رواية أحفاد الطوبجي الفصل السادس 6 بقلم أميرة أسامة
رواية أحفاد الطوبجي الجزء السادس
رواية أحفاد الطوبجي البارت السادس
رواية أحفاد الطوبجي الحلقة السادسة
🔥(((( بدايه الإعصار))))🔥
خلص قاسم مكالمه مع زهره ودخل على المكان جوه وهو داخل خبط في واحده
قاسم….أسف أسف جداً مخدتش بالي والله
لا ابداً مفيش حاجه حصل خير بعد أذنك و أول ما ادتله ظهرها ومشيت خطوه
قاسم….بصوت مسموع و صدمه باينه على نبره صوته فريده لاشين😳😳😳😳😳
وقفت فريده ولفت بنظرات كلها انوثه و جاذبيه وبصتله شويه من غير ولا كلمه
قاسم…..فريده😳
فريده….بأستغراب قاسم الطوبجي😳
بصلها قاسم وفضل واقف ثواني وبعدين ابتسم ابتسامه ذهول كأنه مش مصدق
قاسم….أزاي؟ معقول
فريده بنظره وجـ ـع وحنين ابتسمت وبعدين قربت منه خطوه ووقفت قدامه
فريده….عندي قناعه ان مهما السنين فرقت بين الناس و بعدتهم أكيد هيجي يوم والوشوش تتقابل من تاني بس صدقني يا قاسم من كتر ما السنين بعدتنا انت الشخص الوحيد اللي متوقعتش اني اشوفه تاني
قاسم….بإبتسامه بسيطه مد ايده أزيك يا فريده
ابتسمت فريده و بصت على ايده ورجعت بصتله باشتياق رهيب ومدت ايدها ولمست ايده بهدوء
فريده…..بقيت احسن كتير يا قاسم لما شوفتك
قاسم….أحمممم فينك وليه أختفيتي ؟
فريده….موجوده
قاسم…..موجوده فين بس انتي كأن الارض اتشقت وبلعتك
فريده….ده حال الدنيا يا قاسم
قاسم….معاكي حق
فريده….بإبتسامه جميله وصوت هادي و نبره حزينه اتغيرت يا قاسم 🥺
قاسم….ضحك ضحكه كلها وجـ ـع دول عشرين سنه يافريده
فريده…..معاك حق بس ملامحك هي هي
قاسم….بس كبرت صح؟
فريده…بس بقيت احلى❣️
قاسم….على فكره انتي كمان اتغيرتي اوي تعرفي اني عرفتك من صوتك كل حاجه فيكي اتغيرت
فريده….للأحلى ولا للأوحش؟
قاسم….بضحكه جميله أوحش؟؟ انتي طول عمرك جميله يا فريده وزي القمر بس مش كدب عليكي انتي بقيتي اصغر كأن العشرين سنه معدوش عليكي❣️
فريده…بإبتسامه جميله بس العشرين سنه دول خدوا حجات كتير غير الملامح
قاسم…..بتنهيده طمنيني عليكي يا فريده بتعملي ايه بتشتغلي متجوزه عندك ولاد حياتك عامله ازاي
فريده…..لاااا دي حكايه طويله اوي متنفعش على الواقف يا قاسم يا طوبجي
قاسم….بضحكه جميله طب ايه مش هنقعد🤨
ضحكت فريده وبصتله اكيد هنقعد
قاسم…..طيب انتي جايه هنا لوحدك؟
فريده….لا معايا ناس أصحابي يعني بيحتفلوا بيا عشان عيد ميلادي
قاسم….كل سنه وانتي طيبه يا فريده
فريده…..بيتهيألي احلى هديه اني شوفتك انهارده يا قاسم بجد كانت مفجأه مش متوقعه
قاسم…..انا اللي مبسوط اكتر ومتفاجئ على مصدوم يعني المهم انا هسيبك مع صحابك تحتفلوا انا كمان جاي مع اخواتي و مراد وداوود بنحتفل بنادر اخويا عشان فرحه بكره❣️
فريده…..ايه ده مبروك ربنا يتممله على خير خلاص يبقى لو نفع اشوفك وقت تاني
قاسم….لو نفع ؟ اكيد هشوفك يا فريده بس قوليلي امته
فريده….بكره انت عندك فرح وبعده انا عندي سفريه شغل سريعه لحد اسكندريه يعني تقدر تقول افتتاح لفرع جديد من شغلي وبعدين هرجع في نفس اليوم بليل فا نخليها بعد السفر بيوم ايه رايك؟
قاسم…..حلو جدا لان بردوا بعد الفرح بيوم عندنا مناسبه تانيه سبوع بنت فيروز اختي ❣️
فريده…..ماشاء الله الاخبار الحلوه شكلها بتيجي وراء بعض خلاص هشوفك لما ارجع ونتفق على المعاد
قاسم….طيب ممكن رقمك؟
فريده…بابتسامه مدتله ايدها هات موبايلك
طلع قاسم موبايله و أداهولها سجلت فريده رقمها و رنت على نفسها و رجعتله تاني الموبايل❣️
فريده…..أنا رنيت عليا ابقى سجل بقى الرقم ❣️
ابتسم قاسم وبصلها مبسوط اني شوفتك اوي يا فريده
فريده….انا كمان يا قاسم مبسوطه اني شوفتك❣️
قاسم….هكلمك ونتفق تمام
فريده….تمام يلا باي
قاسم…..فريده!!
