رواية ظننته حبا الفصل الرابع عشر 14 بقلم سحر السحرتي
رواية ظننته حبا الجزء الرابع عشر
رواية ظننته حبا البارت الرابع عشر
رواية ظننته حبا الحلقة الرابعة عشر
*خرجت جودي و ابلغتهم بالمتفق عليه
:سلام بقى يا جماعه ادعوا لي ربنا يقومني بالسلامه …. سيلا حبيبتي خليه يسفرك شرم او الغردقه شهر عسل اهو طلع معاه فلوس بلاش يضحك عليك زيي و تروحي بورسعيد عشان يوفر
:شكرا يا جودي تصدقي كان لسه بيقول مش هنسافر عشان مفلس من الجوازتين وكان عايزني اخلي بابا يسفرني على حسابه
*نظرت لباسل بانتصار
:لا معاه ولسه معاه كتير انبسطي
*ونظرت لجواد بخذلان
:تسافر بالسلامه يا دكتور …. انا ماشيه يا ماما عايزه حاجه
: مش هترجعي
: لا ما تزعليش يا ماما اصلي مقضياها
*كانت توجه نظرها بين باسل وجواد واكملت
:بين الشغل وتصوير الفيديوهات وفرقه الفنون الشعبيه ده الجواز طلع كان معطلني عن مستقبلي وحاجات كثير ممكن احققها
:ام جواد :ربنا يقويك نشكر الظروف اللي طلقتك
: اشكريها قوي يا طنط اصل فعلا الجواز من ابنك مش امله واكيد ما خسرتش لما سبته بالعكس كسبت كثير
*واشارت على الشيك الذي بيدها
:حتى شوفي المكسب اهو خلي بالك منه بقى احسن ممكن يتجلط عشان دفعوا …… اشوفكم بقى لما اولد اتمنى يبقى ولد شبهك يا باسل بس مش اخلاقك باي … وهبقى اجيبه لك يا طنط تقعدي بيه وانا في الشغل عشان تشبعي من حفيدك اصلك هتحبيه قوي عشان مني
*انصرفت وذهب جواد ورائها
:عن اذنكم ورايا مشوار مهم قبل ما اسافر
*اسرع خلفها ليلحقها
:استني يا جودي هوصلك
:ما تتعبش نفسك يا دكتور
:تعبك راحه لو مش هتعب عشانك هتعب عشان ابن اخويا
:ابن اخوك مين…. ااااه
*ووضعت يدها على بطنها
:شوف نسيت اصل لسه ما اتعودتش
*في الطريق اراد جواد استفزازها ومعرفه ما كان يدور بينها وبين باسل
بقلمي سحر السحرتي
:يعني باسل الاول كذبك انك مش حامل وبعدين سكت انت متاكده انك حامل
:لو ما كنتش حامل ما كانش دفع بسهوله وكمان المبلغ اللي طلبته
:ومن امتى انت ماديه كده
: لما بسامح كثير والناس بتستغل طيبتي يبقى لازم اوجعهم واكبر وجع لاخوك انه يخسر فلوس …. وخلاص انا حققت ده
:انت متاكده ان ده ابن اخويا
*بنرفزه :وقف العربيه ….. بقول لك وقف
*توقف جواد بعد أن رأها بهذه العصبية لكنه خجل من الرد عليها
:مش هسمح لك تخ-وض في شرفي زي ما عمل اخوك …. انا بحترمك من زمان ومش ناسيه انك كنت بتدرسني ولك فضل عليا لكن ده ما يدلكش الحق انك تتكلم عني كده وزي ما قلت انا مستعدة اعمل تحليل بس الاول هات موافقه اخوك ومش محتاجه منك توصلني سلام يا دكتور
*نزلت من السياره قبل ان يتكلم وأغلقت الباب بق-وة و اوقفت تاكسي وركبت به عادت للمنزل وهي تبكي
*بعد ساعه وجدت الباب يطرق
:خير يا ماما جايه ليه
:عشان اشوف حل للورطه بتاعتك و اقنعك ترجعي لباسل عشان اللي في بطنك
: ماما احب اطمنك انا مش راجعه لباسل اطلاقا وعايزه اقول لك على سر بس بلاش حد يعرف
: خير يا جودي
: انا مش حامل
:نعم امال قلت كده ليه
:عشان اعرف اخذ حقي من باسل وكنت محتاجه ادبر فلوس السفر
:سفر ايه و رايحه فين
بقلمي سحر السحرتي
