رواية ام بالإجبار الفصل الثامن 8 بقلم فيروز
رواية ام بالإجبار الجزء الثامن
رواية ام بالإجبار البارت الثامن
رواية ام بالإجبار الحلقة الثامنة
خليكي كده ولو لاخر مره بحبك وهفضل احبك لحد اخر نفس فيه …
اتكلمت بصعوبه وانا بحاول ابعد عنه …ادم من فضلك
قبل ما اكمل كلامي شدني عليه اكتر ودفن رأسه في رقبتي اكتر …واتكلم بدموع …ارجوكي حبيني انا ماكنتش عايش السنين اللي فاتت ولا اقولك بلاش تحبيني كفايه حبي ليكي
كفايه اني اخدك في حضني كفايه عندي اني اضمك لقلبي حتي لو مش حبني ..
اتكلمت بدموع …ادم ارجوك ابعد عني مينفعش كده …انا معنديش رد علي كلامك …انا اسفه…
ادم اتكلم وصوته اتخنق من كتر الدموع …مقدرش ابعد مقدرش انا ممكن اسيب الدنيا كلها ولا اني اسيبك …خليكي
معايا
اتكلمت بدموع وانا خلاص منهاره…ادم انا بحب سند ارجوك
كفايه …
ادم بحزن…ليه …
حاولت أبعده عني وهو رخه أيده وسبني وانا قومت من علي السرير بسرعه ..واتكلمت بدموع ….غصب عني سامحني …
ادم وقف وحاول يقرب مني بس انا بعدت ..ادم اتكلم بحزن…لدرجه دي قربي بيديقك …
اتكلمت بدموع …مش بيديقني بس انا طول الوقت خايفه
..خايفه اوي …
ادم بحزن…خايفه من ايه وانا معاكي انا هحميكي حتي من نفسي …
اتكلمت بحزن…ارجوك يا آدم سيبني ..اتفضل أخرج …
ادم بحزن…حاضر انا هخرج بس مش هسيبك …
قال كده وخرج وقفل الباب واول ما الباب اتقفل انا وقعت علي الارض ودموعي زادت …واتكلمت بحزن …يارب انا خايفه طمن قلبي …يارب انا مش عايزه اكسر قلب ادم وفي نفس الوقت قلبي مكسور بحاول اصلحه…الحل من عندك يارب …
فضلت اعيط لحد ما نمت مكاني …
.
.
.
لاول مره في الحكايه هنسمع الابطال و الحكايه منهم….
ادم …
خرجت من عندها وانا قلبي متحطم للدرجه دي مش حابه قربي بس انا المره دي مش هسيبها هفضل احاول لحد اخر نفس …انا فاكر اول يوم جات في بيتنا …كنت فرحان اوي أنها هتعيش معايا في نفس البيت ..بس كنت خايف اهتم بيه
تبعد عني …كنت حابب قربها بس كان زي النار بالنسبالي …
كل ما كانت بتحاول تقرب أو تتكلم كنت برد عليها بقسوه كنت فاكر أنها كده هتتعلق بيه بس للاسف كنت غلطان …
.
.
.
يونس بحزن …ادم ألحق…
ادم …في ايه يابني براحه مالك بتجري ليه…
يونس بحزن …سما ..
ادم …مالها رد عليه..
يونس وط وشه في الأرض واتكلم بحزن …متقدملها عريس وبابا وفق…
ادم بحزن…وهي رأيها ايه …
يونس بحزن…موفقه …
ادم بحزن…الف مبروك …
يونس قرب من ادم وحضنه …ادم روح قولها انك بتحبها روح وقف الجوزه دي يلا وانا معاك …
ادم بحزن…لا …
يونس باستغراب…ايه اللي لا …دافع عن حبك …يلا قوم …
ادم بستسلم….طالم وفقت خليها تتجوز …
يونس بحزن زق ادم ….في ايه يا آدم اتحرك اعمل حاجه قبل فوات الاوان….بعد كده مفيش راجعه …
ادم بحزن نام علي السرير وغمض عنيه ….سيبني يا يونس ..
يونس بغضب …انت حر بكره تندم في وقت الندم هيكون ملوش لازمه …
وخرج وقفل الباب وراه …اول ما خرج دموعي نزلت بغزاره
ومسكت مكان قلبي …وفضلت اعيط …
.
.
.
الو ايوه يا يونس في ايه يابني …
يونس بضحك…عندي ليك خبر بمليون جنيه…
اتكلمت بضحك…قول يا ابو الاخبار …
يونس بضحك…سما رجعت وجوزها مات …
اتكلمت بحزن…وهي عامله ايه …
يونس بضحك…بخير افرح يا عم ليه عندك حلوه كبيره علي الخبر ده …
اتكلمت بهدوء عكس الفرحه اللي كنت حاسس بيها …وهفرح
ليه …اقفل …
يونس بضحك…كداااااااب …علي العموم انا نازل البلد بكره وهستنك نروح مع بعض …
اتكلمت بضحك…مش هروح …روح لوحدك …
يونس بضحك…هستنك عند محطه القطار …
.
