رواية النصيب الفصل الثامن عشر 18 بقلم رحاب القاضي
رواية النصيب البارت الثامن عشر
رواية النصيب الجزء الثامن عشر
رواية النصيب الحلقة الثامنة عشر
أنا فردٌ بأُمنيةٍ وحُلمٍ
وهذا الكونُ.. كلُّ الكونِ ضدّي!
_كان سايق أسر العربيه بتاعته وهو متعصب جداً وشهد. جنبيه مدايقه ومش راضيه حتي تبصله او تتكلم معاه…
أسر
لا وانتي اللي زعلانه كمان هو انتي عبيطه يا بت انتي..
شهد بسخريه
ايوه اصل انا اللي فرجت عليك الشارع كله هنااك واتخانقت مع الدكتور ادهم..
أسر بحده
ما تنطقيش اسمه علي لسااانك انتي فاهمه..
شهد بحده
خلاص ما تتكلمش معايا خالص..
أسر بعصبيه
يكون احسن برضو…
سكتو هما الاتنين وأسر قال بغيظ
قال والهانم لما ضربتو خافت عليه، كان ناقص تجري تاخديه في حضنك..
شهد بحده
انا ما خوفتش عليه هو بس انت ضربته فخوفت من الموقف بس، والبنت الصغيره اللي فضلت تعيط حرام عليك..
أسر بحده
يا حنينه بقولك ايه اسكتي انتي مش قولتي ما اتكلمش معاكي اخرسي بقي..
شهد بغيظ
انت اللي كلمتني علي فكره..
أسر
طيب خلصنا خلااااص…
سكتو هما الاتنين وقال أسر تاني بسخريه
وبتاع ايه بقي انه يقول لبنته انه هيتجوزك هاا ردي عليا مش انتي متجوزه ولا انا لازمة اهلي ايه…
شهد بنفاذ صبر
يااااارب صبرني…
أسر بحده
اتنيلي ردي عليا…
شهد
والله ما اعرف انا اتفاجئت اصلا باللي سمعته من البنت..
أسر
وهو هيقول كده من دماااغه بقي؟..
شهد بغيظ
خلاص ارجع اسأله هو قال كده ليه، بس روحني الاول وعند هاله وروح مكان ما تروح لوحدك…
وقف أسر العربيه وقال
هاتي موبيلك..
شهد بعدم فهم
ليه؟..
ما ردش عليها واخد الموبيل من ايدها وقال بجمود
ايه الباسورد؟..
شهد بقلق
انت عايزه في ايه؟..
أسر بحده
ايه الباسورد؟.
شهد بخوف
2006..
أسر بشك
انتي مولوده 2006.
شهد
ايوه في مشكله؟..
أسر بسخريه
لا ما فيش اصل لما انتي اتولدتي يا مراتي انا كان عندي 13 سنه…
شهد بنفس طريقته
ااه يعني عايزني اقولك يا عمو دلوقتي ولا ايه؟..
_ما ردش عليها أسر وفتح الموبيل بتاعها وفضل يقلب فيه وهي كانت متعصبه جدا من اللي بيعمله، لحد ما بصلها بغضب وقال..
أسر
بتعملي عليه سيرش ليه؟..
شهد بقلق
هو مين؟..
أسر بحده
دكتور زفت بتاعك ده، يعني بتحبيه؟..
شهد بتوتر
يعني هو عشان عملت عليه سيرش ابقي بحبه، وبعدين انا ما بحبش حد..
أسر
اومال ايه ده بقي اللي قدامي؟..
شهد
فضول عادي وبعدين انت مالك…
واخدت منه الفون وقالت
انت مالكش الحق تشوف خصوصياتي لو سمحت..
قرب منها وقال بحده
قبل كده. قولتلك انتي مراااتي يعني طول ما انتي فالوضع ده معايا يبقي من حقي اي حاجه تيجي في بالك..
شهد بخوف
طيب ابعد عني وبعدين انا والله دورت عليه مره واحده بس كفضول ومش هكررها تاني..
_بعد عنها أسر وسااق العربيه وهو متعصب جداً من اهتمام شهد بأدهم، وبصلها بغضب وقال..
أسر
هرجعك البيت وانا همشي..
شهد بقلق
هتروح فين؟..
بصلها بطرف عينه بخبث وهي قالت بضيق
كأني ما سألتش براحتك..
أسر بجمود
اللي يسألك قوليلو هجيبلك حاجات عشان الدراسه بتاعتك وجاااي وراكي..
شهد
طيب..
ــــــــــ #بقلم_الكاتبه_رحاب_القاضي ــــــــ
_وفي شقة سعيد كانت قااعده نسمه بتتفرج علي التلفزيون وهي مااسكه في ايدها طبق فشاار كبير، ودخل سعيد ورزع الباب ورااه..
بصتله نسمه وقالت بحده
ما براحه يا عم فزعتني..
سعيد بجمود
قومي معايا..
نسمه بقلق
هترميني من فوق ولا ايه؟..
قرب منها سعيد وقال بحده
ااه لو مسمعتيش الكلام وبقيتي هاديه وحلوه والله لارميكي من فوق وانا حلفت اهوو..
قامت نسمه بسرعه من قداامه وقالت
لااااااا انا ما بخفش وما بتهددش، والله اصوت والم عليك النااس كلها..
سعيد بحده
حلووو انا بقيت بحب الفضايح علي ايدك، هيتقال عليا ايه اكتر من اللي انتي قولتيه لاختك..
نسمه برقت بخوف وقالت
احيي هي قالتلك؟..
قرب منها سعيد ومسكها من دراعها جامد وقال
لا يا روح امك اخويا هو اللي قالي، وكان شكلي زي الزفت قدااامه بس والله ما هعديهالك علي خير..
نسمه بخوف
هتعمل ايه يعني.. بص انا غلطانه بس انا ما عرفتش اكدب عليها وخوفت اقولها الحقيقه تقول لامي وانت ما تعرفش امي ممكن تعمل فيا ايه فقولتلها اللي قولته ده.. معلش حقك عليا..
سعيد بحده
مش عليا الشويتين دول ومدام الحنيه والطيبه مش جايه معاكي نشوف طريقه تانيه..
_وشالها بين ايديه غصب عنها ودخل اوضتهم………..