*وقبل ان ترد طرق الباب بشده ففتحت
:جرى ايه يا ست جودي هو انت كل شويه ناس داخله وناس خارجه غير انك طول النهار بره وقال ايه في الشغل مين اللي عندك جوه
:يخصك في ايه يا مرات خالي مستنيه حد معين يجي لي
:انطقي انا عندي بنات وعايزه احافظ عليهم
: ما تقلقيش اسبوع و ماشيه كويس كده
: برضو عايزه اعرف مين اللي عندك
*ردت مها من الداخل لتسمعها
:مين يا جودي اللي بيزعق بالطريقه الغبيه دي
*سمعتها من على الباب
:دي مها مامتك طب ابقي سلمي لي عليها
*و اسرعت بالصعود و اغلقت جودي الباب
:هي مرات هشام كانت بتكلمك كده ليه
:دي عينه بسيطه من اللي هشوفه بعد كده عرفتي ليه عايزه اسافر
: بس انت بنت و هتسافري لوحدك الناس هتقول عليك ايه
:يعني في حاجه لسه ما اتقالتش يا ماما
:تفتكري ابوك هيوافق
:بابا فهمي …. طيب انا طمعانه انك تقنعيه
: انا بتكلم عن صلاح
:وايه علاقته بيا غير اسمه في البطاقه وعموما ما يقدرش يمنعني انا دلوقتي مدام و مطلقه و بالغه هههههه انا حتى ما لحقتش اغير البطاقه لمدام ها يا مهاميهو هتكلمي بابا فهمي
:امري لله ما دام شايفه مصلحتك بس هتوحشيني وهبقى قلقانه عليك
:هو انت عندك شك في اخلاقي
:لا طبعا انت بنتي وتربيه ايدي بس لما تبقي في بلد غريب بخاف عليك اكثر
:ما تقلقيش مش يمكن الغريب يبقى احن من القريب وبعدين سقف توقعاتي من الغريب مش هيبقى عالي
:يعني لو تعبتي هناك مين هياخد باله منك
:انت لو دعيتي لي دعوه حلوه اكيد مش هتعب
: دعيالك يا قلبي بس قلقانه قوي
: اطمني حتى جوري هي اللي قالت لي سافري
:يا ريتني سمعت كلامها
:اللي هو ايه
:جات لي في المنام وقالت لي بلاش الجوازه دي وانا فكرت نفسي بخرف عشان هتبعدي عني
:وما قلتليش ليه دي دايما بتجيلي وتقول لي كلام حقيقي
:عشان كان قبل الفرح بيوم
:والله كنت سبته قبلها بيوم احسن من اللي انا فيه
: وهي كانت بتيجي تقول لك ايه
:ابدا معظم الكلام كان لبابا مره مراته هتجيب توام … ومره ان فارس اخويا تعبان وفعلا
:اخوك فارس تعبان و بتسالي عليه
:طبعا بس بكلم مرات بابا هو من اخر مره رحت له مش بكلمه
: انت رحتي له امتى وليه
:هحكي لك
*بعد انتهاء جلسه جودي مع والدتها اتصلت على سلوى وحكت لها ما حدث
:ايه ده انت الواحد يخاف منك ابتزت-يه
: اللي اخذته يا سلوى جزء صغير من اللي عمله فيا استغل اني صغيره وضحك عليا وهد احلامي ضيع مستقبلي لما اجبرني ادخل كليه بنات بس …. و لما اتجوزته ض-ربني و اخرتها يخ-وض في شرفي
: ياما قلت لك زمان ابعدي عنه
:بلاش تقطيم بقى يا سلوى كنت صغيره و محتاجه اب وبصراحه ابن اللذينة كان عليه شويه كلام حلو اهو طلع على جتتي …. المهم المركز اللي خطيبك قال لي عليه دخلت على النت وطلع حلو قوي وكمان بيوفر سكن …. مش مصدقه انهم قبلوني
: ما هو الفيديوهات اللي بتعمليها والدورات اللي اخذتيها للعلاج الطبيعي والتغذيه من ورا باسل خليتهم يقبلوكي يعني ما لكيش جمايل على حد
بقلمي سحر السحرتي
: بجد مش عارفه اشكرك او اشكر خطيبك ازاي بجد وقفتكم جنبي هتطلعني من اللي انا فيه
:هتسافري امتى
:اخر الاسبوع
:على طول كده وعملت ايه مع مامتك
:اقنعتها
:طب و….
