رواية انكسار الياسمين الفصل الثامن والثلاثون 38 بقلم أمل مهدي
رواية انكسار الياسمين الجزء الثامن والثلاثون
رواية انكسار الياسمين البارت الثامن والثلاثون
رواية انكسار الياسمين الحلقة الثامنة والثلاثون
عكب عينك بعد بطلت ما احب عين…
أحبهه وتالي شامت ينعجب بيهه…
كمت ارسمهه بيدي حتى خاف اتضيع…
ما ادورهه واسأل…ضاعت… ألكيهه..؟؟؟
أنه اعاتب عيون الجذب مرسومات..
أعاتبهن ابصوتي ودمعتي ابجيهه…
____________________
سيدعلي_
رفعت اصبعي…….
بوجهه اذا انت گد تهديدك نفذ
مصطفى _ حجيت بعصبيه
كلتلك زينب هيه والقندره ليش تدخلنه بالمشكله مالتكم
سيدعلي_ اني مادخلتك انت دخلت روحك
اجه الوكت الاحاسبك بي على لعبك براس آلاء
مصطفى _ انته مو مسؤل عنها صيحها احجي وياها
سيدعلي _ ماترجعلك ولو وافقت اني ماارجعها الك
مصطفى_ آلاء… آلاء اطلعي احجي وياج
سيدعلي _ ادفع بي واطرده وهو يدفعني
اميمه _ولج اصاير راح يتكتالون من وراج
آلاء _ واگفين نراقبهم من الشباك صوتهم عله وصلت بينهم تهديد
ومدافع لبست حجابي وطلعت
مصطفى ما ارجع لا تحاول انته مو تزوجت روح المرتك
_ انطيني مجال نتفاهم
_ ما كو اي تفاهم ما ارجعلك كلشي سكتت عليه بس تزوج عليه
هاي مستحيل اسكت عليها
_ بنص الحوش وصوته عالي فضحنه
اطلگها بس اجيب اخذ الطفل واطلگها ليش ما تصدگين
سيدعلي _ صاح عليه بعصبيه ادخلي جوه
سمعت متريدك يله اطلع
مصطفى _ راح اندمج واخليج ترجعين تتوسلين
ولتفت عليه وانته لخليك تعض اصبعك ندم
سيدعلي _ يالله… ذاك الحايط وضرب راسك بي خلصتها بس تهديد
دشوف شسوي
آلاء _ راح مصطفى صعد سيارته وهو يتوعد
دخلنه جوه وعلي رزلني ليش طلعت وحجيت ويا…..
اميمه _ فهموني اشصاير
سيدعلي _ الا اگلج طلگو بناتج لان طلگت زينب………
ظلت آلاء تبجي وخايفه ينفذ تهديده وياخذ الجهال حتى يجبرها ترجعله
فقررت أخذهم للبستان مكان جبير وفره وحلو
وبكل الأحوال اني الايام الجايه زواجي خليهم من هسه يرتبون البيت ويفرشو
ثاني يوم حضرنه الجنط وقفلنه البيت وطلعنه للبستان هناك محد يعرف المكان اطمن عليهم اكثر
نسرين وطيبه من عرفو اتصلو عليه اخذتهم يمهم ولتمت العائله
احلى لمه وكانه طالعين سفره
رتبو البيت والاغراض وفرشو السجاد وبدينه بتحضيرات العرس البيت جبير يكفينه
اميمه _ عاشت اديك سيد المكان يخبل زين سويت اشتريته حتى
كل ما نضوج نجي هنا
علي _ البيت هواي نواعم عوزه واني اريد ازوج هنا لا فندق ولا سفر
لان اساسا اني مشغول الفتره الجايه شتگولين يمه……!!!!