ــــــــــ #بقلم_الكاتبه_رحاب_القاضي ــــــــ
_وفي بيت الفيومي كانت شهد طالعه من الحمام اللي في اوضة أسر وهي بتنشف شعرها وهاله كانت قاعده علي السرير وباصه للخاتم اللي في ايدها وهي مبتسمه ومبسوطه جداً..
ابتسمت شهد وقالت
عجبك الخاتم مش كده؟..
هاله
اووووي بقاله كتير ما جابليش هدايا، بس هو غصب عنه شايل همي وهم تيام وأسر والدنيا كلها علي كتافه لوحده، بس انه يكلمك كده ويقولك تساعديه عشان يفرحني انا عندي دي بالدنيا..
شهد
ربنا يسعدكم يارب..
هاله
هو أسر ما رجعش معاكي ليه، فؤاد سألني قولتله ما اعرفش؟…
شهد بضيق
والله ما أعرف هو راح فين أصلاً
هاله
اتخانقتو ولا ايه؟..
شهد ضحكت وقالت
ده الطبيعي اني بتخانق معاه، بس بصراحه هو كان لطيف النهارده وجابلي حاجات كتير حلوه..
هاله بتعجب
اخويا انا لطيف يمكن… بس هو سعات يعني بيبقي من جواه حنين ومتربي..
شهد
وسعات بيبقي نفسي امسكه كده اديه علقه..
هاله ضحكت وقالت
ههههه معاكي حق فعلا، المهم تعالي وريني جابلك ايه قبل ما اروح انااام..
_وفضلت قاعده هاله مع شهد شويه وبعدين راحت نامت ، وفضلت شهد قاعده لوحدها بصت للاوضه حواليها وابتسمت بسخريه وقالت..
شهد
ولا في احلامي كنت اتخيل اني اقعد في اوضه وبيت زي ده ومع مين واحد زي أسر ولا عمري كنت اتخيل ان نصيبي يبقي كده..
_قامت وقفت ولبست الحجااب بتاع علي بجامتها الطويله ونزلت تحت المطبخ والكل كان نايم، وبدأت تعمل مشروبها المفضل “الموز باللبن” ، وفجأه حست بحركه وراها ولما بصت لقيته الكلب بتاع أسر..
شهد بخوف
يا نهار اسود هش يا عم انت من هنا..
دخل في الوقت ده اسر وهو بيضحك وقال
هش بتقولي للكلبه هش يا عبيطه..
شهد بخوف
طيب خليه يمشي من هنا انا بخااف من الكلاب..
أسر
دي مؤنثه علي فكره اسمها توتو ومش شريره..
شهد بسخريه
اااه ما انا فاكره كويس اللي عملته فيا قبل كده..
أسر قرب منها وقال بخبث
لا ده هي عملت كده عشان تخليني اشوفك واعرفك، وانا استغربت برضو اصلها عمرها ما عملت كده مع حد غيرك..
شهد بخوف
طيب خليها تمشي بص اصلا بتبصلي ازاااي..
ضحك أسر بهدوء وقال للكلبه
يلا يا توتو بره يلااا بره…
سمعت فعلا كلامه وطلعت وشهد قالتله بسخريه
مشاء الله بتفهمو بعض، انا عرفت دلوقتي ليه انا مش متفاهمه معاك..
قربها ليه جااامد وقال بخبث
ليييه؟… خليكي جامده للاخر بقي وقوليلي ليه؟..
شهد بتوتر وكسوف
ابعد عني انت اتجننت، وبعدين انت مش كنت متخانق معايا ايه اللي غيرك فجأه كده..
رد عليه بهدوء وهو لسه مقربها منه وقال
كنت ناوي اسهر بره زي الاول بس ما عرفتش اطلعك من تفكيري لحظه واحده..
زاد توترها وخجلها منه وحاولت تبعد عنه وقالت
طيب ابعد عني يا أسر ما ينفعش كده؟..
أسر بجمود
بتحبيه يا شهد؟..
بصتله بدموع وقالت
وانت يفرق معاك في ايه بحبه ولا لا؟..
رد عليها بغضب وقال
يفرق وخلاص عايز اعرف بتحبيه ولا لا؟..
شهد بضيق
ما اعرفش.. بس انا عمري ما هقبل بيه في حياتي لاني متأكده انه مش هيقدر يحميني..
بعدها عنه أسر شويه وقال
انتي ما حدش هيقدر يحميكي غيري علي فكره..
بعدت عنه هي بسرعه وقالت
انت ليه بتتصرف معايا كده، والله لو لمستني تاني لهروح اقول لفؤاد علي كل حاجه..
أسر ضحك وقال
هتروحي تقوليلو الحقني جوزي بيقرب مني وربنا عبيطه..
شهد بغيظ
اهو انت اللي عبيط ما تقولش عليا عبيطه تاني.
أسر ببرود
طيب غبيه حلو كده..
شهد بغيظ
انت ايه اللي جايبك هنا امشي انا عايزه اعمل عصير لوحدي..
أسر
لا انا بحبه العصير ده اعمليلي معاكي..
شهد
طيب ما تتكلمش معايا..
أسر
حاضر… انا طالع فوق ابقي هاتيه وانتي جايه..
_وسابها فعلا وطلع فوق وهي وقفت تعمل في العصير وافتكرت قربه منها وكلامه ليها لما قالها “كنت ناوي اسهر بره زي الاول بس ما عرفتش اطلعك من تفكيري لحظه واحده”، وابتسمت غصب عنها ووشها قلب احمر بتلقائيه..
_وطلعت فوق بعد شويه وكان هو قاعد بيتفرج علي التلفزيون بعد ما غير هدومه، فحطتله العصير جنبيه وقالت بهدوء..
شهد
انت هتنام فين.؟..
أسر بخبث
بلاش اوفر يا شهد احنا كده كده. متجوزين ما فيش مشكله يعني لو نمت جنبك..
شهد بحده
لا فيها مشكله بالنسبالي شوف هتناام فين عشان انا عايزه انام…
أسر
بصي هو انا بحب انااام علي السرير بس هو انا برضو بحب اسهر هنا شويه وبعدين اناام..
شهد بغيظ
يعني انا اتخمد فين دلوقتي؟..
أسر اخد العصير وقال
براحتك نامي جوه ولما اخلص فرجه علي التلفزيون هبقي أجي اصحيكي..
شهد بغيظ
صبرني يااارب، علي فكره انت مستفز..
