رواية لعنة الفراعنة 2 الفصل الحادي والخمسون 51 بقلم رحمة نبيل
رواية لعنة الفراعنة 2 الجزء الحادي والخمسون
رواية لعنة الفراعنة 2 البارت الحادي والخمسون
رواية لعنة الفراعنة 2 الحلقة الحادية والخمسون
”لا يلحُّ عبدٌ مؤمن على الله في حاجة إلا قضاها له” ..
ابن القيّم
صلّى عليك اللهُ يا خير الورى
ما ضجّت اﻵفاق بالآذان🌺
اخرجت رضا رأسها من أسفل السياره وهي تسمع نداء احد الصبيه عليها رفعت رأسها وهي تمسح وجهها بارهاق / عايز ايه ياض
الصبي وهو يشير لاتجاه / فيه شوية عواجيز بيدورا عليكي يا اسطا و….
لم يكمل حديثه وهو يشعر بكف يهبط علي رقبته من الخلف وصوت كريمة يتحدث بغيظ / سمعتك يا معفن
ثم أمسكته من ملابسه / مين اللي عجوزه ياض انت
نظر لها الصبي بتذمر / يا حاجه نزليني هو ايه قلة القيمة دي
كريمة وهي تتحدث بحدة / لما تحترم نفسك هنزلك
زفرت نيرة بضيق ونزعت الصبي من يد كريمة والقته بعيدا / غور ياض من هنا بدل ما تقتلك دي لسه واكلة واحده قبل ما نيجي
نهض الصبي وهو ينفض ثيابه ويصرخ بغيظ / أنا هحترمك بس عشان قد جدتي
جزت كريمة علي أسنانها وكادت تلحق به لولا يد نسرين التي امسكتها / عيل صغير يا كريمة معلش
كريمة وهي تشير له / ده صغير ده،، ده عجوز متنكر المعفن بيقول عليا جدته
طمطم بهدوء / خلاص بقي اكرميلة خلينا نشوف اللي جايين عشانه
هنا تدخلت رضا وهي تنظر لهم بتعجب / ايو فعلا ايه سر الزيارة دي طبعا انتم تنوروني بس انا مستغربة
نيرة وهي تبتسم لها / طب ممكن نقعد الأول
أشارت رضا لبعض المقاعد بجانب الورشة الخاصة بها / آه اكيد أتفضلوا انا اسفه بس اتلخمت ونسيت… تشربوا ايه
نسرين ببسمه حنونه / لا ياقلبي احنا جايين في موضوع هنخلصه ونمشي علي طول
رضا بتعجب / أتفضلوا موضوع ايه
كريمة وهي تبدأ الحديث / نخش في الموضوع علي طول نخش في الموضوع بقي يا رضا يا ختي سلامه في خير
نيرة مكمله / وخير في سلامة
كريمة / وهالله هالله علي آلجد
نيرة / والجد هالله هالله عليه
كريمة / واللي أوله شرط
نيرة / آخره نور
كريمة / ويابخت مين بات ظالم
نيرة / ولا بات مظلوم
كريمة /و اجري يابني ادم جري الوحوش
نيرة / يا تلحق الميكروباص يامتلحقوش
كريمة / وان كبر ابنك
نيرة وهي تهز رأسها / خاويه
كريمة / والله الموقف والمستعان
نيرة / ها ايه رأيك بقي
عم الصمت المكان والجميع ينظر بغباء لنيرة وكريمة
رضا بعدم فهم / مش فاهمه
كريمة وهي تتحدث لنيرة بهمس / شكلها غبيه وهتتعبنا
نيرة / أخدت بالي يا ختي
تحدثت نسرين وهي توقف هذه المهزلة / سيبك منهم يا بنتي وركزي معايا اخنا جينا النهارده عشان نتكلم كستات سوا وكنا عايزين نسألك يعني رأيك في سامر
رضا بتعجب / سامر؟؟؟ اااه قصدك حظابط سامر
كريمة / الله ينور عليكي هو الاستاذ بسكوته ايه رأيك فيه
رضا بتعجب / عادي يعني رأيي فيه إزاي مش فاهمة
