رواية موعد مع القدر (تحدي الإعاقة) الفصل الثلاثون 30 بقلم لبنى دراز
رواية موعد مع القدر (تحدي الإعاقة) البارت الثلاثون
رواية موعد مع القدر (تحدي الإعاقة) الجزء الثلاثون
رواية موعد مع القدر (تحدي الإعاقة) الحلقة الثلاثون
ولد الهدى فالكائنات ضياء.
وفم الزمان تبسم وسناء
الروح والملأ الملائكه حوله للدين
والدنيا به بشراء
والعرش يزهو والحظيرة تزدهي
والمنتهى والسدرة العصماء
والوحي يقطر سلسلا من سلسل
واللوح والقلم البديع رواء
يا خير من جاء الوجود تحية
من مرسلين إلى الهدى بك جاؤوا
بك بشر الله السماء فزينت
وتوضعت مسكا بك الغبراء
يوم يتيه على الزمان صباحه ومساؤه بمحمد وضاء
يوحي إليك النور في ظلمائه متتابعا تجلى به الظلماء
والآي تترى والخوارق جمة جبريل رواح بها غداء
دين يشيد آية في آية،
لبناته السورات والأضواء
الحق فيه هو الأساس وكيف لا والله جل جلاله البناء
بك يا ابن عبد الله قامت سمحة بالحق من ملل الهدى غراء
🌱🌱🌱🌱🌱🌱🌱🌱🌱🌱🌱
ضاءت بك الدنيا وعشت ممجدًا، وغبت عن الدنيا وما زلت سيِّدًا، عليك سلام الله في كل خفقة، فقد ماتت الأسماء
إلا محمدًا، اللهم صلي على سيدنا محمد وعلى آله وأصحابه أجمعين، كل عام وأنتم بخير بمناسبة مولد خير الأنام
💕💕💕💕💕💕💕💕
من أكثر الأمنيات التي نحاول تحقيقها في تلك الحياة هي السعادة، فالسعادة تنبع من الداخل ولا تكتسب. نصنعها بأيدينا ونسعى قدر الإمكان أيا كان مررنا بظروف عسيرة ألا تؤثر علينا وأن ننظر لكل ما حولنا بنظرة إيجابية متفائلة
تحدى الإعاقة بقلمى✍️________لبنى دراز
بعد ما أيمن ومنة فاجئوا الكل فـ الفرح بنجاح العملية و كانت الفرحة فرحتين فعلا و زى ما وعدها عملها فرحها زى ما كانت بتتمنى وأخيرا أخدها فـ عربيته وطاااار ع بيته اللى بقى جنته من وقت ما وصلت منة ونزل من العربية وفاجئها انه شالها
منة:: بخجل ..نزلنى يا أيمن
أيمن:: بحب ..تؤتؤ مش هنزلك
منة:: بجد بقى انا مكسوفة والناس بتتفرج علينا
أيمن:: برضوا لأ مش هنزلك غير جوة بيتى وبغمزة جوة اوضة النوم ..وبعدين هى فين الناس دى انا مش شايف غيرك يا قمر
منة:: خبت وشها فـ حضنه وقالت كان فى حد فاتح الباب وشافنا
أيمن:: خلاص ماتحمريش كدا يا فراولاية وصلنا .. يلا عايز ملكة قلبى تفتح باب مملكتها بإيديها وفعلا فتحت الباب ودخلوا جنتهم علشان يبتدو حياتهم بما يرضى الله
منة:: نزلنى بقى
أيمن:: بأستعباط ..هو انا قولتلك انك قمر النهاردة
منة:: بس بقى يا أيمن هم..وت من الكسوف
أيمن::بس ايه بقى أخيرا وبعد سنين عذاب بقيتى فـ حضنى وعايزانى أبس طب تيجى ازاى دى بقى ..وفعلا نزلها جوة اوضة النوم اللى اتفاجئت بشكلها ..كانت مفروشة بالورد والبلالين ع الارض وع السرير
منة:: وااااو ايه الجمال ده ..انت عملت كل ده امتى و ازاى و احنا كنا مع بعض
أيمن:: يا روح قلبى انا ما تسألينيش عملت امتى و ازاى ..بس مطلوب منك تحلمى مش اكتر
منة:: بخجل..حبيبى ربنا مايحرمنيش منك ابدا
أيمن:: بغمزة..طب ايه ؟
منة:: بصت فـ الارض بكسوف..ايه
أيمن:: يلا نغير هدومنا و نصلى ونتعشى علشان بجد انا وااااقع ههههههههههههه
منة:: بتفرك فـ ايديها وضربات قلبها مسموعة واقفة مكانها وساكتة
أيمن::مالك يا قلبى .. تحبى أساعدك ؟
منة:: بصوت واطى يادوب مسموع..لأ شكرا
أيمن:: خلاص ياحبيبى خدى راحتك وانا هطلع برة
وفعلا طلع الحمام الخارجى وأخد شاور و اتوضا و منة دخلت الحمام الخاص بأوضة النوم اخدت شاور واتوضت وطلعت بعد ما لبست الطقم اللى كان متعلق فـ الحمام زى ما منى قالت لها ولبست عليه الاسدال و فتحت الباب كان أيمن مستنيها فـ الليڤنج
منة:: ندهت عليه..أيمن
أيمن:: قلب و روح وعقل أيمن
منة:: ساكتة ومش عارفة تقول ايه..و اخدت نفس وبعدين قالت مش هنصلى ؟
أيمن:: طبعا يا روحى يلا نصلى وفرش سجادة الصلاة الخاصة بيه و بيها وصلوا ركعتين لله وبعدها حط ايده ع راسها وقال الدعاء ..وقاموا..