وقفت فريده وبصتله❣️
قاسم…..كل سنه وانتي طيبه❣️
فريده…بإبتسامه هزت راسها بهدوء وبعدين مشيت راحت على التربيزه اللي عليها صحابها فضل قاسم باصص عليها ومش مصدق انه شافها ابتسامه رايقه مرسومه على وشه من اول ما شافها وفجأه حس انه رجع بالزمن اكتر من عشرين سنه💔🥺
خد نفس طويل وبعدين راح على التربيزه اللي عليها الشباب ولحسن حظه كان الترابيزتين وراء بعض
التربيزه بتاعته هو والشباب اول صف
وتربيزه فريده وصحابها وراهم على طول قعد قاسم وهو عينه عليها وهي كمان عينها كانت عليه وبتبتسم بهدوء
مراد….انت روحت فين كل ده طبعاً زهره مشغله العصايه
قاسم….عصايه ايه يا جدع عيب عليك
مراد…امال ايه الرغي ده كله
قاسم….خالص والله بس الخط فصل كذا مره حتى بعد ما طلعت
نادر…ما أنا قولتلك العيب مش في الشبكه عندنا هي الشبكه عند مريم وحشه جدا
قاسم….اه ماهي قالتلي خرجت بره شويه وكلمتني
سالم…ايه الاخبار عاملين ايه
قاسم….رايقين على الاخر ومبسوطين اطمن
مراد….راجح مراحش مع روح طبعاً
قاسم….لا طبعاً هيروح فين وبعدين هو رضي يجي معانا لما هيروح مع روح والبنات
داوود….هو راجح كده ليه دماغه لا بيحب الخروج ولا الدوشه
جلال…لا واحنا ماشاء الله بيتنا هادي وفي نفرين تلاته 🤨
داوود….ياض افهم دوشه البيت واللمه والاهل غير دوشه السهر والخروج
مراد….صح راجح طول عمره بيحب يسهر ويقعد معانا ويضايق هو وروح لو حد فينا ناقص بس نيجي عشان نخرجه ميرضاش ويقولنا خلينا في البيت احسن
زيد….هو طول عمره كده ومش هيتغير
حتى الافراح والمناسبات تلاقيه واخد جمب رايق كده مع نفسه.
جلال….بس صعبان عليا انه قاعد لوحده كان جه حتى قعد شويه وبعدين روحناه🥺
نادر…بضحك القط ميحبش الا خناقه صحيح بيتخانقوا على طول مع بعض بس ولا جلال يعرف يقعد من غيره ولا بابا يعرف يقعد من غير الواطي ده
جلال….ياض عيب عليك ده الكبير يعني الحته الشمال😉 بقول ايه انا هخرج اكلمه كده واطمن عليه واوسوس في دماغه يمكن يرضى يجي😂
زيد…روح بس مش هيجي انا عارف
جلال…ياعم يوضع سره في اضعف خلقه😂😂
قام جلال وخرج بره بعيد عن الدوشه كلم راجح.
في الوقت ده راجح كان قاعد في أوضته في البلكونه بيقرأ كتاب ومعاه فنجان قهوه الموبايل بتاعه رن مسكه وفتح الخط
راجح….ايوه يا جلال
جلال….ايوه يا جلال 😒 مفيش ايوه يا حبيبي ايوه يا نور عيني ايوه ياللي مخلفتش غيرك🙄
راجح…بابتسامه عايز ايه يا صايع تمشي معاك دي😂
جلال….ياسلام طبعا تمشي 😂
بقولك ايه
راجح….قول
جلال….انا هعدي عليك الوقت وانت البس وهاجي اخدك
راجح….لا لا تعدي عليا فين انت عارف انا مليش في الجو ده وبعدين ما انا قولت اني مش هاجي اتبسط انت واخواتك انا قاعد بقرا كتاب وبشرب قهوه وزي الفل
جلال….كتاب وقهوه 😒 ايه ياعم الجو بتاع الناس الكبيره ده انت لسه شباب
راجح….ياواد يا بكاش 🤨
جلال…طب والله ما بكش بقولك ايه والله العظيم السهره لسه في اولها وكلنا مع بعض ومبسوطين وهنتبسط اكتر لو جيت وبعدين احنا لسه متعشناش وافق بقى وتعالى ولو تعبت هروحك والله
راجح….بحب ياواد انا عارف انك مش عايز تسيبني لوحدي بس انا مبسوط والله
جلال….عارف بس هتتبسط اكتر لو جيت وبعدين احنا مش بنخرج مع بعض كتير ودي اول مره نكون كلنا متجمعين من غير روح والبنات يعني هنخربها واهو بالمره اشوفلك عروسه دي النسوان هنا قمر 😂😂
راجح…بضحك اه يا ابن الكلب روح لو سمعتك هتعلقك ومش هتسمي عليك
جلال…هتسمعني فين بس روح هايصه مع البنات هناك😂😂
راجح….انا هقولها😉
جلال….دي اخرتها يا عشري بتبعيني
راجح….بقولك ايه ياواد يارغاي انت يلا روح اتبسط مع اخواتك وسيبني اكمل الكتاب
جلال….بقولك ايه انا محدش يمشي كلمته عليا انا قولت خلاص اني هاجي اخدك يعني هاجي هو محدش بيكبرني في العيله دي ليه😡
راجح….هو مين ابو التاني يا صايع🤨
جلال….لا بقولك ايه لحد السهر والخروجات فا انا البابا 😂😂😂 بقول ايه يلا مش عايز كلام كتير انا هتحرك حالاً اجي الاقيك لابس احلى طقم عندك عايز طقم من اللي هو بيجيب البنات بسرعه
راجح….بضحك مش هتعقل ابداً يا ابن الكلب
جلال…ياعم بقى عقل ايه وبتاع ايه يلا قوم ألبس انا جاي والله ما هسيبك😉