اميمه _ لا اشيل هم هسه انشوف شنو محتاج البيت وتنزل نسرين
وآمنه وياك يجيبوهن ويرجعون همض1 وياك
الاثاث كله جديد وراقي بس محتاج مواعين على جدوره هاي لوازم المطبخ وفراشات وبطانيات ومسواگ من كل شي
اخذت نسرين وآمنه وياي نزلو للسوگ واني رحت للوكاله هاي الايام جايتني حاويات مال قماش لازم احضرلهن مكان واصفي المخزن اعزل كل نوع من الخام بمكان واعزل الجديد عن القديم لان كل واحد وسعره
وبنص كل هلتعب اذكر ياسمين وابتسم احلى شي صار بحياتي هيه
اشتاقلها حتى واني بنص الشغل والتعب
اريد اتمم زواجي بيها وارتاح…..
رافع _ مركز بوجه حسن ما مصدك رجع لي عايش… صوابه
قاتل بس ما ادري الله رحم بحالي
ياسمين _ خليت أيدي على كتفه اشو صافن بوجها
رافع _ ما مصدگ قبل اسبوع جنه ناصبين فاتحه واليوم اشوفه
حي يرزق گدامي
ياسمين _ لان گلبگ طيب الله استجاب الدعائكم ورجعه الك
رافع _ شتصورين ليش ساكت ما يحجي من اجه الهسه
ياسمين _ اكيد الموقف المر بي مو هين وفوگها امصوب حقه شاف
الموت بعينه
محتاره افتح الموضوع ويا لو اخاف يزعل ويگول ما
قدرت الوضع البلبيت وتريد تتزوج
رافع _ احجي شكو بگلبج ليش ساكته……
ياسمين _ ابتسمت… انته اشلون تعرف شكو بگلبي عجيب امرك
رافع _ عليمن تتعجبين الگلب هو اليحس لان بينه شعور ممزوج
بالدم
ياسمين _ تدري مرات احس اني وياك توئم لوما فارق العمر
رافع _ هو احنه توئم اني اجيت وانتي نمتي ابطن امج سباطعش
سنه ياله اجيتي
هههههه هههههههه
هسه احجي شعندج…..!!!
ياسمين _ جنت ابظهره واكفه افتريت گدامه وكعدت يم رجليه…….
السيد يريد هاي الجمعه يجي ياخذني…
رافع _ اي عادي لا تأجلين بعد….
إيمان صاحت فززتنه ما ندري جانت تسمعنه
_ والله لو عندج شوية مستحى جان ما حجيتيه تردين تعرسين هو احنه بيا حال
بس انتي يمتي اهتميتي الولد الولدي
ياسمين _ ظليت اباوع بعيني ساكته خجلتني گدام رافع
رافع _ ايمانننننن انتي اشدخلج بالنص احد طلب رايج
إيمان _ طول عمرك عايش بس حتى ترضيها لو على حسابي
وحساب ولدك المهم ياسمين كلمتها تمشي على الكل
رافع _ شبيج تخبلتي ولج المفروض وره اسبوع من الخطبه
تزوج صار ثلاث اشهر يوميه مأجلين شنو ذنبها وذنب
السيد ينتظرون بعد
إيمان _ المفروض ما ترضاها احنه بحال عرس ابني توه طلع من
حلگ الموت
رافع _ وهاي أكبر فرحه من طلع عايش بعد ما أيسنه شنو قصتج
ماكافي كره وحقد افرحي لها ولج على زغر عمرها شالت
مسؤلية بيت بكبره لو نسيتي تخبز وتنطيج المصرف بيدج
فز حسن ظل يباوعلنه لحظه ورجع نام
رافع _ هسه ارتاحيتي حتى ابنج المريض ما خلص منج شبيج بابه
السيد فضله علينه وكون انساعده ونفرحله
ياسمين _ رغم انقهرت منها بس هانت كلها كم يوم واخلص من لسانها مراح اخليها تكسر فرحتي
طلعت كل ملابسي وبديت اصفطهن بالجنط الحمد لله مطمنه عليهم عفت الهم المحل يعيشهم وزايد ما اريد بيوم يحتاجون
اتفقت ويه رافع ظاهريا المحل الي بس بيني وبينه المحل حلاله وملكه اخاف عليه من الزمن…..