منة:: أمنت ع دعائه بخجل.. تقبل الله يا حبيبى ربنا يجعلها بداية سعيدة يارب
أيمن:: اللهم أمين يارب ..حبيبي انا هروح اغوص فـ المطبخ اشوف ماما منى عاملة أكل ايه ..أصل حبيبك واقع جوع ههههههههههههه
منة:: حبيبى خليك مرتاح وانا هجيبلك العشى
أيمن:: تؤتؤ خليكى انتى وانا هعملك أحلى طبق من عمايل ايد ماما ..
وسابها وطلع المطبخ و هى قلعت الاسدال وفردت شعرها و قعدت تستناه
أيمن:: اما ماما منى عاملة شوي…وقطع كلامه لما شافها وقف مكانه ومش عارف ينطق من جمالها المهلك بالنسبة له ساب صينية الاكل من ايده ع الترابيزة ..انتى مين ؟
منة::بأبتسامة .. حبيبى مالك ..انا منة
أيمن:: لأ انتى مهلكتى وفاتنة قلبى الرحمة شوية أبوس ايدك
منة:: بضحكة جننت قلبه ههههههههههههه الله هو انا كلمتك
أيمن:: لأ انا بقول بلاش أكل نأجله لبكرة و ندوق الحلويات الاول ..و……….
ولغاية هنا بقى نخرج احنا و ملناش دعوة دع الخلق للخالق
____________________
بيت المنياوى
رجع محمود ومنى والتوأم من القاعة ع قد ما زعلانين ان منة خلاص سابتهم ع قد ما فرحانين انها خفت ورجعت تمشى
محمود:: منايا بطلى عياط بقى ..عينيكى الحلوة دى ورمت يا حبيبتى
منى:: غصب عنى يا حبيبى ..بنتى خلاص سابتنى وخرجت من حضنى
محمد::بـ كوميديا..وبعدهالك عاد يا أمايتى ..ينفع أجده يا جلبى تبكيشى يا أما
مصطفي:: برخامة ..لـ ميدو..ده مش صعيدى خالص ولا يعرفه وبعدين دمك تقيل ياض انت..حد يقول للمزة الجامدة دى وبيضخم صوته يا أما
محمد:: اه ما انت من ساعة ما صاحبت اسمها ايه دى وبيعمل نفسه بيحاول يفتكر 🤔 اسمها ايه يا واد ميدو يا عسل انت اه افتكرت نيرفانا اوه صاصا بيبى ههههههه ماحدش عارف يكلمك
محمود:: وبعدين معاك ياض انت وهو ..انتوا مش شايفين منايا زعلانة ازاى يلا ع اوضتكم و انت يا متخلف يا صاصا لو سمعتك تانى بتقول عليها مزة وجامدة كدا هشلوحك فاهم
منى:: بتضحك ..طيب بذمتك انت يا محمود فيه أب يقول لـ أبنه هشلوحك خليت ليهم ايه بقى ههههههههههههه
محمود::ههههههههههههه انا مش عارف العيال دى هتودينا لغاية فين ..وبغمزة بس سيبك انتى لما بتضحكى الشمس بتطلع و الدنيا بتنور
مصطفى:: الله يسهله يا حاجوج الشمس بتطلع والدنيا بتنور الساعة 2 بعد نص الليل يا شقى ههههههههههههه
محمد:: يا عم صاصا مش لازم يقلدوا منة وأيمن؟؟.. ويعملوا عرسان ..ويجيبوا اخت بدل منة اللى خلعت من البيت. سيبهم يعيشوا يومينهم ههههههههههههه
محمود:: طب اتلم يا خفة منك له بدل ما أروقكم بطريقتى زى زمان
محمد:: ولا يا صاصا بتعرف تجرى 🏃🏃🏃اجرى ياض وحصلنى ههههههههههههه
_____________________
بعد يومين بيت أيمن ومنة رن جرس الباب وراح يفتح
أيهم :: صاحبى يا عرييييس
ساجد:: مسا مسا يا برنس الليالي
أيمن::بترحيب.. ازيك ياض منك له..فين باقيكم
هدير:: من ورا أيهم و ساجد ..نحن هنا يا كابتن وسعولى كدا بقى منووووشاااااا بت يا منوووشاااااا
منة:: بسعادة.. بلوتى وأخرة صبرى سواقة الاوتوبيس ههههههههههههه
أيهم:: لأ انا احتج ..لو سمحتى يا مدام منة ..مالكيش دعوة بالاسطى عبده حبيبى
هدير:: تسلملى يا اسطى ههههههههههههه
روبى:: مبرووك يا منة ..
