رواية نعم احببت الفصل الثاني 2 بقلم سلمى أبو طبنجه
رواية نعم احببت الجزء الثاني
رواية نعم احببت البارت الثاني
رواية نعم احببت الحلقة الثانية
وبتكون مريم خارجه هى وهنا صاحبتها يتغدوا مع بعض وهما قاعدين بيدخلوا مجموعه شباب وبنات بيقعدوا على الترابيزة اللى وراهم وهما بيضحكوا ويهزروا
وبتسال بنت منهم يحيى
البنت ….. انت لسه مش بتفكر فى موضوع الجواز لحد دلوقتى رغم كل البنات اللى انت قابلتهم وعرفتهم
حمزة …… يمكن علشان ملقتش البنت اللى تشدنى ليها
البنت ٢…… يعنى مفيش ولا واحدة منهم حبتها
حمزة …. لاء لانى مش بفكر فى موضوع الجواز ده الجواز دهاخر شئ ممكن افكر فيه او اهتم بيه حاليا
وبعدين انا اصلا مش مقتنع بموضوع الحب ده مفيش حاجه اسمها حب
البنت …..طيب ما احنا قدامك كلنا متجوزين عن حب
وعايشين مبسوطين مش هقولك أن الحياة وردى طول الوقت لكن فى النهايه احنا مبسوطين مع بعض
والحاجات دى بتعدى علشان بنحب بعض
يبقى ازاى مفيش حب ازاى
يحيي ….. انتى يا تسنيم انتى وخالد ممكن يكون تعود انتوا الاتنين مع بعض من صغركم ولاد عم اتربيتوا سوا فى بيت واحد عملتوا كل حاجه مع بعض بمعنى أصح انتوا فتحتوا عينيكوا لقيتوا نفسكم مع بعض
وبيشاور على رقيه وعلى
انتوا كمان ممكن اسميه إعجاب ما بينكم توافق فى المستوى الاجتماعى والفكرى يعنى دماغكم واحدة وكمان اهتماماتكم يعنى طريقكم واحد
هيثم ….. طيب بما انك حللت علاقه الكل طيب علاقتى انا ويارا تسميها ايه
يبصلهم يحيي ويتنهد
يحيي …. اهو انتوا بقى الحاله الشاذة بالنسبالى انتوا طول عمركم عاملين زى القط والفأر ايه اللى جمعكم مع بعض مش عارف. بس يمكن نصيب زى ما بيقولوا
وبيفضلوا يضحكوا على هيثم ويارا
تسنيم ….. على فكره انت غلطان انا مش هنكر أن فى ناس كتيرة زى ما بتقول
لكن كمان الحب موجود مينفعش انك تلغيه او انك تقول انه مش موجود
وياريت تفهم ده قريب علشان متضيعش حياتك فى علاقات غلط لانى بصراحه مش شايفه ولا واحدة من اللى تعرفهم تستحق انك تتجوزها وتكون معاها أسرة انتوا الاتنين بتتسلوا مش اكتر وده غلط وقبل ما بيكون غلط فهو حرام وانت عارف ف كده
يحيي … . مش مهم المهم حاليا انى مش بفكر فى الموضوع ده ويوم ما اتجوز معتقدش انه هيكون عن حب زى ما بتقولوا هيكون علشان اكون أسرة ولسه مش دلوقتى على الاقل
خالد ….. كفايه كلام كده ده مفيش منه فايده خلينا نتغدى لان الاكل برد ونشوف هنعمل ايه بعد كده
على .. .. معاك حق ده راسه ناشفه وهيتعبنا معاه
عند مريم وهنا
هنا ….. انا عايزة اعرف فى كل العرسان اللى اتقدمتلك مفيش حد منهم حبتيه ولا حتى عجبك
طيب انتى فى حد فى حياتك وقبل ما تتكلمى انا عارفاك كويس وعارفه أخلاقك وطريقه تفكيرك وانه يستحيل يكون فى علاقه بينك وبين اى حد قبل الجواز لكن اللى مجنني ايه السبب اللى يخليكى بترفضى كده الا اذا كنتى بتحبى حد
مريم ….. لاء مش بحب حد ولا حتى معجبه بحد
هنا ….. طيب ليه رفضت كل اللى اتقدمولك حتى وائل مع انه شاب كويس
مريم …… لان مفيش واحد منهم حسيت انه فعلا هيكون شريك حياتى او انه الشخص اللى هقدر اكمل معاه حياتى
يعنى تقدرى تقولى ملقتش نصى التانى اللى يكملنى
مش لازم اتجوز علشان ده المفروض او علشان كلام الناس
او لانى المفروض اعمل عائله
مريم ….. بصى ياهنا انا عايزة حد يعرفني من نظرة عنيا
من تصرفاتى امتى أكون فرحانه وامتى أكون زعلانه
امتى أكون خايفه او قلقانه يقدر يحتوينى فى كل أوقاتى
