رواية اختفاء مجهول الفصل الأول 1 بقلم يارا محمد
رواية اختفاء مجهول الجزء الأول
رواية اختفاء مجهول البارت الأول
رواية اختفاء مجهول الحلقة الأولى
أنا ريما متزوجه من ياسر الفرماوي ومعانا بنوته حلوة اوي كنت عايشه مبسوطه وف سلام لغايه اليوم اللي غير حياتي وقلب كل حاجه
كنت دائما احس أن ياسر مخبي حاجه عني وساعات بيبقي غامض ومش مفهوم بالنسبه ليا وده اللي خلاني اشك فيه ودورت وراه بس ملقيتش حاجه ف يوم نزلت أنا ويسر المول واحنا راجعين ما اخدتش بالي من العربيه الكبيرة اللي دخلت فينا.
يسر: بخوف حاسبي يا مامي العربيه.
ريما بصعوبه حاولت تتفادها بس مش عرفت ف اتخبطت فيها .
بعد اسبوع ف المستشفي لأنها كانت ف غيبوبه فاقت ريما ع كابوس الحادثه وهي حاسه بوجع نظرا لكسر أيدها والكدمات اللي فيها كانت بتاخد نفس سريع وحاسه بوجع الدكتور دخل عندها وكشف عليها وشاف أنها اجتازت الخطر أن ممكن يحصلها حاجه اخدت نفس وسألته.
ريما: بوجع دكتور هي بنتي فين عايزاها.
الدكتور بصلها باستغراب واتكلم.
الدكتور : ارتاحي دلوقتي يا مدام انتي لسه تعبانه.
ريما: دكتور أنا مش عايزة ارتاح أنا عايزة بنتي ممكن تقولي هي ف اي اوضه .
الدكتور: مدام ريما الظاهر أن دماغك متأثرة بالحادثه ع العموم هنعملك اشاعه عليها.
ريما: بغضب اشاعه ايه وحادثه ايه اللي بتكلمني عنهم بقولك اني عايزة بنتي هي فين و بترقب اوعي تقول انها ماتت.
الدكتور : مدام اهدي انتي محدش كان معاكي لما وصلتي كنتي لوحدك وبتموتي واحنا انقذناكي.
ريما: بعدم تصديق انت اكيد دكتور مجنون أنا كان معايا بنتي ف العربيه أنا هتصل بجوزي هخليه يجبها ممكن فوني .
الدكتور أداها التليفون واتصلت ع ياسر كتير بس الرقم غير متاح حاولت كتير وفشلت لدرجه انها هبطت الفون من عصبيتها ع الأرض.
ريما : بغضب أنا عايزة بنتي انتوا اكيد
مخبينها عني هاتلي بنتي وبعدين هو مين دفع فلوس المستشفي .
الدكتور: اهلك دفعوها وكانوا بيجوا يطمنوا ويمشوا أنا هبلغهم انك فوقتي.
الدكتور بلغ أهل ريما أنها فاقت ووالدتها راحت لها وضمتها بحب.
مروة : يابنتي قلقتينا عليكي انتي كويسه دلوقتي.
ريما: ماما يسر فين هي كانت معايا ف العربيه لما عملنا الحادثه والدكتور بيقول أنه محدش كان معايا ممكن تجيبهالي .
مروة: بخوف سلامتك يا بنتي يسر مين بس ممكن تهدي شويه انتي لسه تعبانه.
ريما : ماما بنتي فين انطقي.
مروة: ريما اهدي.
ريما: بغضب بقولكم بنتي فين انطقوا..
مروة….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اختفاء مجهول)