نيرة باندفاع / قصدنا انه حابب يتقدملك ويطلب ايدك واحنا جينا نشوف فيه قبول ولا لا ولو فيه قبول بأذن الله هيجي هو والرجاله عشان يتفقوا ها ايه رأيك
فتحه رضا عينها ببلاهه وهتفت بغباء / حظابط سامر وانا؟؟؟؟
احمس وهو يهز رأسه / نعم هذا هو
ميسرة / ده اخر مره علمنا عليه وبهدلنا ليه الدنيا ده يبقي قليل لو عملنا سناكس للتاعبين بتوعه متشوفلنا اي بلوة تانيه منكنش روحناها قبل كده عشان انت عارف بسيب انطباع مش لطيف خالص في أي مكان بروحه
ضحك احمس وهو يقول / للأسف مفيش غير هو ده الحل الوحيد
ابريس بتصميم / تمام هنروح
ميسرة وهي تبلتع ريقها / بس مش هيكون شكلنا وحش قدامه يعني راجعين عشان مصلحتنا لا يا عم انا مش بحب كده
ابريس بسخريه / شوف البت الخجوله
ست بعدم فهم / ماذا تقول ميسرة؟ هل ترفض الذهاب ام ماذا يمكنني أن أرسل بعض الجنود ولكن انا فقط اقول انكم اكثر من تعلمون ماذا يمكن أن تقابلون لذا انا….
قاطعته ميسرة / لا لم أرفض سوف نذهب نحن
ابريس وهو ينظر لها / سوف اذهب انا
رفعت ميسرة حاجبها بتعجب / أيعقل؟؟
ابريس ببسمة مستفزه / هذا أفضل يا شمسي صدقيني وأسرع أيضا نحن لا نملك وقت طويل لأجل هذا سأذهب وحدي افضل
ميسرة وهي تنظر لست وبيك / طب ياشباب نستأذنكم احنا لان الموضوع هيبقي فيه صوت عالي وخناق
نظرت لست وتحدثت / جهز الأمتعة للذهاب يا ست
ثم جذبت يد ابريس وهي تخرج / تعالي يا حبيبي ربنا يهديك شكلك اتحسدت تعالي هخلي عدي يرقيك
خرجت ميسره وهي تسحب يد ابريس الذي كان يضحك بصخب عليها أخذته الحديقه ووقفت وهي تنظر له بجديه/ هل تريد الذهاب بدوني يا ابريس بدون شمسك
نظر لها ابريس بحب وهو يضع يده علي خدها بحنان وينظر في عينها بعشق / ولانكي شمسي أود الذهاب وحدي اخر مره ذهبنا لارض الموت كدنا نموت اكثر من مرة لولا لطف الله بنا يا شمسي اخشي ان تصابي بشئ سوف اموت صدقيني
ميسرة ببسمه / كلامك عسل والله يا ابريس بس للاسف متثبتش
ابريس بخيبة امل/ خالص؟؟ ولا حتي واحد في المية
هزت ميسرة رأسها بنفي وهي تبتسم له
زفر ابريس / طيب يلا جهزي نفسك عشان هنتحرك بأسرع وقت
ميسرة وهي تتحرك / هروح أبلغ العيال
ابريس وهو ينظر لظهرها / طيب
اختفت ميسره عن نظره وكاد يذهب لولا سماعه لصوت يأتي من الخلف نظر وجدها تجلس علي النافورة وهي تضع يدها علي خدها بهيام / هي إزاي متثبتتش ده انا نفسي اتثبت
ضحك ابريس بشدة وهو يتجه ويجلس بجانبها ثم نظر للسماء بشرود / ميسرة مش سهل حد يثبتها بكلمتين
ثم نظر لها / وانتي كمان لازم تكوني كده لان سيف هحاول يثبتك كتير اوي
خجلت تيتي / أنا مش بتثبت من سيف أبدا
ضحك ابريس بشده/ واخد بالي ده اسمه لوحده ثبتك يا بنتي
نظر لها ابريس قليلا ثم تحدث /اتعرفين انني ممتن لكي