_وسابته ودخلت الاوضه جوه وقلعت حجابها ونامت بهدوء وبعد ما عرف أسر انها راحت في النوم قفل التلفزيون ونور الاوضه وراح نام جنبيها بهدوء…
وبصلها وهي نايمه وقال بأبتسامه واسعه
ما هو انتي مش هتمشيني علي مزاجك يا شهد، مش كفايه مخلياني ما افكرش غير فيكي اليومين دول..
_قال كلامه ومسك ايدها بهدوء وفضل مركز علي ملامحها البريئه جداً لحد ما نااام هو كمان…
ــــــــــ #بقلم_الكاتبه_رحاب_القاضي ــــــــ
_وتاني يوم الصبح في شقة سعيد صحي من نومه ومالقاش نسمه جنبه، اتنهد بضيق من اللي حصل بينهم غصب عنها وقام وطلع بره الاوضه لقاها قاعده قدام التلفويون وفي ايدها طبق سندوتشات كبير وقدامها كوباية شااي…
قعد جنبيها وقال
فيكي من امي علي فكره، كنت اصحي من النوم والاقيها قااعده كده بتتفرج علي التلفزيون ربنا يستر من اللي جاي..
ما ردتش عليه وتجاهلت وجوده خالص، وهو اتنهد بضيق وقال
انتي السبب في اللي حصل امبارح ده علي فكره..
ردت عليه بحده وقالت
لو مش عايزني اسيبلك البيت واطفش ما تتكلمش معايا..
سعيد
لا هتكلم معاكي وهنكمل حياتنا عادي، بلاش بقي الطريقه دي..
نسمه بسخريه
لا بجح وليك عين تتكلم بعد اللي عملته امبارح ده..
سعيد بحده
والله ما حد بجح ومش متربي غيرك، كنتي عايزاني اعمل ايه بعد اللي قولتيه لاختك، ده انتي تحمدي ربنا اني ما طلعتش علي ابوكي وقولتله علي اللي عملتيه كله..
نسمه بغيظ
انت مش عملت اللي في دماغك اسكت بقي وما تتكلمش معايا تاني.
سعيد
اتلمي يا نسمه علي الصبح وخلاص نقفل الصفحه بتاعت امبارح دي لاا نقفل اللي عدي كله ونبدأ من جديد..
نسمه بسخريه
طيب وامك اللي كل يوم بتطلع ترازي فيا دي؟..
سعيد
هخليها ما تطلعش عندك تاني، هتتعدلي بقي ولا ايه؟..
نسمه بضيق
طيب…
قرب منها وقال بخبث
طيب ايه؟..
نسمه رفعتله طبق السندوتشات وقالت
افطر يا سعيد عشان تنزل شغلك..
ابتسم بهدوء وقال
لا ما انا اجازه النهارده، ده الجواز ده حلو اوووي..
ــــــــــ #بقلم_الكاتبه_رحاب_القاضي ــــــــ
_وفي بيت الفيومي صحيت شهد واول ما فتحت عينيها لقيت اسر نايم جنبيها وبيبصلها وهو مبتسم، قلب وشها احمر وكانت لسه هتتكلم بس هو قال بسرعه..
أسر
اهدي.. اهدي كده ما فيش حاجه ده انا كنت نايم جنب مراتي بس صبااح الفل..
_قال كلامه وقام بسرعه من جنبيها ودخل الحمام، وهي فضلت باصه علي الباب ومش مستوعبه هي صاحيه ولا نايمه اصلا وقالت لنفسها بتوتر…
شهد
يا ابن المجنونه ياللي هتجنني معاك..
_وبعد شويه طلع أسر من الحمام وهو مش لابس التيشرت بتاعه وبينشف شعره بالمنشفه اللي واول ما شافته شهد غطت وشها باللحاف علي طول..، وابتسم هو بخبث وقرب منها وقعد جنبيها علي السرير وقال بخبث…
أسر
شهد الفون بتاعي مش لاقيه قومي كده اشوفه..
شهد بتوتر
لا لا مش عندي..
أسر
هو كان في ايدي وانا ناايم، قومي يا شهد بقي ما تهزريش هتأخر علي شغلي…
قامت شهد وهي متعصبه وباين اوي تليها خجلها وقالت
هسيبلك الاوضه اصلا انت بني ادم مش محترم..
ودخلت الحمام من غير ما تبصله وهو ضحك بقوه وقال
ههههههههههههه بتفصليني ضحك حرفيا، هو انتي عمرك ما روحتي مصيف يعني وشوفتي حد بحالتي دي يعني؟..
ردت عليه من جوه الحمام وقالت
لا عمري ما روحت مصيف وحتي لو روحت في حاجه اسمها غض البصر يا استاذ….
قام أسر وقف عند الباب وقالها
هو مش غض البصر ده للرجاله بس؟.
شهد
لا طبعا علي الكل، واي بني ادم هيتحاسب علي النظره الحرام لاي حاجه ربنا منعه عنها..
أسر بخبث
بس النظره ليا حلال ولا ايه يا شيخه شهد؟..
_ما ردتش عليه وهو عرف انها اتكسفت زي عادتها، وابتسم بهدوء وراح اوضة اللبس بتاعته وغير هدومه وطلعت شهد من الحمام في الوقت ده وهو قالها بخبث….
أسر
شهد هو انتي ما بتستحميش؟..
شهد
ايه السؤال ده؟..
أسر
اصل ولا مره شوفتك واخده شاور من لما اتجوزنا…
شهد بأحراج
انا اصلا كنت طالعه اخد هدومي وداخله اخد شاور عادي، ومالكش دعوه اصلا يا رخممم..
ضحك أسر وقالها
بهتم بيكي الحق عليا، المهم ما تتأخريش عشان نفطر مع بعض..
شهد
حاضر وعلي فكره هاله قالتلي هتاخدني معاها الجمعيه النهارده….
أسر
هتعملي ايه هناك؟..
شهد
مش عارفه هي قالت هتاخدني معاها وانا وافقت عشان ما اقعدش في البيت لوحدي لان تيام عنده تمرين في النادي ومش هيقعد معايا النهارده..
أسر
مااشي روحي معاها..
شهد
انا كده كده كنت هروح معاها انا بقولك بس..
أسر بغيظ
شكرا لذووق اهلك يا مدام شهد..