منة:: تسلمى يا روبى الله يبارك فيكى ..تعالوا بقى نقعد براحتنا جوة ونسيبهم هنا
أيمن::لـ منة.. تعالى تعالى هنا مين يقعد جوة ..مافيش منه الكلام ده انتى مش هتتنقلى من الحتة دى وبيشاور جنبه ع كنبة الليڤنج حتى لو مين موجود ماشى يا قلبى
أيهم :: لـ ساجد بهمس عريس جديد بكرة يضرب نفسه بالـ👞
ساجد:: اه يا هيمو اه ويقول ياريت اللى جرا ماكان ..
روبى وهدير::فـ نفس الوقت بتقول حاجة يا أ يهم انت و ساجد
أيمن:: للبنات ما هو العيب فيكم لو مسيطرين من الاول مش هيقولوا كدا
أيهم:: خد بالك بقى انت بتحرضهم علينا و مراتك جنبك
منة:: ماتقلقش ولا كأنى سمعت حاجة ههههههههههههه
أيمن :: حبيبتى ربنا يباركلى فيكى ياقلبى
ساجد:: يلا بينا يا عم أيهم شكلنا غلطنا فـ العنوان ..دول ناويين يقلبوهم علينا ههههههههههههه
أيمن:: خلاص ما تزعلوش اترزعوا ..تشربوا ايه
أيهم:: يا عم أيمن انت لسة فاكر ..احنا جوعنا وعايزين نتغدا
أيمن:: لأ قوم امشى ياض ما عندناش غدا يلا من هنا ههههههههههههه
هدير:: الله ما تصلى ع النبى فـ قلبك كدا يا جدع وأهدى يا عم مش عايزين حاجة يابا ..تعالى ابت امنوشة نستفقد المطبخ ونشوف التلاجة فيها ايه يلا يا روبى يابنتشى ههههههههههههه
وقاموا فعلا دخلوا المطبخ يجهزوا عصير وجاتوه
هدير:: قوليلى بقى يا منوشة يا لئيمة انتى احكيلى ازاى قدرتوا تخبوا علينا نجاح العملية
روبى:: صحيح يا منة ..ازاى قدرتوا تعملوا كدا وانتوا عارفين اننا كلنا كنا قلقانين جدا
منة:: اصبروا بس شوية لما الكل يجى علشان نحكى مرة واحدة ممكن ؟
هدير:: ممكن جدا يا اوختشى ويلا هاتى الجاتوه ده وتعالى ورايا ..وشالت صينية العصير ومنة معاها الجاتوه وهى طالعة قالت لـ هدير و روبى فين هادى وكارم مش معاكم ليه
روبى:: كنت هجيبه معايا بس نام بابا قالى اسيبه وهو هياخد باله لما يصحى
هدير:: هادى ياستى عادل الالفى محتكره وبيقولى هاتى غيره ههههههههههههه
شوية و جه محمود ومنى والتوأم وكمان كان معاهم عادل و سلوى وهادى شايله عادل وكمان فادية والشقة مليانة بالحبايب كلهم جايين يباركوا لـ منة وأيمن ع جوازهم ونجاح العملية نجاحها هى و هدير ف الامتحانات بامتياز زى كل سنة وكانت الفرحة حلوة والوقت مميز وبعد اسئلة وعتاب علشان خبوا خبر العملية أيمن ابتدى يحكى
“فلاش باك”
منة:: أيمن
أيمن:: قلبه
منة:: ممكن طلب
أيمن:: من عيونى و روحى وقلبى أؤمرى أمر
منة:: حبيبى تسلملى يارب ..ممكن لو العملية نجحت ان شاء الله ما تقولش خالص لأى حد حتى بابا وماما؟
أيمن:: ليه بس يا قلبى ..انتى عارفة كلهم فـ مصر قلقانين ازاى عليكى
منة:: حبيبى بليز عايزة اشوف رد فعلهم
لما يشوفونى ويعرفوا انى خفيت
أيمن:: يا حبيبتى نطمنهم لما تطلعى من العمليات وبرضوا هتشوفى فرحتهم برجعوك وانتى ماشية
منة:: بليز يا أيمن بلييز بليييز ما تقولش حاجة خالص عشان خاطرى
“عودة للوقت الحالى”