نظرت له تيتي بتعجب فاكمل لها ببسمه / نعم يا تيتي فأنتي من نجحتي في أحياء ابني مجددا سيف كان يشبه الأموات بارد برود مخيف يسبب القشعريره لمن يقف امامه ردود أفعاله لاتوحي لكي بشئ ملامحه جامده لم أكن أراه كأي شاب، مختلف تماما، لم أكن اري بسمته الا معنا نحن اما في الخارج حتي مع أصدقائه كان جامد جمود مرعب هادئ بطريقه غريبه لا يبدي اهتمام لأي شئ أبدا ولكن منذ جئنا هنا ولأول مره اري بسمة صافيه وضحكة تخرج من قلبه وهذا كان معكي فقط وايضا لأول مره اري سيف يغضب ويظهر امتعاضه من شئ بهذه الطريقه الواضحه باختصار انتي نجحتي في أحياء قلبي ولدي الاكبر لذا انا شاكر لكي ولكن إليكي نصيحه مني
هل تعلمين لما لم اغضب من ميسرة يوما برغم جميع أفعالها تلك؟؟
هزت تيتي رأسها بجهل فابتسم وهو يتحدث / لان ميسره عند الغضب لا تعاملني كزوجها بل تعاملني كطفلها الذي غضب من شئ وتبدأ في مراضاتي وامتصاص غضبي وتضمني بحنان كما لو كانت والدتي وعندما أهدأ تماما تخبرني بانني أخطأت في حقها او ان ما غضبت لأجله خطأ اقدر حقا هذا الشئ بها رغم ان تصرفات ميسره لا تظهر ذاك ولكن هي عاقلة جدا وحكيمة في أي مشكلة تواجهها لذا عاملي سيف كطفل وامتصي غضبه وعندما يهدأ عاتبيه سيقدر هذا حقا منكي
ابتسمت تيتي بشرود فنهض ابريس وهو يتحدث / حسنا تأخر الوقت اذهبي للنوم يا ابنتي
ثم ابتسم لها ورحل بينما هي نظرت للسماء بشرود وهي تهمس / سيف
تحدث صلاح بتذمر / يعني كان هيحصل حاجه لو سبتني اكسر دماغهم
مراد وهو يزفر بضيق / مش هنخلص يابني بقالك ساعه بتقول نفس الكلام خلاص يا صلاح يا حبيبي العركة خلصت خلاص والدنيا انفضت
ثم نظر بجانبه لابنه / ها يا محمد أخدت ميعاد من الناس
محمد ببسمه وفرحة كبيرة / آيوه يابابا وهما مستنين بليل أن شاء الله بس بقول ايه بالله عليك يا شيخ لتقولهم نكتب الكتاب بسرعه عشان خاطر فاطمة حتي
ضحك مراد وهو يجذب محمد لاحضانه / ماشي يا سيدي هقولهم ونشوف الموضوع….. والله وكبرت يا محمد وهتبقي عريس
دخلت كريمة المنزل وهي تتحدث /ايه ده محمد كبر محدش قالي ليه ولد امحمد انت رايح تطلب العروسه وحددتوا المعاد من غيري انت نسيت ياض ولا إيه ده اللي ملوش خير في كريمة ملوش خير في مصر ياض ولا هو اللي علي علي
تذمر محمد /ايه يا كريمة كمية ياض دي اعملي اعتبار لاني دكتور دلوقتي يا شيخه بعدين أنا لسه عارف المعاد من إيهاب دلوقتي كلمني وقالي وأكيد كنت هعرفك
ثم نظر لطمطم وتحدث ببسمه / اكيد هتيجي يا طمطم
لم تكد طمطم تجيب حتي قاطعتها نيره /هنيجي،،،، اكيد هنيجي يا ضاكتور محمد عشان نشوف العروسه ونعاين
دخل احمد وسامر المنزل فنظر اخمد للجميع / سلام عليكم أمال فين فاطمه
كريمة بحنق / اول ما دخل سأل علي فاطمه ايه الواد الرخم ده
احمد ببسمه /تسلمي يا كرميلة ها فين فاطمه
صلاح وهو يجيبه / فوق يا احمد اطلعلها
صعد اخمد الدرج وهو يسمع صراخ كريمة / يطلعلها فين انت باعت لبنتك راجل يا صلاح