راجح…بحب ماشي يا سيدي يلا تعالى اما نشوف اخرتها
جلال…هو ده وربنا انا مسيطر 😂😂 مش هتاخر عليك سلام❣️
راجح….سلام❣️
قفل جلال ودخل جري على جوه
زيد…ايه كبسك
جلال….😎😎 عيب عليك الباشا بيجي لحد عندي وميقدرش يقاوم ده انا الحته الشمال😂😉😉
زيد….بضحك بجد وافق😂😂
داوود…طب والله جدع يا واد يا جلال
جلال….هروح اجيبه بسرعه واجي متاكلوش غير لما نيجي
منذر….اجي معاك
جلال….لا خليك هروح بسرعه مش هتأخر
امير….طيب اجي انا
جلال….ماقولت هروح انا يلا مش هتاخر
نادر….بضحك يا ابن اللاعيبه والله جدع
زيد….كنت شاكك انه هيوافق بس ابوك ضعيف قدام جلال😂
مراد…اهو يجي يغير جو راجح مش بيخرج ابداً
سالم….صحيح ايه يا زيد مش هتقول بقى ابوك وروح مالهم مزعلهم في ايه
مراد…ايوه صح انت قولت هتقول اول امبارح ومش عارفين نقعد خالص مع بعض مضايقهم ليه بس مش بعاده يعني ان انت بالذات تضايقهم
زيد….بتنهيده انا مش مضايقهم والله
يا مراد كل الحكايه اني كنت بتكلم مع الباشا و قولتله اني حابب أروح انا وصبا الڤيلا نعيش فيها وروح سمعتني ومن وقتها وهما زي ما انتوا شايفين
بصوله كلهم بصدمه وكأنه قال حاجه غريبه
ياسين….مش فاهم تروح تقعد كام يوم ولا تعيش هناك؟
زيد…بتنهيده وترقب لرد فعلهم لا اعيش هناك يا ياسين.
نادر…نعم !!! انت بتهرج طبعاً وبصراحه معاهم حق انا عن نفسي مش موافق اه عارف ان ده قرارك وانت حر فيه بس انا مش هكون متقبل الفكره دي خالص
سالم….استنى بس يا نادر في ايه يا زيد حصل حاجه ولا ايه؟
بصله مراد وابتسم وفضل ساكت
زيد….مفيش حاجه حصلت يا سالم والله بس انا حابب كده
سالم….ايوه ليه يا زيد اكيد في سبب وبعدين احنا طول عمرنا ضهرنا في ضهر بعض كتف بكتف حياتنا واحده من امته واحنا فينا حد بيفصل حياته عن التاني
زيد…وهو انا عشان حابب اعيش في مكان لوحدي ابقى بفصل حياتي عنكم يا سالم
سالم….امال انت شايف ايه المفروض يحصل ايه اكتر من كده عشان تكون بعيد.
أمير….صراحه يا زيد انا كمان رأيي من رأيهم وبجد اتفاجئت من قرارك ده
ولو ليا الحق اني اقول موافق او لا فا انا مش موافق لاني مش هقدر اتخيل فكره انك تعيش في مكان تاني انت وصبا
يوسف….بصراحه يا زيد انا كمان مستغرب انت متجوز انت وصبا بقالكم فتره يمكن القرار ده لو كنتوا اخدتوا من بدايه الجواز كان هيبقى مقبول شويه لكن انك تاخده الوقت فا انا شايف ان اكيد في سبب
زيد….بعصبيه بسيطه هو في ايه انا مينفعش اخد قرار في اي وقت انا عايزه لازم القرار ده يكون ليه وقت ومعاد وحدث
يوسف…انا مقولتش كده يا زيد بس اظن عصبيتك دي تأكد كلامي ان في حاجه مضيقاك وبما انك فتحت الموضوع معانا فا لازم تعرفنا السبب
زيد…مفيش اسباب يا يوسف بس انا وصبا هنكون مرتاحين اكتر وكمل كلامه وهو باصص لمراد ماتقول حاجه ياعم مراد بدل ما انت باصصلي كده
مراد….بإبتسامه اقول ايه في النهايه ده قراركم
سالم…بغضب انت معانا ولا معاه يا مراد
😡😡
مراد….ماتهدي يالا على نفسك شويه🤨 انا معاكم ومعاه عارف ان انتوا مش متقبلين الفكره وانا زيكم مش متخيل اني اصحى في يوم مالاقيهوش هو وصبا ولا اننا نقعد نسهر بليل وميبقوش معانا وفي نفس الوقت انا معاه عشان عارف هو ايه اللي بيدور في دماغه كويس
سالم…وايه اللي بيدور في دماغه بقى ان شاء الله انت عارف حاجه احنا منعرفهاش 😡
ياسين…صراحه يا زيد اللي بتعمله مش صح انت عارف ان قرار زي ده هيتعب روح قد ايه
زيد….اعمل ايه يا ياسين مش مرتاح يا اخي حاسس ان في حاجه غلط وصبا كمان مش مرتاحه طول الوقت خايـ ـفه على اي تصرف بتعمله قدام روح طول الوقت خايـ ـفه ان روح تكون مضايقه وهي شيفاها معايا يمكن انا حاولت كتير افهم صبا ان روح مش كده وانها اكيد مبسوطه عشان احنا بقينا مع بعض بس لما بقعد مع نفسي بحس باللي صبا حاسه بيه عشان انا كمان مش مرتاح بخـ ـاف اقف اتكلم معاها روح تضايق بخـ ـاف اضحك معاها فا اجرح روح يا راجل ده انا كذا مره اخرج انا وصبا من أوضتنا في نفس الوقت اللي روح تخرج فيه من اوضتها واحس ان انا اتلجمت زي اللي عامل عمله وبحاول على قد ما اقدر عيني متجيش في عينها بخـ ـاف روح تشوفني ماسك ايد صبا لدرجه اني مقدرتش اظهر فرحتي يوم ما عرفت ان صبا حامل