محد يدوم الاحد
خالتي جانت نايمه كعدت
_ شبيها أمونه تصيحة
_ ماراضيه ياخذني السيد هلاسبوع
_ وليش عيني ما ترضه حسن والحمدلله رجعنه سالم وباست ايدها وجه وگفه نحمده ونشكره
_ اصلا اني ما هتميت الها لا يظل ابالج
_ عفيه افرحي وتونسي ونسي همومج لا تفكرين بأحد حتى علاوي عوفي هنا يمنه
_ لا خاله الا علاوي ويايه وين ما اروح
_ ولج غير عروس تحطي بنصكم اشلون… لا تخليني احجي نعلت الله عليك يلساني
_ هههههه ادري شتردين تگولين خاله هذا يتيم ومن يشوفني اعوفه
يتأذه وتبقى بگلبه اني اتصرف لا تفكرين
_ لعد اوكفي انطيج هديتج من هسه اني وين اشوفج بعد
_ صدك تحجين……!!!! شنو مسافره بره
_فتحت طرف الشيله مالهتا بيها محبس ذهب قديم وجلاب مال الشيله… تلمست أيدي وحطتهن بكفي ذني الج هدية عرسج
_ دمعت عيني يعني الإيمان ما نطتهن ضامتهن اليه… لا خاله
ذني مالتج ما اخذهن واعتبري الهديه وصلت اصلا عيب
عليه اخذ منج… ما اريد منج بس شي واحد تدعيلي الله يتمملي على خير ويحفظكم كلكم اليه
_ شبيج يمه احسج خايفه
_ اي والله خايفه لان ما فد مره مشت واي بالعدل الا ما تكمل فرحتي
_لا تخافين الله عوضج بالاحسن جزات صبرج
هسه ما الله يهديج وتاخذيهن…….!!!
_ ههه لا ضميهن الج
مصطفى _
رجعت مقهور واعصاب اني انطرد وأنهان بهلطريقه
رحت گبل البيتنه لاگيت زينب وي دخلتي شبعتها رزاله ولو مو
ختلت ابسد ابويه اني مگطعها كل المصايب لحگتني من وراها
سيد باقر _ شبيك راجع تهوس لازم ما قبلت ترجع
مصطفى _ ياريت بس عليها جان رجعت الا علي الداك رجل يطلع
ثأر زينب بيه
مهيمن _ اني فكرت اروح العمي الجبير هو يحترمه وما يرفضله
كلمه
سيد باقر _ روحو وشيگول گلو له صار خل يرجعن والله كريم
مصطفى _
ثاني يوم رحنه اني ومهيمن العمي و طلبنه منه يدخل وسيط
بينه وبينهم اريد نسوانه
رفض يدخل ويساعدنا ورجع علينه رزايل ماتستاهلوهن تطلگوهن
بعناد اخوهن ما تستحون اختكم غلطت هن شعليهن واني ما اگدر
ادخل عوف الشغله تبرد ونحجي بيها….
رجعنه خاييبين والتالي اشلون……..
مر اسبوع بعد ما اصبر اخذت مهيمن وطلعنه البغداد وصلنه البيت مقفول دگينه الباب الجرص بعدين طلعت جارتهم گالت يمكن سافرو صار اسبوع ماكو
تخبلت وين وداهم علي شنو سفرهم ومهيمن هم أحتار المن ووين سافرو
طلعنه للشورجه ركنه السياره بالكراج ورحنه للوكاله اذا ما موجود علي موجود نسيبه أركان كان الوقت ظهر لگينه حاويتين واگفه اباب الوكاله والعمال تنزل بأشكال القماش وأركان وواحد بيدهم دفاتر ويحسبون
مصطفى _ هاك هاي المليارات اليحجي عنها ابن عمك
مهيمن _ متشوفى ما يتحاجا بس العتب على الغبيه اختك
ضيعت روحه وضيعتنه وياها
مصطفى _ السلام عليكم
أركان _ باوعت ذوله ولد عم السيد… اهلا عليكم السلام يابه
مهيمن _ عرفتنه احنه ولد سيد باقر
أركان _ اعرفكم اشلون ما اعرفكم اهلا بيكم تفضلو
مهيمن _ رحنه للبيت مالگينه العائله شنو مسافرين…….!!!!
