومتربيه قدام عيني وكرامتك اللي كانت هتتهان دي من كرامتي فاستنيت تيجي كده وتفهمي ابن الكلب اللي شايله اسمه ايه الوضع ده ????? لان لو الاول كنت ممكن اشهد يونس ولا مازن زي ما بنعمل بس دلوقتي دي مشكلتي اناا علشان جوزك فاتفضلي فسريلي اللي انتي عملتيه ده ليه مبرر???
نور بصت لتحت بحرج وتابعت بدموع لا مالوش انا غلطت بس والله العظيم مش نيتي حاجه انا كنت بتكلم وبضحك بتلقائيه عادي كلهم زمايل مش اكتر وكنت عايزه منه المراجع حتى بص اهي وورتله الورق وتابعت والله خدتهم وجيت
قاسم بحده هو وانتي ليه محسساني اني مكدبك ومش مصدقك وعماله تعيدي وتزيدي في نفس الجملتين مش فاهم انا مبتكلمش على وقفتي ليه انا بتكلم ان اي ان كان السبب ميصحش اصلا تقفي مع شباب وتتكلمي ده نفسه فعل غلط ماهو انا مش بقرون علشان تسبيني ملطوع برا مستني الهانم وواقفه انتي جوه ترغي واكبر دليل انك عارفه انك غلط قولتيلي مع صاحباتي انتي لو عارفه نفسك مغلطيش مش هتكدبي
نور بدموع انا مقولتلكش علشان انت غيور اوي وكنت هتزعل انما مش معناه اني وحشه
قاسم بعصبيه نور متجننيش امي انا مقولتش انتي وحشه واتنيلت قولت عارف تربيتك بس الفعل نفسه غلط متقاوحيش ولو ده عادي مع اي حد وحياة جامعيه وكلام فاضي من اللي بيتقاال ده اعتبريني انا ياستي صعيدي مقفل ومعنديش الكلام ده والدين نفسه محرم الاختلاط فاتروحي وترجعي زي العسكري انا مش عايز اهزقك واقولك متروحيش غير على الامتحانات قسما باالله
نور بعياط وانا قولتلك اني غلط خلاص يا قاسم مش هتقرر تاني وفتحت الباب ونزلت لانهم كل ده مكانوش اتحركوا فنفخ قاسم بضيق وضرب الدركسيون بعصبيه وتابع هي تغلط وانا اصالح ايه الجديد ونزل وقفل باب عربيته جامد وراح عندها لقاها قاعده على مقعد وعماله تعيط بشده
قاسم تنهد بعمق وتابع طب انا لا مديت ايدي عليكي ولا شتمتك لكل ده
نور رفعتله نظرها وهي بتعيط وبصت للارض تاني وفضلت تعيط فاراح قاسم وقومها وحضنها وتابع وهو بيمشي ايديه على شعرها خلاص كفايه عياط حقك عليا على انك مزعلاني
نور ضحكت من بين دموعها وفضلت تعيط في حضنه وضربته في صدره وتابعت بعياط بس بجد علشان مضايقه منك اوي عليت صوتك عليا جامد خوفتني منك وانا اماني متفصل فيك
قاسم باس راسها وتابع وهو بيمسح دموعها طب الاول خلاص كفايه عياط سيبي حبه لمره تانيه
نور ضحكت من بين دموعها وتابعت بايخ والله العظيم
قاسم بضحك انا اللي بايخ بردو ده مفيش ابوخ من اني مغلطش وبحايل
نور بحزن لا لما تعيطني بلشكل ده ت
قاسم بمقاطعه وانا من نفسي بصالحك اهو اصل طلما وصلت لدموعك فحقك عليا ياست البنات وضحك وتابع مع انك بتعيطي لو القلم اتكسر منك اصلا بس يلا مش اول مره مغلطش واصالح
نور بحزن حقك عليا يا قاسم وغلاوتك انا مقصدش احرجك قدام صاحبك انا والله بتعامل بحسن نيه
قاسم باس جبينها وتابع بحب واانا عارف بس مقدرش مغيرش عليكي والتعامل بحسن نيه في الزمن ده بقى وحش لان ممكن حد يستغل طيبتك دي ويبوظ سمعتك ويخلي حد يتكلم عليكي انا خايف عليكي يانور ومش بهاجمك علشان انا غيور اوفر وخلاص زي مابتقولي عليا بس علشان ده الصح وحقي اخاف عليكي انتي مراتي وحبيبتي وماليش غيرك وعارف حظي من السما انك نصيبي لان البنات الطيبه الرقيقه اللي زيك خلصوا من زمان بس الناس بقيت وحشه اوي والله العظيم وانتي عارفه ان اللي عملتيه ميصحش
نور بحب حضنته وتابعت ربنا ميحرمنيش منك ابدا يا قاسم وحاضر والله هسمع كلامك خلاص
قاسم بحب ربنا يهديكي يارب يابنتي
نور بضحك ليه مجنونه ولا ايه
قاسم بضحك ان جيتي للحق اه بس بحبك انتي وجنانك والله
نور ضحكت فتابع قاسم بحب تعالي ناكل برا قبل ما اروحك
نور بحب ماشي اتفقنا
وركبوا العربيه ومشيوا
———————————————-
في شقه منصور الرفاعي العيله كانت فطرت ونرمين والستات بيجهزوا علشان يروحوا صباحيه زينب والرجاله في منهم دخل نام وفي منهم نزل الشغل
مازن وهو بيجيب الكوتش علشان يلبسه اكمل عايزه حاجه يا صفصف