سكتوا كلهم وفضلوا باصين عليه مش عارفين يقولوا اي حاجه
زيد….انا عارف ان القرار صعب وعارف كمان انه مش سهل على روح بالذات بس غصب عني وعلى فكره صبا مطلبتش مني اننا نروح الڤيلا او حتى نبعد هي متعرفش اصلاً ده قراري انا
قاسم….بس روح انا عارفها كويس يا زيد صدقني روح مش مضايقه ولا زعلانه بالعكس روح مبسوطه وجداً كمان
زيد….يا قاسم أفهمني انا عارف ان روح بتحبني وعارف ان صبا عندها زي فيروز وفرح بالظبط ومش هتقدر على القرار ده بس حتى لو روح مبينتش اللي جواها فا هي اكيد بتتوجـ ـع في كل لحظه شيفاني في نفس المكان اللي أيمن كان فيه
سالم….بغضب مش فاهم يعني ايه بتتوجـ ـع ويعني ايه مضايقه انت عبيط يا زيد ولا بتفكر ازاي روح روح هتضايق انك مكان ابنها وانت وايمن ايه هاااا انت بتتلكك يا زيد عشان تبعد صح😡
زيد….طب حد يرد عليه عشان انا لو رديت هزعله.
نادر…..بصراحه يا زيد هو معاه حق وانا مش مقتنع بكل الكلام ده صبا خلاص بقت مراتك وروح عرفت ان انت كنت بتحبها وعرفت اللي حصل من ابوك وهي اول واحده وقفت قدامه زي القطر وقالتله كلام عمرها ما قالته قبل كده
ياسين…..زيد انا مش حابب اقول الكلام ده بس روح عمرها ما فرقت بينا عمري في حياتي ما شوفتها بتتعامل على اننا احنا اللي ولادها وانتوا ولاد اختها يا جدع ده انا اوقات كتير بحس ان انتوا الاربعه اقرب ليها مننا كلنا وخصوصا انت ونادر عند روح في حته تانيه
يوسف….يمكن يا زيد اللي بتقوله ده كان هيبقى صح لو كانت صبا اتجوزت حد تاني غريب عننا وقتها روح كانت هتتوجـ ـع بجد لكن فكره ان صبا مراحتش لحد تاني دي ريحت روح اكتر واظن لو هي مضايقه او موجوعه بجد مكنش قرارك ده ضايقها ومخليها بقالها كذا يوم مش على طبيعتها بذمتك دي روح اللي متعودين عليها اللي كلها حياه و طاقه.
زيد…بتنهيده ساكت ليه يا داوود
داوود…عشان شايف ان اخواتك معاهم حق
زيد.. انت اللي بتقول كده يا داوود؟
داوود….اه يا زيد انا مستغرب ليه صراحه يمكن زي ما اخواتك قالوا قرارك ده جه متأخر اوي لو كان في بدايه جوازك كان ممكن لكن الوقت القرار ده هيبقى صعب على الكل و أولهم روح
زيد….طب ليه ؟ ادام وجهه نظري مفهومه يبقى ليه القرار صعب
داوود…شوف يا زيد القرار اللي انت هتقرره في النهايه انت حر فيه بس كمان اسمع وجهه نظري انا بالذات وبعدين قرر براحتك انا شايف يا زيد اولا ان روح فعلا مش مضايقه روح مبسوطه وجداً كمان خصوصاً ان صبا يوم ما راحت لحضن راجل تاني كان الراجل ده من دم ايمن ومش غريب عنه وفرضاً لو قولنا انها بتضايق ومش بتحاول تبين بردوا مينفعش تبعدوا مش انانيه منكم ولا بقول انكم تتجاهلوا مشاعرها بس كمان خلينا نقول ان شئ في بدايته بتكون صعبه وحتى لو روح بتتوجـ ـع وبتفتكر ايمن فا ده شعور طبيعي لانها ام بس لازم الكل يرضى بالامر الواقع لازم نرضى بالقضاء والقدر لازم نرضى ان زيد بقى لصبا وصبا بقت لزيد حتى لو هيكون الموضوع مرهق شويه في الاول بس مع الوقت هتتعود لما تشوف ابنك او بنتك هتنسى الدنيا روح لو بتتوجـ ـع الوقت يا زيد وبتحاول متبينش صدقني بعدك عنها انت وصبا مش هو الحل لانها هتتوجـ ـع اكتر لما تصحى كل يوم وانتوا مش حواليها وانت عارف وجودنا كلنا مع روح بيفرق ازاي مش بس انتوا كاولادها حتى انا ومراد روح بتبقى مضايقه ومتوتره واحنا مسافرين او بعيد عنها فا قرارك ده مش صح صدقني صبا عند روح مش بنت اخت جوزها ولا هي مرات واحد من ولادها صبا بنت روح يا زيد هي اللي ربتها ومفيش ام بتضايق من سعاده بنتها لو روح دي اي ام تانيه كنت قولتلك ليك حق بس دي روح يا زيد مش بعد العمر ده كله هعرفك عليها وفي النهايه ده قرارك يا حبيبي ولازم الكل يحترمه
مراد….اهو جابلك من الاخر وقال كل اللي عايز اقوله
قاسم….فكر يا زيد قبل ما تاخد الخطوه دي و لو شايف انك مش مقتنع فا انا عندي فكره ممكن تروح وتيجي علينا يعني تاخد صبا يومين في الاسبوع كا تغيير جو عادي بس في النهايه بيتك ومكانك وسطنا بلاش نتفرق يا اخويا
سالم….انا مش فاهم انتوا بتقولوا ايه ومش مقتنع بصراحه بكل ده ما تتكلم يا سي زفت انت ساكت ليه.
