رواية المدرسة الفصل الثاني 2 بقلم إيسو ابراهيم
رواية المدرسة الجزء الثاني
رواية المدرسة البارت الثاني
رواية المدرسة الحلقة الثانية
الولاد بخوف: خلاص يا مس مش هنعمل تاني كدا، طبعا المس مطنشة كلامهم ودموعهم ولا بتبص ناحيتهم خالص
طلع المدير ورته الورق اللي رموه على بعض، وخدهم على تحت عشان يبعت لأهلهم
بعد لما المدير مشي قالت المس رودي بعصبية: شغل قلة الأدب دا مش هنا، أنت في مدرسة مش شارع عشان تكتبوا لبعض كلام قذر زي دا، وكمان مش محترمين المس اللي واقفة بتتعب في صوتها
بعد كدا لو لقيت أي تصرف زي دا ولا الألفاظ اللي بتقولوها لبعض دي، يبقى ماتستنوش مني درجات في السلوك وأعمال السنة مش هتاخدوها كاملة
الكل بصلها بتوتر وخوف من عصبيتها وتهديدها، كملت كلامها: ولو لقيت أدواتك ناقصة يبقى هتتعاقب
يلا كله وشه عالسبورة وركزوا معايا عشان كل كلمة هسأل فيها، وهختار واحد منكم يقوم يشرح اللي شرحته واللي فهمه
الكل كان مرعوب دي أول مرة يلاقوا معاملة زي دي، وبدأت تشرح وهما متفاعلين معها، ونفذت كلامها، خلصت الحصة وبدأت الفسحة
لمت حاجتها ونزلت تحت عند المدير عشان تشوف إيه اللي عملوه مع الولاد دي
دخلت مكتب المدير، لقيت المدير بيكتب لهم على فصل لمدة أسبوع، واتصل على أهلهم يجوا يعرفوا إيه اللي عملوه، ووقفهم برا قدام المكتب لغاية ما يجوا أهلهم
أول ما طلعت المس رودي لقيت واحد قاعد، بصتله بغضب وقالت: اقف يا عسل مكانك، وأنت لف وشك الناحية التانية ماتبصش ناحية المدرسين
نفذوا كلامها بخوف، ودخلت أوضة المدرسين ألقت عليهم السلام وقعدت، سألوها عن اللي حصل
فحكت ليهم اللي حصل، فضلوا يقولوا كويس تصرفك دا عشان اللي العيال ماتستهترش فيكي، ومش هتعرفي تتصرفي معهم بعد كدا ولا تسيطري عليهم، دول عايزين ينحط ليهم حد من أول يوم
بقلم إيسو إبراهيم
المس رودي بتنهيدة: فعلا معاكوا حق، ماكنتش متخيلة أصلا التدريس فيه صعوبة ومشاكل ومناهدة بالطريقة دي، فعلا المدرسين دول بيتعبوا جدا، دا غير الوقفة طول اليوم وتعليم الواجب والتقييمات وحط امتحانات وتحضير
المدرسين: الحمد لله على كل حال، شغلنا ومهنة كويسة دا غير دي رسالة ولازم نوصلها بضمير وهنتحاسب على التقصير فيها، رغم إن في مدرسين بيعملوا للدروس فقط، ومش بيشرحوا بضمير وبيعاملوا بالدروس
مدرسة تانية: بس مافيش حاجة تشجع المدرس إنه يشرح، يعني الطالب يفضل يشاغب في الحصة أو إنهم بيملوا، أو خدوا الدرس دا مثلا برا ومش مهتمين بشرح المدرس في الفصل
المس رودي: واحنا مالناش دعوة بدا كله، أكيد في طرق نعالج السرحان والملل والمشاغبة أو المستوى المتدني، وهتلاقي طرق بتنفع مع نص الطلاب، والنص التاني لأ، لازم نستخدم أكتر من طريقة، اومال احنا بندرس مواد تربوية ليه؟ عشان نمتحن فيها وبس ولا عشان ننفذها في المدرسة
وبلاش نستخدم الضرب والعقاب المؤذي جسديا ومش هيجيب نتيجة إيجابية خالص وممكن يضرنا كمدرسين كمان
بعض المدرسين: معك حق، فعلا لازم نحاول معهم بكذا طريقة، ولو ولد بيشاغب مهما عملتي يبقى نطلب ولي الأمر نشوف هيعمل معه إيه وقتها
المس رودي: صح جدا، يلا بقى عشان هطلع على حصتي، كدا هدخل فصل لسنة تالتة اعدادي مع إنهم أطول مني مرتين بس أكيد هلاقي ليهم حل إن شاء الله
ابتسموا ليها وكل واحد راح على حصته
عند المس رودي، دخلت الفصل لقيته كله ورق وأكياس مرمية عالأرض ونص الفصل برا، واللي داخل لابس سلسلة ومربي شعره، وكمان بيدخل على طول بدون ما يستأذن أو بخبط عالباب
كانت بتبص عليهم بصدمة واستغراب، ولسه في ولاد بتطلع من الفصل بدون ما يعملوا ليها اعتبار ولا كأنها واقفة
يا ترى هتتصرف معاهم إزاي، وهل هيستجيبوا معها ولا إيه؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية المدرسة)