.
واحنا قاعدين في الصاله دخل بابا وبعديه دخلت سما اتغيرت خالص عن الاول بقت اجمل ووثقه في نفسها عن الاول حسيت بنغزه في قلبي …واول ما مسكت أيدها وانا بسلم عليها كان نفسي اقوم واخدها في حضني واخبيها جوه قلبي ..قد كده كنت وحشني …واول مسحبت أيدها من ايدي
حسيت وكان روحي بتتسحب مني …
يونس بصوت واطي …صحيح انت ايه اللي جابك مش كنت بتقول مش جاي …
اتكلم بهمس …اخرس يا كل ب …
يونس بهمس …حاضر اباشا…
.
.
اول ما دخلت اوضتي يونس كان ورايه …
يونس بضحك…قولها يا آدم طلع كل اللي في قلبك …
اتكلمت بحزن…خلاص معدش ينفع …
يونس بحزن…هتفضل طول عمرك غبي …
اتكلمت بهدوء…اطلع بره …
يونس بابتسامه…متزعلش لما اخدها لنفسي انت كده مش عايزها …
وخرج يجري …
حسيت ساعتها كاني اتطعنت في قلبي ..كل كلمه او ضحكه مع يونس كأنها جرح في قلبي …وكل ما كنت بحاول اتكلم معها أو اقول لها كنت بترد عليه ببرود …قررت اني هسكت
…بس اللي مقدرتش اسكت عنه هو أنها ممكن تتجوز ممكن
تروح لحضن غير حضني ممكن حد تاني يملك قلبها …ساعتها
حسيت بنار في قلبي وكان بركان وانفجا ر …بس بعد ايه يا
ادم …بعد ايه …
واكتر حاجه كسرتني لما قالتلي انها بتحب سند حسيت كأنها
بتنتذع روحي بايديها….يا كان اقس احساس بس انا مش ممكن اسيبها تروح من ايدي من تاني …
.
.
نروح عند سند ونور ونسمع منهم…سند هيحكي…
نور بدموع …سند سامحني ارجوك …وخليك معايا …
سند بحزن…اسامحك علي ايه بس انا اللي كنت غبي علشان صدقتك …وصدقت كدبك …
نور بدموع…سامحني انا عملت كده من حبي فيك …
.
.
سند بابتسامه…ازيك يا نور …
نور بابتسامه…بخير يا سند …
سند بابتسامه…امال فين سما …
نور بابتسامه خبيثه …معرفش كانت عايزها في حاجه …
سند بابتسامه…والله يا ستي هقولك بما انك اقرب صاحبه ليه وانا بثق فيكي …
نور بابتسامه…قول يا سيدي …
سند بابتسامه…انا حابب اعترف النهارده لسما بحبي …وبدور عليها علشان كده …
نور بحزن مزيف …انصحك بلاش انت زي اخويه واخاف عليك تنجرح …
سند باستغراب…ليه يا نور ….
نور بحزن مزيف…سما بتحب واحد تاني …
سند بحزن…وانتي عرفتي منين …
نور بكدب …هي اللي قالتلي …
سند بحزن ..
مشيت من قدم نور وانا مش شايف قدمي بقي سما بتحب
طيب وانا …دموعي نزلت وقررت اني هتجنبها بس مقدرتش
كل ما كنت بحاول ابعد كنت بقرب اكتر كل ما كنت بحاول اقسي عليها ماكنتش بقدر ماكنتش عايز حاجه غير اني اشوفها كنت بحاول انسا اني بحبها وخوفت اعترف بحبي
تطلع فعلا بتحب وتبعد عني قررت اني اسكت …كان كل املي كل فتره اني اسال نور يمكن تكون نور قالت لها حاجه بس كل مره كان نفس الرد …لحد ما في يوم جاتلي نور …
نور بحزن مزيف…سما اتقدملها اللي بتحبها وهي وفقت عليه
…شوفت بقي أن كان عندي حق كان زمانك دلوقتي خصرت
كل حاجه حتي كرامتك …
سند بحزن قام وكان طلع بسرعه رايح لسما بس نور مسكت ايدو واتكلمت بسرعه ….سيبها يا سند سيبها هي عمرها ما حبتك طول الوقت ماكنتش شايفك اصلا….
وقفت مكاني ودموعي نزلت وحطيت ايدي علي قلبي .