وطبعا يا جماعة ضعفت قصاد عيونها اللى دوختنى و ماقدرتش ارفض طلبها سامحونى بقى ههههههه
محمود:: بغيظ..عارف يا لو ما شوفتش فرحتها دى فـ عيونها كنت علقتك انت وهى
أيمن:: سامحنى بجد يا عمى انا فعلا حاولت معاها بس هى كانت مصممة انها تعملها مفاجأة وطبعا توالت المفاجأت كلها ورا بعض والفرحة بقت تلاتة نجاحها فـ الامتحان وفرحنا و نجاح العملية
منى:: عارف يا أيمن انا كنت حاسة انى فـ حلم اول ما شوفتها نازلة من العربية جوة القاعة وجاية ماشية ناحيتنا دعيت ربنا انه يكون حقيقة مش حلم
محمد:: اول ما مسؤول القاعة طلب مننا احنا تحديدا نقف فـ نص القاعة استغربت اشمعنى اسرة محمود المنياوى ..قولت جوايا يمكن علشان احنا اسرة منة لكن اول ما شوفتها نازلة من العربية بقيت مش عارف اتحرك ولا انطق اللى انا شايفه ده بجد
مصطفى:: بيكمل كنت حاسس ان انا تايه مش عارف دى اختى ولا حد شبهها وقولت لـ ميدو اقرصنى ياض ..رد قال اقرصنى انت شكلنا بنحلم
محمود:: عارفين اصرار أيمن انه يعمل الفرح فـ نفس يوم رجعوهم لخبطنى ..انا اه كنت متفق معاه و محدد بناءاً ع طلبه تانى يوم رجوعهم علشان يرتاحوا شوية بس لاقيته بيكلمنى قبل الفرح بحوالى اسبوع يقنع فيا معرفش وافقت ازاى جايز لانى واثق فيه ..او لانى كنت عارف ان بنتى لسة زى ماهى ..وقتها قولتله هتبقوا تعبانين من السفر وكمان حالتها النفسية وبص لـ أيمن بغيظ ضحك وقال ماتقلقش يا عمى انا هظبط كل حاجة وماتشغلش بالك بـ منة خالص حالتها النفسية زى الفل
منة:: بدموع ..مسكت وش محمود بين ايديها سامحنى يا حبيبى بس ردة فعلكم وفرحتكم عندى بالدنيا وكنت عايزة زى ما اتفاجئتوا بالحادثة واتصدمتوا من عجزى انكم تتفاجئوا بنجاح العملية وتفرحوا انى رجعت تانى امشى وباست راسه وأيده ..و راحت مسكت وش منى بين أيديها ..كنت عايزة زى ما شوفت دموع وجعك وحزنك عليا ..اشوف دموع فرحتك وانتى شايفنى راجعة ماشية واشوف فرحة قلبك بـ بنتك الوحيدة وهى راجعة ناجحة فـ حياتها وبصت لـ أخواتها كنت عايزة اشوف تعبير و شكم و رد فعلكم اول مرة واشوفكم هتعملوا ايه ..بس خلفتوا توقعاتى بصراحة ههههههههههههه
أيمن:: بأبتسامة ..خلاص بقى صافى يا لبن ..وسماح بقى
أيهم:: بهزار ..يخرب عقلك سماح مين يا ابنى انت لحقت ههههههههههههه
ساجد::لـ أيهم ياض انت أهبل ولا ايه ..انت ما تعرفش سماح مين ..ههههههههههههه
وفعلا الكل قضوا حلو ومميز مع أيمن ومنة و قبل ما يمشوا قال
أيهم:: حجزتلك الهانى مون يا عم فـ الكاريبى وجهزتلك برنامج تحفة اتبسط بقى و ادعيلى
أيمن:: بأمتنان..شكرا يا حبيب أخوك ع كل حاجة عملتها معايا ..انا بجد لو لفيت الدنيا مش هلاقى أخوات زيك انت و ساجد ..بس اعذرنى ..احنا قررنا انا ومنة قلبى هنقضى شهر عسلنا جوة بلدنا اللى فيها أجمل اماكن فـ العالم
منة:: فعلا يا أيهم..مصر جميلة اوى وفيها أماكن لو لفيت العالم كله مش هتلاقى فـ جمالها ..وفعلا هنقضى اجازتنا كلها كل يومين فـ مكان وهنتصور كتير و نبعتلكم صورنا