منذر….انا مالي طيب🤨🤨
سالم…مالك ايه انت مش صاحبه شايف ان اللي بيقوله ده صح😡
زيد….بص لمنذر ايه رأيك يا منذر
منذر….بص انا رأيي مختلف عن الكل انا لا هقولك انا معاهم ولا معاك انا هقولك ان اي قرار انت هتاخده انا معاك فيه دي حياتك واهم حاجه عندي انك تكون مبسوط لو هتفضل في القصر فا انت اخويا وصاحبي ولو هتروح الڤيلا انت بردوا اخويا وصاحبي مفيش حاجه هتتغير المهم عندي انك تكون مرتاح وانا معاك في اي قرار هيريحك
سالم….لا والله يارتيني ما سألتك يا شيخ😡 بقولك ايه يا زيد اعمل اللي انت عايزه ومن هنا ورايح كل واحد يعمل اللي هو عايزه نقعد مع بعض نعيش بره نتفرق نتجمع عادي مبقتش فارقه انا ماشي😡
مراد….بعصبيه قعد يالا😡😡😡 بقولك اقعد
حط زيد ايده على راسه بحزن😞 عارف ان القرار صعب لان هما مرتبطين ببعض جداً
سالم….مراد بالله عليك انا قفلت خلاص وعايز امشي.
داوود…اقعد ياسالم الحوار ميتاخدتش قفش كده وبعدين نادر ذنبه ايه احنا جايين هنا عشان نفرحه ونفرح معاه
زيد…بتنهيده مكنتش عايز افتح الكلام في الموضوع ده عشان كده حقك عليا يانادر بوظتلك فرحتك خليك ياسالم انا همشي
مراد….هو في ايه😡😡 شوطه وجاتلكم ماتقعد منك ليه انا قاعد مع عيال ولا رجاله قعد ياض منك ليه😡
امير….براحه يا مراد الحوار مش ناقص
مراد…براحه ايه وقرف ايه خلاص بقينا عيال صغيره قعدواااا😡
سحب زيد الكرسي وقعد وسالم اتنهد وقعد الجو كان في توتر شويه
مراد….اسمع انت وهو الحوار يتقفل الوقت خلاص احنا جايين هنا عشان نتبسط مع بعض جايين عشان نادر والكلام خلص يا سالم احنا قولنا اللي عندنا وهو حر في النهايه
سالم…تمام يا مراد يعمل اللي يريحه
منذر….ايه ياشباب اول مره اشوفكم تقفشوا كده ماتهدى ياعم سالم في ايه
سالم….انا هديت خلاص يا منذر يعمل اللي يريحه هو حر انتوا صح وانا غلط
منذر….ياعم مين اللي قال ان اللي بينا صح وغلط بس هو فضفض باللي جواه واحنا كل اللي علينا نقوله رأينا اقتنع بيه تمام مقتنعش خلاص في النهايه كلنا يهمنا راحته
سالم….وانت شايف اني مش عايز راحته يا منذر
منذر….مين قال كده انا شايف ان القرار صعب عليك زي ماهو صعب على روح والدليل الحاله اللي انت فيها بس بالهداوه ياعم دا زيد بردوا
مراد….خلاص يا منذر اقفل الحوار ده دي عيال متربتش اصلا فاكرين عشان بهزر وبضحك معاهم ان كل واحد فيهم هيقفش قدام التاني وهسكت😡
قاسم….خلاص يا مراد اهدى بقى احنا مش جايين عشان نضايق نفسنا نكدتوا على الواد قبل فرحه
نادر….فرح ايه بقى هما فعلا نكدوا وخلصت خلاص😞
زيد….بطل عبط ياض مفيش نكد
امير…ايه ياعم سالم يرضيك كده زعلتلنا العريس وبعدين عايز تمشي قبل ما حبيبك يطلع على المسرح
سالم….خلاص مفيش حاجه والله انسوا وحقك عليا يا نادر مقصدتش والله يا حبيبي
نادر….عارف يا سالم وحقك انا كمان اتحرق دمي
زيد….هو انتوا ليه مش حاطين نفسكم مكاني طيب 💔 حطوا نفسكم مكاني وبعدين احكموا حد فيكم يقدر يجرح روح حد فيكم يقدر يطنش مشاعرها وميفكرش فيها انا لو مـ ـوت و واحد فيكم اضطر يتجوز صبا هتقدروا تتجاهلوا مشاعر روح او مشاعر ابوكم انا عارف ان انتوا اخواتي ومهما حصل مش هتضايقوا اني بقيت مكان ايمن ويمكن ابوكم كمان ممكن ميضايقش بس روح فكرتوا فيها.