أركان _ حسب علمي لا وين يرحون
مهيمن _ اريد سيدعلي وينه
أركان _ طالع ما ادري وين……
الرجل الواگف ويا ضحك وگال عمي اليوم السيد محد يلگا عريس جديد
مصطفى ومهيمن
انتبهنه….. يعني اليوم عرسه…………!!!!
ياسمين _ حضرت كل ملابسي وملابس علاوي والأشياء التخصنه
دزيتهن ويه السيد بقيت بس الضروريات
اني حفله ما اسوي بس السيد أصر حنه وعرس حتى لو
بيناتنه
متفقين اليوم تجيني نسرين والكوافيره تشتغلي بالبيت
كعدت من الصبح تريگت وسبحت انتظرتها ساعه وجابهم
السيد بدت بتنظيف جسمي خجلت اول مره انكشف على
احد رغم جنت مزوجه قبل بس كل هاي الأشياء ما مريت
بيها ما كان الزواج راغبته ولا الحياة ويه محمد رايده كله
جنت مجبوره عليه
امي الوحيده الجنت ما أخجل منه وتشوفني عادي
الكوافيره_ عيني مرمر ما يحتاج تنظيف من گاعها ملسه فردت
شعري ….. ما شاء الله عوزه بس تسريح تردين اميشه
ياسمين _ خلي على لونه
نسرين _ اصلا هو اشگر حلو
والكوافيره _ ما عندج اخت عندي اخويه مهندس اريد له وحده
حلوه مثلج
نسرين _ صلي على النبي عيني ماعندها ما عدها
الكوافيره _ التفتت عليه مصليه حبيبتي الله يهنيهم ويوفقهم
كاعد اسأل شكوبيها
نسرين _ مو متدرين صار أشگد نحدد العرس ويتاجل حتى السيد
ضايج يريد ياخذها لو سكتاوي
هن يحجن واني طايره بفرحتي سابحه ذكرياتي أمنية امنياتي هذا اليوم شگد دعيت الله يتمملي على خير
لبست دشداشه حمره ومكيجتني فاتح وسرحت شعري
المفروض اليوم الحنه بس ما اسوي اي احتفاليه حتى لو بيناتنه
اخاف من اللسان إيمان تسويلي مشكله
اجه السايق مودي السيد جايب كيك واكل جاهز وبدلة العرس
حتى حنه دازلي…..
اتصل عليه السيد
الو…. حبيبتي اشلونها
_ كلش فرحانه
_ الله يتمم فرحتنه راح يجيكم واحد
_اجه وجاب الأغراض ونسرين والكوافيره رجعو ويا… علويش مكلف نفسك شسوي بهذا الاكل والكيك
_ سوي حفله حتى لو بسيطه ما تردين تتحنين
_ما عندي احد احتفل ويا ماكو داعي…
_ نحتفل اني وياج اريد افرحج وافرح بيج هذا يومنه انتظرته سنين… ومن تجين اهنا نحتفل بيناتنه هم… اني ما عازم احد
_ تمام
_ انتي وين هسه
_ بالغرفه مالتي جوه
_ اكو احد يمج…….
_ لا
_ افتحي كامره اشوفج
_ هههه هاي فتحت كامره
_ اويلي شگد مشتاقتلج… اخلص شغلي واجيج
حتى لو بليل….
_ شيجيبك تتعب
_ ها متردين احنيج….. اشو الا اجي
_ هههههه تعال انتظرك….. سدالخط
جوعانه رحت اشوف شنو دازنه السيد
فتحت الصينيه برياني وفوگها حوالي كيلوين لحم
وكيكه وعصاير والحنه… عباله اسوي حفله واتحنه
راجحه _ وليش ما تتحنين اودي على جيرانه واكعد افرحلي شويه
ويحنوج
ياسمين _ السيد هم گالي بس خليني ما اريد ايمان اتنگ عليه
اريد امشي منا بدون مشاكل
فات المغرب واني انتظر على كعدتي واجه الليل الساعه عشره وهو ماكو
كلت اكيد لو نسا لو ماعنده مجال رحت ابدل دشداشتي
وصاح علاوي عمو اجه
فز گلبي من يمه… طلعت شفته كاعد ويه رافع وحسن بالهول
التفت من شافني صفن شويه يباوعلي
رافع _ أجل صفناتك سيد…. هو نزل راسه مبتسم
السيد طبعه ثگيل ومتزن بس من نكون وحدنه ينسه روحه وينطلق
نفس طبع رافع
أشر عليه ويحجي ويه رافع اختك تريد احنيها
فتحت عيني متعجبه ….