أيمن:: بهزار ايه ده يا هانم ..انتى عايزاهم بقى ييجوا يغلسوا علينا ولا ايه ههههههههههههه
منة:: لا ياحبيبى خليك ناصح هنبعتلهم الصور بعد ما نسيب المكان خليهم يلفوا كعب داير ورانا ومش هيلاقونا برضوا ههههههههههههه
هدير:: عتلاق البت اتعدت مني واتعلمت تعمل مقالب بس جامدة يا مزة قلبى ههههههههههههه
ومشيوا كلهم وتانى يوم ابتدت رحلة شهر العسل لـ أيمن ومنة ونتمنالهم رحلة سعيدة
بقلمى✍️_______________لبنى دراز
بعد مرور 5 سنين
منة وأيمن بعد رجوعهم من شهر العسل راحوا اعتمروا و شكروا ربنا ع نعمه عليهم وبعد سنة رزقهم بـ بنوتة جميلة شبه مامتها فـ كل حاجة بس واخدة لون عين أيمن سموها غرام وكل اللى يشوفها يقع فـ غرامها ومتعلقة بأيمن اوى .. وكانت غرام وشها حلو عليهم وأيمن فتح شركة مقاولات وابتدا يبقى له اسمه فـ عالم رجال الاعمال .. أيهم و هدير ربنا رزقهم بـ حلا بنوتة هادية جدا معرفش ازاى ..و ساجد و روبى ربنا رزقهم بـ أمجد السويفى الصغير زى ما قال البيبى التانى ع أسم أبوه بس شكله واخد جنان أيهم من كتر حب ساجد فيه ..مصطفى و محمد ومنة و هدير اتخرجوا وكل واحد شق طريقه فـ الحياة العملية وأثبتوا كفائتهم
و النهاردة فـ النادى أيهم و ابنه مجننين أيمن
هادى:: عمو فين غرامى عايز العب معاها
أيمن:: نععععم ..انت قولت ايه ياض انت
هادى:: غرامى عمو ..ايه مش فاهم فـ كلامى يعنى
أيمن:: لـ أيهم خد ابنك و أمشى من هنا ياض انت ..قال غرامى قال
أيهم:: بيضحك..أبن أبوك ياض يا هادى ..ولـ أيمن ايوا يا اخويا غرامه ولا يكونش ناوى تجوزها لـ حد تانى يعنى
أيمن:: أجرى ياض غور من هنا مش هجوزها هخليها فـ حضنى غرامى انا و نور عيني
ساجد:: من وراهم ان شوفت الدماااااغ دى فيييين وبص لـ أيهم اللى بتلقائية حط أيده ع قفاه ههههههههههههه
أيهم:: لـ أبنه يلا يا أبنى ابعد عن الشر وغنيله كفاية أبوك واللى جراله من جدك
هادى:: أيهم انا مش زيك.. انت علشان مش تزعّل دولا سايب ديدى وانا عنده ع طول ..
أيمن:: برفعة حاجب ..اومال يا خفة هتعمل ايه ..عرفنى كدا
هادى:: انا بقولك اهو يا ايمو..عشان مش تقول هادى مش قال ..انا هاخد غرامى و اهرب منك بعييييد ومش هتعرف تمسكنا هنستخبى منك
أيمن:: وحياة أبوك؟ وان شاء الله بقى مين هيسمحلك
هادى:: غرامى طبعا انت فاكر مين يعنى؟
ساجد:: بأستغراب ..ولا يا هادى انت متأكد ياض انك عندك 5 سنين ولا 50 سنة عشان ابقى فاهم بس انا بتكلم مع مين
هادى:: انت مش عارف يعنى يا عمو ساجد يعنى انى فـ كى چى1 يعنى عندى 5 years
من وراهم جاية منة مع هدير ومعاهم غرام اللى اول ماشافت أبوها
غرام:: بااااااابى بييييبيييي (حبيبى) ..وفتحت دراعها ع أخره
أيمن:: شالها بفرحة روح بابى يا غرام قلبى انا وبيبص لـ هادى بغيظ
منة:: مساء الخير يا جماعة
هدير:: مساؤؤؤ فل يا بشر
أيهم:: ميا مسا يا معلمى .