سالم…اه يا زيد فكرنا فيها وعارفين ان كل اللي بتقوله صح وحاسين بيك وباللغبطه اللي انت فيها انت وصبا بس كمان داوود جاب الخلاصه وقالك ان لازم الكل يرضى بالامر الواقع وتفرقتنا مش هي الحل
قاسم….طيب بقول ايه نقفل بقى احسن على الحوار ده الوقت عشان سابق لأوانه انهارده احنا جايين نتبسط وبكره في عندنا فرح وبعده عندنا سبوع فا نأجل اي نقاش بعد الكام مناسبه دول وبعدين من هنا لبعد بكره يكون زيد قعد وفكر وخد قراره
منذر…بالظبط انسوا بقى الوقت النكد ده انا مش واخد عليكم كده💔
زيد….ماشي يا قاسم وانا هفكر حاضر وفك يا بوز الاخس انت🤨
سالم…😒😒😒
زيد….شوف الواد بيبصلي ازاي🤨
سالم…ياعم لا ابصلك ولا تبصلي انا سكت خلاص😞
في الوقت ده جه هشام.
هشام….مساء الفل على العريس وحبايب العريس
مراد….اهو الصايع بتاعك وصل
امير….😂😂😂اتأخرت كده ليه
هشام….كنت هنتحر بسبب امي بس قولت استنى لحد ما احضر فرح نادر 😂😂😂
نادر….ياعم كنت اتكل على الله وكنا هنفتكرك😂😂😂
هشام….ايه النداله دي😂😂😂
قام نادر وسلم عليه
هشام….مبروك يا عريس
نادر…حبيبي يا اتش عقبالك
هشام….حبيبي مراد باشا الكبير اوي
مراد…اقعد يا صايع يا بكاش
هشام….طب والله حبيبي😂😂😂
سلم هشام عليهم كلهم وقعد معاهم
………………….
عند البنات كانوا خاربين الدنيا رقص ومبسوطين على الاخر مع الفرقه وكلهم حوالين مريم وزينب طايره من الفرحه
صبا….ايه القمر ده ياروح😍
روح…بحب انا بردوا اللي قمر😍
صبا…حبيبتي يا روح قوليلي الجميل قاعد ساكت ليه طبعاً عشان خالو قاعد لوحده عقلك معاه
روح…بضحك خالو ياستي راح يسهر مع الشباب
صبا…ايه ده بجد هو مش قال لا وهما خرجوا من غيروا
روح…كلمني من شويه وقاللي ان جلال اتصل بيه وفضل يزن عليه عشان يروح يسهر معاهم ووافق
صبا…طب والله جلال ده مافيه منه جدع انا كنت مضايقه عشان سايبينه لوحده
روح….انتي عارفه جلال زنان ومش هيسيبه غير لما يوافق
صبا….اهو يغير جو ويتبسط معاهم هو مش بيخرج خالص
روح….ايوه كده احسن على الاقل ميبقاش لوحده
صبا…طب قوليلي القمر زعلان بقى عشان خرج وغيرانه عليه😉
روح….بضحك انا ابداً والله انا اتحايلت عليه كتير يروح معاهم بس هو مرضيش
صبا…امال مالك حساكي ليه مش مبسوطه وعلى فكره ده مش انهارده بس ده من كام يوم في حاجه مزعلاكي يا روح
روح….بتنهيده خالص يا صبا هزعل وانتوا معايا بردوا
صبا…طيب فيكي ايه؟
روح….بعدين هبقى اقولك يا صبا مش وقته
صبا…ايه ده ايه ده شكله الموضوع كبير لا مليش دعوه لازم اعرف مالك
روح….ولا كبير ولا حاجه كل الحكايه اني مضايقه شويه مش اكتر
صبا….طيب من ايه بس يا روح🥺 هتخبي عليا
روح…اكيد لا
صبا…طيب قولي مين مضايقك
روح….زيد🥺
صبا….😳ايه زيد طب ازاي عمل ايه
روح….يعني انتي مش عارفه القرار اللي زيد خده
صبا…بأستغراب قرار قرار ايه؟
روح….زيد عايز ياخدك وتروحوا تعيشوا في الڤيلا
صبا….نعيش في الڤيلا؟
روح…سمعته من كام يوم وهو بيتكلم مع راجح وواضح انه مقرر
صبا….روح صدقيني انا مش عارفه اي حاجه عن القرار ده ولا زيد قال قدامي حاجه زي دي والله
روح…مصدقاكي بس هو ده اللي حصل صبا هو انا ضايقتك في اي حاجه؟🥺
صبا….كلام ايه ده يا روح لا طبعاً وبعدين والله انا ما اعرف اي حاجه عن الكلام ده وحتى لو بالفرض انتي مضيقاني او انا زعلانه من حاجه مش هبعد عنك
روح…زيد شايف يا صبا ان انتي وهو مش واخدين راحتكم في القصر بسببي شايف انه ده احسن ليا عشان ايمن الله يرحمه
بصتلها صبا وفهمت السبب وسكتت و بسرعه بعدت عينها عن روح
روح….صبا انا مش مضطره اني اقول كل شويه اني مش مضايقه بجوازكم من بعض صدقيني يا صبا انا اكتر حد فرح بالخطوه دي انا كنت كمان بنصحك تتعاملي ازاي مع زيد عرفتك قد ايه زيد بيحبك قولتلك كل طباعه اللي ممكن تكوني متعرفيهاش عنه حتى زيد نصحته كتير رغم اني عارفه هو قد ايه بيحبك قولتله كمان لو في يوم صبا غلطت في اسمك اوعى تزعل وقدر انها عاشت مع اخوك 3 سنين يبقى ازاي انا ممكن ازعل انكم مع بعض او ازعل لما اشوفكم مبسوطين🥺
لو كل ستات العالم اتحطوا في نفس موقفي و أتاثروا انا لايمكن ازعل لان انا سبق وفي يوم عشت نفس تجربتكم مع راجح واختي حياه كل اللي بتمروا بيه مريت انا وراجح بيه وكان اصعب عليا ولف الزمن وانا اتحطيت في نفس الموقف مش هكدب واقول اني متوجعتش على ابني ازاي متوجعش ده انا ام يا ناس وابني راح مني في عز شبابه🥺💔
نزلت دموع صبا وهي شايفه دموع روح