رافع باوعلى مبتسم اي من حقها تعالي كعدني بيناتهم وصاح
إيمان جيبي الحنه ورضى جاب الكيكه
السيد _ اخذ الحنه من إيمان وسحب الطبله رتب الكيكه والحنه وطلع مبايله انطا الرضا صورنه
رافع اخذ أيدي اليمنه و السيد اخذ اليسره حنو كفوفي السيد طلع من جيبه ورقه ورافع طلع خمسينات ثنين خلوهن على الحنه بكفي وخلو الورده
ياسمين _ هسه اني احنيكم اخذت ايد رافع بستها وحنيت اصبعه
وأخذت اصبع السيد حنيته
خالتي كاعده هلهلت بتعب
راجحه _ ولكم هلهلو فرحوها ورضى وعلاوي أخذهم الواهس
عبالك ديوجه يعوعون
اقترب السيد بيده السجين أشر اليه والرافع ثلاثتنه لزمناها وگصينه الكيكه
يشاقون ويضحكون لحظات بس حسيت بسعاده ما تنوصف
واني بين اعز اثنين على گلبي بالوجود
ورضى صور الضحكه وهيه مرسومه على وجه الكل حتى حسن وهو بفراشه يباوع مبتسم وإيمان تضحك
السيد _ اخذ الموبايل ويراوينه شنو من لقطات وحده احلى من
الثانيه
عفيه رضى اشهدلك مصور
ثاني يوم اجتني الكوافيره وحدها مكياج وتسريحه واضافر وسوالف اني قبل ما اعرفها ابد وصلت للعدسات
_ ما قبلت اني عيوني ماتحتاج عدسات
_ ردت اعتني بيج أكثر لان صراحه السيد ما قصر انطاني زايد
ووصاني عليج
_ كملتني و راحت لبست علاوي قاط وورده طلع
كشخه.. وكعدت انتظر بالهول
تفاجأنه كلنه من شفنه حسن واگف اباب الهول
إيمان _ شگومك امي جان صحت عليه
راجحه _ صلوات على محمد والي محمد الحمد لله على السلامه بيبي
حسن _ أقترب عليه مبروك شايفه كل الخير
ياسمين _ بين المصدكه والمامصدگه عبالي جاي يغثني بكلمه
اشكرك…
حسن _ابتسم بسخريه لا تزعلين مني ضحكت عليج ذيج المره
والله عاقبني
ياسمين _ اني ما ازعل عليك
دخلت ام حسين وهو رجع المكانه
ام حسين كانت أول الحضور وصلت لابسه الهاشمي الوعدتنه بي ووراها ام طارق هلهلن وهوسن لي هوسات قديمه وردحن اتوالمن اثنينهن
كعدت ام حسين يمي من شافت علاوي كاشخ سالتني
_ هذا وليدج يروح وياج
_ اي خاله
_ ياء من اول ليله دعوفي يم رضاوي اخذيلج يوم يومين وردي عليه
_ لا من اول ليله احسن ما أكدر افاركه
_ ههههه جا ربح يسيد
اتصل عليه كال احنه وصلنه… وفعلا لحظات ووگفو اباب البيت
سيارته وسيارتين ويا ابو أسد وأركان كان الوقت بعد المغرب
اول وحده دخلت امه هلهلت بعدين خواته دخلن هلاهل وصفگات
دخل السيد واخذ گلبي بكشخته ووسامته احس حتى اني اخاف احسد روحي عليه موبس اخاف من العيون
كلت بكلبي قل أعوذ برب الفلق….
أقترب مني يضحك لزم أيدي همس شحجيتي من دخلت
_ باوعتله حصنتك بالمعوذات
_ ابتسم يله اروح………!!!!