صلاح بنفاذ صبر / جوزها يا كريمة جوزها يا حبيبتي
زفرت نسرين بضيق وهي تتحدث / هروح اشوف جاسر يا جماعه
كريمة / طبعا يا حرام بقالها ساعتين ماشفتهوش
ضحكت وهي تخرج بينما تحدث سامر /سيبكم من نسرين وخليكم معايا عملتوا ايه
كريمه وهي تتحدث بجديه / متأكد من قرارك ده يا استاذ بسكوته ده جواز مفيش رجوع
سامر بقلق / ليه بتقولي كده يا كريمه هو حصل حاجه
طمطم وهي تنظر لكريمه بلوم / لا يا حبيبي مفيش حاجه كريمة بس حابه تتأكد مش اكتر،، عموما هي قالت محتاجه وقت تفكر
نظر سامر لكريمة بشك / كريمة حصل حاجه
كريمة ببسمه / لا انا بس زي ما قالت طمطم حابة اعرف رأيك النهائي لان البنت هتفكر وترد علينا وبعدها مفيش رجوع في القرار تآني
هز سامر رأسه وهو ينظر لنيرة / ايه رأيك يا ماما
نيرة ببسمه / البنت رغم اللي هي بتظهر الا انها طيبه وجوهرها أصيل
ابتسم سامر بارتياح ثم نظر لهم وهو يتحدث / طب لو حصل موافقه مبدأيه هاخد الكل ونروح بس الاول هبلغ بابا برغبتي واللي فيه الخير يقدمه ربنا
ابتسم الجميع وهو يهنئ محمد وسامر
نظر سيف لاخوته الذي يجسلون في هدوء مخيف فبعد رحيل والديهم التزم الجميع الصمت
مصعب بقلق / تفتكر هيعرفوا يجيبوا السم ده
عدي بتفكير / أظن الوصول للمكان سهل بس الحصول عليه اممم مظنش خصوصا بسبب اخر مره كانوا هناك
تاج ببسمه / انتم عارفين ميسرة رأسها انشف من الحجر الصوان مش هترجع غير بالسم حتي لو هتقتل الملك المره دي احنا بس ندعي انهم يوصلوا بخير
سيف وهو ينظر لهم وتحدث ببسمه / مين حابب يسابقني في الخيل
علم الجميع انه يحاول الهائهم عما يحدث
نهض مصعب وهو يغمز لسيف/ لا انا هروح اشوف البت نازيا واعاكسها سلام يا كبير
ثم خرج وهو يبتسم بخبث
بينما نظر سيف لعدي وتاج فنهض عدي وهو يقول / كان علي عيني يا خويا بس انت عارف اني مش بعرف اعمل حاجه وانا جعان هروح اشوف حاجه أكلها احسن الواحد من بعد التحدي الزفت الي روحناه وانا حاسس اني بدأت اقلل اكل بطريقه مرعبه
تاج وهو ينظر له بهدوء / اخر مرة اكلت كانت من نص ساعه يا عدي؟؟؟
عدي وهو يخرج / ما هو ده مرعب يابني ده انا كنت باكل كل خمس دقايق تقريبا البت تيتي ام عين مدوره دي حسدتني لازم ارقي نفس،، ومن شر حاسد إذا حسد
خرج عدي فنظر سيف لتاج الذي نهض وهو يتجه لسيف ويربت علي كتفه / أنا عارف انك مش عايز تسابقنا ولا حاجه انت بس عايزنا منقلقش متخافش يا سيف احنا بخير واثقين في ميسرة وابريس
ثم صمت قليلا وتحدث ببسمه / هروح انا اقرا شويه تحت القمر الجو انهارده حلو اوي
نظر سيف لخروج تاج ببسمه فاخوته لن يتغيروا مهما حدث سيظل كل واحد منهم يعيش بعالمه الخاص
نهض سيف واتجه لخارج جناح والديه وهو يبتسم بخبث ثم اتجه لاحدي الغرف ودخل بهدوء ليري الظلام يعم المكان اتجه نحو الفراش ثم مد يده وهز ذلك الجسد الذي ينام وهو يهمس / تيتي هيييييه تيتي