روح….موجوعه على فراقه موجوعه انه راح فجأه ومتوقعتش موته في السن ده ابداً بس صدقيني زي ما ايمن ابني زيد كمان ابني وانتي بنتي وفرحتكم من فرحتي ده انا اتجننت لما عرفت ان زيد كان بيحبك وطلبك من راجح قبل ايمن اتجننت لما عرفت ان راجح وجـ ـع زيد عشان خاف على زعلي يبقى ازاي انا ممكن اضايق لما اشوفكم مع بعض
بصي يا صبا ولا انتي ولا زيد صغيرين ده قراركم بس كمان قبل ما تاخدوا اي قرار يريحكم بلاش توجعوني🥺
انا مش هقدر على بعدكم انا مش ام مستبده وشارطه ان ولادي يعيشوا معايا حتى بعد جوازهم بس صدقيني ده قرار صعب عليا مقدرش على بعد حد فيكم انتوا صحيح عايشين معانا في نفس البيت بس في النهايه كل واحد فيكم قافل على نفسه باب اوضته وليه دنيته عمري ما اتدخلت في حياتكم او اي قرار مستقبلي ليكم عمري ما سالت واحد فيهم بتعملوا ايه بتقولوا ايه بتفكروا ازاي عمري ما قولت لواحد فيهم يعمل ايه مع مراته وميعملش ايه عمري ما جيت ولا هاجي على اي بنت فيكم عشان هما ولادي ده انا ممكن اجي على اي حد فيهم لو زعلوكم بس كل اللي طلباه انه كفايه بس انكم تكونوا موجودين حواليا🥺
صبا…بدموع طيب اهدي ياروح بلاش الدموع دي والنبي انا اول مره اشوفك في الحاله دي 🥺💔
روح….صبا عيشي حياتك يا حبيبتي مع زيد جوزك ابو اللي في بطنك اتبسطتي وافرحي اظهري حبك للعالم كله مش بس ليا ده جوزك وحلالك وانتي مش عامله حاجه غلط ولا هو كمان عامل حاجه غلط عشان تخبوا حبكم واوعي تفكري اني في يوم ممكن اضايق انك حبييتي زيد عارفه ليه يا صبا
صبا….🥺🥺🥺
روح…عشان زيد يتحب الحنيه والحب اللي جواه يجبروكي انك تحبيه زيد زي راجح وانتي زيي يا صبا نفس اللي بتعيشوا احنا عيشناه مع بعض حبيت راجح وهو حبني كنت مكسوفه من نفسي حتى اني اظهر لراجح الحب ده كنت خايـ ـفه يشوفني بصوره مش حلوه ازاي قدرت تحبني بسرعه وانا كنت جوز اختها بس مشاعر راجح وحنيته خلتني رميت كل ده وراء ضهري واستسلمت لحبه و مبقتش اتكسف اني اقول بعلو صوتي للعالم كله اني بحب راجح الحب مش عيب يا صبا وطول ما الراجل اللي انتي مكتوبه على اسمه يستاهل الحب ده يبقى اوعى تستخسري فيه انك تظهري حبك ليه قدام الكل🥺 فهماني يا صبا
صبا….فهماكي ياروح وحقك عليا والله العظيم انا مطلبتش كده من زيد بس كمان هو اكيد عمل كده عشاني مش هكدب عليكي ياروح انا فعلاً تعبانه اوي مش قادره اعيش حياتي حاسه اني بعمل حاجه غلط ومش من حقي طول الوقت وفارق معايا اوي زعلك مش عايزه اوجعك ياروح ومش هكدب عليكي بردوا انتي صح زيد يتحب ويجبرك انك تحبيه وانا حبيته يا روح ودي وجعاني اوي وخايـ ـفه تكون بتوجعك انتي كمان🥺
روح…بحب مسكت ايدها وهي دموعها نازله ياعبيطه اتوجـ ـع انك بتحبي ابني اتوجـ ـع انك مبسوطه معاه انا كان ممكن اتوجـ ـع بجد لو زيد مقدرش يخليكي تحبيه واضطريتي انك تسبيه وقتها كنت هتوجع لانه مقدرش يحافظ عليكي وسطنا واكيد كان هيبقى مسيرك لحد غريب ودي اللي كانت هتوجعني
اوعي تقولي كده تاني يا صبا واوعي تفكري اني ممكن اضايق مفيش ام في الدنيا بتضايق وهي شايفه ابنها سعيد وبنتها سعيده بالعكس ده انا طايره من الفرحه وفرحتي بيكم كملت بحملك يا صبا عشان خاطري عيشي حياتك يا حبيبتي ومتتكسفيش من حلال ربنا يا عبيطه ده انتي بتحبي جوزك يعني حلالك ازاي انا هزعل من حلال ربنا عشان خاطري يا صبا خليكوا معايا ولو حابين تروحوا الڤيلا روحوا تغيير جو بس فكره انكم تاخدوا كل حاجه ليكم من البيت وميبقاش ليكم مكان فيه دي هتوجعني اكتر من كل اللي انتوا بتفكر ا فيه صدقيني💔🥺
صبا….حضنتها طيب بس بس بقى عشان خاطري🥺🥺 كفايه عياط انا مش هسيبك يا روح حد بردوا يسيب روحه❣️ اهدي وحياتي انا وزيد عندك واوعي اشوفك بالشكل ده تاني انا وزيد لو كنا بنفكر نبعد فا ده عشان انتي تكوني مرتاحه بس لو بعدنا هيوجعك بالشكل ده فا انا عمري ما هسيبك يا حبيبتي ده انتي امي ياروح
روح…بدموع ابتسمت يعني مش هتمشوا🥺
صبا….امشي فين ده انتي وجـ ـعتي قلبي
🥺💔 مش همشي ياروح ولا انا ولا زيد هنفضل معاكي و ابننا او بنتنا هيجوا على ايدك ويتربوا في حضنك يا احن روح في الدنيا❣️
ابتسمت روح وخدتها في حضنها
روح…طيب بس بطلي عياط انتي كمان انتي مصدقتي هتتعبي كده انتي ناسيه انك حامل🥺
ضحكت صبا من وسط دموعها🥺
صبا…طيب خلاص سكت ويلا امسحي دموعك دي قبل ما حد يشوفنا ويلا تعالي ندخل للبنات ❣️
روح….براحه كبيره يلا يا حبيبتي❣️
…………………..