_بصتله بهدوء ونظره مش مفهومه بالنسباله وراحت اخدت هدوم ليها ودخلت الحمام تاني، وهو نزل تحت لقي هاله وتيااام قاعدين بيفطرو..
أسر
صباح الخير..
هاله
صباح النور، انت ايه اللي عملته في شغلك ده فؤاد متعصب منك جداً….
أسر بلا مبالاه
هصلح الدنيا النهارده امبارح قابلت مديرة اعمال مدير الشركه اللي داخلين معاها الصفقه وظبطت الدنيا..
هاله بغيظ
امممم وظبطتها ازاي بقي يا قلب اختك…
أسر ببرود
لما تكبري اقولك يا لولو..
هاله بحده
احترم نفسك يا زفت وما تنسااش اني اختك الكبيره قال لما تكبري قال..
أسر
سنتين هتزليني بيهم وكل اللي يعرفنا فاكر ان انا الكبير..
جه فؤاد في الوقت ده وقال
كويس ولقيتك صاحي والا كان هيبقي يومك اسود لو هتتأخر علي شغلك النهارده..
أسر
لا ازاي انا بحاول اظبط الدنيا اهو وابقي قد المسؤليه انت بقي ناوي ترجعلي حقي امتي،وانا بتكلم علي حقي لوحدي حق مراتك خليه ليك انت؟..
فؤاد بهدوء
لا يا أسر دي فلوسك انت واختك ووصية ابوك واضحه ان انت اللي تمسك حقك وحق اختك بس ده طبعا لما تثبتلي انك راجل بجد وهتبقي قد المسؤليه وقبل كل ده اتأكد انك بطلت حوار السباقات بتاعك ده، دي وصية ابوووك يا أسر انا ما جيبتش حاجه من عندي.
أسر
وده بقي هتتأكد منه امتي؟..
فؤاد
انت وشطارتك لما تبقي شاطر في شغلك واتأكد انك هتعرف تحافظ عليه مش تضيع تعب ابوك في الهوا، وبعدين انت ناقصك ايه دلوقتي ما انا قايل للكل انك المدير..
أسر بحده
بس مش عارف اتحكم في فلوسي عشان اخد اي مبلغ لازم اجي اخد منك الاذن..
فؤاد
والله ده قرار ابوك مش قراري، وبعدين ما انت في الاخر بتاخد اللي عايزه..
أسر بجمود
طيب عايز 30 مليون دولار..
بصتله هاله بصدمه وفؤاد قال ببرود.
عايزه في ايه؟..
أسر
وانت مالك هي مش فلوسي..
هاله
بس مبلغ زي ده مش قليل يا أسر، وانت فعلا عايزه في ايه العربيه اللي انت اختارتها فؤاد جبهالك والموتسيكل كمان حسابك في البنك فيه كل مصاريفك بزياده..
فؤاد بهدوء
نفترض اني اديتك الفلوس دي وحصلت اذمه في الشركه بتاعتك انت واختك هتعمل ايه؟..
أسر
ممكن نجيب قرض وقتها ده لو حصلت الازمه اصلا..
فؤاد
يبقي عليه العوض ومنه العوض، وطول ما انت بتفكر بالطريقه دي مش هثق فيك يا أسر..
جات شهد في الوقت ده وقعدت جنب اسر وقالت
صباح الخير..
ردت عليها هاله وبصلها فؤاد بأبتسامه واسعه وقال
صباح النور يا شهد بكره اول يوم ليكي في المعهد صح، علي فكره فرصه كويسه جدا هو يعادل بالظبط الشهاده الجامعيه..
شهد
ان شاء الله خير..
هاله
انا هاخدها معايا الجمعيه النهارده وهعملها العضويه كمان في النادي وفي الجمعيه..
فؤاد بص لـ أسر وقال بسخريه
نصيحه ليك ما تخليهاش تروح دول الشعار بتاعهم الجواز سجن المرأه يا عم..
هاله
ده موضوع للنقاش مش شعار يا فؤاد، وبعدين انا هاخد شهد يعني هاخدها هي محتاجه تشوف ناس وتتعامل مع الناس عشان تاخد خبره في حياتها وتستفاد من التجارب اللي نتشوفها في الجمعيه..
فؤاد بخبث
أسر انت عايز تقنعني انك هتبقي أد المسؤليه بجد؟..
بصله أسر بأهتمام وكلهم كمان هو ابتسم بهدوء وقال
تبقي أب تجيبلنا بيبي كده نفرح بيه هو ده اللي هيخليك تتحمل المسؤليه غصب عنك..
_كتمت هاله ضحكتها وعملت نفسها بتأكل تياام وشهد اتوترت جدا ووشها قلب احمر، وأسر لاول مره يتوتر قدام فؤاد ورد عليه وقال…
أسر
بيبي؟! يا عمم لسه بدري وشهد لسه صغيره، انت لما اتجوزت هاله هي خلفت بعد سنتين تلاته من الجواز يعني وكانت اكبر من شهد كمان..
فؤاد ببرود
براحتك انا قولتلك اللي عندي، انا نفسي ما اتحملتش المسؤليه بجد واهتميت بشغلي وبقيت بفكر في المستقبل غير لما خلفت تياام..
أسر بهدوء
والله فكره حلوه انا كده كده دخلت في ال30 سنه هستني لحد. امتي عشان اخلف..
وبص لشهد بجمود وقال
ولا ايه يا حبيبتي؟..
شهد بضيق
امم ان شاء الله انا نسيت موبيلي فوق هروح اجيبه..
هاله بحزن علي حالتها
استني طيب افطري الاول..
شهد
لا ماليش نفس..
_سابتهم. شهد وطلعت فوق والكل كان ملاحظ انها ادايقت من كلام فؤاد اللي قام بعد شويه وقال..
فؤاد
انا رايح الشغل يا حبيبتي لو احتاجتي حاجه كلميني..
هاله
اوكي وخلي بالك من نفسك..
بص فؤاد لـ أسر وقال
مش هتقعد ساعه تفطر يلا وتعالي ورايا…
مشي فؤاد وأسر قال لهاله
جوزك ده مستفز اوووي…
هاله بقلق
انت ناوي علي ايه يا أسر، لو هتضحك علي فؤاد مش هتضحك علي شهد..
أسر بهدوء
مش جوزك اللي قال وبعدين انتي مالك ده موضوع بيني وبين شهد..