تذمرت تيتي/ اغربي من هنا سماريا اريد النوم
ضحك سيف بخفوت ثم اقترب من اذنها وهمس بحنان /ولكنني لست سماريا
فتحت تيتي عينها بسرعه ونظرت لسيف الذي كان ضوء القمر يتسلط علي وجهه وهمست / سيف ماذا تفعل هنا وفي هذا الوقت
سيف بحماس / هل تريدين منافستي في الخيل
_”وارجع تاني واقولك اهدي عليا الله يخليك خلي المركب تمشي تمشي بيا وبيك”،،، تقريبا مش فاكره
ثم نظرت لابريس وهي تتحدث / هو ايه اللي بعد الله يخليك يا ابريس
ابريس / الله يخليكي انتي اسكتي شوية عشان دماغي فرقعت من ساعة ما خرجنا من القصر من ساعتين وانتي نازله غنا ده انتي خلصتي البومات التسعينات
ميسرة باقتناع / تصدق عندك حق انا اغني النسخه الجديده اسمع كده،،، وارجع تاني واقولك… انزل بقي يا احمد يا احمد اطلع بقي يا احمد يا احمد انزل بقي يا احمااا….
لم تكمل كلامها بسبب حديث ابريس / تفتكري يا ميسره والدتي كانت بتحبني
نظرت له ميسرة بتعجب فاكمل / أنا مشوفتهاش خالص ولا فاكرها غير من التماثيل اللي كانت موجوده ليها في القصر وانا صغير بس عمري ما شوفتها
نظرت له ميسرة بشفقه وحزن فاكمل هو / ورغم كده حاسس انها دعت عليا بالقوي والله
ميسرة بتعجب / إزاي
ابريس بسخريه / أصل اللي بيحصلي ده مش طبيعي يا قلبي البلوة اللي اتبليت بيها دي مش طبيعيه بقولك اهدي شويه تقومي داخله علي الاغاني الجديده
نظرت له ميسرة بحنق ثم اكملت غناء وهي تعند معه / جامدين ومفيش الا احنا الجامدين حلوين ومفيش الا احنا الحلوين حلوين
ثم صمتت قليلا وبعدها قالت بصوت عالي افزع ابريس / سااااالكة
بنسوق الدنيا عن عن
ولا لينا
مالكة
و مافيش ف طريقنا زن زن
ع السكة جولنا
و احنا اللي قولنا
عدوا الليلادي
خايفيين قولونا
حالاً دخولنا
بس ع الهادي
انا فراري عن عن عن
اسمعني يابني ده فن فن فن
انا اعدي تهدي و حالا وقتي
ده اخرك زن زن زن
ابريس بحنق / هو برضو اللي آخره زن زن زن معذور المغني مهو مشافكيش
كادت ميسرة تجيبه الا انها صرخت بعنف / اااااه
انتفض ابريس وهو يخرج السيف بسرعه وهو يصرخ / ماذا حدث
ميسرة وهي تزيد من سرعة الفرس / الحق يا ابريس مولد اهو تعالي ندخله
ولم تنتظر لتسمع رأيه وسبقته لتدخل ذلك الاحتفال صرخ ابريس بها/ ميسرة توقفي هذا ليس مولد يا غبيه هيييييه توقفي
ثم اسرع خلفها بينما هي دخلت للاحتفال وأخذت تدور علي اكشاك البيع وهي تبتسم بانبهار وتنظر لهذا وذاك
وابريس ينظر بشك حوله للمكان وهو يحاول التأكد من شئ وفجأه فتح عينه بصدمه وهو يهمس / اتمني الا يكون ما افكر به صحيحا
نظر بجانبه فلم يجد ميسرة فأخذ يبحث عنها وهو يزفر بضيق
بينما كانت ميسرة تسير وهي تنظر لكل شئ وايضا كانت تراقب بعض العروض الموجوده
فجأه وجدت ابريس يقترب منها فابتسمت وهي تجذب ابريس / بص يا ابريس ايه الاكله دي اسمها ايه
نظر لها ابريس بغموض شديد
وتحرك بحصانه وهو يقول/ اتبعيني سأريكي شئ