..واتمنيت في اللحظه دي أن قلبي يقف …انا ماكنش ليه حد غيرها انا طول عمري يتيم وعمري ما حسيت بالحب غير معاها ماكنتش عايز من الدنيا غيرها …طول عمري وحيد من غير أهل ولا قريب …ليل ونهار قاعد ساكت لحد ما في يوم وانا طلع من البيت خبطت فيها وكنت اجمل صدفه حسيت ساعتها بفرشات بتطير حوليه وكإني ملكت الدنيا بدأت اقرب منها حبيت الدنيا بوجودها حبيت حياتي علشانها نفسي اتفتحت لكل حاجه كنت طول الوقت قاعد عند الشجره اللي عند بيتها نلعب مع بعض ولما كبرت شويه كنت باخد اي كتب من عندي واجري عند الشجره علشان اشوفها وتيجي تقعد
جنبي وكانت اكتر حاجه بتخنقني لما الاقيها قاعده مع ابن عمها ساعتها كنت ببقي عايز اهد الدنيا …ومره واحده راحت الفرحه من قلبي ….ودخل مكانها الخوف …الخوف من خصره اي لحظه معاها …من خصرت قربها …خوفت …
لما عرفت انا فرحها كمان كم يوم …حسيت اني مهزوم وضعيف وخايف
جريت علي اوضتي ومسكت القلم وانا ايدي بترتعش وكتبت لهاوجريت وراها واديتها الجواب وفضلت من غير اكل ولا شرب مستني ردها بس للاسف مفيش …
يوم حنتها ومحستش برجلي وهي وخدني علي هناك كل اللي حسيت بيه القلم اللي نزل علي وشي منها مع كلمه غبي …
الكلمه فضلت ترن في وداني وكأنها ترنيمة…
ويوم فرحها روحت للشجره لاخر مره وشوفت ابشع حاجه ممكن تمر علي قلبي وهي ماسكه في ايد عريسها …حسيت اني ضايع …حسيت باليتم لاول مره من سنين احساس
صعب اوي …حسيت بالممره في حلقي روحت البيت وفضلت فيه لشهور ولا بشوف حد ولا حتي الشمس وعدت سنين وانا حياتي اتغيرت دايما حزين بس طلعت للعالم القاسي اللي كل ما حبينا فيه حاجه ياخدها منن …وكأنها لعبه
.
.
الو مين معايا …
مش عارف صوتي …
معليش مش واخد بالي …
انا نور …
اهلا ازيك يا نور ….
نور بابتسامه…بخير طمني عليك…
بخير الحمد لله….
نور بابتسامه….ممكن نتقبل …
طبعا في أي وقت …
.
.
كنتي محتاجني في حاجه يا نور …
نور بابتسامه….كنت حابه اطمن عليك …
انا بخير الحمد لله…
نور بدموع مزيفه …كنت عايزه اقولك علي حاجه بس خايفه تجرحني …
اتفضلي لو اقدار مش هتاخر …
نور بدموع مزيفه….انا بحبك … ارجوك اديني فرصه …
انا اسف يا نور بس انا مبفكرش في الموضوع ده …
وحاولت اقوم بس مسكت ايدي …ودموعها زادت…ارجوك
اتجوزني انا بحبك ….
مقدرش …
نور بدموع مزيفه….بلاش تكسرني زي ما سما عملت معاك ..
ارجوك ….
ساعتها حسيت اني هبقي اناني لو خليتها تحس نفس احساسي…وقررت اني أوفق…وانسا قلبي …
.
.
واتجوزنا وعشت مع نور جسد بلا روح كل ما احاول احبها مقدرش ومع مرور الوقت اكتشفت انها مش بتخلف ….مقدرتش اجرحها وكنت بحاول علي قد ما اقدار
اكون رحيم بيها …
لحد اليوم اللي كان صدمه بالنسبه ليه….لما سمعتها بتكلم
صاحبتها وبتقولها أن سما رجعت تاني وأنها مصدقت اتخلصت منها وضحكت عليه …وقتها مقدرتش امسك نفسي
وقربت منها ومسكتها من شعرها ….
سند بغضب ….بقي انتي تبوظي حياتي علشان انانيه …
نور بدموع….عملت كل ده علشان بحبك …
سند بغضب …انا هطلقك …
نور بدموع….ارجوك خليك معايا وانا زي ما بعدتها هرجعها ليك …بس متسبنيش …
سبتها ودموعي نزلت….هو اللي راح عمره هيرجع …
يومها مسكت التليفون ورنيت عليها وانا ايدي بترتعش…
واول ما سمعت صوتها حسيت كأن الحياه ضحكتلي من تاني
كاني كنت محبوس واخيرنا اتحررت …
.
.
وتاني يوم اول ما شوفتها حسيت اني نفسي أحضانها لا الحضن شويه انا نفسي افضل ابص ليها وبس وافضل الباقي من حياتي متدفي جوه عيونها …ولما مسكت أيدها حسيت اني ملكت الدنيا …وكان الحظ هيرجع لقلبي …
.