هاله بحده
انت هتكدب وتصدق انها مراتك بجد، البنت حصلها كتير في حياتها مش هتكمل عليها يعني وتشيلها هم فوق همها..
أسر
انا حليتلها كل حاجه في حياتها وخليت علاقتها بأهلها كويسه، ومتفق معاها انها تسمع كلامي في اي حاجه اطلبها منها، انتي خايفه بقي عليها ومش عايزاني اخلف منها واطلقها خلي جوزك يديني الفلوس اللي عايزها.
هاله بعصبيه
تصدق انك مش متربي وكل ما اقول انك هتتغير بتثبتلي انك هتفضل طول عمرك عيل وزباله..
قام أسر ورد عليها بعصبيه وقال
الفضل يرجع ليكي ولابوكي، افتكري كويس هو عمل فيا ايه زمان ومين اللي وصلني للسباقات والحاجات اللي مش عجباكم دلوقتي دي..
_قال كلامه وسابها ومشي وقعدت هاله مدايقه، وبعدين نزلت شهد من فوق وقالتلها بقلق…
شهد
اللي اخوكي بيقول عليه ده انا مش هعمله، واللي يحصل يحصل..
هاله بهدوء
هو تلاقيه قال كده قدام فؤاد، ما تقلقيش أسر مش وحش اووي كده وانا هكلمه ما تخافيش..
شهد اتنهدت بضيق وقالت
ماشي هنروح النادي ده ولا اروح انام انا عايزه انام خليها بعدين..
هاله
استني يا بت انتي هو أسر لحق يعلمك الكسل، استني هروح اخلي تالا تيجي مع تيام التمرين وهنروح احنا الجمعيه الاول وبعدين نروح النادي..
ــــــــــ #بقلم_الكاتبه_رحاب_القاضي ــــــــ
_وفي شقة محمد طلع من اوضته وبص لمراته بعصبيه وهي قاااعده مع بنتها الصغيره علي الارض بتلعب معاها…
محمد بحده
ما صحتنيش ليه عشان اروح الشغل كل ده سيباني نااايم.، والفطار فين يا بت انتي؟..
ما ردتش عليه نعمه وقالت لبنتها
يا بنتي عيب كده ما تكسريش لعبك..
محمد بنفاذ صبر
اقسم بالله لو ما اتعدلتي يا نعمه ورديتي عليا لاخليكي تروحي لبيت ابوكي واجيبها مكانك اللي انتي متغاظه منها من غير سبب دي..
نعمه بغيظ
ايوه اتلكك اتلكك يا اخويا، وبعدين هي مين دي اللي اتغاظ منها بس اقول ده طبع البني ادم تبقي في ايده جوهره وبرضو عينه تروح للفلصو..
محمد
جوهره ايه ده انتي حته ما حصلتيش حتت نحاس فين الفطار يا وليه؟..
نعمه بحده
ما عملتش فطار يا محمد تعباانه، جهز لنفسك انا مش هفضل اخدم واقول حاضر ونعم وفي الاخر اتخاان..
محمد بغيظ
وانتي وامثالك الخياانه حلال فيكي، ومش طافح يا حنان.. اقصد يا نعمه..
نعمه بعصبيه وقفت وقالت
شوفت اهو بتغلط في اسمي كمان وتقول اسمها..
محمد بخوف
والله العظيم ما اقصد انتي اللي كلتي دماغي بيها..
نعمه بدموع راحت شالت بنتها وقالت
وحياة عيالي ما قعدالك فيها يا محمد وهقول لابويا علي كل حاجه..
_ودخلت اوضتها وفي الوقت ده الباب خبط، ولما فتح دخلت امه بسرعه وهي مبسوطه اووي وقالت..
ام محمد
خير اللهم اجعله خير سامعه ان في حد بيتهزأ هنا..
محمد وهو بيقلد طريقتها
خير اللهم اجعله خير انتي مالك يا اما هو كان حد دخلك بتتحشري وسطينا ليه..
_طلعت في الوقت ده نعمه من اوضتها زهي ماسكه شنطه كبيره وشايله بنتها وقالت بصوت عالي وعصبيه…
نعمه
واد يا احمد هات كريم اخوك من جوه وتعلو يلااا رايحين عند بيت جدكم..
محمد بحده
انتي كمان مجهزه الشنطه ده انتي ناوياها بقي يا نعمه..
ام محمد
جدعه يا بت اهو انتي كده عندك كرامه..
محمد بغيظ
اسكتي يا اما عشان علي اخري منك ما كل ده بسببك..
وبص لمراته وقال بغضب
وانتي يا بت ورحمة ابويا لو روحتي لبيت ابوكي لا هاجي ولا هغبرك وهخليكي هناك لحد ما تخللي..
ام محمد بخبث
هي الكسباانه دي ترفع عليك قضية خلع وتكسبها وتمرمطك في المحاكم بالنفقه لتلات عيال ده انت اللي محتاجلها مش هي اللي محتجالك، وبعد كل اللي عملااه نعمه ده تروج تبص لحتت عيله ليه قصرت معاك في ايه مراتك..
محمد بغيظ
خلصتي يا قدري الاسود ولعتيها وارتاحتي انزلي شقتك بقي ودورك جاي صبرك عليا والله لاجلطك يا اماا..
ام محمد
هو انت فالح غير في كده، بت يا نعمه خلي عندك كرامه وامشي بدل ما بيقل منك كده في الرايحه والجايه ولازم تبقاله وقفه والا هتلاقيه داخل عليكي بالتانيه..
فتح محمد الباب وقال
روحي بيت ابوكي يا نعمه ده انا صدقت امي انتي مش هتصدقيها..
نعمه بدموع
رايحه يا محمد ويمين بالله لاطلق منك واتجوز المره دي راجل بجد يربيلي عيالي وانت اشبع بحنان..
بصلها بحده وقال
طيب اطلعي يا نعمه وما اسمعش صوت اهلك تاني، والا هطلعك من هنا متكسحه..
احمد ابنه بملل
خلصونا بقي هنمشي ولا هنقعد..
نعمه ببكاء
يلا يا عيال ده ما بقاش بيتنا خلاص…
_ونزلت نعمه وراح وراها كريم ابنها الصغير ومحمد مسك ابنه احمد وقاله بنبره حزينه..