ساجد:: مساء الخير يا جماعة ..الله هى روبى فين مش معاكم ليه
غرام:: ببراءة.. لوبى مع كالم ف التملين لثة يا عمو(روبى مع كارم ف التمرين لسة)
ساجد:: اخدها من أيمن قلب عمو انتى يا جميلة وبيغيظ هادى ..يا عروسة كارم ياقمر انتى
هادى:: بغيظ لـ ساجد.. هات كدا وبيشد غرام منه ..دى غرامى انا قال عروسة كارم قال
غرام:: ثيب(سيب) ايدى يا هادى انت وحث (وحش)وانا مث(مش) بلعب معاك انا هلعب مع كالم (كارم)وحلا وانت لأ
أيمن:: ضحك بصوته كله قلب بابى تضرب ولا تبالى ههههههههههههه
منة:: بعدم فهم.. هو فى ايه؟
أيمن :: حكى ليهم هى وهدير اللى حصل من هادى
هدير:: لـ هادى.. يا حبيب مامى ماتزعلش هنتفق مع بابا ون خ ط فها و نجرى ههههههههههههه
هادى:: ديدى انتى بتكدبى ..ناناه سلوى قالت الكدب حرام
أيهم:: انت ياض غلس ليه.. وبهمس تربية جدك صح
أيمن:: لـ أيهم سمعتك ع فكرة ههههههههه .
شوية وجات روبى وكارم و اول غرام ما شافته جرت عليه
غرام:: كالم لوحى (كارم روحى) كالم بيبى(كارم حبيبى) ..تعالى العب معايا كالم
كارم:: تعالى العب معانا يا هادى
هادى:: بغيظ لأ مش عايز .. مش بلعب مع عيال انا
أيهم:: الله عليك يا حبيب والديك اديله يا هدهد اديله
ساجد:: ولااااا لِم نفسك انت وابنك احسن لك
كارم:: بهدوء..بابى انت زعلان ليه ..كل واحد براحته وبص لـ غرام يلا بينا يا غرامى وقبل مايمشى بص لـ هدير ..طنط ديدى فين حلا مش جات ليه
هدير:: قبل ما ترد كانت غرام بتشد كارم يلا بينا كلملة(كرملة)حلا عيانة مش جات يلا بقى
هادى:: بنرفزة ..أيهم يلا بينا انا مش عايز اقعد ..النادى بقى يخنق ..يلا ديدى قومى
أيمن:: ههههههههههههه النادى ماله يا ابن أيهم؟ بقى ايه؟
هادى:: يخنق ..يخنق يا عمو فى ايه مش فاهم فـ كلامى ..انت كل شوية قول ايه ايه وانا كل شوية قول كلام مرتين ..اوووف بقى يلا أيهم
ساجد:: لـ أيهم الواد ده حقيقى ولا فوتوشوب ؟ فدان كأبة زيك ههههههه
هدير:: بثقة.. أبن أيهم وهدير طبعا انتوا متوقعين ايه يعنى
أيهم:: بضحك.. احنا محدش يتوقعنا ههههههههههههه يلا يا حبيب أبوك نمشى ..ومن غير سلام عشان نفسية الواد قابة عليه
ومشى كالعادة تحت نظرات وضحك أيمن وساجد اللى تقريبا وقعوا من طولهم من كتر الضحك
_____________________
بعد مرور شهر.. فـ يوم الصبح
كان عيد ميلاد منة وكان نفس يوم عيد ميلاد غرام اللى كملت 3 سنين وأيمن قرر يعمل حفلة كبيرة ويعزم كل حبايبهم و أهلهم والمفاجأة كانت الحفلة جوة ڤيلا صغيرة بس جميلة جدا وليها زوق خاص مميز كل حاجة فيها بتنطق بعشق أيمن لـ منة من اول الجنينة اللى مليانة انوار فـ كل مكان فـ الارض وع الشجر و حوالين البسين اللى مليان بلالين و انواع الورود اللى بتحبها منة من البنفسج والنرجس والچورى والبلدى بألوانه واشجار الفل و الياسمين والريحان وداخل الڤيلا ألوان الحيطان المريحة للعين والقلب والفرش كله نفس الذوق اللى بتحبه منة لغاية اوضتهم و أوضة غرام وكمان أوضة فادية و كله ده كان مفاجأة للكل حتة منة وهم لسة فـ شقتهم وبيصحيها
أيمن:: منوشة حبيبة قلبى اصحى يلا قومى ..ايه رأيك ننزل نتمشى شوية