رجعت البيت لاقيت نور حسيت بغصه في قلبي …
سند بحزن….انا هتجوز سما …
نور بدموع…ارجوك بلاش …
سند بحزن….خلاص كل واحد فينا يروح لحالو…
نور بدموع….انا موفقه بس خليني معاك ….
روحنا عشان اتقدم وحسيت بالأمل من تاني لما قالت هتفكر…
.
.
نور هتحكي…
طول عمري ماكنتش بحب سما طول الوقت بتاخد اللي هي عايزه …رغم أنها يتيمه بس عمها مش مخليها حزينه ولا محتاجه حاجه كنت بتمني دايما اكون في مكانها ..
انا رغم وجود اهلي بس دايما حزينه أبويه دايما قاسي عليه
وبيقول اكسر للبنت ظلع يطلع لها عشرين وامي ماشيه وراء
كلمه أبويه كله نعم وحاضر …كنت كل ما بروح سما كل ما كان كرهي لها بيزيد …كنت دايما عايزه اللي في أيدها ..
كنت لما اشوفها متعلقه بحاجه ابقي عايزه وكان روحي فيها
.
.
سما بابتسامه…عارفه يا نور …انا انا بصراحه مكسوفه اقولك …
نور بابتسامه مزيفه ….هو احنا في بينا كسوف اتكلمي علي طول يابنتي….
سما بكسوف …انا بحب سند …ونفسي يحبني …بحس بفرشات بتطير في قلبي كل ما بسمع صوته …صوته بيحسسني بالأمان ….بتمني أنه يحبني زي ما انا بحبه …
نور بابتسامه مزيفه….يارب يا حبيبتى….نصيحه مني اوعي
تقوليلي احسن يقول عليكي بجحه استني لما هو اللي يقولك…
سما بابتسامه….عندك حق …وقربت مني وحضنتني …واتكلمت بحب …انا مش عارفه كنت حياتي هتبقي ازاي من غيرك ..يانور ….انتي توأم روحي….
نور بابتسامه خبيثه….وانتي مش اختي انتي بنتي اللي بخاف عليها …
وقررت في نفسي أن لازم اخد سند لنفسي ….باي تمن
.
.
وفي يوم وانا مروحه من عند سما قبلت سند وقالي أنه بيحبها في وقتها قررت ابدا خطتي وكدبت عليه وهو زي العبيط صدقني …
وفضلت مقرره في نفسي اني هاخده منها حتي لو بعد سنين
وده اللي حصل بالحيله اتجوزته كنت طول الوقت عارفه أنه مش بيحبني بس كنت عايزه لنفسي وكأنها لعبه وعايزه اخدها من أيدها ….
لحد ما رجعت من تاني وعايزه تاخده مني ده بعمرها ….ومن تاني كدبت علي سند وهو صدقني طيب سند …ولسه فاكر
انني ممكن اسيبه ليه …من هنا وحياتك هتقلب يا سما ايامك الحلوه انتهت واللي جاي حر ب بارده مابينا مستعده اعمل اي حاجه ولا اني اسيبه ليه …مع اني عمري ما حبيته …
بس مش هسيبه ليكي…
.
.
يونس هيحكي …
طول عمري عارف أن آدم بيحب سما بس مش عارف اساعده
ازاي هو خايف يقول لها جبان بس انا مستعد اعمل اي حاجه
علشان اشوفه مبسوط …هديقه باي حاجه وعلشان كده طلبت من مهاب يطلب أيدها لاني كنت متاكد من رفضها
ومهاب ونعمه الصحاب وفق ونفذ جزاه من الخطه وكانت ماشيه زي الفل لحد ما وصل سند …بس يااا انا ياانت …
.
.
نرجع لسما …
صحيت تاني يوم علي رنه تليفوني …
الو …
عامله ايه يا حبيبتي…
بخير يا نور وانتي اخبارك ايه …
نور بابتسامه…بخير ممكن نتقبل النهارده عايزه اتكلم معاكي شويه ….
حاضر …
قفلت معها وانا حاسه قلبي مقبوض مش عارفه ليه يمكن خايفه…
نزلت فطرت وطلعت لبست وانا نزله لقيتهم كلهم بيجرو نسيت مشوري وجريت وراء عمي علشان اعرف في أي
قالي
البارت انتهاء بس الحكايه لسه واللي جاي اغرب من اللي فات
الحب ده اغرب احساس بتحس كانك ملكت الدنيا بمجرد كلمه او نظره ومستحيل تنسا اول حب مهما مر عليك الزمن
تحس النظره من عين حبيبك بتوصل لروح بتسبب رعشه في قلبك ..
الحب تضحيه جمله غريبه بس قريبه من الوقع المر …
دق قلب عاشق فلا مفر من الحب إلا إليه…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ام بالإجبار)