ذهبت ميسره خلفه بتعجب وهي تهمس / حاجه ايه
لم يجب حتي أخذها لمكان بعيد عن الضوضاء ثم هبط من علي فرسه واخذه وربطه وامسك يدها لتهبط ثم تحدث / هل شعرتي بشئ غريب هنا
ميسره بتفاجئ / انت برضو أخدت بالك تخيل لفيت المولد كله ملقتش حمصيه ولا حلاوة المولد اما غريب بصحيح
اقترب منها ابريس بشده وهو يهمس لها بعاطفيه شديدة / هذا فقط ما لاحظتيه
ميسره وهي تنظر له بتعجب من تصرفاته وتشعر بشئ غريب تجاهه ثم ابعدته بيدها / ماذا تقصد
ابتسم ذاك الرجل بسمه مرعبه وملامحة تتبدل لشكل اخر بطريقه مرعبه ليصبح شخص آخر ثم أشار لخلف ميسره فنظرت وجدت مجموعه من الأشخاص يقفون خلفها ويبتسمون بطريقه مرعبه ميسرة وهي تنظر بشك / أنا حاسه اني شوفت نفس المشهد ده قبل كده بس كان في وضع بوس تقريبا
ثم أدركت فجأه ما حدث / آه يا ولاد الصايعين لا بس حلوه علي فكره بتطورا من نفسكم، طب انا هروح اركب المرجيحه واجيلكم علي طول
ولم تكد تذهب الا ووجدتهم يجذبونها للخلف فتحدثت / هوبا رجعنا ليكم
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
نظر سيف بجانبه لتيتي التي تركض بحصانها بأسرع قوتها وشعرها يتطاير خلفها وهي تصرخ بفرح
ضحك بشده عليها ثم اسرع اكثر بينما هي صرخت به / انتظر هذا ليس عدلا يا رجل انت تستغل لحظات اندماجي مع الطبيعه
ولكن لم يتوقف سيف وهو يضحك باعلي صوت والسعادة تملئ قلبه علي هذه اللحظات التي يعيشها بينما شردت تيتي في حديث ابريس وان سيف لم يكن يضحك قبلا او يبتسم كيف يمكنه ان يخفي هذه الضحكة الجميلة
خرجت من شرودها علي صوته العالي/ ما بكي تيتي هل استسلمتي يا صغيرة بهذه السرعه
ضحكت تيتي وهي تسرع مجددا / انت تحلم يا سيف
ثم اخذت تزيد من سرعتها وهو يضحك عليها وعلي تذمرها ومحاولاتها لايقافه حتي وصل سيف للتل الخاص بابريس وميسرة وصعد عليه بسرعه وهي خلفه حتي وصل للقمه فوقف وهو يفتح يده ويتنفس بعنف وهو يضحك بشده لحقت به تيتي وهي تزحف بتعب / يخربيتك انت مبتتهدش
نظر سيف خلفه وجدها تتسطح علي الارض وهي تتنفس بسرعة ابتسم بشده واقترب وتسطح بجانبها ونظر للسماء معها وهو يتحدث ببسمه /هل تتذكرين اول مره جئت الي هنا ورأيتك
نظرت له تيتي وهي تتحدث بشرود /نعم اتذكر ذلك اللقاء جيدا
سيف وهو ينظر للسماء بحنين / وقتها انتي قولتي ان التلة دي اسمها تله العشاق وبقت رمز للحب وان اي اتنين هنا بيحبوا بعض
ثم لها وهمس / وها قد تحقق كلامك يا صغيرتي فأنا لست فقط احبك بل اهيم بكي عشقا يا تيتي
نظرت تيتي لعينه جيدا وهي تبتسم ثم همست بعشق / احبك يا سيف
نظر سيف للسماء وهو يزفر / آه لو كنتي زوجتي يا تيتي لم أكن لاخرجك من أحضانك أبدا ولكن صبرا يا حبيبتي لقد اقترب موعد تجمع قلوبنا
ابتسمت تيتي له وهي تتحدث بمشاغبه / اذا هل تذكر اول مره رأيتك بها