هنا ….. وده هتلاقيه فين أن شاءالله
وعلى فرض انك لقتيه هتعرف كل ده ازاى من غير ماتكون تعرفيه
مريم …..مش ضرورى قبل الجواز بس على الاقل بيكون فى انجذاب اوقبول مش عا فه اقولك ابه بس هيكون فى شعور بالارتياح من ناحيته و ده ممكن يحصل مع ناس بعد الجواز بس اللى عايزة اقولهالك أن ده بيحصل لما بيكون فى اهتمام بالشخص اللى قدامك والاهتمام بادق تفاصيله
معرفش ده هيحصل ازاى بس ده اللى انا محتجاه
هنا بابتسامه …… أتمنى انك تلاقى الشخص اللى بتتمنيه ولو انه صعب بس كمان مش مستحيل
مريم ….. محدش عارف بكرا فى ايه مش يمكن اتجوز جواز صالونات زى ما بيقولوا و فى الاخر كل شئ قسمه ونصيب
هنا ….. ويا يحبك يا تقتلوا بعض فى النهايه
وبيضحكوا الاتنين وبيكون يحيي سامع كلامهم ويبتسم بسخريه أن فى حد لسه بيفكر كده لكن من جواه حس بشئ غريب وانه معجب بكلامها ولكن محاولش يفكر كتير فى كلامها لانه مقتنع برأيه
وبينتهى اليوم على كده
وبتعدى الايام وبيكون كتب كتاب هنا
وهناك بيتقابل تسنيم ورقيه مع مريم
تسنيم لمريم ….. احنا اتقابلنا قبل كده
مريم ….. مش عارفه بس حاسه انى اعرفك
رقيه …… مش انتى البنت اللى ضربت الشباب فى النادى
تسنيم …… ايوة فعلا دى هى
ادينا اتقابلنا مرة تانيه
مريم …..فعلا الدنيا صغيرة
بس انتوا جايين لمين العريس ولا العروسه
تسنيم .. … لاء العريس وانتى
مريم …. العروسه بتكون صاحبتى
وبيقضوا الوقت وهما بيتعرفوا على بعض وبياخدوا أرقام مع بعض
تسنيم ….. ده رقمى سجليه وان شاء الله هنتقابل قريب
رقيه …… احنا من النهاردة أصحاب انا حبيتك جدا
مريم ….. وانا كمان وان شاء الله هنتقابل قريب
وبتعدى الايام وبيكونوا بيتواصلوا مع بعض وبيتفقوا على يوم يتقابلوا فيه وبيتعرفوا كمان بهنا وبيكونوا شله مع بعض
تسنيم ….. بس قوليلى وانتى بتضربيهم كده مكنتيش خايفه
مريم ….. لاء انا مغلطش هخاف ليه
رقيه …… انا عرفت من مريم انها اخدت بطوله فى الكاراتيه اكتر من مرة
همس بفرحه …… بجد يعنى انتى ممكن تعلميني
مريم ….. اكيد
رقيه ….. انتى بتتكلمى بجد يعني مش هترجعى فى كلامك بعدين
مريم …. لاء مش هرجع فى كلامى بس
تسنيم …..بس ايه
مريم وهى بتحط رجل على رجل ……بس لازم يكون فى مقابل ولا ايه
تسنيم. . … يعنى عايزة ايه
مريم بتفكير …… يعنى كل واحدة فيكم شاطرة فى اى حاجه سواء كان طبخ او رسم او اى حاجه تانيه هتعلمهالى فى المقابل ايه رايكم
البنات. ….. موافقين طبعا
وتمر الايام وصداقتهم بتقوى اكتر واكتر ودايما كان بيحاولوا يجيبوا سيرة يحيي بس مريم كانت بتغير الموضوع لانها مش مهتمه تعرف عنه اى حاجه ولاتعرف هو مين غير انه اخو صاحبتها تسنيم وكمان ابن عم رقيه وهمس
وبتقرر تسنيم انها لازم تعرفهم على بعض لانها معجبه جدا بمريم ونفسها فعلا انهم يرتبطوا ببعض
تسنيم لرقيه وهمس ….. فكروا معايا ممكن نجمعهم مع بعض ازاى
رقيه …… قصدك مين
تسنيم بغيظ ….. بلاش تحرقى دمى
همس…… تسنيم بتتكلم عن يحيي ومريم يارقيه
رقيه ….. اها طيب ما تقولى كده من الاول .
تسنيم. ….. الحمدلله انك فهمتي
المهم هنعمل ايه دى كل ما بتشوفوا جاى بتمشى على طول
همس … انتى عارفه مريم سواء هو او غيره هتعمل كده
وبعدين انا حاسه انها مش فاكرة هو مين اصلا
تسنيم ….. فعلا طيب وهنعمل ايه
رقيه ….. ده هيكون احسن علشان متاخدش منه موقف
تسنيم ….. وانتى عرفتى ازاى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نعم احببت)