محمد
خلي بالك من امك واخواتك يااه لحد ما اجي اخدكم وما تاخدش فلوس من جدك هناك اللي تعوزه تجيلي الورشه تاخده فاهم..
احمد
حاضر يا بابا….
طلع احمد وام محمد قالتله
مع السلامه يا واد ما تجوش تاني بقي خلوني ارتاح من صداعكم وقول لجدتك ناديه امي بتقولك ربنا ياخدك..
محمد بصلها بغضب وقال
ارتاحتي كده يا ام محمد..
بصتله بشماته وقالت
اااه لو عايزني ادورلك علي عروسه جديده قول اهو ابقي راضيه عليها بدل ما تجيب واحده تانيه واطفشهالك..
محمد بغيظ
لا متشكرين عشان اكيد هتجبيها شبهك وبزياده عقارب يا اما…
ام محمد بغيظ
جاتك عقربه اما تلهفك….
محمد بحده
طيب اطلعي بره..
ام محمد
لا سيبني قااعده هنا وانت روح شوف شغلك…
محمد بخبث
لما تبقي صاحبة البيت موجوده هبقي اسيبك قاعده فيها معاها، انما طول ما نعمه مش موجوده ما حدش هيدخل مطرحها يا اما يلا بينا..
ام محمد بغيظ
والنبي سحرالك بنت ناديه انا عارفه…
ــــــــــ #بقلم_الكاتبه_رحاب_القاضي ــــــــ
_وفي النادي كانت شهد قااعده هي ورحمه اللي جاتلها وقالت رحمه وهي بتبص للمكان بأنبهاار..
رحمه
ما تشوفيلي عريس من صحااب جوزك يا شهد انا مش عايزه امشي من هنا، شامه كده الهوا اللي هنا ده احنا بنتنفس تراب بره..
ضحكت شهد بهدوء وقالت
طيب اسكتي عشان هاله جايه الله يفضحك..
جات هاله وقعدت معاهم وقالت بهدوء
ها يا بنات ايه رئيكم في المكان..
ردت عليها رحمه بهدوء وقالت
يعني مش بطال، هو الاشترااك هنا بكاام..
هاله
ب25 الف في السنه لو عايزه تاخدي العضويه هساعدك هنا ليا معارف كتير.
رحمه بسخريه
ليييه يعني 25 الف جنيه عشان اجي اقعد هنا اكل واشرب وادفع فلوس تاني ايه العبط ده..
هاله كتمت ضحكتها وقالت
لا انتي فاهمه غلط الاشترااك هنا ب25الف دولار مش جنيه..
رحمه تنحت وقالت
يعني مليون وربع ادفع فوق المليون جينيه عشان القعده دي، ده انا لو روحت وقولت لابويا هيطلق امي فيها..
ضحكت هاله هي وشهد علي كلامها وقالت رحمه
والله انتو لو فلوسكم حراام مش هتعملو فيها كده، علي العموم انا مااشيه قوليلي بقي العصير اللي طلبته ده بيتحاسب عليه بالدولار ولا بالمصري.
هاله
لا لا انا حاسبت عليه، بس انتي رايحه فين خليكي قااعده…
شهد
ايوه خليكي يا رحمه انا لسه ما قعدتش معاكي..
رحمه
هبقي اجيلك بس انا لازم امشي عشان الحق اشتري الحاجات بتاعت الجامعه وكده عشان بكره اول يوم..
شهد
طيب خلي بالك من نفسك وسلميلي علي امك اووي..
رحمه
عينيا حاضر هسلملك عليها يلا باي باي..
_مشيت رحمه وشهد كانت قااعده مدايقه وهاله بصتلها بحزن وقالت..
هاله
قولي لا يا شهد ما تخليش حد يغصبك علي حاجه انتي مش عايزاها، انتي ما هربتيش من اهلك عشان تقعي في سجن تحكمات أسر فيكي..
شهد بدموع
هو انا يعني عرفت اهرب من اهلي انتي ما شوفتيش هما عملو فيا ايه هناك ولا كانو ناوين يعملو ايه، لو جينا للحج هو أسر فعلا انقذني منهم وانا وعدته اني هسمع كلامه في كل حاجه، بس اللي طلبه فؤاد ده مستحيل يحصل اصلا..
هاله مسكت ايدها وقالت
يبقي مستحيل يحصل ما تخافيش وانا هتكلم معاه تاني، وهو يعني اكيد مش هيدبس نفسه في خلفه وهو الله واعلم عايز يعمل ايه بالفلوس اللي عايزها دي..
وسكتت شويه هاله وقالت بخبث
شهد ما تحاولي تعرفي أسر بيخطط لايه وقتها لو قولنا لفؤاد ممكن يساعده او يمنعه من اي حاجه غلط ممكن يعملها..
شهد
وانا اعملها ازاي دي، انا ما اعرفش حاجه عن اخوكي غير اللي انتي قولتهالي عليه، وانه رخم وغلس وقليل الادب..
ضحكت هاله وقالت
عادي يا شهد خليه يفتحلك قلبه اتكلمي معاه واسحبي منه الكلام..
شهد
اطمني مش هعرف ريحي نفسك بقي..
هاله بضيق
اوووف اقول عليك ايه يا اسر نفسي ارتاح لو ليوم من همومك دي..
ــــــــــ #بقلم_الكاتبه_رحاب_القاضي ــــــــ
_في شقة سعيد ونسمه كانت قاعده جنبيه بالليل وهما بيتعشو وبتكلم مامتها في الفون وقالتلها..
نسمه
يعني ايه السبب برضو هي من امتي نعمه بتزعل من محمد وبتسيب البيت يا ماما، لتكون حماتي عملتلها حاجه..
بصلها سعيد بقلق وناديه ردت عليها وقالت
لا يا بت بتقول مش حماتها بتقول زعلانه مع جوزها، ومش راضيه تتكلم مستنيه ابوكي يرجع من الشغل وهو اتأخر هو كمان ما اعرفش ليه..
نسمه
لا حول ولا قوة الا بالله طيب لما تهدي كده وتعرفي اللي حصل منها خليها تكلمني وانا هجيلها بكره..
ناديه
اوعي يا بت انتي اشوف وشك اليومين دول، فال وحش تسيبي بيتك وتيجي عندنا وانتي لسه عروسه..