طلعنه ايد بايد وصلنه الرافع هو صافحه وحضنه يتشكر منه واني
بست ايده وراسه
السيد سحب البرنص على وجهي
وصعدني بسيارته بالمقعد البصفه التفتت شفت علاوي واگف وعينه على السيد خايف ما ياخذه… اشرله يجي وصعده بالمقعد الخلفي
ولف من الجهه الثانيه وصعد
شغل ومشه وهو يلوح بيده الرافع
طلعنه من الشارع وهمه خبصو الشارع بالهورنات
السيد _كل شويه يلتفت يباوعلى… والاغاني الهادئه تصدح
ياسمين _ اشو تباوعلي
_ مامصدگ امنيتي تحققت وانجمعنه سويه اخر مره
دعيت يم امير المؤمنين اشوفج لحظه بس اعتذر منج
وتبريني الذمه
عينه بعيني وگال… مسامحتني ياسمين
_ اني هم جنت احسك المستحيل بحيث ما يوم دعيت
اتگون اليه كان يكفيني اشوفك حتى لو من بعيد هاي
أقصى امنياتي
_ سحب أيدي على گلبه وهو يحمد رب العالمين
وصلنه المزرعه صحيح مسويها منتجع الأشجار كلها نشرات
والاضويه الملونه بكل مكان والمسبح متروس مي والنافوره
مشتغله باضويتها الملونه
ناصبين ميز جبير بالحديقه للزلم وبالبيت النساء دخلن السيارات
وسدو الباب
أركان ابو واخوانه موجودين وابو أسد والفلاح يعني الحضور معدودين على الاصابع
نزلني واخذني للبيت دخلني تلگتني اخته آمنه تصلي وتهلي
كشفتني نزلت البرنص وهي عينها ما شالتها مني
دخلو خواته والجهال وسدو الباب واشتغلت الهوسه اغاني وركص
خصوصا نسرين كلش محبوبه تشاقه وتضحك ولسان
اميمه _ شافت علاوي ساكت مستغرب المكان…
اليوم عوفي يمي انيمه…. علاوي من سمع ختل بسدي
ياسمين _ ليش خايف هذا بيتنه الجديد
علاوي _ ما جاوب عيونه مدمعه وساكت… مقهور لان ادرك
شنو يعني ازوج وواحد يشاركه بيه
ساعه وطفو السماعه وفرشو السفره ما شاء الله الجهال
هوايه من عمر ليث وجوه كل وحده مخلفه اربعه وثلاثه
كلهم كعد على السفره حتى علاوي أخذته خالتي ام علي
گعد يمها ياكل بس اني ظليت بمكاني
السيد _ دخلت واخذتها للغرفه مالتنه… من دخلت الغرفه
انبهرت بشكلها والديكورات والفرش
عجبتج…..؟؟؟
ياسمين _ أكثر من هذا مستحيل اطلب
السيد _ عيني عليها وهيه تتفقد المكان احسها نسمه طايره
اشتهيت اعانقها وامزج نفسي بنفسها
ياسمين _ سحبني عليه وحضني بقوه وصار يطبع بوسات بلهفه
حسيت بدفو انفاسها وعنفوان لمساته ابتعد عني يلهث
وگلبه يدگ ابتسم ….
سيدعلي _شويه وراجعلج عوفي البدله اريد اليوم كلشي على
ايدي
ياسمين _ ظليت كاعده وحدي اتلمس مكان بوساته بسعاده…
سمعت أصواتهم بره انخبصو كلها تصيح شكو… شكو
وحده منهم صرخت………!!!!
سيدعلي _ما تحملت دخلت اخذتها للغرفه مالتنه ورويت گلبي
العطشان رجعت وشتغل التصنيف خصوصا ابو أسد
وأركان نزلو العشه واحنه بنص فرحنه…
أركان _ اجاني اتصال من حارس الوكاله بالشورجه
باوعت على السيد… هذا الحارس شيريد….!!!
سيدعلي _ جاوبه شوف شعنده…
أركان _ الو…. شكو على كيفك احجي
شنو…. وگفت
الوكاله دتحترگ…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انكسار الياسمين)