صمت سيف قليلا ثم انفجر ضاحكا / قصدك لما كنتي بتسرقي سيف ابريس
تحدثت هي بتذمر / كنت هستعيره أخوف بيه العيال بس
ضحك سيف بشده وهو لا يمكنه اخذ أنفاسه / ياربي ده انتي مكنتش قادره تشيليه حتي هههههههههههه قوم تخوفي بيه الناس هههههههههههه
نظرت له تيتي بتذمر فضحك هو عليها ثم صمت قليلا ونظر للسماء وتحدث / هل اغني لكي
نظرت له بتعجب / هل تستطيع الغناء
هز. سيف رأسه وتحدث / نعم ولكن لا أحد يعرف ذلك سوي انتي وميسرة فقط وهذا سر حسنا
هزت تيتي رأسها بلهفة وجلست وهي تربع قدمها وهمست / هيا هيا أخبرني
بدأ سيف ينشد لها اغنيه بصوته الجميل /
أصابك عشق أم رميت بأسهم
فما هذه إلا سجية مغرم
ألا فاسقيني كاسات وغني لي
بذكر سليمة والكمان ونغمي
أيا داعيا بذكر العامرية أنني
أغار عليها من فم المتكلم
أغار عليها من ثيابها
إذا لبستها فوق جسم منعم
ليل ياليل ليل الليل يا ليل يا ليل
يا ليل يا ليل يا ليل، يا يا يا ليل يا ليل
يا ليل يا ليل يا ليل، يا ليل
أغار عليها من أبيها وأمها
إذا حدثاها بالكلام المغمغم
وأحسد كاسات تقبلن ثغرها
إذا وضعتها موضع اللثم في الفم
أغار عليها من أبيها وأمها
إذا حدثاها بالكلام المغمغم
وأحسد كاسات تقبلن ثغرها
إذا وضعتها موضع اللثم في الفم
ليل يا ليل
يا ليل
يا ليل
لمعت عين تيتي بشده وهمست له / هل يمكن أن يحبك قلبي أكثر مما يفعل لا استطيع الغناء والا كنت انشدت لك من الأغاني اعذبها لتصف ولو جزء صغير من عشقي لك
ابتسم سيف وهمس لها / فقط ابقي بجانبي يا تيتي فهذا يكفي يا حبيبتي
نظرت ميسره بطرف عينها لابريس الذي كانت عينه تطلق حمم غضب ابتسمت ميسرة بغباء وهي تتحدث / لا بس شوفت غفولنا إزاي قال يعني فيه مولد واحنا زي العبط هنجري ندخل الفخ برجلينا
نظر لها ابريس بغضب شديد وهمس وهو يجز علي أسنانه / محنا زي العبط فعلا وقعنا في الفخ للمرة التاااااااااانية،،،، التااااااانية… وادينا اهو متعلقين
نظرت ميسرة له وهي تراه مقلوب حيث انهم معلقين في سقف احد الغرف / لا لو سمحت متقولش للمرة التانيه المرة اللي فاتت كانوا عاملين فرح اما المرة دي كانوا عاملين مولد
ثم صمتت وهي تقول / بس حركة صايعة منهم شوف من فرح غيروها لمولد ناس creative
ضحك ابريس بسخريه وهو ينظر للارض / لا هم مش creative انتي اللي غبية بس وغبائك مساعدهم كل مرة تقعي في نفس الفخ والله الناس دي بتسترزق منك انتي اصل بالعقل كده المره اللي فاتت في نفس المكان كان فيه فرح دخلتيه حضرتك وكنا هنموت بسببك،، المره دي شوفتي احتفال بالحصاد في نفس المكان،،،، يا ربي في نفس المكان جريتي عليه زي الهبلة
ميسرة بصدمه / ايه ده لحظة كده يعني ده مش مولد قال وانا اقول فين المراجيح والحمص
صرخ ابريس بغضب / ياااااارب ياااارب
ميسرة وهي تنظر له بخوف / اهدي بس حصل ايه يا ابريس بعدين الناس كيوت اهو وعلقتنا سوا بدل مكل واحد يتعلق لوحده