عند الشباب
راجح…بضحك اه يا ولاد الكلب يا صيع بقى انتوا بقى سهرتكم هنا 🤨
جلال…بس ايه رأيك في الجو ده
مراد….معرفتش انت تعترض 😂
راجح…عامل زي اللازقه والله مارضيت ازعله🤨
جلال….والنبي ايه متسمعش كلامه يامراد ده مرضيش يجي غير لما قولتله ان النسوان هنا جامده
راجح….ياض احترم نفسك امك لو سمعتك مش هتبيتنا في البيت😒
سالم….يبقى هو جه عشان كده😂😂😂
راجح…بابتسامه والله انتوا ما تربيتوا
هتأكلوني في ليلتكم دي ولا امشي من وشك🤨
مراد…يلا يا سيدي نطلب احنا مستنينك
سالم…اه انجزوا قبل ما الكبير يوصل😂😂😂😂
منذر…طيب يلا ياعم اطلب😂😂
طلبوا الاكل وبعد وقت بسيط كان الاكل قدامهم بداوا ياكلوا وقاسم في دنيا تانيه كل شويه عينه تروح لحد فريده ويبتسم وهو شايفها بتتكلم وبتضحك مع صحابها بس كان حاسس ان ابتسامتها فيها حزن كبير مش هي دي فريده اللي كان يعرفها ضحكتها ناقصه حاجه يمكن متخيلش انه ممكن يتبسط لما يشوفها كان زعلان منها اوي لكن لما شافها مقدرش يمنع عن قلبه فرحه اللقاء اللي اتأخر سنين كتير اوي
كلوا مع بعض والاكل اتشال ونزلت المشاريب راجح كان مبسوط معاهم وبيضحك من قلبه رغم انه ملوش في الجو ده وصل رضا البحراوي على الساعه 11 وبدات السهره وبدأ سالم والشباب يتجننوا معاه.
وطلع سالم كالعاده عالبيست معاه يرقص هو ونادر وامير وجلال وهشام
الشباب كلهم كانوا مبسوطين اوي
سالم….قوم يابومه تعالى متخافش مش هنقول لزهره😂😂
قاسم…..ياض اتلم شويه🤨
سالم….خد مش هسيبك😉
زيد….الله يخربيت عقلك😂😂
راجح…الواد هيفضحنا😳
زيد….هيفضحنا ده ابنك زبون هنا😂😂😂😂😂😂
منذر….ايوه سخنه بقى خليه يقوم يروقه😂😂😂
قرب سالم من رضا البحراوي وقاله حاجه في ودنه
رضا…..عايزين نسمع احلى تحيه لراجح باشا الطوبجي اللي منورنا ومشرفنا اكبر رجل اعمال فيكي يا مصر ابو الغالي سالم باشا الطوبجي اللي السهره متنفعش من غيره
ابتسم راجح ورفع ايده بهدوء
راجح….الله يخربيتك ياسالم الكلب جرستني 🙈
زيد ومنذر كانوا فاصلين من الضحك على راجح
راجح…انتوا بتتنيلوا تضحكوا على ايه انا غلطت لما سمعت كلام الصايع اللي اسمه جلال 🤨
جلال من بعيد شاورله وهو بيرقص
راجح…ارقص يا حيلتها ده انت يومك اسود😡
داوود….😂😂😂😂عشان تبقى تسمع كلامه اوي
في اللحظه دي الساعه 12 وقف رضا الاغاني واشتغلت موسيقى العيد ميلاد ودخل اتنين من اللي شغالين في المكان معاهم تورتايه عليها صوره فريده وبيخرج منها شرارات ناريه الخاصه باعياد الميلاد و قفت فريده واصحابها وهي مبتسمه بهدوء.
رضا….عايزين نقول كل سنه وانتي طيبه للقمر اللي منورانا اكبر ميكب ارتست فيكي يا مصر فريده لاشين😍
بصلها قاسم من بعيد وابتسم
اتفاعل معاها كل اللي في الصاله وغنولها كانت مبسوطه اوي وكل شويه عينها تيجي في عين قاسم من بعيد
ثواني وخلص احتفالهم بيها ورجع تاني رضا يغني وكملوا سهرتهم❣️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