نسمه بغيظ
مليون مره اقولك يا ماما حرام تقولي كده،ما فيش حاجه اسمها فال حلو وفال وحش، المهم ابقي خليها تكلمني طيب..
ناديه
طيب ويلا روحي شوفي جوزك ما تخليهوش قاعد لوحده..
قفلت معاها ناديه وسعيد قالها
مالها نعمه في ايه؟..
نسمه
متخانقه مع محمد بس ما قالتش السبب..
سعيد
امم ربنا يستر..
نسمه
هو في ايه؟..
سعيد
ما فيش بقول ربنا يستر عادي، المهم ايه اللي انتي عملاه ده؟..
نسمه
العشا..
سعيد
بزمة امك في عريس يتشعي اندومي وبيض؟..
نسمه بتوتر
اللي بعرف اعمله يا سعيد انا لسه هتعلم اطبخ..
سعيد بغيظ
طيب والاكل اللي امك بعتته الصبح فين؟..
نسمه بتوتر
ما انا نسيت احطه في التلاجه فبااظ..
سعيد بنفاذ صبر
وانا مش بحب الاكل ده يا نسمه…
نسمه بابتسامه بريئه
خلاص اطلبلنا اكل من بره..
سعيد ابتسم بهدوء وقال
شوفتي بتتحولي ازاي لما تبقي عايزه حاجه،بتبقي زي القمر..
نسمه بهدوء
انا علي طول كده، انت بس اللي بتستفزني..
سعيد
يا شيخه حرام عليكي ده احنا من لما اتجوزنا لا ده من لما اتخطبنا وانا بتحايل وحنين والبعيده زي البهيمه..
نسمه
طيب من غير غلط انا ناويه احترمك ومش عايزه اغلط فيك تاني..
ضحك بهدوء ومسك موبيله وقال
عايزه تاكلي ايه؟.
نسمه
حواوشي وكبده انا عايزه اربعه واربعه..
سعيد بصلها بصدمه وقال
هتاكلي لوحدك كل ده؟..
نسمه
الله واكبر انت هتعد عليا اللقمه ولا ايه؟..
سعيد
لا وانا اقدر بالهنا والشفا.
_وطلب سعيد الاكل وبعدين سااب الفون وقرب منها بهدوء وقال بخبث..
سعيد
طيب ايه هنفضل مستنين الاكل كده واحنا ساكتين؟..
نسمه بتوتر.
ااا اه وو تيجي نجيب فيلم نتفرج عليه؟..
سعيد بخبث
ما بحبش الافلام..
نسمه بعدت عنه شويه وقالت
طيب مسلسل كرتون اي حاجه في ليلتك دي..
سعيد بسخريه
ااه وتروحي تقولي لاختك بيفرجني علي كرتون..
ضحكت نسمه بهدوء وقالت
هههههه هتقضل تزلني بيها كتير يعني ما خلاااص..
سعيد غمزلها
انتي وشطارتك بقي خليني انسي..
قبل ما ترد عليه خبطت امه علي الباب وقالت
سعيد واد يا سعيد افتح عايزاااك..
اتنهدت نسمه بضيق وقالت
روح شوف امك يا سعيد عايزه ايه دي المره ال15 اللي تيجي تخبط علينا..
سعيد بضيق
معلش هشوفها وجاااي..
قام سعيد وفتح الباب وقال
نعم يا اما في ايه؟..
ام محمد
مالك يا واد بتقولها من تحت ضرسك كده ليه، كنت عايزه فلوس.
سعيد
فلوس ليه تاني ما انا مديلك الصبح..
ام محمد
انت هتحاسبني يا واد من امتي الكلام ده، انا اقولك الكلمه مره واحده فاهم ولا لا..
بص سعيد لنسمه بأحراج من طريقة امه في التعامل معاه وقال
حاضر يا اما عايزه كاام..
ام محمد
هات 500 جينيه وبتبص عليها ليه هتاخد منها الاذن ولا ايه؟..
طلع سعيد الفلوس واداها لامه وقال
اتفضلي يا اما الفلوس اهي حاجه تانيه..
ام محمد
ايوه من بكره تنزل تشوف اكل عيشك القعده جنب البت دي مش هتاكلك عيش انا هاجي اصحيك الصبح، وبعدين قااعد جنبيها علي ايه اومال لو كانت عروسه بجد وصغيره..
_بصتله نسمه عشتن يدافع عنها بس هو وقف ساكت وام محمد بصتبها بشماته وقالت…
ام محمد
ده ابني يا بت ناديه ده مالوش غيري وسيباااه عندك بمزاجي عشان لسه عريس وخليه يفرحله يومين بيكي وبعد كده هوريكي مقامك..
_قالت كلامها ومشيت وسعيد قفل الباب وقال لنسمه اللي عيونها اتملت دموع وبصتله بنظرة خزلان..
سعيد
انتي بتبصيلي كده ليه انا مش هينفع اتخااانق معاها دي امي..
نسمه بسخريه
المشكله اني كل مره بكون متعشمه انك تردلي كرامتي مع امك ومش بقولك اتخانق معاها بس خليلي قيمه معاها بس هتعملها ازاي اذا كانت هي بتعاملك وكأنك عيل صغير قدامها..
سعيد بحده
احترمي نفسك يا نسمه احسنلك..
نسمه بدموع
اهو ده اللي انت فالح فيه تتشطر عليا انا، تصبح علي خير يا سعيد انا داخله انام في الاوضه التانيه واياااك تقرب مني ولا تكلمني نص كلمه النهارده وابقي اتعشي لوحدك نفسي اتسدت..
_قالت كلامها وسابته ودخلت الاوضه التانيه وفضلت تعيط، وهو اتصل بالمطعم ولغي الاوردر اللي طلبه وقعد في الصاله قدام التلفزيون وهو مداايق جدا من تصرفات امه وكلام نسمه كمان دايقه اكتر..
ــــــــــ #بقلم_الكاتبه_رحاب_القاضي ــــــــ
_وفي الوقت ده في بيت الفيومي رجع أسر من بره في وقت متأخر وكانت هاله قاعده مستنياه ولما شافته قالت..
هاله
رجعت تسهر تاني يعني؟..
أسر
هو مين قالك اني بطلت اصلا، ده منظر قدام جوزك انما انا زي ما انا..
هاله بقلق
ما تأذيش شهد يا أسر حرام عليك ما تبقاش انت والدنيا عليها..