صافيه بحب سلامتك يا ابني اتصلي بس بامك وانت ماشي قولها تقول متنساش الحاجه اللي عندها هي ونرمين اللي هنوديها لبنت عمك
مازن بحب عيوني انا كده كده طالع اجيب الفون نسيته فوق فهقولها
صافيه بحب ماشي يا نورعيني ربنا معاك يارب
شهد بستغراب وهي طالعه من البلكونه تابعت هما فينهم كلهم يا تيته
صافيه بحب جدك دخل نام وعمك معتز في شغله ومراتات عمامك فوق بيجهزوا حاجه زينب علشان ماشين يونس ونور في الجامعه وسيف وحسام طلعوا ينامو واحمد وايمن وعز فوق
ياسمين بضحك اول مره الشقه تفضى عليكي كده فا البت مستغربه
صافيه بضحك علشان نرمين وعايده بيقعدوا ياخدوا بحسي ويلموكم حواليهم وانهارده هما مش فاضين انما كده كده الرجاله متعوده بينزلوا عقبال فرحتي بيكم يا ولاد
ياسمين بحب اللهم امين يارب يا تيته
صافيه بحب يارب يا قلب تيته
مازن قام بعد مالبس الكوتش وبص لياسمين وابتسم وتابع طب هطلع انا اجيب الفون علشان ورايا مشاوير ولسه هروح اشوف عمال الارض
صافيه بحب ماشي يحبيبي خلي بالك من نفسك
مازن باس راسها وتابع بحب عيوني يا غاليه وطلع فياسمين طلعت وراه وهمست مازن
مازن بص وراه بعدين بص حواليه ملقاش حد فنزلها وتابع بحب اجمل بنت في اسيوط كلها بتنده عليا طب بالله يابختي
ياسمين ضحكت واكملت مش وقتك المهم هتكلم بابا امتى
مازن ابتسم بحب وتابع خليها مفاجاه
ياسمين بضحك لا بجد مبهزرش قولي عايزه يكون قريب
مازن بضحك شوف البت مستعجله طب اتقلي قدامي طيب
ياسمين بضحك هضحك عليك ولا على نفسي يعني بعدين ما احنا واحد وعارفني وحافظني اكتر من نفسك فالازمته ايه التمثيل
مازن ضحك وتابع بحب والله على رايك انتي اصلا لو مثلتي على الكل متقدريش تحوري في كلمه عليا
ياسمين بضحك شوف مش محاميه وهتخرج خلاص وبعرف اقول كلام يربط المواضيع بس باجي عندك بتوتر ومبقولش غير الحقيقه
مازن بضحك منا عارف يحبيبتي لان كده كده حتى لو حورتي بعرف
ياسمين بحب حب عمري بقى
مازن باس جبينها وتابع بحب قلب حب عمرك وقريب والله خلاص اديني اطمنت على زينب فاستعدي بقى
ياسمين بحب وحماس كلي استعداد والله
مازن بحب بالله ده انا مستني اليوم ده زيي زيك واكتر ولما شوفت زينب وعمر كده متخيلتش غير يومنا وانتي معايا ومراتي قدام الكل كده ويتقفل علينا باب واحد ومقلقش تاني اكلمك حد يعرف لا هبقى حقي اخدك في حضني قدام الكل من غير خوف فالتخيل بس خلاني مبسوط اليوم كله مبالك بلحقيقه بقى فاللهم اوعدنا يااارب
ياسمين بحب الدموع اتجمعت في عينيها وتابعت يارب ينورعيني يارب يسمع منك بجد
مازن مسح دموعها وباس جبينها وتابع بحب هانت خلاص يعمري ادعي انتي بس
ياسمين بحب والله بدعي ومش هبطل دعاء ربنا جمع زينب وعمر رغم استحاله الاسباب فا قادر يجمعنا
مازن بحب بلظبط كده .. يلا روحي علشان محدش يشوفنا زمانهم نازلين رايحين لبنت عمك وانا هطلع اخد الفون واشوف هعمل ايه
ياسمين بحب ماشي يحبيبي ربنا معاك يارب
مازن بحب يارب يغاليه
وطلع وهي نزلت و جاب فونه من على التربيره ورايح ينزل استغرب لما سمع امه وابوه من اوضه الصالون بيتكلموا مع احمد فخاف يكون هيقولهم على حالته الصحيه فوقف يشوف هيقول ايه
ايمن بستغراب ايوه بقى ايه اللي انت مجمعنا تتكلم في ايه مش فاهم بردو
عايده ماتخليك دوغري يا ابني وقول عايز ايه علشان هنروح لبنت عمك مش فاضيه
احمد تنهد بعمق وتابع انا قررت اتجوز
عايده بفرح يا الف نهار ابيض ده عين العقل يا ابني والله مين وبتحبها وتعرفها من امتى
ايمن بفرح مبروك يا حبيبي الف مليون مبروك مين هي واحنا نروح نكلم اهلها وخير البر عاجله
احمد لا انا مش بكلمها والجو ده هو اعجاب وابتديت احبها فا الموضوع هيبقى صالونات وناخد على بعض اكتر لو حصل نصيب انا شايفها بنت مناسبه جداا وهتصوني وفيها مميزات كتير اوي فا الحب اكيد هيكبر بلوقت بس في قبول
عايده بفرح جدع يا واد يا احمد والله عين العقل المهم قررت تاخد خطوه مين هي بقي نعرفها ??
احمد بحب اه ياسمين بنت عمي
مازن اتصدم بشده وقلبه وجعه وهمس نعم ??????????
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