ابريس بسخريه وهو يقلد حديث ست / قال وست يقولي روحوا انتم لأنكم عارفين كل حاجه ميعرفش اني معايا واحده متخلفه
ميسرة بتذمر / أنا مش متخلفة
ابريس بغضب / اششششش اسكتي مسمعش صوتك انا علي اخري
وضعت ميسرة اصبعها علي فمها بخوف وهي تهز رأسها وتهمس / قفوش آوي
نظر لها ابريس وتحدث / انتي بجد يا ميسرة دخلتي وانتي متعرفيش انه فخ
ميسرة بتعجب / والله ما اعرف انا شوفت احتفال فكرته مولد وكنت داخله اجيب حمص نتسلي فيه
اغمض ابريس عينه وهو يهمس / انت زعلان ليه دلوقتي مش انت اللي جبته لنفسك
ميسرة وهي تتحدث بخفوت / ابرييييس
نظر لها / نعم
ميسرة وهي تبتلع ريقها / تفتكر هيجيبوا مانتيكور تآني ولا هيغروا
لم يكد ابريس يتحدث حتي فُتح الباب ودخل منه ما جعل افواههم مفتوحه بشده
نظر الاثنان لبعضهم وتحدثوا في صوت واحد / احيه
حمل تاج كتابه واتجه للحديقه ولكن توقف فجأه وهو يسمع ذلك الصوت الذي كان يسمعه دائما صوت انشاد عذب جدا يشبه الحوريات ابتسم وهو يتجه بسرعه وهو عاقد العزم علي معرفه مصدر ذلك الصوت ولكن لم يحتج للبحث كثيرا فبمجرد دخول الحديقه وجدها تجلس أسفل شجرتهم المميزه ابتسم وهو يهمس بتعجب / نونيا
اقترب منها وهو لا يصدق ان طفلته هي تلك الحورية التي لطالما فتنته بصوتها الجميل اقترب منها وجلس بجانبها وهو يهمس / هل ازعجك
انتفضت نونيا بخوف ونظرت له ثم تنفست وهي تتحدث/ لقد اخفتني
ابتسم تاج وتحدث بهدوء / صوتك ساحر
ابتسمت نونيا بخجل / شكرا لك
ابتسم تاج وهو ينظر للسماء ثم تحدث / اليوم تبدو السماء بديعه الا توافقيني الرأي
ابتسمت نونيا وعي تنظر للسماء / نعم هذا صحيح جميلة جدا
نظر لها تاج / ولكنها لا تضاهيكي جمالا يا صغيرتي
نظرت له نونيا وهمست بخجل / ماذا انا….انه…. انا
قاطعها تاج ليخرجها من حرجها وهو يبتسم لها بسمة ساحرة / هل تريديني ان اقرأ لكي بعض الشعر
نظرت له بشرود فابتسم لها واخذ يقرأ عليها بعض الشعر العربي القديم وهي رغم أنها لا تفهم الا انها مأسورة بصوته وبحته الحنونه
نظر مصعب للعمود الذي يقابل نافذه نازيا التي كان يراقبها منها دائما فابتسم بخبث واخذ يتسلقها وهو يبتسم حتي وصل لحافة النافذه وابتسم بخبث وهمس / جايلك يا نازيا
دخل لغرفتها من خلال النافذه وهو يري الظلام يحيط بها لولا ذلك الضوء القادم من القمر اقترب من الفراش وهو يبتسم بحنان حتي وصل للفراش واخذ يهز نازيا وهو يهمس / نازيا استيقظي نازيا هيا يافتاة مابكي اريد ان اخبرك بشئ انا في الحقيقه كنت أود أن أخبرك بشأن زواجنا انني…..
توقف عن الحديث وهو يسمع صوت نازيا قادما من خلفه وهي تقول بتعجب / مصعب ماذا تفعل؟؟؟
دخل عدي المطبخ وهو يصفر باستمتاع ويضع يده علي معدته ويمني نفسه بوجبه دسمة ولكن فتح عينه بصدمه وهو يهمس / ينهار ابوكي اسود……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