أسر ببرود
هو انا عشان عايز اخلف وابقي اب يبقي بأذيها…
هاله
انت فاهم كويس انا اقصد ايه، وبعدين الكلام كان هيفرحني لو انت فعلا عايز تخلف عشان تبقي اب وعشان هتكمل مع شهد بااقي حياتك انما انت الله واعلم ايه اللي مخبيه وايه اللي ناوي تعمله، موت نتالي واحمد وصاحبك اللي عملكم الحادثه ده انا عارفه ان الموضوع ده ما اتقفلش بالنسبالك..
أسر بجمود
ولا هيتقفل وحاجه ما تخصكيش ولاخر مره بقولك مالكيش دعوه باللي بيني وبين شهد..
هاله بحده
هقول لفؤاد علي كل حاجه وهبوظلك اللعبه دي كلها..
أسر
تبقي انتي كده. اللي بتأذي شهد مش انا، روحي نامي يا هاله ومالكيش دعوه بيا وبمراتي…
_قال كلامه وسابها وطلع فوق واول ما دخل اوضته لقي شهد نايمه علي الكنبه قدام التلفويون وبصاله بهدوء وكعادتها بتتفرج علي فيلم ابيض واسود…
أسر
مش المفروض عندك دراسه الصبح وهتنامي بدري، ولا انتي مستنياني؟..
_قال كلامه وقعد جنبيها وهي نايمه فقعدت بسرعه وردت عليه وقالت بتوتر…
شهد
هيخلص الفيلم وانام، ومتوتره شويه عشان اول يوم ليا في المعهد وكده..
أسر بهدوء
لا ما تقلقيش الدنيا هناك كويسه، اتعشيتي؟..
شهد
ايوه اتعشيت من بدري مع هاله وفؤاد وتيام..
أسر بجمود
سمعتي كلام فؤاد الصبح مش كده؟..
اتنهدت بضيق وقالت
اااه سمعته…
أسر بجديه
تمام اظن بقي انتي فاهمه اللي المفروض يحصل بينا دلوقتي..
بان علي ملامحها الخوف وبعدت عنه اكتر وقالت
لا ما فيش حاجه مفروض تحصل، ده ما كانش اتفقنا من الاول..
أسر بحده
لا بقي احنا اتفقنا اني هنقذك من اهلك وفي المقابل انتي هتنفذي اي حاجه اطلبها منك..
شهد بدموع
بس مش لدرجة اني اخلف منك يعني واتربط بيك لاخر عمري..
بصلها بجمود وقال
ودي حاجه تدايقك في ايه؟….
شهد بتوتر وقلق
انا مش موافقه وخلاص، قوله اني مش جاهزه دلوقتي ابقي ام اي حاجه وهو مش هيسألك تاني اصلا..
أسر بجديه
بس مستني مدام اتكلم في الموضوع ده يبقي هو فعلا قاصد اني التزم بحاجه بجد ومعاه حق اي حد بيشيل مسؤليه فعلا لما تبقي معاه اطفال…
ردت عليه شهد بنفاذ صبر وقالت
وانا ذنبي ايه في الموضوع ده كله..
أسر بهدوء
انا متورط مع ناس خطيره يا شهد ما ينفعش العب معاها، دخلت معاهم في السكه بتاعتهم دي عشان ليا حق عند واحد ما حدش هعرف اجيبه غير بمساعدة الناس دي، كااارم اللي انتي شوفتيه قبل كده هو اللي بيساعدني ومقابل مساعدته دي عايز مبلغ كبير جدا يمكن يعمل ازمه في شركة الفيومي كلها بس انا لازم اخد المبلغ ده، الموضوع بتاعي هيخلص بعد شهرين بالكتير بس الفلوس لازم تدفع في اقل من سنه وقتها هيكون عندنا طفل وهكون اقنعت فؤاد بأني اخد ورثي واعمل فيه اللي عايزه..
شهد بفضول
مين الحد ده اللي انت مستنيه وعايز منه ايه؟..
أسر بنبره حزينه
كان صاحبي بس حصل بينا خلاف كبير وحصلتله حادثه بسببي وخسر سبااق مهم وعشان ينتقم مني ردلي نفس الحادثه وخسرت فيها احمد اعز صاحب ليا في حياتي كلها ونتالي البنت الوحيده اللي حبيتها كانو احلي حاجه في الدنيا، كانو ليا العيله والاهل هما الاتنين وبسبب الحادثه دي فضلت سنتين اتعالج عشان ارجع لطبيعتي..
شهد بقلق
انت يعني عايز منه ايه وهتنتقم منه لصحابك دول ازاي؟..
أسر بجمود
حاجه تخصني مالكيش دعوه بيها، انا كده كده دخلت معاهم في السكه دي ومش هينفع ارجع منها، وانتي بقيتي عارفه كل حاجه اهو، فياريت ما تتعبنيش معاكي يا شهد وخلي العلاقه بينا تكون كويسه بدل ما ترجع زي الاول واوحش كمان..
قامت شهد من قدامه وقالت بضيق
لا يعني لا انا مش موافقه..
بصلها أسر بعصبيه وقال
براحتك انا مش باخد رئيك اصلا، وانا مش باخد حاجه ببلاش انا دافع تمن كل اللي بطلبه ده وبزياده واخرها قدامك لابوكي..
بصتله بدموع وحزن وهو قال بنفس نبرته
ايوه راجعي نفسك كويس وافتكري اللي انا عملته عشااانك وقولتلك مش ببلاش، هسيبك النهارده يا شهد تهدي وتستوعبي اللي هيحصل بينا بعد كده واللي مش هتنازل عنه..
سابها ومشي من قدامها بس وقف قبل ما يروح ينام وقالها
اللي قولتهولك عن كارم ده والموضوع كله احسنلك هاله ما تعرفش حاجه عنه، وبكره هبقي اوصلك المعهد بتاعك بس نامي بدري..
_وسابها وراح غير هدومه ونااام، وهي بره فضلت قااعده علي الكنبه صاحيه وبتعيط من اهانته ليها وخوفها من اللي بيطلبه منها….
_فتفتكرو بقي هيحصل ايه؟..
ــــــــــــــــــــــــــــــــــــــــــــــــــــــــــــــــ
#الكاتبه_رحاب_القاضي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية النصيب)