:مالك ما تنطقي مكسوفه ليه …. عايزه تقولي و بابا هو ما يعرفش عني حاجه وخليه كده
:يعني مش هتودعيه ما انا عارفاك
*بكت جودي: هروح اسلم على اخواتي ولو كان موجود بس مش هقول اني مسافره هعرف مراته وانا في الطياره …. روحي عايزه انام ورايا بكره مليون حاجه اولهم اصرف الشيك بتاع باسل عشان احرق قلبه
:الى الان مش مصدقاك
:انت مش عارفه كميه الالم اللي جوايا لما كنت بفتكر اني اتغشيت فيه وفكرت نفسي حبيته وكنت ماشيه وراه زي الجام-وسه لا ليا راي ولا شخصيه و بسمع كلامه
:انسي بقى انت مسافره ابدئي حياه جديده
: هعمل كده
*في اليوم التالي بدات جودي في الاستعداد للسفر بعد ان استلمت مبلغ النفقه من البنك
*في الايام التاليه كانت جودي اعدت كل شيء للسفر وذهبت لتودع والدها واخواتها
: خير جايه عايزه فلوس مرض اخوك اللي بشرتيني بيه مخلص على كل جنيه
:ربنا يشفيه لو كنت عرفت متاخر كنت صرفت اكثر او كنت فقدته بس مش عايزه حاجه رغم اني عارفه انك برضو معاك
:امال جايه ليه
*لمعت الدموع في عينيها
:جايه اسلم على اخواتي و جايبه لهم لعب لو ما عندكش مانع
: لا ما عنديش طول ما انت مش عايزه مني حاجه
:هو انا عمري ما وحشتكش ولا حسيت انك عايز تشوفني
*بدات دموعها بخي-انتها و انهمرت
:يعني ما قلتش لنفسك مره تشوفني حتى بالغلط …. انت قعدت سنه كويس معايا ليه كرهت-ني فجاه عملت ايه غلط غيرك من ناحيتي
*نظر لها بلا مبالاه
: هو انت قلت كفايه عليها السنه وبما ان ربنا عوضك ترمي-ني
: انت كنت قاعده مع امك مش مرم-يه انا كنت بخيرك تقعدي معايا و رفضتي
:صح عملت اللي عليك تسمح لي احضنك ولا ده كمان حاجه رافض تديها لي
*فتح زراعه لها في بدايه الامر باهمال ولكنها ارتمت داخل حضنه وبكت بشهاقات وهي تتمتم
: هتوحشني
*ذهبت و احتضنت اخويها
:انا جبت لكم اللعب دي والمره الجايه هجيب لكم لعب احلى
:هتيجي امتى
:مش عارفه اول لما اقدر هاجي وانت يا فارس شد حيلك وخف و هجيب لك هديه حلوه قوي بمناسبه الشفا
جوري :بلاش تمشي خليكي معانا شويه
:معلش يا حبيبتي مش انا بكلمك في التليفون بس اسمعي كلام بابا وماما عشان بيقولوا انك شقيه قوي
: انا بحبك قوي يا جودي
:وانا كمان بحبك عشان انت على اسمي الغاليه
*تركتهم وذهبت وهي تبكي وصلت الى بيت والدتها كي تودعها هي الاخرى
بقلمي سحر السحرتي
: خلاص بقى يا مهاميهو اعملي حاجه مفيده بدل العياط و ادعيلي
:بدعيلك من قلبي ترتاحي بعد العذاب
:ايوه كده اتفضل يا فريد باشا كام تيشرت تدوبهم في عرق الجيم
:ايه ده دول غاليين قوي
: هههههه البركه في فلوس النفقه بقيت من الاغنياء دلوقتي وقلت مش خساره فيك بعد العل-قه اللي اديتها لباسل
: لو تحبي اض-ربه كمان عشان تجيبي كم بنطلون للتيشرتات دي
:لا كفايه ده استوى وبعدين لو كنت بصيت كويس كنت لقيت بنطلونين
:ادور كويس يمكن الاقي كوتشي رياضي كمان
: لا ده انت عايز كسوه كامله اما اسافر و لو لقيت حد نازل هبعت لك احلى واغلى كوتشي بس الاقي مقاس المركبه دي هههههه
:قولي ما شاء الله
: ما شاء الله هههههه فعلا يا ماما ابقي خلي بالك من اكله خصوصا بعد ما يرجع من الجيم
:ده ناقص ياكلنا ده انا بخبي اكل ابوكي احسن يخلصه قبل ما يرجع من الشغل
:ده انا هموت النهارده ما حدش يقول الله اكبر
:هو انا هحسدك ده انا امك
: اه ممكن تحسديني من غير ما تحسي كبري بقى
: هههههه ابقي ارقيه وانت ذاكر كويس عشان عندك ثانويه عايزين مجموع تقدر تدخل الكليه اللي نفسك فيها
:ابعتي لي كم حاجه من عندك عشان تشجعيني
:اتفقنا وانت يا بابا هبعت لك اجمل ساعه تلبسها و تقلع هديه مها دي
: عمري طبعا انا زعلان منك عشان مسافره
:مش انا خليت حبيبه القلب تاخذ موافقتك
: اه بس هتوحشيني
: وانت كمان يا حبيبي
*و احتضنته و ودعت الجميع
*يوم السفر صعدت تودع خالها وتسلمه المفتاح
:خلي بالك من نفسك يا حبيبتي ولما تنزلي اجازه بلغيني اوضب لك الشقه
:حاضر يا حبيبي بس الاجازات هناك صعبه وكل فتره طويله واكيد لما انزل ماما هتزعل و هتكون عايزاني اقعد عندها
: طب ادخلي شويه
:معلش خلاص ميعاد الطياره
*هبطت من الطائره وخرجت من باب المطار كانت ترتدي سلوبت جينز وتحته تيشرت لبني بلون السماء وتضع الكاب و النظاره الشمسيه وتفتح ذراعيها تستنشق الهواء الا انها تفاجات
#ما هي المفاجاه وكيف ستعيش وحيده في الغربه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ظننته حبا)