منة:: نعسانة لسة.. حبيبى هننزل الصبح كدا نروح فين انا ما صدقت النهاردة أجازة من المستشفى وانت كمان قاعد معانا خلينا فـ البيت عشان خاطرى وسيبنى انام شوية
أيمن:: لأ و يلا قومى بطلى كسل خلينا نفطر ونلحق اليوم من أوله
منة:: أيمن بقى سيبنى شوية صغننة بليييز
أيمن:: بمكر ..مااااشى يا روحى خليكى نايمة وسابها و راح لـ غرامه اوضتها و صحاها ..غرامى حبيبة بابى اقومى يلا عشان نتفسح
غرام:: بابتى باح خيل(صباح الخير)
أيمن:: صباح الورد ياقمر يلا بينا نغسل وشنا و أسناننا ونلبس احلى فستان علشان نخرج
غرام:: ونلوح (نروح)فين بابتى عند ناناه فوفة ؟
أيمن::لأ مش هنروح عند فوفة ..هنروح نشترى حاجة حلوة لـ غرام قلبى وكمان لـ مامى بس ده سر ما تقوليش لـ مامى ماشى ؟
غرام:: ماثى مث قول اهو🙊
أيمن:: شطورة يا قلبى ويلا بقى وفعلا اخدها دخلها الحمام و ادالها شاور وغسلها أسنانها وطلع لبسها فستانها وسرح لها شعرها ..ها ياقمر يلا بقى نروح نصحى مامى ورجع تانى عند عشقه اللى نايمة ..حبيبة قلبى يلا اصحى
منة:: يوووه يا أيمن عشان خاطرى انا ما صدقت غرام نايمة سهرتنى كتير وتعبتنى لغاية مانامت
غرام:: مامتى اثحى انا ثحيت يلا بقى قومى
منة:: اتعدلت بأستغراب وبصت لـ بنتها ..انتى لحقتى نمتى يا شقية وبعدين ايه اصحى انا صحيت دى ومين لبسك كدا
غرام:: يكون مين يعنى؟ ..فكلى🤔(فكرى)كدا
منة:: اممممم أفكر كدا وبصت لـ أيمن ..بنفاذ صبر ..مافيش فايدة
أيمن:: وطى وشالها ورايح بيها ع الحمام لأ فيه فايدة يا قلبى وهو وبيوقفها فـ البانيو ولسة هيبتدى يديلها شاور
منة:: بخجل . أطلع برة يا أيمن انا هاعرف أخد شاور لوحدى
أيمن:: لأ ..انا هديلك شاور و أغسل أسنانك زى ما عملت مع غرام
منة:: بس بقى بطل غلاسة ..وأطلع بقى
أيمن :: مش هبطل غلاسة و يلا ماتضيعيش وقتى واسمعى الكلام زى البنوتة الحلوة تقول حاضر وبس
وفعلا ادالها شاور وشالها وطلع بيها وكان مختار لها طقم خروج و لبسهولها وسرح لها شعرها و ساعدها تلف حجابها وكل ده وغرام قاعدة ع السرير بتتفرج عليهم وبتعاكسهم وبعد كدا خرجوا من الاوضة وفطروا ونزلوا راح بيهم مول كبير
منة :: انت جايبنا هنا ليه بقى
أيمن:: عايز منة قلبى و غرامى يختاروا أحلى فساتين لـ أجمل مزتين فـ قلبى وعايزهم عروستين كل الناس تحسدنى عليهم
منة:: يا سلام ؟؟ وده ليه ده بقى ؟؟ هى اصلا ناسية خالص انه عيد ميلادهم النهاردة
أيمن:: مزاجى كدا يلا بقى اختارى يا قلبى و ماتتعبنيش معاكى و فعلا اختاروا سوا أجمل فساتين لـ منة و غرام و كمان أختاروا كل أحتياجات فستان منة من حجاب وأكسيسوريز وجزمة و شنطة وكمان احتياجات فستان غرام تاج لشعرها وجزمة و أخدهم و راح بيوتى سنتر كبير تحت اندهاشها واعتراضها
منة:: حبيبى ممكن أفهم بقى بتعمل ايه وجاى هنا لييييه؟
أيمن:: حبيبتى ممكن تدخل وهى ساكتة وتبطل أسئلة و رغى كتير
منة::وبعدين بقى وبغيظ مصطنع هتفضل ساحبنى وراك كدا زى ال ج ا مو سة.. وحطت ايدها الاتنين فـ وسطها..من غير ما أفهم يعنى و لا ايه؟
أيمن:: ضحك بعلو صوته ههههههههههههه ..أحلى جا مو سة دى ولا ايه يا ناس ههههههههههههه
منة:: تاهت فـ ضحكته و نسيت كل الدنيا .
غرام:: بتضحك ع ضحك أيمن ..بابتى بيبى وبتقرب تهمس فـ ودنه ..قول سل (سر) ولا مث قول
أيمن:: ضحك من قلبه ع بنوته ..خلاص بقى يا غرامى مبقاش سر ههههههههههههه
وطلعوا أخيرا البيوتى سنتر وقالهم هاجى أخدكم الساعة 7 تكونوا جاهزين وبعد شوية جابلهم غدا فـ السنتر وسابهم واتصل بأيهم وساجد كالعادة اللى معاه فـ كل حاجة رفقاء العمر اللى دايما مع بعض ويعرفوا كل اسرار وحياة بعض بأستثناء حياتهم الخاصة وطبعا تم تنفيذ المطلوب وفـ الميعاد وصل كل الناس ومستغربين ڤيلا مين دى وليه أيمن عامل الحفلة هنا و شوية وصل أيمن عند السنتر و اتصل بـ منة اللى نزلت بسرعة هى و غرام وشافته واقف عند العربية بضهره وقربت منه
منة:: أيمن
أيمن:: لف ليها بأبتسامة صافية وماسك باقة ورد💐 جميلة وكبيرة وتاه فـ جمالها ..بيقدملها الورد كل سنة وانتى دايما معايا و فـ حضنى
غرام:: بابتى عايثة ولدة( عايزة وردة)
أيمن :: شالها بسعادة و كان جايبلها وردة فعلا ليها أحلى وردة🌹 لـ أحلى غرام ..كل سنة وغرامى دايما مالية عليا حياتى
منة:: كل سنة وانت حبيبى ..ربنا ما يحرمناش منك ابدا
أيمن::بغمزة.. طب ايه
منة:: ايه
أيمن:: انا بقول نروح وبلاها الحفلة ولا ايه
منة:: بعد كل ده ؟ لأ نروح الحفلة وفعلا وصلوا الڤيلا و بصت لـ أيمن ڤيلا مين دى
أيمن:: لما ندخل هتعرفى كل حاجة و دخلوا فعلا
منة:: اتفاجئت بجمال الجنينة و اتفاجئت بوجود باباها ومامتها وأخواتها وعادل وسلوى وهدير و أيهم و عيالهم وكمان فادية و ساجد و روبى و عيالهم .. واااااو ايه الجمال ده كله يا أيمن بتاعت مين الڤيلا دى وكمان كل حبايبنا هنا ليه
أيمن:: باس جبينها ..حبيبتى دى هدية عيد ميلاد قلبى انا
منة:: بجد يا أيمن يعنى الڤيلا دى بتاعتنا
أيمن:: ومش بس كدا ..كمان اتفضلى ياستى مفاتيح عيادة دكتورة منة المنياوى أكبر دكتورة مخ وأعصاب فـ المجرة
محمود:: بسعادة ..مبروك يا أجمل ضحكة لـ قلبى ..عيد ميلاد سعيد عليكم يارب
غرام:: ددو مود بيبى انا
محمود:: قلب جدو يا أجمل غرام كل سنة و انتى طيبة يا قمر
منى:: كل سنة وانتى دايما فرحانة يا نور عيني وبصت لـ أيمن و دايما مع بعض فـ هنا وسعادة وعقبال 100 سنة
منة:: بدموع الفرحة من قوة المفاجأة..ربنا يخليكم ليا وما يحرمنيش منكم ابدا ..
ابتدت الحفلة وكانت فعلا مميزة بوجود الحب والدفىء اللى فـ لمة العيلة والاصحاب اللى دايما كتف بكتف فـ المرة قبل الحلوة سواء هدير ومنة و أخيرا روبى انضمت ليهم و أيمن وأيهم و ساجد او عادل و محمود برضوا رفقاء العمر وكمان سلوى ومنى و فادية الام البسيطة اللى ربت ابنها بعد موت جوزها وماحسستهوش ابدا انه يتيم
وبعد شوية وقت منة راحت وقعدت ع الكرسى المتحرك اللى صممت تحتفظ بيه لانه كان رفيقها فـ وقت من الاوقات وبالنسبة ليها كانت أسعد أوقات حياتها لانها حققت كل أحلامها وهى عليه ولان أيمن عارف أهمية الكرسى بالنسبة ليها كان اول حاجة اتحطت فـ الڤيلا بصت لهم وقالت جملة واحدة
فكم من سليماً معافى عاجز عقله عن التفكير وقلبه عن الحب وكم من جليساً اسير كرسيه المتحرك حراً طليقاً بتفكيره ورجاحة عقله وقلبه المليئ بالرضا
تمت بحمد الله واتمنى انها تكون نالت رضاكم دمتم في رعاية الله وأمنه
مع تمنياتى بدوام الصحة والسعادة ليكم يارب اللهم امين
لقراءة الرواية كاملة اضغط على : (رواية موعد مع القدر (تحدي الإعاقة))
